Shabakada Haldoornews

13/01/2025

Haa iyo Maya illaahow mar ha naga wada siin!!!!

Xukuumada wadani Kurtimadii ay Aasteen baa ku Soo baxay.

12/01/2025

Qodobada Beesha Isaaq Ay Doonayso in ay Hor Dhigto Mustafe Cagjar Xasuuqii Dacawaaley Ka Dib

Qorshaha wadaxaajoodka xukuumada & guddida reer sheikh Isxaaq Qodobada aanu xalka u aragno:-

1- In dawladu ku dhawaaqdo xabadjoojin ciidankeeda ah isla markaana ciidamadeed ay dib u qaado

2- In xukuumadu qaadato masuuliyada wixii ka dhacay qabalaha dacawalay

3- In xukuumadu talaabo sharci ka qaado hogaamintii laamaha amniga ee falkaa fulisay iyo cidkasta oo masuuliyada arintaasi gasho.

4- In xukuumadu bixiso magtii ergada nabada loo diray ee weerarka lagu
qaaday

5- In xukuumadu bixiso magtii dadkii shacabka ahaa ee ku dhintay iyo kuwii ku
dhaawacmay rasaastii lagu soo iibiyay cashuurta shacabka. Islamarkaana
ay bixiso wixii hanti laboobay iyo khasaarihii ka dhashay magaaladii lagubay

6- In xukuumadu xaal iyo xumayn ka bixiso balan ka bixii lagu sameeyay
masuuliyiinta reer sheikh isxaaq kaga jira xukuumada.

7- In xukuumadu xoriyadooda u soo celiso shacabkii maxaabiis ahaanta loogu
soo qabqabtay qabalayga dacawalay kuwii h**e iyo kuwii danbeba.

8- Waa in dawladu raaligalin ka bixisaa in dadka reer dacawalay ay ku dagaalamayaan cadho siyaad bare loo hayo.

9- Waa In xukuumadu raaligalin ka bixiso ku sheegista dadka reer dacawalay
ee is difaacayey in ay yihiin dad ree soomaliland ah iyo inay yihiin ururo
argagixiso.

10-Hogaaminta latalinta madaxwaynaha ee dhinaca amniga ee mediaha sida foosha xun uga hadlaaya ee dadka reer dacawalay ku sheegay inay yihii AS ama dad ka soo talaabay xad dalkale waa in sharciga la
horkeenaa.

Sideed U Aragtaa?

12/01/2025

Xasan sheekh oo ugu dambayn isku Dhiibay Abey Axmed Raysal wasaaraha Ethiopia.

Sawir hadlaya.

12/01/2025

Wareegto Madaxweyene

Markii aan arkay: Qoddobka 90aad ee Dastuurka Jamhuuriyadda Somaliland;

Markii aan arkay: Aqoontiisa, Kartidiisa, iyo Waayo-aragnimadiisaba;

Markii aan ku qancay: In uu hanan karo mas’uuliyadda ka dhalanaysa xilkan;

Markii aan sameeyey: La-tashi;

Waxa aan go’aamiyey;

In Maxamuud Aadan Jaamac Galaal laga bilaabo taariikhda maanta uu ahaado Wakiilka Jamhuuriyadda Somaliland ee Taiwan.

ALLAA MAHAD LEH

________________
Cabdiraxmaan Maxamed Cabdillaahi (Cirro)
Madaxweynaha Jamhuuriyadda Somaliland

12/01/2025

Garyaqaan Guuleed Dafac iyo Qarankii oo indho Qunaajo Isku eegaaya
“Shalay waxa la magacaabay badhasaabo iyo ku xigeenno. Kuwii h**e u joogay, miyay is-casileen? Miyaa la eryay? Miyay dhinteen? Mise waa lagu dul magacaabay oo gobol waliba laba badhasaab ayuu yeelanayaa?
Wasiiradu waxa ay si toos ah (automatic) u raacaan madaxwaynaha magacaabay oo haddii u dhaco way la dhacaan. Madaxda intooda kale waxa ay xilka ku waayi karaa is-casilaad, eri, geeri, ama si kale oo xeer jideeyay in xilku ku banaanaado. Meel aan qofkii joogay xilka laga eryin, qof kale looma magacaabo.
Laba mid uun baa la yeelaa:
1. Waraaqda masuulka cusub lagu magacaabay ayaa lagu tilmaamaa habka uu ku banaanaaday xilku; ama
2. Waraaq kale ayaa lagu eryaa ama lagu tilmaamaa habka uu xilku ku banaanaaday.
Inta aan ogahay madaxdii h**e arinka labaad ayay isticmaali jireen. Waraaqda eriska ah iyo ta magacaabistu way soo kala bixi jireen, inta badan isla hal mar”
Garyaqan Guuleed Dafac ayaa Sidan yidhi

09/01/2025

Golaha Deegaanka Gabiley oo Mar kale Doortay Maayarkii Xukuumadu Diiday Iyo Awoodii Golaha oo Guuleysatay

09/01/2025

Xukuumadda cusub oo Aar-goosi ku bilowday madaxda xilalka sii haysa ee ay wali awoodi la'yihiin inay bedelaan.

Maxamed Cali Daarood iyo Badhasaabja Selel maxaa galay?

Tiraba waa markii labaad ee aan arko ama maqlo falal liita oo ay xukuumadda talada haysaa kula kacday masuuliyiin wali xilalka sii haya oo waliba shaqo Qaran oo muhiim ah haya in la bah dilo oo qaarkood na lagala masuugo warbaahintii Madaxtooyada in magacooda laga reebo warkii ku saabsanaa shaqadii ay isla xukuumadda u hayeen.

Warka warbaahinta maxaxtooyada lagu baahiyey ee ceelka biyaha Geed-deeble ee uu Maareeye Maxamed Cali Daarood ku casuumay Madaxweyne ku xigeenka cusub maxay u taraysaa xukuumadda cusubi inay ka reebto maareeye Maxamed Cali Daarood magaciisa iyo hawshaas uu isagu qabtay in lagala masuugaa.

Ta kale, warar aan helay ayaa ii sheegaya in Badhasaabka gobolka Salal shalay laga hor istaagay madaarka Hargeysa oo uu alaab ma dirayey oo ay moodayeen in uu ka dhoofayo, taasoo muujinaysa inay jiraan falal Aar goosi ah oo lagu beegsanayo madaxda xilalka sii haysa ee xukuumaddii Kulmiye.

Warar dheeraad ah ayaa ii sheegay inay xukuumadda cusubi Amar ku bixisay madaxda xilalka sii haysaa inay ka baxaan Dalka.

Masuuliyiinta xilalka madaxweynuhu magacaabò sii haysa ayaa khaati ka taagan la raagida uu madaxweynuhu la raagay inuu soo magacaabo cidii bedeli lahayd, halka masuuliyiinta qaarkood olole ugu jiraan inay sii fadhiyaan kuraasta.

Qalkii Maxamuud Cabdi Jaamac Xuuto

06/01/2025

Qiimayntii ka soo baxday su'aalihii Golaha Wakiiladda Somaliland ku shirabayeen wasiiraddii Madaxweynaha Somaliland magacaabay ee uu u soo gudbiyey si ay u Ansixiyaan ayaa ka dayrinaysa heerkii laga rabay ee halku dhigii xukuumadda ee ahaa Isbedel, horumar iyo wadajir.
Wasiirada la waraystay waxay ahaayeen Rag iyo Haween kuwaas oo wax laga weydiiyey taariikhdoodii h**e iyo Aqoonta ay u leeyihiin xilalka loo magacaabay iyo waxa u qorshaysan ee ay Dalka iyo dadkii soo doortay u qabanayaan.
Dadka faallooyinka ka bixiyey inkasta oo ay aad u kala duwanaayeen hadana waxa la isku raacsan yahay wasiiradda wasaaradaha ugu miisaanka culus jooga ee shalay la waraystay inaanay dadka qancin oo aanay soo jeedin fikir suurtogalin kara isbedel iyo horumar.
Labada wasiir ee talo qaran oo lagaga bixi karo duruufaha dalka ka jira laga filayey waxay ahaayeen wasiirada Wasaaradaha Arrimaha gudaha/ Amniga iyo Arrimaha dibeda. Jawaabaha ay ka bixiyeen su'aalihii la weydiiyey ee la xidhiidhay xaaladaha ay Somaliland kaga sugan tahay dibeda iyo gudahaba waxay ahaayeen kuwo u muuqday inaanay jid iyo jiho cad oo ay iyaga laftigoodu ku qanacsan yihiin aanay u calaamad sanayn.
Marka la eego siyaasada arrimaha gudaha Somaliland wuxuu qof kasta oo Somaliland ku nooli arkayaa in xaalad amnj daro ama dagaalo riiqdoodu dheeraanaysaa gondaheena ka socdaan cidii wax ka qaban lahayd ee siyaasad cad la iman lahayd na ay tahay wasaaradda Amniga, taasoo wasiirku kaga jawaabay inaanay wax mushkilad ahiba dhinaca Amniga ka jirin ee uu Dalku nabad yahay.
Wasiirka kale ee Arrimaha dibedu na jawaabaha uu ka bixiyey siyaasadda Arrimaha dibeda iyo qorshayaasha ay hayaan waxa uu kaga jawaabay hadalo lama filaan ah iyo mugdi maamul oo ay xukuumaddu kaga sugan tahay waayaha siyaasadeed ee dibeda isla markaana aanay war iyo wacaal ba illaa hada u haynin jihadii ay xukuumaddii ka horaysay ku wadag iyagana aanay waxbaba uga sii qorshaysnay jihada ay qaadayaan.
Wasiirada kale ee la waraystay waxa ka mid ahaa hawlaha guud iyo warfaafinta labada wasiir marka la eego waxa ugu xaasaasin xilka loo dhiibay waa hawlaha guud oo mar kasta laga sugayo waxay ka qabatay musuq maasuqa iyo boobka hantida Qaranka ee mucaaradku ku weeraro xukuumadda oo laga filayo marka ay talada qabtaan inay wax ka qabtaan boobka ay sheegaan.
Wasiir Xuseen Axmed Caydiid su'aalihii ay warbaahintu ka weydiisay hantidii uu xayiray oo ay sheegeen in la dhisanayo oo aanay wareegtadiisii waxba ka hirgalin waxa uu wax la qabashada dhalilahaas isaga riixay hay'addo kale oo qaarkood boobka qayb ka yihiin sida Booliiska oo qaylo dhaan isla shalay ku lidi ahi kasoo yeedhaysay Berbera oo qayb ka ahayd dhulka uu wasiirku xayiray oo uu dhisanayo Taliyaha uu leeyahah isagaa ilaalinaya.
Sidoo kale, waxa uu ku riixay wax ka qabashada Dhulka uu xayiray talo qaran. Talo qaran waxay ahayd intaan talaabo la qaadin in uu wasiirku ogaado in loo baahan yahay, waliba meesha uu ka gabaday ee uu tilmaamayaa waa Madaxweynaha oo xilka hantidaas la wareegaye ay ahayd in uu kala tashado. Wasiir Xuseen waxa ay dadweynuhu ka arkeen doodiisa mid jaban oo uu afar iyo toban sanno ka hor uu tijaabiyey oo ay waxba ka socon waayeen, dadweynuhuna ku qanacsan yihiin inaanu imikaba waxba ka qaban karin.
Wasiirka Warfaafinta Axmed Yaasiin hadalkii uuka jeediyey qorshayaashiisa marka la eego waxa dadka isku qaban waayey xilalka isbarkan ee ay wasaaradaasi hayso ee waliba qaranka muhiimka u ah iyo sida aanu wali xogogaal ugu noqon waxa dhex yaala oo ay ugu horayso sida ay uga aradan tahay adeegyadii looga baahnaa oo uu ka xusay uu siyaasaddihii lagu hagi lahaa oo uu diyaarinayo.
Dadweynaha reer Somaliland wasaaradaas warfaafinta, Dhaqanka iyo Wacyigalinta waxa ay u arkaan inay tahay hay'adaha dakhliga ugu badan qaranka lagu kharash gareeyo shaqada ay qabataana ay tahay ta ugu liidata marka la eego dagaalada dhinaca warbaahinta inagaga furan ee aanay u babac dhigin maalin kaliya.
Doodaha iyo aragtiyaha ay ka bixiyeen Hablaha Wasiirada ah jawaabahoogii waxay isku raaceen ama u badan yihiinba fikir ahaan inay ka sareeyeen kuwa Ragga wasiiradda ah. Wasiirada ragga ah doodoodu waxay u badnayd is difaac iyo inaanay ka garaabayn waaqaca jira ee ay dadweynuhu doonayeen in isbedel lagu sameeyo, halka haweenka wasiiradda ahi u muuqdeen kuwo doonay shaqada loo igmaday inay wax ka qaban doonaan inay diyaar u yihiin isla markaana ahaa kuwo furfuran oo aan difaac ku jirin.
Haweenka Wasiiradda ah ee la waraystay oo marka h**e su'aalo badan la iska weydiinayey waxay shalay muujiyeen inay yihiin dad fahansan inay ka soo gudbeen marxaladii mucaaradnimada oo ay usoo gudbeen marxakadii muxaafadnimada ku dhisan wax qabad.
Marka laga yimaado waraysiyada lala yeeshay wasiiradda Golaha Wakiiladda hor tagay waxa kale oo si weyn wax la isaga weydiinayey su'aakaha ay mudanayaasha iyo wariyayaashu weydiinayeen oo loo baahnaa inay noqdaan kuwo intaas ka shilis oo ay ka diyaar garoobeen isla markaana loo baahan yahay jawaabaha ay heleen inta ay weeleeyaan inay kuwa danbe u diyaarsadaan xogo dheeraad ah oo wax tar ummada iyo dalka u leh.

Qalinkii Maxamuud Cabdi Jaamac Xuuto.

02/01/2025

Markaaad waynaanta Niikada ku barato waa Sidanoo kale

31/12/2024

31/12/2024

Fadlan SUBSCRIBE 🙏 HALDOOR NEWSwararkii ugu dambaayey ee caalamka mada,daalooyin iyo s...

31/12/2024

Xukuumadii Cusbayd oo Sharcigii Dalka Ku Fashilantay iyo Maayarkii Gabiley ee La Doortay oo Wali Xukuumadu ku Dhagantahay.

31/12/2024

“Horta Garaad Jaamac waa Munaafaq Cuqdadaysan, Daaroodna Waanu is Haynaa“ Suldaanka Beelaha Sacad Muuse

30/12/2024

Itoobiya oo dib u soo celisay Dublamaasiyiin iyo shaqaale dawladeed oo reer Somaliland ah saddexdii cisho ee u danbeeyey , kuwaas oo ku safrayey baasaaboorada Dawladda Somaliland.

Ilo wareedyo xogogaal ah ayaa sheegaya in sabtidii safaarada Somaliland ee ku taal Addis ababa ka sii daysay Madaarka xubno ka tagay Somaliland oo sitay Baasaaboorka Dublamaasiga ah.

Sidoo kale, shalay waxa Madaarka Addis ababa lagu xidhay xubno kale oo sitay baasaaboorka Dublamaasiga ah iyo ka shaqaalaha Dawladda, waxaanay Dawladda Itoobiya maanta dib ugu soo celisay Hargeysa.

Somaliland iyo Itoobiya wali kamay hadal dhacdooyinkan, hase yeeshee waxay ku soo beegmayaam xilli xaasaasi ah oo dagaal khasaare badan sababay uu ka dhacay Kililka shanaad ee Sonalida Itoobiya, halkaas oo ay ku dhinteen ciidamo farabadan oo ka tirsan Liyuu Booliiska Kililka shanaad iyo dad shicib ah.

Wefti wasiiro ah oo ka tirsan Somaliland ayaa dhacdadaas kadib tagay Jigjiga waxaanay kulamo la kulmeen saraakiisha Amniga iyo madaxxa kililka shanaad, illaa hada na ma cada labada dhinac waxay ka wadahadleen iyi is faham inay ka gaadheen kulankoodii.

Dagaalka Dacawalay kadib Somaliland waxa ay maxaabiis ciidamada Liyuu Booliiska ah u gudbisay Safaarada Itoobiya ee Hargeysa halka wali maxaabiis badan oo ciidamadaas ka mid ah ay ku jiraan gacanta dadkii shicibka ahaa ee deegaankaas ku dagaalamay.

Wasiirka Amniga Somaliland ayaa kililika shanaad ku eedeeyey khasaaraha dagaalkaas ay ciidamada Liyuu booliisku ka gaysteen taasoo xafiiska Amniga iyo Nabadgelyada ee kililka shanaad si adag uga jawaabay eedayntaas oo uu ku tilmaamay Somaliland inay samaysay Gogol dhaaf siyaasadeed.

Wararka laga helayo talaabadan ay Itoobiya ku soo celisay dublamaasiyiinta iyo shaqaalaha reer Somaliland ee sita baasaaboorada Somaliland ayaa lagu sheegay inay ku sababaysay inaanay dalkeeda soo galayn dublamaasiyiin aan wasaarada Arimaha dibeda Itoobiya ka haysan Ogolaansho.

30/12/2024

Shakhsiga Sanadkan Tagay isku qoray Taariikhda waa Madaxwaynihii H**e ee SL Muuse Biixi Cabdi.

Waxa Qorey:- Saxafi Maxamed Cabdiraxmaan

"Ka sokow Todobadii Sanno ee uu xilka hayay Madaxwaynaha Somaliland Muuse Biixi Cabdi waxa xiiso gaar ah lahaa sida uu u waajahay Sanadkan 2024 ee maalintu ka hadhay.

Bilowgii Bisha Koobaad waxa uu jeexay Dariiq ku cusub siyaasadda Somaliland ee Sodonka Sanno dhaaftay, waxa uu is afgarad Muran badan ka dhaliyay Geeska Africa iyo Dunidaba la saxeexday Dawladda Ethiopia, kaasi oo ka sokow buuqa siyaasadeed ee uu furay ay ku faaiday Somaliland Magaceeduna gaadhay meel aanay waligeed gaadhin.Iyadoo Af kasta lagaga waramay muhiimada Somaliland ugu fadhido dunida iyada sidoo kalena ku soo jeedisay quwadaha waawayn ee xiisaha qarsoon u hayay Xeebaha Somaliland ee dunida muhiimka u ahaa.

Waxa uu sidoo kale MOUgu xiisad siyaasadeed ka abuuray wadamadda Gobolka iyadoo ay samaysmeen xulafooyin siyaasadeed sidoo kalena waxa aan marnaba fadhiisan Madaxwaynaha Somalia oo Safaro iyo xidhiidho aan kala joogsi lahayn Samayeey, waxaasi oo buuqa ee dhacay Muuse Biixigii Bilaabay wuxuu iska fadhiyay Xafiiskiisa! Waana guul siyaasadeed oo taariikhda ugu jirta.

Ilaa hada ma dhamaan saamayntii Is afgaradku waxa ayna furtay wadooyin cusub iyadoo Dawladihii Waawaynaa si toos ah ugu soo jeesteen Somaliland oo iyaga laftigoodu qaar garbinayaan Ethiopia iyagoo iyagu doonaya waana masalo hor taala xukumadda Waddani ee Madaxwayne cirro hogaaminayo.

Ta labaad Muuse sanadkan waxa uu dib u soo celiyay Midnimadii Shacabka ee siyaasadu kala irdhaysay isaga oo si dhab ah ugu diyaargaroobay Qabashadda Doorashadii isku sidkanayd ee Ururadda iyo Madaxwaynaha ee murankuba ka bilaabmay.Waxa uu bixiyay Lacagtii iyo kharashkiiba sidoo kale waxa uu Ololaha ka mamnuucay in Gaadiidka iyo Hantida dawladda lagu ololeeyo.

Waxa uu ku guulaystay in uu qabto Doorashadii ugu quruxda badnayd ee Somaliland ka dhacda. Inay qurux badnayd waxa inagu filan Xisbil Xaakimkii Kulmiye ayaa laga guulaystay oo mucaaridkii ka guulaystay xisbigiina kaalinta 3aad ayuu galay hadana si sharaf leh oo bilaa buuq ah ayuu madaxwayne biixi u aqbalay una bogaadiyay Saaxiibkii Cirro ee ka guulaystay.

Waxaana uu si nabad galyo ah ugu wareejiyay xilka, h**e waynu u qabsanay doorashooyin oo tii Riyaale laga guulaystay ayaa qurux inoogu horaysay hadana tani waxa ay kaga duwanayd in daneeyalaal Somaliland diidani ku rajo waynaayeen in la isku dilayo Somalilandna burburayso iyadoo Tashuush taa la mid ahna lagu furay shacabka waxa si toos ah u soo af jaray Madaxwayne Muuse Biixi oo intuu saaxiibkiisii ka guulaystay ku wareejiyay gurigiisii iska tagay.

Qurux somali intaynu ka tagnay ayaynu Dunida soo jiidanay waxa la yaab iyo lama filaan noqotay dawlad aan la aqoonsan inay qabato doorashooyin Xukumadina waxa badalay Mucaaridkii aanay waxba iskula hadhin waa guul kale oo aan la'aantii hirgasheen Madaxwayne Biixi.

Sanadkan tagay isaga ayaa si gaar ah iskugu qoray Taariikhda waligeedna waa loo ogaan doonaa sharafta uu qarankiisa u soo hooyay. Sidoo kalena madaxwayneena cusub Maalintiisa tu qurux badan ayaynu ka filaynaa..

Asbaabtaasi iyo kuwa kale oo aanan sheegin Madaxwayne Muuse Biixi cabdi waxa aan u aqoonsaday Shakhsigii Sanadkan isku qoray Taariikhda Somaliland ta Somali iyo Dunidaba.

Mohamed Abdirahman

29/12/2024

Xafladda Abaalmarinta Guuleystayaasha Barnaamijka Xalka-Doon oo ay maalgelisay Shirkadda Telesom.
Barnaamijkan oo loogu magac daray Xalka-Doon, kaas oo looga dan lahaa in xal tiknoolajiyadeed loogu raadiyo dhibaatada Beeraha iyo Cunno-yarida waddankeenna (Agriculture and Food Security).
Barnaamijkan waxa ka qayb qaadanaysay dhallinyaro xirfad u leh tiknoolajiyada, iyaga oo ku soo bandhigey barnaamijyo xal u noqon doona dhibaatadaas.

Barnaamijkan waxa fulintiisa iska kaashaday Fikrcamp iyo Telesom Academy.



Telesom Company

27/12/2024

Federaalkii oo Dacawalay gaadhay.

CIidamadda Federaalka Itoobiya oo Saaka gaadhay goobtii ayaa guraya Maydadkii ay ka yaaceen Ciidamada Liyuu Boolisku.

Ciidamada Liyuu Booliska oo weerar Gaadmo ah kusoo qaaday dadka Shacabka ah ee reer Dacawalay ayaa jab weyni ka soo gaadhay deegaankaasi.

Kadib iska caabin xoogan oo ay dadkii deegaanka kala kulmeen ayaa sababtay in ciidamada Liyuu Booliska uu Maydkoodu 200 kor u dhaafay sida ay ii xaqiijiyeen qaar kamid ah dad deegaankaasi.

26/12/2024

Horta waxa ayaan darro ah in maalin kasta dhalinyaro Soomaaliyeed ku dhamaato wax aan sii ridnayn, waxa se xaqiiqa ah in marwalba nabadu aanay ku jirin erayada nabad ayaan rabaa oo la yidhaahdo.

Dadka deegaanka Dawalay lagu laayay, sida loo laayay, iyo sababta lagu laayay midna maaha wax caqliga ka degi kara, waa aarsi cad, oo maba u suurto geline loogu talo galay dadkaas in aan cid nooli ka bixin.

Meesha masiibadu ka dhacday waa guryohoodii, ee ma ahayn dad lagu laayay meel kale oo ay ku duuleen.

Waa la dagay oo wafti u yimi oo dawlad deegaanka ahi waxa ay u sheegeen in ay wadahadal iyo nabad la xidho u diyaar garoobaan, sidaas ayaa salaadiintii iyo odayaashii dhaqankuna u fadhiyeen, una sugayeen dhicii kale.
Maxaase la sameeyay.

Intii ay nabadda u fadhiyeen waxa la dul keenay dhowr kun oo ciidankii dawlad-deegaanka ah. in xasuuqooda la qorsheeyaynayay waxa caddayn u ah wixii dhacay iyo sidii dhankasta looga xidhay gurmad u yimaadda, sidii khadka telka loo jaray, sidii ciidanka Liyuu illaa kuwii xagga canfar jiray loosoo qaaday.

Xaqadarradu si kasta oo loo soo habeeyo ma hirgesho oo shaqo ilaahay ayaa socota, waana sababta raggii soo duulay shalay oo keli ah uga dhinteen saddex boqol oo askari, halka shacabkii dhanwalba laga soo go’doomiyay ee aan waxba loola hadhin ay kaga dhinteen boqol qof oo u badan dumarkii iyo carruurtii aynu arkaynay guryoodii la gubayay.

labada dhinacba wiilasha ka dhintay waa khasaare talo xumo lagu galay, waana ayaan darro, balse dhagartii lasoo maleegay guul miyay joogtaa? maya oo maya oo iyaga ayaa dhimashadii ugu badnayd ku dhacday.

Waxa aan hubaa oo aan ku dhaaran, in dawlad Somaliland ah oo waxa dhacay door ku lahayd aanay jirin, sida ay ku doodayaan dhaqanka, shacabka iyo siyaasiyiinta Jigjiga, ee qaarkood Somaliland iskadaaye argagaxiso ayaa soo gashay warbaahinta la taaganyihiin.

Waxa se la yaab leh waftigan Somaliland ee jigjiga tagay maxay ka cabanayaan, yay ka cabanayaan, yay se u cabanayaan?

Boqolaal muuqaal oo aan daawaday dadka deegaanka ciidanka xasuuqa geysta islahaa kasoo jeedaan waxa ay si isku mid ah ugu faraxsanyihiin, dadka lagu laayay Dacawalay. wax la fahmi karo ma aha.

Somaliland ayay ku eedaynayaan, xaqiiqaduna waa in xitaa arab aanay dagaalka ku wada jirin ee Samane la nabad lagu hoosaasiyay wax iska celiyeen.

Dad ku waa walaalo, colaadna wax la abaabulo ma aha, mana jirin, sabab loo maleego isku day xasuuq intaas leeg.

Waftigani waxa ay u tageen ciddii falkaa geysatay ee waliba sida fulaynimada ah nabadbaan wadnaa dadka ugu khiyaamaysay ee maxay kala soo noqon? wayni eegi.

Wadtigani xitaa may soo eegin dhaawacii iyo maydadkii qoyanaa ee balligubadle iyo dacawalay wadhnaa, ee ma Jigjigada ay taw ku idhaahdeen ayaa dad lagu laayay?

Waftigani magaalada ay tageen dabbaal deg ah dullaanka shacabka Dacawalay lagu qaaday ayaa ka socday tan iyo shalay oo waftigani joogeen, waxa xitaa kor loo xambaaray taliyihii falka hoggaaminayay, waftiganina way la joogaan.

Waxa aan filayaa in qolada ay u tageen xitaa yaabbanyihiin.

Mihiimaddu waa in shacka deegaankaas ku nooli ku talogalaan in mar danbe la dagin, iyo in ay iyagu noqdaan kuwa jaangooya nabad la gaadho iyo sida lagu gaadhi karo.

Waxaa Qoray Abwaan Sidiiq Burmad