Arroupado pola decana da Facultade de Educación da USC, Mar Lorenzo; os profesores José Antonio Caride e Jesús Rodríguez, coordinadores de REALIDADES E HORIZONTES DA EDUCACIÓN EN GALICIA; a directora editorial de Kalandraka, Manuela Rodríguez; e boa parte dos 56 autores e autoras dos artigos que se reúnen neste novo volume da 'Biblioteca de Pedagoxía', entre outros asistentes vencellados ao movemento de renovación pedagóxica Nova Escola Galega e o Grupo de investigación SEPA-interea, o profesor Antón Costa recibiu unha cálida homenaxe á súa extensa e recoñecida traxectoria como docente, investigador e dinamizador académico e cultural. Un encontro inesquecible para este mestre de mestres, un apaixonado do seu traballo, un comprometido defensor do ensino en galego.
📚 https://bit.ly/BdePedagoxiaKLK
FILLA DAS ONDAS, de Fina Casalderrey e Xosé Cobas, EN MÁQUINAS
"Nai Ría, pai Mar,
que había neste lugar?
Pai Mar, nai Ría,
que era o que aquí había?"
🌊
Pronunciamos este esconxuro para viaxar no tempo e mais no espazo cos protagonistas de FILLA DAS ONDAS. A obra de Fina Casalderrey volve ao catálogo dos 'Libros para soñar', 25 anos despois, cunha nova proposta plástica de Xosé Cobas, de espectaculares arquitecturas. Acompañamos o proceso de impresión en Gráficas Anduriña, supervisando que a reprodución das ilustracións, realizadas con óleo, fose o máis fiel posible ás orixinais. Este venres ás 18:00 horas en Culturgal Feira das Culturas Galegas acompañaremos os autores na presentación deste libro, un xeito diferente de coñecer Pontevedra, a súa historia, as súas lendas e o seu patrimonio, a través do misterio e da aventura.
E chega xa esta semana ás librarías como adianto das novidades de decembro!
📙 https://tinyurl.com/FillaDasOndasKLK
Bim Bam Bum
Presentámosvos un adianto, en movemento, da obra coa que Maria Girón gañou o XVII Premio Internacional Compostela de Álbum Ilustrado: unha historia chea de ritmo e humor, xogo e diversión. “Bim Bam Bum” e os seus amigos invítannos a gozar da lectura compartida e en voz alta, a experimentar coas palabras e cos sons, a mergullarnos nunhas ilustracións cheas de luz e cor. Moi pronto nas librarías. Chim Pum.
📙 tinyurl.com/bimbambumgal
Booktrailer de @oliveiro_dumas
#booktrailer #PremioCompostela #MariaGiron #BimBamBum #PremioCompostela2024
BIM BAM BUM: NO PRELO
O son das máquinas, o olor da tinta, as pranchas de cuatricromía insertándose nos cilindros, o papel xa impreso como resultado dun laborioso traballo colectivo... Nuns días chegará ás librarías -en galego, castelán, català, euskara, portugués e italiano- BIM BAM BUM, a obra coa que a autora e ilustradora Maria Girón gañou o XVII Premio Internacional Compostela de Álbum Ilustrado.
Dende que o xurado do certame, organizado polo Departamento de Educación do Concello de Santiago (Pazo de Raxoi) en colaboración con KALANDRAKA, anunciaba a súa decisión o pasado mes de xuño, chegou por fin o momento de entregarllo ás nenas e aos nenos, ás familias, escolas, bibliotecas, ás lectoras e aos lectores en xeral, para que gocen desta divertida historia de xogos, amizade e infancia.
Grazas ao equipo de Gráficas Anduriña por materializar este libro tan sonoro, luminoso... e soñador.
📚 https://bit.ly/GironKLK
Ratos na escola
Xa queda pouco para volver ás aulas… Desexámoslles a nenas, nenos, docentes e comunidade educativa un feliz inicio de curso! Mentres tanto, deixámosvos cos simpáticos e incansables "Ratos na escola", os protagonistas do álbum de Xosé Manuel González 'Oli' e Natalia Colombo. Despois de revolucionar a casa e saír de viaxe, convídannos a descubrir todas as actividades coas que as nenas e os nenos gozarán no colexio.
🐭🐭🏫 tinyurl.com/ratosnaescola
🎥 kalandraka.tv/gl/videos/ratos-na-escola/
ARNOLD LOBEL: A SÚA OBRA NOS 'LIBROS PARA SOÑAR'
Calquera momento é idóneo para lembrar a Arnold Lobel, un autor fundamental na Literatura Infantil e Xuvenil contemporánea. Este 22 de maio celebramos o seu aniversario; tería cumprido 91 anos. Da súa extensa obra destacamos SALTÓN NO CAMIÑO, EL LIBRO DE LOS GUARRIPIOS, TÍO ELEFANTE, O PORQUIÑO, SOPA DE RATO e, por suposto, os inesquecibles CONTOS DE RATIÑOS; títulos recuperados no catálogo dos 'Libros para soñar' para que a memoria deste creador permaneza e siga entusiasmando cos seus entrañables relatos a moitas máis nenas e nenos.
📚 https://bit.ly/LobelKLK
ULTIMÍSIMOS DÍAS! Este xoves 16 de maio finaliza o prazo para enviar obras ao XVII Premio Internacional Compostela para Álbums Ilustrados.
Se estás ultimando o teu proxecto e che queda algunha dúbida sobre as bases de participación, escríbenos a [email protected]
📌https://portadas.kalandraka.com/premioCompostela/bases-web-2024-galego.pdf
Volven polo Nadal os MINILIBROS IMPERDIBLES! E coa sétima caixiña completamos esta serie de lecturas en miniatura. Lecturas portátiles que nos acompañan a todas partes: de vacacións, ao parque, nunha sala de espera, de visita calquera lugar... Lecturas versátiles, porque cada minilibro tamén se pode agasallar individualmente en festas de aniversario, celebracións de fin de curso... Non poden faltar na lista de desexos!
Súmanse á colección CHUVISCA de Fernando Pérez Hernando, SOÑOS NA BEIRAMAR de Rosa Estévez Gantes e Rafa Antón, TARTARUGA VS LEBRE O DESQUITE de David Pintor, O OSIÑO CHISPA de José Antonio Abad e Rosa Osuna, A VIAXE DE MAMÁ de Mariana Ruiz Johnson, SETE MONSTROS E UN GATO de Rafa Ordóñez e Christian Inaraja, e MONCHO Y A MANCHA de Kiko da Silva.
📚 https://bit.ly/Minilibros-KLK
