MBETURINA TË SHUMTA NË RRUGËN “ TURGUT OZAL” NË AFËRSI TË KFOR-it TURK
Performancë artistike nga 'Danc Pri Fest' - Echoes of Heritage
Koreografia: Gëzim Sertollaj
Udhëheqës artistik: Prof.Asc. Dr. Artan Ibërshimi
PËRKUJTOHET 30-VJETORI I SHUARJES SË PROF.DR. ESHREF ADEMAJ
PËRKUJTOHET 30-VJETORI I SHUARJES SË PROF.DR. ESHREF ADEMAJ
Në Universitetin "Ukshin Hoti" në Prizren, të shtunën, është mbajtur tryeza shkencore kushtuar kontributit shkencor dhe kombëtar të akademikut të ndjerë, Eshref Ademaj. Në këtë mënyrë është përkujtuar 30-vjetori i shuarjes së prof.dr. Eshref Ademaj, i cili ka dhënë një kontribut të madh për arsimin në gjuhën shqipe dhe shkencën. Në tryezën shkencore të organizuar nga Instituti për Edukim dhe Politika Sociale është theksuar se i ndjeri ka qenë një personalitet i shquar i arsimit dhe shkencës, sikurse edhe luftëtar i paepur për të drejtat kombëtare e njerëzore. Ramadan Limani ka bërë të ditur se prof.dr. Ademaj gjithnjë ka shërbyer si model se si duhet trajtuar dhe punuar me studentët. Isak Hoxha ka kujtuar se si profesori i ndjerë ka qenë këmbëngulës dhe se me angazhimin e tij ka dhënë një kontribut tejet të rëndësishëm për avancimin e arsimit të lartë në gjuhën shqipe. Teuta Ademaj, vajza e të ndjerit ka falënderuar të gjithë të pranishmit për pjesëmarrjen si dhe për nderimin e veprës së prof.dr. Eshref Ademaj. Pas tryezës shkencore është mbajtur edhe aktiviteti përkujtimor. Rektori i Universitetit "Ukshin Hoti", Mentor Alishani ka pohuar se prof.dr. Ademaj ka dhënë kontribut të jashtëzakonshëm në fushën e arsimit. Hazer Susuri ka shprehur bindjen se të arriturat e shumta shkencore të prof.dr. Ademaj kanë ndikuar pozitivisht në shoqërinë në Kosovë. Akademia përkujtimore është shoqëruar edhe me një program të shkurtër artistik.
KRYETARI I AAK-SË NË PRIZREN, BESNIK KRASNIQI, PËRMES NJË VIDEOJE KRITIKOI INSTITUCIONET SHTETËRORE PËR GJENDJEN E URËS NË GRYKËN E LUMBARDHIT
Kryetari i degës së AAK-së në Prizren, Besnik Krasniqi, ka reaguar rreth mirëmbajtjes së urës mbi Grykën e Lumbardhit, e cila sipas tij është lënë në harresë nga institucionet e shtetit për dekada me radhë.
Sipas Krasniqit, kjo urë paraqet rëndësi të madhe për trashëgiminë kulturore, andaj ka ftuar institucionet që të marrin masa sa më parë për mirëmbajtjen e saj.
“Ura e harruar në Grykën e Lumbardhit që s’e ndjeu kurrë dorën e shtetit. Institucionet duhet të ndërmarrin masa për mirëmbajtjen e kësaj ure me rëndësi për trashëgiminë kulturore, por që është lënë në harresë për dekada me radhë.”, ka shkruar Krasniqi në Facebook.
QENDRIM BIRAJ, DJALI I PRIZRENIT QË I QËNDROI BESNIK KB “ BASHKIMI” DHE TIFOZËVE TË ZJARRTË“ ARPAGJIK’T”
QENDRIM BIRAJ, DJALI I PRIZRENIT QË I QËNDROI BESNIK KB “ BASHKIMI” DHE TIFOZËVE TË ZJARRTË“ ARPAGJIK’T”
Qendrim Biraj, para pak ditësh i ka dhënë fund karrierës së tij aktive basketbollistike për rreth dy dekadëshe. Ai për 18 vite i ka qëndruar besnik klubit të qytetit dhe zemrës së tij KB “ Bashkimi” si dhe tifozëve fanatik “ Arpagjik’t”. Por, pas pensionimit nga loja aktive, ai nuk i është ndarë basketbollit dhe Bashkimit, pasi është zgjedhur drejtor sportiv i skuadrës prizrenase. Në shenjë respekti për kontributin e tij të jashtëzakonshëm, numri 12 i Biraj është pensionuar përgjithmonë në klubin portokall e zi. Qendrimi flet për karrierën e tij të bujshme, besnikërinë ndaj klubit të qytetit dhe tifozëve, sukseset dhe sfidat gjatë karrierës 18 vjeçare, por edhe për angazhimet që ka dhe e presin në të ardhmen KB “ Bashkimi”-n.
NË PRIZREN U SHËNUA “DITA PA MAKINA”
NË PRIZREN U SHËNUA “DITA PA MAKINA”
Të premten nga ora 11:00 deri në orën 12:00 ka qenë e bllokuar për qarkullim rruga unazore nga objekti i administrates së Prizrenit deri tek Sheshi “Komandant Drini”, ku simbolikisht është mbajtur aktiviteti tashmë tradicional “Dita pa Makina” që organizohet në shumë vende të botës, në të cilën qytetarët lëvizin pa makina dhe në vend të tyre ngasin biçikleta, karroca apo edhe ecin. Zyrtarja e Drejtorisë së Shërbimeve Publike në Prizren, Laura Suka, tha se qëllimi i kësaj ngjarjeje është inkurajimi i qytetarëve për shfrytëzimin e mjeteve transportuese urbane, zbutja e ndikimeve të ndryshimeve klimatike globale, ku rritja e vëmendjes i kushtohet bashkëveprimeve të menjëhershme për shëndetin, që vijnë së bashku me reduktimin e emetimeve të karbonit. Por, për dallim nga herat e kaluara, sivjet shënimit të kësaj ngjarje tashmë tradicionale i mungonin organizata që merren me biçiklizëm. Zyrtarja Suka, tha se ftesat i janë dërguar organizmave të ndryshëm, por që ato nuk i janë përgjigjur ftesave, theksoi ajo. Ndër të rrallat pjesëmarrëse të këtij aktiviteti, ishte drejtoresha e organizatës “Green Leaders Besila”, Besnike Aliaj, e cila e vlerësoi këtë aktivitet si mjaft të rëndësishëm kushtuar mbrojtjes së ambientit. Bllokimi i rrugës është bërë dhe monitoruar nga zyrtarë policorë të Drejtorisë Rajonale të Policisë në Prizren.
NË KUADËR TË MANIFESTIMIT "TA PASTROJMË KOSOVËN", U MBAJT AKTIVITET AMBIENTAL NË LIQENIN E VËRMICËS
NË KUADËR TË MANIFESTIMIT "TA PASTROJMË KOSOVËN", U MBAJT AKTIVITET AMBIENTAL NË LIQENIN E VËRMICËS
Në kuadër të manifestimit "Ta pastrojmë Kosovën", të premten është realizuar një aktivitet ambiental në hapësirat e liqenit të Vërmicës. Në kuadër të manifestimit tashmë tradicional "Ta pastrojmë Kosovën", të premten Drejtoria e Shërbimëve Publike në Prizren me kompaninë rajonale për menaxhimin e mbeturinave "Eko regjioni" dhe nxënësit e shkollës fillore "Heronjtë e Lumës" në Vërmicë kanë bërë pastrimin e ambientit në hapësirat publike përrth liqenit të këtij lokaliteti. Muhamet Bajrami, koordinator i sektorit të mjedisit në DSHP, tha se ky aktivitet është shumë i nevojshëm për të mbrojtur natyrën duke u kujdesur për atë. Bujar Pulaj, kryetar i bashkësisë lokale në Vërmicë, tha se aktivitetet e këtilla duhet të realizohen, pasi natyra luan një rol tejet të rëndësishëm për të gjithë ne. Ndërkaq, nxënësja Melisa Kolukaj , tha se hapësirat përreth liqenit të Vërmicës, ndoten shpesh si pasojë e hedhjes së mbeturinave nga persona të pandërgjegjshëm, pasi është një vend atraktiv i cili frekuentohet nga shumë vizitorë. Ndryshe, jo rrallë janë ndërmarrë aktivitete ambientale në këtë vend të bukur, por që për fat të keq, ndërgjegjësimi i qytetarëve për të mos hedhur mbeturina lënë shumë për të dëshiruar.
DEBAT ME NXËNËSIT E EKO KLUBEVE TË PRIZRENIT NË PROJEKTIN
"NDIKIMI I RINISË NË MJEDIS", IMPLEMENTUAR NGA OJQ "EC MA NDRYSHE"
DEBAT ME NXËNËSIT E EKO KLUBEVE TË RAHOVECIT NË PROJEKTIN
"NDIKIMI I RINISË NË MJEDIS", IMPLEMENTUAR NGA OJQ "EC MA NDRYSHE"
DEBATI I GJELBËR ME EKO SHKOLLAT U MBAJT EDHE NË PRIZREN, I PRANISHËM EDHE KRYETARI TOTAJ
DEBATI I GJELBËR ME EKO SHKOLLAT U MBAJT EDHE NË PRIZREN, I PRANISHËM EDHE KRYETARI TOTAJ
Këtë të enjte në Shtëpinë e Bardhë është mbajtur debati i gjelbër në kuadër të projektit “Ndikimi i Rinisë në Mjedis” që realizohët me 12 eko klube të shkollave të mesme të regjionit të Prizrenit. Pjesëmarrësit nga eko klubet, këshilli i nxënësve dhe mësimdhënësit e shkollave të mesme të larta “Gjon Buzuku”, “Remzi Ademaj”, “Luciano Motroni”, “Ymer Prizreni” dhe “Lorenc Antoni”, me organizatorët dhe kryetarin e Prizrenit, Shaqir Totaj, diskutuan për çështje mjedisore në shkolla dhe komunitet. Pas Malishevës, Rahovecit dhe Mamushës, debati i gjelbër në kuadër të këtij projekti u mbajt edhe në Prizren. Në këtë debat morën pjesë anëtarët e eko klubeve të pesë shkollave të Prizrenit, kryetari i komunës Shaqir Totaj dhe organizatorët nga “EC Ma Ndryshe”. Debati u drejtua nën moderimin e Fisnik Minci, i cili në hapje të debatit tregoi më gjërësisht për qëllimin e këtij projekti, ndërkaq, Kaltrinë Kolukaj, përfaqësuse e OJQ-së “EC Ma Ndryshe”, theksoi se në çdo debat kërkesat e nxënësve janë marrë drejtpërdrejt nga drejtoritë e komunave përkatëse. Kryetari i Prizrenit, Shaqir Totaj, foli për rëndësinë e mjedisit dhe angazhimet që ka komuna për një ambient sa më të shëndoshë për të gjithë. Nxënësit e eko shkollave prezantuan aktivitetet e tyre që kanë realizuar në kuadër të këtij projekti, si dhe parashtruan kërkesa dhe folen për rëndësinë që ka ambienti i pastër për shëndetin e njeriut. Projekti “Ndikimi i Rinisë në Mjedis” ka për qëllim dialogun dhe përfshirjën e të rinjve në vendimarrjen për çështje mjedisore, i cili është implementuar në 3 shkolla të komunës së Malishevës, 3 shkolla të Rahovecit, 1 të Mamushës dhe 5 shkolla të Prizrenit.
SHKA "AGIMI" KREMTOI 60 VJETORIN E VEPRIMTARISË ARTISTIKE TË KADRI SKEJËS
SHKA "AGIMI" KREMTOI 60 VJETORIN E VEPRIMTARISË ARTISTIKE TË KADRI SKEJËS
Mbrëmë në Prizren, është kremtuar 60 vjetori i veprimtarisë së artistit të shquar prizrenas, Kadri Skeja. Gjatë mbrëmjes u shfaq edhe dokumentari i jetës së valltarit të mirënjohur të valles popullore shqipe, Kadri Skeja, i cili për vite të tëra veproi edhe si kryetar nderi në ShKA "Agimi", ku edhe filloi veprimtarinë e tij artistike. I pranishëm në këtë ngjarje ishte edhe nënkryetari i komunës së Prizrenit, Kujtim Gashi, i cili u shpreh se ndihet me fat që pati mundësinë të bashkëpunojë me një artist të shquar si Kadri Skeja. Salajdin Krasniqi dhe Berat Batiu nga miqtë dhe kolegët e artistit, theksuan se Kadri Skeja dha kontribut të madh për ta mbajtur gjallë ShKA-në "Agimi" në periudha të vështira të popullit dhe pati ndikim të madh në zhvillimin e kulturës së qytetit tonë. Artisti i mirënjohur, Kadri Skeja, shprehu mirënjohje për ShKA-në "Agimi", e cila sipas tij e formësoi atë si artist. Ai tha se dhuntinë e tij ia dedikoi popullit dhe inkurajoi të gjithë të rinjtë që kanë dhunti të ndryshme, t'i zhvillojnë ato në institucione të tilla dhe t'ia shfaqin publikut. Mbrëmja vazhdoi me performanca të ndryshme artistike në nder të 60 vjetorit të veprimtarisë së valltarit të shquar prizrenas, Kadri Skeja.
Pamje nga arrestimi i katër të dyshuarve për fajde dhe organizim të bixhozit
Arrestohen katër persona të dyshuar për ‘fajde’ dhe ‘organizim të skemave piramidale ose bixhozit të paligjshëm’’
Drejtoria për Hetimin e Krimit të Organizuar dhe Krimeve të Rënda, në bashkëpunim me Prokurorinë Themelore Prishtinë - Departamenti i Krimeve të Rënda, në vazhdën e luftimit të dukurisë së fajdesë, pas ndërmarrjes së veprimeve hetimore, sot, me datën 19 shtator 2024, ka realizuar operacion policor, me ç’rast ka zbatuar urdhërkontroll në 3 lokacione në Prishtinë ndaj katër personave të dyshuar për veprat penale ‘fajde’ nga neni 331 i KPRK-së dhe ‘organizimi i skemave piramidale ose bixhozit të paligjshëm’ nga neni 294 i KPRK-së.
Të dyshuarit në këtë rast, përmes formave të ndryshme të kanosjes, në vazhdimësi kanë detyruar viktimën që të veprojë kundër pasurisë së tij, duke përfituar kështu në formë të kundërligjshme shuma të ndryshme të parave si interes nga fajdeja, e po ashtu të dyshuarit kanë ushtruar edhe veprimtarinë e bixhozit të kundërligjshëm.
Gjatë zbatimit të urdhërkontrollit janë sekuestruar dëshmi të ndryshme si: shuma të konsiderueshme të parave kesh, 5 automjete, telefona celularë, pajisje të ndryshme elektronike.
Katër personave të dyshuar A. A., S. A., E. G. dhe A. G., pas intervistimit, me aktvendim të prokurorit nga Prokuroria Themelore në Prishtinë, iu caktohet masa e ndalimit për 48 orë.
Në vijim gjeni videolinkun lidhur me operacionin policor të realizuar sot nga Policia e Kosovës dhe Prokuroria Themelore:
POLICIA MBAJTI LIGJËRATË ME NXËNËS NË SUHAREKË, PËR MË SHUMË SIGURI NË TRAFIK
Policia e Kosovës luan një rol të rëndësishëm në rritjen e sigurisë rrugore përmes aktiviteteve të shumta edukative dhe operacioneve në terren me moshat e reja. Një aktivitet i tillë është organizuar të mërkurën në sallën e edukatës fizike të shkollës “ Shkëndija” në Suharekë, ku është mbajtur një ligjëratë vetëdijesuese me nxënësit nga zyrtarët policor . Pjesë e kësaj ngjarje ishte edhe kreu i komunës së Suharekës, Bali Muharremaj, i cili tha se këto ligjerata ndikojnë dukshëm në sigurinë më të madhe në trafik përfshirë edhe të rinjtë tanë. Togëri Arben Elshani, shef i operativës në trafikun rrugor nga Drejtoria Rajonale e Policisë në Prizren, tha se edukimi dhe informimi i fëmijëve dhe të rinjve për sigurinë rrugore është i rëndësisë së veçantë, dhe se policia ka në fokus gjithmonë shpërndarjen e informacioneve të nevojshme. Nxënësit, Florida Berisha dhe Diellon Trolli, e vlerësuan shumë të rëndësishme këtë ligjëratë kushtuar ngritjes së sigurisë si dhe përdorimit të biçikletave dhe trotineteve në rrugë. Ndryshe, ky aktivitet jo vetëm që rrit sigurinë, por ndihmon në formimin e një kulture të përgjegjshme ndaj qarkullimit rrugor në shoqëri.
U SHËNUA 25 VJETORI I KOMUNËS SË PRIZRENIT
Në sallën e mbledhjeve të Kuvendit të Prizrenit, të mërkurën është kremtuar 25 vjetori i themelimit të komunës, ku të pranishëm ishin përfaqësues të institucioneve të ndryshme, veteranë e ish-ushtarë të UÇK-së, familjarë të dëshmorëve, studentë e profesorë. Në hapje të kësaj ceremonie, kryesuesja e Kuvendit, Antigona Bytyçi, u shprehu mirënjohje atyre që kontribuan në ndërtimin e shtetit gjatë periudhës së luftës, duke thënë se organizime të tilla na japin shtytje për të vazhduar punën tonë në të mirën e vendit. Ish-kryetari i komunës së Prizrenit, Kadri Kryeziu, foli për punën dhe sfidat e tij si kryetar i parë i kësaj komune. Ish-ministri i Departamentit për Marrëdhënie Publike dhe Administrim Civil në Qeverinë e Përkohshme në vitet e para pas përfundimit të luftës në Kosovë, Ramë Buja, tha se me entuziazëm realizuan hapat e para për emërimin e kryetarëve të parë komunal në vendin tonë. Në fund të kësaj ceremonie, ish-kryetari Kryeziu ndau mirënjohje për të gjithë ata që dhanë kontribut në ndërtimin e shtetit. Kremtimi i 25 vjetorit të themelimit të komunës së Prizrenit, vazhdoi më pas me një koktej rasti për të gjithë të pranishmit.
KRYETARI TOTAJ, PRITI NË VIZITË AMBASADORIN E BRITANISË SË MADHE, JONATHAN HARGREAVES
KRYETARI TOTAJ, PRITI NË VIZITË AMBASADORIN E BRITANISË SË MADHE, JONATHAN HARGREAVES
Kryetari i Prizrenit, Shaqir Totaj, priti sot në takim ambasadorin e Britanisë së Madhe në Kosovë, Jonathan Hargreaves. Pas një bashkëbisedimi rreth një orësh me ambasadorin e Britanisë së Madhe, Jonathan Hargreaves, kryetari i komunës, Shaqir Totaj u shpreh i kënaqur për pritjen e ambasadorit të një vendi që ofroi mbështetje të vazhdueshme për shtetin tonë, siç është Mbretëria e Bashkuar. Ai tregoi tutje se gjatë takimit me mysafirin e tij të çmuar biseduan rreth punës dhe zhvillimeve aktuale në komunën e Prizrenit, si dhe për bashkëpunimin e qeverisë lokale me atë qendrore. Ambasadori i Britanisë së Madhe në Kosovë, Jonathan Hargreaves, theksoi se nuk është hera e parë që ai viziton qytetin e Prizrenit, ndërkaq në takimin e tij të parë sot me kryetarin Totaj, tha se mësoi shumë gjëra të reja rreth Prizrenit, diversitetit e bashkëjetesës së komuniteteve të ndryshme dhe rreth potencialit për zhvillimin e turizmit në këtë vend. Tutje, kryetari Totaj dhe ambasadori Hargreaves, folën rreth mundësive të investimit nga Britania e Madhe në fusha të ndryshme në komunën e Prizrenit dhe më gjerë. Ndryshe, në takim u potencua edhe angazhimi i Britanisë së Madhe për të vazhduar mbështetjen e Kosovës në rrugën e saj drejt integrimit evropian, ndërkaq u theksua se fokusi kryesor për mundësitë e investimit në komunën e Prizrenit mund të jenë në fushën e teknologjisë informative.
KONSULTIM PUBLIK ME QYTETARË PROJEKT-RREGULLOREN PËR TITUJ, DEKORATA DHE ÇMIME NDERI NGA KOMUNA E PRIZRENIT
NË SUHAREKË ME AKTIVITETE TË BUJSHME FILLOI EDHE MANIFESTIMI TRADICIONAL "FESTARI 2024"
NË SUHAREKË ME AKTIVITETE TË BUJSHME FILLOI EDHE MANIFESTIMI TRADICIONAL "FESTARI 2024"
Me hapjen solemne të Shtëpisë së Kulturës "Ukë Bytyçi", kanë filluar edhe aktivitetet e edicionit të 23-të të manifestimit tradicional "Festari" në Suharekë. Ditën e sotme janë zhvilluar aktivitete të shumta, që janë përcjellur masovisht edhe nga qytetarë të kësaj komune. Sheshi i qytetit të Suharekës, të martën ishte përplot me pjesëmarrës të aktiviteteve të ndryshme që po organizohen në kuadër të manifestimit tradicional të njohur me emrin "Festari". Kryetari i komunës, Bali Muharremaj, tha se kjo ngjarje e veçantë dhe e rëndësishme bashkon njerëzit dhe ka shkëmbim kulturash edhe me botën, dhe se është një festë e artë për Suharekën. Bartëse e këtyre aktiviteteve është Drejtoria për Kulturë, ku drejtoresha e këtij dikasteri, Lorika Gashi, tha se në ditën e dytë pas përurimit të Shtëpisë së Kulturës "Ukë Bytyçi", po zhvillohen aktivitete të shumta kryesisht me karakter humanitar, dhe se do të pasojnë edhe shumë të tjera përgjatë ditëve në vijim deri në përmbyllje të këtij "Festari". Në kuadër të aktiviteteve të sotme, është organizuar edhe aksioni për dhurimin vullnetar të gjakut, pjesë e të cilit ishin shumë qytetarë si dhe pjesëtarë të forcave paqeruajtëse të KFOR-it dhe Policisë së Kosovës. Të dhurosh gjak, është akt human e fisnik për të shpëtuar jetën e njerëzve, thanë njëzëri Naim Gegaj dhe Sejdi Gallapeni. Ndryshe, deri ditën e shtunë sa do të zgjas ky manifestim tradicional, pritet të organizohen edhe shumë aktivitete tjera të cilat gjithmonë kanë zgjuar edhe interesim nga qytetarët jo vetëm të kësaj komune, për të qenë pjesë e tyre.
GJURMËT E NGJYRAVE QË FLASIN PËR ARTISTIN, BESIM DANJOLLI
GJURMËT E NGJYRAVE QË FLASIN PËR ARTISTIN, BESIM DANJOLLI
Gjurmët e ngjyrave flasin më shumë se fjalët rreth një artisti, për të cilin piktura nuk është asgjë më pak se një jetë e tërë e shkrirë në pëlhurë. Dinamika e krijimtarisë së tij shfaqet në cdo cep të Prizrenit. Burimin e inspirimit ai e gjen në qytetin e tij, ku me pikturat e tij kalon një pjesë të ditës duke i ofruar për sh*tblerje krijimtarinë e vetë në të cilat më së miri pasqyrohet qyteti i Prizrenit. Besim Danjolli flet më gjërësisht rreth rrugëtimit profesional, jetës së një artisti, si dhe tregon se cilat janë përparësitë e këtij profesioni dhe sfidat e një piktori në Prizren. Në bashkëpunim me gruan e tij ai i finalizon këto punime me plotë pasion për artin, ku secila prej pikturave merr fokus tejet të rëndësishëm. Jeta dhe puna e tij është e lidhur që një kohë në sheshin e Lidhjes së Prizrenit, edhe pse institucionet i krijojnë telashe.
PËRUROHET SHTËPIA E KULTURËS “UKË BYTYQI” NË SUHAREKË, MË E MADHJA NË VEND
PËRUROHET SHTËPIA E KULTURËS “UKË BYTYÇI” NË SUHAREKË, MË E MADHJA NË VEND
