Rasha Taireh Consulting Center

12/17/2024

كيف بنعمل الحوار مع ذاتنا

11/11/2024

11/11/2024

الاحترام المتواصل بين الشريكين وخصوصاً عند اختلاف آرائهم أو الخلافات بيناتهم، هو أهم مثال إيجابي خلال تربيتهم لأبنائهم.

10/28/2024

لما الحياة تحملك خسارة علاقات مهمة بحياتك بتحملك معها الزعل لأن الموضوع مو سهل.
رجاع وقف ع رجليك يمكن صار الوقت تسمع موسيقى جديدة لأن الحياة ما بترجع لورا بتمشي لقدام.
عم إحكي عن جد سماع موسيقى جديدة!!

Send a message to learn more

10/14/2024

شو رأيكم: هيك المنظر معبر عن ترميم نفسيتي يلي بيشبه ترقيع زفت الطرقات بكندا 😂😂؟
على القليلة بتصير السيارات (أيام الحياة) بتمشي بدون ما تعلق بالجور (متاعبي من الماضي) 😉😉😁😁

06/21/2024

وضعين صعبين كتير عالناس وبيأثروا على كل أفراد العيلة:
- لما العيلة يكون فيها ابن أو ابنة عندهم اضطراب نفسي.
- لما الطفل يكون عندو حدا (أو الاتنين) من أهلو مريض نفسي.
الوضعين حتى لو كتير ناس بتحاول تخفيهم وتطمرهم بس هنن منتشرين انتشار واسع وإنكارهم بيزيد وبيعزز آثارهم السيئة على الإنسانية.
استشيروا أهل الاختصاص عن كل المظاهر النفسية يلي شاكين فيها.

06/20/2024

بالنسبة إلكم أي فكرة بتعيقكم أكتر بالحياة:
لما حدا من أهلكم (الأب أو الأم) يوصفوكم بأنكم بشعين (أو مكروهين، أو أي صفة سلبية تانية)؟
أو لما ترددوا بحواركم الذاتي جملة (أنا بشع/ة) وبتتعاملوا مع حالكم على هالأساس؟
شو الحلول يلي ساعدتكم؟

06/18/2024

سؤال للنقاش: شو يلي بيمنعكم لتكونوا على صورة ذاتكم يلي بتحبوها؟

06/03/2024

كان إلي شرف استضافتي بفقرة يلا تغيير مع Shatha AT ضمن برنامج Alhawa souri.الهوى سوري
بتمنالكم متابعة مفيدة

05/20/2024

فكرة من وحي الخيال: يمكن أسهل كتير علينا أنو كل حدا منتلاقى فيه بالحياة، يكون معو كتاب تعليمات بيشرحلنا كيفية التعامل معو: أهلنا، أخوتنا، أبناءنا، أزواجنا، أصدقاءنا، زملاء العمل....
قولتكم هيك بتختفي صراعاتنا ومنعيش بسلام؟

03/21/2024

في أشخاص بيخافوا من الوحدة بمعنى أنهم بيتجنبوا يبقوا حتى ولو شوية وقت مع حالهم.
يلي بيصير معهم بمواقف الوحدة متل هي أنو بيشتد توترهم من الأفكار والحوارات والذكريات يلي بتدور براسهم.
في منهم بيفكروا أنهم رح يجنوا على قد ما عندهم أفكار، وفي منهم عن جد عندهم اضطرابات نفسية.
ولهيك بيحاولوا يتحايلوا على وحدتهم بأنهم يلجأوا أو يهربوا للزواج بأي طريقة أو لكترة الشغل أو لعلاقات زيادة عن حاجتهم لحتى يشغلوا وقتهم وتفكيرهم.
بس يا ترى فعلاً هيك بيستفيدوا؟

03/18/2024

صباحكم مليء بالرجاء والتعزية لكل خسارة وفقدان لشخص عزيز عليكم أو شيء أو موضوع مهم إلكم.
إذا بعد فترة حداد مناسبة لسا ما وصلتوا لحالة التقبل اعملوا تقييم لوضع صحتكم النفسية مع استشاريين نفسيين لحتى تتأكدوا أنو الأمر ما رح يتطور عندكم لاكتئاب.

03/17/2024

في حواليكم طالبات أو طلاب شهادات بيحتاجوا تحفيز وتشجيع بمواجهة الضغط يلي ممكن يعانوا منو خلال هالفترة لنهاية الفحص؟
خليهم يتواصوا معي عالمسنجر.
منقدم الخدمة مجاناً ومنلتزم باحترام خصوصية المعلومات.

03/16/2024

كيف بتبدوا صباحكم بالتحفيز الذاتي؟ خصوصي بالأوقات الصعبة، شو الحوار يلي ممكن تحكوه مع حالكم؟
ويا ترى مع أبناءكم بتقدروا تحاكوهم بتحفيز حتى وقت بتكونوا بمزاج مضطرب؟