Was ist die Webseite?

https://www.facebook.com/104140918390574/

اكلات جزائرية متنوعة مع الوصفات

Startseite
Deutschland
Fürth
اكلات جزائرية متنوعة مع الوصفات

هذه صفحة مخصصة لطبخ مع وصفات

02/02/2025

متتبعة معانا شاركتنا فطيرة محشية نشكرها علي مشاركة يعطيها صحة ونتمني رانا نفيدوكم بوصفات

31/01/2025

تصبحون على مسامع آذان الفجر
تُصبحون على واقع آجمل بإذن الله.
دعوة من القلب لكم
عَلَى مَا تَتَمَنَّوْنَ أَحْلَامٌ سَعِيدَةٌ وَ وَاقِعٌ أَسْعَدُ يَارَبِّ🤲

‏تصبحون على شعور هذه الآية
" وَآتَاكُم مِّن كُلِّ مَا سَأَلْتُمُوهُ "
تصبحون على واقع جميل وأحلام تتحقق، وأمل بأن الغد يحمل في طياته مفاجأة سعيدة.
‏تصبحون على واقع أجمل، وغد يبدأ برضا من الله الرحمن الرحيم
غد ممتلئ بالسعادة والتفاؤل.
‏تصبحون ‏على خير و سعآدة إن شآء الله
في أمان الله وحفظه.

31/01/2025

هادي درسة الحريرة راني خادمتها رايحة نخبيها لرمضان انشاء الله
2ربطات قسبر تكوني منقيتهم وغاسلتهم قطعيهم وخليهم يقطرو هاتي روبو حطي فيه قسبر شوية فليو يابس ومرحي ادا عندك ادا معندكش نورمال مديريهش راس حانوت نتاع حريرة 3 ملاعق كبار ملعقة صغيرة كروية ملعقة صغيرة فلفل اسود2 ملاعق فلفل أحمر حلو شوية ملح 5 فصوص ثوم وارحيهم مليح بعدما يترحاو ضفيلهم 2 ملاعق طماطم مصبرة وعمريهم في قوالب صغار وكي طيبي حريرة في اخير حطي حبة تطلق بنة هايلة فيها هاد درسة الحريرة ماشي شربة فارميسال
ملاحظة تقدري تزيديلها مكعب جومبو دجاج او قطعة شحم غنمي تترحي مع خليط

31/01/2025

صح عشاكم الي مياكلوهاش يسمحولنا

31/01/2025

بما انو رانا في موسم برتقال جبتلكم عصير المندرين يجي بنين وساهل
قشري حباة المندرين نحيلهم هادوك خيوط البيوضا وحطي حباة في روبو لي ماعندهاش تجيب البرا ترحيها هاتي صفاية صفيةبشوية ونزليها مليح بلمغرف حتي تكملي الكمية تجي عاقدة وبنينة صدقيني انا راني نديرها لدراري كل يوم سورتو الي ميحبوش ياكلوها حب قبل ماتفرغي في كاس خلطيها وبصحتكم

30/01/2025

#وصفات منقولة لشهر #رمضانـالكريم

30/01/2025

وجبة عشاء
المقادير مع طريقة التحضير 👎
لابيري مع صوص الكبدة أول حاجة حضرت الصلصة : في مقلة درت 4 ملاعق كبيرة زيت زدت الكبدة ملح طيبتها نص طياب نزعتها في صحن آخر وفي نفس المقلة زدت حبة طماطم مقشرة رابي فصين ثوم رابي ملح فلفل أحمر حار وحلو راس الحانوت كمون طماطم مصبرة قليتهم مليح ورجعت الكبدة مع كاس ماء دافئ نقصتلها للنار وخليتها طيب على نار قليلة في الأخير زدت لها نصف ملعقة كبيرة خل

لابيري : في كاسرونة على النار درت الماء بطاطا مقشرة ومقطعة ملح ورقة رند حطيتها طيب حتى نشفت من الماء زدت فنجال كرام فراش تقدرو تعوضوه بالحليب فص ثوم رابي ملعقة صغيرة زبدة 2 قطع جبن مثلثات رشة فلفل أكحل وخلطت بالباتوغ

الخبز : في بول غامق درت كاس ماء دافئ ملعقة كبيرة سكر ملعقة كبيرة خميرة فورية نصف كاس فرينة خليتهم يتفاعلو 5 دقائق زدت ربع كاس زيت الزيتون ملعقة صغيرة ملح ولميت بالفرينة العجينة تكون طرية غطيتها تخمر 30 دقيقة وقسمتها على 6 خبزات فتحتهم بالحلال بإستعانة نخالة القمح شكلت عليهم خطوط بالكوبات وخليتهم يخمرو في سينية الفرن حتى تضاعف الحجم ودخلتو الفرن على أعلى درجة من تحت ومن فوق حتى كسب اللون الأحمر وخرجتو

طماطم محشية : هنا قسمت الحبة وفرغتها من داخل دهنتها بالزيت من برا و رشيت عليها الملح من داخل ومن برا زدت عمرتها بحبة بيض الملح فلفل الأكحل التون ودخلتها الفرن من تحت ومن فوق عند التقديم زدت عليها جبن رابي

السكالوب : كنت تبلتو ملح فلفل أكحل موطارد كركم ثوم رابي زنجبيل خليتو ساعتين رمدتو في لاشابلوغ وقليتهم في زيت عند التقديم زدتلو صوص كاتشوب

30/01/2025

تدبيرة_رمضان
باش تهناو من كل نهار قشري الثوم وقطعي معدنوس
نقي زوج ريسان ثوم نقيهم وغسليهم ونشفيهم
المعدنوس يتغسل ويتنشف مليح من الما وديريهم في روبو مع كمية كافية زيت زيتون(ممكن زيت نباتي)
والملح ونطحن كلش
نديرو في قرعة زجاجية معقمة ونزيد شوية زيت من الفوق ونحطها في الثلاجة وكل منحتاج ناخد منو ونرجعو الثلاجة نستعملوه مثلا:
الحوت بطاطا في الفرن دجاج خضرة سوطي

29/01/2025

بدأ العد تنازلي لأجمل شهر

29/01/2025

سندويش بخبز التورتيلا راني حطيتلكم وصفة نتاعو

29/01/2025

واش راكم معوليين تحطو مع قهوة نتاع عشية كل واحدة تقولنا واش رايحة تدير

29/01/2025

خبز التورتيلا او خبز طاكوس وصفة ساهلة وناجحة مليون في مئة
في جفنة حطي 4 كؤوس. فرينة نص كيس خميرة حلوة 4 ملاعق زيت ملح تلميهم بلماء دافئ حتي تتحصلي علي عجينة طرية اعركيها شوية ثم كوريها كويرات صغار غطيهم وخليهم نص ساعة علي طاولة عمل مرشوشة فرينة حلي بلكرة شكل دائرة تكون رقيقة وحطيها فوق قطعة قماش حتي تكملي كمية غطيهم وخليهم ربع ساعة سخني مقلاة وبداي طيبي لازم تقلبي كل مرة باه تتنفخ ومتخليهاش تحمار بزاف غي نقاط حمرة ونزعيها حطيها مباشرة في كيس بلاستيكي خليه مفتوح حتي تكملي كمية وغلقيه باه يبقاو طريين تقدري تخدمي بواش تستحقي والي بقاو حطيهم في مجمد نهار وحدوخر. تجبديهم هاد الوصفة انا نخدم بيها

29/01/2025

تدبيرة خفيفة
تجيبي صدر الدحاج تحطي معاه بصلة صغيرة شوية معدنوس ملح فلفل اسود تحبي تزيدي توابل اخري حسب الرغبة نص ملعقة شابلير نجيبو حبات فرماج و نشكلوه كيما موضح فالصورة ثم نفوروهم قيس ربع ساعة المهم تشوفيهم طابو و نقليوه و تحبي قبل القلي تديريه فالبيض ثم الشابلير باش تقليه يجي احمر و مقرمش
تقدري تقدميهم وحدهم او ترافقيهم باي طبق طاجين الزيتون كباب كفتة........

29/01/2025

وصفة للتعلم والافادة
تدبيرة إستغلال الخبز اليابس ( لاشابلوغ ) 🔻
باقي الخبز اليابس ما ترميهش بل اصنعي بيه شابلور ما يسمى خبز مرحي .. 🍞
تحتاجيه طبعاً في طبخ خاصة مع اقتراب شهر #رمضان 🌙 تستعمليه في كروكات ؛ قلي خضروات ؛ مثوم ......
حمصيه في فرن على درجة قليلة باش ما يحترقش ثم نتركه يبرد ثم ارحيه في خلاط (روبو) تقدري إذا حبيتي تضيفيلو الفلفل الأسود ولا النعناع اليابسة و لا التوابل لي حبيتي وخبيه في علبة

27/01/2025

ميني زلابية البنان 😁😁
زوج كيسان فرينة
نص كاس سميد
زوج كيسان ما
مغرف عسل
ربع كاس زيت او زبدة ذايبة
ملعقة ماء زهر وقرصه ملح
في كسرونة نحطو الماء والزيت والعسل
نديروهم فوق النار بعدما يغلو نطفو النار ونديرو الفرينه والسميد وقرصه الملح ونخلطو مليح بملعقة خشبية ومبعد نضيفو الما زهر
هاتي لابوش ادوي وعمريه بالعجينة وبداي تشكلي فيهم على شكل سيقار
خليهم يريحو عشر دقايق ف ثلاجه ومبعد اقليهم في زيت سخون على نار متوسطة وغير تنحيها من المقلاة عسليها وقدميها
وبالصحه والراحه

27/01/2025

صباح الخير 🌸
اسعد الله صباحكم بكل خير وبركة وسعادة 🌸

اللهم عطّر يومنا
🌸
*‏براحة البال ونسمات الإطمئنان ،*
*‏ويسّر لنا أمورنا ، وٱرزقنا ما نتمنى...*
*اللهم آمين يارب العالمين
بداية يوم موفقة بأذن الله

26/01/2025

بطاطا راقو
تغسلي طراف دجاج مليح وتخليهم يقطرو في وعاء غامق حطي تتبيلة فلفل اسود كمون توابل دجاج عكري كركم ملح ملعقة كبيرة لموتارد ملعقة طماطم مصبرة عرف زعيترة تخلطيهم تضفيلهم كاس ماء وربع كاس زيت ضفي دجاج الي تتبيلة تخليه يترقد حوالي ساعة هاتي صنية تدخل للفرن نحط فيها بطاطا مقطعة دواير وبصل وفلفل اخضر تحطي فوقهم الدجاج منبعد تفرغي تتبيلة عليهم وتغطيه بورق طهي وورق المنيوم ودخليه الفرن بعد مرور 48 د افتحي عليه ووخليه يتحمرق من فوق

26/01/2025

صدر دجاج كرسبي مع صلصة جبن

Adresse

Furth
90763

Webseite

facebook.com

Benachrichtigungen

Lassen Sie sich von uns eine E-Mail senden und seien Sie der erste der Neuigkeiten und Aktionen von اكلات جزائرية متنوعة مع الوصفات erfährt. Ihre E-Mail-Adresse wird nicht für andere Zwecke verwendet und Sie können sich jederzeit abmelden.