የኢጣሊያ ዜግነት የሌላቸዉ የኢጣሊያ ተወላጆች
ኢጣሊያ ዉስጥ እዚያዉ ኢጣሊያ ተወልደዉ ያደጉ ነገር ግን የኢጣሊያ ዜግነት የሌላቸዉ በሚሊዮን የሚቆጠሩ ነዋሪዎች እንዳሉ ይገመታል።ነዋሪዎቹ የኢጣሊያ ዜግነት የሌላቸዉ ወላጆቻቸዉ ስደተኞች በመሆናቸዉ።ሶኒ ኦሉማቲ፣ ታዋቂዉ ደራሲ፣የዳንስ አሰልጣኝና ደናሽ ከመሆኑም በላይ ኢጣሊያን ወክሎ በዓለም አቀፍ የዳንስ ዉድድር ተካፋይ ነዉ።ግን የተወለዱበት ሐገር ዜግነት ከነፈጋቸዉ ሰዎች አንዱ ነዉ።ሶኒና ብጤዎቹ የኢጣሊያ የዜግነት ሕግ እንዲሻሻል እየታገሉ ነዉ።
ተከታዩን የቪዲዮ ዘገባ ይመልከቱ
የዓየር ንብረት ቀዉስና የባኩ-አዘርበጃን ጉባኤ COP 29
ባለፈዉ ጥቅምት ምሥራቃዊ ስጳኝ ቫሌንስያ ግዛት የጣለዉ ዝናብ ያስከተለዉ ከባድ ጎርፍ አካባቢዉን አጥለቅልቆታል።ጎርፉ 200 ሰዎች ገድሏል።ቤቶችን፣ ድልድዮችን፣ መኪኖችን ጠራርጎ ወስዷል ወይም አንዱን ከሌላዉ ጋር አላትሟል።ደረጃዉ ይለያይ እንጂ ጎርፍ አምናና ዘንድሮ ኢትዮጵያ፣ ኬንያ፣ታንዛኒያ፣ቡርዲ፣ሕንድ፣ ባንግላዴሽ፣ ዩናይትድ ስቴትስ፣ ከፊል አዉሮጳና ሌሎችንም ሐገራት አጥለቅልቋል።በየሐገሩ የደረሰዉ የእሳት ቃጠሎም ብዙ ሰዉ ገድሏል።በቢሊዮን ዶላር የሚቆጠር ሰብል፣ ሐብት፣ ንብረት አዉድሟል።ባኩ-አዘርበጃን የተሰየመዉ የዓየር ንብረት ጉባኤ ይሕን ለመሰለዉ ቀዉስ መፍትሔ ይጠቁም ይሆን? የቪዲዮ ዘገባዉን ይመልከቱ
ዝምታ ሰባሪ አዳጊ ሴቶች: የፈጠራ ክህሎት ኮከብ
አፍራህ ሁሴን ከእህቷ ሱመያ ሁሴን ጋር ሆነው ገና በልጅነታቸው የጀመሩት የፈጠራ ስራ አሁን ላይ አድጎ ተስፋ ሰጪ ደረጃ ደርሷል። እህማማቾቹ O-skills የተሰኘ ቤተሙከራ እና ዎርክሾፕ ያለው የስልጠና ተቋም አዲስ አበባ ላይ ከፍተዋል።
አርቲፊሻል ኢንተሊጀንስ (AI)ን ተጠቅማ የፈጠራ ስራዋን በመከወን ላይ የምትገኘው አፍራህ ለምሳሌ ደረጃዎችን መውጣት የሚችል የአካል ጉዳተኛ ወንበር (ዊልቸር)ከመስራት ጀምሮ የሌሎች የበርካታ ፈጠራዎች ባለቤት ናት፡፡ ማየት ለተሳናቸው የሚረዳ ጽሁፍን ወደ ድምጽ መቀየር የሚችል ማንበቢያም ሰርታለች።
አፍራህ በፈጠራዋ በርካታ አገራዊ እና ዓለማቀፋዊ እውቅናዎችን አግኝታለች። “AI for good” በተሰኘው የአርቲፊሻል ኢንተሊጀንስ ጉባኤም ለመሳተፍ ወደ ጄኔቫ እና ሌሎች የውጭ ሀገራት ከተሞች ተጉዛለች። የ2024 “AI scholar” ለመባልም በቅታለች፡፡ #ዝምታሰባሪአዳጊሴቶች #GirlzOffMute
ዘጋቢ፡ ሱመያ ሣሙኤል
ቪዲዮ፡ ሥዩም ጌቱ
የኢትዮጵያ ቆዳ በዓለም ተወዳዳሪ ነው?
የአሜሪካ የቆዳ እና ሌጦ ምክር ቤት እንዲሁም የአፍሪካ የቆዳና የቆዳ ውጤቶች ተቋም ድጋፍ ያደረጉበት የቆዳ ምርቶች ንድፍ ውድድር በአዲስ አበባ ባለፈው ሳምንት ተካሂዷል።
ከተለያዩ የአፍሪካ ሀገራት የተውጣጡ የቆዳ ውጤት አምራቾች በጫማ፣ ቦርሳ እንዲሁም በአልባሳት ላይ ያዘጋጇቸውን የቆዳ ምርቶች ያቀረቡበት ውድድር የተጠናቀቀው ኅዳር 1 ቀን 2017 ዓ.ም ነበር።
በዉድድሩ በሴት ቦርሳ ንድፍ ዘርፍ ኢትዮጵያዊቷ ሩት ግርማይ አሸንፋለች።
ሻምሮክ ሌዘር የሚባልና የቆዳ ምርት እያዘጋጀ ለገበያ የሚያቀርብ ድርጅት ባለቤት የሆነችው ሩት የትምህርት ዝግጅቷ ከዚህ መስክ ውጪ ቢሆንም ካላት የንድፍ ፍላጎት መነሻ ከቅርብ ጊዜ ወዲህ ዘርፉን መቀላቀሏን ትናገራለች።
ከዚህ በመነሳት በቆዳ ውጤት ዘርፍ እያደረገች ባለው ሥራ ባለፈው ዓመት እና በዚህኛው በ2024 በሴቶች የቆዳ ቦርሳ ንድፍ እና ዝግጅት ሥራ በአፍሪካ ደረጃ አሸናፊ መሆን ችላለች።
ይህ የቆዳ ውጤት ዘርፍ በተለይ ለዓየር ንብረት ለውጥ መባባስ ምክንያት የሆኑ የፕላስቲክ ውጤቶችን በማስቀረት ረገድ የተሻለ ለውጥ ያለው ስለመሆኑም በዉድድሩ ወቅት ተገልጿል።
ዓለም ላይ የኢትዮጵያ ቆዳ ተፈላጊና ተመራጭ መሆኑን የምትገልፀው ሩት ይሁንና የሚደረጉ የቆዳ ምርት ዲዛይኖች ወይም ንድፎች የውጭውን አመሳስሎ የመሥራት ችግር በብዛት የሚስተዋልባቸው በመሆኑ በዓለም አቀፍ ደረጃ ተወዳዳሪ
የጎቤን ባህል በመታደግ ስርዓቱን ለትውልድ ማስተላለፍ
በኦሮሞ ህዝብ ዘንድ በተለይም በቱለማ ኦሮሞ በጉልህ የሚታወቀው ጎቤ የሚባል የወጣት ወንድ ልጆች የሽለላና ጭፈራ ፕሮግራም ሁሌም ከመስከረም 1 እስለ 16 ለተከታታይ ሁለት ሳምንታት የሚደረግ ነው፡፡
ይሁንና ወጣቶች ወቅታዊውን የፖለቲካ እና ማህበራዊ ሁናቴዎችን አይተው የሚተነፍሱበትና በማህበረሰቡ መሃል በመሄድ እያሞጋገሱ ምርቃት የሚቀበሉበት ይህ የወጣቶች ባህላዊ ጭፈራ ከጊዜ ወደ ጊዜ የመጥፋት አደጋ ተጋርጦበታል ያሉ 50 ግድም የኦሮሞ አርትስቶች ባህሉን ከመጥፋት ለመታደግ ማህበር መስርተዋል፡፡
ወጣቶቹ በዛሬው እለት የዘንድሮው ባህላዊ ስነስረዓት የቋጩበትን እና ባህሉን ለቀጣይ ወጣቶች ለማስተላለፍ የወጠነ መርሃግብር በአዲስ አበባ ከተማ አከናውነዋል፡፡
ቪዲዮ፡ ሥዩም ጌቱ (DW) ከአዲስ አበባ
የጥቅምት 29 ቀን፣ 2017 ዓ.ም የዶቼቬለ ቀጥታ ስርጭት
ጤና ይስጥልን የጥቅምት 29 ቀን፣ 2017 ዓ.ም የዶቼቬለ ቀጥታ ስርጭት እነሆ ጀመረ። ከምሽቱ አንድ ሰዓት እስከ ሁለት ሰዓት በሚዘልቀው ሥርጭት ታምራት ዲንሳ የዓለም ዜና ያቀርባል ። አዜብ ታደሰ ደግሞ ስርጭቱን እስከ ፍጻሜው በመምራት አብራችሁ ትቆያለች። እናንተም በያላችሁበት ዝግጅታችንን እየተከታተላችሁ ለሌሎች እንድታጋሩልን በአክብሮት እንጠይቃለን ። መልካም ቆይታ!
«ውስጣዊ ጀግንነትሽ» ክፍል 4
«ውስጣዊ ጀግንነትሽ» ክፍል 4
ኦሞ የመጀመሪያው ዓመት ፈተናዋ በመጠናቀቁ እፎይታ ተሰምቷታል። ይሁንና የምትማርበት ዩንቨርሲቲ የገንዘብ ችግር ገጥሞታል። እሷም ያላትን ችሎታ ተጠቅማ ድምጿን ለማሰማት ወስናለች። ግን እንዴት? ይህ ክፍል የወጣቶች ተሰሚነትን እንዴት ማጎልበት እንደሚቻል ያሳያል። #ውስጣዊጀግንነትሽ
የጥቅምት 27 ቀን፣ 2017 ዓ.ም የዶቼቬለ ቀጥታ ስርጭት
የጥቅምት 27 ቀን፣ 2017 ዓ.ም የዶቼቬለ ቀጥታ ስርጭት
ከምሽቱ አንድ ሰዓት ላይ በሚጀምረው የዶቼቬለ ቀጥታ ሥርጭት የዓለም ዜና ማንተጋፍቶት ስለሺ ያሰማናል ። ሸዋዬ ለገሠ ደግሞ ስርጭቱን እስከ ፍጻሜው ትመራለች ። እናንተም በያላችሁበት ዝግጅታችንን እየተከታተላችሁ ለሌሎች ስለምታጋሩልን እናመሰግናለን። መልካም ቆይታ!
የኢትዮጵያ አየር መንገድ በአፍሪካ በአይነቱ የመጀመሪያው ነው የተባለውን ኤይርባስ A350-1000 የተሰኘውን አዲስ አውሮፕላን ተረክቧል፡፡
አየር መንገዱ በፈረንሳይ ቱሉስ በተከናወነው ስነስርዓት ከአውሮፕላን አምራቹ ኤርባስ ኩባንያ የተረከበውን የመጀመሪያውን አውሮፕላን ዛሬ በአዲስ አበባ ቦሌ ዓለማቀፍ አየር ፣ማረፊያ አስተዋውቋል፡፡
አቪየሽን ሳንስ ፊሮንተርስ ከኤርባስ ጋር በመሆን ለኢትዮጵያ አየርመንገዶች ፋውንዴሽን የተበረከተውን በ100 ሺህ ዩሮ የሚገመት የህክምና ቁሳቁስ ተሸክሞ በአየርመንገዱ ባለስልጣናት ከሰዓቱን አዲስ አበባ የደረሰው አውሮፕላኑ ከፍተኛ የመንግስት ባለስልጣናት እና ዲፕሎማቶች በተገኙበት በደማቅ ስነስርዓት አቀባበል ተደርጎለታል፡፡
በአውሮፕላኑ አቀባበል ስነስርዓት ወቅት ንግግር ያደረጉት የኢትዮጵያ አየር መንገድ ዋና ስራ አስፈጻሚ መስፍን ጣሰው ዛሬ አየር መንገዱ የተቀበለው ኤይርባስ A350-1000 አውሮፕላን አየር መንገዱ ካዘዘው አራት አውሮፕላኖች አንዱ ነው፡፡ ዋና ስራ አስፈጻሚው በዚሁ ወቅት እንዳሉትም “ዛሬ እዚህ የተገናኘነው በአፍሪካ በአይነቱ ቀዳሚ የሆነውን አየር መንገዳችን የተረከበውን ኤይርባስ A350-1000 አውሮፕላን ለመቀበል ነው፡፡ ይህ ለአየር መንገዳችን የስኬት አዲስ ምዕራፍ አመላካች ነው፡፡ ይህ ሁነት በአቪየሽን ኢንደስትሪ መሪነታችንንም የሚሳይ ነው፡፡ በቢዝነስ ክላሽ ብ
ምርጫ አሜሪካ እና የተቀናቃኞች ስልታዊ ዝግጅት
የምርጫ ምርጫዎች ምላጭ በተቃረበበት ወቅት፣ ሁለቱም ሪፐብሊካኖች እና ዴሞክራቶች የሚፈልጉትን ውጤት እንዲያገኙ የሚያግዟቸው የህግ ስልቶችን እያዘጋጁ ነው። ጠበቆቻቸው ምን ሲሰሩ እንደነበር እና ውጤቱን እንዴት ሊነካ እንደሚችል እንይ።))
ዛሬ ከጥቂት ጊዜ በፊት በይፋ የተጀመረው የአሜሪካ የድምጽ አሰጣጥ ስነ ስረዓት እንደቀጠለ ነው። ሁለቱ ተቀናቃኝ ፓርቲዎች የዛሬዋ ቀን ከመምጣቷ በፊት ምርጫውን እናሸንፍበታለን ያሉትን እና ዉጤት ያስገኝልናል ያሉትን የህግ ስልት ከወዲሁ መንደፋቸው ነው የተነገረው ። በተለይ ለሁለቱም ተቀናቃኞች የቆሙት ጠበቆች ከህግ አንጻር ይገጥመናል ያሏቸውን ተግዳሮቶች ሊፈቱ የሚችሉባቸውን ስልቶች አስቀድመው ዝግጅት እንዳደረጉባቸው ነው የሚነገረው ። ለመሆኑ እነዚህ ስልቶች ምንድናቸው ፤ አንድምታቸውስ ? ቀጣዩ ቪዲዮ ተጨማሪ ማብራሪያ ይዟል።
ቦትስዋናን ለ60 ዓመታት ገደማ የመራውን ገዥ ፓርቲ ያሸነፉት የሰብአዊ መብቶች ጠበቃ ዱማ ቦኮ የሐገሪቱ ፕሬዝደንት ሆነው ባለፈው ቅዳሜ ጥቅምት 23 ቀን 2017 ዓ/ም ቃለ-መሐላ ፈጽመዋል። የ54 ዓመቱ ዱማ ቦኮ ትላንት አርብ ቃለ-መሐላ የፈጸሙት በዳይመንድ ሀብት የበለጸገችውን ሀገር ለረዥም ዓመታት የመራውን የቦትስዋና ዴሞክራቲክ ፓርቲ (BDP) በምርጫ ባሸነፉ በሦስተኛው ቀን ነው።
ቦኮ የቦትስዋና ፕሬዝደንትነትን ከተረከቡ በኋላ ባሰሙት ንግግር በሀገራቸው ዝቅተኛው የሠራተኞች ደመወዝ በእጥፍ በማሳደግ 4,000 ፑላ (300 ዶላር) ከፍ እንደሚያደርጉ፤ ዓለም አቀፍ የጤና መድን ዋስትናም ሥራ ላይ እንደሚያውሉ ቃል ገብተዋል።
ሀገሪቱ ከብሪታኒያ በጎርጎሮሳዊው 1966 ሀገሪቱ ከብሪታኒያ ቅኝ ተገዥነት ነጻ ከወጣች ጀምሮ ሥልጣን ላይ የቆየው የቦትስዋና ዴሞክራቲክ ፓርቲ ባለፈው ረቡዕ በተካሔው ምርጫ መንግሥት ለመመሥረት የሚያስችለው ድምጽ ሳያገኝ ከቀረ በኋላ ተሰናባቹ ፕሬዝደንት ሞክግዌትሲ ማሲሲ ሽንፈታቸውን በጸጋ ተቀብለዋል።
ገዥውን ፓርቲ ከሥልጣን ለማባረረር ለሦስት አስርት ዓመታት ተቃዋሚ የፖለቲካ ሆነው የቆዩት ዱማ ቦኮ ሰላማዊውን የሥልጣን ሽግግር አድንቀዋል።
ምዕራብ አፍሪቃ በወታደራዊ ሁኔታ እየተወረረ ባለበት ወቅት በተቀረው የአፍሪቃ ክፍል ምርጫ እና ሌሎች ፖለቲካዊ ሁኔታዎች ግጭት እና ጦርነት እያስከተሉ ለሺዎች ህልፈት እና ለቁ
«ውስጣዊ ጀግንነትሽ » ክፍል 3
ኦሞ አሁን በገንዘብ ነፃነቷን የተጎናፀፈችበት የኦንላይን ስራ አላት። አንድ ቀን በስደተኛ ጣቢያ ለሚኖሩ ሴቶች በተዘጋጀው መርኃ ግብር ላይ ንግግር እንድታደርግ ተጋብዛ ሄደች። ይህም አጋጣሚ የተፈናቀሉ ወይም ስደተኛ የሆኑ ሴቶች ምን ያህል ለሰብአዊ መብት ጥሰት ተጋላጭ እንሆኑ እንድታውቅ አደረጋት። በዚህ ክፍል ኦሞ ለተገን ጠያቂዎች መብት መታገል ምን ያህል አስፈላጊ እንደሆነ ትደርስበታለች። #ውስጣዊጀግንነትሽ
