Canada Craze

06/08/2024

Swikriti Khadka and Esha Subedi, based in Brampton, Ontario, balance careers in medical labs and recruiting alongside a shared love for Nepali dance and the glamour industry. Esha's success as the 2023 Miss Nepal North America 2nd Runner-up and Swikriti's upcoming competition reflect their dedication. Join them as they delve into some Quick Questions, revealing their unique perspectives. For the full video, please watch Nepal Touch's YouTube channel.

06/04/2024

स्वीकृति खड्का, अन्टारियोको ब्राम्पटनस्थित 'जस्ट डान्स स्टुडियो' की प्रशिक्षक तथा सञ्चालक हुन्। सन् २०१७ मा क्यानाडा आएकी उनी परिवारसहित त्यसै शहरमा बसोबास गर्छिन्। मेडिकल क्षेत्रमा कार्यरत उनी थप उच्च शिक्षा हासिल गरिरहेकी छन्। नेपालमै नृत्य प्रशिक्षण गर्ने उनले क्यानाडामा पनि रुचिको कामलाई निरन्तरता दिनेक्रममा यसलाई नछोडेकी हुन्। नेपालीका अतिरिक्त हिन्दी गीत र जुम्बा शैलीका नृत्यमा पनि उनको कौशल छ। टोरन्टो क्षेत्रका नेपालीभाषीलाई 'आफ्नो स्टुडियो भ्रमण गर्न र इच्छा लागे नृत्य प्रशिक्षण लिन' खड्काले आग्रह गरेकी छन्। #

06/03/2024

शरद पौडेल, क्यानाडाको अन्टारियोस्थित मिसिसागामा 'चार्टड प्रोफेसनल एकाउण्टेन्ट' का रुपमा कार्यरत छन्। सन् २०१० मा सपरिवार क्यानाडा आएका हुन् उनी। टोरन्टोसहित थुप्रै शहरमा दर्जनौं नेपालीहरु व्यापारतिर लागेको उनले नजिकबाट देखेका छन्। साना तथा मझौला व्यवसाय गरिरहेका तथा गर्न चाहने नेपालीलाई पेशागत सहयोग पुर्याइरहेका पौडेलले 'क्यानाडामा कम्पनी दर्ता गरेर कसरी व्यापार सुरु गर्ने' भन्नेबारे उपयोगी सुझाव दिएका छन्।

05/28/2024

उच्च शिक्षा अध्ययननिम्ति क्यानाडा आएका विदेशी विद्यार्थीले यहीं स्थायी आश्रय माग्दै शरणार्थी आवेदन गर्नेक्रम बढ्दो छ। त्यसो गर्नेमा नेपाली विद्यार्थी पनि छन् तर संख्या यकिन छैन। विद्यार्थीले 'शरणार्थी बन्नुपर्ने' कारण, यसका असर तथा सम्भावित परिणामबारे हामीले इमिग्रेसन कन्सल्ट्यान्टद्वय मुगा राजभण्डारी र विनोद श्रेष्ठसँग कुराकानी गरेका छौं।

05/27/2024

टोरन्टो क्षेत्रका सिनेमा हलमा केही समययता नेपाली चलचित्रहरु प्रदर्शन हुन थालेका छन्। यसको श्रेय सुमन गुरुङलाई जान्छ, जसले 'टी लिभ्स्' नामको कम्पनी दर्ता गरेर त्यस्ता चलचित्र क्यानाडाका नेपालीलाई देखाउन थालेका हुन्। प्रदर्शन अधिकार खरिद गरेर नेपाली चलचित्र क्यानाडाका सिनेमा हलमा चलाउँदा सधैं नाफा नहुने जोखिमबीच पनि उनले यसलाई निरन्तरता दिइरहेका छन्। 'टी लिभ्स' मा सुमनलाई साथ दिने अरु थुप्रै युवा छन्। टोरन्टो क्षेत्रमा अरु कलाप्रेमी थुप्रै युवाले नेपाली चलचित्र प्रदर्शनमा ल्याउनुका अतिरिक्त रुचाइएका कलाकार बोलाएर कन्सर्टसमेत गर्दै आएका छन्।

05/21/2024

उच्च शिक्षा अध्ययननिम्ति क्यानाडा आउन चाहने विद्यार्थीले बेलैमा बुद्धि पुर्याए अन्टारियोबाटै स्थायी बसोबासको सुविधा मिल्न सक्छ। ब्राम्पटनस्थित 'ह्वाइट बन्नी इमिग्रेसन' सञ्चालक विनोद श्रेष्ठले अन्टारियोका ५ शहरमा सञ्चालित एउटा कार्यक्रमबारे जानकारी दिंदै नेपाली विद्यार्थीले त्यसबाट फाइदा लिनसक्ने बताएका छन्। हेर्नुहोस् यो भिडियो #

05/18/2024

क्यानाडाले जसरी आप्रवासी भित्र्याउँछ, उसैगरी निकाला पनि गर्छ। भित्रिनेको तुलनामा निकालिनेको संख्या न्युन भए पनि यो बर्षेनी बढेको देखिन्छ। सन् २०२३ मा निकाला हुनेको औसत संख्या दैनिक ३९ थियो। के गल्ती गर्दा डिपोर्ट (निकाला) हुनुपर्छ? हेर्नुहोस्, 'रेगुलेटेड क्यानेडियन इमिग्रेसन कन्सल्ट्यान्ट' मुगा राजभण्डारीसँगको यो कुराकाी #

05/15/2024

स्थायी बसोबासनिम्ति क्यानाडा आएका अभिभावक र यतै जन्मे हुर्केका सन्तानबीच भाषिक सांस्कृतिक द्वन्द्व छ। घरघरमा चल्ने यो अन्तहीन द्वन्द्वको समाधान के हुन सक्छ? हामीले यसबारे 'युर्निभसिटी अफ् टोरन्टो' मा कार्यरत डा. थमनाथ अधिकारीलाई प्रश्न गरेका छौं।

05/14/2024

सन् २०२४, क्यानाडा विदेशी विद्यार्थीका लागि उत्साहबर्द्धक रहेन। सरकारले चार कुरामा कडाइ गरेपछि लाखौं विद्यार्थी प्रभावित भए। तर, आप्रवासन मन्त्री मार्क मिलरले भर्खरै गरेको एउटा घोषणाले क्यानाडामा स्थायी बसोबास गर्न चाहने विदेशी विद्यार्थीलाई केही आशावादी बनाएको छ। थप जानकारी, अन्टारियोको ब्राम्पटनस्थित 'ह्वाइट बन्नी इमिग्रेसन'का 'रेगुलेटेड क्यानेडियन इमिग्रेसन कन्सल्ट्यान्ट' विनोद श्रेष्ठबाट

05/12/2024

अल्बर्टा प्रान्तले लागू गरेको एउटा कार्यक्रमअन्तर्गत क्यानाडामा स्थायी बसोबासको अवसर मिल्न सक्छ। त्यसका लागि को को योग्य हुन्छन् र के के मापदण्ड पूरा गर्नुपर्छ भन्नेमा केन्द्रित रहेर यो सामग्री तयार पारिएको छ। हेर्नुहोस्, अन्टारियोको मिसिसागाबाट 'रेगुलेटेड क्यानेडियन इमिग्रेसन कन्सल्ट्यान्ट' मुगा राजभण्डारीले दिएको सुझाब

05/11/2024

मापदण्ड पूरा गर्नसके नेपालबाटै वर्क पर्मिटमा क्यानाडा आउन पाइन्छ। अँग्रेजी भाषाको ज्ञान छ र कुनै कामको सीप छ भने तपाईँ पनि क्यानाडाको वर्क पर्मिटका लागि योग्य हुनुहुनेछ। क्यानाडाको वर्क पर्मिट, एलएमआइए, अवसर र अप्ठ्याराबारे विस्तृत जानकारी दिने उद्देश्यले यो भिडियो बनाइएको हो।

05/07/2024

विनोद श्रेष्ठ, अन्टारियोको ब्राम्पटनस्थित 'ह्वाइट बन्नी इमिग्रेसन सर्भिसेज' का रेगुलेटेड क्यानेडियन इमिग्रेसन कन्सल्ट्यान्ट हुन्। २०२४ जनवरीदेखि बद्लिएको आप्रवासन नीतिले क्यानाडामा रहेका तथा आउन चाहिरहेका विद्यार्थीलाई पर्नसक्ने असर र अब के पढ्दा राम्रो हुन्छ भन्नेबारे श्रेष्ठले दिएको सुझाब हेर्नुहोस्।

04/25/2024

१९ मार्च २०२४ देखि क्यानाडाले विदेशी विद्यार्थीका हकमा थुप्रै नियम परिवर्तन गरेको छ। यसले नेपाली विद्यार्थीलाई पार्ने असर र अपनाउनुपर्ने सावधानीबारे अन्टारियोस्थित मिसिसागाबाट रेगुलेटेड क्यानेडियन इमिग्रेसन कन्सल्ट्यान्ट मुगा राजभण्डारीले दिएको सल्लाह सुझाब

04/21/2024

'नेपाल टच' को नयाँ स्तम्भ क्वीक फायरमा रजिष्टर्ड नर्सद्वय लीलानाथ पाण्डे र सरिता सुवेदीसँग सवाल जवाफ। क्यानाडाको अन्टारियोस्थित मिसिसागा निवासी उनीहरु दम्पती हुन्। नेपालमै स्वास्थ्य सेवामा कार्यरत यो दम्पती टोरन्टो क्षेत्रमा उही पेशामा आवद्ध छ। विस्तृत कुराकानी छिट्टै प्रशारण हुनेछ।

04/15/2024

नाम रहरले फेरिन्छ वा बाध्यताले?
"दुबै कारणले फेरेको पाइन्छ" रेगुलेटेड क्यानेडियन इमिग्रेसन कन्सल्ट्यान्ट मुगा राजभण्डारी भन्छन्, "नेपालीले नाम फेर्ने कारण झनै रोचक छन्।" विदेशमा नेपालीले नाम फेर्ने कारणबारे यो रमाइलो सामग्री

04/14/2024

Ward 2 Councillor Alvin Tedjo, a candidate in the Mississauga (Ontario, Canada) mayoral race, is actively engaging with various communities to discuss key issues such as housing, affordability, and street safety. Since launching his campaign on January 29, Tedjo has been focusing on grassroots efforts, particularly reaching out to the Nepali community for their support in the upcoming byelection. His dedication to understanding and addressing the concerns of Mississauga residents is evident as he meets with people across the city. Tedjo is one of four council members vying to succeed Bonnie Crombie as mayor.

04/09/2024

९० वर्षको उमेरमा २८ वटा दाँत भएका थुप्रै बिरामी भेटेका दन्तचिकित्सक हुन् प्रवीण तिवारी र उषा सेढाईं। क्यानाडाको अन्टारियोस्थित लण्डनमा बसोबास गर्ने उनीहरु दम्पती हुन्, जो एकै पेशामा आवद्ध छन्। 'दाँतको सुरक्षा कसरी गर्ने?' भनेर हामीले दन्तचिकित्सक दम्पतीलाई प्रश्न सोधेका थियौं। हेर्नुहोस्, उनीहरुको जवाफ जस्ताको तस्तै

04/07/2024

"फ्रेञ्च भाषामा राम्रो पकड भए क्यानाडाको पीआर पाउन सम्भव छ" रेगुलेटेड क्यानेडियन इमिग्रेसन कन्सल्ट्यान्ट मुगा राजभण्डारी भन्छन्, "नेपालमा भएकाले उतै र क्यानाडामा रहेकाले यतै सिकेर फ्रेञ्च भाषामा पकड बनाउन सक्छन्।" अंग्रेजीको तुलनामा फ्रेञ्च भाषामा कम स्कोरमै क्यानाडाको पीआरका लागि योग्य भइने उल्लेख गर्दै राजभण्डारीले फ्रेञ्च जान्दा अवसरका अरु ढोका पनि खुल्दै जाने बताउँछन्। उनी स्वयं फ्रेञ्च भाषीको बाहुल्य रहेको क्युबेकको मन्ट्रियलमा १७ वर्ष बसेर २०१५ देखि टोरन्टो सरेका हुन्।

04/05/2024

"क्यानाडामा देखासिकीले घर किन्नु हुँदैन" टोरन्टोस्थित रियल स्टेट ब्रोकर लक्ष्मण सुवेदीको सुझाब छ, "फलानोले त किनिसक्यो, हामी के कम भन्नेतिर लाग्नु हुँदैन।" १० वर्षदेखि रियल स्टेट व्यवसायमा संलग्न सुवेदीले चार सयभन्दा धेरै घर किनबेच गरिसकेको उल्लेख गर्दै घर किन्ने र धान्ने तरिका सुझाएका छन्। हेर्नुहोस्, यो सामग्री-

04/03/2024

'क्यानाडामा काम पाइएन' भन्ने गुनासो सर्वत्र भइरहँदा रेगुलेटेड क्यानेडियन इमिग्रेसन कन्सल्ट्यान्ट अशोक पौडेल भन्छन्, "यो देशमा सीप बिक्छ, गुनासो होइन।" अर्थात्, क्यानाडामा दक्ष कामदारको सधैं माग भइरहन्छ। समयअनुसार त्यस्ता कामदारको दक्षता फरक फरक क्षेत्रमा खोजिन्छ। "अहिले सूचना प्रविधि र स्वास्थ्य क्षेत्रमा दक्ष कामदारको माग धेरै छ" पौडेल भन्छन्, "काम पाइएन भनेर गुनासो गर्नु साटो क्षमता विकास गरेर आफूलाई प्रतिस्पर्धी बनाउनु बुद्धिमानी हुन्छ।" हेर्नुहोस्, यो जानकारीमूलक सामग्री

04/03/2024

क्यानेडियन दन्तचिकित्सक प्रविण तिवारी र उषा सेढाईं दम्पत्ती हुन्।
उनीहरु क्यानाडाको अन्टारियोस्थित लण्डनमा बसोबास गर्छन्। देश छोडेको एक दशक बितिसक्दा पनि दैनिक जीवनमा नेपाल कसरी 'टच' हुन्छ भन्ने सन्दर्भमा हामीले उनीहरुसँग कुराकानी गरेका छौं।

03/30/2024

व्यापारमा सफल हुन के के कुराको खाँचो हुन्छ?
"पहिलो कुरा आफ्नो दक्षता केमा छ, त्यो जान्नुपर्छ" अन्टारियोको मिसिसागा बस्ने व्यापारी राम पौडेल भन्छन्, "त्यसले सफलताको दिशानिर्देश गर्छ।" पौडेल क्यानाडामा लामो समयदेखि व्यापार व्यवसायमा छन्। नेपाल छँदैदेखिको व्यापारलाई निरन्तरता दिइरहेका पौडेलले क्यानाडामा व्यापार गर्न चाहनेका लागि उपयोगी सुझाव दिएका छन्। हेर्नुहोस्, यो सामग्री

03/28/2024

क्यानाडाको टोरन्टो क्षेत्रमा पैदलयात्रा गर्नुहुन्छ?
त्यसो हो भने थाहा पाउनुहोस्, बाटो काटिरहेको पैदलयात्री जोगाउने क्रममा सवारी दुर्घटना भए चालकलाई होइन उल्टै पैदलयात्रीलाई 'क्रिमिनल चार्ज' हुन सक्छ। तर, कस्तो अवस्थामा? थाहा पाउन अन्टारियोका कानुन व्यवसायी भोजराज भट्टले दिएको यो जानकारी हेर्नुहोस्

03/23/2024

क्यानाडामा तपाईँको सम्पत्तिको हकवाला कोही नभए के हुन्छ?
"यदि विल बनाएको छ भने नेपालमा पनि दिन सकिन्छ" टोरन्टोस्थित कानुन व्यवसायी रमेश कार्की भन्छन्, "विल नबनाएको भए र हकवाला पनि नरहे तपाईँको सम्पत्ति सरकारको हुन्छ।" क्यानाडाको अन्टारियो प्रान्तको सम्पत्ति कानुनबारे उपयोगी सामग्री हेर्नुहोस्

03/19/2024

03/18/2024

रमेश कार्की, टोरन्टोमा कानुन व्यवसाय गर्छन्। क्यानाडामा स्वास्थ्य र सम्पत्ति जोगाउन एउटा कागज महत्वपूर्ण मानिन्छ- 'पावर अफ एटोर्नी।' आफूले इच्छाएको व्यक्तिलाई स्वास्थ्योपचार र सम्पत्ति किनबेचको अधिकार दिने मञ्जुरीनामालाई 'पावर अफ एटोर्नी' भनिन्छ। यो कसले, किन र कसरी बनाउनुपर्छ भन्नेबारे कानुन व्यवसायी कार्कीले दिएको यो सुझाव हेर्नुहोस्। #

03/16/2024

क्यानाडामा तपाईँ पनि रेष्टुरेन्ट व्यवसाय गर्न इच्छुक हुनुहुन्छ?
इच्छा, अनुभव र आत्मविश्वास छ भने रेष्टुरेन्ट व्यवसाय सुरु गर्न यहाँका ठुला बैंकले एक मिलियन डलरसम्म ऋण उपलब्ध गराउँछन्। विस्तृत जानकारी अन्टारियोस्थित आरबीसी बैंकमा कार्यरत कुमार उप्रेतीबाट, जो उक्त बैंकका रिलेसनसीप म्यानेजर हुन्।

03/15/2024

मञ्जु बस्नेत, क्यानाडाको अन्टारियोस्थित लण्डनमा बसोबास गर्छिन्। त्यसक्षेत्रका १० देखि १४ वर्षसम्मका बालबालिकालाई 'ग्याजेटमा कम, क्षमता विकासमा बढी केन्द्रित हुन' प्रशिक्षण दिन्छिन्। बच्चा 'बिग्रिनु'मा अभिभावकको हात हुने उल्लेख गर्दै बस्नेतले भनिन्, सपार्न पनि हाम्रै हात प्रमुख हुन्छ। हेर्नुहोस्, यो उपयोगी सामग्री

03/14/2024

पढाइ पूरा भएपछि क्यानाडाको वर्क पर्मिट कसरी लिने?
हेर्नुहोस्, अन्टारियोको ब्राम्पटनस्थित 'आर्टिक इमिग्रेसन इन्क'बाट रेगुलेटेड क्यानेडियन इमिग्रेसन कन्सल्ट्यान्ट रामकुमार अधिकारीले दिएको सुझाब।

03/13/2024

संघीय सरकारले निम्न आय भएका क्यानेडियनको दन्त उपचार निःशुल्क गर्ने भएको छ। 'यसबाट कसले, कसरी, कस्ता फाइदा लिन सक्छन्' भनेर हामीले अन्टारियोस्थित लण्डनमा कार्यरत दन्तचिकित्सकद्वय प्रविन तिवारी र उषा सेढाईंलाई प्रश्न गरेका थियौं। हेर्नुहोस्, यो जानकारीमूलक भिडियो