22/04/2022
Rais Tshisekedi kukutana na viongozi wa waasi wa Kongo
Na Shisia Wasilwa | saa (0) nyuma
Staatsbesuch von Präsident Uhuru Kenyatta in der Demokratischen Republik Kongo
Tshisekedi ataongoza mkutano wa kwanza kati ya wawakilishi wa makundi mbali mbali ya waasi hii leo Ijumaa katika ikulu ya Nairobi nchini Kenya.
Katika mkutano wa faragha uliofanyika alhamisi na kudumu kwa zaidi ya saa saba, katika ikulu ya Nairobi viongozi wa kanda hii waliafikiana kupeleka kikosi cha kudumisha amani ili kukabiliana na ongezeko la visa vya waasi nchini humo.
Kwenye taarifa ya pamoja, marais Uhuru Kenyatta, Felix Tshisekedi, Yoweri Museveni wa Uganda na Evariste Ndayishimiye wa Burundi, pia waliafikiana kuwa makundi yote yaliyojihami yashiriki bila ya masharti kwenye mchakato wa kutatua misuguano yao na iwapo watashindwa jeshi la kikosi cha kudumisha amani cha Kanda kitaingilia kati.
Soma pia→DRC imekua rasmi mwanachama wa saba wa EAC
Uongozi wa kujitolea ?
Mkutano wa leo unajiri juma moja baada ya DRC kujumuishwa katika jumuiya ya Afrika Mashariki, Chini ya uwenyekiti wa rais Kenyatta.
MADA ZINAZOHUSIANA
Afrika Mashariki
Uhuru Kenyatta
EPA
Etienne Tshisekedi
Common Front for Congo - FCC
Félix Tshisekedi
"Nachukua fursa hii kumshukuru Rais Museveni, Rais Ndayishemeye, kwa kupata nafasi ya kufika hapa kushuhudia tukio hili. Kufikia hatua hii imegharimu uongozi wa kujitolea.”
Rais wa Rwanda Paul Kagame amewakilishwa kwenye mkutano huo na waziri wa mambo yya kigeni Vincent Biruta. Sababu za Rais Kagame kushindwa kufika kwenye mkutano huo zingali hazijabainika. Aidha mkutano wa Alhamisi uliafikiana kuanzisha sekreteriati ya kuhakikisha kuwa maamuzi yaliyoafikiwa yameteelezwa.
Soma pia→Mapigano yazuka baina ya jeshi la Kongo na waasi wa M23
Ni akina nani watakaoshiriki ?
M23 Rebellen erobern Goma
Waasi wa M23 wakiwa mjini Goma mwaka 2012
Hata hivyo msemaji wa kundi la waasi la M23 W***y Ngoma hakufichua iwapo watashiriki kwenye mkutano huo.
