Quel est le site Web ?

https://www.facebook.com/105930540874298/

𝗔𝗺𝗶𝗻𝗮𝗟𝗶𝗳𝗲𝘀𝘁𝘆𝗹𝗲, Bou Sada (2025)

02/12/2024

عروسة جديدة ونسكن مع دار العايلة بصح فوقهم يعني ايطاجي وحدي وحمدلله علاقتي معاهم لحد الآن 7 اشهر زواج مكاش مشاكل. لأني جابدة روحي .المهم انا راني بلحمل ومع الوحم راكم تعرفو . وليت مانرقدش ليل . وعندي لوستي أخت راجلي قدي فلعمر 21 سنة . أيا لبارح ماجانيش نعاس وراجلي كان راقد جا عيان ملخدمة ماقدرتش النوضو وانا ضاق خاطري تغميت . ايا قلت نهبط نعيط لوستي ونريحو كيف كيف جيت هابطة مالدروج على 12 تاع ليل حتى نسمع فالهدرة . تقول دمك نشربهولك. ناكلك مانخلي فيك حتى حاجة . انا قلبي حسيتو راح يحبس وسخانة طلعتلي حتى راسي رجليا تبلوكاو ماقدرتش نهرب بديت نعيط الللله اكبر الللله اكبرررررررررررر حتى نشوف لوستي هي لا كنت تهدر فتلفون المهم طفلة تشوكات وراجلي ناض يجري وسلفي وشيخي وعجوزتي ناضو . ڨاااع وعجوزتي. تعيط وتقول انا كنت حاسة بلي حميدة راح تموت انا في لحظة عرفت بلي لوستي كانت
مخبيا تحت دروج وتحكي مع صاحبها وتقولو دمك نشربهولك انا عمباتلي جنية راهي تحلف فيا المهم ماقدرتش نضحك باش مانكشفش لوستي مسكينة ونكون انا السبة قلتلهم كنت هابطة نحي لقارص مالشجرة حبيت ناكل لقارص حتى شفت دروج يتحرك وقريب طحت . المهم عجوزتي مسحتلي على راسي قاتلي تحبي حاجة عيطيلي فتلفون ماتزيديش تهبطي وحدك وشيخي مسكين يقرالي فلقرآن وهوا يقرى وانا وليت نبكي تالمون خبيت الضحك وراجلي مسكين مخلوع وسلفي قالهم لازمها راقي الطفلة . المهم شيخي قالي دخلي ترقدي عندنا ليوم تباتي مع نور لي هي لوستي قالي وغدوة يرحمها ربي المهم بتنا ڨاع لتحت حتى راجلي راح رقد مع خوه . وانا قعدت مع ختو حكيتلها قلتلها شوفي واش صرا وانا ضاق خاطري وكنت جاية ليك وشوفي كيفاه 😹 وطرطقت بالضحك لي كنت مخبياتو ماقدرتش نحبس . وهي حكمها ضحك هستيري ولات تضحك بلعياط المهم زاد جا شيخي انا غطيت راسي وبنتو قاعدة تضحك عاود غلق لباب وراح نسمع فيه يقول لعجوزتي لي كان فيها دخل في بنتك بصح هدا جن بهلول غدوة نلتا بيه وعجوزتي خوافة مسكينة شعلت ڨاع ضو تاع دار ودارت قران حتى رحت ليها انا نخلعت قلتلها ارواحي نحكولك واش صرا وهي وجهها تبدل قاتلها بنتها ارواحي ماتخافيش ارواحي نفهموك حتى عجوزتي قاعدة تعيط بوووعلام بوووعلاام اروااااااااح وانا والله ماقدرت نحبس مالضحك دارونا فالصالون وغلقو علينا بلمفتاح حتى طلع نهار باش فهمناهم المهم
♡منقولة 🤣♡