Exitosa estrea de “Transeúnte” de Daniel Rodriguez esta noite no Teatro Municipal de #Tui. O público, que encheu o teatro, aplaudiu en pé un espectáculo cheo de forza e sentimento.
A Xunta de Galicia vai rehabilitar 4 inmobles no conxunto histórico de Tui ao abeiro do programa Rexurbe. Arestora está en fase de licitación, por 1,2 millóns de €, a construción do primeiro deles, na rúa Bispo Castañón 20. Unha vez rehabilitado contará con 3 vivendas, 3 rochos e un local. As vivendas serán para aluguer a persoas menores de 36 anos que figuren no Rexistro de Demandantes de Vivendas de Galicia. Nos outros tres, nas rúas Cuenca e San Telmo, está en licitación a redacción do proxecto de rehabilitación. Así o explicou este mediodía a conselleira de Vivenda e Planificación de Infraestruturas, María Martínez Allegue na visita que realizou a Tui.
#Tui #vivenda #conxuntohistórico
Expor a problemática en canto a acumulación de áridos no cauce do Miño foi o obxectivo da reunión que a pasada semana mantiveron o Comandante Naval do Miño, Andrés Díaz-Ripoll, e o comandante da Capitanía de Caminha, Fernando Vieira, co deputado de cooperación transfronteiriza e alcalde da Guarda, Roberto Carrero. Por parte portuguesa o comandante da Capitanía de Caminha xa mantivo contactos con diversos ministerios en Lisboa para abordar o dragado da desembocadura para recuperar a canle de navegación do transbordador. Mentres o Comandante Naval do Miño fai fincapé na necesidade dun dragado integral e continuado dende Salvaterra até a desembocadura.
A música tende hoxe pontes na Eurocidade Tui-Valença co gallo seu 13º aniversario. Un centenar de músicos dos dous países pertencentes a catro agrupacións ofrecen un concerto especial no Teatro Municipal de Tui.
@bandamusicatui, @conservatoriotui, @old_bridge_band e asociación musical De San Pedro da Torre actúan baixo a dirección de Eloy Carrera.
Tras a visita onte á Comandancia Naval e logo de realizar un percorrido polo Miño até a desembocadura o subdelegado do Goberno, Abel Losada, comprometeuse a trasladar a información do impacto no leito do río Miño da planta invasora egeria densa, coñecida popularmente como labaza, ao departamento responsable do Servizo de Patrimonio Natural da Consellería de Medio Ambiente e Cambio Climático da Xunta de Galicia. Losada indicou que apoiaría unha iniciativa para que este departamento da Xunta impulsase un proxecto europeo, en colaboración coas autoridades de Portugal, para actuar contra estas especies invasoras.
Tras a visita Losada subliñou que mantén contacto permanente co Servizo Provincial de Costas para atender as competencias estatais que teñen que ver coa erosión e a posible dragaxe de diferentes tramos do río. A este respecto indicou que se está a elaborar un estudo da dinámica fluvial por parte do CEDEX, o organismo técnico dependente do Ministerio de Transportes que realiza este tipo de análises, antes de tomar decisións.
Agradecía o traballo e compromiso do Comandante Naval do Miño coa mellora da situación do río.
A Eurocidade Tui-Valença desenvolve anualmente un calendario deportivo único en Europa xa que se leva a cabo entre dous municipios de dous países. Neste 2025 son 13 os eventos deportivos previstos, nos que coma novidade se incorpora as 2 Leguas da Eurocidade. O ano pasado foron 6 mil persoas as participantes, cifra que se agarda superar nesta edición.
O Trail do Aloia, esta fin de semana, abre o programa que se vai celebrar nos próximos meses a unha e outra beira do Miño con BTT, motor, baloncesto, kung-fu, judo, hoquei a patíns, tenis, baile deportivo, atletismo… Celebrarase de novo o circuíto de andainas saudables no que se enmarca a realización por etapas do Camiño Portugués, así coma diferentes trilhos.
Hoxe presentouse este calendario deportivo da Eurocidade Tui-Valença.
Accésit de Reponsabilidade Social e Empresarial nos premios AJE Vigo, entregados onte, para Altitude Ocio, iniciativa empresarial da tudense Claudia Montes, quen amosaba o seu agradecemento por este galardón.
Radio Municipal de Tui 107.4 FM
