Quel est le site Web ?

https://www.facebook.com/108036811434436/

كلام يجرح ويداوي

Page d'Accueil
Algérie
Algiers
كلام يجرح ويداوي

لا شي مستحيل عندما يكون الله بجانبك❤️ 𝒉𝒆'𝒔 𝒋𝒆𝒂𝒍𝒐𝒖𝒔 𝒐𝒇 𝒑𝒆𝒐𝒑𝒍𝒆 𝒂𝒏𝒅 𝒉𝒆'𝒔 𝒂𝒍𝒍
(1)

09/12/2024

🙂راني مسافرة شكون نخلي عندهم خرخوش وبربوش راني خايفه يموتو من الجوع😶‍🌫️🥺

09/12/2024

#رسائلكـــــم 😭
بعد 3ايام من مو.ت اختي دارنا ولا يسقسو على تليفونها درت روحي معلاباليش وين رآه يوم رابع ديتو لييبراتور فتحلي لكود 💔😭دخلت نشوف تصاورها ونشهق 😭 مسكينة كانت تطلع فلي مودال تاع قاطو وتاع حوائج بسكو كانت تجهز ختي مسكينة 20سنة مزال مقفلتهاش خدعتني منبعد دخلت مذكرة تاع تيلفون اقسم بالله العظيم ياريتني مدخلتهاش تحطمت ، بعدما فتحت تيليفون ختي لي ماتت عندها ايام لقيتها
حاكيا معا مرا فميساجات تاع تيليفون وذيك تحلل في ختي وتقولها بليز عندي ذراري معاه متقبليش بيه بطلي . تماك عرفت وفهمت بلي ختي طفل لي كانت معاه ملي كان في عمرها 15 السنة وراه في عمرها 20 وخطبها وفتح عليها مزوج وعندو ولاد وهيا مکانش علابالها . علابيها قاتليي باغيا نبطل منو وماما حرشت بابا عليها ضر.بها باتت تبكي حتا حكمتها شكة قلبية ادعولها ادعولها لبنات بلاكم من رجال متزوجين

09/12/2024

#واقعنا
البارح تعاونت مع خالتي ركبنا لفورنو بحكم راجلها يخدم بعيد وساكنة وحدها .. من الصباح وأنا نعيطلها محبتش تهز لقات سخانة ولحالة دافية نساتني 😑💔🚶

09/12/2024

#رسائل

وحدة جات عندنا للسوبيرات قاتلي معليش خويا ترجعلي الكاميرا كي خرجت من عندكم سرقولي البورتموني وفعلا عطاتني الوقت بالتقريب ورجعت الكاميرا وقاعد نقدم فيها بشوي حتى قاتلي اصبر اصبر قلتلها هذا هو السارق ؟قاتلي لا هذا السي راجلي راه يمشي مع لالة ومقودها اليد فاليد .

اكتشفنا من بعد باللي صحبتها شافت راجلهامع وحدة وهو نكر ماحبش يستعرف مالا صاحبتها عطاتها مكان بالتقريب جات دارت قاع على الحوانت لي في ذيك البلاصة ودارتنا القالب تع السريقة باه تراجع الكاميرات تاع ذوك الحوانت

08/12/2024

اللهم امين 💔

08/12/2024

#رسائل
عندي 20 يوم ملي ولدت وعجوزتي كانت لباس عليها معايا. أيا قاتلي روحي لداركم وخلي بنتك وخمي مليح اذا ترجعي ولا تقعدي تم وقاتلي بنتك مانعطيهالكش
سبب هو اني هدرت مع اختي وكان عندي بزاف ماهدرتش معاها قاتلي راك تهدري كل يوم وانا وما هدرتش
و وليدها ماكانش هنا وهي قاتلو قلتها روحي ضيفة برك
بكاتني وانا نافس ما عرفتش واش ندير
ومشكل هو مادار حتى موقف شغل حق معاها

08/12/2024

#رسائل
الحمدلله ربي عطاني عجوزة فنيانة كثر مني 🤣 ماتنوض بكري ماعلابالها بالميناج ماتحاسب كيما شي عجايز تحب غير تجمع وترقد ماكلة وماتاكلش غير حاجة خفيفة بسكو عندها سكر والله غير نعمة لعجايز انا نوض قبلها منين داك تنوض 10/11 مانشربو قهوة لا صباح لا عشية ماتقلي علاه مدرتيش ولا علاه درتي عندي. عام معاها مزال ماسمعتش كلمة منها بلعكس نسمع غير لحاجة شابة مثلا كولي مليح طيبي وش حابة متغسليش ماعن خليهم لمبعد متسيقيش خلي لمبعد هذي لمبعد. ديما في فمها 🤣 ساكنة غير انا وهيا وراجلي يخدم بعيد يطول باش يجي هيا ساكنة تحت وانا فوقها وعندي. كوزينتي لفوق وكلش بصح جامي طيبت فيها نطيب غير تحت تقلي هذيك درتهالك اذا كاش ما درتلك ولا معجبكش لحال طيبي في لفوق قتلها لالا مجاياش نتي تاكلي وحدك وانا وحدي. تسما نضلو مع بعض حتا نبغو نرقدو كل واحد يروح لبلاصتو وتحب لخراج تاني خطرة علا خطرة تقلي اياي نخرجو ندورو

07/12/2024

#رسائلكم
لي راني معاه عام وحنا مع بعضنا دكا راه عمري 19وهو 27لبارح شاف خويا عمرو 13فيستا تاعو مقطعة ولابس صباط قديم ومقطع وهذاك الصباط تالمو قديم ولا راشي وبارد ويدخل البرد الله غالب مكاش شكون يشريلو حنا ناس معندناش كامل وبابا مهوش خدام ساعات وين يلقا خدمة ياربي اذا جابتلو حق مناكلو وهذا لي راني معاه دايما يشريلي جامي بخلني بحاجة عجبتني ومشراهاليش مالا لبارح كي شاف خويا قالي ابعثيهولي عندي للفيترينا (هو عندو فيترينا كبيرة يبيعو فيها قش الرجال بصح كلشي غالي) مالا رحت قلت لخويا راني لقيت حانوت تع لبسة يبيع حوايج رخاس قتلو فيستا ب 100الف ومديتلو 100لي ديجا مدهالي هذا لي راني معاه مالا راح معايا ليوم وانا مدخلتش قعدت بعيد و قتلو ادخل مالا كي شافها قالي هذي باينة يبيعو فيها الغاليين قتلو لالا ادخل شوف ني شفت لبارح مالا كي دخل راح عطالو سروال وتريكوات تع شتا وتقاشير وصباط تع شتا وفيستا وديباردورات قالو كي شغل هذو صدقة راني نصدق وخويا شدهم وجا ليا يفرح قالي شوفي شاعطالي ورجعلي ل 100تاعي🥹🥹وهذا لي راني معاه نهار الجمعة جاي يحكي مع بابا ادعولنا ربي يكمللنا مع بعضنا نبغيه والله هو الوحيد لي مخفف عليا شراني عايشة نحبو بزااف دعولي 🥺🥹

07/12/2024

#رسائلكــــــــم
شيخي و عجوزتي توفاو لزوج دارهم بقات فارغة ذرك راجلي حاب يبيعخها و يدي حقو بصح عندو ثلاث خوتات بنات متزوجين رفضو تتباع الدار بصح راجلي أصر أنو الدار لازم تتباع و كل واحد يدي حقو ذرك راجلي لاح الحكاية فالشرع و الدار رح تتباع فالمزاد و خوتاتو متهمنيني بلي انا لي نحرض فيه و راهم غير يوكلو في ربي عليه
وحاليا شابعين بكا على الدار يادرا راجلي ضلمهم ولا دار الصح
أراؤكم

06/12/2024

#رسائلكــــــم
جارتي راجلها مرفه ساكنة في فيلا ربي يبارك البارح عيطتلي قاتلي أرواحي مسحقتك كي رحت عندها قاتلي قاتلي شوفي أنا كرهت مالشغل تاع الدار قررت نجيب خدامة وش رايك تولي كل يوم تجي عندي الصباح أنا نريح فالفوتاي و نتي تخدميلي تخبزي و تديري الغداء و تديري الميناج و لكان قش تغسليه نص نهار برك و لعشي هاك تخدمي في دارك و نعطيك ثلاث ملاين فالشهر أنا شبعت فرحة أخيرا رح تولي عندي شهرية قلتلها مكان حتا مشكل قابلة هيه لعشي كي جا راجلي حكيتلو وش قاتلي جارتي و قتلو اني حابة نروح الراجل ديراكت جبد معايا بكف قالي اطونوسيون تعاوديها الهدرة هاذي غير اذي لمتصراش نخدم و نشقى ليل و نهار باه مرتي تولي بونيشة عند نسا الرجالة اذاك لي مزال
قولولي شكون لغالط انا و لا هو

06/12/2024

#رسائل
لبنات جا خطبني واحد في عمرو38 وانا 28بصح لي يشوفني يقولي تكذبي خاطر عندي baby face نبان 19
مهم درنا رؤية شرعية و مبعد دا فايس تاعي و أنا حسبت علابالو بلي راني28 حتان قالي يا مولات تسعطاش نربيك على يدي قتلو بصح مانيش تسعطاش قالي ثمنطاش😍 قتلو اني 28 شنف عليا و قالي خدعتوني حسبتك صغيرة ونتي شارفة و كبيرة و بايرة و بدأ يسب و مبعد قالي نتوما ماتحبوش لي يجي ينويكم الحلال ديما تخدعوه شوكاني قلتلو واش يا مجلد نتاجك رآه عندهم ثلث ذراري يا الباير الشارف لي وجهك حديد وما ينحيلوش التكماش شميت ريحة فمك ولا لالا ؟ جا يهدر قلتلو بلع يا لي فايت مقام الشهيد بعامين يا لي خرجت وخليت ريحة الصنان في دارنا بلاجافيل وماراحتش وكوبيت عليه
و رحت لبابا قتلو بطل عليه هادا راهو بيدوفيل كي عاد وحدة 28 بايرة بابا قالي قالك بايرة قلتلو ايه زاد بابا عيطلو قالو شحال في عمرك قالو 38 يا عمي بابا قالو يعمي عينك يا الشارف راني فايتك ب 12 سنة برك ولوكان عرفت بلي عمرك 38 بالحرام ماتدخل داري سيادك راهم بزوج ذراري وانت اتكبر على لبنات بنتي تدي نتيجها وانت شوف لي تقبل بيك يا المجلد لي تبان كبير عليا بعشر سنين
هذي صرات لبارح اليوم عيطتلي ختو قالتلي حسبي الله ونعم الوكيل فيكم مليارح رآه غير يبكي ومريض قلتلها رضعيه ولا بدليلو ليكوش يا موسندارة يا نص بنادم لي ماتجي تخرجي حرف حتى تتخنقي يا لي تقولي هربتي الغسال يا اليابسة لي حالفة فيك لرض طرطقت بالبكا قالتلي دمرتيلنا نفسيتنا
تعيشو قولولي شكون الغالطة انا ولا هوما ؟
ودوك يماه راهي تعيط نرفد عليها نمرمدها ولا لالا ؟

05/12/2024

#رسائلكم
انا عروسة جديدة و تزوجت زواج تقليدي كي سقسينا عليه قالو ناس ملاح م الخدمة للدار خاطية الشوانط يصلي ماقالولنا فيه حتى كلمة خايبة لكن المفاجأة كي تزوجنا كانت الصدمة لي هي انو بخييييل جدا مثلا نحكيلكم هذي أيا نرحي فالسكالوب قلت ندير كفتة الدجاج تحرق الأشوار في يدي صدقوني قريب رحت فيها 💔كي روح قعدت نحكيلو دارلي حالة قالي كفاش اشوار تاع 220الف تحرقيه انت ماكش مرا و ما تستحفظيش قتلو خدمت بيه عادي تحرق وحدو مش زعما لي فورصيت عليه ولا خدمت بيه بزاف لا علينا فاتت سمانة كحلة على جال هذاك الروبو 😣أيا راحت الحكاية هذي و زيدت مرت خوه و عرضتنا كامل دارت عشاء قتلو اعطيني نباركلها قلب عليا الدنيا قالي كون عرفتك هك ما نتزوجكش بلعتها و سكتت كنت حابة نروح نبدل جو و حاولتو عطاني 50 الف بالتحاويل ايا كانت عندي 200 الف داستها زدتها و سكنت 😞وانا ثم عندهم مرت خوه لوخر طيشت هدرة بلي هاي جات مرت المشحاح درت روحي ما فهمتهاش و فوتها عادي 😣 لا هلينا ضرك خلاصت القضية تاع دار و مالقيت وش نطيب كتبتلو ليستا قتله جيب معاك هذو كي تجي بش نطيب روح م لباب بدا يعيط و يقلي اااه انت ما خرجتنيش انت راح تفلسيني و بدا يفتح فالفريدار لقا حبتين زرودية مذبالين و ڤرن حار و حبة خيار قالي و هذو هذوووو وش يديروا هنا علاش خليتيهم فسدوا انت ماكش مرا مع العلم هو مليح في كلشي كي نجبدلو ع دراهم يدير مشكل و يتحول حرفيا رايو عليا كفاش نخليه يتبدل لاني بغيت نحاول معاه قبل ما نطلقوا مش حابة نتسرع و هذوا غير شوية مزال عندي بزاف حكايات معاه 💔قلهم ام وسيم يعطوني راي مليح

05/12/2024

#رسائلكم
حڨرني خو راجلي وسبني وظلمني وكل يوم يديرلي حاجة ويبهدلني قدام العايلة..سكت وضربت النح

وعيطت لخويا زطايلي و تاع حباس .قتلو احكموا برا اعطيه طريحة الكلاب وابعثو للدار
خويا دار الواجب .قالي ماتخميش .غطا وجهو وعسو خارج من الخدمة وجاب معاه صحابو شدوه عطاوه عطاوه بالقزول حتى تنفخ وزراق
وجاء بدموماتو للدار معلابالوش قاع شكون .وراهي مڨلبة فالدار .وهو رآه ينازع ويعيط من السطر .عيطلي خويا قالي كاش خدمة راني هنا ختيتي 🥰😍....
وانا بردت قلبي .شح مح 🙂🙂🙂..
هكذا نولي نجيب حقي
خلاص زمن نبكي في كوانة ونسكت ..🙂🙂 ..
ههه نضحك برك مزالني بايرة

04/12/2024

هههه ليلة سعيدة 😌😍

04/12/2024

🤣🤣🤣🤣 #واقع
وياا لبنات انا حطيت راسي علي المخده باه نرقد ونسمع في بابا يقول لماما bibi او واش هذا راني نحلم ولا واش ،، نحيت لغطاء من فوق راسي باه نتاكد ونسمعو يقلها bibi راني نستنا ، وشبيه هاذ واقيلا راه يعشق في ماما ويقلها bibi, هااارب العالي لعبتها نضت نشرب الماء ،، وكي جزت على شومبرتهم نسمع ماما تقولو هاني bibitlk ،ً هو شافني وقالي ارواحي شريت بيس جديده ريجيستري نيمرو تاع يماك هنا راهي bibatli دوك 📱، وزيد bibili انت وريجيستريه هههههههه

03/12/2024

#رسائلكــــــم
نحكي حكايتي لينات في عمري 24 سنة متزوجة عندي شهرين زواج
من قبل كان عندي واحد في حياتي كنت نحبو مكتبش المكتوب تصورت انا وياه وصلو الصور ليد زوج
كان خدام قالي هزي قشك رنكي لداركم قالي قيس منروح من الخدمة ندخل منلقاكش
واش ندير لبنات شوكاني هدا لي كنت معاه ماشي من ولايتي عندنا عامين تفارقنا جامي عيطلي ولا حوس عليا تشوكيت كيفاه عرف ولحقوه الصور
مافهمتش لانروح لدارنا ولاواش ندير
ماما راهي تقولي متخرجيش خايفة يوصل يضربني و يحاوزني

03/12/2024

#رسائلكم
💔القائمة الاولى
المسحورين لقينا عفايس ملابس صور حطوهم في ماء مرقي وحرقوهم من الخوف درنا منشور لهاذ العائلات باه يوصلهم لخبر على وعسى ممكن يلحقوا باعلاج وشفاء🤲🤲2 نساء ورجل من بابور
👈 ولد بريزة سالم عمراني سحر تفريق طلاق شتات العائلة مرض جنون اهمال وسخ كره شديد انفصال
.👈ذباح مريم والاخ الاسم بلال ذباح من نفس عائلة بنت رابح ذباح وبنت شريفة كره الاولاد كره الزوج مرض سرقة موت طلاق مرض سحرتفرقة سرطان تفريق وسوسة كره الزوج سحر متجدد الساحر رجل وامرأة صديقتها من عائلة الاب (وان السحر متجدد )👈لعور حكيمة بنت زليخة سحر المرض سرطان الرحم تفرقة بين العائلة الساحر امرأة من بابور
👈بولحليب سامي ابن جهيدة سحر العقم والطلاق وكره الاولاد الجن العاشق + سحر سفلي حب النساء والملذات الساحر ( امرٱة جارة ) لم يذكر الاسم 👈شيبان سليمة بنت زهرة السحر الاسود وسحر الموت وضع في حنة عرسها وهو موجود في مقبرة من 2022 و(طلب التجديد) وهي في حالة يرثى لها. الساحر صديقتها من قرية الخربة 👈كركار سندس بنت لامية وبنت ساسي سحر تشويه الجمال كره الدراسة الطلاق العقم وتشويه السمعة اسحار سفلية للابتعاد عن الزوج سرطان الراس تسليط الجن العاشق كفر بالدين سحر مأكوول ومرشوش الساحر. حليمة من بابور
2 نساء ورجل لم يتعرف عليهم 👈قريش حليم بن ربيحة و ذوادي سحر النفور من الزوجة طلاق سرطان نحافة شديدة وتشويه .الساحر رجل من نفس العائلة. 👈ريان بوحشيش بنت زكية و فرحات سحر الموت السرطان والجنون والهلاوس السحر مدفون الساحرة امراة عجوز والسحر صعب جدا فكه للاسف عليك بالرقية والله حنين كريم 👈دبابحة زاكي سحر اغلاق المحل وكره العمل وقتل النفس سحر تلبس الشيطان وحب الشهوات تشويه السمعة عقوق الوالدين لم يتعرف على صاحب الفعل
2 رجال من بابور لم يتعرف عليهم 👈عائلة كاملة كنية نجار اسم الاب ( بلقاسم ) يقام عليها السحر من احد افراد عائلة الاب مأكول ومرشوش ومبخر السحر متجدد.
حسب ما وجدناه اصحاب السحر هؤلاء الاشخاص الذي ذكرناهم #
يتبع في التعليقات 👇

03/12/2024

#رسائل
فالموقف تاعي وش ديروا تعيشوا
عندي 20 يوم ماللي زيدت
صرا خلاف بيني و بين راجلي على جال سبب تافه ضربني بزليف لراسي و كوتبي ونا مخيطة حاشاكم تفتحتلي الخياطة بسبب كان رايح للخدمة و قالي وجديلي قهوة و حليب و كسرة نديهم معايا وجدتهم غير ما درتهمش في ساشي برك ناض وليدي يبكي و تقيى على روحو رحت ليه قلت كي يجي يديرهم وحدو ماشي حاجة كبيرة مالا كي جا ناض يعييط و يسب و نتي ماكيش تاع دار ووو عندك غير طفل ما قدرتش و شوفي فلانة جايبة خمسة ووو مهم هدرتو بزااف جرحتني ونا اصلا داخلة في اكتئاب تعذبت في زيادتي بزاف و التربية و الرضاعة راكم عارفين مرحلة جديدة 💔 غاضتني بزاااف منو بزاف و فالليل جا زعما فرش فالارض و رقد
و بارح هو قاعد ونا موراه نلقاه يشوف في ريلز مرا تشطح و نورمال يشوف موالف كي يلقى فيدوات عيانين يجوز بارح ما حشم مني. بقى يشوف نورمال
قنطت قنطت حكمتني غصة في قلبي ما عرفتش وش نتصرف معاه
سماا المرا غير تاع تهمبير و طيااب هذا ما كان ؟؟! وش نتصرف كيفاه ندير معاه

Adresse

Algiers
16

Site Web

facebook.com

Notifications

Soyez le premier à savoir et laissez-nous vous envoyer un courriel lorsque كلام يجرح ويداوي publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.