09/03/2024
#النيميرو 6 " فَلْـ 406 فرونسي " مخدوم بالفضة... " هادي قليل لي متحلبلها..
#وبما أنو الويكاند فيه الأسواق نتاع السيارات ماذا بيك تركز شوية مع الأشكال هذو 👇 خطاك راهم حابين يبيعو القديم و يشرو الجديد بلا ميزيدو فلس واحد من جيوبهم
#مول البكانتو 2015 لي يقولك ساوموني 198 مليون
#مول السنديرو 2018 لي يقولك سمعنا فيها 270 مليون
#مول السامبول 2016 لي يقولك هذي سيارة جديدة خطاك ماشية 190 الف برك . قولو 190 الف تساوي 86 خطرة طالع هابط من العاصمة لتمنراست . يعني راك مبدل الفيدونج 38 خطرة
#مول السويفت 2022 لي جابها من دبي واستقامتلو 400 مليون حتى هوا راح يقولك ساوموني 360 مليون
#مول الكسنت حطبة 2016 لي يقولك سمعنا فيها 220 لحلال. قولو هذا حرام مهوش حلال كونك راجل وحامي عروحك
#متخليش واحد مغفل يبيعلك سيارة مستعملة عمرها اكثر من 10 سنيين وهوا يروح يشري بدراهمك الجديد زيرو كونتار و 7 سنوات ضمان
#متخليش مول ال 406 عدو الموضى يحشيهالك
#متخليش واحد مزالو يتصور بالسويت سيلفي يحشيهالك . ودبر راسك دراهمك وانت حر فيهم ✍️👌. .... ..... ..... ...... .....
#هاربين ذ #سوق #السيارات #المستعملة
#السوق #طاح /