15/01/2024
KIKO DA SILVA ORGANIZA UNHA SUBASTA
SOLIDARIA DE ILUSTRACIÓNS E CARTEIS A
FAVOR DA INVESTIGACIÓN DA ENFERMIDADE
DE DENT
Este nadal agasalla ilustracións... e axuda aos afectados pola enfermidade de DENT.
PÁXINA WEB DA SUBASTA:
https://artfordent.es/subasta
En xullo de 2020, , facía público o seu apoio á investigación da enfermidade de Dent poñendo a camiseta solidaria “Rallo” coa que moitas outras personaxes coñecidas amasaron o seu apoio.
Unha campaña que foi posible grazas á colaboración da empresa galega ReiZentolo que fixo e sigue facendo as camisetas e material solidario co que se apoia esta investigación, entre outras iniciativas.
Kiko da Silva, recoñecido e querido autor de banda deseñada en Galicia desde hai moitos anos, implicou a moitos outros nomes do mundo da Ilustración como Miguelanxo Prado, Amelia Navarro, Luz Beloso, Ricardo Peregrina, Mel Prats, Don Julio A. Serrano ou Ángel De La Calle, que se animaron a colaborar nesta subasta solidaria.
Tamén colaboran outros ilustradores como David Despau, recoñecido ilustradorinternacional que traballou para prestixiosas revistas como Time, The New Yorker, … e recentemente recoñecido como un dos ilustradores internacionais máis
influintes da última década.
Ademáis, tamén contan coa aportación de Xosé Vizoso, unha persoa que revolucionou a historia gráfica de Galicia sendo, por máis de 40 anos, deseñador e alma de Sargadelos, creador dos carteis máis emblemáticos das festas de Galicia, ilustrador de portadas de Edicións O Castro, muralista, etc.
Desde Art for Dent agradecen enormemente esta iniciativa solidaria e artística para apoiar a investigación desta enfermidade rara renal que necesita moitos fondos para seguir adiante. “Gracias Kiko da Silva pola túa sensibilidade e por conseguir poñer en marcha esta subasta solidaria e grazas a tod@s os que donaron as súas
obras para esta subasta solidaria”.
ART for DENT
O Garaxe Hermético - Escola Profesional de Banda Deseñada e Ilustración
