Navodi Luwis Hewa

26/01/2025

Think thoughts that pleases you.

ඔබව සතුටු කරන සිතුවිලි සිතන්න.

26/01/2027 FFM

03/10/2024

මුහුදට ඇතුළු වීමට පෙර,
ගංගාවක් බියෙන් වෙව්ලන බව කියනු ලැබේ.

කඳු මුදුන්වල සිට,
වනාන්තර සහ ගම් හරහා ආ දිගු වංගු මාර්ග දෙස,
ඇය ආ මග දෙස ආපසු හැරී බලයි.

දැන් ඇය ඉදිරිපිට,
ඇය ඉතා විශාල සාගරයක් දකියි.
ඇතුල් වීම සහ
සදහටම අතුරුදහන් වීමට වඩා වැඩි දෙයක් පෙනෙන්නට නැත.

නමුත් වෙනත් මාර්ගයක් ද නැත.
ගඟට ආපසු යා නොහැක.

කිසිවෙකුට ආපසු යා නොහැක.
ආපසු යාම, පැවැත්ම තුළ කළ නොහැක්කකි.

සාගරයට ඇතුල් වීමට
ගඟ අවදානම ගත යුතුයි..
එවිට පමණක් බිය පහව යනු ඇත.
මක්නිසාද යත්, ගංගාව සාගරයට අතුරුදහන් වීම නොව,
සාගරය බවට පත්වීම සිදුවන බව
ගංගාවට දැනගත හැකි එකම ස්ථානය එය වීමයි.

-කලිල් ජිබ්‍රාන්
පරිවර්තනයකි

Navodi Luwis Hewa
03/10/2024 FFM

24/09/2024

ජීවිතය...ආදරය...සිනහව..

සාහිත්‍යය මාසයේ එළි දකින, ජීවිතය වෙනස් කරන පොතක් කියවන්න ඔබ සැමට ආරාධනා කරමි...❤

☘️ඕෂෝ මෙසේ පවසයි,

බරපතලකම යනු එක්තරා ආකාරයක රෝගයකි: එය ආත්මයේ පිළිකාවකි.....ආදරය හා සිනහව තුළින් ජනිතවන ඉමහත් ප්‍රීතියකින් පමණක්, ජීවිතයෙන් ඔබ්බට යමක් පවතින බව ඔබට දැනෙන්නට පටන් ගනී. ජීවිතය ත්‍රාසජනක, ප්‍රමෝදයේ නැටුමක් වන විට, පමණක් ඔබ ශරීරයේ සහ මනසේ සීමාවෙන් ඔබ්බට ගමන් කර..අනන්තය දෙසට නිදහසේ පියාසර කරයි. ඔබට ආදරය කළ හැකි නම් සහ ඔබට මුළු හදවතින්ම සිනාසීමට හැකි නම්, ඔබේ ජීවිතය විශාල සතුටක් සහ ආශීර්වාදයක් වනු ඇත, ඔබට පමණක් නොව අන් සියල්ලන්ටමත්..
ඔබ ලෝකයට ආශීර්වාදයක් වනු ඇත.

☘️ඕෂෝ මෙසේද පවසයි..

ඔබ යමෙකු යැයි සිතීමට පටන් ගත් පසු, ඔබ නවතින්නෙහිය; එවිට ආදරය ගලා එන්නේ නැත. ආදරය ගලා එන්නේ කිසිවකු නොවන කෙනෙකුගෙන් පමණි. ආදරය පවතින්නේ ශුන්‍යතාවයේ පමණි. ඔබ හිස් වූ විට ආදරය ඇත.

☘️ ඕෂෝ නැවතත් මෙසේ පවසයි...

වතුර පිරුණු ළිඳක් බලන්න -ඒත් ඒක කවදාවත් වතුරට ගිලෙන්නේ නැහැ මෙය ඉතා අද්භූත යි. ඔබ ඒකීයභාවයේ සම්පූර්ණයෙන්ම ගිලී සිටින විට, පළමු වතාවට ඔබ, ඔබ වන්නෙහිය. ඔබ කිසි විටෙකත් එහි ගිලෙන්නේ නැත.

❄️ ඕෂෝගේ ජිවිතය •ආදරය•සිනහව (ඔබේ පැවැත්ම සැමරීම ) නම් කෘතිය දැන් සහරක්ශී වෙතින් ලබා ගත හැක.❄

🌐 වෙබ් අඩවිය හරහා ඇණවුම් කිරීමට http://saharakshibooks.lk/ වෙත පිවිසෙන්න

නැතහොත්,

🤙🏻අපට ඔබගේ නම, ලිපිනය, සහ භාවිතයේ පවතින දුරකථන අංකයක් E-mail,Messenger හෝ WhatsApp 0773 587 588 හෝ 0769 757 588 පණිවිඩයක් මගින් යොමු කරන්න.

පරිවර්තනය - නවෝදි සමෝධ්‍ය ලුවිස්හේවා

පොතේ මිල - රු. 1330/=
වට්ටම - 20%
සාහිත්‍ය මාසය තුළ විශේෂ මිල - රු.1060/=

විමසීම්📞 (076) 975 7588
(077) 358 7588
📨 [email protected]

👉🏻ලංකාව තුළ බෙදා හරින ඇණවුම් සඳහා කෑෂ් ඔන් ඩිලිවරි(COD) පහසුකමද ඇත

20/09/2024

ඇහුම්කන් දීමේ කලාව | Art of listening

අපි මෙතෙක් කල් දර්ශන, ආගම්, විශ්ව නීති, ධනාත්මක චින්තන, අරක මේකට ඇහුම් කන් දුන්නත්, අපි සවන් දීලා තියෙන්නෙ පරණ කන් දෙකකින් නම්, අපිට අලුත් දෙයක් ඇහෙන්න විදිහක් නෑ නේද?

පරණ දැනුම් කන්දක් ඔළුව උඩ තියාගෙන, ඒ දැනුම් එහාට මෙහාට ගලපලා, අලුත් දෙයක් අවබෝධ කරගන්න කරන උත්සාහය එතරම් සාර්ථක නෑ. දන්නා දේ සියල්ල බිම තියලා, නොදන්නා භූමියට මොහොතක් පය තියලා නිහතමානීව අනෙකාට සවන් දීමේ කලාව ඉගෙන ගත්තොත්, ඔබට වචන වලට ඔබ්බෙන් ඇති යමක් ඇසෙන්න පටන් ගනීවි...

Navodi Luwis Hewa
20/09/2024 FFM

17/09/2024

අපි තීරණ ගන්නේ ඍණාත්මක හැගීම් (negative emotions) මූලික කර ගෙන නම්, එතන බුද්ධිමත් තෝරා ගැනීමක් තිබිය හැකිද?

"භය" කියන හැගීම ඉස්සරහට දාලා, අපිව රූකඩ වගේ එහාට මෙහාට නටව නටව ආපු සිස්ටම් එකෙන් මිදෙන්න දැන් කාලය එළඹිලා...

හිතාබලන්න යමක්...

Navodi Luwis Hewa
17/09/2024 FFM

16/09/2024

තත්පරයෙන් තත්පරයට, විනාඩියෙන් විනාඩියට, පැයෙන් පැයට, දවසින් දවසට, සතියයෙන් සතියට, මාසෙන් මාසෙට, අවුරුද්දෙන් අවුරුද්දට, ජීවිත කාලයෙන් ජීවිත කාලයට පවා අපි අපේ සතුට පස්සට දාලා තියෙනවා. සතුට කියන්නේ ගමනාන්තයක් (destination) යන තැනට දැම්මට පස්සේ අපිට වෙන්නේ
කවදාවත් නොලැබෙන සතුටක් වෙනුවෙන්, පුදුම විදිහට වෙහෙස මහන්සි වෙලා වැඩ කරලා දුක් විඳලා අන්තිමටම ජීවිතයෙන් අතෘප්තිකරවම සමුගන්න.
ගමනාන්ත වලට ළඟා වුණු කීයෙන් කී දෙනෙක්ගෙන් අහල බැලුවොත් කියන්න පුළුවන්ද අපි ඉන්නේ උපරිම සතුටින්, අපි හෙව්ව සතුට අපිට හම්බවුණා කියලා.
මේ මොහොතේ ඔබ වටා තිබෙන සතුට ගෙන දෙන දේවල් ගැන අවධානය (focus) යොමු කරන්න. හොඳින් බැලුවත් ඔබට පෙනේවි සතුටු වෙන්න කාරණා ඕන තරම් ඔබ වටා තිබෙන බව. පුංචි දේවල් වල තියෙන සතුට තෝරගන්න. සතුට කියන එක ගමනාන්තයකට දාන්න එපා. ඒක ඔබට කවදාවත් නොලැබෙන සතුටක්. මිරිඟුවක් විතරයි.

සතුට කියන්නෙ ගමනාන්තයක් නෙමෙයි.. සතුට කියන්නේ ම මේ ගමන යි.මේ ගමනේදී ඔබ අත්දකින මුණගැසෙන සියලුම සංසිද්ධින් වලින් සතුට සොයා ගැනීමට ඔබ දක්ෂ විය යුතුයි..

Navodi Luwis Hewa
16/09/2024 FFM

#සිහිය

12/09/2024

ඔබව දියුණු කර ගැනීම සැමවිටම වටී.
නමුත් එම ක්‍රියාවලිය එතරම් ප්‍රසන්න නොවිය හැක​,,
හොඳම ඖෂධ බොහෝ විට ප්‍රණීත නොවේ.

පරිවර්තනයකි.

Navodi Luwis Hewa
12/09/2024 FFM

10/09/2024

ආගමිකයි අධ්‍යාත්මිකයි කියාගන්නා අය තමන් අනිත් අයට වඩා උසස් කියන
හොඳ ලේබල් එකක් ගහගෙන ඉන්නේ.

ඒ ලේබල් එක ඇතුලේ අඩුම ගණනේ අනිත් අය වෙනුවෙන් වන සහකම්පනයක්වත් ඉතා සුළු මෛත්‍රියක් කරුණාවක්වත් ආදරයක්වත් තියෙනවාද කියලා බලන්න වටිනවා.

හැමතිස්සෙම කරන්නේ කෙනෙකුගේ ජාතිය ආගම කුලය පෙනුම අධ්‍යාපනය වත්කම් පොහොසත්කම් ලිංගිකත්වය අරක මේක සංසන්දනය කර කර විනිශ්චය කිරීමක් ද, පහත් කිරීමක් ද කියලා විමසා බැලිය යුතු වෙනවා.

නැත්නම් ඒ ඊනියා ආගමිකත්වයෙන් අධ්‍යාත්මිකත්වයෙන් ඔයාටත් ලෝකයත් කිසිම වැඩක් වෙන්නේ නැහැ.

Navodi Luwis Hewa
10/09/2024 FFM

#සිහිය

04/09/2024

තමාව හොයා ගන්න ,සම්පුර්ණයෙන් ජීවත් වෙන්න | Discover your trueself to live a complete life

අපි ජීවත් වෙන්නේ ලෝකයෙන්
ණයට ගත්ත දැනුමක් කොටු රාමු ටිකක්
අපේ කරගෙන...
ඒක ඇත්තටම මේ ඇග (body) අපේ , ඔලුව අනිත් අයගේ වගේ වැඩක්..

සම්පූර්ණයෙන් ජීවත් වෙන්න නම්, අපි අපි කවුද කියලා හොයාගන්න ඕන.
නැත්තං අපි හැමෝම ගෙවන්නේ අසම්පූර්ණ අතෘප්තිකර ජීවිත.

සම්පූර්ණයෙන් ජීවත් වුන මනුස්සයා විතරයි දැන ගන්නේ ජීවිතය ,මරණය සහ ආදරය යන තුන.
ඒ නිසා සම්පූර්ණයෙන් ජීවත් වෙන්න නම්
තමා කවුද කියලා හොයාගන්නම වෙනවා.

Navodi Luwis Hewa
04/09/2024 FFM

#සිහිය

03/09/2024

ඔබේ සුවපත්භාවය
මුළු ලොවම සුවපත් කරයි....

ඔබ ආදරය කරුණාව මෛත්‍රිය බවට පත් නොවී ඔබ ආදරය කරුණාව මෛත්‍රීය ලෝකයට බෙදා දෙන්නේ කොහොමද ?

ඔබ ළඟ නැති දෙයක් ඔබට වෙනත් කෙනෙකුට දිය නොහැකියි.

ප්‍රථමයෙන් ඔබ ඔබ සුවපත් කරගන්න.

ඔබ ඔබව කොන්දේසි විරහිතව (unconditionally) පිළිගන්න.ඔබ ඔබට ආදරය කරන්න. එවිට මුළු ලෝකයටම ආදරය මෛත්‍රිය කරන්න, ඔවුන්ව එලෙසම ඔවුන්ගේ ස්වභාවිකත්වයෙන් පිළිගන්න ඔබට පුළුවන් වේවි.

කොන්දේසි විරහිතව හැමෝම වෙනුවෙන් සුවඳ හමන මලක් වගේ ඔබ තුළින් ආදරය කරුණාව මෛත්‍රිය හමා ගොස් මුළු ලොවම සුවඳවත් කරාවී...

Navodi Luwis Hewa
02/09/2024 FFM

#සිහිය

31/08/2024

සමාජ සංස්කෘතික ආගමික දේශපාලන දත්ත, කොටු, රාමු වලින් හැදුණු , "මම " කියන ප්‍රතිරූපයක් නඩත්තු කරගෙන යන වෙහෙස කාරී ගමනකින් අපි හැමෝම පීඩා විදිනවා.
සැබෑ මම (original you/true self) තුල එහෙම ආයාසයක්, අමුතුවෙන් වෑයමක් දාලා කරන රගපෑමක් නෑ..එතන තියෙන්නේ සැහැල්ලු නිරායාස ගලා යෑමක්..
අපිට එතනට යන්න බැරි වෙලා තියෙන හේතු එකින් එක හදුනාගන්න.
මේ වෙහෙසකාරි රගපෑමෙන් අයින් වෙන්න.සතුටින් සැහැල්ලුවෙන් ඉන්න.
අපි හැමෝටම ඒක කරන්න පුළුවන්.

Navodi Luwis Hewa
31/08/2024 FFM

#සිහිය

30/08/2024

සැබෑ ආදරය යනු - පුද්ගලයෙකුට ඇත්ත වශයෙන්ම ඔහුගේ/ඇයගේ ස්වභාවිකත්වය බවට පත්වීමට ඉඩ දීමයි.
බොහෝ අය ඔබට ආදරය කරන්නේ ඔබ ලෙස පෙනී සිටින ප්‍රතිරූපයටය.
ඔවුන්ගේ ආදරය පවත්වා ගැනීම සඳහා, ඔබ දිගටම ඒ ප්‍රතිරූපය මවාපාමින් - රඟපායි. ඉන්පසු
ඔබ ඔබේ මවාපෑමට ආදරය කරන්නට පටන් ගනී. ඇත්තෙන්ම , අපි රූපයකට, ක්‍රියාවකට කොටු වී ඉන්නෙමු .

ඒ වගේම දුක් සහගත කාරණය වන්නේ, මිනිස්සු තමන්ගේ ඒ ව්‍යාජ රූපයට පුරුදු වීමයි, ඔවුන්ගේ ම වෙස්මුහුණුවලට බැඳිමයි.
ඔවුන් ඔවුන්ගේ දම්වැල් වලට ආදරය කරති. ඔවුන් ඇත්තටම කවුද යන්න ඔවුන්ට අමතක වේ.
ඔබ ඔවුන්ට ඔවුන්ගේ ඇත්ත ස්වභාවය මතක් කිරීමට උත්සාහ කරන විට, ඔවුන් ඔබට වෛර කරති.
ඔවුන්ට හැඟෙන්නේ ඔබ ඔවුන්ගේ වටිනාම වස්තුව සොරකම් කිරීමට උත්සාහ කරන බවයි.

ජිම් මොරිසන්

Navodi Luwis Hewa
30/08/2024

29/08/2024

හිත රිද්දන,සැලෙන සෑම තැනකම ස්තූතිවන්ත විය යුතුය .මන්ද ඔබ , ඔබ බවට පත්වීමට, පූර්ණ පරිපුර්ණත්වයට පත්වීමට, තව ඔබේ තිබූ එක් අඩුවක් පෙන්වා දුන් නිසාවෙනි.

ජීවිතයේ පරිපූර්ණත්වය කරා යන්න හැකිවන්නේ මේ ජීවිතය විදීම තුලින් ලබන අත්දැකීම් වලින් පමණයි. ජීවිතයෙන් පලා යෑමෙන්, වෙනත් අමුතුම කෘතිමව හදාගත්ත තැනකට , setting එකකට, mode එකකට ගිහින් කරන්න පුළුවන් වැඩක් නෙමෙයි මේක.

We should be greatful for everything that makes us shaken or irritated. These are the stepping stones that help us in our journey to understand ourselves deeply.

Navodi Luwis Hewa
28/08/2024 FFM

#සිහිය

28/08/2024

හැමෝම අපි කියනා දෙයට එකග විය යුතුද? |Should everyone agree with whatever we are saying?

හැමෝම අපි සිතන පතන විදියට එකග වෙන්න ඕන හා අපි සිතන දේ පමණක් නිවැරැදිමයි කියන විශ්වාසයෙන් , අපි ලෝකය සමග ගණුදෙනු කරන්න පුරුදු වෙලා තියෙනවා.

මේ විශ්වාසයේ වලංගුතාවය (validity) කොපමණ ද කියලා අපි පොඩ්ඩක් බලමු.

Navodi Luwis Hewa
28/08/2024

#සිහිය

27/08/2024

ඔබ සියලු දෙනාම එකිනෙකාට සම්පූර්ණයෙන් වෙනස් (unique). ඒ කියන්නේ , ඔබ වගේ වෙන කිසිවෙක් මේ ලෝකේ කොහෙවත් නෑ. ඔබ කියන්නේ සොබාදහමේ ශ්‍රේෂ්ඨතම නිර්මාණය. ඒක පිළිගන්න.රසවිදින්න.සමරන්න.

Each and every one of you is unique. There is no anyone else in this world similar to you. You are the greatest creation of the nature. Accept your uniqueness, Enjoy your uniqueness, and Celebrate your uniqueness.

Navodi Luwis Hewa
27/08/2024

26/08/2024

Trust that we should have | අපි ඇති කරගන්න ඕනම විශ්වාස 3

අපිට නැතිම,අපි ඇති කරගත යුතුම විශ්වාස 3 ක් ඉතාම කෙටියෙන් කතා කරනවා මේ වීඩියෝ එකේ.
මේ ගැන ඔයාලා මීට වඩා වැඩිපුර දැනගන්න කැමති නම් පහත යූටියුබ් වීඩියෝ එකත් චෙක් කරලා බලන්න.

https://youtu.be/B4GeRVXk7qc?si=al6ebZP-xxtSWOCR

Navodi Luwis Hewa
26/08/2024