لأجلك أكتب

لأجلك أكتب ”يا الله دعني أحبك للحد الذي أقف فيه أمام معصيتك ولا أقترفها لأن حبك ينهاني ..🌸
(1)

01/01/2025

العاصمة في رأس السنة الميلادية !! 🫣👎🏻
أتى الإسلام غريبا ويعود غريبا

31/12/2024

كي تشوف التعليقات على فيديو عرض زواج واحد المؤثرين تاع روتيني اليومي، تعرف كمية الفقر الفكري والكبت العاطفي اللي عند هاد الجيل وكيفاش يوم بعد يوم يرجعو فرويتي أكثر وأكثر، تدخل أي سطوري تلقاهم مع أغاني تجيب الفشل الكلوي، واحد يقولهم بكيت عشر مرات كي شفت الفيديو ووحدة تقولهم يا ربييييييي تأثررررررررت عسللللل مع عشرين إيموجي تاع نديب وبكا، وحدة تقولهم علاش ماعندناش منو في دزاير وواحد يعلق بإيموجيات تاع هداك اللي عينيه راح يدمعو .. حنيّن أوي،
لوكان أنا اللي درت الفيديو يقولك خرطي البدايات ونشوفوكم بعد عام ولا عامين، السيد قالها راح دير بالي عليك وخلي أيامك حلوة شغل مأمون بيك كي كان يحشي لفريالووو، بشوي موسيقى وزوج محارق الناس بدات تتكربص وتندب تقول الشيعة يوم عاشورا، واش المهابل هادو اللي صابنا ربي بيهم وتحتمت علينا نشوفوهم يوميا، السوشيال ميديا خربت العقول بيناتنا درك كيفاه تحبي الجزايري يديرلك هكدا أنت في حد ذاتك كون يديرلك هكدا تموتي بالضحك لأننا ماناش تاع هاد الشكيل، زعما يقولك راح ندير بالي عليك ونخلي كل يوم أحلى من اليوم اللي قبله وتتأثري وتبلعي ريقك شغل متأثرة؟؟؟ ها خلينا يرحم باباك.😒😒

31/12/2024

ساعات قليلة ونستقبل شهر رجب وهو شهر سماه الصحابة {بالشهر الأصب} ..
لأن الله يصب فيه من الرزق والخير صبًا فكانوا يجدون أرزاقهم تزيد في رجب ومرضاهم تشفى في رجب ..
فكانوا يكثرون فيه من الدُعاء لأن الله سبحانه و تعالى يصب فيه من بركاته وقبوله للدعوات ..

اللهُم بلغنّا إياه وصُب علينا فيهِ خيرك وفضلك وعافيتك صباً صباً ...🤍

28/12/2024

أعلم أنك ربما لا تنتظر الآن أن تقرأ شيئا كهذا، أعلم أيضا كم كافحت، كم خسرت، كم خُذلت، كم تعبت، كم سقطت، أعلم أن لا أحد يعلم حقا من أنت .. إطمئن أنا لا أعرفك لكنني دائما أكتبك بين سطوري وكأن الذي بيننا عِشرة عمر، لا أحد يعلم معركتك مع الحياة لكنني أعلم .. إني لا أرى الناس لباسا وشعرا وعيونا وأناقة مظهر، إني أرى ما تحمله الأعماق وأخمن ما تخفيه المظاهر دون أن أغتر بها، أعلم أننا لسنا تلك الوجوه التي يرونها على الطرقات،
لا تستعجل يا صديقي لعلها آتية أحسن مما تريد، إنها في يد من يعلم وأنت لا تعلم، إنني لا أكتب لنفسي لا فائدة لك بما أكتبه ، إنني أكتب ما أود قراءته وأقول ما أرغب في سماعه، إنني أكتب الناس، أكتبهم حتى لا يشعرون بالخيانة مرتين، من غدر الواقع وخيانة الحروف واسألني أنا عن كلتا الخيانتين، قلت لك صديقي لكننا لسنا أصدقاء .. العشرة مهما طالت ستنتهي يوما ما، أنت غريب عني وأنا غريب عنك .. حروف تجمعنا والمجد دائما للغرباء .🩵

28/12/2024

بزاف ناس كانوا دايما يتفاعلو معايا ويعلقو على منشوراتي هوما اللولين .. اليوم مازالهم متابعين لكنهم تغيرو رجعو كأنهم ماكانش، لكن في المقابل جاو ناس أخرين وراهم يتفاعلو بنفس طريقة من سبقوهم، أيضا كل يوم الكثيرون يقومون بإلغاء متابعتي وفي نفس الوقت الكثير أيضا وربما أكثر يتابعونني،
نفس الأمر ينطبق على جميع جوانب حياتنا، من معنا اليوم غدا لن يكون كذلك، من يسأل عنا اليوم وغدا .. بعد غد لن يفعل، لكن أبدا لا شيء في أيامنا يتوقف، يرحل واحد يأتي عشرة، يتوقف عن السؤال إثنين يسأل عنا مائة، لا تهتم أنت .. يهتم غيرك، العشرة صحيح لا تهون خاصة على أبناء الأصل لكن يجب أن تمضي قدما وتتوقف عن العيش وكأنك فقدت محور حياتك .. أنا صراحة راح الذهب ولم أبكِ عليه فما بالك بالقصدير! 🩵

27/12/2024

حياتي الإجتماعية لم تعد مثلما كانت .. انعزالي عن العالم يزداد يوم بعد يوم بـ شكل مخيف ، في فترة ما كنت أتحمس بـ شغف عندما أتعرف على شخص جديد .. كنت أحاول بـ كل الطرق إكتشاف شخصيته .. كنت أفرح كثيرا عندما أجد نقاط مشتركة بيني و بينه ، كان عندي ناس أنتظرهم حتى الفجر عادي كي أكلمهم ، أفرح عندما أبني علاقة جديدة مع صديق أقضي كل يومي معه ،
لكن الآن .. صرت شخصا مجرد من أي غايات عاطفية .. لقد إنتهى رصيد الدوافع التي كانت تجعلني إجتماعيا و كأن كل طاقتي إستهلكتها مع الأشخاص الخطأ ، الآن أنا أشعر بـ الأسف كثيرا على كل من يحاول التقرب مني لأن من تعود على الظلام .. أصغر نقطة نور ترعبه ! .. 🩵

27/12/2024

عمرك تلقى وحدة دايرة فالسوشيال ميديا متزوجة براجل .. راجل زعيم ، غير اللي متزوجة بواحد تخبيلو وجهو، بيسك علابالها بلي طحان وفرحان ..

المراة تحب اللي يعطيها حريتها الكاملة حتى لو بالدياثة بصح في داخلها تعتبره ماشي راجل وعلابالها، والدليل كامل ماشي المعظم كامل خلاصت عليها بالطلاق والسبان وتبادل الشتائم في الستوريات،

الحلابين والمكبوتين راهم توجور في خدمتكم، وبالعكس بلاك يخلصوكم غير باش تقبلو بيهم، لغرض بيولوجي طبعا اللي هو التكاثر، بصح باش الرجال يتلفتو لأمثالكم والله تبوسو عينيكم ماتشوفوهم، الرخيصة تدي غير الرخيص،

كيما قال الشاعر "زهر الـ طيييط في الـ طييييط".😐👌🏻

25/12/2024

لِـنُنهِي دِيسمبَر بإعتَرافٍ لطِيف ...🤍

24/12/2024

"قف شامِخًا عانِق هناك الأنْجُمَا⠀
يكفيكَ فخْرًا أنْ تكون مُعلّما" ♥️

24/12/2024

الكريسماس يحتفل بيه واحد بشجرة الميلاد تلقاها كبيرة مضوية دايرين بيها الهدايا في دار الله الله مع موسيقى ماريا كاري وحتى كي يهدر عليه تلقاه يغرد في تويتر هاپي نيو يير وصايي، حتى الحرام يديرو بطريقة تصلح،
هنا تلقاه في عيد ميلاده كون مايشريش وحدة ماكسون لروحه واحد ما يتفكره وماكتيفي الفيس تاع طرواميل ولا مكونيكتي بالزيرو وجاي يصرعنا كل دقيقة لقد كان عاما مليئا بالبون آني ولقد انتهى عام أحببتك فيه وسيبدأ عام سأحبك فيه أكثر وسأحذف كل حبة هندي في حياتي مع بداية العام وسأتشقلب وسوف وسوف ويبدا يتوعد تقول كشما درنالو ولا دينالو ورث باباه، واش دخل جدك أنت في العام بدا ولا قعد .. متفائل زعما بالأرقام الجديدة! أصلا بواش راح تحتفل؟ رانا حابسين في عام ألف وتسعمية وجدي .. ها خلينا يرحم باباك خلي الحرام لماليه ع الأقل يعرفو يديروه.🤏🏻😐

22/12/2024

نحير في هذاك اللي يخلي مرتو تبات في دار باباها 15 يوم و20 يوم نورمال،

كيفاش تقدر خويا؟ إذا ماتحبهاش قولنا عادي مابيناتناش، أنا هكدا مازال حتى مانعرفهاش ومانحبش نخليها تبات عندهم،

ديجا كيما هوما ماكانوش يخليوها تبات عندك قبل الزواج ماتخليهاش أنت تبات عندهم بعد الزواج .. وحدة بوحدة والبادئ أظلم.😐

مع السّلامة يا روح الروح💔
17/12/2024

مع السّلامة يا روح الروح💔

فَرِحِينَ بِمَا آتَاهُمُ اللَّهُ مِن فَضْلِهِ وَيَسْتَبْشِرُونَ بِالَّذِينَ لَمْ يَلْحَقُوا بِهِم مِّنْ خَلْفِهِمْ أَلَّ...
16/12/2024

فَرِحِينَ بِمَا آتَاهُمُ اللَّهُ مِن فَضْلِهِ وَيَسْتَبْشِرُونَ بِالَّذِينَ لَمْ يَلْحَقُوا بِهِم مِّنْ خَلْفِهِمْ أَلَّا خَوْفٌ عَلَيْهِمْ وَلَا هُمْ يَحْزَنُونَ .💔🤲

ذهب للقاء "روح الروح" تقبلك الله يا شيخ خالد وجميع شهـ.ـدائنا الأبرار 💔
16/12/2024

ذهب للقاء "روح الروح" تقبلك الله يا شيخ خالد وجميع شهـ.ـدائنا الأبرار 💔

13/12/2024

كي نحضر لكاش عرس تلقى واحد يشطح واحد يدوموندي يزيد الخبز واحد يخبي فالڨاطو ... كل واحد كيفاه، أنا تلقاني نخمم علاه العريس دار هدا كامل؟ تجي في بالي فكرة نمد للعروسة ثلاثة آلاف فرنك حق لبيس باش تجي عندي وصايي وحنا تزوجنا، ولا اذا حابة تدير عرس نحددلهم لادات ونروح أنا سمانة لبجاية نخليهالهم يزهاو يديرو رايهم وكي يكملو يبردو قلوبهم يعيطولي، نجي نفوت هاديك الليلة تاع زعما ليلة العمر وغدوة نرجع نسهر كي بكري مع صحابي ومع ليسيري .. طبعا من شروطي في زوجتي انها ترقد بكري لأنو لواحد والف يسهر وحدو، المهم مانحب نسمع "الخبز مايكفيش، الطاكسي تاع لعروس مازال ماجاتش، فلان ناناه تتوحم حابة طاجين حلو، جماعة لبارود خصهم كبسول ..." ولا يجي واحد يقول لماكلة ماعجبتنيش ويشرط وأنا خاسر 150 مليون على هداك العرس وبعدو راح نولي نبدل الطريق تالمون جماعة لبارود يسالو مليون وتاع ليمابل يسال عشر ملاين تاع لاشومبر وجدي صاحبو يسال 15 مليون تاع لكبش ... بلا ما ننساو التضحيات النفسية اللي قدمتها كي كنت نتحمل النكد تاع الطفلة وهرموناتها كي كنت نطيّح من نيفي وانا نفوتلها لهبال تاع لبنات اللي يحكمهم فجأة بدون سبب باش وصلنا لهداك النهار، المهم الطفلة تسال عندي 3 الاف حق لبيس باش تجي، نص الدين كملناه، الاصول درناهم، الوالدين رضيناهم ... بقات فاللي يحب يزهى وياكل .. الغناء حرام والتجمعات نخاف الدولة تحسبها تجمهر غير مشروع .. اعذرونا أنا لا مسطول ولا بتطوح أنا جاي أجامل ومروح .✌️😐

13/12/2024

في هذا العالم هناك نوعان فقط من السحر مُنحا للبشر ..
أحدهما الحب و الآخر الدعاء ..

وأنا أُحبك و دائماً أدعو لك ..🤍

03/12/2024

أتَسائلُ في كُل ليلة قَبل أن أخلدَ إلى النّوم ، ماذا لو رحلتُ من هنا فجْأة دون سَابق إنذَار أو ودَاع و دُون أي إشَارة وجُودية مِن اللّٰه ؟
هَل سيكُون ذلك مبرحاً و مؤلماً و مفاجئاً لهم ؟!
و هل سيستمرُّ ذلك أمداً طويلاً أم مدّة معدُودة ؟ هل سَيبقَى من هُو مخاصِم لي أم سيُسامحنِي الجَميع ؟
مَاذا سيحدُث لأصْدقائِي من بَعدي ؟ والذِين أحبّهم ؟ هل سيتمكنُون من حب آخرِين من بعْدي و المضيَّ من دُوني
مَاذا سَيحدثُ لدَفاتِري وأقْلامي و كُتبي و وسَادتي و مِعطَفي و زوايايَ التي أُحبّها ؟! هل سيتَسابقُ أحدٌ لهَا ويحْتضِنها ويذكُرني بها ؟ أم ستُهجر تماماً
و مَاذا عن صورِي ، هل سيُبقيها أحدهُم كـذِكرى لي أم ستُحرقُ فوراً ؟!
و هل سيفتقدنِي أحَدهُم ؟؟! هُنا السُؤال الحقِيقي ، هل سيفتقِد أحدٌ ما مكاني حقّاً ؟ أم لنْ يلحظَ أحدٌ غِيابي و لنْ يشتاقَ إلي أي شخص ؟؟ و سأبقى وحيدةً حتى في رحِيلي ...🤍

Adresse

Algiers

Site Web

Notifications

Soyez le premier à savoir et laissez-nous vous envoyer un courriel lorsque لأجلك أكتب publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Contacter L'entreprise

Envoyer un message à لأجلك أكتب:

Vidéos

العاصمة في رأس السنة الميلادية !! 🫣👎🏻 أتى الإسلام غريبا ويعود غريبا

هؤلاء فخر الجزائر .. إعاقة بنسبة 100%..ظروف صعبة.. لم يدخل يوما للمدرسة.. شاهدوا كيف يتلو القرآن .. أبهرني هذا الرجل العظيم أنت عظيم يا آدم ما رأيكم أصدقائي ؟

علاه يا بلادي علاه !💔🥺🇩🇿

صغير وعقلوا كبير♥️

لا تحكم على الكتاب من غلافه🥺❤️‍🩹

Raccourcis

Partager

Type