Solomye Publishers & Distributors

05/12/2024

Thank you for 100 followers for Solomye Publishers & Distributors

28/11/2024

መጽሓፍቲ ንምግዛእ ኣብ www.solomyeshop.com ወይ +491607592158 ተወከሱ

23/11/2024

24/10/2024

እታ ለጋስ ሰበይቲ!

ሓንቲ ሰበይቲ ጎቦታት ኣቋሪጻ ትጓዓዝ ኣብ ዝነበረትሉ እዋን፣ ሓደ ኲቡር ማዕድን ስለ ዝረኸበት ናብ ቦርስኣ ኣእተወቶ። ንጽባሒቱ ጒዕዞኣ እና ቀጸለት ከላ፣ ኣብ መንገዲ ሓደ ኣዝዩ ዝጠመየ ሰብ ኣጋጠማ። ካብ'ቲ ኣብ ቦርስኣ ዝነበረ መግቢ ከተካፍሎ ብምሕሳብ ከኣ ቦርስኣ ከፈተት። ንሱ ግና ነቲ ሒዛቶ ዝነበረት ክቡር ማዕድን ስለ ዝርኣየ ክትህቦ ተማሕጸና። ንሳ ድማ ባህ እናበላ ኣውጺኣ ሃበቶ። እቲ ወዲ ብወገኑ ነቲ ማዕድን ብምሻጥ ብዛዕባ ዝረኽቦ ብዙሕ ገንዘብን ዝፈጥረሉ ናይ ህይወት ውሕስነትን ብምስትንታን ኣዝዩ ተሓጎሰ። ኮይኑ ግና ድሕሪ ዉሑዳት መዓልታት ነቲ ዝሃበቶ ክቡር ማዕድን ሒዙላ ተመልሰ። ቀጺሉ ድማ ከምዚ በላ፣
"ክሓስብ እየ ቀንየ። እዚ ዝሃብክኒ ማዕድን ክሳብ ክንደይ ክቡር ከም ዝኾነ እርድኣኒ እዩ። እንተኾነ ግን ካብኡ ንላዕሊ ከም ትህብኒ ተስፋ ብምግባር እመልሰልኪ ኣለዂ። እቲ ነዚ ማዕድን'ዚ ክትህብኒ ዝገበረኪ ነገር ሃብኒ፧"

በዚ ዝስዕብ ኣድረስ ተወከሱ

www.solomyeshop.com

www.habeshbookstore.com

WhatsApp: 0160 7592158

13/10/2024

24/09/2024

Www.solomyeshop.com

Anschauen, folgen und weitere angesagte Inhalte entdecken.

17/08/2024

#ዕሽሽታ #ልክዕ #ከም #ረኽሲ #እዩ

ኩሉ’ቲ ሰብጸጋ፣ ብርቱዓት፣ ዝተራቐቕና ንምዃን ዘድልየና ኣብ ውሽጥና ዝርከብ ነገር እዩ። ዝበዝሑ ሰባት ሃብታማት፣ ብርቱዓት፣ ዝተራቐቑ ዘይኰኑሉ ምኽንያት እዚ እዩ፦ ሸለል ብሃልቲ ምዃኖም።

ውድቀት ብዓቢኡ ንደቀቕትን ንኣገደስትን ነገራት ሸለል ብምባል ዝመጽእ ነገር እዩ። ምስ ምንዋሕ ግዜ፣ ሸለል ዝተባህሉ ንኣሽቱ ነገራት ናብ ዝተረስዑ ዓበይቲ ነገራት’ዮም ዝቕየሩ።

ዕሽሽታ ወይ ሸለልታ ልክዕ ከም ረኽሲ እዩ። ሸለልታ ንነዊሕ ግዜ ቀይዲ-በተኽ ኮይኑ ምስ ዝቕጽል፣ ናብ ኩሉ ስርዓተ-ዲሲፕሊን ክዝርጋሕን ንሓደ ሓጐስ ዝመልኦ ህይወት ምሉእ ብምሉእ ከበላሽዎን ይኽእል እዩ።

ነቶም ክንሰርሖም ዝግብኣና ነገራት ዘይምስራሕ፣ ናይ ጣዕሳ ስምዒት ክስምዓና ዝገብር ጉዳይ እዩ። ናይ ጣዕሳ ወይ ናይ በደለናኛነት ስምዒት ድማ ናብ ብሕጐጓ ልበ-ምሉእነት ይመርሓና። ልበ-ምሉእነትና ክጐድል ከሎ፣ ደረጃ ንጥፈትና እውን ይጐድል እዩ። ደረጃ ንጥፈትና ክጐድል ከሎ፣ እንጭብጦም ውጽኢታት ብግዲ ክጐድሉ እዮም።
ውጽኢታትና ብምጉዳሎም ኣጠማምታና ምድኻም ክጅምር እዩ። ኣጠማምታና ብቐስታ ካብ እወታ ናብ ኣሉታ ክቕየር ከሎ፣ ልበ-ምሉእነትና ዝያዳ ከንቈልቁል እዩ። ነቶም ክንትግብሮም እንኽእልን ክንትግብሮም ዝግባኣናን ነገራት ኣብ ምትግባር ምፍሻል፣ ጥውይዋይ ናይ ምንቁልቋል መስመር ዝፈጥር እዩ። እዚ ጥውይዋይ ናይ ምንቁልቋል መስመር ሓንሳእ እንተ ጀሚሩ ድማ፣ ምእላዩ ኣጸጋሚ እዩ።

ንምንታይ ኢና ነቶም ኣብ ህይወትና ንእሽቶ ኣገዳስነት ዘሎዎም ነገራት ብተደጋጋሚ ንምትግባር ዝንባለ ዘሎና፣ ነቶም ዓወትን ሑጐስን ዝጠልቡዎም ኣገደስቲ ነገራት ንምትግባር ግና ኣዚና መዕጠይጠይቲ እንኸውን፧ እቲ ከም’ዚ ብምባል ሕሹኽ ዝብለና ድምጺ እንታይ እዩ፣ "ኩሉ ነገር የንሻትት ግደፎ። ንምንታይ ኢኻ ብዛዕባ ኹሉ’ቲ ዋጋ ዘይብሉ ዲሲፕሊን እትጭነቕ፧" እቲ ከም’ዚ ብምባል ሕሹኽ ዝብለና ድምጺ፣ ኣሉታዊ ድምጺ እዩ። እዚ ድምጺ ኣብ ብዙሓት ዓመታት ዝማዕባለ ኮይኑ ውጽኢት ግጉያት ጽልዋታት፣ ውጽኢት ግጉይ ኣተሓሳስባን ውጽኢት ግጉያት ሓሳባትን፣ ውጽኢት ግጉይ ፍልስፍና ህይወት፣ ውጽኢት ግጉያት ውሳነታት እዩ።
ነቲ ናይ ውድቀት ድምጺ ምሉእ ብምሉእ ካብ ውሽጥና ክንምሕዎ ኣይንኽእልን ኢና። ምስ’ቶም ብሉጻት ድልየታትና ዝጻረር ስምዒት፣ ሓሳብ፣ ተግባር ንኽንውንን መታን ክደፋፍኣና፣ ኩሉ ግዜ ኣብ ውሽጥና ክህሉ እዩ። ግናኸ ነዚ ኣዕናዊ ድምጺ ብዕዉት ኣገባብ ጸጥ ከነብሎን ኽእል ኢና። ነዚ ድማ ንመጻኢ ህይወትና ዝምልከት ድልዱል ፍልስፍና ህይወትን እወታዊ ኣጠማምታን ብምምዕባል ኢና ተግባራዊ እንገብሮ።

ምንጪ፦ 5 መትከላት ህይወት

ኣሕታምን ኣከፋፋልን
Solomye Publishers & Distributors
www.solomyeshop.com
0160 7592158