Yangon Thu Michelle

31/12/2024

ရန်ကုန်မှာပဲ ပြန်ဆုံမယ်

10/12/2024

ရန်ကုန်သူမီရှဲ နဲ့ International House Yangon - Mandalay ပူးပေါင်းပေးအပ်တဲ့ ရန်ကုန်သူမီရှဲ ပညာသင်ဆု ၂၀၂၄ ရရှိသူများစာရင်းဖြစ်ပါတယ်။

အခုဆိုရင် အသီးသီး သက်ဆိုင်ရာအတန်း တစ်တန်းစီတောင် တက်ပြီးလို့ အမှတ်စာရင်းတွေတောင် ထွက်နေကြပါပြီ။ ရန်ကုန်သူမီရှဲဘက်ကလည်း တက်နိုင်တဲ့အပိုင်းကနေ ဆက်လက်ပံ့ပိုးပေးနေမှာဖြစ်ပါတယ်။

ချစ်တဲ့
ရန်ကုန်သူမီရှဲ









#ပညာသင်ဆု
#အင်္ဂလိပ်စာ #အင်္ဂလိပ်ဘာသာစကား

02/12/2024

ဝိုင်းခြုံရဲ့ အကြော်စားချင်ပေမဲ့ စားဖို့ လက်လှမ်းဝေးနေတဲ့ မိတ်ဆွေတို့ရေ ….

အားကျမခံ ကိုယ့်ဘာသာကြော်စားကြမယ်။ အကြော်ကြော်တာ ဘာများခက်လို့လဲနော့ ….။ ၂၁ ရာစုထဲမှာ အကုန်ရယ်ဒီမိတ်၊ အဆင်သင့်ရှိနေတဲ့ခေတ်မှာ ရွေးခြယ်စားသောက်တတ်ဖို့ပဲလိုတယ်။ အခုခေတ်များ လွယ်ကူချက်က အမှုန့်အစုံ၊ အရသာစပ်ပြီးသားရှိတယ်။

မုံရွာအညာမုန့် တံဆိပ်မှာ မတ်ပဲဘယာကြော်၊ ကုလားပဲဘယာကြော်၊ ပဲကပ်ကြော်မှုန့်၊ အကြော်မှုန့်၊ ပဲကျက်မှုန့်၊ တို့ဖူးမှုန့် အမျိုးအစားခြောက်မျိုးရှိတဲ့အထဲက လောလောဆယ် ကုလားပဲဘယာကြော်တော့ အဆင်ပြေပြေကြော်စားလိုက်နိုင်ပြီ။ မတ်ပဲဘယာကြော်ကတော့ နည်းနည်းတူးသွားတယ်။ စားလို့ကောင်းတယ် ပြောကြတာပဲ။ မစားရင်နောက်ကျ ထပ်မကြော်ကျွေးဘူး ဆိုပြီးခြိမ်းခြောက်ထားတာကိုး။ တစ်ထုပ်ဆို နှစ်ပန်းကန်စာလောက်ရလို့ လေးယောက်ဝဝလင်လင်စားလို့ရတယ်။

ပြင်ဆင်ရတာလည်း အရမ်းလွယ်တယ်။ အညွန်းအတိုင်း အကုန်ထည့်ရုံပဲ။ အရသာမှုန့်ပါပြီးသားဆိုတော့ ဘာမှထပ်ထည့်စရာမလိုဘူး။ တစ်ခုပဲ …. ပဲနူးအောင် ၃နာရီလောက်နှပ်တာ စောင့်ရချိန်ပဲ။ အဲ့ဒါတော့ သိပ်စိတ်မရှည်ချင်ဘူး။ လမ်းထိပ်ထွက်ဝယ်လို့မရပဲ ကိုယ်လုပ်မှ ကိုယ်စားရမယ်ဆိုတော့ စိတ်လျော့ပြီး စောင့်ရတာပဲ။ အကြော်သည် အန်တီကြီးလက်ရာအတိုင်း ထွက်တယ်။

အကြော်စုံအတွက် အမှုန့်ထုပ်လည်းရှိတယ်။ ဘူးသီးရှာမရသေးလို့ တွေ့မှကြော်စားမယ်။ ကျန်တဲ့အထုပ်က ဧည့်သည်လာမယ်ဆိုမှ ထုတ်ကျွေးမလို့။ ဒါမှ မုန့်လုပ်တတ်တယ် … တော်လိုက်တာ ဆိုပြီး နာမည်ကောင်းရအောင်လို့လေ။

နိုင်ငံရပ်ခြား မြန်မာနိုင်ငံသားများ အလွမ်းပြေမုန့်လုပ်စားနိုင်ကြပါစေ
ချစ်တဲ့
ရန်ကုန်သူမီရှဲ

စာကြွင်း - Halal လက်မှတ်ရပြီးပြီမို့ လူမျိုးဘာသာမရွေးစိတ်သန့်သန့်နဲ့စားလို့ရတယ်နော်။





#မုံရွာအညာမုန့်

28/11/2024

အသက်ကြီး/အရွယ်ရောက်ခြင်းအနုပညာ

ရန်ကုန်က ထွက်မလာခင်ဘဝကိုပြောရရင် ရုံးအလုပ်လုပ်၊ ခရီးသွား၊ အားတဲ့အချိန် ဝါသနာပါတာလုပ်၊ စိတ်ပါရင် အိမ်ရှင်းရုံပဲ။ ကျန်တဲ့ ဟင်းချက်၊ မီတာဘီလ်ဆောင်၊ အိမ်အလုပ်တွေက မလုပ်လည်းရတယ်။ ထိုင်းရောက်လို့ အိမ်ငှားပြီး စနေရတဲ့အချိန်မှ လူကြီးဘဝ ကြုံရတော့တာပဲ။

ပထမဆုံး ကြုံရတာက အိမ်သုံးပစ္စည်း ... ဝယ်မဆုံးနိုင်ဘူး။ သွားကြားထိုးတံ၊ ခြေသုတ်ခုံ၊ စားပွဲအုပ်ဆောင်းက အစ …ဘာတွေလဲ ….။ တစ်ချိန်လုံး တစ်ခုမဟုတ် တစ်ခုလိုနေတော့တာပဲ။ ကိုယ့်ဘာသာနေရတာ မကြောက်ပေမဲ့ အခုမှ အိမ်စတည်ရတော့ သေးသေးမွားမွားကအစ လိုအပ်နေရော။ မဝယ်လို့ရပေမဲ့ အိမ်မှာပဲ အချိန်ကြာကြာနေရပြီး အဲ့ဒီအသေးအမွားလိုအပ်နေတာက ခဏခဏဖြစ်လာရင် ကသီလင်တဖြစ်၊ စိတ်ရှုပ်လာတယ်။ အိမ်မှာဆို အရာအားလုံးရှိနေပြီသား။ အရေးကြီးတယ်လို့ မတွေးမိတဲ့ ပစ္စည်းတွေပေါ့။

ရန်ကုန်က မီရှဲအိမ်ဆိုရင် အခန်းသေးသေးလေးတွေ အများကြီးပါတယ်။ တိုက်ခန်းပေမဲ့ အထဲမှာ အိပ်ခန်းလေးခန်းလောက်ရှိတယ်။ ကိုယ့်အခန်းနဲ့ကိုယ် privacy အပြည့်နဲ့နေရုံပဲ။ ဧည့်သည်လာရင် ဧည့်သည် ဧည့်ခံဖို့က အဖေနဲ့အမေကိစ္စ။ သူတို့ မိတ်ဆွေတွေ ကိုယ်မှ မသိတာ။ ဟုတ်ကဲ့ ဟုတ်ကဲ့ အန်တီ/အန်ကယ် ဆိုနှုတ်ဆက်ပြီး အခန်းထဲ လစ်ရုံပဲ။ ဧည့်သည်ပြန်မှ အခန်းပြင် ပြန်ထွက်တယ်။ အဲ့ဒီအချိန်မျိုးဆို အမေက ဧည့်သည်တွေကို ပြောစရာ စကားကုန်ရင် အိမ်ကို တစ်ပတ် လိုက်ပြတယ်။ အခန်းတွေက ဘယ်လို၊ ဒါက ဘယ်သူ့အခန်း စသည့်ဖြင့်ပေါ။ ကိုယ့်စိတ်ထဲမှာတော့ အမေကလည်း ဘာလို့ အဲ့ဒီလိုလုပ်နေရတာလဲ၊ သူများကို ကိုယ့်အိမ်ပြစရာအကြောင်းမရှိဘူး၊ အေးဆေးမနေရဘူး လို့ စိတ်ထဲက ငြူစူမိတယ်။

အခုကျတော့ အိမ်ကို လှည့်လည်ပြသနေတာ ကိုယ်ဖြစ်နေပြီ။ ရောက်လာတဲ့လူတွေကလည်း အိမ်အခြေအနေ၊ ငှားခ၊ ရပ်ကွက်၊ ရေ/မီးဖိုး အဆင်ပြေ မပြေ ကို သူများအိမ်လိုက်ကြည့်ပြီး ချိန်ထိုးစဉ်းစားရတော့ မိတ်ဆွေအိမ် လိုက်ကြည့်ကြတယ်။ လာသမျှမိတ်ဆွေကို အိမ်က ဘယ်လို၊ ဘယ်နေရာဘယ်လိုအနေအထား၊ ငှားခ ကဘယ်လို၊ အထောက်အထားလိုအပ်တာက ဘယ်လို ပြောနေရတာ ကိုယ်ဖြစ်လာတယ်။

နောက်တစ်ခုက ငယ်ငယ်ကဆို လူကြီးတွေ စကားပြောရင် သားသမီးတွေအကြောင်းပဲ ပြောကြတယ်။ အိမ်နားဝန်းကျင်က လူတွေအကြောင်း၊ ဆက်နွယ်နေတဲ့ မိတ်ဆွေ၊ အသိအကြောင်းပဲ တောင်စဉ်ရေမရ ပြောနေတာ ကြုံဖူးတယ်ဟုတ် ….။ အဲ့ဒီအချိန်ကဆို ဒီလူတွေ သူများအကြောင်းပဲထိုင်ပြောနေကြတယ်၊ တခြားလုပ်စရာ၊ ပြောစရာမရှိကြဘူးလား မသိဘူး။ တော်တော်အားတယ် ဆိုပြီး တွေးခဲ့တာ။ အဲ့ဒါလည်း ကိုယ်တိုင်ဖြစ်လာတယ်။

ခင်ပေမဲ့ အရမ်းမသိနေတဲ့ မိတ်ဆွေဆိုရင် ပြောစရာစကားက မရှိနေဘူး။ နှစ်ယောက်လုံးသိနိုင်တဲ့ ကိစ္စလည်း ဖြစ်ရမယ်။ နှစ်ယောက်လုံးနဲ့ ဆက်နွယ်နေတဲ့ ကိစ္စဖြစ်ပြီး နှစ်ယောက်လုံး စိတ်ဝင်စားတဲ့ အကြောင်းလည်း ဖြစ်ရဦးမယ်။ Negative ဖြစ်တဲ့ကိစ္စလည်း မဖြစ်ရပြန်ဘူး။ အဲ့ဒီတော့ အိမ်က ကြောင်အကြောင်း၊ တူ/တူမတွေအကြောင်း၊ နေတဲ့ ရပ်ရွာ မြို့အကြောင်း၊ ပတ်ဝန်းကျင်က လူအကြောင်း၊ စားကောင်းတဲ့ဆိုင်တွေအကြောင်း ရှာဖွေပြောရတော့တာပဲ။ ပြောစရာကုန်ရင် အိမ်က ညီမတော်အကြောင်း ပြောရတယ်။

ပြီးတော့ တစ်ချိန်လုံးဝယ်နေရတာ လက်ဆောင်။ မွေးနေ့၊ မင်္ဂလာဆောင်၊ ဘာအထိမ်းအမှတ်မဆို ဖိတ်လို့ အိမ်အလည်သွားရင် လက်ဆောင်ဝယ်ရတယ်။ လိုက်ဖက်တဲ့ပစ္စည်း၊ စားစရာ စသည်ဖြင့်ပေါ့။ အရင်က ငါ ဘယ်လိုဖြတ်သန်းခဲ့လဲ ပြန်တွေးရင် မင်္ဂလာဆောင်တက်ရရင် ငွေသားပဲလက်ဖွဲ့တယ်။ သူငယ်ချင်းမွေးနေ့ဆို သူ့ကိုခေါ်သွားပြီး ကြိုက်တာဝယ်ပေးလိုက်တယ်။ လက်ထဲ ပိုက်ဆံမရှိရင် အမေတို့ လက်ဖွဲ့ပေးဖို့ ဝယ်ထားတဲ့ ပါကင်ပိတ်ပြီးသားပစ္စည်းအပုံထဲက တစ်ခု “မ” ပြီး ပေးတယ်။ အခုကျတော့ “မ” စရာနေရာမရှိနေတော့ သွားခါနီးကျမှ လမ်းမှာ ဝယ်ရတဲ့ အခြေအနေရောက်သွားတယ်။ လစဉ်အသုံးစရိတ်ဘက်ဂျက်ထဲလည်း ထည့်ဖယ်ရတယ်။

တခြားကိစ္စ လက်ဆေးကန်ရေပိုက်ပျက်လည်း လူရှာခေါ်ရတယ်။ ရေသန့်သမား၊ အဲကွန်းရေဆေး၊ ဂက်စ်ဖြည့်၊ ဟင်းချက် ဂက်စ်ဖြည့်၊ ခြံရှင်း ခြံရိတ်၊ မီးသွယ်၊ သံရိုက် အကုန်လုံးရဲ့ ဖုန်းနံပါတ်လိုက်ရှာမှတ်ပြီး လိုအပ်ရင်ခေါ်တတ်ရတယ်။ ရှိသေးတယ် … ဖျားနာနေမကောင်း ဘာဖြစ်ဖြစ် မြန်မာနိုင်ငံဆရာဝန်က ဆေးညွန်းရင်တောင် ထိုင်းက တချို့ဆေးတွေဆို ဆေးရုံမှာပဲ ဆရာဝန်ညွန်းမှ ဝယ်လို့ရတယ်။ အဲ့ဒီတော့ ကိုယ်ဘာသာလည်း ကျန်းမာဖို့ ဂရုစိုက်ရသေးတယ်။

ပြောရရင် အများကြီးပဲ …..။ အနှစ်ချုပ်ပြောရရင် လူကြီးမဖြစ်ချင်ဘူး။ မိတ်ဆွေတို့ကော ဘယ်အချက်တွေက လူကြီးဖြစ်ပြီး ထင်လဲ။ မီရှဲကတော့ လူကြီးမဖြစ်ချင်ဘူး မိတ်ဆွေတို့ရေ … :3

27/11/2024

Have you been on my mind lately?
Coz I miss you a lot ❤️

22/11/2024

❤️

တစ်ရက် ချစ်သူက ပို့စ်တစ်ခုပြလာတယ်။ မိန်းကလေး၊ ခွေးနဲ့ ကြောင်ကပဲ အချစ်ခံရတယ်တဲ့။ ယောက်ျားလေးတွေက တစ်ခုခုပေးနိုင်မှ၊ လုပ်ပေးမှ၊ အရည်အချင်းရှိမှ အချစ်ခံရတာတဲ့။ မဟုတ်ရင် ဘယ်သူမှ မချစ်ကြဘူးတဲ့ … ။အခုခေတ်မှာ လက်တွဲဖော်ရဖို့၊ အချစ်ခံရဖို့၊ တူတူရှိကြဖို့ ကြိုးစားအားထုတ်နေကြသူချည်းပဲ။ ယောက်ျားလေးတွေကလည်း မိန်းကလေးတွေ လိုချင်တဲ့ demend က ဖြည့်လို့ မကုန်နိုင်ဘူး ပြောကြတယ်။ မိန်းကလေးတွေကလည်း ယောက်ျားလေးတွေက မချစ်တတ်ကြဘူး၊ အသုံးမကျဘူး၊ အသားယူဖို့ပဲ စဉ်းစားနေတယ် ပြန်ပြောကြပြန်ရော …။

ရန်ကုန်သူမီရှဲအနေနဲ့ မိန်းကလေးဘက်ကပြောရရင် ခေတ်ကာလမိန်းမပျိုတွေက လှအောင်နေတယ်၊ ကျန်းမာရေး ဦးစားပေးတယ်၊ အစားအသောက်ကောင်းကောင်း ကြိုက်တယ်/စားတယ်၊ ကိုယ့်အားကိုယ်ကိုးတယ်၊ ပိုက်ဆံရှာနိုင်တယ်၊ အရည်အချင်းရှိအောင်ကြိုးစားတယ်၊ သူငယ်ချင်း/အသိုင်းအဝိုင်းရှိပြီးသား၊ ဦးဆောင်နိုင်တယ်၊ အိမ်မှု့ကိစ္စလည်း မလစ်ဟင်းစေရဘူး၊ မိသားစုထဲမှာလည်း သားသမီးတာဝန်၊ အိမ်ထောင်တာဝန်ယူဦးစီးနိုင်တယ် …။ ဒီလိုနေနိုင်ပြီးသား အမျိုးသမီးက ဘာကြောင့် သူများသားကို အချိန်ပေးချစ်ရမှာလဲ။ လူရဲ့ စာရိတ္တ၊ အကျင့်၊ ကိုယ်ကျင့်တရားမကောင်းရင် ပိုဆိုးသေး …. ဘယ်လို အကြောင်းပြချက်နဲ့ စိတ်ဆင်းရဲခံပြီး ချစ်နေရမှာလဲနော့ …။ တစ်နေ့ကျရင် အချစ်ကုန်ပြီး စိတ်ကုန်ရင် ထားခဲ့မှာပဲ။

မိန်းကလေးတွေ မျှော်လင့်တာက ထွေထွေထူးထူးမရှိပါဘူး။
၁။ ကိုယ့်ကိုယ် စိတ်လုံခြုံမှု့ပေးနိုင်ရမယ်။ အမြဲတမ်း သူများတစ်ခုခု မဟုတ်တာလုပ်နေမလား၊ ဘယ်ကောင်မလေးနဲ့ သွားအိပ်နေမလဲ၊ သူငယ်ချင်းအပေါင်းအသင်းနဲ့ စူဠလိပ်ရေထဲလွှတ်၊ ပေါ်မလာ အပျောက်ရိုက်ဇာတ်ခင်းပြီး မေးရင်လည်းမကြိုက် လုပ်နေလား၊ ငါ့နောက်ကွယ်မှာ ငါမသိပဲ ဘယ်ကိစ္စတွေလုပ်နေမလဲ တွေးပူနေရရင် အလကားနေရင်း ပူလောင်နေရရော …။

၂။ စိတ်လုံခြုံမှု့ကိုပဲ လိုချင်တယ်။ တလောကလုံးကမှန်ပြီး ကိုယ်တစ်ယောက်တည်းမှားနေရင်တောင် အပြစ်မတင်ပဲ လမ်းမှန်ကို ဖေးမတွဲခေါ်ပေးနိုင်တဲ့လူပဲ လိုချင်တယ်။ စိတ်ပိုင်းဆိုင်ရာ အားပေးမှု့လိုအပ်တိုင်း အနားမှာရှိနေပေးရင်တောင် အင်အားဖြစ်တယ်။ ရုပ်ပိုင်းဆိုင်ရာအနေနဲ့ ကိုယ့်ဘာသာ စိတ်မလုံစရာ ချွင်းယွင်းချက်ရှိလည်း ဘာဖြစ်ဖြစ် ဒီအတိုင်းကိုပဲ ချစ်နေပေးတဲ့လူပဲ လိုချင်တယ်။

၃။ Grow Together ဖြစ်ချင်တယ်။ ဗဟုသုတအချင်းချင်းမျှဝေမယ်။ ကိုယ့်ရဲ့ ပြသနာကို နားလည်ပေးပြီး တူတူဖြေရှင်းရင်ဆိုင်မယ်။ သူမသိတာလည်း ကိုယ်ပြောမယ်၊ သူသိတာလည်း ပြောပြမယ်။ နင်မသိရကောင်းလားဆိုပြီး အပြစ်တင်တဲ့လေသံနဲ့ ပြောမဲ့ လူ၊ ငါသိ ငါတတ် ငါဆရာကြီးဆိုတဲ့ သကောင့်သားမျိုး မိန်းကလေးတွေက ချဉ်ပါတယ်။

၄။ အသိုင်းအဝိုင်းတူတဲ့လူ ဆိုပိုကောင်းပါတယ်။ ချမ်းသာ ဆင်းရဲတာမဟုတ်ပဲ မိသားစုအတွင်းထားတဲ့ စိတ်ဓာတ်တန်ဖိုး၊ အတွေးအခေါ်၊ အမူအကျင့်၊ မိသားစုမှာကျင့်သုံးတဲ့ ထုံးစံ ဆင်တူတဲ့ လူမျိုးဖြစ်နေမှ ပိုကောင်းပါတယ်။ ဥပမာ - အရက်ပုံမှန်သောက်လေ့ရှိတဲ့ လူဆိုရင် ဘာသာတရားအလေးထားတဲ့မိသားစုထဲ ဝင်ရမယ်ဆိုရင် ခွတီးခွကျနိုင်မှာ။

၅။ အလေးထားတဲ့လူ လိုချင်တယ်။ ဘယ်သူကမှ အကျင့်ယုတ်ပြီး စီးပွားပျက်၊ ဘဝပျက်လောက်တဲ့အထိ အလေးပေးဖို့ မတောင်းဆိုပါဘူး။ ဘယ်ကိစ္စမဆို ကိုယ့်ရဲ့အမြင်ကို အလေးထား မေးမြန်းတဲ့လူ၊ စကားနဲ့ဖြစ်ဖြစ် ခွင့်တောင်းတဲ့လူ၊ အမူအရာနဲ့ ချစ်ကြောင်း အလေးထားကြောင်း ပြတဲ့လူ လိုချင်တယ်။

၆။ နားလည်ပေးတဲ့လူ လိုချင်တယ်။ တစ်သက်လုံး ဒီလိုပုံစံနဲ့ ကြီးပြင်းလာတာကို လာဝေဖန်ပြီး လိုက်လျောညီထွေ မနေပေးနိုင်လို့ ပြသနာရှာတာက ချစ်တာမဟုတ်ဘူး။ ဥပမာ မီရှဲက အိပ်ချိန် ဝေလီဝေလင်းဖြစ်နေလို့ မအိပ်ရကောင်းလားဆိုပြီး ဝေဖန်တာ မကြိုက်ဘူး။ အအိပ်မက်လို့ အပျင်းကြီးတယ်ပြောရင် မကြိုက်ဘူး။ ကိုယ့်ရဲ့ဖြစ်တည်မှု့မှန်သမျှ ဒီအတိုင်းပဲ လက်ခံနားလည်ပေးတဲ့လူပဲ လိုချင်တယ်။

ယောက်ျားလေးဘက်ကလည်း ဒီလိုအချက်တွေကိုပဲ လိုချင်မှာနော်။ နှစ်ဦးနှစ်ဖက် အပြန်အလှန်နားလည်ပေးနိုင်ရင်တော့ အဆင်ပြေတဲ့ နှောင်ကြိုးဖြစ်လာမှာပါ …။

ချစ်သောသူတိုင်း အဆင်ပြေပါစေ ..။

ချစ်တဲ့
ရန်ကုန်သူမီရှဲ

20/11/2024

Facebook ကို စွန့်ခွါဖို့ အချိန်တန်ပြီ။ original content creator အနေနဲ့ ဘာတင်တင် restricted ဖြစ်တယ်။ review request လည်း လုပ််မရဘူး။ ပြင်လို့လည်းမရဘူး။ YT လို rules တွေ ရှငိးရှင်းလင်းလင်းလည်း မပြောဘူး။

လုပ်ချင်တိုင်း လုပ်သမျှ ခံနေရလို့ စိတ်ကုန်သွားပါပြီ

16/11/2024

✨Light up the night ✨

14/11/2024

✨Thousand stars in the sky ✨

06/11/2024

ချစ်ရတဲ့မိတ်ဆွေတို့ရေ …

ဒီလပိုင်းအတွင်း ချင်းမိုင်လာဖို့ စီစဉ်နေသူရှိလား။ ဒါဆိုရင်တော့ နေကြာတောင်လို့ နာမည်ကျော်တဲ့ Bua Tong Field, Doi Mae U Kho ကို သွားဖို့ ကွက်တိပါပဲ။ နိုဝင်ဘာလ ၁၀ရက်ဆို စဖွင့်ပြီ။ ဒီဇင်ဘာ လလည်လောက်ဆို ပန်းကြွေကုန်ပြီဆိုတော့ နိုဝင်ဘာလက အလှဆုံးပါ။

မျက်စိတစ်ဆုံးနေကြာပန်းတွေနဲ့ ပြည့်နေတဲ့အလှက ကမ္ဘာကျော်ပါတယ်။ ပန်းမခူးရ ဆိုင်းပုဒ်လည်း နေရာအနှံ့ထားထားတယ်။ ပန်းခင်းကို အပေါ်စီးကမြင်ရအောင် တာဝါဆောက်ထားသေးတယ်။

နေကြာပန်းတောင်ကို မသွားခင် သတိပြုရမဲ့ အချက်
- နေကြာရိုင်းတွေဖြစ်လို့ လူနှစ်ရပ်စာလောက်မြင့်ပါတယ်။ တောင်အမြင့်ပေါ်တက်ရိုက်မှ ပိုလှတာမို့ တောင်တက်ဖို့ ပြင်ထားပါ။
- တော၊ တောင်နေရာဖြစ်လို့ အင်တာနက်လိုင်းမကောင်းပါဘူး။ ဖုန်းတာဝါတိုင်မရှိနေလို့ မြင်ကွင်းပိုလှပါတယ်။ ငွေလွှဲရခက်လို့ ငွေသားဆောင်ခဲ့ပါ။
- ရာသီဥတု အေးစိမ့်စိမ့်မို့ ရှိုးထုတ်စရာ ဂျာကင်အစုံသာ သယ်ခဲ့ပါ။
- ကားလမ်း အကွေ့အကောက် အရမ်းများလို့ ယာဉ်မောင်းကျွမ်းကျင်ဖို့လိုပါတယ်။ ကားမူးတတ်ရင်လည်း ကြိုတင်ဆေးဆောင်ခဲ့ပါ။
- တောင်အလှပျက်မှာစိုးလို့ တောင်ပေါ်မှာတည်းစရာနေရာမရှိပါဘူး။ ဒါပေမဲ့ နေကြာတောင်မရောက်ခင် ၁၀ မိနစ်လောက်အလိုမှာ တည်းစရာ၊ စားစရာ ဆိုင်ရှိပါတယ်။ လုံးဝမကောင်းပါဘူး။ ထိုင်းတွေက ညနေ ၅ နာရီလောက်ဆို တောင်အောက်ပြန်ဆင်းပြီး တစ်နာရီလောက် မောင်းရတဲ့တောင်ခြေမှာ တည်းကြပါတယ်။ နောက်နေ့ မနက်စောစော နေအထွက်အမှီပြန်တက်လာတယ်။ ကြိုတင်စီစဉ်ပါ။ ရောက်မှ အင်တာနက်နဲ့ ရှာရင် တိုင်ပတ်ပါတယ်။
- လူအရမ်းများပါတယ်။ ကြည့်ကျက်ရှောင်ရိုက်၊ သည်းခံစိတ်မွေးလာပါ။
- ချင်းမိုင်နဲ့ ၄ နာရီ - ၅ နာရီလောက်မောင်းရတာမို့ ၂ရက်လောက်အချိန်ပေးမှ ဓာတ်ပုံအေးဆေးရိုက်၊ လမ်းမှာ ဟိုဝင် ဒီဝင် လုပ်ဖို့ အချိန်ပိုရပါတယ်။ တစ်ရက်တည်းဆို ကားမူးနေတာနဲ့တင် ဘာမှသေချာကြည့်လိုက်နိုင်မှာ မဟုတ်ပါဘူး။
- အစ္စလာမ်ဘာသာဝင်အနေနဲ့ဆို ဘာဆိုဘာမှစားစရာမရှိလို့ ကြိုသယ်ခဲ့ပါ။

အမှတ်တရအပြည့်နဲ့ ခရီးစဉ်လေးဖြစ်ပါစေ။
ချစ်တဲ့
ရန်ကုန်သူမီရှဲ

04/11/2024

ချစ်ခြင်းမေတ္တာအစစ်နဲ့ကြုံရရင်
အေးချမ်းပါတယ် …

02/11/2024

အကြိုက်ဆုံးဝက်ခြံကပ်စတေကာ

ချစ်ရတဲ့မိတ်ဆွေတို့ရေ …
ရန်ကုန်သူမီရှဲ ရေပြောင်းမြေပြောင်းပြီးကတည်း ပေါက်လိုက်တဲ့ဝက်ခြံ။ အဓိက ထိုင်းရဲ့ရေကွာလတီမကောင်းလို့။ အဲ့ဒါကို တော်တော်ကြာမှ ရေကြောင့်ဖြစ်မှန်း သိတယ်။

ထိုင်းရောက်ကတည်းက မျက်နှာမှာဆိုတစ်လမှာ တစ်ပတ်လောက်ပဲ ဝက်ခြံသက်သာတယ်။ တစ်ကိုယ်လုံးလည်း အဖုပေါက်တာ အနှံ့ပဲ။ ကိုယ့်ကိုယ်ကိုယ် နူနေပြီတောင် ထင်တာ။ အခုကျတော့ အိမ်မှာ filter တပ်ထားတဲ့ရေပဲသုံးဖြစ်တော့ အဖုတွေပျောက်လို့ စိတ်ချမ်းသာနေတုန်းရှိသေးတယ် ဘန်ကောက်ရောက်လာလို့ ဟိုတယ်ရေသုံးလိုက်တာနဲ့ အဖုပြန်ထွက်လာရော …. ။ မျက်နှာတခြားနေရာ အဖုမပေါက်ရင်တောင် အသားအရည် ဗြုတ်ထကုန်တယ်။

အဲ့ဒီလို ဖြစ်လာရင် မီရှဲသုံးဖြစ်တဲ့ ဝက်ခြံစတေကာ ကို Watson ကနေ ဝယ်ကပ်လိုက်ရုံပဲ။ ဘယ်အမျိုးအစားသုံးရမလဲ မသိခင်တုန်းက ရောင်းသမျှအကုန်တစ်မျိုးစီ ဝယ်စမ်းပြီး ဒီအမျိုးအစားကတော့ အကြိုက်ဆုံးနဲ့ အထိရောက်ဆုံးပါပဲ။ Watson မှာရောင်းသမျှထဲ စျေးလည်း အသက်သာဆုံး။

ညဘက်ကပ်အိပ်ရင် မနက်နိုးတဲ့အခါ အဖြူအနှစ်တွေအကုန်စုပ်သွားလို့ ခွါလိုက်ရင် ဝက်ခြံအဆံမကျန်အောင် ပါသွားတယ်။ လက်နဲ့ညှစ်သလို အမာရွတ်လဲ မကျန်ဘူး။ တခြားတံဆိပ်တွေထဲ ကောင်းတာရှိပေမဲ့ ဘတ် ၁၀၀ ကျော်နဲ့ နည်းနည်းပါလို့ အဖုအများကြီးပေါက်တဲ့အချိန်ဆို တွက်ခြေမကိုက်ဖူးရယ် …။ Dermedy ကျတော့ ၅၉ ဘတ်တည်း။ စတေကာခွါတဲ့အခါ လက်နဲ့မထိမိဖို့နဲ့ ပါတဲ့စက္ကူအိတ်ထဲ ပြန်သိမ်းဖို့တော့ လိုပါမယ် မိတ်ဆွေတို့ရေ …။

ဝက်ခြံကင်းစင်ပြုံးပျော်ရွင်နိုင်ပါစေ
ချစ်တဲ့
ရန်ကုန်သူမီရှဲ

31/10/2024

Halloween costume ကတော့
Powerpuff girl ပဲ
ဟုတ်သော်ရှိ မဟုတ်သော်ရှိ 😆

31/10/2024

✨ ချင်းမိုင်မြို့ရဲ့ I Love Flower Farm ✨

30/10/2024

မျက်တောင်တု တပ်တိုင်းတလွဲဖြစ်တတ်လွန်းတဲ့ ရန်ကုန်သူမီရှဲအတွက် သံလိုက်မျက်တောင်တု ရှာဖွေတွေ့ရှိတာ အပျော်ဆုံးပဲ။ အချိန်ကုန်သက်သာတယ်။ တပ်ရလွယ်တယ်။ ခဏခဏပြန်သုံးလို့ရတယ်ဆိုတော့ အဆင်ပြေနေရောပဲ ….။

ပထမဆုံးတပ်တဲ့အချိန်ပဲ အထာမသိသေးလို့ တပ်ချိန်ကြာတယ်။ အထာသိသွားချိန်ကျတော့ တစ်မိနစ်တောင် မကြာဘူးရယ် … ။ အခုတပ်တဲ့အမျိုးအစားက Wosado x Buttercup တံဆိပ်ထဲကမှ butterfly ဆိုတဲ့ အမျိုးအစားပါ။ မထူမပါးနဲ့ ထင်းထင်းလေး။ တခြားနေ့တိုင်းတပ်လို့ရတဲ့ပုံစံအစုံရှိသေးတယ်။

မီရှဲကတော့ ပွဲတက်ဖို့ရှိတာနဲ့ တလက်စတည်း စမ်းကြည့်ဖို့ဝယ်တာဆိုတော့ ထူတာပဲရွေးဝယ်လိုက်မိတယ်။ တစ်ခုပဲ …. စျေးများတယ်။ ဒါပေမဲ့ မျက်တောင်တုဆက်၊ မျက်တောင်တုဖိုးနဲ့ တွက်ကြည့်ရင် တူတူလောက်ပါပဲ။ မီရှဲက မျက်တောင်တုဆက်ရတာ မကြိုက်လို့ ဒီလိုသံလိုက်မျက်တောင်တုနဲ့ဆို လိုတဲ့အချိန်မှ ဂွက်ကနဲ့ တပ်ရုံပဲ။

ဆိုတော့ မျက်တောင်တုတပ်ရတာ မခက်ခဲတော့ပါဘူး မိတ်ဆွေတို့ရေ …

ချစ်တဲ့
ရန်ကုန်သူမီရှဲ
ခေတ္တ ဘန်ကောက်

28/10/2024

ချစ်ရတဲ့မိတ်ဆွေတို့ရေ

ပွင့်လင်းရာသီရောက်လို့ ချင်းမိုင်အလည်လာမယ်ဆိုရင် ချင်းမိုင်မြို့နဲ့ ၆ နာရီကားမောင်းမဲ့ Pang Ung ရေလှောင်ဆည်ကို ထည့်စဉ်းစားသင့်ပါတယ်။

ကားမောင်းရချိန်ကြာလို့ ရက်ရှည်အချိန်ယူ လာလည်တဲ့လူဆိုရင် ပိုသင့်တော်ပါတယ်။ Camping လုပ်လို့ရတယ်။ ဝါးဖောင်စီး၊ လမ်းလျှောက်၊ ရေကန်နား ရှု့ခင်းကြည့်ပြီး slow life ကို ခံစားနိုင်ပါတယ်။ pre wedding လာရိုက်ကြတဲဲ့လူတွေလည်း အများကြီးပဲ။ ပြီးတော့ ဘယ်နေရာရိုက် ရိုက် ဓာတ်ပုံရိုက်လို့ လှတာမို့ ဝတ်စုံတွေ အများကြီး ထည့်ခဲ့ပါဦး။

ချစ်တဲ့
ရန်ကုန်သူမီရှဲ
ခေတ္တ ချင်းမိုင်

26/10/2024

New page added ✨







#1989

19/10/2024

Overnight curl စမ်းထားတယ်။ ဘယ်လိုပုံထွက်လာမလဲ မနက်ကျမှ ကြည့်တော့ …