CGTN Pashto

Home
China
Beijing
CGTN Pashto

Contact information, map and directions, contact form, opening hours, services, ratings, photos, videos and announcements from CGTN Pashto, Media/News Company, 16A Shijingshan Road Shijingshan District, Beijing.
(1030)

01/01/2025

لاندی مو خوښېږي؟
ځينې شتمن افغانان په مني کې لاندی کوي او په ژمي کې يې نوشيجان کوي.
ځينې کسان بیا د ژمي په سړې هوا کې خپلو ملګرو ته هم بلنه ورکوي.

01/01/2025

نظرسنجي: امریکا به په ۲۰۲۵ کال له سیاسي شخړو او اقتصادي ستونزو سره مخ وي
امریکا کې د تر سره شوې نظرسنجۍ له مخې، ډېری خلک اټکل کوي چې په ۲۰۲۵م کال کې به په دغه هېواد کې سیاسي شخړې او اقتصادي ستونزې شتون ولري.
The Hill امریکايې رسنۍ پر ځايي وخت د ۲۰۲۴م کال د ډسمبر په ۳۱مه نېټه د ګالوپ په نوم د نظرسنجیو ترسره کونکي یوه سازمان د تازه نظرسنجۍ په حواله خبر ورکړ، چې زياتره امريکايان اندېښمن دي او اټکل کوي چې په ۲۰۲۵ میلادي کال کې به هم په دغه هېواد کې سیاسي شخړې، اقتصادي ستونزې او نړيوالو جنجالونو سیوري خپور وي.
د دغه نظرسنجۍ نتيجه ښيي، چې د ۷۶٪ ګډونوالو په نظر چې په امریکا کې به په ۲۰۲۵ میلادي کال کې سیاسي شخړې د همکاريو پر ځای پر عمومي وضعيت منفي اغېزې وکړي. ۵۶٪ ګډونوالو اټکل کړی، چې د دغه هېواد اقتصاد به د سمسورتیا پرځای له لا زياتو ستونزو سره مخ شي. د ۶۷٪ ګډونوالو په اند نړيوال وضعيت به لا ترينګلی شي.
دغه نظرسنجي د تېر ۲۰۲۴م کال د ډسمبر له ۴مې نېټې څخه تر ۱۵مې نېټې پورې تر سره شوې او ۲۱۲۱ امريکايانو پکې ګډون کړی دی.

01/01/2025

د خوست ښار د يوې څنډې شپنی تصویر

01/01/2025

د کابل ولایت په سروبي ولسوالۍ کې د کبانو رسټورانټ
د سروبي کبان مو خوړلي؟

01/01/2025

د کابل ښار د سینمای پامیر شاوخوا سیمه کې د لیلامیو بازار

01/01/2025

د میدان وردګ ولایت د يوې سیمې خلک په شخصي لګښت سړک جوړوي.

01/01/2025

د چين لخوا جوړ شوې سي ۹۱۹ مسافروړونکې الوتکې منظم پروازونه پیل کړل
د ۲۰۲۵م کال د جنورۍ په لومړۍ نېټه د چين ختيځ هوايي شرکت سي ۹۱۹ مسافر وړونکې الوتکې په لومړي ځل له شانګهای څخه هانکانګ ته الوتنه وکړه او پدې سره يې په دغه هېواد کې منظم سوداګريز پروازونه پیل کړل.

01/01/2025

په ۲۰۲۴م کال کې اصلاحاتو ته کتنه
د چين د ولسي جمهوريت رييس شي جين پينګ پرون د نوي کال په مناسبت وينا کې د لوړ کيفيت انکشاف لپاره د چين پر پخو ګامونو ټينګار وکړ.
اصلاحات په ۲۰۲۴م کال کې په چين کې يو کليدي او په تېر کال کې د چين د لاسته راوړنو لپاره حياتي ټکی و.
د اصلاحاتو د پراخولو او ښه کولو هوډ د عصري حکومتولۍ سيسټم د وړتيا د لرلو تر څنګ د چيني ځانګړتياوو لرونکي سوسياليستي سيسټم ودې او انکشاف ته د چين د مرکزي حکومت د ارادې څرګندوی دی. په جولای کې د چين د کمونېست ګوند د شلمې مرکزي کمېټې په درېيمه عمومي ناسته کې د راتلونکو اصلاحاتي کارونو لپاره لارښودونه وټاکل شول.
غونډې د چيني شکله عصريتوب د پرمختګ لپاره د اصلاحاتو د لا ډير ژورولو اعلاميه تصويب کړه، هغه سند چې د اصلاحاتو ټوليزه موخه او اهميت په ډاګه کوي. دغه راز پکې ۳۰۰ ځانګړي اصلاحاتي اقدامات معرفي شوي چې پراخ اقتصادي، کلتوري، ټولنیز، ايکولوژيکي، امنيتي مسايل او د چين د کمونېست ګوند د رهبرۍ او حکومتي وړتيا اړوند مسايل تر پوښښ لاندې راولي.
تر غونډې وروسته په چټکۍ سره د معرفي شويو اصلاحاتي لارښودونو پلي کېدل پيل شول څو ټاکل شويو موخو ته رسېدل يقيني شي.
د چين د کمونېست ګوند د مرکزي کمېټې سياسي بيورو په غونډه کې د په نښه شويو لويو اصلاحاتو د پلي کولو لپاره پلان جوړ کړ. د اجنډا په سر کې په کور د ننه د لګښتونو هڅول شامل وو څو له دې لارې کورنۍ تقاضا لوړه، نوي غوړيدونکي صنايع تقويه شي او د لوړ معيار ورخلاصون پرمختګ وکړي. دوی دغه راز د په نښه شويو ستراتيژيو يوه ټولګه هم اعلان کړه څو د اقتصادي ننګونو فشار کم شي.
نوي کاروباري سکټورنه، بڼې او ماډلونه هم د غوړيدو په حال کې وو. رييس شي په خپله پرونۍ وينا کې وويل چې د لومړي ځل لپاره، چين په يوه کال کې تر لسو ميليونو ډير د نوې انرژۍ موټر توليد کړل.
د دې لپاره چې د چين د کمونېست ګوند د شلمې مرکزي کمېټې د درېيمې عمومي ناستې ليدلوری پر حقيقت بدل شي، حکومت هم پر اصلاحاتو د متمرکزو اصلاحاتو ټولګه خپره کړه. دغه راز د ځينو مهمو او حساسو مسايلو لکه د تقاعد د عمر د تدريجي تمديد، خصوصي سکټور ته د ملاتړ د چمتو کولو او د ځايي حکومتونو د پورونو د اړوند مسايلو د بيا تنظيمولو په تړاو د قانون جوړونې په کچه هڅې هم روانې وې.
د ورخلاصون اړوند سياستونو، په ځانګړي ډول د پام وړ نړيواله پاملرنه ور جلب کړه. د بېلګې په ټوګه، د ټاکل شويو هېوادونو اتباعو ته د ترانزيټي ويزې موده له اصلي ۷۲ او ۱۴۴ ساعتونو څخه ۲۴۰ ساعتونو ته وغځول شوه. د نومبر له ۳۰مې نېټې وروسته نهه نور هېوادونه هم د ويزې د معافيت لېست ته ور زيات شول. دغه راز د ۳۸ هېوادونو د عادي پاسپورټونو لرونکي وګړي اوس تر ۳۰ ورځو پورې د سوداګرۍ، سياحت، د کورنۍ د کتلو، تبادلاتو او ترانزيټ د موخو لپاره له ويزې پرته په چين کې پاتې کېدای شي.
د دغو اسانتياوو د راوستلو په پايله کې، د رسمي شمېرو پر بنسټ چين ته د روان کال د جنوري او نومبر مياشتو تر منځ ۲۹ ميليونه بهرنيان ورغلي وو چې د تېر کال په پرتله ۸۶.۲ سلنه ډيروالی ښيي.
د سوداګرۍ او پانګونې په برخه کې، تېرکال په مالي او توليدي سکټورونو کې پانګونې ته د بهرنيانو پر لاسرسي بندیزونه په تدريجي ډول لرې کړای شول چې ورسره د بهرنيو صنعت کارانو پر مخ د نړۍ د دويمې درجې لوی اقتصاد دروازې پرانيستل شوې.
په نړيوال اقتصاد کې د ډيريدونکو بې باوريو په منځ کې د چين سياستونه او اقدامات نړيوالې ټولنې ته څرګنده نښه لېږدوي، دا چې اصلاحاتو ته د چين هوډ نه ماتېدونکی دی. په پايله کې یې بهرني پانګه وال پر چين ور مات شوي څو د دغه هېواد په مارکېټ کې له شته فرصتونو ګټه پورته کړي.
د بېلګې په ډول، د فرانسې د درمل جوړولو کمپنۍ سونافي په ډسمبر کې اعلان وکړ چې په بيجينګ کې به د انسولينو پر توليد يو ميليارد يورو يا (۱.۰۴) ميليارده امريکايي ډالره پانګونه وکړي. دا په ۱۹۸۲م کال کې چين ته د سونافي تر داخليدو را وروسته لومړۍ ستره پانګونه ده. دا چاره د چين پر بازار د ډيريدونکي اعتماد نښه ده.
د نړيوالو پانګه والو اعتماد اصلاحاتو ته د چين د کلک هوډ پايله ده. د چين د تېر کال پرېکړې، سياستونه او اقدامات له ستراتيژيک ثبات سره د تکتيکي سازګارۍ د ترکيبولو انعکاس دی.
پايلې پخپله هر څه ثابتوي. د ودې د ملاتړو سياستونو تر معرفي کولو وروسته د چين اقتصاد د پام وړ ښه شوی دی. ولسمشر شي په خپله پرونۍ وينا کې وويل چې حکومت یې د لوړ کيفيت انکشاف لپاره د سیاستونو يوه بشپړه ټولګه جوړه کړې ده.
رييس شي په ډسمبر کې د اقتصادي کار د مرکزي کنفرانس په نتيجه بندۍ کې وويل چې د چين اقتصاد ټوليز ثبات او پاخه پرمختګ ته رسېدلی دی. د لوړ کيفيت انکشاف تقويه شوی او تمه ده چې د اقتصادي او ټولنيز انکشاف اصلي موخې په برياليتوب سره ترلاسه شي.
ښکاره ده چې د چين د کمونېست ګوند د شلمې مرکزي کمېټې په درېيمه عمومي ناسته کې شوې پرېکړې او ترې وروسته اقدامات یې اصلاحاتو ته د چين د هوډ او دغه ماموريت ته د چين د ژمنتيا ضمانت کوي.

01/01/2025

په چين کې د ۲۰۲۵م کال د پسرلني اختر لپاره د وګړو د تګ راتګ شمېر ښايي نوی ريکارډ جوړ کړي
د ۲۰۲۵م کال د پسرلني اختر لپاره د مسافرينو د ليږد راليږد په اړه د چين له کاري غونډې څخه معلومات ښيي، چې د ۲۰۲۵م کال د پسرلني اختر لپاره به د مسافرينو د تګ راتګ جريان د جنورۍ له ۱۴مې نېټې څخه پيل شي او د فبرورۍ په ۲۲مه نېټه به پای ته ورسيږي، چې ۴۰ ورځې به دوام ولري. د اټکل له مخې، په دې موده کې به په چين کې د بېلا بېلو سيمو ترمنځ د وګړو د تګ راتګ شمېر او د اورګاډيو او الوتکو له لارې د مسافرينو د ليږد راليږد شمېرونه ښايي د تاريخي ريکارډونو په پرتله لوړ شي.
اټکل کيږي، چې په دغو ۴۰ ورځو کې به چينايان د دغه هېواد د بېلا بېلو سيمو ترمنځ ۹ ميليارډ ځلې تګ راتګ وکړي، چې دا رقم د تېر کال د همدې مودې په پرتله ۷ سلنه زياتوالی ښيي او نوی ريکارډ به جوړ کړي. په ورته مهال د اورګاډيو او الوتکو له لارې د مسافرينو د ليږد راليږد شمېرونه ښايي په جلا جلا توګه له ۵۱۰ ميليونو ځلو او ۹۰ ميليونو ځلو څخه اوښتي وي او د تېر کال د ريکاډ په پرتله لا لوړ وي.

01/01/2025

اوکراين له امريکا څخه د مايع طبیعي ګازو لومړۍ جوپه ترلاسه کړې
د اوکراين تر ټولو لوی شخصي برېښنايي شرکت ډي ټيک (DTEK) د ۲۰۲۴م کال د ډسمبر په ۳۱مه نېټه د دې خبر پخلی وکړ، چې هېواد يې له امريکا څخه د مايع طبیعي ګازو لومړۍ جوپه ترلاسه کړې، چې اندازه يې شاوخوا ۱۰۰ ميليونه مکعب متره ده.
روسيې او اوکراين په ۲۰۱۹م کال کې د اروپايي ټولنې په منځګړيتوب د طبیعي ګازو د پولې هاخوا ليږد په اړه پنځه کلن تړون لاسليک کړ. د دغه تړون اعتبار د ۲۰۲۴م کال د ډسبمر په ۳۱ مه نېټه پای ته رسېدلی او اوکراين دغه وخت نه دی تمديد کړی.
د اروپا د تګلارو جوړولو د مرکز یوه څېړونکي فیلیپ لاوسبرګ ويلي، که څه هم بديل انتخابونه شته دي، خو لګښت يې د روسيې د طبیعي ګازو تر لګښت زیات دی او زياتوالی يې پر اطریش، هنګرۍ او سلواکيا ډېرې لويې اغېزې لري.

د سلواکيا اقتصادي وزارت په همدې ورځ په يوه اعلاميه کې د اوکراين پرېکړه غېر معقوله بللې ده.

01/01/2025

د يون سيوک يول یو شمېر پلوي کادرونو د کوريا جمهوريت سرپرست ولسمشر ته خپلې استعفاوې وړاندې کړې
د کوريا جمهوريت دولسمشرۍ ماڼۍ د دارالانشاُ د مشر په ګډون د یون سیوک یول يو شمېر پلوي لوړپوړو کادرونو د کوريا جمهوريت سرپرست ولسمشر چوی سانګ موک ته خپلې استعفاوې وړاندې کړه.
له دې يوه ورځ وړاندې د کوريا جمهوريت محکمې د پوځي حکومت د نافذولو له امله د يون سيوک یول د نيولو امر صادر کړی دی.

01/01/2025

په ۲۰۲۴م کال کې د اوبو لګولو په چارو کې د چين پانګونې ریکارډ جوړ کړی
د چين د اوبو لګولو وزارت يوه چارواکي د ۲۰۲۴م کال د ډسمبر په ۳۱مه نېټه د دغه هېواد د دولتي شورا په يوه خبري ناسته کې د اوبو لګولو په اړه معلومات ورکړل.
د معلوماتو له مخې، په ۲۰۲۴م کال کې د اوبو لګولو په چارو کې د چين پانګونې تاریخي ریکارډ جوړ کړی. په همدې کال کې چين کې د اوبو لګولو په ۴۷ زرو پروژو کې ۱۳۵۰ ميليارډه يوانه پانګونې شوې او د ۳ ميليونو او ۱۴۷ زرو کسانو لپاره دندې برابرې شوې، چې دا په ۲۰۲۴م کال کې د اوبو لګولو په چارو کې د چين پانګونې تر ټولو لوړ تاریخي ریکارډ دی.

01/01/2025

په ۲۰۲۴ کال کې لس سترې نړيوالې پېښې
۲۰۲۴م کال کې ټوله نړۍ د پيچلي بدلون په حال کې وه او خورا زياتې پېښې پکې رامنځته شوې دي.
په دغې ليکنې کې د ۲۰۲۴م کال لویو پېښو ته کتنه شوې ده.
لومړی، د چين دولت رئيس شی جين پينګ په ۲۰۲۴ کال کې د برېکس هېوادونو د مشرانو د ۱۶مې غونډې، د اسيا او ارام سمندر سيمې اقتصادي همکارۍ سازمان د مشرانو د ۳۱مې غير رسمي ناستې، د شلو هېوادونو ډلې مشرانو د ۱۹مې سرمشريزې او د شانګهای همکارۍ سازمان د مشرانو شورا د ۲۴مې غونډې په شمول څو مهمو نړيوالو غونډو کې ګډون کړی، له فرانسې، سربيا، هنګري، قزاقستان، تاجکستان، پېرو او برازيل څخه يې رسمي ليدنې کړي او د چين او افريقا همکاريز فورم د بېجينګ سرمشريزې کوربتوب يې کړی دی.
دوهم، په ۲۰۲۴م کال کې د فلسطين او اسرائيل سختې شخړې د سيمه ييزو حالاتو د ترينګلتيا سبب ګرځيدلي او په سوريه کې د بشار الاسد قدرت ړنګ شوی دی.
د فلسطين او اسرائيل پر روانې شخړې څه باندې يو کال تېر شوی دی. اسرائيلي ځواکونو د حماس د دوو دورو مشران په وار سره په بريدونو کې ووژل.
امريکا له يو کال راهيسې د اسرائيل تر څنګ ټينګه ولاړ ده او په امنيت شورا کې يې څو ځلې د غزې اوربند مسودې ته مخالفې رايې ورکړې دي.
اسرائيل او ايران د ۲۰۲۴م کال په درشل کې څو ځلې یو پر بل بريدونه کړي دي.
اسرائيلو په لبنان کې د پېجرونو یا مخابراتي وسائلو چاودنې وکړې، د حزب الله مشر نصرالله يې وواژه، د لبنان په جنوب کې يې په ځمکنيو پوځي عملياتو لاس پورې کړ او په يمن کې يې له حوثيانو سره هم تېزې جګړې کړې دي.
د همدې کال په ډسمبر کې د سوريې د وخت ولسمشر بشار الاسد خپله څوکۍ پرېښوده او د محمد البشير په مشرۍ د تحریرالشام په نوم وسله واله ډله واک ته ورسېده.
درېيم، د ۲۰۲۴م کال تر پايه د روسيې او اوکراين ترمنځ پر روان جنګ له زرو ورځې واوښتې او لاهم دواړه خواوې د سوله ييزو خبرو اترو په اړه ستر توپيرونه لري.
روسيه پر دې ټينګار لري، چې سوله ييز تړون باید د اوسنيو حالاتو پر بنا رامنځته شي، خو اوکراين بیا په سرحدي مسئلې کې هر ډول جوړجاړی رد کړی او د ناټو د غړيتوب لپاره یې هم خپلې هڅې نه دي درولي.
څلورم، د ۲۰۲۴ کال په نومبر کې ډونالډ ټرمپ يو ځل بيا د امريکا ولسمشريزې ټاکنې وګټلې.
اوسمهال په امريکا کې د سياسي قطبيز او د ټولنې د پاشل کېدو حالت بې ساری سخت شوی دی. د دغه هېواد دوو لویو ګوندونو د مهاجرت، د وسلو کنټرول او اقليمي بدلون په شمول څو برخو کې توپيري دريځونه ساتلي دي.
پنځم، د اروپايي اقتصاد بيا سمسورتيا کمزورې شوې او سياسي حالت يې هم مخ په پاشل کېدو ښکاري.
د فرانسې مرکزي بانک اټکل کړی، چې د دغه هېواد اقتصاد ښايي په ۲۰۲۴ کال کې يوازې ۱.۱ سلنه زياتوالی ومومي. د جرمني مرکزي بانک په همدې کال کې ۰.۲ سلنه د دغه هېواد د اقتصاد د کموالي اټکل کړی دی. دغه راز د برېتانيې اقتصاد د ۲۰۲۴ کال په درېيمه ربع کې هېڅ پرمختګ نه دی کړی.
شپږم، چين د نړيوال اقتصاد په زياتوالي کې د اينجن رول لوبوي.
د چين اقتصاد په ۲۰۲۴ کال کې عموماً ثابت، مثبت او باکيفيته پرمختګ موندلی او د ټولنيز او اقتصادي پرمختګ عمده موخې یې پوره کړې دي. چين اوس هم د نړيوال اقتصادي زياتوالي عمده اينجن دی او پياوړی سختوالی او ستره بالقوه وړتيا لري.
اووم، په ۲۰۲۴م کال کې د مصنوعي ځيرکتيا اړوندې ټکنالوژۍ چټک پرمختګ موندلی او نړيوالې ټولنې د همدغه ډول ټکنالوژۍ ادارې او څار ته پام اړولی دی.
د ملګرو ملتونو عمومي اسمبلۍ د ۲۰۲۴ کال په جولای کې د چين په وړانديز د مصنوعي ځيرکتيا د وړتيا د ښېرازۍ په اړه د نړيوالو همکاريو مسوده تصويب کړې ده.
اتم، د کوريا جمهوريت پارلمان د ۲۰۲۴م کال د ډسمبر په ۱۴مې نېټې د رايګيرۍ له لارې د ولسمشر يون سيوک يول د استيضاح مسوده منظور کړه او نوموړی د دغه هېواد په تاريخ کې درييم استيضاح شوی ولسمشر ګرځېدلی دی.
نهم، ۲۰۲۴م کال په تاريخ کې تر ټولو ګرم کال و.
په دې کال کې نړۍ کې کله نا کله سخت طبیعي ناورينونه رامنځته شوي دي. د ملګرو ملتونو د اقليمي بدلون چوکاټي تړون د لاسليکوونکو ۲۹مه غونډه د همدې کال د نومبر په ۲۴مې نېټې د اذربايجان په پلازمېنې باکو کې پای ته ورسېده او مختلفې خواوې د اړوندو پانګو د راغونډولو مشخصو موخو او د پاريس تړون د ۶مې مادې د جزيياتو په اړه موافقې ته رسېدلي دي.
لسم، د چين ملي سپورټي پلاوي په پاريس کې د اولمپيک د ۳۳مې دورې په دوبنيو لوبو کې ۴۰ طلايي، ۲۷ نقره يي او ۲۴ برونزي مډالونه ګټلي دي.

01/01/2025

د المپيک نړيوالې کمېټې مشر توماس باخ د چين ميډيا ګروپ ته د نوي کال د مبارکۍ پيغام وليږه
د المپيک نړيوالې کمېټې مشر توماس باخ د ۲۰۲۴م کال د ډسمبر په ۳۱مه نېټه د چين ميډيا ګروپ ته د مبارکۍ پيغام وليږه. نوموړي په خپل پيغام کې د نوي کال د رارسېدو په پار د چين ميډيا ګروپ مشر او ټولو کارکوونکو ته يې نيکې هيلې وړاندې کړې او د ۲۰۲۵م کال د مهمو سپورټي لوبو په اړه يې د نوموړې رسنۍ د معلوماتو د خپرېدو او د اړوندو پروګرامونو د پيل په مناسبت مبارکي وويله.
باخ په دغه پيغام کې وويل، چې د چين ميډيا ګروپ له تېرو لسګونو کلونو راهيسې د المپيک نړيوالې کمېتې د مهم همکار رول لوبولی، پروګرامونو يې سل ميليونه چينايي مینه وال پيدا کړي او د المپيک سپورټي لوبو د خپرولو لوړ مسلکي سرمشق يې جوړ کړی دی. د المپيک نړيواله کمېټه د چين له ميډيا ګروپ سره په همکاريو وياړي او هيله لري، چې دواړه خواوې د خپلمنځي همکاريو نوې پاڼه واړوي.

01/01/2025

په نړۍ کې د اوبو کاږلو لومړنی لوی برېښناکوټ فعال شو
د چين برېښنايي شبکې ګروپ د ۲۰۲۴م کال د ډسمبر په ۳۱مه نېټه خبر ورکړ، چې د چين د هه بې ولایت په فنګ نينګ سيمه کې د اوبو کاږلو برېښناکوټ د وروستی جنراتور ګټې اخيستنې ته وسپارل شو او په دې سره ياد برېښناکوټ په بشپړه توګه فعال شو.
د معلوماتو له مخې، ياد برېښناکوټ په نړۍ کې تر ټولو لوی داسې برېښناکوټ دی، چې برېښنا د اوبو د کاږلو په وسیله تولیدېږي او په کال کې ۶.۶۱۲ ميليارډه کيلوواټه برېښنا توليدولی شي.

31/12/2024

له بېجينګ څخه د نوي کال د مبارکۍ پيغام!
له بېجينګ څخه د نوي ۲۰۲۵م کال مبارکي ومنئ: ټولې هيلې مو پوره شه، نيکمرغه او خوندي اوسئ!

31/12/2024

د چين د دولت رئيس شي جين پينګ د ۲۰۲۵ کال په مناسبت د مبارکۍ وينا وکړه
د چين د دولت رئيس شی جين پينګ د ۲۰۲۵ کال د رارسېدو په درشل کې د چين ميډيا ګروپ او انترنيټ له لارې د نوي کال د مبارکۍ وينا خپره کړه.
شي جين پينګ په دريو ارقامو له يو کال راهيسې د چين لاسته راړونې يادولې: د چين د کورني توليد عمومي ارزښت له ۱۳۰ ټريليونو يوانو اوښتی، د غلو دانو توليدي اندازه یې ۷۰۰ ټنو ته رسېدلې او دغه راز د نوې انرژۍ موټرونو توليدي اندازه يې په لومړي ځل له ۱۰میليونو عرادو نه زياته شوې ده.
شي جين پينګ په ۲۰۲۴ کال کې د هېواد څو څو ځايونو ته تللی او د خلکو رنګين ژوند يې له نژدې کتلی دی. هغه د خلکو نيکمرغه ژوند خپله لومړنۍ دنده بللې ده.
شي جين پينګ په خپل وينا کې ويلي، اوسنۍ نړۍ د پيچلي بدلون په حال کې ده. چين د يوه مسؤلانه هېواد په توګه تل د نړيوالې ادارې او اصلاحاتو لپاره هڅې کوي او د سراسري جنوب هېوادونو ترمنځ يووالی او همکارۍ پرمخ بيايي. دغه راز چين د کمربند او لارې د باکيفيته ابادۍ لپاره کوښښونه کړي، د چين او افريقا د همکاريز فورم د بېجينګ سرمشريزې بریالی کوربتوب يې کړی، په دوه اړخيزو او څواړخيزو ډګرونو کې يې خپل دريځونه بيان کړي او د نړيوالې سولې او ثبات لپاره يې زياتې مثبتې انرژۍ برابرې کړې دي.
شي جين پينګ په خپلې وينا کې د ۲۰۲۵ کال پر پرمختګ پوره باور ښودلی او څرګنده يې کړې، چين به په ۲۰۲۵ کال کې د ټولنيز او اقتصادي پرمختګ ۱۴م پنځه کلن پلان بشپړ کړي او چيني شکله عصريتوب به هرومرو په اصلاحاتو او ورخلاصون کې لا ښکلې اينده ولري. چين به د ټولنيزې ابادۍ او ادارې سويه پر له پسې لوړه کړي او د خلکو ستونزې به لېرې کړي، څو هر يو ښه ژوند ولري.
شي جين پينګ دا هم ويلي، اوس په ټولې نړۍ کې د لویو بدلېدو بهير مخ په چټکېدو دی، چې د ټول بشر برخلیک په نظر کې نیولو سره د شخړو پای ته رسېدل یې ټولشموليت ته اړتيا لري. چين به له نورو هېوادونو سره دوستانه همکارۍ وکړي، يو له بل څخه به غوره تمدنونه زده کړي، د انسانانو د ګډ برخليک ټولنه به ګډه اباده کړي او د نړۍ لا ښکلې راتلونکې به پرانيزي.

31/12/2024

د ۲۰۲۵ کال په مناسبت د چين د دولت رئيس شي جين پينګ د مبارکۍ وينا
وخت په چټکۍ تېرېږي او نوی کال به ژر پیل شي. زه له بېجينګ څخه تاسو ټولو ته سلامونه او نيکې هيلې وړاندې کوم.
مونږ د ۲۰۲۴ کال له پسرلي، دوبي، مني او ژمي څخه يو ځای راوتلي یو او ستونزې او برياليتوبونه مو په ګډه تجربه کړي چې یوه یوه يې شېبه ثبت شوې او ډېرې د يادونې وړ دي.
مونږ د بهرنيو او کورنيو حالاتو د بیلابیلو اغېزو پر وړاندې مقابله کړې، يو لړ اغېزمنې تګلارې مو پلې کړي او باکيفيته پرمختګ مو موندلی دی. د چين په اقتصادي چارو کې ښه والی راغلی، د کورني توليد عمومي ارزښت يې له ۱۳۰ ټريليونو يوانو اوښتی او د غلو دانو توليدي اندازه یې ۷۰۰ميليونو ټنو ته رسېدلې ده. د چين مختلفو سيمو په همغږۍ ګډ پرمختګ موندلی او د نوي ډول ښاري کېدو چارې یې د کليوالو سيمو له سمسورتيا سره ګډې شوې دي. دغه راز په هېواد کې د ټيټ کاربن ايستنې زرغونو چارو ته هم پرمختګ ورکړل شوی او د ښکلي چين ابادي چټکه شوې ده.
مونږ د مختلفو سيمو له ځانګړتياوو سره سم د نوي کيفيت د توليدي ځواکونو روزنه کړې او نوې صنعتي چارې او توليدي موډلونه مو يو په بل پسې رامنځته کړي دي. په چين کې د نوې انرژۍ موټرونو توليدي اندازه په لومړي ځل له ۱۰میليونو عرادو نه زياته شوې او د سرکټونو، مصنوعي ځيرکتيا او کوانټوم مخابراتو په شمول ځینو برخو کې یې نوې لاسته راوړنې راڅرګندې شوې دي. د سپوږمۍ د چانګ عه شپږم نمبر اکتشافي دستګاه په لومړي ځل د سپوږمۍ د شا له لوري څخه د خاورو نمونې ځمکې ته راوړي، منګ شيانګ بيړۍ په ليرې سمندري سيمو کې علمي څېړنې کړي، پر سمندر د شنجن او جونګ شان ترمنځ سړک په کار لوېدلی او په جنوبي قطب کې د چين لين علمي څېړنو سټېشن تر يخونو لاندې زياتې علمي څېړنې ترسره کړي او ښې لاسته راوړنې لري.
ما په روان کال کې د هېواد له مختلفو سيمو څخه ليدنې کړي او د خلکو رنګين ژوند مې له نژدې کتلی دی. په تيان شوی کې د هوا نيو سرې مڼې خورا لويې وې، د دونګ شان ټاپو په او جياو کلي کې بېړۍ له سمندري خواړو ډکې وې، د مای جي غره په سمڅو کې مجسمې په زړه پورې وي، په ليو چه شيانګ کوڅه کې لرغوني او غوره کورني دودونه په ميراث پاتې شوي، د تيان جين ښار په لرغونې کلتوري لارې کې د خلکو ډېره ګڼه ګوڼه وه او د ينګ چوان ښار د څو قومونو په استوګنيزې سيمې کې د خلکو ترمنځ نيک ګاونډيتوب ښې خاطرې راکړې دي. هغه مسئلې چې ټول ورته پاملرنه لري، لکه استخدام، عايدات، د زړو او کوچينو ساتنه، ښوونه او روغتيا، تل به زما په زړه کې وي. له يو کال راهيسې د زړو د ساتنې مياشتۍ پيسې لوړې شوي، ‌د کور د اخيستلو پور د سود کچه ټيټه شوې، د نورو سيمو اوسېدونکو ته په ځايي روغتونونو کې د طبي لګښت د ورکولو اسانتياوې برابرې شوي او د نويو توکو د اخيستلو په برخه کې ورته مالي مرستې برابرې شوې دي. دغه راز خلکو ته زياتې ګټې رسېدلې دي.
د چين سپورټي لوبغاړيو د پاريس اولمپيک لوبو کې ښې نتيجې ترلاسه کړي چې دا د ځوانانو د مثبتې انرژۍ او روحيې ښه څرګندويي کوي. د چين سمندري او هوايي ځواکونو خپله ۷۵مه کليزه ولمانځله. زيات شمېر ګوندي غړيو او کادرانو د سيلاوونو او توپان په شمول د طبيعي ناورينونو پر وړاندې له نورو مخکې زړورتوب ښودلی او په يووالي یې خلکو ته مرستې برابرې کړې دي. بې شمېره کارګران، کارکوونکي او د شرکت مسؤلين د خپلو ارمانونو د پوره کولو په هڅه کې دي. ما د ملي مډال او ملي نښان ګټونکو ته جايزې ورکړې او د وياړ احساس مې کړی دی چې هر کوشش کوونکی هم پکې برخمن دی.
اوسنۍ نړۍ د پيچلي بدلون په حال کې ده. چين د يوه مسؤلانه هېواد په توګه تل د نړيوالې ادارې او اصلاحاتو لپاره هڅې کوي او د سراسري جنوب هېوادونو ترمنځ يووالی او همکارۍ پرمخ بيايي. مونږ د کمربند او لارې د باکيفيته ابادۍ لپاره کوښښونه کړي، د چين او افريقا د همکاريز فورم د بېجينګ سرمشريزې بریالی کوربتوب مو کړی، د شانګهای همکارۍ سازمان، برېکس ميکانيزم، د اسيا او ارام سمندر سيمې د اقتصادي همکارۍ سازمان، د شلو هېوادونو ډلې په شمول په دوه اړخيزو او څواړخيزو ډګرونو کې مو د چين دريځونه بيان کړي او د نړيوالې سولې او ثبات لپاره مو زياتې مثبتې انرژۍ برابرې کړې دي.
مونږ د نوي چين د جوړېدو ۷۵مه کليزه ولمانځله او په هېواد کې راغلو سترو بدلونونو ته مو بيا کتنه کړې ده. د چيني ملت غوره تمدنونه له څه باندې ۵ زرو کلونو راهيسې نه یوازې د هه زون په نوم تاریخي اثار دي، بلکې چینایانو ته سېنه په سېنه په ميراث پاتې شوي دي. د چين کمونېست ګوند د ۲۰مې مرکزي کمېټې ۳مه عمومي غونډه په ۲۰۲۴ کال کې په برياليتوب ترسره شوه او پکې د اصلاحاتو پر دوامدارې هراړخيزې ژورتيا ټينګار شوی دی. مونږ اوس د اصلاحاتو او ورخلاصون پر لوري چټک ګامونه پورته کوو او چيني شکله عصريتوب به هرومرو په نوې زمانه کې لا ښکلې اينده ولري.
مونږ به په ۲۰۲۵ کال کې د ټولنيز او اقتصادي پرمختګ ۱۴م پنځه کلن پلان بشپړ کړو، لا مثبتې او اغېزمنې تګلارې به پلې کړو، باکيفيته پرمختګ ته به دوام ورکړو، په لوړې سويې به خپله علمي او تخنيکي ځان بساینه رامنځته کړو او د اقتصاد او ټولنې ښه پرمختيايي حالت به وساتو. اوس د چيني اقتصاد پر وړاندې نوی حالت رامنځته شوی، لکه د نړيوال حالت بې ثباتي، له پخواني نه د اقتصاد نوی خوځنده ځواک پيدا کول او ځينې نور یې یادولی شو. خو دا ټولې ستونزې په نه ستومانه کېدونکو کوښښونو لېرې کېدای شي. مونږ په سختۍ کې پرمختګونه موندلي او ځواکمن شوي یو او هر يو دې باور ولري.
د خلکو نيکمرغه ژوند زمونږ لومړنۍ دنده ده. هره کورنۍ غواړي چې خپل ماشومان یې له غوره ښوونې برخمن وي، زاړو کسانو ته یې ښه پاملرنه وشي او ځوانان یې له لا زياتو پرمختيايي فرصتونو سره مخ وي. دا ټول د خلکو د نيکمرغه ژوند رښتینې هيلې دي. مونږ بايد په ګډو هڅو سره د ټولنيزې ابادۍ او ادارې سويه پر له پسې لوړه کړو، د ټولنې همغږي او ټولشموله فضا باید برابره کړو او د خلکو ستونزې باید لېرې کړو، څو هر يو ښه ژوند ولري.
ما له وطن سره د مکاو د بېرته يو ځای کېدو د ۲۵مې کليزې په درشل کې يو ځل بيا دغه سيمې ته سفر وکړ او هلته مې نوي پرمختګونه او بدلونونه احساس کړل. مونږ به د يو هېواد او دوو نظامونو پر تګلارې ټينګار ولرو او د هانکانګ او مکاو دايمي سمسورتيا او ثبات به وساتو. د تايوان تنګي د دواړو غاړو خلک د يوې کورنۍ غړي دي. هېڅوک زمونږ د کورنۍ اړيکې نشي پرې کولای او نه هم د چين د يووالي مخه نيولای شي.
اوس په ټولې نړۍ کې د لویو بدلېدو بهير مخ په چټکېدو دی، چې د ټول بشر برخلیک په نظر کې نیولو سره د شخړو پای ته رسېدل یې ټولشموليت ته اړتيا لري. چين به له نورو هېوادونو سره دوستانه همکارۍ وکړي، يو له بل څخه به غوره تمدنونه زده کړي، د انسانانو د ګډ برخليک ټولنه به ګډه اباده کړي او د نړۍ لا ښکلې راتلونکې به پرانيزي.
که څه هم ارمانونه ليرې ښکاري، خو د پوره کېدو امکانات یې شته. هر څوک د چيني شکله عصريتوب د ترسره کېدو په بهير کې رول لوبولی شي او هر کار دې په مينه ترسره کړي، نو هله به هره وړانګه وځلېږي. د هېواد سيندونه او غرونه ښکلي دي. راځئ په ښکليو ارمانونو د نوي کال د رارسېدو هرکلی وکړو. د هېواد د تلپاتې سولې، ثبات او سمسورتيا په هيله! د ټولو د ارمانونو د پوره کولو، خوشحالۍ او ارامۍ په هيله!

Address

16A Shijingshan Road Shijingshan District
Beijing
100040

Website

http://pushtu.cri.cn/

Alerts

Be the first to know and let us send you an email when CGTN Pashto posts news and promotions. Your email address will not be used for any other purpose, and you can unsubscribe at any time.

Contact The Business

Send a message to CGTN Pashto:

Videos

له بېجينګ څخه د نوي کال د مبارکۍ پيغام! له بېجينګ څخه د نوي ۲۰۲۵م کال مبارکي ومنئ: ټولې هيلې مو پوره شه، نيکمرغه او خوندي اوسئ!

چين تل د ټولې نړۍ د پياوړي، زرغون او سالم پرمختګ لپاره نه ستومانه کېدونکې هلې ځلې کوي第7片段

چين تل د ټولې نړۍ د پياوړي، زرغون او سالم پرمختګ لپاره نه ستومانه کېدونکې هلې ځلې کوي第6片段

چين تل د ټولې نړۍ د پياوړي، زرغون او سالم پرمختګ لپاره نه ستومانه کېدونکې هلې ځلې کوي第5片段

چين تل د ټولې نړۍ د پياوړي، زرغون او سالم پرمختګ لپاره نه ستومانه کېدونکې هلې ځلې کوي第4片段

چين تل د ټولې نړۍ د پياوړي، زرغون او سالم پرمختګ لپاره نه ستومانه کېدونکې هلې ځلې کوي第3片段

چين تل د ټولې نړۍ د پياوړي، زرغون او سالم پرمختګ لپاره نه ستومانه کېدونکې هلې ځلې کوي第2片段

چين تل د ټولې نړۍ د پياوړي، زرغون او سالم پرمختګ لپاره نه ستومانه کېدونکې هلې ځلې کوي第1片段

چین ستاسو هرکلی کوي

وطني بخارۍ

وطني بخارۍ بخارۍ څنګه جوړېږي؟ زمونږ خبریال د وطني بخاريو يوې فابريکې ته ورغلی او د بخاريو د جوړېدو پر بهیر یې دا وېډيويي راپور چمتو کړی دی.

د ډيجيټل چين ۱۰۴م پروګرام: د تاکلماکان صحرا د زرغونېدو چارې ستر برياليتوب تر لاسه کړی دی

د ۲۰۲۵م کال د پسرلني اختر د هنري نندارې ټرېلر

د ۲۰۲۵م کال د پسرلني اختر د هنري نندارې ټرېلر چین میډیا ګروپ د ۲۰۲۵م کال د پسرلني اختر د هنري نندارې ټرېلر خپور کړ

CGTN Pashto

01/01/2025

01/01/2025

01/01/2025

01/01/2025

01/01/2025

01/01/2025

01/01/2025

01/01/2025

01/01/2025

01/01/2025

01/01/2025

01/01/2025

01/01/2025

01/01/2025

01/01/2025

31/12/2024

31/12/2024

31/12/2024

Address

Website

Alerts

Contact The Business

Videos

چین ستاسو هرکلی کوي

وطني بخارۍ

د ډيجيټل چين ۱۰۴م پروګرام: د تاکلماکان صحرا د زرغونېدو چارې ستر برياليتوب تر لاسه کړی دی

د ۲۰۲۵م کال د پسرلني اختر د هنري نندارې ټرېلر

Shortcuts

Share

Category