¿Qué es el sitio web?

https://www.facebook.com/134195193120236/

Al-Baraka24 Tv البركة

Casa
España
Vitoria-Gasteiz
Al-Baraka24 Tv البركة

Nala joog oo Nala faafi🤝✅💯

31/08/2024

Ku ducayso ducooyinkan oo sii faafi fadlan🤲🤲❤️

31/08/2024

Isbuucan beri bilaabanaya waxaad tijaabisaa inaad sameyso Dopamine detox, oo ah inaad jirkaaga ka nadiifiso hormone-ka dopamine.

Dopamine waa dheecaan maskaxdeena usoo dayso abaalmarin ahaan marka qofku wax uu jecelyahay sameeyo sida: inaad cunto macaan cunto, ama filin daawato, ama sigaar cabto ama muuqaalada xunxun daawato IWM.

Marka dopamine-taadu badato, tusaale marka aad maalin kasta tiktok ku jirto uun maskaxdaadu waxay yeelanaysaa inay la qabsato oo ay kaa doonto inaad wixii sii badiso ama ay waxaasi balwad kuu noqdaan, kadibna waxyaabaha wanaagsan sida buug aqrintu kugu adkaato.

hadaba isbuucaan waxaad samaysaa inaad ka soonto dopamine intaan sameey. (WIXII ADIGA KUGU BADAN ISKA JOOJI)

1. Social media 90% yareey ama jooji.
2. tiktok, youtube iyo instagram iska saar.
3. heeso ha dhagaysan.
4. cuntada caafimaadka u daran ha cunin.
5. sigaar hadii aad cabto iska jooji.
6. iwm

intaas badalkeeda waxaad sameysaa.

1. markaad social media u xiisto buug yar soo qaado oo yara aqri intaad ka caajisayso.
2. laws soo iibso marka gaajo yar dareento afka gasho.
3. hadii aad youtube u xiisto muxaadaro shido.
4. dadka la sheekeyso marka caajisto
5. soo lugeey oo iska socsoco.
6. intaad meel fadhiisato kaligaa iska fikir.
7. INTAAD shaah ama kafee cabi lahayd biyo caagad kusii qaado oo iska cab

Marka dopamine detox sameyso adiga dhan wada caajis ayaad noqon doontaa, laakiin hadii aad sidaas ku wado mudo ilaa 30 maalmood ah maskaxdaada waxyaabaha qaar raaxo k**a raadinayso, oo waxad is arkaysaa adigoo buug aqrinta ku raaxaysanaya halka aad tiktok ku raaxaysan jirtay.

26/08/2024

Nolasha u sabir|| Sheekh Mustafa

23/08/2024

Badiya salligayga maalinta iyo habeenka jimcaha. Qofka halmar igu salliya, tobanjeer ayuu Alle SWT, ku salliyaa-u dembi dhaafaa.

-Nebi Maxamed NNKH

21/08/2024

Farriin culus!.

Rabbi waxa uu ku tilmaamay Qur’aanku inuu yahay War wayn iyo farriin culus, farriintaasi waxa ay ku socotaa qof kasta oo innaga mid ah, aayad kasta iyo suurad kastaana adiga ayay toos kuula hadlaysaa, inaad fahantana adigaa lagaa rabaa.

Haddaba Imaamyada salaadaha inna tujiya qaarkood Quraan ka way innoo akhriyaan oo waynu dhegaysannaa, qaarkooda Quraanka ayay ka hadashiiyaan oo sida sayloonka ayay innagu qulaamiyaan, bal hadda Imaamkan ila eeg👇

Imaamkayagu Ilaahay wanaag dhammaantii ha siiyee bahdaa danbe ayuu ka mid yahay, Quraan daray ah oo qaab farriimo ah u dhigan ama dhacdooyin isugu xidhan ayuu inta badan nagu tujiyaa, tusaale ahaan habeen dhawayd labadii rakcadood ee Cishaha midba hal Aayad ayuu ku tukaday. Inuu u qasdiyay oo Farriin culus noo dhiibayay ayaan u fahmay. Rakcaddii h**e wuxuu Akhriyay
أفلا يتدبرون القرآن ولو كان من عند غير الله لوجدوا فيه اختلافًا كثيرًا
Rakcaddii danbana waxa uu akhriyay
‎أَفَلا يَتَدَبَّرُونَ الْقُرْآنَ أَمْ عَلى قُلُوبٍ أَقْفالُها

Ma fahantay ujeedka labadaas aayadood ka dhaxeeya?

Caawa waxa aan ku xasuustay salaaddii maqrib ayuu rakcaddii danbe Ilaahay ha barakeeyee wuxuu noo dhiibay farriin wayn oo sheegaysa in Rejo iyo baqdin dhexdood lagu noolaado, waxa uu akhriyay;

"نبئ عبادي أني أنا الغفور الرحيم وأن عذابي هو العذاب الأليم"

Sh. Anas oo Masjidka Rashiid imaam ka ah Ilaahay ha barakeeyo, idinkana imaamkaas oo kale Ilaahay ha idiinku deeqo🤲
Cid sidaas ah haddaad taqaan ama aayad kolka aad maqasho farriin ahaan aad u qaadato ila wadaag❤️

20/08/2024

Waxaan rabaa inaan maanta idiin faa'iideyo salaad dhammaanten laynagu tukan doono oo dadkeena badi aysan aqoon waxa la akhriyo xiliga lagu gudajiro xitaa dad badan oo aqoonyahan ah,

Salaadda Janaasada sida loo tukadaa?

Waxaa laga yaaba qaar inaga mid ahi inaynaa aqoon waxaa la akhriyo marka la tukanayo salaad ah, hadaba wax yar igala akhriso halkaan:

Ugu h**eyn sida caadiga waa inaad soo buuxisa shuruudihi ay salaadu ku ansaxeysay.

1:- Takbiirta ugu h**eysa waxaa la akhriyaa Suuratul Faatixa.

2:- Takbiirta labaad: Saliga Ibraahimiga oo ah:

"ALLAHUMA SALLI CALAA MUXAMMADDII WACALAA AALI MUXAMADDI KAMAA SALEYTA CALAA IBRAAHIIMA WACALAA AALI IBRAAHIM, WABAARIK CALAA MUXAMMADI WACALAA AALI MUXAMADDI KAMAA BAARAKTA CALAA IBRAAHIMA WACALAA AALI IBRAAHIMA FIL CAALAMINA INNAKA XAMIIDDU MAJIID".

3:-Takbiirta Saddexaad:- Qofka Meydka ah ayaad u duceyn, ducooyinka soo aroorey waxaa kamid ah ducadaan

" ALLAHUMA AGFIR LAHU WARXAMHU ,WACAAFIHI WACFU CANHU ,WANAQIHII MINA ALKHADHAAYA KAMAA YUNAQAA ATHOWBUL ABYADU MINA DANASI ,WA ABDILHU DAARAN KHEYRAN' MIN DAARIHII ,WA AHLA KHEYRAN MIN AHLIHII WA ZAWJAA KHEYRAN MIN ZAWJATIHI ,WADKHILHUL JANNAT WA ACIDHU MIN CADAABUL QABRI WAMIM CADAABI ALNAAR"

4:Takbiirta Afaradna: waxaad dhahaysaa

" ALLAHUM LAA TAXRIMNAA AJRAHU WALAA TAFTINAA BACDAHU".

Meydka Iyo dhamaan Muslimintaba waad u duceyn kadibna dhinaca Midig baad u Salaam noqsaneysaa

Cilmiga Diiniga inuu qof waliba faafiya waa arin uu Nebigenna NNKH nagala dardaarmey.
__________🤲

20/08/2024

Qofku marku dhib ku gaysto….||Sheekh Mustafe❤️💯

20/08/2024

Sixirkii Qarsoonaa. (1XBET) Waxa Qoray @ ✍️ Cabdi Caawiye

Waxaan ku waayey
Waxaan ku waayey
Waxaan ku waayey farxadii gurigayga
Waxaan ku waayey
Waxaan ku waayey asxaabtaydii qeyb ka mida.

Waxaan ka hadlayaa waa application ama waxa loo yaqaano 1XBET oo ah aalad la ciyaaro oo lacag lagu shubo oo laga helo ama laga waayo.
Noloshayda oo isku toosan oo wax walbaaba sidii ugu fiicnayd ay u yaalaan ayaa maalin aanu kulanay nin aanu sxb nahay , intii aan la joogay ayuu i yidhi "lacag maku siiyaa "?
Dabcan waxaan idhi "haa lkn halkee ayaad ka keentay lacagtan "?.
Wuxuu igu yidhi waxa laga helaa application kan 1xbet.
Wuu I fahansiiyey sida loo ciyarayo iyo sida lacagta loogu shubaayo iyo sida looga saraayo.
Waan bilaabay waxayna ahayd markii ugu h**eysay ee cidhiidhiga noloshayda.
Wax aan waddaba waxaan is arkay anigoo aan lahayn hammi kale iyo fikir kale ilaa inaan lacag helo oo aan ku shubo 1xbet si aan lacag uga sameeyo.
Waxyaabaha cajiibka ah ee aan kubogaaday in ay sixir tahay dad badana iiga sheekeeyeen waxaa ka mida " waxaad lacag weydiinaysaa qof aanad waligaa lacag weydiiseen oo kugu qaaliya inaad xishooto waxa kaaga weyn in aad lacag ku shubo application.
Qaar ka mida saaxiibaday oo aanu meel ka wada shaqaynay mid ka mid ahi wuu u geeriyooday stress kii iyo buuqii ku dhacay markii uu ku waayey lacag ka badan 30,000 dollar.
Aan sii wadee waxaan Maamulebka noqday dhakhtar ka mida kuwa ugu fiican Ilkaha oo la odhan jirey Daa'if wax walbaaba wey toosnaayeey oo Game kan inaan ciyaaro khamiista ayuun baan haleeli jirey.
Maalin maalmaha ka mida 2022 ayaa waxa lacag i siiyey Mulkiilayaasha dhakhtarka mid ka mida oo la yidhaa Dr.SAED oo ah nin inta uu qof wanagsan yahay wanaagsan.
Markii aan lacagtii qaatay oo cadakeedu dhamaa 100 dollar ayaan is idhi 10 dollar lacag lacag badan ku samee oo 1xbet ku shub.
Wax aan wadoba sidii aan kolba 5 ugu shubaayey waxaan ku isticmaalay 100$ kii wax ka yar 30 daqiiqo anigoo bilaa basa ayaan ka kacay meeshii.
Waa maalintii aan ogaaday in la I haysto oo aanan caadiba ahayn.
Waxa la ii diraa musharka oo waan ku shubaa xaafadaydiina waxaan idhii wali la ima siinin ee suga, waan sababaha aan ku waayey jacaylkii qoyskayga.
Maalintii dambe anigoo is leh dib ha u ciyaarin ayaa waxa lacag ii soo diray mid ka mida dadka ugu wanaagsan ee garabkayga aan marnaba ka bixin ENG FAYSAL CALI XUSEEN oo CANADA ku nool lacagtii isla markii ay ii soo dhacdayba waxa si automatic ah ii hor yimi application 1XBET oo aan is idhi lacagihii uu kaa cunay ka soo cesho dibna ha u ciyaarin.
Waan ku shubay , wax aan wareejiyaba waxaab halkii ka kacay anigoo aan xitaa ilmahahayga oo aan islahaa dawo usii qaad aan 5 dollar ee dawada aan haynin.
Waà waxyaabaha aan ku ogaaday in la I haysto oo aanan cadi ahayn.
Wax ay socotaba Khamiistii waan ka kordhiyey oo waxay noqotay inaan maalmo kale ku daro oo aan 11 duhurnimoba iska tago aanan shaqadaba ku soo noqon.
Waxaan u tegi jirey mid ka mida sxbday oo application 1xbet daraadii Faalig ugu soo booday Alle Ha caafiyee.
Shaqadii markii aan sagsaagay ayaan is idhi ha isku ceeboobina oo waan ka tegey waxa aanan shaqo ka helay dhakhtarka MANILA oo maqaarka qaabilsan oo aan maamule ka noqday waxaana lahaa qofkii ugu wanaagsanaa ee igala talin jirey inaan ciyaaro DR ABDIRAHMAN SOGSOG.
Sidii si le'eg ayaan bilaabay sagsaag iyo inaan waqti u helo inaan ciyaaro shaqaduna k**a ay maarmayn in aan anigu wado oo dadka loo shaqynaayo anigaa keeni jirey ( marketing) maamulina jirey meesha.
Meeshi intii h**e kor ayaan usoo kiciyey oo waxaanu gaadhsiinay meel fiican lkn muddo ka dib ayaanu is baranay nin ka yimi carabta oo ay 1xbet ka cuntay 75000 oo dollar oo musalafay lkn wuu ii. Amaanay anigoo sidaydii kaleba password aanan iska jebin karin igu xidhan yahay.
Waxaan ku dhiiraday wax aana ab iyo isir u lahayn oo ah in aan qof walba weydiiyo lacag xitaa ka waaya aan ku idhaa bas ii dir oo aan ku shubo.
Muddo ka dib anigoo jooga maniila ayaa waxaan helay khad passport Ethiopian lagu samaynaayo.
Dad badan ayaan u sameey oo gacanta ka saaray 15 gudahood, dadkiina dad ayey igu soo xidheen.
Habeen habeenada ka mida ayaa inan ii soo diray 4500 $ oo uu igu yidhi passport ii soo samee.
Markii lacagtii soo dhacaday ayaa ileyn waxbaa i jiidanayee aan is idhi niyow caawa 100 Mar ku wada shub aad kala baxdid wixii ay kaa cuntayba'e.
Waan ku shubay , sidii aan kolba wax ugu shubaayey waxaab meeshii ka kacay iyadoo aanan haynin wax ka badan 500 oo dollar 4000 oo dollar ayey iga cuntay.
Waan iska joogay maalintaa shaqadii ma tegin duhurkii ayaan idhi 500 $ ee dollar miyaad kaga soo celisid intaa ay kaa cuntay ileyn qof ayaa passport kii ka sugaayee, intiiba dem way afuuftay.
Anigoo murugaysan ayaa waxa 3500 ii soo diray inankale oo Ina Jibriil Bushaaro la yidhaa oo ardeydayda ka mid ahaa.
Markii lacagtii isoo gaadhay ayaa waxa aan is idhi ileyn kii ka h**eeyey ayaa lacatii kaa sugaayee 100 ku ciyaar bal amarka Alle waxa aan habeenkaa ka sameeyey 7000 oo dollar 100 kii dollar.
Markii ay subaxdii noqtay hada waan jaray shaqadii oo cudur daar ayaan u sheegtay si aan lacag badan oo kale uga sameeyo lkn maxaa ka dambeeye 7000 iyo 3400 ayey iga cuntay isla habeen gudihii.
Habeenka waxaan dareenay waddane xanuun iyo in neeftu i dhibayso.
Aroortii ayaan u tegey dhakhtarka wadnaha Maxamed Xasan ee cisbitaalka gargaar.
Waxa uu ii sheegay in wadnahaygu uu halls ku jiro oo dhiikar igu soo booday oo uu qadnaha saameeyey, lkn waxaasi waxa igaga weynaa Sixirka 1xbet iyo lacagtii labada qof ee passportadu iga sugayeen.
Maalin ka dib waxa aan tegey masaajidka Nakhiil goor Makhrib ah.
Nin aanan garanayn lkn iila muuqday diin badani ka muuqato ayaa markii salaadii laga baxay ee aan kac is idhi gacanta i qabtay oo igu yidhi " waan dareemayaa in dhib ku haystee sheekh u tag wad sixran tahaye.
Waxaan is idhi malaha waa qof xanuunsanaaya hadana iilama uu muuqanin qof xanuunsanayaaya walaahi.
Ileyn nin laga sugaayo 8000 $ dollar ayaan ahaye wax dadkii passport iyo Mustabqayaal iyo dhalashooyin lacagtood ii keenaanba waxaan wax noqotay lacagtii la igu yeeshay 16000 oo dollar.
Hadana waxaa lacag ahi wax ay kaa dhibaysaa ma jirto waxaan is odhan jiray uun Hadhow ayaad 1xbet kusoo celini.
Lacagtaa waxa iga bixiyey Walaalkay Jimcaale iyo Jago hooyaday lahayd.
Ayaan darada igu dhacday waxaa ka mid ah inaan kala garan waayo waxayga iyo waxa dadka.
Shaqadii Maniila DERMA clinic waan iskaga tegey oo wax aan baxay khuruuj 40 cisho lkn waan dareensanaa in wali wax igu maran yihiin oo waxa aan is lahaa 4 bilood bax
Aniga oo soo noqday ayaan is tidhi miyaad Sagaljet u shaqo doonatid oo waxa aan u tegey qof ka mida kuwa aan bani aadamka Alle abuuray ugu jecelahay Cabdi Yusuf Aar oo ah Qofka ugu sareeya Sagaljet waxaan ku idhi shaqo ayaan rabaa.
Wuxuu igu yidhi " haye diyaar soo gal".
Waxaan ku idhi dhulkii aan khuruujka u baxay ayaan ku noqnayaa oo dadkii ayaan soo macasalaamaynayaa".
Oki ayuu igu yidhi " waxaan maray ilaa 7 tuulo oo xadka ku teedasan , maalintii dambe ayaan kusoo noqday xarshin.
Anigoo Arbeeko ama hotel la seexdo jooga ayaa waxa ii yimi nin jaadsita oo ciyaaraya bahashii waxa uuna igu yidhi lacag bir ah aan ku siiyee Somaliland iigu bedel 1xbet ayaan ku shabanayaaye waxna waan kaa siin marka ay ii dhashee.
1xbet markii aan maqlay waan isbedelay automatically.
Waan ugu shubay wuuna iga tegey.
Habeenimadii anigoo sii seexanaaya ayuu igu soo garaacay oo aan ka furay waxa uuna igu yidhi " game fiican oo ku dhex jira 1xbet ayaan helay ee numberkaagii ii sheeg "
Waan u sheegay oo waxa uu ii diray 100$.
Markiiba waxaan weydiiyey gameka magaciisa oo boqolkii ayaan ku shubay oo adeega Ila mushaax ee telesom ayaan kaga shubay ileyn Zaad caadi ahi Ethiopia k**a shaqaynaayee.
100 dollar ayaa waxa uu dhalay 950 $ lkn aad ayaan uga xumaa anigoo 16000 oo deyna galay khuruujna baxay inaan ku noqdo lkn waxa iga awoodweynaa waxa i haystay walaahi.
Waxaan Hargeysa kusoo noqday anigoo sita 900 lkn xaafadayda marnaba ma sii wax ka soo baxay 1xbet waana inta ay caruurtaydu ku badbaaday.
Ugu dambayn waxaan shaqo ka bilaabay Sagaljet oo aan abaal weyn u hayo.
Shaqadaydii ayaan bilaabay lkn waan arkaayey in ay wax igu maran yihii Xaaskayguna waxay igu odhan jirtay Cabdiyoow is xakamee oo iska ilaali lacagta shirkadaasi inay Mobilkaaga dhex marto.
Waayo dhibaatada I haysta walaahi xaaskayga iyo familygaygaba waan u sheegay in ay wax iga si yihiin oo aanan caadi ahayn isna xukumi karin oo lacagta aan helaba wax uun iga baa'biinayaan.
Hal Mar uma aan sheegin family gaya ee I. Badan ayaan u sheegay
Xaaskayga oo ah qofka ugu samir iyo dulqaad badab dumarka Soomaali waxaan been ugu sheegaayey 2 sanno oo aanan xitaa biil hagaagsan aanan siinin ama aan ku lahaa la ima siinin iyadoo aan ku shubay 1xbet.
Wax aan shirkadii ka shaqeeyaba oo aan ku ducaysto in Alle Subaxana wa tacaalaa aanu igu fashilin sidii shaqooyinkii h**e ayaa waxa si kedisa aanu suuqa ugu kulanay qof ka mid ahaa kuwii aan passport aan u sameeyey 2023 horaantii oo igu lahaa 800 oo dollar wuxuuna igu yidhi sxb xaalad ayaan ku jiraa lacagtaydiina waan u baahanahay isla berri ayaan shaqada kuugu imanayaa.
Talo ayaa igu cadaatay waxa aan hayey lacag aan kusoo iibinaayey Kiishash shirkada ka go'naa.
Markiiba waxa uu shaydaanku igu soo riday Bahashii oo aan waxooga ducooyin iyo adkaar kaga badbaaday.
Markiiba 50 ayaan ku shubay waan waday waan waday ilaa ay iga cuntay 750 oo macaamishaa aan ugu soo iibinaayey kiishash.
Talo way baahday waanan gartay un bahashan sixirkeedu yahay inay kusoo yara dhaweyso Mar inta kalena aad ashahaadato.
Waxan aan u tegey nin Xamse la yidhaa oo iska leh HARGEISA BABY CENTER oo ilaa xad qof fiican waxaanan ku idhi keen lacagtaii boodhadhka laguugu sameeyey waanan ka qaaday oo ay noqotay sidii aan odhan jirey ku ciyaar ninkii lacagtiisii sii ta macaamiishana u celi tana accounta shirkada ku shub marka ay dhasho.
Waana sixirka ku jira ee waxwalba ku odhanaaya imika ayey dhali mid ka badan tii h**e, intiina way cuntay.
Shaqadaydiina waxa aan jabiyey shuruucdeedii oo waxa la igu qaaday qodobka khiyaamo shaqo waan siday tahay oo qofna guntaada iyo qalbigaaga ma ogaan karo.
Anigoo arrin igu cadaaday ayaan maalin khamiisa galin dambe iska tegey Markaska tabliiqiyiinta ee bariga Hargeysa.
Anigoo iska fadhiya halkii kana murugaysan dhacdadaa cusub iyo sida aan waxani iiga hadhayn. Ayuun baa waxa garabka iga taabatay nin sheekha oo igu yidhi " aad baad u ooyaysaaye maxaa ku helay ?".
Waxaan uga sheekeeyey dhibaatadayda aan kala go'a lahayn muddo laba sanadooda wuxuu igu yidhi Mar dhow ayaa la ducaynayaaye sheekhaa u tagoo ku dheh ha la ii duceeyo".
Sheekhii ayaan in yar oo guud Mar ah uga sheegay qisadayda.
Markii la tukaday ayuu yidhii inan walalkeena ayaa inaga codsaday in dhibaatada haysata Alle ka kor qaado ee aamiin dhaha.
Markii aan sunaystay ee cabaar fadhiyey waxa isoo hormaray wixii aan dhib labadaa sano aan ku jiray waxa aaan la yaabay sida jidhkaygu isu bedalay iyo sidaan u ekaanjiay Walaahi walaahi walaaahi waxa aan noqday uun sida nin hurdo riyo badan kasoo kacay.
Lkn waa goorma goor aan wax walba waayey.
Lkn haddana aad ayaan u faraxsanahay inaan maanta xor ahay xaga naftaydaa waxaan sida Caruurta butida looga cabsiin jirey uga cabsanayaa inaan maqlo Magaca
1xbet walaahi sumadeedaa aan soo dhigay markaan soo qaadanaayey waxaan kusoo qaaday calool adayg.
Guntii iyo gabogabadii ma doonaayo sidaa igu dhacaday iyo sidaa saxiibaday qaar ugu caafimaad waayeen qaarna naftoodii u waayeen in dhalinyaro iyo dad kaleba ay u waayaan.
Dhalinyaroooy walaahi waa halis walaahi waa halis walaahi halis.
Halis aan cidna kuu ogayn Alle ayaa mahad leh iga badbaadiyey inaan naftayda is dhaafiyo oo aan aakhirana meel ka waayo sida ku dhacday asxaab badan oo u ducanaayo inuu Alle jano geeyo.
Bulshooy bahashaasi waa sixir malagii la socdo.
Imisaa qoys u burburay
Imisaa nin qaali ahaa isu deldelay.
Allah waxaan ka baryayaa sidaa uu iiga saaray inuu qof walba uga saaro.
Saxibkay Cabdirisaaq Maxamed Cabdilahi ayaa igu yidhi habeen aan fogayn waar niyow shaqdaada waxaa kaa galaafatay waxaa aad ciyaarayso.
Walaahi hadlkiisu run ayuu ahaa.

Waxaan dambi dhaaf weydiisanayaa ALLAH سبحانه وتعالى oo aan qaladka weyn ka galay ina waafajiyey inaan ka noqdo.

Qoraalkan waxaab ugu dhiiraday inaanay ku dhicin dhalinyaro kale

Wabilaahi tawfiiq

19/08/2024

Wanaag ciddi dadka u tilmaamta…|| Sheekh Mustafe

17/08/2024

Nabi Mohamed CSW haddi aad jeceshahay jidkiisi qaad||Sheekh Mustafe

17/08/2024

Qofka in la raaca wax xun maaha…||Sheekh Mustafe💯❤️

16/08/2024

Saaka Waxaan Qaabilay Ugu Yaraan 3 Qof Oo Calaamadaha Xanuunka Furuqa ee Afrika Ka dilaacay lahaa. Waxaan Xasuustaa mid kamid ah in Uu Ii sheegay in Wadamada Afrikada Dhexe inuu ka yimi. Ma sii waydiin wadanka.
Bal Si Fiican Cudukaan Aan kugu sharxo . Si aad naftaada oga ilaalisid . Qaabka Uu Cudurkan ku faafi aya ah Xataa Taabasho qofku ku taabto . Iyo Neefsiga qofka. Tasoo Qatar ah . Bal Aan kaaga warano Cudurkan.
NB: Waxaan Kaa codsan Xogtan Hadii aad Aqriso Iyo Hadii kale ba Inaad Ka ilaawin inaad La wadaagto Dadka Bogaan ku xiran.
Bismilah : Furuqa (Monkeypox) Waa Maxay?
Furuqa (Monkeypox) waa cudur ka mid ah cudurrada fayraska ku saleysan ee la xidhiidha Orthopoxvirus, taas oo ah koox fayrasyo keena cudurrada xunxun sida smallpox. Furuqa wuxuu markii h**e ku badnaa xayawaanka duurjoogta ah, gaar ahaan jiirka iyo bakaylaha ku nool Afrika. Fayraskan ayaa haatan ku fiday dadka, gaar ahaan wadamada Afrika, waxaana uu sababayaa calaamado la mid ah smallpox, inkastoo uu ka fududyahay.Calaamadaha Cudurka FuruqaCalaamadaha cudurka Furuqa waxay soo baxaan 5 ilaa 21 maalmood kadib marka qofku uu la kulmo fayraska. Calaamadahan waxay ka bilaabmi karaan kuwo khafiif ah oo aan si fiican looga dareemin, balse waxay noqdaan kuwo halis ah oo u baahan in si dhakhso leh looga jawaabo.
1. QandhoSharaxaad: Qandhada waa calaamad muujinaysa in jirka uu la dagaallamayo fayraska. Heer kulka jirka ayaa si lama filaan ah u kordha, taas oo sababi karta in qofku dareemo daal iyo daciifnimo. Qandhada waxaa badanaa la socota dhaxan, madax-xanuun, iyo tabar dari. Tusaale: Qof qaba Furuqa ayaa laga yaabaa inuu si lama filaan ah u dareemo kuleyl daran, iyadoo ay adag tahay inuu qabsado diirimaad xitaa haddii uu isku dayo inuu is daboolo. Qofka waxaa laga yaabaa inuu dareemo in jirkiisu sidii h**e uu uga daciifay, isla markaana uu noqdo mid aan awoodin inuu sameeyo howlo maalinle ah oo caadi ah.
Talo: Waa muhiim in qandhada lala socdo heer kulka jirka, iyadoo la isticmaalayo termometarka. Haddii heer kulka jirku gaaro ama ka bato 39°C, waxaa lagula talinayaa in la raadiyo talo caafimaad. Waxaa habboon in qofka la siiyo cabitaan badan, sida biyaha iyo cabitaannada macdanta leh (ORS) si loo yareeyo halista fuuqbaxa.
2. Madax-xanuun: Madax-xanuunku waa calaamad muujinaysa in jirka uu ka jawaabayo caabuq ama fayras ku jira. Xanuunka madaxu wuxuu noqon karaa mid khafiif ah oo la xamili karo ama mid daran oo saameeya awoodda qofka ee shaqo maalmeedka. Mararka qaar, madax-xanuunka ayaa la socota xanuun indhaha ama waxyaabaha iftiinka ka imanaya oo xasaasiyad u keenaya.
Tusaale: Qof qaba Furuqa ayaa laga yaabaa inuu isku arko madax-xanuun aan caadi ahayn, kaas oo xitaa daawooyinka caadiga ah sida paracetamol aan si fudud loo dejin karin. Qofka waxaa laga yaabaa inuu dareemo in indhihiisu xanuunayaan marka uu iftiin xooggan ama qorrax hortaagan yahay.
Talo: Madax-xanuunka waxaa lagu maareyn karaa in la isticmaalo dawada xanuun joojiyaha sida paracetamol ama ibuprofen, isla markaana qofka uu nasasho ku filan sameeyo. Haddii madax-xanuunku sii socdo ama uu noqdo mid aan caadi ahayn, waxaa lagula talinayaa in la raadiyo talo caafimaad.
3. Murqo-xanuun iyo Daal Sharaxaad: Murqo-xanuunka iyo daalku waa calaamado caadi ah oo la socota caabuqa fayraska sida Furuqa. Xanuunka murqaha iyo daalku waxay ka dhashaan difaaca jirka oo la dagaallamaya fayraska, taas oo sababi karta in murqaha iyo kala-goysyada ay dareemaan xanuun iyo kacsanaan.
Tusaale: Qof qaba Furuqa ayaa laga yaabaa inuu dareemo murqo-xanuun iyo daal badan, gaar ahaan dhabarka iyo lugaha. Tani waxay qofka ku adkayn kartaa inuu sameeyo dhaqdhaqaaqyo fudud sida socodka ama inuu qabsado shaqooyinkiisa maalinlaha ah.
Talo: Si loo yareeyo murqo-xanuunka iyo daalka, waxaa lagu talinayaa in qofka uu sameeyo jimicsi fudud oo joogto ah sida socodka ama yoga-da fudud. Waxaa kale oo muhiim ah in la isticmaalo daawooyinka lagu dejiyo murqo-xanuunka, sida ibuprofen ama daawooyinka kale ee dhakhtarku kugula taliyo.
4. Dhaxan: Dhaxantu waa calaamad muujinaysa in jirka uu la dagaallamayo fayraska. Dhaxantu waxay noqon kartaa mid aan caadi ahayn, taas oo qofka ku qasbaysa inuu isku dayo sidii uu isku kululeyn lahaa xitaa haddii heer kulka jirka uu sareeyo. Dhaxantu waxay sidoo kale noqon kartaa calaamad bilow ah oo ka horreysa soo bixitaanka finan ka soo baxaya maqaarka. Tusaale: Qof qaba Furuqa ayaa laga yaabaa inuu dareemo dhaxan joogto ah, isaga oo isku dayaya inuu helo diirimaad iyadoo ay saaran yihiin dhar culus ama buste. Dhaxantu badanaa waa mid aan laga adkaan karin, xitaa marka heer kulka qolka uu yahay mid ku filan.Talo: Si looga hortago dhaxanta, waa muhiim in qofka la siiyo dhar diirran iyo buste, isla markaana la hubiyo in heerkulka qolka uu yahay mid raaxo leh. Cabitaanno diirran sida shaaha ginger ama maraq diirran ayaa sidoo kale caawin kara.
5.Finanka Maqaarka: Finanka maqaarka waa calaamadda ugu caddaansan ee cudurka Furuqa. Finanku waxay bilaabaan in ay yihiin finan yaryar oo casaanka ah, kuwaas oo marar badan leh dareere gudaha ku jira. Markay finanku bislaadaan, waxay noqdaan kuwo biyo leh ama buuf leh, waxaana suurtagal ah inay jabi karaan ama furmaan, taas oo keeni karta in ay ka baxaan nabarro ama boogo.
Tusaale: Qof qaba Furuqa ayaa laga yaabaa inuu isku arko finan kuwaas oo ku faafa wajiga, gacmaha, iyo cagaha, laakiin waxay ku faafi karaan jirka oo dhan. Finanka ayaa noqon kara kuwo xanuun badan, gaar ahaan marka ay biyuhu ku jiraan ama marka ay bilaabaan inay furmaan.
Talo: Waa muhiim in la iska ilaaliyo xoqidda ama taabashada finanka si looga hortago in fayraska uu sii faafo. Isticmaalka saabuunta nadiif ah iyo biyo diirran si loo nadiifiyo maqaarka ayaa caawin kara in laga hortago in finanku caabuqaan. Waxaa kale oo muhiim ah in qofka uu isticmaalo dhar jilicsan oo daboolaya finanka, lagana fogaado in la isticmaalo alaabta la wadaago.
Qaabka uu Cudurka Furuqa ku Faafi Karo.
●Neefsiga Qofka Cudurka Qaba: Fayraska Furuqa waxa uu ku faafi karaa neefsiga qofka cudurka qaba, gaar ahaan marka uu qufaco ama hindhiso. Fayrasku wuxuu ku jiraa dheecaannada ka soo baxa sanka, afka, iyo dhuunta. Marka qof cudurka qaba uu qufaco ama hindhiso, fayrasku wuxuu ku faafaa hawada, qofka caafimaadka qaba ee agtiisa ku dhow ayaa qaadi kara fayraska neefsiga hawadaas.
Tusaale: Qof qaba Furuqa oo ku sugan meel cidhiidhi ah oo aan hawada si fiican uga socon, sida xafiis ama gaari bas ah, ayaa laga yaabaa inuu fayraska ku faafiyo dadka kale ee meeshaas ku sugan. Tani waxay ka dhigaysaa cudurka mid si fudud ugu faafta meelaha dadku isugu yimaadaan, gaar ahaan haddii qofka cudurka qaba uusan isticmaalin af-xir.
Talo: Si looga hortago in fayraska uu ku faafo hawada, waxaa muhiim ah in qofka qaba cudurka uu xirto af-xir (mask) marka uu joogayo meelaha dadku isugu yimaadaan. Sidoo kale, waa in qofka cudurka qaba uu ku qufaco ama ku hindhiso gacanta la laalaysto ama go' (tissue) oo markiiba lagu tuuro meel ku habboon. Qofka caafimaadka qaba waa in uu isku dayaa inuu ka fogaado qofka qaba calaamadaha cudurka, isla markaana la hubiyo in hawada qolka si fiican u wareegeyso.
3. Isticmaalka Alaabta La Wadaago: Fayraska Furuqa waxa uu ku noolaan karaa alaabta ay taabtaan ama ay isticmaalaan dadka qaba cudurka, sida dharka, bustayaasha, tuwaalada, iyo alaabta kale ee guryaha sida fadhiga ama sariirta. Marka qof caafimaad qaba uu taabto ama uu isticmaalo isla alaabtaas, waxaa suuragal ah inuu qaado fayraska. Waxaa sidoo kale halis ah in fayraska uu ku faafo goobaha caamka ah sida isbitaallada, xafiisyada, iyo goobaha lagu caweeyo.Tusaale: Haddii qof qaba Furuqa uu isticmaalo tuwaal ama buste, kadibna qof kale uu isticmaalo isla alaabtaas, fayrasku wuxuu u gudbi karaa qofka caafimaadka qaba. Sidoo kale, haddii qof cudurka qaba uu taabto alaab guriga sida kuraasta ama miisaska kadibna qof kale uu taabto isla alaabtaas, waxaa suuragal ah inuu qaado fayraska.
Talo: Waa muhiim in qofka qaba cudurka uu isticmaalo alaab u gaar ah, oo aanu la wadaagin dadka kale. Tuwaalada, bustayaasha, iyo dharka waa in lagu dhaqaa biyo kulul iyo saabuun si looga nadiifiyo fayraska. Goobaha la wadaago sida kuraasta iyo miisaska waa in si joogto ah loo nadiifiyaa oo loo buufiyaa jeermis-dile si looga hortago in fayraska uu ku faafo.
4. Fayraska Ka Yimaada Xayawaanka La Dabto : Furuqa markii h**e wuxuu ka yimid xayawaanka duurjoogta ah sida jiirka, bakaylaha, iyo qoolleyda ku nool Afrika. Fayraskan wuxuu ku noolaan karaa dhiigga, maqaarka, iyo dheecaannada xayawaanka. Qofka caafimaadka qaba oo taabta xayawaanka cudurka qaba ama xayawaanka dhintay ayaa qaadi kara fayraska.Tusaale: Haddii qof caafimaad qaba uu taabto xayawaan sida jiir ama bakayle qaba cudurka Furuqa, wuxuu qaadi karaa fayraska. Sidoo kale, haddii qofka uu la xiriiro dhiigga ama maqaarka xayawaanka dhintay ee cudurka qaba, fayrasku wuxuu ku gudbi karaa qofka.
Talo: Waa muhiim in qofka uu iska ilaaliyo taabashada xayawaanka duurjoogta ah ee aan la hubin caafimaadkooda, gaar ahaan kuwa ku nool deegaannada uu cudurka ku badan yahay. Haddii lagama maarmaan noqoto in la taabto xayawaanka, waa in qofka uu isticmaalaa galoofyo iyo dhar ilaalin ah, kadibna gacmaha si fiican loo dhaqaa. Waxaa sidoo kale muhiim ah in la nadiifiyo goobaha ay ku nool yihiin xayawaanka guriga lagu hayo.
■Sidee Ayaad Naftaada Uga Ilaalin Kartaa Cudurka Furuqa?
Ka hortagga cudurka Furuqa waa arrin muhiim ah, gaar ahaan xilliyada uu cudurkani ku badan yahay deegaanno gaar ah ama marka uu jiro halis sare oo uu cudurkani ku faafo. Hoos waxaa ku xusan talooyin muhiim ah oo ka hortagaya faafitaanka fayraska.
●Ka Fogow Dadka Qaba Calaamadaha Cudurka:Qofka qaba calaamadaha cudurka Furuqa sida qandho, dhaxan, madax-xanuun, murqo-xanuun, iyo finan ka soo baxa maqaarka waa inuu karantiilo naftiisa, oo aan la xidhiidhin dadka kale. Waa muhiim inaad ka fogaato in aad la xiriiqdo qof leh calaamadaha cudurka.
Talo: Haddii aad ogaato in qof ku dhow uu qabo calaamadaha cudurka, waa inaad la xiriirtaa hay'adda caafimaadka, si qofkaas loo baaro loona siiyo daryeel caafimaad. Inta uu qofka cudurka qaba xanuunsan yahay, waa muhiim in laga fogaado xiriirka tooska ah, isla markaana qofka caafimaadka qaba uu isticmaalo af-xir iyo gacmo-gashiyo marka loo baahdo.
●Xirashada Af-xirka iyo Gacmo-gashiyada:Fayraska Furuqa wuxuu ku faafi karaa hawada, gaar ahaan marka qofka cudurka qaba uu qufaco ama hindhiso. Af-xirku wuxuu kaa caawin karaa inaad ka hortagto neefsiga fayraska, halka gacmo-gashiyadu ay kaa caawin karaan inaad iska ilaaliso taabashada tooska ah ee fayraska ku jira maqaarka qofka cudurka qaba.
Talo: Markaad joogto meelaha dadku ku badan yihiin, sida xafiisyada ama goobaha caafimaadka, waa muhiim inaad xirato af-xir iyo gacmo-gashiyo si aad isaga ilaaliso xiriirka tooska ah. Af-xirka waa in si habboon loo xirto, oo uu daboolo sanka iyo afka, halka gacmo-gashiyadana la tuuro kadib isticmaalka.
●Nadaafadda Shaqsiga iyo Deegaanka:Nadaafaddu waa qayb muhiim ah oo ka hortagaysa faafitaanka cudurka Furuqa. Qofka qaba fayraska wuxuu ku faafin karaa jeermisyo dheecaanka jirkiisa ku jira, marka uu taabto alaabta guryaha ama goobaha dadweynaha.
Talo: Si joogto ah u nadiifi gacmahaaga iyadoo la isticmaalayo saabuun iyo biyo diirran, gaar ahaan marka aad ka timaaddo meelaha dadweynaha ama marka aad la xiriirto dadka kale. Nadiifi goobaha aad ku nool tahay, gaar ahaan kuraasta, miisaska, iyo alaabta kale ee aad taabato. Isticmaal alaabta jeermis-dile ah sida dawooyinka nadiifinta ee jeermiska dila si aad u hubiso in fayrasku aanu ku noolaan goobahaas. ●Ka Fogaanshaha Xayawaanka Duurjoogta ah:
Xayawaanka duurjoogta ah ayaa laga yaabaa inay fayraska Furuqa ku hayaan dhiiggooda, maqaarkooda, ama dheecaannada jirka. Taabashada xayawaanka cudurka qaba waxay ku sababi kartaa inaad qaaddo fayraska, gaar ahaan marka aad la xiriirto dhiigga ama hilibka xayawaankaas
Talo: Ka fogow taabashada xayawaanka duurjoogta ah gaar ahaan kuwa ku nool deegaannada uu cudurkani ku badan yahay. Haddii aad qabato xayawaan ama aad la xiriirto, hubi inaad gashato galoofyo oo aad gacmahaaga si fiican u dhaqdo kadib taabashada. Waxa kale oo muhiim ah inaad ka fogaato cunista hilibka xayawaanka duurjoogta ah ee laga qaado.
: Cudurka Furuqa (Monkeypox) waa cudur fayras ku saleysan oo leh awood uu si sahlan ugu faafo dadka iyo xayawaanka. Wuxuu ku faafi karaa taabashada tooska ah ee qofka cudurka qaba, neefsiga dheecaannada hawada ku jira, isticmaalka alaabta la wadaago, iyo taabashada xayawaanka cudurka qaba. Fahamka qaababka uu cudurkani ku faafi karo iyo qaadashada tallaabooyinka ku habboon ayaa muhiim u ah kahortagga faafitaanka fayraska iyo ilaalinta caafimaadka bulshada.
Mahadsanidiin.
W/Q; Dr Ayub Xalane
CEO and Founder of Xalane Professional College.

Dirección

Calle Canton De San Francisco Javier
Vitoria-Gasteiz

Teléfono

+34632691485

Página web

facebook.com

Notificaciones

Sé el primero en enterarse y déjanos enviarle un correo electrónico cuando Al-Baraka24 Tv البركة publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.