Blida Service

29/05/2023

السلام عليكم
طاحتلي كارت مانييتيك لي نجبد بيها دراهم في بولفار ( ب.. أسماء ) لي لقاها يكونتاكتيني svp

29/05/2023

ذكرى و ترحم:
الكبيري محمد
اللهم إنها السنة الثالثة لذكرى وفاة أبي 😭😭
ربي ارحم روحه التي صعدت إليك ولم يعد بيننا و بينها إلا الدعاء، اللهم ارفع درجته في المهديين واخلفه في عقبة الغابرين و اغفر لنا و له يا الله و أفسح له في قبره و نور له فيه، اللهم أبدله دارا خيرا من داره و أهلا خيرا من أهله و أدخله الجنة و أعذه من عذاب القبر ومن عذاب النار، اللهم أرحمه فوق الأرض و تحت الأرض و يوم العرض عليك اللهم قهِ عذابك يوم تبعث عبادك 👐
و بهذه الذكرى الاليمة تطلب العائلة من كل من عرف هذا المرحوم ان يدعو له بالرحمة والمغفرة

29/05/2023

Svp chkon ya3raf dermatologue compétent hna fe blidaa .

29/05/2023

ضيعت البطاقة الذهبية
اللقب : عيسى
الإسم: عبد العزيز

29/05/2023

البليدة زعبانة حي التخطيط
غير مقبول، أصبحت هذه الساحة خطراً حقيقياً بسبب ازدحام السيارات بها، وقد تم إبلاغ السلطات بالمخاطر في حالة وقوع حريق أو زلزال، ومصدر المشكلة. مطالبنا العمل بالحس المدني كما أمر به رئيس الجمهورية.

Intolérable, cette placette est devenue un véritable danger avec son encombrement par les voitures ,les autorités ont été informées des risques en cas d'incendie où de séisme ,et de l'origine du problème .notre revendication est une action citoyenne comme l'a ordonné le président de la République.

29/05/2023

رسائلكم
من أمام مقر بلدية ابن باديس طريق شريعة

29/05/2023

نحوس على رقم هاتف او فيسبوك تاع المحلات لي ابيعوا التيسي ( جلد او سكاي ) الخاص بتغليف السيارات من الداخل.. نورمالمو كاين في بليدة لكن مالقيتهمش في فيس بوك ..وجزاكم الله كل خير

29/05/2023

سلام عليكم خويا معليش تحطلي مساج تاعي حبيت نسقسى aname وين جايا في عمروسة

29/05/2023

selm nhawas 3la dwa orokan 200 l baba raho mrid. win nel9ah svp

29/05/2023

خاوتي واحد ضيع وثائق تاوعو فيهم كارت غريز وكارت مانتيك ولبارمي
الأسم. نختار
اللقب.جدي
رقم الهاتف 0554224933
لي يلقاهم يتصل وشكرا.

29/05/2023

تعيش نحوس على طبيب تاع كلوي مليح في بليدة

27/05/2023

اعلان عن توظيف :
نبحث عن عامل يجيد تركيب المطابخ كل ما هو MDF و Mélamine للعمل في ورشة لصناعة الغرف و المطابخ ….
بشرط له خبرة و يسكن في البليدة
يرجى الاتصال 0550470612

27/05/2023

notre pharmacie vous offre un poste de vendeur ou pharmacien nouveau diplômé pour le soir de 16h à 22 heure nous souhaitons une expérience Plus de 2ans un élément sérieux digne de confiance dynamique,très actif ayant le sens de responsabilité et un esprit d'équipe salaire selon compétence et savoir faire et niveau d'instruction.
0776752006

27/05/2023

ابتدائية ابن خلدون اولاد يعيش
اقيمة رحلة الى تيبازة لكل من لديه طفل منخرط في هذه الرحلة يتصل بالصفحة نبعثلو الصور تع ابنو .

27/05/2023

سلام عليكم .. اخي
ممكن تجوزلي منشور طارئ
كاينة عجوزة زوالية مريضة بزااف محتاجة لوفينوكس 0.4
لي عندو يعاونها يتصل 0670056301

27/05/2023

اليوم مور الجمعة كنا كورتاج من جيهة بن فارس قدام الجامع طاحلي ساشي مالامال فيه قفطان و جبة و pochette من فضلكم اللي لقاه يرجعهولي

27/05/2023

#تقني إلكترونيك.
من فضلكم نبحث عن من يستطيع إصلاح آلة قياس ضغط الدم و شكرا جزيلا.

26/05/2023

عندي وثائق اوراق او اشياء ضائعة حبيت نحطها عندكم ؟!
صالحي عبد الحفيظ

26/05/2023

سلام عليكم عندي لوكال للكراء في البليدة قريب من بولفار 20 متر فيه 350 متر علي طريق لي مهتم يتوصل معي
0655802543

26/05/2023

سلام عليكم
حييت نسقسي اذا كاين روضة اطفال في اولاديعيش يشدو الذراري لنهار واحد

26/05/2023

سلام لي طاحلو مفتاع تاع فيسبا قدام صالة تاع bodytime سيتي مفتاح
يتصل بيا : 0662724661

26/05/2023

خويا جوزلي ميساج
خاوتي خصني كورسي تع حلاقة نكري ولا نخدم بنصف معا مول الشيء 0660876620

26/05/2023

Salem
Kifech nrouh men blida le cheraga ,garden city exactement ??

26/05/2023

سلام اذا معليش تحط منشور نتاعي ربي يجازيك 🙏
نسحق ورشات اللي يخدمو الفخار هنا في البليدة و شكرا 🙏

26/05/2023

اخي سلام عليكم
البارح عشية طاحولي مفاتح تع فيصبا في طريق سيدي عيسى بن فارس طاحولي من الفيصبا مفتاح تع فيصبا و زوج تع الدار و تيليكوموند تع لالارم معاهم اخي الله يحفضك جوزلي الميساج لاخاتش ما عنديش دوبل تع فيصبا

26/05/2023

26/05/2023

سلام
اي وحد طاحلو مبلغ من المال في جوانفيل من جهة ليسكال راهم عندي تواصل مع الصفحة

26/05/2023

فيضانات تيبازة

26/05/2023

سلام نحوس خياطة فالبليدة تخدم بدرون يكون شباب و تخرجهولي كيما الموديل لي حاباتو

26/05/2023

السلام عليكم ، أرجو منكم نشر هذا النداء في صفحتكم و على جدار اكبر عدد من صفحات البليدة إن أمكن.
إن معرض النباتات الذي يقام كل سنة هو أكثر من مناسبة للبيع و الشراء بل هو فضاء راحة لعائلات تزور مدينة البليدة عموما من أجل المعرض و خصيصا لاكتشاف البليدة و جمال ثقافتها.
نحن عائلات البليدة نرحب بمن زارنا و نطلب من رئيس المجلس الشعبي البلدي و كذا أعضاء المجلس الشعبي البلدي المنتخبين لتمثيل رأينا على كل حال بأن يعاد النظر في مدة العرض، و كذا جعله معرض الربيع طيلة فصل الربيع.
سمعنا عن ممثلي المجلس الشعبي البلدي بأن المعرض سيتوقف لأجل عيد الطفولة ليوم الجمعه المقبل. هذا لا يمنع ذلك. بل و أن جمع العيدين لا بد أن يكون جمع فرحتين.
بارك الله فيكم يا من ستعينون على هذا الأمر ان شاء الله.

26/05/2023

🔴منقول..

✅ #عاجل :⚡☔
✅ #يرجى الغاء التنقلات نحو تيبازة
فيضانات عارمة و امكانية تشكل عواصف مطرية بحرية شديدة خلال الساعات المقبلة..
✅ #يرجى ايضا خاصة تجنب المدن التالية: القليعة،حطاطبة،بوسماعيل فوكة و بوهارون..
يرجى ايضا من سكان العاصمة تفادي استعمال المترو و الترامواي ان تمكن لهم الامر. لتفادي الاختناق بسبب تسجيل فيضانات منعزلة في بعض محاور العاصمة خصوصا عين النعجة و القبة.
✅ #و لمن لا عجل له، فيرجى عدم التنقل بتاتا اليوم.
نسأل الله الغيث النافع ☝
✅ #صور مأسـفة عن ما خلفته فيضانات الأمطار الرعدية التي ضربت _القليعة_و_فوكة_و_بوسماعيل تيبازة صبيحة اليوم "الخميس 25 ماي." وقد خلفت خسائر امادية وضحية رحمها الله " ربي يلطف بيهم ويرزقهك الصبر😢💔

26/05/2023

لقد نشرنا في رمضان الفارط منشور أضر كثيرا بمسؤولي المؤسسة الاستشفائية الفابور بعدما نقلناه من إحدى الصفحات بدون ان نتحقق من مصدقية الخبر ،بأن هناك متبرع تبرع بمبلغ من مال لفائدة عمال المؤسسة وتكلمنا أنه تم إقصاء بعض العمال لكن تبين ان الخبر خاطىء وتمت العملية بحضور المتبرع شخصيا ورئيس المصلحة والمديرة وإبلاغ المصالح الامنية بمبلغ المتبرع ،من هاذا المنبر نكرر إعتذارنا لمديرة المؤسسة ومتابعين الصفحة للاننا ننقل الاخبار بمصدقاية ووقعنا في المحظور ،أكرر إعتذاري بصفتي مسؤول الصفحة وشكرا

25/05/2023

سلام عليكم خويا كاين وحدة نسات صاشي حوايج في البيس تاع ( باب الرحبة اولاديعيش ) وهبطت في موبونسي كانت رافدة بيبي 🍼 تخلي كومونتار

25/05/2023

السلام وعليكم
خصني كرية فبني مراد وضواحيها
F1 f2 بسعر مناسب
0799322431

25/05/2023

رسائلكم
سلام عليكم توجد مريضة في حالة مستعجلة لهذا الدواء
لي يعرف وين يبيعوه
ولا لي عندوا
يعاونا جزاكم الله خيرا
ان الله لا يضيع اجر من احسن عملا

25/05/2023

خويا جوزلي هذا المساج راني نحوس نكري لحايك كشما كاين adresse في بليدا تعيشو

25/05/2023

السلام عليكم خويا الله يحفظك جوزلي هاذا الميساج مستعجل أبحث عن رقم هاتف الطبيبة توري المختصة في أمراض الصدر تشتغل في مستشفى بن بولعيد جزاكم الله خيرا

25/05/2023

خويا جوزلي المساج الله يحفظك

نتا لي خطفتلي التلفون في باب السبت مع صاحبك بالفيسبا، خطفتو تحت الكاميرات و ماجبتشي خبر،انا كنت نستنى غير في تصاورك يلحقوني فالايمايل، راهم لحقوني ،تلقاني وين خطفتهولي وترجعو صحا و مليح، ماكانش اك تباصي كي نتا كي صاحبك يا وليد الناس.

25/05/2023

تم العثور على porte monnaie اليوم صباحا الموافق ل 23/05/25 في سوق باب الرحبه يحتوي على مبلغ من المال وبطاقة بنكية و اشياء اخرى يرجى من المعني او المعنيه الاتصال بالرقم 0697096371
المطلوب: تحديد قيمه المبلغ و تقديم اسم صاحب البطاقة