Was ist die Webseite?

https://www.facebook.com/696430547360451/

Napolyon Eritrea

Startseite
Schweiz
Aarau
Napolyon Eritrea

ኣፍሪቃ ብጸጋ ሃፍታም ብምሕደራ ዘክታም::ሓረስታይ ዝመልኦ ቆፎ ጥርሑ ጸኒሑ መን ከምዝሓለፎ🇪🇷እዝግዮ የባህሉካ ተመሊሶም የጥሕሉካ::
(2)

11/06/2024

እቲ ኣንበሳ

ኣቃልቦ ብዝሓት ዓጸፋ ክድልብ
ሓሳዊ ልሳን ንጽህና ክሰልብ
ዓሻ መሰል ልዕሊ ኣምንዝራ
ንኩላ ሸሚምዋ ኣብ መፈንጠራ

እቲ ኣንበሳ ግን ንበይኑ ይጋዝም
በእላፍ ኣዛብእ ተከቢቡ የዕዘምዝም
ተንሲኡ ነዲሩ ክሓንቅ ጎሮሮ
ተስፍኡ የዕቢዩ ቀሲሙ ተመኩሮ

ዕሙታት ፍጡራት ማኣዝን ዝሳኣኑ
ፍረኣልቦ ዘረባ ክኣርዩ ራኢ ዝሰኣኑ
መውዓሊ ጸላም ሕብርካ ንምጽላም
ብገዛእ ፍቃዶም ፈጺሞም ምጥላም

ኣምበሳ ግን ንበይኑ ህያብ ተቀቢሉ
ኣብ እግሩ ወዲቆም ኩሎም ዘታለሉ
ፍርዲ ኣይሃበን ንፈጣሪ ኣክቢሩ
ጽዋእ ጥምየት ታዓዲሎም እቶም ዝሓበሩ

ኣምበሳ ብባህሩ ምድሃል ዘይፈልጥ
ወትሩ እንዳኣሉ ካብ ክፋእ ዘምልጥ
ወይልካ ዝብኢ ዘይብልካ መሕብኢ
ክቡር ተንኪፍካ የብልካን መሳፍሒ

ናፖልዮን ተክሉ
12.06.2024

30/05/2024

ብርሰት

መዛግብ ታሪክ መሊኡ ብክፋእ
ሰነፍ ይእምሮ ሕብረተ ሰብ ንምጥፋእ
ዝቡል መልክዕ ብርሰብ ብሓባር
ብደስታ ትብህግ ሓውካ ንምቅባር

ኩቱር ስምዒት ጎንጺ ዝሓዘለ
ሰብ ኢዮም እንዳልካ ምስ ኣራዊት ትላለ
ገበታ ሓሳብ ምብራስ ንወለዶ
ንከተፍርስ'ዶ ትሰርሕ ኢካ ኣግዶ

ሰማዒ ዘየለ ጽሙዋ ንሕልና
ብገዛእ ፍቃዳ መሬት ባዲማ
ኩቱር ትዕቢት መሳልል ውድቀት
ብሓባር ባሪክው ህዝቢ ንባርነት

ነዛ ሰላም ብሓጎስ ንምንባር
ሓቢሮም ዓንዮም ንፍቅሪ ምዕግርጋር
ነዛ ራህዋ ወላዲት ብርሃን
ጽልኢ ተኪሎም ንሓውም ብምህዳን

እንታይ ኢዩ ትምስጢር ዕጋበት
ምርጫኩም ዝኮነ ሓቢርካ ድክነት
እንታይ ኢዩ ዝግበር ምስጢሩ ትፍታሕ
ግብርኩም ርእዩ ኣቢልኩም ፋሕፋሕ

ናፖልዮን ተክሉ
30.05.2024

27/05/2024

📌ብገዛእ ፍቃዱ ክድንቁር ኢየ ንዝበለካ ሕብረተ ሰብ ምስ ዕብየት ከተላልዮ ኣይትጽዓር:
📌እዝግዮ እንዳሉ ደም ዘፍስሱ ምስ በዝሑ እግዛቢሄር ድማ ንዓውዲ ሰላም ዓጽይው:
📌ኣብ ብዙሕ ሕብረተ ሰብ ርጉም ኣሎ ኣብ ምድሪ ሓበሻ ግን ርጉም ጥራይ ኣይኮነን ዘሎ እንተላይ ሓሳድ ኢዩ ዘሎ:
📌ኣምላክ ኣምላክ ዘብዝሕ ሰብ ኣምላክ የብሉን ምክንያቱ ንዘለካ ብዙሕ ስለ ዘይትደልዮ:
📌ሓበሻ ንምዕራባውያን ኣምላክ የብሎምን ይብልውም ነገር ግን እቶም ምዕራባውያን ከም ኣብራሃም ጋሻ ይቅበሉ ምድሪ ሓበሻ ግን ከም ፈርኦን ፍጡራት ተባሳብስ ኣየናይ ኢዩ ቅኑዕ:

22/05/2024

📌ዝያዳ ንደቂ ሰባት ምስ ኣጽናዕካዮም ምስ ነብስካ ክትላለ ኢካ:
📌ብዙሓት ዓይነት እንስሳ ኣለዉ ገለ ተናከስቲ ገሊኦም ድማ ዘይተናከስቲ ደቂ ሰባት ውን ገለ ካብቶም እንስሳታት ኢዮም:
📌ኣብ ኣፍሪቃ ክብሪ ወዲ ሰብ ተዝትግበር ነይሩ ህዝቢ ዓለም ከም ቤት ኣምላክ ተቀቢሉ ዓመታዊ ምነገዳ ነይሩ:
📌ብሕስድና ተወጢሮም ናብ ቤት ኣምላክ ከይዶም ምሕረት ዝልምኑ ሕብረተሰብ ምስ ራኣኩ ኣምላክ ማዕረ ክንደይ ማሓሪ ምካኑ ተገንዚበ:
📌ኢድና ናብ ላዕሊ ነልዕል ምሕረት ክገብረልና ፈጣሪ ኢሎም ክሰብኩ ምስ ራኣኩ ምስኦም ተሰረዐ የዒንተይ ንሰማይ ኣጠመትኩ ከምገለ ኢለ ንታሕቲ ምስ ጠመትኩ ግን እቲ ዝምሕር ኣብ ምድሪ ርኣክው:
📌እዝግዮ እንዳሉ ኩናት ዝእውጁ መእመናን ምስ ተገንዘብኩ ኣብ ቤት ኣምላክ ውን ሰይጣን ከም ዝሳተፍ ተገንዚበ:
📌ሰላም ኣብ ቀርኒ ኣፍሪቃ ብዙሓት ኢዮም ዝደልይዋ ኣበይ ተነቢራ ከምዘላ ግን የለን ዝፈልጥ:
📌ጸጋታት ተተርኢሶም ዝጠምዩ ሕብረተሰብ ኣለዉ ተስፋ ድማ ይገብሩ ካብ ፈጣሪ ብዙሕ ይሓቱ ግን ኣይምለሰሎምን ኢዮ ምክንያቱ ሃካያት ኢዮም:
📌ማይ ክዘንብ ዝልምኑ ኣለዉ ግን ማይ ኣየስትዩን ኢዮም ከምኡ ድማ እንጌራ ዝልምኑ ኣለዉ ንሳቶም ውን ኣየብልዑን ኢዮም ንኣምላክ ዘማርር ዕዳ ግን የለን:

ናፖልዮን ተክሉ
22.05.2024

07/05/2024

ጽምዋ

ዓቀበት ኢዩ ግድል ሰብ ዘይቀርቦ
ነዊሕ ኢዩ ትመንገዲ መጻብቦ
ይጋዓዞ ኣለኩ ኩሉ ብሓቦ
ሰብ ግን ሲኢኒ ብልበይ ዝዛረቦ

መቃብር ሓሳብ ሕቡእ ብሕጊ
መዋጥር ፈተነ ምፍጻም ንፍርዲ
ዕቡስ ልሳን ቂምታን ኣበሳን
ጽሙዋ መሪጸ ሲኢነ ምውሳን

ገደል ሓሳብ ዓጋቲ ዘይብሉ
ውሽጣዊ ስቃይ ጽሙዋ ተኪሉ
መርዛም ተፈጥሮ ሂወት መንቀራቅሮ
ጽሙዋ መረጸ ሲኢነ ተፈጥሮ

ሃልሃልታ ረመጽ ምውላድ ንዓመጽ
ረዚን ዕልልታ ፍቅሪ ንዋይዋይታ
ተሪር ሓለንጊ ብፍቃድ ውለዶ
ሰብ ሲኢነ ሓሶት ዝከብዶ

ብዓውታ ምህለላ ምርካብ ንምሕረት
ኣሳፊሕካ ምጽባይ ዕጣን ባርነት
ብላሽ ኢዩ ነይሩ ዝኩሉ ምህለላ
መግዛእቲ ኣይተፍቅር ንበር ብሜላ

ናፖልዮን ተክሉ
07.05.2024

07/04/2024

ጎንጺ

እንዳ ዓሸና መሊስና ንፈሪ
እንዳ ጎደል ቂምታ ንፈጣሪ
ሓደ ክንስና ሰብ ሓደ ማኣዲ
እቲ ሓደ ኣጥፋኢ እቲ ሓደ ኣጋዲ

ውርደትን መከራን ብሓደ ቀሚስና
ሓድሕድ ጎንጺ ናብ ባዶ ኣውሪድና
ዝማሃር ዘየለ እንትርፎ ኣንነት
ውዕል ኣቲና ብሓባር ምንባር ብባርነት

ጥበብ እንክዛረብ ሰማዒ ዘይብሉ
ኩላ ጸግዒ ሒዛ ኣኪባ ተካሉ
ወይከ ልቦና ምዕናው ንቤትና
ትሕትና ሃዲሙ ትዕቢት ተወጢርና

ጎንጺ ዘይምህሮ ዜሮ ተመኩሮ
ሎሚ ይደጋግሞ እቲ ትማል ዝገበሮ
በረከት ሃዲሙ ስድራቤት በሪሱ
ንሓቂ ገዲፉ ግን ሰብ ብዓውታ ይሕሱ

ረዳኢ ይልምን ቤት መቅደስ ከይዱ
ሽንፍላ ልቢ ግን ቂምታ ቀይዱ
ዕቱብ ምህለላ ምሕረት ንምርካብ
ፍረ ኣልቦ ኮይኑ ፈጣሪ ብምዕዛብ

ልባዊ ሓዘን ጎንጺ ኣብ ኣሕዋት
ህልክ ኣፍቂሮም ደም ንምትእዉዋድ
ዓዘራ ዕብዳን ብፍቃድ ዝመጸ
ይሓይሽ ዝበልካዮ ኮይኑ ዝመጸጸ

ናፖልዮን ተክሉ
07.04.2024

Adresse

Im Winkel 9
Aarau
5102

Telefon

+41794229357

Webseite

facebook.com

Benachrichtigungen

Lassen Sie sich von uns eine E-Mail senden und seien Sie der erste der Neuigkeiten und Aktionen von Napolyon Eritrea erfährt. Ihre E-Mail-Adresse wird nicht für andere Zwecke verwendet und Sie können sich jederzeit abmelden.