28/01/2025
⚠ Estas son as claves a ter en conta da , que xa ven en camiño e que nos deixará un mércores plenamente invernal, no que teremos un pouco de todo.
👉 Comezaremos a sentir os seus efectos esta noite. O vento do suroeste volverá arreciar e zoará con moita intensidade (en principio, non tanta coma con Herminia). O peor momento semella que será entre as 5:00 e as 10:00 da mañá. Neste intervalo horario, tamén irá entrando a fronte, que será moi activa e descargará chuvias intensas con risco de treboadas.
👉 Ao longo do mércores, quedaremos nunha zona de chuvascos, por veces moi intensos, con treboadas, saraibadas, e fortes refachos de vento. Non zoará tanto coma o luns, pero tamén haberá que ter conta.
👉 A partir de media tarde, o vento irá virando a norte, volvendo coller forza en todo o litoral, e especialmente no norte, onde se deixará notar máis. Como consecuencia deste role a ventos do norte, as temperaturas baixarán, os chuvascos serán máis frecuentes en e e a neve poderase ver por riba dos 900-1000 metros.
👉 Despediremos a IVO xa na mañá do xoves. As precipitacións iranse retirando polo leste, e aínda que o vento norte soprará intenso, xa non falaremos de condicións de temporal. Iso si, no mar a cousa seguirá estando complicada debido ás ondas.
Irei detallando máis información en vindeiras publicacións. Se ves que isto pode resultar útil para máis persoas, non dubides en compartir! :)
