Última hora.
Incendio nun bar da rúa do Mediodía de Ordes.
Os Bombeiros traballan na súa extinción
De momento descoñecemos a orixe e o alcance dos feitos.
Declaracións da Jaime Carneiro Uzal, presidente da Cooperativa Central de Frades, na inauguración do novo establecemento da entidade en Abellá.
Detido un camioneiro na AP-9 en Ordes. Multiplicaba por sete a taxa máxima de alcohol autorizada.
Segundo a Garda Civil, foi interceptado por efectivos dun control dinámico de alcol e drogas o pasado mércores.
Os axentes viron que o tracto-camión, de corenta toneladas de peso máximo autorizado, daba bandazos ao circular. Ía en dirección sur e seguírono ata o quilómetro 41 da autoestrada, onde o pararon.
Nas probas de alcol, o condutor deu unha taxa de 1,01 mg/l en aire. O máximo permisible para este tipo de conductores é de 0,15 mg/l.
O feito de superar os 0,60 mg/l e non acreditar residencia en España motivou a detención como suposto autor dun delito contra a seguridade viaria, para ser posto á disposición da autoridade xudicial.
O vehículo foi inmobilizado no lugar da detención e quedou á agarda de que a empresa propietaria o retire.
O detido enfróntase a unha pena de 3 a 6 meses de prisión ou de 12 a 24 meses de multa ou traballos en beneficio da comunidade de 31 a 90 días, no caso de ser condenado.
De Zero - Periódico da Comarca de Ordes pode atoparse de balde en innumerables establecementos da comarca. Iso si, nalgún hai que andarse con coidadiño estes días. Porque... ler é de valentes.
Gracias Cerveceria islia
AP-9. Reunión de Concellos afectados.
Hoxe estamos pendentes do resultado da reunión de Concellos afectados pola AP-9 para reivindicar novas compensacións.
Tal como De Zero xa adiantou a principios de ano, os Concellos, na comarca Mesía, Ordes e Oroso, cobran por fin toda a contribución, rematando coa exención do 95% da que se beneficiaba Audasa desde sempre.
Hoxe estudan crear unha plataforma para reclamar atrasos no IBI, para poñer ao día os valores catastrais da autoestrada -datan de 2007- e poder incrementar así a recadación, e para demandar descontos nas peaxes para a poboación dos seus municipios, especialmente a que efectúa un uso frecuente da infraestrutura.
Toda a información, na vindeira edición impresa de De Zero.
As empresas de servizos agrarios están traballando estes últimos días cun esforzo enorme e gran destreza para intentar salvar a maior cantidade posible do millo tirado polo vento.
Desde o temporal, pasou a ser unha das campañas máis penosas que se recordan, pois teñen que segar co máximo coidado e moita lentitude tratando de aproveitar todas as espigas que dean apañado.
E á vez prosegue a meteoroloxía adversa, que dificulta a recollida e almacenamento, ademais de estropear aínda máis as fincas derrubadas.
Un gandeiro resume a De Zero que "non fan milagros pero case, case; levan adiante un moi bo traballo, que nun ano tan difícil é moi de agradecer".
Desde De Zero agradecemos as imaxes que nos facilitaron desde a empresa de servizos agrícolas e forestais ATILANO, de Mercurín (Ordes).
Recibimos novas imaxes da "catástrofe" nas plantacións de millo na comarca por mor do vento. Neste caso de novo desde Abellá (Frades).
Actualizamos o balance de danos do temporal de vento. O máis grave é a desfeita que rexistran innumerables fincas de millo, como a das imaxes que envía un lector e que corresponden a Abellá (Frades). As perdas en toda a contorna poden cuantificarse en decenas de milleiros de euros.
Despois desta noite, numerosas explotacións gandeiras da zona non reunirán alimento suficiente para manter as súas vacas durante o ano. Ademais de perder o investido na sementeira, deberán gastar en adquirir alimento externo.
Fontes do sector estiman que máis da metade da superficie de millo estaba aínda sen colleitar, en parte porque xa tivera que ser sementado tarde por mor das chuvias da fin da primavera e en parte porque as precipitacións desta pasada quincena desaconsellaban aínda a tarefa.
Polo demais, estas son as incidencias máis destacables de acordo coa información achegada a De Zero polos Concellos.
En Cerceda, entrou auga nalgunha instalación municipal, atrancáronse diversas arquetas en todo o municipio, caeu unha árbore arrincada desde a cepa en Queixas, anegouse unha ponte, e houbo que retirar un poste de formigón na zona do centro de día.
En Frades, ademais dos danos nos cultivos, o máis habitual foron caídas de árbores en diversos lugares da rede viaria. Efectivos públicos traballan na súa retirada.
Do mesmo xeito, en Mesía constan numerosas caídas de de pólas, así como a rotura de tendidos eléctricos.
En Ordes, na zona de Montaos hai fogares sen luz eléctrica desde iso das cinco ou seis da marugada. Segundo relatan persoas afectadas, na compañía eléctrica case nunca atenden o teléfono e cando o fan non son quen de determinar o lugar exacto da avaría ou o dano na rede que causou a interrupción do servizo.
Hai en todo o municipio ordense 53 incidencias de todo tipo rexistradas no Concello, das que unhas corenta foron xa solucionadas antes das dúas da tarde. Trátase de caídas de árbores, desprendementos en noiros, arquetas fór
Imaxes da presencia de afeccionados do Málaga esta fin de semana en Ordes, onde foi necesaria a intervención policial.
Na Coruña, seguidores violentos do equipo andaluz e do Deportivo protagonizaron enfrontamentos e ocasionaron graves danos, principalmente nun local de hostalaría.
A Garda Civil detén un veciño de Ordes por un delito de tráfico de drogas. É un mozo de 21 anos interceptado no momento en que se dirixía a realizar unha venda, con 15 doses de haxix no seu poder.
Posteriormente, no rexistro domiciliario incautáronse 21 tabletas de haxix cun peso de 2.152 gramos, 7 pastillas de éxtase, 370 euros en billetes fraccionados, 640 bolsas para a preparación de doses, unha báscula de precisión e tres pistolas de aire comprimido.
As doses incautadas coincidían en tamaño, forma e envoltorio coas intervidas anteriormente pola Policía Local.
O pasado maio, o corpo municipal de seguridade incautou 60 gramos de haxix nun punto coñecido polo consumo e distribución de drogas polo miúdo. Este lugar é frecuentado por mozos, moitos deles menores de idade, o que segundo a Garda Civil xerou unha gran alarma social debido ao aumento do consumo de estupefacientes no ámbito xuvenil da contorna.
O detido, tras abandonar os seus estudos hai varios anos, levaba un nivel de vida alto sen unha fonte legal de ingresos. Era frecuentemente visto en lugares coñecidos por ser puntos de encontro de potenciais compradores.
A operación permitiu desmontar o punto de venda de haxix máis activo da comarca de Ordes que causara unha gran alarma social, xa que moitos compradores estaban relacionados con centros educativos, incluíndo menores de idade.
O detido pasou á disposición xudicial.
Imaxes da detención do suposto autor de trinta roubos en zonas da Coruña e de Pontevedra, entre elas Ordes e Oroso.
Imaxes da noticia...
A Garda Civil detén o suposto autor duns trinta roubos en coches, vivendas e garaxes, cometidos en diversos municipios da Coruña e de Pontevedra, entre eles Ordes e Oroso.
O detido é un veciño de Ames e ademais hai catro menores investigados. Segundo a Garda Civil, as indagacións comezaron a raíz dunha vaga de roubos en abril e maio pasados.
Aproveitaban normalmente para entrar en coches estacionados preto de vivendas, que por imprudencia ou exceso de confianza dos propietarios estaban abertos e incluso coas chaves postas.
Levaban os vehículos para cometer roubos, utilizaban as tarxetas de crédito que atopaban en ocasións para compras en establecementos, acudían con eles a gasolineiras para repostar marchando sen pagar...
Para desfacerse dos coches eliminando probas, abandonábanos en zonas de monte moi retiradas ou calcinábanos.
No rexistro do domicilio do agora detido apareceron numerosos obxectos supostamente roubados. Están depositados no posto da Garda Civil do Milladoiro (981 53 64 05) para que os seus donos lexítimos poidan recuperalos.
