Quel est le site Web ?

مطبخ آنيا Cook with Ania

Page d'Accueil
Algérie
Algiers
مطبخ آنيا Cook with Ania

قناتي مطبخ آنيا cookwithAnia على اليوتيوب
http://psce.pw/4ramd5
(2)

18/12/2024

يا درا سيسترز كاش افكار ؟؟ واش درتو عشا

17/12/2024

تحذير ...ما تزيدوش تشرو هاذا النوع الصفايات تاع الحديد 😢

17/12/2024

random عشوائياتي🌼🌼🌼

17/12/2024

السلام عليكم وشراكم❓🌸
سؤال يلحقني بزاف لي هو : مديلي برودوي ميخليش الأرضيات مضببة أو شهبة
حبيت نجاوب عليه في منشور
كاين بزاف أسباب تخلي أرضيتك تبقى مضببة مهما وش درتيلها من منظفات وملمعات
من بين الأسباب: ⬇️

🔴1: الماء ، كاين بزاف مناطق كي تجيهم العين مايجيش الماء صافي يجي بالتراب لو تعمري دلو وتخليه مدة طويلة راح تلاحظي في أسفل الدلو كمية تراب، هذا الماء كي تسيقي بيه راح يخليهالك مضببة أكيد الحل هو أنو نديرو فلتر ف الريزرفوار او فالعيون و ( نفس شي فالغسالات لي تخرج الملابس بيضاء من لكالكار ) ، حكاية الفلتر هادي من اختصاص لبلومبي هو لي يفيدكم منين تشروه وشحال يديؤ وكيف تركبوه.

🔴2: المناشف :
كاين مناشف تطلق الوبر تعها ، ماتجبدش مليح لذلك يجب اختيار نوعية جيدة من المناشف وراني مديتلكم بزاف انواع في الصفحة
كاين الميكروفيبر هايلين بزاف وماشي كامل الميكروفيبر ملاح حسب الماركة وأنا الماركة لي نشكرها دايما هي ميدينات medinet معروفة بجودتها في ادوات التنظيف عموما
وكاين المناشف هادوك لي يجو بالالوان الافضل فيهم هو الصنع الألماني أو الايطالي وأنا نشري الايطالي اكثر من راااااائعة تلقاوها مكتوبة made in italy كوتون وخفيفة

🔴3: طريقة التسياق : بزاف نساء تسيق بطريقة غالطة كي تكمل تلقى مزال لفتات وتخش ، لي هي تدير المنشفة على لفروطوار وتحطو فالارضية وتبدا تجيب هنا وتدي لهيه معلاباليش إذا فهمتوني ؟ لكن هادي طريقة غالطة خاطر قادر تجيبي الخبز كي ترجعي تعاودي تديه لهيك وهذا خطأ❌ ،أنا الطريقة لي نستعملها وتعلمتها من صغري فبيت اهلي هي أنو لفروطوار كي نجيبو مانعاودوش نديه لهيك بل نرفعوه على الارضية ونزيدو نجيبو هنا ركزولي فهادي فضلا ^^ + تكنسي قبل التسياق راح يسهل عليك بزااااااااف

🔴4: عدم تغيير الماء : كاين لي ببيدون واحد تجوز على كلش وهذا خطأ ❌
كل غرفة من بيتك كي تكمليها يتبدل الماء ويتغسل النشاف ( وكاين وين فنفس الغرفة لازم تبدلي الماء مرتين حسب درجة الاتساخ)

🔴5: المواد والأدوات المستعملة: كاين لي يستعملو مواد ترغوي بزاااااف ويحصلو ، مثلا ماجاياش ترغوني ارضيتك ببينڨو بودر راه بزاااف يدير رغوة وتحصلي فيها وتولي تستهلكي فالماء والوقت والجهد
كاين تسيق بسائل اواني ويرغوي بزاف وتحصل تان
بالمقابل تقدري تسيقي بمنظفات تسهل عليك التعب هذا كامل والتبذير مثلا تحكي بجافال رغوي قطرات فقط...مثل جال الارضيات البتراء او جال ماجيك او العملاق قطرات فقط...ثم لافصول للتعطير والتلميع برك وتخرجي بنتيجة رائعة واقتصادية وربحتي صحتك
كذلك مالازمش تحكي بمكنسة شعيراتها خشان وحروشا لازم رطبين باش ميجرحولكش الأرضية ..الخ

🔴6: استعمال مواد قوييية على الأرضيات وهاد الامر كنت نديرو وغلطت والحمد لله حبستو ، كنت اي شي نسيق بيه خل ....سائل ملابس...سائل اواني ...لي تجي فراسي نسيق بيها الارضية المهم تخرج تشعل لكن مرة سمعت وحدة قالت أنو حتى الارضية وعندها مواد خاصة بها فقط إذا استعملنالها مواد اخرى تتخسر مع الوقت ، صحيح مع الوقت بديت نلاحظ و مع الوقت راح تلاحظو انو بدات تتجرح بدات تشهاب بدات تروح اللمعة بدات تشد الأوساخ أكثر...الخ فلازم نسيقو الأرضية بالمواد الخاصة بها فقط حتى الجافال لازم اي ماركة نشروها نقراو فالقارورة اذا يُستعمل للأرضيات او لا وشحال الكمية لي نديروها✅
إضافة على هذا كيما قلتلكم المواد لي ترغوي بزاف اضاعة وقت فقط وجهد وتبذير للماء

🔴7: نوع الأرضية فحد ذاتها : كاين أرضيات صامطين يجو يشدو ليتراس بزاف وأي شي يبان فيهم وهادي حلها أنو قبل ماتبنو لازم تسقسو اهل الاختصاص والتجارب على انواع الفايونص والأرضيات لملاح

✅بعد هذا كامل اذا بقات تشهاب ولاصق فيها سيمان وغير ذلك هنا باش تنتاقلي لمرحلة المواد القوية مثل جي في باور وتحتارمي شروط الإستعمال المكتوبة في القارورة لانو حتى هو قاوي واذا غلطتي في طريقة استعمالاته يحرشها وراني حكيت عليه من قبل فالصفحة نخليلكم رابط تاعو إن شاء الله فالتعليقات

و ممنوع منعا باتا لاسيد لانو ياكلها و أقل شي يقدر يطير الطبقة اللامعة ✅

من صفحة ام البنين.

15/12/2024

أختي نهار لخميس وهي جاية عندنا بعد ما كملو أولادها الإمتحانات 🤦🏻🤣🤭
يا درا حزمتو الأمتعة هههه

15/12/2024

حلوى بسيطة و بنينة لقهوة العصر
الصور منقولة

15/12/2024

أطباقي البسيطة من مطبخي الصغير 🏡🍽️
مرحبا بيكم سيسترز 🌸 في قناتي على اليوتيوب مطبخ آنيا للوصفات الناجحة 🌼
https://youtu.be/zT8-iqLjWuY

15/12/2024

طرونش باتيسري باالكرمال🥰🥰👍
درت زوج بيض كاس سكر كاس حليب فانيلا نص كاس زيت وحدة خميرة زوج مغارف كبار كاكاو وفرينة
بعد مطابت شربتها بلحليب فيه مغرف شكولا تويسكو او حليب وحدو
حطيت كرام شونتي ( كاس كرام شونتيي كاس ناقص شوية حليب بارد و علبة فلون كراميل )
وخدمت لكراميل كاس سكر بعد مداب حطيت مغرف زبدة وزوج بوايط فلان كراميل

15/12/2024

استعمالات ماجيك جال حسب النوع 🫧🪣🧹🧽🧼🧺🚿
الذراع الوافي مايحافي 📍
ليلة سعيدة سيسترز 🌸
#الجزائر #عرب #تنظيف #روتين #منظفات #مطبخ #بيت

14/12/2024

🏡

🎁 صندوق التخلص من الفوضى :

الناس لي ماعندهاش كركبة باش تحافظ على ترتيب وتنظيم منزلها نمدلك طريقة جميلة تخليك ماتجيكش الفوضى وإذا جاتك راح تتخلصي منها بإذن الله في اسرع مدة و اقل جهد وماتحسيش ابدا بعملية الفرز

تحطي صندوق أو كارطونة بالغطاء ديالهم (بالغطاء باش ميتوسخوش ومايتغبروش)
في كل غرفة ، بشرط تبعديه على الاطفال باش ميخربولكش فيه.

وش تحطي في هذا الصندوق📦⁉️
تحطي فيه يوميا
لبسة صغارت عليكم✅👚
اي شي تكسر ✅🫗
اي قطعة مقطعة ✅🎽
اي شي جديد ومالبستيهش وعارفة روحك مراحش تلبسيه✅ 🧺
حاجة شريتيها ومراحش تستعمليها وندمتي عليها ✅

يوميا تحطي فيه ثم كل شهر تفرزيه

⬇️
شهريا حددي تاريخ مرة في الشهر يكون ثابت تفرزي ذلك الصندوق 📦 بحيث ⬇️

لي يحتاج الصدقة تصدقيه✅
لي يحتاج البيع تبيعيه ✅
لي يحتاج الرمي ترميه✅
لي يحتاج إعادة التدوير ترقعيه✅

وهكذا تتخلصي من الفوضى شهريا

14/12/2024

هذا المرة راح نعطيكم وصفة الماكارون بذوق الشوكولاتة على الطريقة الفرنسية
J'ai vais vous montrer comment préparer un macaron meringue française

المكونات :
100g poudre d'amande
100g sucre glace
2 c.a.s cacao ( no sucré )
80g blanc d'oeuf
80g sucre semoule ( سكر عادي )

طريقة التحضير :
نجيبو المكونات الجافة نفوتوهم فالصفاية باش نتجنبو هذوك الحبيبات
ممبعد في اناء تحطو 80 غرام بياض البيض مع قرصة ملح تطلعوهم حتى يولي عندكم.قوام الثلج ممبعد تجيبو هذيك 80 غرام تاع السكر تزيدوها على ثلاث مرات حتى تطلع عندكم مورانغ
ممبعد تجيبو لمورانغ تاعكم تضيفوها على السكر الناعم والللوز والكاكاو لي كنتو صفيتوهم من قبل وب spatule تبقاو تخلطو بالعقل باش البياض هذاك ما يطيحش وما توليش خفيفة , هذا المرحلة يسموها الماكاروناج وهي 50% من سر نجاح الماكارون تاعكم
ملاحضة : الفور تاعكم لازم تكونو سخنتوه من قبل على درجة حرارة 140
ممبعد كي تبوشيو لي ماكارون ديالكم تخلوهم على سطح العمل حتى ينشفو تماما كي تولو تقيسوهم بصباعكم ما يلصقوش ممبعد
تديروهم يطيبو لمدة 15 دقيقة على درجة حرارة 140

منقول

13/12/2024

عندما ينام الطفل أخيرًا وأنت لا تعرف هل تطوي ملابسه أو تأكل أو تنام..... و في الاخير تنام الصباح رباح ههه
معاناة الأمهات ربي يقدرنا

13/12/2024

مشقق الليمون 🍋
لعشاق الليمون حلوى منعشة ذوب في الفم واقتصادية 😋
جربوها لقهوة العصر
الوصفة مكتوبة 🌺
✓نصف كأس سكر عادي
✓ربع كأس زيت نباتيّ
✓1حبة بيض
✓رشة ملح
✓مبشور حبة ليمون
✓ ربع كأس عصيرالليمون (المقدار يبقى اختياري )
✓2ملاعق مبشور جوز الهند
✓2كؤوس فرينة وزن الكاس 220ممل
✓خميرة الحلويات (نصف ملعقة صغيرة)
✓ملون غذائي اصفر اللون
نلم العجينة ونتركها ترتاح في الثلاجة نصف ساعة
✓تشكيلها دواير متساوية ورمديها في سكر ناعم
في فرن 180د حوالي 20 دقيقة وشهية طيبة 🍋
منقولة

13/12/2024

للإستفادة ليلة سعيدة سيسترز 🌸
صور منقولة 🫧💦

13/12/2024

صباحكم جميل سيسترز 🌸
جمعة طيبة مطمئنة معطرة بذكر الرحمان 🌄

12/12/2024

حلوة لي كامل طلبتوها مني تاع حبة بيض

#المقادير:

125غ زبدة فاني
4مغارف كبار سكر نطلعهم مع بيضة
4مغارف كبار زيت
2مغارف كبار كاكاو
رشة ملح نص كأس كاوكاو مرحي ومحمص
نلم بالفرينة 😋

#طريقة #التحضير:
نخلط البيض و السكر
نزيدوه المارغارين و زيت
من بعد نزيد الكاوكاو
نضيف الفرينة لجمع لعجينة نشكلها كريات حجم 25غ نرمدها في بياض بيض ونزيدو كاوكاو مطحون خشين شوية وضع حفرة في نص وحطيه يطيب من بعد عمريه بشوكولا تارتيني

11/12/2024

اليوم راح نهدرو ان شاءالله على أسرار البقلاوة
●السمن يكون باااارد تماما
●العجينة تكون طرية باش تسهل علينا الخدمة
●ديري حبة بيض في العجينة
●كي تكوني راح تخدمي بالحلال أخدمي بهاد الطريقة و تخرجلك كيما تاع المشينة(ديري 12 لوزة بالعجين حلي ب 3 طبقات و ديري وسطهم النشاء و حليهم رقيق و من الأحسن تفصلي بينهم و تحطي في السنيوة و تدهني بينهم بالسمن ديري 6 طبقات لتحت و 6 الفوق على الاقل)
●الحشو كي يكون كاوكاو ديريلو مغرف فانيلا و عطر اللوز المر و رشة قرفة
●الحشو ماتشمخوهش بزاف غير افتلوه برك
●السكر ديري ربع كمية الكاوكاو لوكان تكثري السكر راح يتفركت الحشو و يخرجلك منا ومنا
●اللوز ولا الجوز كي تكوني راح تحطيه ملفوق أغسليه قبل باش مايتحرقش
●طيبيها من التحت على درجة 150 كي تحمار و تبعد على السنيوة شعليلها ملفوق و خليها طيب بعقلها و تتورق
●السر في التوريق هو النشاء بين الطبقات و كي تدهنيها بالسمن
●العسل لاااااازم عسيلة ثقيلة باش تحافظ على القرمشة تاعها
●العسل يكون نفس كمية الكاوكاو و زايد عليها شويا بوحد الكأس
●سر اللمعان من فوق هو كي تشربي البقلاوة تاعك وتشرب كامل هاداك العسل جيبي كأس عسل سخون ذوبي فيه ملعقة غلوكوز و فرغيه ملفوق
●من الأحسن البقلاوة تخليها في العسل اكثر من 4 ساعات
@الجميع

11/12/2024

موسكوتشو محشي بالتوفيا و شونتيي و بنان 👌🏻
الوصفة مكتوبة في اول تعليق
منقول

Adresse

Algiers
01616

Site Web

https://m.youtube.com/watch?v=OV-UfePEBdY

Notifications

Soyez le premier à savoir et laissez-nous vous envoyer un courriel lorsque مطبخ آنيا Cook with Ania publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.