Ãya's Positive

03/02/2025

لا تغرّنّك منازل الناس في الدنيا ، فالقيامة ستُعيد ترتيب منازلهم "
خافضة رافعة 🤍☺️ "

31/01/2025

" أنا جاية comme ça .. ما يعجبنيش وش يعجب الناس كامل ، وما تلفتنيش الحاجة لي يكثروا عليها العينين واليدين ، وماش بالساهل نقنع ولا نتغرّ بشخص ، psq أنا في عين نفسي إنسانة بــســيــطــة وفي نفس الوقت نـــادرة ، alors ديما نحوس غير على لي يشبهني ماش الرّيح اللي يجي يديني ✨😌 "

31/01/2025

أحفظي کرامتك 👑

- عيشي وحيدة وما تكونيش خطة بديلة 😉
- ما تكلفيش نفسك فوق طاقتك ، وما تحتميش روحك على لـ لي ماهوش باغيك 🙄
- اسندي نفسك على عصا ، وما تسنديهاش على كتف حتى مخلوق 💪🏻
- ما ديريش المستحيل على جال بنادم مدارش على جالك الممكن ❌
- ما تخسريش نفسك ونتي تحاولي تحافظي على شخص ماهوش مقدر مجهوداتك 🙃
- ما تعاتبيش .. خلي مبدئك في الحياة التجاهل ، بكل هدوء وبكل بساطة انسحبي من كل علاقة ما تزيدش فيك وما تخليكش تلمعي ✨

28/01/2025

" وغدًا نشفى ، وغدًا ننسى ، وغدًا نلهى ، وغدًا نعي بأن لا شيء يبقى 🤍 "

26/01/2025

" اللي عندو صوارد ما داهمش من جيبك ، واللي مرتاح ما داش من راحتك ، واللي فرحان ماداش من سعادتك ، واللي عندو خدمة ماداش من خدمتك ، واللي جاه نصيب ماداش من نصيبك .. ❌

ألوغ خليك نظيف ، وصفي نيتك ، واتمنى الخير لغيرك ، والأهم خلي ثقتك بربي كبيرة ، وأستنى كلش من عندو وراح تشوف كيفاه يجازيك ويكرمك والخير يطبطب بابك 😍🤍 "

{ إنما الأعمال بالنيات ، وإنما لكل امرئ ما نوى }

22/01/2025

" طول ما أنت قاعد تقيس قراراتك بالحرام والحلال أحمد ربي على النعمة اللي انت فيها 🤍 "

22/01/2025

" اللهم اعطني الرضا كأنني املك كل ما اتمنى ، وارزقني الفرح كأنني لم احزن ابداً 🤍😍 "

17/01/2025

حلقة بودكاست جديدة ، تحت عنوان " وش تعلمت من أول سنة زواج ؟ 💍 "

صح كانت سنة صعبة ، مليئة بالتجارب والتحديات ، سنة وحدة قادرة تصنع
الفرق ف الانسان .. المهم
حلقة بزاف مميزة ✨ حكيت فيها على أمورات وتفاصيل مهمة للمقبلات
على الزواج وحتى لي مزالوا تقدروا تستفادوا ❤️

Instagram : aya_s__positive ♥️

17/01/2025

" علابالي كل واحد فينا عندو حاجة ف قلبو راهي تحرق وباغيها تتحقق ، ويشوف فيها بعيييييدة وبلاك حتى مستحييييلة .. بصح ! فالحقيقة لي بينك وبين تحقيق هذي الأمنية ( مشيئة الله ) ، فقط حرفين ( كُنْ ) 👌🏻

أكيد مرات نتقلقوا ونخافوا ونحزنوا كي ما تتحققش عفسة ، ونخمموا كيفاه ؟ ووقتاه ؟ ونصعبوها وهي عند المدبر ساهلة وقادر يعطيها لك في رمشة عين وبطريقة نتا ما كنتش تتخيلها أصلاً ، برك خصنا نطردوا الأفكار السلبية وما نخليوهاش تدي من جهدنا وطاقتنا ، ونبدلوهم بالصلاة والدعاء ، ونخليو يقيننا تام بلي ربي سبحانو قادر على تحقيق كل شيء ولا شيء مستحيل عليه ، اذا أراد لنا شيء يقول له كن فيكون ، وكل حاجة فيها خير لينا راهي مخبية ونديوها في وقتها المناسب ❤️‍🩹😌 "

14/01/2025

وليت ناشطة أكثر على الانستغرام ، نشارك يومياتي وكذا ❤️
aya_s__positive ✅

04/01/2025

" حلي عينك تتبدلي باش تعجبي كاش بنادم ، الشخص المناسب يجي في الوقت المناسب ، راح يجيك لي يحوس عليك كيما راكي ، بيك ، بعيوبك ، بضحكتك ، بتشنافك ، بزعافك ، بالنهارات لي تكوني فيهم مليحة ، بالنهارات لي تكوني فيهم مكرفسة وف اسوء حالاتك ، راه جايك لبنادم اللي كل حاجة منك وفيك يشوفها بعين الحب والإعجاب وما يحاول يبدل فيك والو ، نتي خليك على طبيعتك وما تتبدليش لأنو كاين لي يحب شخصيتك ويموت على les defauts تاعك ، وأمشي بقاعدة لي ما يقدرنيش ما يلزمنيش 🤷🏻‍♀️❌💍 "

04/01/2025

" N'utilisez pas الـــعَـــشْـــرَّة comme excuse pour garder des personnes toxiques dans votre vie ❌👏🏻 "

04/01/2025

" أنا انسانة نسامحك و نشبعك بالفرص ، بصح مع كل فرصة تنقص قيمتك عندي ..

إهتمامي جــمــيــل ، ولكن إهمالي جـــدّ قـــاســـي ❄️😌 "

04/01/2025

" وفي الأخير .. وبعد تجارب كثيرة ، عرفت بلي 👏🏻 :

- ماشي أي واحد يوعد يوفي 🙃
- المكتوب والأقدار أقوى من مخططاتنا ❤️‍🩹
- واحد ما يتحمل تقلباتك المزاجية ، وواحد ما يتقبل عيوبك ❌
- الوقت ما يداويش وما ينسيش 🥺
- حبل الكذب بزاف قصير والحقيقة تطول ولا تقصر تبان تبان 🫡
- العشرة تهون من أول موقف ماش مليح 😅
- وأهم حاجة الانسان لي تعطيه بزاف راح يخليك على أتفه حاجة 🤷🏻‍♀️ "

04/01/2025

لاه قلبي برد .. ❄️ ؟

" لخاطر وليت نشوف الدنيا على حقيقتها ، فهمت بلي ماش ديما كي دير الخير تلقى الخير ، des fois دير الخير يرجعلك شرّ ، والصفعات يجيو ديما من الناس لي عززناهم ودللناهم وحطيناهم رقم واحد ف حياتنا ...

خلاص تكاكيت مع راسي وقنعت بلي نفسي بعد ربي سبحانو هيا الصح ، كي نكون لباس ف صحتي وهانية فحياتي ووالديا بخير الدنيا ومافيها ...

بالمختصر وليت منيش مغرمة بحاجة وسمها العشرة لانو الناس محطات ، وجودهم في حياتنا مبني على حساب المراحل اللي نعيشوهم ، كل واحد ووقتو ، ولي فاتو وقتو ما يطمع في وقت غيرو 👏🏻 "

04/01/2025

" اللهم لا تحرمني لذة صلاة الفجر في وقتها و أعِني على قيامها دائمًا حبًا وليس فرضًا ❤️🤲🏻 "

31/12/2024

كانو 365 يومً
فى زِحَامٍ مِن النِعم والفضْل
والستْر فاللهُمَ لكَ الحمْد 🤲🏻🤍

24/12/2024

" من خير إلى خير ، ومن جميل إلى أجمل .. هذا الشيء اللي نستاهلو 😍🤍 "