20/12/2024
O roteiro de Frank Soutelo, protagonista das novelas negras do escritor carballiñés Miguel Anxo Fernández, da un paso mais coa edición dun mapa que identifica os lugares onde se ubican as placas e estatuas adicadas a este personaxe literario na vila.
O proxecto de sinalización do roteiro foi ideado pola profesora da USC, Mariña Albor, e polo deseñador Eladino Cabanelas, co apoio do Concello do Carballiño e a Editorial Galaxia.
O alcalde Francisco Fumega lembrou que este roteiro “é un tributo que se lle fai ao autor, poñendo de relevancia a un personaxe que fai unha perfecta simbiose coa vila. Á vez, profundízase na senda literaria que xa protagonizaron autores como Fariña Jamardo ou Emilia Pardo Bazán, ambientando as súas obras no Carballiño”.
Miguel Anxo Fernández dixo sentirse honrado polo recoñecemento que se fai a este personaxe que ideou no 2002 e que protagonizou xa sete novelas. “É o primeiro roteiro específicamente literario sobre unha personaxe e si ademáis serve para promocionar o nome do Carballiño, non teño mais que sentirme agradecido”. A próxima novela protagonizada por Soutelo saldría aproximadamente en dous anos e desenvolveráse íntegramente no Carballiño, segundo anunciou.
O deseñador Eladino Cabanelas avanzou que coa edición deste mapa finaliza a primeira fase do roteiro, que se iniciou coa colocación das tres estatuas na Rúa Principal, a Pista Roxa e o Barrio de Flores, así como as placas que lembran algunhas das escenas que se recrean nas novelas.
