ຫຼັງຈາກທີ່ມີປະສົບການເຮັດວຽກເປັນພະນັກງານລັດ ມາເປັນເວລາ 23 ປີ, ປະຈຸບັນ ຜັນໂຕເອງມາຮັບອາຊີບໂຄ໌ຈເອກະລາດ.
ບູນມີເກີດໃນສະໄໝທີ່ກຳລັງເກີດສົງຄາມ, ຕອນອາຍຸໄດ້ພຽງແຕ່ 21 ວັນ ກໍ່ຖືກລະເບີດຈາກສົງຄາມທຳລາຍ ຈົນເຮືອນທີ່ເຄີຍພັກອາໄສເປ່ເພ ແລະ ໂຕເອງ ກໍ່ໄດ້ຮັບບາດເຈັບທີ່ແຂນສອກເບື້ອງຂວາ. ຕະຫລອດຊ່ວງຊີວິດໄວເດັກອາຍຸ 8-9 ປີ ລາວໃຊ້ຊີວິດຢູ່ໃນຂຸມລີ້ໄພ, ການທີ່ມີຊິວິດຢູ່ໃນສະພາບແວດລ້ອມແນວນັ້ນ ບວກກັບຄວາມ ເຈັບປວດທີ່ໄດ້ຮັບຈາກສົງຄາມ ເຮັດໃຫ້ກາຍເປັນໜຶ່ງໃນສາເຫດ ເຮັດໃຫ້ມີບັນຫາທາງດ້ານສຸຂະພາບ ແລະ ການງານໃນຊີວິດຂອງລາວ. ແຕ່ຍັງໂຊກດີ ທີ່ບຸນມີສາມາດນຳທຸກຢ່າງກັບມາ ແລະ ໃຊ້ຊີວິດໃຫ້ດີຂື້ນກ່ອນເກົ່າໄດ້.
ຫລັງຈາກທີ່ລາວໄດ້ສຶກສາຫຼາຍໆ ສາດເພື່ອພັດທະນາຕົນເອງທາງດ້ານຮ່າງກາຍ ແລະ ຈິດວິນຍານ, ໂດຍໄດ້ຜ່ານຂະບວນການໂຄ໌ຈ ຈາກ ໂຄ໌ຈ ສະເພາະດ້ານ ພ້ອມກັບການປັບປ່ຽນວິທີຄວາມຄິດ ແລະ ການໃຊ້ຊີວິດ, ຈື່ງເຮັດໃຫ້ປະຈຸບັນນີ້ ບຸນມີ ມີຄວາມສຸກ ແລະ ມີສຸຂະພາບກາຍ-ສຸຂະພາບຈິດ ທີ່ດີເລີດ.
ບຸນມີ ເຄີຍໄດ້ໃຫ້ສັນຍາກັບຟ້າດິນວ່າ "ຖ້າຫາກມື້ໃດທີ່ຜູ້ຂ້າມີສຸຂະພາບທີ່ແຂງແຮງດີແລ້ວ, ຈະຂໍອຸທິດຕົນໃນການຊ່ວຍຄົນໃນສັງຄົມເພື່ອທົດແທນ ບຸນຄຸນ ທີ່ໄດ້ມີໂອກາດຫາຍດີ ແລະ ມີຊີວິດໃໝ່ຕໍ່ໄປ"
ເວລານີ້, ບຸນມີພ້ອມທີ່ຈະອອກມາຊ່ວຍ ບໍ່ວ່າຈະເປັນບຸກຄົນ ຫຼື ຄອບຄົບ ຫລື ອົງກອນທີ່ຕ້ອງການຄວາມຊ່ວຍເຫຼືອ, ເພື່ອໃຫ້ມີຄຸນະພາບຊີວິດທີ່ດີຂຶ້ນ ດ້ວຍວິທີການໂຄ໌ຈ ຂອງສາກົນ.
ການສຶກສາ:
ຈົບ ປ.ຕີ ແລະ ປ. ໂທ ດ້ານການຄ້າສາກົນທີ່ ລັດເຊຍ (1985-1992)
ຈົບ ປ.ໂທ ດ້ານພົວພັນກັບສາກົນ ທີ່ມະຫາວິທະຍາໄລໂກເບ, ຍີ່ປຸ່ນ (2000-2003)
ການໂຄ໌ຈ:
1. ຜ່ານການຮຽນຄອສ໌ ແລະ ຝຶກການ ໂຄ໌ຈ Coaching for Success, September 2019 to February 2020.
- ໄດ້ໃບປະກາດ ຈາກ Code of Success Co. Ltd, Thailand
2. ຜ່ານເຂົ້າ ຄອສ໌ ການພັດທະນາ ອາລົມຈິດ Emotional Enhancement Therapy
- ໄດ້ໃບປະກາດ ຮອງຮັບໂດຍ Life-Enricher Co. Thailand and CTAA Complimentary Therapists Accredited Association, England
3. ນັກປະຕິບັດພະລັງ ເຣກິ ຂັ້ນ2 (Reiki Practictioner L2)
ການໃຫ້ບໍລິການ: ການໂຄ໌ຈ ບຸກຄົນ ແລະ ໂຄ໌ຈກຸ່ມ.
1. ໂຄ໌ຈ ເພື່ອໃຫ້ໄດ້ຜົນຮັບ ແລະ ພ້ອມກັບໃຊ້ເຄື່ອງມືການໂຄ໌ຈ ເຊັ່ນ: Points of You Cards ທີ່ໃຊ້ໃນວົງການໂຄ໌ຈສາກົນ.
ເໝາະສຳລັບ:
- ຄົນກຳລັງຄົ້ນຫາເປົ້າໝາຍທີ່ຊັດເຈັນ ໃຫ້ແກ່ຊີວິດຂອງໂຕເອງ.
- ຄົນທີ່ຕ້ອງການປ່ຽນແປງຊີວິດ ໃຫ້ກ້າວຫນ້າ ແລະ ສຳເລັດຫຼາຍຂື້ນ.
- ຄົນທີ່ມີບັນຫາກ່ຽວກັບຄວາມສຳພັນ (ຄວາມຮັກ, ການເງິນ ແລະ ການງານ).
2. ໂຄ໌ຈ ດ້ານການພັດທະນາແລະປິ່ນປົວອາລົມລະດັບຈິດໃຕ້ນຶກສຳນຶກ
ເໝາະສຳລັບ:
ຄົນທີ່ມີຄວາມກັງວົນກະວົນກະວາຍ,
ຄົນທີ່ນອນລັບຍາກ,
ຄົນທີ່ມີຄວາມຕຶງຄຽດ, ແລະ
ຄົນທີ່ຄິດວ່າຕົນເອງເຄີຍຖືກທໍລະຍົດຫັກຫຼັງ ອາດຈະແມ່ນເລື່ອງຄວາມຮັກ ແລະ ເລື່ອງຄວາມສຳພັນກັບຄອບຄົວ ຫຼື ເພື່ອນຮ່ວມງານ,
ຜູ້ທີ່ຮູ້ສືກໂດດດ່ຽວ, ເປັນໂລກຊືມເສົ້າ, ເຄີຍຄິດຢາກທຳລາຍຕົນເອງ ຫຼື ຄົນອື່ນ.
ຮູ້ສຶກວ່າຕົນເອງບໍມີຄຸຸນຄ່າ.
ຄົນທີ່ໃນໄວເດັກເຄີຍຢູ່ໃນສະພາບແວດລ້ອມອ້ອມຂ້າງທີ່ຫນ້າຫົດຫູ່ ຫຼື ເຄີຍຖືກບາດເຈັບ ຫຼື ເຄີຍມີຄວາມເຈັບປວດ ທີ່ຝັງໃຈ, ແລະ
ຄົນທີ່ມີອາລົມລົບໆເປັນປະຈຳ ເຊັ່ນໃຈຮ້າຍງ່າຍ,ໂສກເສົ້າງ່າຍ, ມີຄວາມຂີ້ຢ້ານ, ມີໂຟເບຍ ເປັນຕົ້ນ.
ເຊິ່ງທັງຫມົດນີ້ "ອາດຈະ" ເປັນອຸປະສັກທີ່ກີດຂວາງ ໃນການເດີນທາງສູ່ຄວາມສຸກ ແລະ ຄວາມສຳເລັດຂອງພວກເຂົາ, ຈຶ່ງມີຄວາມຈຳເປັນຢ່າງຍິ່ງທີ່ຕ້ອງໄດ້ຖຶກ ຮັບການແກ້ໄຂ.... ແລະ ບຸນມີ ພ້ອມຈະຊ່ວຍໃຫ້ຄຳປຶກສາ ໂອ້ລົມ ແລະຫາທາງອອກ ຊ່ວຍ ທ່ານ ດ້ວຍວິທີການໂຄຈ໌.
( ເຊິ່ງຄວາມລັບທັງໝົດຈະໄດ້ເກັບໄວ້ເປັນຢ່າງດີສຳລັບທຸກຄົນທີ່ມາຂໍຄຳປຶກສາ)
ສົນໃຈຂໍຄຳປຶກສາ ຕິດຕໍ່ 020 9546 4965
ດ້ວຍຄວາມຮັກ ແລະ ຫວັງດີ ແລະ ຂໍຂອບໃຈທີ່ ໄວ້ວາງໃຈພວກເຮົາ
ໂຄ໌ຈ ບຸນມີ
