Ôm Ísĥãk

31/07/2023

04/09/2022

في بنتها #عروسة 👰‍♀️
ما تحطي ماكلتك باردة... وما تسلمي على ناس ونتي قاعدة... وما تحكيش للناس واش رافدة
وبكري في حياتك... مايدخل عليك ضيف ويلقاك راقدة... وبلاك من المرأة الهدارة لي تدي وتجيب بالخسارة... و ردي بالك من المرأة المغيارة... لي تحسد وتشربلك المرارة... وبلاك تدخلي الكوزينة بلا فولارة... ما طيحلك شعرة ما تجري فيها ماتضحكي عليك الناس مايشدولك فيها
البصلة يابنتي عمرها لا تولي تفاحة... ورخيس القلب ما تبان فيه ملاحة...
وناس هذا زمان ماتليق معاهم غير لقباحة ... إذا فاتوك بالزين فوتيهم بالنظافة... وإذا فاتوك بالفهامة فوتيهم بالظرافة... السوق ليه المال... والدقيق ليه الغربال... والصحبة ليها الرجال... ويا سعدو اللي يحمد ربي مهما كان الحال👌🤍

ربي يحفظ جميع الأمهات ♥🤲

30/08/2022

وصية هزت كياني
أب يخاطب ابنه ويوصيه
ولدي العزيز: فى يوم من الأيام ستراني عجوزا
غير منطقى فى تصرفاتى!!
عندها من فضلك
أعطنى بعض الوقت وبعض الصبر لتفهمنى ,,
وعندما ترتعش يدي فيسقط طعامي على صدري
وعندما لا أقوى على لبس ثياب
فتحلى بالصبر معي .. وتذكر سنوات مرت وأنا أعلمك ما لا أستطيع فعله اليوم !!

إذ حدثتك بكلمات مكررة وأعدت عليك ذكرياتي
فلا تغضب وتمل فكم كررت من أجلك قصصا وحكايات فقط لأنها كانت تفرحك !!
وكنت تطلب مني ذلك دوما وأنت صغير !!!
فعذرا حاول ألا تقاطعني الآن
إن لم أعد أنيقا جميل الرائحة !!!
فلا تلمني واذكر فى صغرك محاولاتى العديدة لأجعلك أنيقا جميل الرائحة

لا تضحك مني إذا رأيت جهلي وعدم فهمي لأمور جيلكم هذا
ولكن .. كن أنت عيني وعقلي لألحق بما فاتنى
أنا من أدبتك أنا من علمتك كيف تواجه الحياة
فكيف تعلمنى اليوم ما يجب وما لا يجب ؟!!!

لا تملّ من ضعف ذاكرتي وبطئ كلماتي وتفكيري أثناء محادثتك
لأن سعادتي من المحادثة الآن هي فقط أن أكون معك !!!
فقط ساعدني لقضاء ما أحتاج إليه فما زلت أعرف ما أريد !!!

عندما تخذلني قدماي في حملي إلى المكان الذي أريده
فكن عطوفا معي وتذكر أني قد أخذت بيدك كثيرا لكي تستطيع أن تمشي
فلا تستحيي أبدا أن تأخذ بيدي اليوم فغدا ستبحث عن من يأخذ بيدك

في سني هذا إعلم أني لست مُـقبلا على الحياة مثلك
ولكني ببساطة أنتظر الموت !!! فكن معي .. ولا تكن عليّ !!
عندما تتذكر شيئا من أخطاءي فاعلم أني لم أكن أريد دوما سوى مصلحتك

وأن أفضل ما تفعله معي الآن
أن تغفر زلاتي .. وتستر عوراتي .. غفر الله لك وسترك
لا زالت ضحكاتك وابتسامتك تفرحني كما كنت صغيرا بالضبط
فلا تحرمني صحبتك !!!

*كنت معك حين ولدت فكن معي حين أموت *

25/08/2022

ناس بكري قالو :
إلّي يعطينا قيمة يبقى معانا ديما
و إلّي يتكبّر علينا نرجعوه معرفة قديمة

25/08/2022

قالوا ناس بكري
ما تخافش من الشبعان لي تربى فالعزّ والعزّ قديم عليه ... خاف من الجيعان لي تربّى فالدزّ
والعزّ جديد عليه.👌

22/08/2022

قالو ناس بكري ...
كي يقوى الكذب يسماط الحبيب
والقدر كي يطيح عشرة سنين تروح في الريح
وكي تروح النية ما تستناش النصيب
وقد ماتصفي عمرك لاتحط الخاين مع المليح

22/08/2022

بكري كان السارح سراح
و الكلب نباح و المرا قايمة بالمراح
اليوم الراعي سواق و الكلب عواق
و المرا تطلب في الطلاق
بكري كان الباب لوح و القلب مشروح
و الخير مفتوح
واليوم الباب حديد و القلب صديد
والخو على خوه بعيد
بكري كان الجار هو مولى الدار
اليوم صباح الخير يا جاري انت في دارك و انا في داري
بكري كنا الأخوا ناكلو في طاولة
اليوم كل واحد و كاسو و كل واحد و نعاسو
وكل واحد هاز همو وحدو فوق راسو
بكري كان تمر و حليب
اليوم تاكسي و الطبيب
بكري كان المغزل و القرداش
واليوم البورتابل و الفراش
بكري كانت الرجولية خصال
اليوم الرجولية تتقاس بالمال

22/08/2022

ناس بكري قالو ❗️
ما ينفعك في الضّيق كان ذراعك وما يوكّلك الحلو كان اصباعك 🦅
لي راح وخلّاك يجي النهار ويتمناك ❤️
ما تقطع الواد حتى يبانو حجارو وما تمشي في الليل حتى يطلع نهارو 👀
وما تصاحب حدّ حتى تعرف خبارو 💨
لي أصلو تفاح عمرو ما يتلاح ولي أصلو دفلى عمرو ما يحلى
يالوكان يندار في عسل النحلة 🌺
ما تلعبهاش في الدنيا فاهم راه لمخير فيها حيراتو ❗️
كون فيها مظلوم وما تكون ظالم غدوة الواحد يبانو ورقاتو 📃
مول الخير يروح منها سالم وعمرها في امرو ما خيباتو ❌️

22/08/2022

ثلاثة عدياني : عيني و وذني و لساني، كون ما جوش هوما نروح لقبري هاني...💝
ثلاثة يربحو : النعجة و العويجة و النحل ايلا جا..💥.( العويجة تعني السنبلة)💖
ثلاثة من الجنون : الرايح للسوق بلا مال و الرايح للبير بلا حبال و الجالس وسط الجماعة و ما دارش البال💚...
الزين للنساء والنساء لخيرة الرجال...💛
والرجال للمحنة والمحنة لي قدر عليها...💖
ماتخالط ما تقول انا الغالط...💚
ماتعاشر النحل ما تشكي من لسعاتو..💛.
زين النساء في السترة...💖
والراجل يتقاس بالهدرة...💚
ومتحكمش على الناس بالنظرة...💛
تحب تشرب الماء الصافي شوف مجراه...💖
ولا حبيت تحكم لغزال تبع خطاه..💚.
وعمرك لا تقول كلام وما تعرف معناه...💛
لازمك كلام موزون وزيد ثبت معاه..💥💥.
لاعينك تصحب اصحب الراجل الفحل...💤💤 كي البارود ديما يخلي الدم يسيل معاه...📈📈
خيار لكسيبة الخيل وتكون قادر على عشاهم...🍞🍖🍗
وخيار لحباب الرجال وتكون تعرف معناهم...🏵🏵
وخيار الهواية البارود والصيادة حذاهم..💐💐.
عيب النفس في كثر الخطايا☡...
وعيب العين في قلة النوم...🚫🛇
وعيب العقل في موت الخلايا...🔮
وعيب الڨلب دسان الهموم...💡
وعيب الروح في خبث النوايا...🕎
الرجال يبانوا فالشدة...💖💖
وجه البارود إذا خرج مافيه ردة...💤💤
و الرجلة ماشي فالزندة...💫💫
والعظم عمرو ما يكون فالكبدة...🚫
والجايح يخلع بالهدرة..💤💤.
والدنيا فانية كيفها كيف الرقدة...💖
خوذ بنت الأصول لعل الزمان يطول...💚
بنت الأصول لا تغدر ولا تخون...💛
عز الطفلة مع بوها...💝
ومن غير بوها تتهان...💜
حتى لو كان شيخ القبيلة خوها...💫💚
وراجلها ولد السلطان...💭💥
طفلة تسرح بالغنم حفيانة ولا طفلة تشطح بين الرجال عريانة...🖒
وإذا راك خاطب اخطبها على أصلها تكون عرضك ولاتخون...💔
تروح ناس و تجي ناس وتبقى رضاية الوالدين تاج فوق الراس​...🙄
نمشي نمشي و إذا عييت نرتاح🙂...
المكتوب عليا يجي و لوكان نطير بلا جناح​...🚫
اللي باعك بالفول بيعو بقشورو و اللي نكر الخير ما تقيمو بدورو...🔒
اللي نساك نساه لاتخمم فيه خليه للعالي يتكفل بيه​...
فمي مغلوق وقلبي صندوق وربي من فوق يخلص لحقوق⁦...