15/12/2024
منعرف علاه كامل هبلتو على شوكولا دبي هاذي !! نحيو خاوتي عقلية لمعاندة هاذي و الله سيريو ، الغاشي كامل متكالب عليها تقول منعرف واش ، و التجار رفعو السعر ، الغاشي كامل رجع يخدمها ! و عجبك يبيعها غالية !! الميكانيسيان غلق و رجع يبيع شوكولا دبي
انا شخصيا ذقت الأصلية تاع دبي جابوهالي ، عيانة تقولها طيحال موشي طايب مليح
موشي لهاذ الدرجة أعطو لكل حاجة حقها خاوتي ، عادو يبروفيتيو علينا و يمشو بعقلية " ربي يكثر الطنوهة باش يعيشو القافزين "
الغرض من المنشور هو التوعية و ليس السخرية
لمخدومة هنا لقيتها تدير بثمنيين ألف ، لهاذي الدرجة !؟ عجبكم الحال !!؟
إذا عجبتكم يبيعولكم طرف شيكولا بثمنيين ألف فلتراجع نفسك و تفكيرك .
نفس العقلية في السيارات ، في كباش الأضحية ، في المؤثرين ، في كل شيء ، تعلمو شوي ثقافة المقاطعة ، شوي وقار و ثقافة تجاهل التفاهات ،، اعطو لكل حاجة حقها رانا في عالم رابع صح
