Harji TV

11/07/2024

5 ਨਵੰਬਰ ਨੂੰ ਟਰਾਂਟੋ ਨਿਵਾਸੀ 29 ਸਾਲਾ ਟਰੱਕ ਡਰਾਈਵਰ ਸੁੱਖਜਿੰਦਰ ਸਿੰਘ ਮਿਸ਼ੀਗਨ ਅਮਰੀਕਾ ਵਿੱਚ 16.5 ਮਿਲੀਅਨ ਡਾਲਰ (1 ਕਰੋੜ 65 ਲੱਖ ਡਾਲਰ) ਦੀ ਕੋਕੇਨ ਦੇ ਨਾਲ਼ ਪੁਲਿਸ ਨੇ ਗ੍ਰਿਫਤਾਰ ਕੀਤਾ ਹੈ।

11/07/2024

ਬੌਧਿਕ ਕੰਗਾਲੀ ਤੇ ਦਿਖਾਵੇ ਵਾਲੇ ਸਮਾਗਮ!

ਸਮਾਜਿਕ ਰੀਤਾਂ-ਰਸਮਾਂ, ਵਿਆਹਾਂ ਦੇ ਸਮਾਗਮ, ਸਭਿਆਚਾਰਕ ਮੇਲੇ, ਖੇਡਾਂ ਆਦਿ ਹਰ ਸਮਾਜ ਦਾ ਇੱਕ ਅਨਿਖੜਵਾਂ ਅੰਗ ਹੁੰਦੇ ਹਨ।ਖੁਸ਼ੀਆਂ-ਗ਼ਮੀਆਂ ਪਰਿਵਾਰਕ ਤੇ ਸਮਾਜਿਕ ਜੀਵਨ ਵਿੱਚ ਸਾਥ-ਸਾਥ ਚਲਦੀਆਂ ਹਨ।ਇਨ੍ਹਾਂ ਵਿੱਚ ਇੱਕ ਤਵਾਜ਼ਨ ਬਣਾ ਕੇ ਚੱਲਣਾ ਕਿਸੇ ਵੀ ਸਭਿਅਕ ਸਮਾਜ ਲਈ ਬੜਾ ਜਰੂਰੀ ਹੁੰਦਾ ਹੈ। ਇਹ ਤੇ ਮੈਨੂੰ ਪਤਾ ਨਹੀਂ ਕਿ ਪੰਜਾਬੀ ਪਹਿਲਾਂ ਤੋਂ ਹੀ ਅਜਿਹੇ ਹਨ, ਪਰ ਅੱਜ ਦੇ ਸਮੇਂ ਵਿੱਚ ਜੋ ਦੇਖਣ-ਸੁਣਨ ਨੂੰ ਮਿਲਦਾ ਹੈ, ਉਹ ਕੋਈ ਸ਼ੁੱਭ ਸ਼ਗਨ ਨਹੀਂ ਹੈ।

ਪੰਜਾਬੀਆਂ ਦੇ ਹਰ ਤਰ੍ਹਾਂ ਦੇ ਪ੍ਰੋਗਰਾਮਾਂ ਵਿੱਚ ਜਿਥੇ ਸੰਜੀਦਗੀ ਤੇ ਸਾਦਾਪਨ ਦਿਨੋ-ਦਿਨ ਅਲੋਪ ਹੋ ਰਿਹਾ ਹੈ, ਉਥੇ ਉਲਾਰ ਤੇ ਫੁਕਰਾਪਨ ਸਭ ਪਾਸੇ ਵਧਦਾ ਨਜ਼ਰ ਆ ਰਿਹਾ ਹੈ। ਇਸਦੇ ਨਾਲ-ਨਾਲ ਸਾਡੇ ਧਾਰਮਿਕ ਸਮਾਗਮਾਂ ਤੋਂ ਲੈ ਕੇ ਸਮਾਜਿਕ, ਰਾਜਨੀਤਕ, ਪਰਿਵਾਰਕ ਹਰ ਤਰ੍ਹਾਂ ਦੇ ਫੰਕਸ਼ਨਾਂ ਵਿੱਚ ਲਿਫਾਫੇਬਾਜੀ ਵੱਧ ਹੁੰਦੀ ਹੈ।

‘ਅੱਡੀਆਂ ਚੁੱਕ ਕੇ ਫਾਹਾ ਲੈਣਾ' ਜਿਥੇ ਸਾਡੇ ਕੌਮੀ ਸੁਭਾਅ ਦਾ ਹਿੱਸਾ ਬਣਦਾ ਜਾ ਰਿਹਾ ਹੈ, ਉਥੇ 'ਚਾਦਰ ਦੇਖ ਕੇ ਪੈਰ ਪਸਾਰਨਾ' ਸਾਨੂੰ ਭੁੱਲਦਾ ਹੀ ਜਾ ਰਿਹਾ ਹੈ। ਜਿਥੇ ਸਾਡੇ ਪਰਿਵਾਰਕ ਤੇ ਸਮਾਜਿਕ ਸਮਾਗਮਾਂ ਵਿੱਚ ਦਿਖਾਵੇਬਾਜੀ ਪ੍ਰਧਾਨ ਹੁੰਦੀ ਜਾ ਰਹੀ ਹੈ, ਉਥੇ ਧਾਰਮਿਕ ਸਮਾਗਮ ਫੋਕਟ ਰੀਤਾਂ-ਰਸਮਾਂ ਨਾਲ ਭਰਪੂਰ ਹਨ।

ਇੱਕ ਪਾਸੇ ਅਸੀਂ ਨਸ਼ਿਆਂ ਨਾਲ ਨੌਜਵਾਨੀ ਦੀ ਹੋ ਰਹੀ ਤਬਾਹੀ ਲਈ ਬੜਾ ਰੌਲਾ-ਰੱਪਾ ਪਾ ਰਹੇ ਹਾਂ, ਉਥੇ ਸਾਡੇ ਪਰਿਵਾਰਕ, ਸਮਾਜਿਕ, ਰਾਜਨੀਤਕ ਤੇ ਇਥੋਂ ਤੱਕ ਕਿ ਧਾਰਮਿਕ ਸਮਾਗਮ ਵੀ ਦਾਰੂ ਤੋਂ ਬਿਨਾਂ ਸੰਪੂਰਨ ਨਹੀਂ ਹੁੰਦੇ ਹਨ। ਸਾਡੇ ਧਾਰਮਿਕ ਸਮਾਗਮ ਵੀ ਨਿਰੇ ਕਰਮਕਾਂਡ ਤੇ ਸ਼ੋਰ ਸ਼ਰਾਬੇ ਤੋਂ ਵੱਧ ਕੁਝ ਨਹੀਂ ਹੁੰਦੇ। ਵਿਆਹਾਂ ਵਰਗੇ ਖੁਸ਼ੀਆਂ ਦੇ ਮੌਕੇ ਤੇ ਦਿਖਾਵੇਬਾਜੀ ਕਿਸੇ ਹੱਦ ਤੱਕ ਜਾਇਜ ਹੋ ਸਕਦੀ ਹੈ, ਹੁਣ ਤੇ ਅਸੀਂ ਮਰਨਿਆਂ ਨੂੰ ਵੀ ਪੂਰੇ ਜ਼ਸ਼ਨਾਂ ਨਾਲ ਮਨਾਉਂਦੇ ਹਾਂ। ਮਰਨਿਆਂ ਤੇ ਭਾਰੀ ਇਕੱਠ ਕਰਨ ਨੂੰ ਵੀ ਸ਼ਾਨ ਸਮਝਦੇ ਹਾਂ।

ਸਾਡੇ ਉਨ੍ਹਾਂ ਫੰਕਸ਼ਨਾਂ ਤੇ ਵੱਧ ਭੀੜਾਂ ਇਕੱਠੀਆਂ ਹੁੰਦੀਆਂ ਹਨ, ਜਿਥੇ ਸ਼ੋਰ-ਸ਼ਰਾਬਾ ਜਾਂ ਹਲਕੇ ਪੱਧਰ ਦਾ ਮਨੋਰੰਜਨ ਹੋਵੇ। ਪਰ ਇਸਦੇ ਉਲਟ ਕਿਸੇ ਵੀ ਤਰ੍ਹਾਂ ਦੇ ਸੰਜੀਦਾ ਪ੍ਰੋਗਰਾਮਾਂ ਲਈ ਗਿਣਤੀ ਦੇ ਬੰਦੇ ਇਕੱਠੇ ਕਰਨ ਲਈ ਵੀ ਅਨੇਕਾਂ ਯਤਨ ਕਰਦੇ ਪੈਂਦੇ ਹਨ।

ਬੇਸ਼ਕ ਅਸੀਂ ਅਕਾਦਮਿਕ ਵਿਦਿਆ ਵਿੱਚ ਤਾਂ ਕਿਸੇ ਹੱਦ ਤਾਂ ਠੀਕ ਹਾਂ, ਪਰ ਸਾਹਿਤਕ, ਸਮਾਜਿਕ, ਧਾਰਮਿਕ ਪੜ੍ਹਾਈ ਵਿੱਚ ਅਸੀਂ ਦਿਨੋ-ਦਿਨ ਬੌਧਿਕ ਤੌਰ ਤੇ ਕੰਗਾਲ ਹੁੰਦੇ ਜਾ ਰਹੇ ਹਾਂ। ਇਹ ਗੱਲ ਸਾਡੇ ਨਾਲ ਹੁਣ ਪੱਕੀ ਜੁੜ ਗਈ ਹੈ ਕਿ ਪੰਜਾਬੀਆਂ ਦੇ ਘਰਾਂ ਵਿਚੋਂ ਮਹਿੰਗੀ ਤੋਂ ਮਹਿੰਗੀ ਸ਼ਰਾਬ ਦੀ ਬੋਤਲ ਤਾਂ ਜਰੂਰ ਮਿਲ ਸਕਦੀ ਹੈ, ਪਰ ਕੋਈ ਚੰਗੀ ਕਿਤਾਬ ਨਹੀਂ ਲੱਭਦੀ।

ਸਾਡਾ ਧਾਰਮਿਕ ਸਿਸਟਮ ਅਜਿਹਾ ਬਣਦਾ ਜਾ ਰਿਹਾ ਹੈ ਕਿ ਜਿਥੇ ਪੜ੍ਹਿਆਂ ਲਿਖਿਆਂ ਨੂੰ ਧਰਮ ਤੇ ਧਰਮ ਅਸਥਾਨਾਂ ਤੋਂ ਦੂਰ ਧੱਕਿਆ ਜਾ ਰਿਹਾ ਹੈ। ਕਿਸੇ ਡਾਕਟਰ ਦੀ ਡਿਗਰੀ ਪ੍ਰਾਪਤ ਸਿੱਖ ਵਿਦਵਾਨ ਨੂੰ ਦਸ ਮਿੰਟ ਗੁਰਦੁਆਰੇ ਵਿੱਚ ਬੋਲਣ ਤੋਂ ਪਹਿਲਾਂ ਕਮੇਟੀਆਂ ਕੋਲ ਸਿਫਾਰਿਸ਼ ਹੀ ਨਹੀਂ ਕਰਨੀ ਪੈਂਦੀ, ਸਗੋਂ ਪ੍ਰਬੰਧਕਾਂ ਨੂੰ ਕਈ ਤਰ੍ਹਾਂ ਦੇ ਸਪੱਸ਼ਟੀਕਰਨ ਵੀ ਦੇਣੇ ਪੈਂਦੇ ਹਨ ਤੇ ਕਈ ਤਰ੍ਹਾਂ ਦੀਆਂ ਹਿਦਾਇਤਾਂ ਤੋਂ ਬਾਅਦ ਮੌਕਾ ਮਿਲਦਾ ਹੈ, ਉਹ ਵੀ ਕਿਸੇ ਕਿਸੇ ਵਿਦਵਾਨ ਨੂੰ, ਜਦਕਿ ਕੋਈ ਲੰਮੇ ਚੋਲ਼ੇ, ਗੋਲ ਦਸਤਾਰ ਵਾਲਾ ਸਾਧ ਆ ਜਾਵੇ ਤਾਂ ਘੰਟਿਆਂ ਬੱਧੀ ਢੋਲਕੀਆਂ ਛੈਣੇ ਖੜਕਾ ਸਕਦਾ ਹੈ, ਉਸਨੂੰ ਕੋਈ ਪੁਛਣ ਵਾਲਾ ਨਹੀਂ।

ਪੜ੍ਹ-ਲਿਖੇ ਤੇ ਸੂਝਵਾਨ ਲੋਕ ਸੱਚ ਦਾ ਸਾਹਮਣਾ ਕਰਨ ਦੀ ਥਾਂ ਡਰ ਦੇ ਸਾਏ ਹੇਠ ਘਰਾਂ ਵਿੱਚ ਜਾ ਵੜੇ ਹਨ। ਦਿਖਾਵੇ, ਪਹਿਰਾਵੇ ਤੇ ਪਾਖੰਡ ਹੀ ਸਭ ਪਾਸੇ ਪ੍ਰਧਾਨ ਹਨ। ਸਿੱਖ ਦੇ ਬਾਹਰੀ ਸਰੂਪ ਨੂੰ ਹੀ ਇੱਕ ਮਾਤਰ ਸਿੱਖ ਹੋਣ ਦਾ ਪ੍ਰਮਾਣ ਬਣਾ ਲਿਆ ਗਿਆ ਹੈ। ਜਿਸ ਕਾਰਨ 80% ਤੋਂ ਵੱਧ ਮੋਨੇ ਜਾਂ ਨਾਨ ਅੰਮ੍ਰਿਤਧਾਰੀ ਵਿਅਕਤੀ ਕਮਿਉਨਿਟੀ ਤੇ ਖਾਸਕਰ ਧਾਰਮਿਕ ਕੰਮਾਂ ਵਿੱਚੋਂ ਬਾਹਰ ਕਰ ਦਿੱਤੇ ਗਏ ਹਨ। ਜਿਸ ਨਾਲ਼ ਯੂਥ ਤੇ ਕਮਿਉਨਿਟੀ ਦਾ ਬਹੁਤ ਵੱਡਾ ਟੈਲੈਂਟ ਕਮਿਉਨਿਟੀ ਦੇ ਕਿਸੇ ਕੰਮ ਨਹੀਂ ਆ ਰਿਹਾ। ਸਿਰਫ ਬਾਣਾ ਹੀ ਪ੍ਰਧਾਨ ਹੋ ਗਿਆ ਹੈ, ਬੰਦੇ ਵਿੱਚ ਕੋਈ ਗੁਣ ਹੋਵੇ ਜਾਂ ਨਾ। ਹੁਣ ਤਾਂ ਗੁਰਬਾਣੀ ਫੁਰਮਾਨ ਅਨੁਸਾਰ:
ਕੂੜ ਉਮਾਵਸ ਸੱਚ ਚੰਦਰਮਾ ਦੀਸੈ ਨਾਹੀ ਕੈ ਚੜਿਆ।।

ਹਰਚਰਨ ਸਿੰਘ ਪ੍ਰਹਾਰ 06.11.23

Admin Author Followers

11/06/2024

ਮੈਂ ਇੱਕ ਪਟੀਸ਼ਨ ਬਣਾਉਣ ਬਾਰੇ ਸੋਚ ਰਿਹਾ ਹਾਂ ਕਿ ਕਨੇਡਾ ‘ਚ ਧਰਮ ਨੂੰ ਸਿਆਸਤ ਲਈ ਅਤੇ ਸਿਆਸਤ ਨੂੰ ਧਰਮ ਲਈ ਵਰਤਣ ‘ਤੇ ਪਾਬੰਧੀ ਲਗਾਈ ਜਾਵੇ। ਕਿਸੇ ਵੀ ਧਾਰਮਿਕ ਅਸਥਾਨ ‘ਤੇ ਵੋਟਾਂ ਮੰਗਣ ਜਾਂ ਰਾਜਨੀਤਕ ਲੋਕਾਂ ਦੇ ਬੋਲਣ ‘ਤੇ ਪਾਬੰਧੀ ਹੋਵੇ।
ਆਪਣੀ ਰਾਏ ਦਿਓ!

11/06/2024

ਫਰੀਡਮ ਆਫ ਸਪੀਚ ਦੇ ਨਾਮ ‘ਤੇ
ਹਿੰਸਾ ਕਰਨ, ਹਿੰਸਾ ਨੂੰ ਪ੍ਰਚਾਰਨ, ਹਿੰਸਾ ਨੂੰ ਉਤਸ਼ਾਹਿਤ ਕਰਨ, ਹਿੰਸਾ ਭੜਕਾਉਣ ਨੂੰ ਅਪਰਾਧ ਦੀ ਸ਼੍ਰੇਣੀ ‘ਚ ਸ਼ਾਮਿਲ ਕਰਕੇ ਜੇ ਪੁਲਿਸ ਲੋਕਾਂ ਨੂ ਚਾਰਜ ਕਰਨ ਲੱਗੇ ਤਾਂ ਕਨੇਡਾ ਵਿੱਚ ਬਹੁਤ ਮਸਲੇ ਹੱਲ ਹੋ ਸਕਦੇ ਹਨ।

11/05/2024

ਮੌਡਰੇਟ ਸਿੱਖ ਸੁਸਾਇਟੀਆਂ ਦਾ ਭਾਰੀ ਇਕੱਠ- ਫਿਰਕੂ ਨਫਰਤ ਤੇ ਹੁੱਲੜਬਾਜ਼ਾਂ ਦਾ ਡਟਕੇ ਮੁਕਾਬਲਾ ਕਰਨ ਦਾ ਸੱਦਾ

ਵੈਨਕੂਵਰ ( ਜੋਗਿੰਦਰ ਸਿੰਘ ਸੁੰਨੜ)-ਬੀਤੇ ਦਿਨ 3 ਨਵੰਬਰ ਦਿਨ ਐਤਵਾਰ ਨੂੰ ਖਾਲਸਾ ਦੀਵਾਨ ਸੁਸਾਇਟੀ ਵੈਨਕੂਵਰ ਵਲੋਂ ਸ੍ਰੀ ਗੁਰੂ ਗਰੰਥ ਸਾਹਿਬ ਦੇ ਸਤਿਕਾਰ ਅਤੇ ਮਾਣ-ਮਰਿਆਦਾ ਦੇ ਮੁੱਦੇ ਉਪਰ ਨਾਮ ਨਿਹਾਦ ਸਤਿਕਾਰ ਕਮੇਟੀ ਵਲੋਂ ਕੀਤੀਆਂ ਗਈਆਂ ਆਪਹੁਦਰੀਆਂ ਕਾਰਵਾਈ ਨੂੰ ਰੋਕੇ ਜਾਣ ਦੇ ਸੱਦੇ ਉਪਰ ਸਰੀ ਦੇ ਆਰੀਆ ਬੈਂਕੁਇਟ ਹਾਲ ਵਿਚ ਬੀਸੀ ਦੀਆਂ ਮੌਡਰੇਟ ਸਿੱਖ ਸੁਸਾਇਟੀਆਂ ਦਾ ਇਕ ਭਾਰੀ ਇਕੱਠ ਹੋਇਆ।

ਇਸ ਇਕੱਠ ਦੌਰਾਨ ਪਿਛਲੇ ਸਮੇਂ ਦੌਰਾਨ ਨਾਮ ਨਿਹਾਦ ਸਤਿਕਾਰ ਕਮੇਟੀ ਅਤੇ ਖਾਲਿਸਤਾਨੀ ਸਮਰਥਕਾਂ ਵਲੋਂ ਲਗਾਤਾਰ ਮੌਡਰੇਟ ਕਮੇਟੀਆਂ ਦੇ ਪ੍ਰਬੰਧ ਵਾਲੇ ਗੁਰੂ ਘਰਾਂ ਵਿਚ ਦਖਲ ਅੰਦਾਜ਼ੀ ਕਰਦਿਆਂ ਹੁਲੜਬਾਜ਼ੀ ਕਰਨ, ਆਨੰਦ ਕਾਰਜ ਦੀ ਰਸਮ ਦੌਰਾਨ ਗੁਰੂ ਗਰੰਥ ਸਾਹਿਬ ਜੀ ਦੇ ਸਰੂਪ ਜਬਰੀ ਚੁੱਕਣ, ਬਜੁਰਗ ਪੈਨਸ਼ਨਰਾਂ ਲਈ ਲਗਾਏ ਜਾਂਦੇ ਕੌਂਸਲੇਟ ਵਲੋਂ ਲਾਈਫ ਸਰਟੀਫਿਕੇਟ ਕੈਂਪਾਂ ਦੌਰਾਨ ਪ੍ਰਬੰਧਕਾਂ, ਅਧਿਕਾਰੀਆਂ ਤੇ ਬਜੁਰਗਾਂ ਨੂੰ ਗਾਲੀ ਗਲੋਚ ਕਰਨ, ਡਰਾਉਣ ਧਮਕਾਉਣ ਅਤੇ ਨਗਰ ਕੀਰਤਨ ਦੌਰਾਨ ਵੀ ਖੱਪਖਾਨਾ ਪਾਉਣ ਦੀਆਂ ਕੋਸ਼ਿਸ਼ਾਂ ਅਤੇ ਗੁੰਡਾਗਰਦੀ ਵਾਲੇ ਵਿਵਹਾਰ ਦੀ ਨਿੰਦਾ ਕਰਦਿਆਂ ਇਹਨਾਂ ਹੁਲੜਬਾਜ਼ ਤਾਕਤਾਂ ਖਿਲਾਫ ਇਕਮੁੱਠ ਹੋਣ ਤੇ ਮੁਕਾਬਲਾ ਕਰਨ ਦਾ ਸੱਦਾ ਦਿੱਤਾ ਗਿਆ। ਮੌਡਰੇਟ ਸਿੱਖ ਸੁਸਾਇਟੀਆਂ ਦੇ ਪ੍ਰਬੰਧ ਵਿਚ ਦਖਲ ਦੇਣ ਵਾਲੇ ਹੁਲੜਬਾਜ਼ਾਂ ਤੇ ਉਹਨਾਂ ਦੇ ਸਮਰਥਕਾਂ ਖਿਲਾਫ ਡਟਕੇ ਖੜਨ ਅਤੇ ਉਹਨਾਂ ਦਾ ਮੂੰਹ ਤੋੜ ਜਵਾਬ ਦੇਣ ਲਈ ਇਕੱਠ ਵਲੋਂ ਹੱਥ ਖੜੇ ਕਰਕੇ ਮਤਾ ਪਾਸ ਕੀਤਾ ਗਿਆ।

ਜਿਕਰਯੋਗ ਹੈ ਕਿ ਬੀਤੇ ਦਿਨੀ ਵੈਨਕੂਵਰ ਗੁਰੂ ਘਰ ਵਿਖ ਕੌਂਸਲੇਟ ਕੈਂਪ ਦੌਰਾਨ ਲਾਈਫ ਸਰਟੀਫਕੇਟ ਲੈਣ ਆਏ ਬਜੁਰਗ ਪੈਨਸ਼ਰਾਂ ਨੂੰ ਵਿਖਾਵਾਕਾਰੀਆਂ ਨੇ ਧਮਕੀਆਂ ਦਿੰਦਿਆਂ ਕਿਹਾ ਕਿ ਤੁਸੀਂ ਆਪਣੀ ਮੌਤ ਦੇ ਸਰਟੀਫਿਕੇਟ ਤੇ ਸਾਈਨ ਕਰ ਰਹੇ ਹੋ ਨਾਕਿ ਲਾਈਫ ਸਰਟੀਫਿਕੇਟਾਂ ਉਪਰ। ਇਸਤੋਂ ਪੈਨਸ਼ਨਰਾਂ ਵਿਚ ਭਾਰੀ ਰੋਸ ਪਾਇਆ ਗਿਆ ਤੇ ਉਹਨਾਂ ਵਿਖਾਵਾਕਾਰੀਆਂ ਦੀ ਗੁੰਡਾਗਰਦੀ ਦੀ ਕਰੜੀ ਨਿੰਦਾ ਕੀਤੀ।

ਇਸ ਇਕੱਠ ਦੌਰਾਨ ਮੰਚ ਦੀ ਸੰਚਾਲਨਾ ਕਰਦਿਆਂ ਖਾਲਸਾ ਦੀਵਾਨ ਸੁਸਾਇਟੀ ਦੇ ਸਕੱਤਰ ਕਸ਼ਮੀਰ ਸਿੰਘ ਧਾਲੀਵਾਲ ਨੇ ਸਾਰੀਆਂ ਸੁਸਾਇਟੀਆਂ ਅਤੇ ਸੰਗਤਾਂ ਦਾ ਧੰਨਵਾਦ ਕੀਤਾ ਜੋ ਵੱਡੀ ਗਿਣਤੀ ਵਿਚ ਪੁੱਜੇ ਸਨ। ਕਸ਼ਮੀਰ ਸਿੰਘ ਧਾਲੀਵਾਲ ਨੇ ਮੀਟਿੰਗ ਬੁਲਾਉਣ ਅਤੇ ਏਜੰਡੇ ਬਾਰੇ ਗੱਲਬਾਤ ਕਰਦੇ ਹੋਏ ਦੱਸਿਆ ਕਿ ਪਿਛਲੇ ਕੁਝ ਸਮੇਂ ਤੋਂ ਮੌਡਰੇਟ ਸਿੱਖ ਸੁਸਾਇਟੀਆਂ ਖਿਲਾਫ ਕੁਝ ਵਿਅਕਤੀਆਂ ਵਲੋਂ ਗੁੰਡਾਗਰਦੀ ਕਰਦਿਆਂ ਧਮਕੀਆਂ ਅਤੇ ਗੰਦੀ ਭਾਸ਼ਾ ਦੀ ਵਰਤੋਂ ਲਗਾਤਾਰ ਕੀਤੀ ਜਾ ਰਹੀ ਹੈ। ਜਿਵੇਂ ਇਸ ਸਾਲ ਨਗਰ ਕੀਰਤਨ ਵਿਚ ਵਿਗਾੜ ਪਾਉਣ ਤੇ ਗੰਦੀ ਭਾਸ਼ਾ ਦਾ ਇਸਤੇਮਾਲ ਕਰਨਾ, ਪਿਛਲੇ ਸਾਲ ਤੇ ਇਸ ਸਾਲ ਲਾਈਫ ਸਰਟੀਫਿਕੇਟ ਦੇਣ ਆਏ ਕੌਂਸਲੇਟ ਜਨਰਲ ਵੈਨਕੂਵਰ ਦੇ ਅਧਿਕਾਰੀਆਂ ਨੂੰ ਮੰਦੀ ਭਾਸ਼ਾ ਬੋਲਣਾ, ਕਮੇਟੀ ਮੈਂਬਰਾਂ ਨੂੰ ਗਾਲੀ ਗਲੋਚ ਕਰਨਾ ਅਤੇ ਜੇ ਪੀ ਫਾਰਮ ਤੋਂ ਅਨੰਦ ਕਾਰਜ ਦੀ ਰਸਮ ਸਮੇਂ ਗੁਰੂ ਗਰੰਥ ਸਾਹਿਬ ਦਾ ਸਰੂਪ ਜਬਰੀ ਚੁੱਕ ਕੇ ਲੈ ਜਾਣਾ ਅਤੇ ਧਮਕੀਆਂ ਦਾ ਸਿਲਸਿਲਾ ਜਾਰੀ ਰੱਖਦਿਆਂ ਇਹ ਕਹਿਣਾ ਕਿ ਤੁਹਾਡੇ ਨਾਲ ਮੱਸੇ ਰੰਗੜ ਵਾਲਾ ਵਰਤਾਓ ਕੀਤਾ ਜਾਵੇਗਾ।

ਖਾਸ ਤੌਰ ਤੇ ਸਕੱਤਰ ਕਸ਼ਮੀਰ ਸਿੰਘ ਧਾਲੀਵਾਲ ਨੂੰ ਕਸ਼ਮੀਰੀ ਲਾਲ ਦੇ ਨਾਮ ਨਾਲ ਚਿੜਾਉਣਾ। ਇਸ ਤਰਾਂ ਦੀਆਂ ਅਨੇਕਾਂ ਉਦਾਹਰਣਾਂ ਹਨ ਜੋ ਪ੍ਰੇਸ਼ਾਨੀ ਦਾ ਕਾਰਣ ਹਨ। ਕੁਲਦੀਪ ਸਿੰਘ ਥਾਂਦੀ ਪ੍ਰਧਾਨ ਖਾਲਸਾ ਦੀਵਾਨ ਸੁਸਾਇਟੀ ਨੇ ਇਹਨਾਂ ਘਟਨਾਵਾਂ ਦੀ ਕਰੜੇ ਸ਼ਬਦਾਂ ਵਿਚ ਨਿੰਦਾ ਕਰਦਿਆਂ ਕਿਹਾ ਕਿ ਸਾਡੇ ਸਬਰ ਦਾ ਪਿਆਲਾ ਭਰ ਚੁੱਕਾ ਹੈ। ਉਹ ਇਸ ਗੁੰਡਾਗਰਦੀ ਦਾ ਵਿਰੋਧ ਕਰਦੇ ਹਨ ਤੇ ਹੁਣ ਸਾਨੂੰ ਮਜਬੂਰ ਹੋਕੇ ਇਹਨਾਂ ਵਿਰੁੱਧ ਸਖਤ ਸਟੈਂਡ ਲੈਣਾ ਪਵੇਗਾ ਤਦ ਹੀ ਇਹਨਾਂ ਨੂੰ ਨੱਥ ਪਾਈ ਜਾ ਸਕੇਗੀ। ਇਸ ਗੱਲ ਤੇ ਸੰਗਤਾਂ ਨੇ ਜੈਕਾਰਿਆਂ ਨਾਲ ਕੁਲਦੀਪ ਸਿੰਘ ਥਾਂਦੀ ਦੇ ਇਸ ਸਟੈਂਡ ਦੀ ਹਮਾਇਤ ਕੀਤੀ ਅਤੇ ਹੱਥ ਖੜੇ ਕਰਕੇ ਇਸਦੀ ਪ੍ਰਵਾਨਗੀ ਦਿੱਤੀ।ਉਹਨਾਂ ਕਿਹਾ ਕਿ ਸਾਨੂੰ ਆਉਣ ਵਾਲੇ ਸਮੇਂ ਵਿਚ ਇਕਮੁੱਠ ਹੋਕੇ ਇਸ ਬੁਰਸ਼ਾਗਰਦੀ ਨੂੰ ਰੋਕਣ ਲਈ ਸਟੈਂਡ ਲੈਣਾ ਪਵੇਗਾ। ਇਸ ਵਾਰ ਅਸੀਂ ਕੌਸਲੇਟ ਦਫਤਰ ਦਾ ਕੈਂਪ ਲਗਾਉਣ ਤੋਂ ਪਹਿਲਾਂ ਕੋਰਟ ਤੋਂ ਸੁਰੱਖਿਆ ਲਈ ਆਰਡਰ ਪ੍ਰਾਪਤ ਕੀਤੇ ਸਨ ਤਾਂ ਜੋ ਲਾਈਫ ਸਰਟੀਫਿਕੇਟ ਜਾਰੀ ਕਰਨ ਸਮੇਂ ਅਧਿਕਾਰੀਆਂ ਤੇ ਪੈਨਸ਼ਨਰਾਂ ਨੂੰ ਕੋਈ ਪ੍ਰੇਸ਼ਾਨੀ ਨਾ ਹੋਵੇ ਪਰ ਅੱਗੇ ਤੋਂ ਅਸੀਂ ਇਸ ਨਾਲ ਆਪ ਨਿਜੱਠਣਾ ਜਾਣਦੇ ਹਾਂ ਤੇ ਨਿਜੱਠਾਂਗੇ ਵੀ।

ਮੁੱਖ ਬੁਲਾਰਿਆਂ ਵਿਚ ਕੁਲਵੰਤ ਸਿੰਘ ਢੇਸੀ ਨੇ ਜ਼ੋਰਦਾਰ ਸ਼ਬਦਾਂ ਵਿਚ ਕੁਲਦੀਪ ਸਿੰਘ ਥਾਂਦੀ ਦੀ ਹਮਾਇਤ ਕੀਤੀ ਤੇ ਸੁਝਾਅ ਦਿੱਤਾ ਕਿ ਸਰੀ-ਡੈਲਟਾ ਗੁਰੂ ਘਰ ਦੀਆਂ ਵਧ ਤੋਂ ਵਧ ਵੋਟਾਂ ਬਣਾਓ ਤਾਂਕਿ ਉਥੇ ਕਬਜ਼ਾ ਕਰੀ ਬੈਠੇ ਇਹਨਾਂ ਲੋਕਾਂ ਨੂੰ ਬਾਹਰ ਕੱਢਿਆ ਜਾ ਸਕੇ। ਪ੍ਰੀਤ ਸਿੰਘ ਸੰਧੂ ਨੇ ਵੀ 1998 ਦਾ ਸਮਾਂ ਯਾਦ ਕਰਵਾਉਂਦੇ ਹੋਏ ਦੱਸਿਆ ਕਿ ਉਦੋ ਵੀ ਇਹਨਾਂ ਦੀ ਗੁੰਡਾਗਰਦੀ ਇਸੇ ਤਰਾਂ ਹੀ ਸੀ ਜਿਹਨਾਂ ਨੂੰ ਮੌਡਰੇਟ ਗਰੁੱਪਾਂ ਨੇ ਇਕੱਠੇ ਹੋਕੇ ਨਜਿਠਿਆ ਸੀ।

ਨਾਰਥ ਅਮਰੀਕਾ ਹਿੰਦੂ ਐਸੋਸੀਏਸ਼ਨ ਦੇ ਬੁਲਾਰੇ ਵਿਜੈ ਚੱਕਰਵਰਤੀ ਨੇ ਸੰਬੋਧਨ ਕਰਦਿਆਂ ਕਿਹਾ ਉਸਦਾ ਸਬੰਧ ਕਸ਼ਮੀਰੀ ਪੰਡਿਤਾਂ ਨਾਲ ਹੈ। ਸਿੱਖ ਗੁਰੂ ਸਾਹਿਬਾਨ ਦੀ ਕ੍ਰਿਪਾ ਸਕਦਾ ਹੀ ਉਹਨਾਂ ਦੇ ਧਰਮ ਦੀ ਰੱਖਿਆ ਹੋ ਸਕੀ ਸੀ। ਉਹਨਾਂ ਦੇ ਮਨ ਵਿਚ ਸਿੱਖ ਗੁਰੂਆਂ ਪ੍ਰਤੀ ਭਾਰੀ ਸ਼ਰਧਾ ਹੈ ਪਰ ਕੁਝ ਲੋਕ ਹਿੰਦੂ-ਸਿੱਖਾਂ ਵਿਚਾਲੇ ਪਾੜਾ ਪਾਉਣ ਦਾ ਯਤਨ ਕਰ ਰਹੇ ਹਨ। ਇਸ ਭਾਈਚਾਰਕ ਸਾਂਝ ਨੂੰ ਬਣਾਈ ਰੱਖਣ ਲਈ ਸਾਨੂੰ ਸਭ ਨੂੰ ਇਕਮੁੱਠ ਹੋਣ ਦੀ ਲੋੜ ਹੈ। ਹਿੰਦੂ ਮੰਦਿਰ ਸਰੀ ਦੇ ਪ੍ਰਤੀਨਿਧ ਵਿਨੈ ਸ਼ਰਮਾ ਨੇ ਕਿਹਾ ਕਿ ਹਿੰਦੂ-ਸਿੱਖ ਭਾਈਚਾਰਾ ਇਕ ਹੈ। ਹਿੰਦੂ ਭਾਈਚਾਰਾ ਆਪਣੇ ਦੇਵੀ ਦੇਵਤਿਆਂ ਵਾਂਗ ਹੀ ਸਿੱਖ ਗੁਰੂ ਸਾਹਿਬਾਨ ਪ੍ਰਤੀ ਸ਼ਰਧਾ ਰੱਖਦਾ ਹੈ। ਉਹਨਾਂ ਧਾਰਮਿਕ ਸਥਾਨਾਂ ਉਪਰ ਅੰਤਰਜਾਤੀ ਵਿਆਹਾਂ ਉਪਰ ਰੋਕ ਲਗਾਏ ਜਾਣ ਦੀਆਂ ਕੋਸ਼ਿਸ਼ਾਂ ਕਰਨ ਵਾਲੇ ਨਫਰਤ ਦੇ ਵਪਾਰੀਆਂ ਨੂੰ ਵੀ ਪਛਾਣਨ ਦਾ ਸੱਦਾ ਦਿੱਤਾ। ਗੁਰੂ ਰਵਿਦਾਸ ਸਭਾ ਵੈਨਕੂਵਰ ਦੇ ਪ੍ਰਧਾਨ ਹਰਜੀਤ ਸਿੰਘ ਸੋਹਪਾਲ ਨੇ ਭਾਈਚਾਰੇ ਸਾਂਝ ਦੀ ਮਜ਼ਬੂਤੀ ਉਪਰ ਜ਼ੋਰ ਦਿੱਤਾ। ਉਹਨਾਂ ਕਿਹਾ ਕਿ ਖਾਲਸਾ ਦੀਵਾਨ ਸੁਸਾਇਟੀ ਜੋ ਵੀ ਪ੍ਰੋਗਰਾਮ ਦੇਵੇਗੀ, ਉਹ ਉਸਦਾ ਹਮੇਸ਼ਾ ਸਾਥ ਦੇਣਗੇ।

ਇਸ ਮੌਕੇ ਵਿਚਾਰ ਪੇਸ਼ ਕਰਨ ਵਾਲਿਆਂ ਵਿਚ ਮਲਕੀਤ ਸਿੰਘ ਧਾਮੀ ਸਾਬਕਾ ਪ੍ਰਧਾਨ, ਜਸਵਿੰਦਰ ਸਿੰਘ ਹੇਅਰ, ਦਰਸ਼ਨ ਮਾਹਲ, ਗੁਰਦੇਵ ਸਿੰਘ ਬਰਾੜ, ਗੁਰਬਖਸ਼ ਸਿੰਘ ਬਾਗੀ ਸੰਘੇੜਾ, ਗਿਆਨੀ ਹਰਕੀਰਤ ਸਿੰਘ, ਬਿਲ ਬਸਰਾ ਸਾਬਕਾ ਪ੍ਰਧਾਨ ਗੁਰੂ ਰਵਿਦਾਸ ਸਭਾ, ਮਨਜੀਤ ਸਿੰਘ ਪਨੇਸਰ ਸਾਬਕਾ ਸਕੱਤਰ ਰਾਮਗੜੀਆ ਸੁਸਾਇਟੀ ਸਰੀ, ਮਨਿੰਦਰ ਸਿੰਘ ਗਿੱਲ ਪ੍ਰਧਾਨ ਖਾਲਸਾ ਦੀਵਾਨ ਸੁਸਾਇਟੀ ਐਬਸਫੋਰਡ, ਪ੍ਰਸ਼ੋਤਮ ਗੋਇਲ ਪ੍ਰਤੀਨਿਧ ਲਕਸ਼ਮੀ ਨਾਰਾਇਣ ਮੰਦਿਰ ਤੇ ਹੋਰ ਬੁਲਾਰੇ ਸ਼ਾਮਿਲ ਸਨ ਜਿਹਨਾਂ ਨੇ ਖੁਲਕੇ ਆਪਣੇ ਵਿਚਾਰ ਰੱਖੇ ਤੇ ਖਾਲਸਾ ਦੀਵਾਨ ਸੁਸਾਇਟੀ ਨੂੰ ਹਰ ਤਰਾਂ ਦਾ ਸਹਿਯੋਗ ਦੇਣ ਦਾ ਵਾਅਦਾ ਕੀਤਾ। ਅਖੀਰ ਵਿਚ ਕਸ਼ਮੀਰ ਸਿੰਘ ਧਾਲੀਵਾਲ ਨੇ ਸਮੂਹ ਸੰਗਤਾਂ ਦਾ ਧੰਨਵਾਦ ਕੀਤਾ। ਮੌਡਰੇਟ ਗਰੁੱਪ ਦੀ ਇਹ ਮੀਟਿੰਗ ਸਫਲਤਾ ਪੂਰਵਕ ਸਮਾਪਤ ਹੋਈ ਜਿਸ ਨਾਲ ਮੌਡਰੇਟ ਸਿੱਖ ਸੁਸਾਇਟੀਆਂ ਦੇ ਨੁਮਾਇੰਦੇ ਭਾਰੀ ਉਤਸ਼ਾਹ ਵਿਚ ਹਨ।

Des Pardes Newspaper
Sukhwinder Singh Chohla

11/04/2024

ਸੰਸਾਰ ਵਿੱਚ ਸਾਡੇ ਸਰੀਰ ਸਮੇਤ ਸਾਡਾ ਕੁਝ ਵੀ ਨਹੀਂ?

ਕਬੀਰ ਜੀ ਆਪਣੀ ਬਾਣੀ ਦੀਆ ਇਨ੍ਹਾਂ ਤੁਕਾਂ ਵਿੱਚ ਇਹ ਦੱਸ ਰਹੇ ਹਨ ਕਿ ਇਸ ਸੰਸਾਰ ਵਿੱਚ ਸਾਡਾ ਕੁਝ ਵੀ ਨਹੀਂ ਹੈ। ਇਸ ਸਰੀਰ ਤੋਂ ਲੈ ਕੇ ਸੰਸਾਰ ਦੀ ਹਰ ਵਸਤ ਸਾਡੀ ਬਣਾਈ ਹੋਈ ਨਹੀਂ ਹੈ।

ਇਹ ਸਰੀਰ ਅਸੀਂ ਨਹੀਂ ਬਣਾਇਆ, ਸਾਨੂੰ ਮਾਂ-ਬਾਪ ਰਾਹੀਂ ਕੁਦਰਤ ਦੇ ਨਿਯਮ ਅਨੁਸਾਰ ਮਿਲਿਆ ਹੈ। ਇਸ ਸੰਸਾਰ ਵਿੱਚ ਜੋ ਕੁਝ ਵੀ ਸਾਡੀਆਂ ਗਿਆਨ ਤੇ ਕਰਮ ਇੰਦਰੀਆਂ ਦੇ ਅਨੁਭਵ ਵਿੱਚ ਆਉਂਦਾ ਹੈ, ਉਹ ਸਾਡੇ ਸਭ ਦੇ ਆਉਣ ਤੋਂ ਪਹਿਲਾਂ ਹੀ ਇੱਥੇ ਮੌਜੂਦ ਸੀ।

ਹੁਣ ਸਾਇੰਸਦਾਨ ਵੀ ਇਸ ਗੱਲ ਨਾਲ ਸਹਿਮਤ ਹਨ ਕਿ ਸਾਰਾ ਮੈਟਰ ਸ੍ਰਿਸ਼ਟੀ ਦੇ ਬਣਨ ਵੇਲੇ ਹੀ ਵਜੂਦ ਵਿੱਚ ਆ ਗਿਆ ਸੀ ਤੇ ਇਹ ਕਦੇ ਵੀ ਘਟਦਾ ਵਧਦਾ ਨਹੀਂ, ਸਿਰਫ ਸ਼ਕਲ (ਸ਼ੇਪ, ਆਕਾਰ) ਹੀ ਬਦਲਦਾ ਹੈ।

ਕਬੀਰ ਜੀ ਵੀ ਇਹੀ ਸਮਝਾ ਰਹੇ ਹਨ ਕਿ ਐ ਮਨੁੱਖ, ਤੂੰ ਕਿਸ ਮੈਂ ਮੇਰੀ ਦੇ ਚੱਕਰ ਵਿੱਚ ਪੈ ਗਿਆ ਹੈਂ, ਇੱਥੇ ਤੇਰਾ ਕੁਝ ਨਹੀਂ, ਸਭ ਕੁਝ ਇੱਥੇ ਪਹਿਲਾਂ ਹੀ ਤੇਰੇ ਵਰਤਣ ਲਈ ਮੌਜੂਦ ਸੀ ਤੇ ਤੂੰ ਵਰਤ ਕੇ ਇੱਕ ਦਿਨ ਤੁਰ ਜਾਣਾ ਹੈ, ਤੇ ਸਭ ਕੁਝ ਫਿਰ ਵੀ ਇੱਥੇ ਹੀ ਰਹੇਗਾ। ਇਹ ਲੱਖਾਂ ਕਰੋੜਾਂ ਸਾਲਾਂ ਤੋਂ ਇਵੇਂ ਹੀ ਨਿਰੰਤਰ ਚੱਲ ਰਿਹਾ ਹੈ।

ਸਾਇੰਸਦਾਨਾਂ ਨੇ ਜੋ ਖੋਜ ਕੇ ਕਾਢਾਂ ਕੱਢੀਆਂ ਹਨ, ਉਸ ਲਈ ਨਿਯਮ (ਲਾਅ ਆਫ ਨੇਚਰ) ਅਤੇ ਰਾਅ ਮਟੀਰੀਅਲ ਇੱਥੇ ਪਹਿਲਾਂ ਹੀ ਮੌਜੂਦ ਸੀ। ਸਾਇੰਸਦਾਨਾਂ ਨੇ ਨਾ ਕੋਈ ਨਵਾਂ ਮੈਟਰ ਬਣਾਇਆ ਹੈ ਤੇ ਨਾ ਹੀ ਕੋਈ ਨਵਾਂ ਨਿਯਮ ਹੀ ਬਣਾਇਆ ਹੈ। ਉਨ੍ਹਾਂ ਨੇ ਨਿਯਮਾਂ ਨੂੰ ਸਮਝ ਕੇ ਖੋਜਾਂ ਹੀ ਕੀਤੀਆਂ ਹਨ। ਉਨ੍ਹਾਂ ਖੋਜਾਂ ਦੇ ਅਧਾਰ ਤੇ ਮਨੁੱਖਤਾ ਲਈ ਅਨੇਕਾਂ ਸੁੱਖ ਸਹੂਲਤਾਂ ਪੈਦਾ ਕੀਤੀਆਂ ਹਨ।

ਇਸੇ ਲਈ ਬਾਣੀ ਸਮਝਾ ਰਹੀ ਹੈ ਕਿ ਐ ਮਨੁੱਖ! ਤੂੰ ਹੰਕਾਰ ਕਿਸ ਗੱਲ ਦਾ ਕਰ ਰਿਹਾ ਹੈਂ? ਤੇਰੇ ਕੋਲ ਤਾਂ ਤੇਰਾ ਸਰੀਰ ਵੀ ਆਪਣਾ ਨਹੀਂ ਹੈ। ਦੂਜਾ ਕਿਸੇ ਨੇ ਇੱਥੇ ਪੱਕੇ ਨਹੀਂ ਰਹਿਣਾ।

ਗੁਰਬਾਣੀ ਮਨੁੱਖ ਲਈ ਇੱਕ ਸਵਾਲ ਖੜਾ ਕਰ ਰਹੀ ਹੈ ਕਿ ਜੇ ਕੁਝ ਵੀ ਤੇਰਾ ਨਹੀਂ ਤੇ ਤੂੰ ਇੱਥੇ ਪੱਕੇ ਨਹੀ ਰਹਿਣਾ ਤਾਂ ਫਿਰ ਖੋਜ (ਬੰਦੇ ਖੋਜ ਦਿਲੁ ਹਰਿ ਰੋਜ..) ਕੇ ਇਸ ਜੀਵਨ ਦਾ ਮਕਸਦ ਕੀ ਹੈ? ਜਾਂ ਕੋਈ ਮਕਸਦ ਨਹੀਂ? ਕੀ ਇਹ ਸਿਰਫ ਜਨਮ-ਮਰਨ ਦੀ ਖੇਡ ਹੀ ਚੱਲ ਰਹੀ ਹੈ?

ਕੀ ਜੰਮ ਕੇ, ਕੁਝ ਚਿਰ ਇਸ ਧਰਤੀ ਤੇ ਵਿਚਰ ਕੇ ਮਰ ਜਾਣਾ ਹੀ ਸਾਡੀ ਹੋਣੀ ਹੈ ਜਾਂ ਕੁਝ ਹੋਰ ਮਕਸਦ ਲਈ ਸਾਨੂੰ ਇਹ ਦੁਰਲੱਭ ਜੀਵਨ ਮਿਲਿਆ ਹੈ? ਕੀ ਸਾਡੇ ਸਰੀਰ ਦੇ ਖਤਮ ਹੋਣ ਨਾਲ਼ ਹੀ ਸਾਡਾ ਵਜੂਦ ਵੀ ਖਤਮ ਹੋ ਜਾਵੇਗਾ ਜਾਂ ਇਹ ਅਨੰਤ ਜੀਵਨ ਕਾਲ਼ ਦਾ ਛੋਟਾ ਜਿਹਾ ਪੜਾਅ ਹੈ? ਸਭ ਧਾਰਮਿਕ ਗੁਰੂਆਂ ਨੇ ਇਸ ਜੀਵਨ ਨੂੰ ਜਗਤ ਤਮਾਸ਼ਾ ਹੀ ਨਹੀਂ ਕਿਹਾ, ਸਗੋਂ ਇਹ ਜਗਤ ਮੁਸਾਫ਼ਰਖ਼ਾਨਾ ਵੀ ਕਿਹਾ ਹੈ। ਜਿੱਥੇ ਅਸੀਂ ਕੁਝ ਚਿਰ ਮਹਿਮਾਨ ਦੇ ਤੌਰ ਤੇ ਆਉਂਦੇ ਹਾਂ।

ਇਸ ਤੋਂ ਪਹਿਲਾਂ ਕਿ ਇਹ ਜੀਵਨ ਖਤਮ ਹੋ ਜਾਏ, ਕੀ ਸਾਨੂੰ ਜੀਵਨ ਦੇ ਸੱਚ ਤੇ ਮਕਸਦ ਨੂੰ ਜਾਨਣ ਲਈ ਕੁਝ ਕਰਨਾ ਨਹੀਂ ਚਾਹੀਦਾ? ਕੀ ਸਾਡੇ ਅੰਦਰ ਇਹ ਸਵਾਲ ਨਹੀਂ ਪੈਦਾ ਹੋਣਾ ਚਾਹੀਦਾ?

ਹਰਚਰਨ ਸਿੰਘ ਪ੍ਰਹਾਰ 04/11/23

Everyone Friends

11/03/2024

ਦੀਵਾਲ਼ੀ ਬਨਾਮ ਬੰਦੀ ਛੋੜ ਮੌਕੇ ਪੁਲਿਸ ਨੂੰ ਗੈਰ-ਕਨੂੰਨੀ ਢੰਗ ਨਾਲ਼ ਪਰਾਕੇ ਚਲਾਉਣ ਦੀਆਂ 150 ਤੋਂ ਵੱਧ ਸ਼ਿਕਾਇਤਾਂ ਮਿਲ਼ਿਆਂ!
ਏਅਰ ਪੋਰਟ ਦਾ ਰੰਨ ਵੇ ਡਰ ਅਧੀਨ ਬੰਦ ਕਰਨਾ ਪਿਆ

ਪਿਛਲੇ ਦਿਨੀ ਸਿਟੀ ਆਫ ਕੈਲਗਰੀ ਵੱਲੋਂ ਦਿਵਾਲੀ ਤੋਂ ਕੁਝ ਦਿਨ ਪਹਿਲਾਂ ਇੱਕ ਵਾਰਨਿੰਗ ਜਾਰੀ ਕੀਤੀ ਸੀ ਕਿ ਕੈਲਗਰੀ ਦੇ ਵਿੱਚ ਬਿਨਾਂ ਅਥਰਾਈਜੇਸ਼ਨ ਜਾਂ ਪ੍ਰਮਿਸ਼ਨ ਤੋਂ ਬਿਨਾਂ ਜਿਹੜੇ ਵੀ ਪਟਾਕੇ ਚਲਾਉਣਗੇ, ਉਹਨਾਂ ਨੂੰ ਫਾਈਨ ਕੀਤਾ ਜਾਊਗਾ ਤੇ ਜਾਂ ਉਹਨਾਂ ਤੇ ਕਾਰਵਾਈ ਹੋਊਗੀ

ਪਰ ਅਜਿਹੇ ਹੁਕਮਾਂ ਦੀ ਪ੍ਰਵਾਹ ਕੀਤੇ ਬਿਨਾਂ ਸਿੱਖ ਵੱਸੋਂ ਵਾਲ਼ੇ ਕੈਲਗਰੀ ਨਾਰਥ ਈਸਟ ਵਿੱਚ ਭਾਰੀ ਗਿਣਤੀ ਵਿੱਚ ਪਟਾਕੇ ਚਲਾਏ ਗਏ। ਇਸ ਸਬੰਧੀ ਕੱਲ ਕੈਲਗਰੀ ਪੁਲਿਸ ਨੇ ਇੱਕ ਸਟੇਟਮੈਂਟ ਜਾਰੀ ਕੀਤੀ ਸੀ ਕਿ 31 ਅਕਤੂਬਰ ਥੇ ਪਹਿਲੀ ਨਵੰਬਰ ਦੀਆਂ ਰਾਤਾਂ ਨੂੰ ਉਹਨਾਂ ਦੇ ਕੋਲ ਘੱਟੋ-ਘੱਟ 150 ਤੋਂ ਵੱਧ ਆਮ ਲੋਕਾਂ ਦੀਆਂ ਕਾਲਾਂ ਆਈਆਂ ਜਿਨਾਂ ਦੇ ਵਿੱਚ ਉਨ੍ਹਾਂ ਨੇ ਇਹ ਸ਼ਿਕਾਇਤ ਕੀਤੀ ਕਿ ਉਹ ਬਹੁਤ ਡਿਸਟਰਬ ਹੋਏ, ਕੁੱਤੇ ਬਿੱਲੀਆਂ ਰਾਤ ਭਰ ਭੈਭੀਤ ਰਹੇ। ਸਿਰਫ ਲੇਟ ਨਾਈਟ ਤੱਕ ਹੀ ਨਹੀ, ਸਗੋਂ ਤੜਕੇ ਤੱਕ ਵੀ ਲੋਕ ਪਟਾਕੇ ਚਲਾਉਂਦੇ ਰਹੇ। ਜਿਹੜੇ ਕਿ ਤਕਰੀਬਨ ਸਭ ਜਗ੍ਹਾ ਗੈਰ ਕਨੂੰਨੀ ਢਂਗ ਨਾਲ਼ ਬਿਨਾਂ ਕਿਸੇ ਇਜਾਜ਼ਤ ਤੋਂ ਬਿਨਾਂ ਕਿਸੇ ਸੁਰੱਖਿਆ ਦੇ ਨਿੱਯਮਾਂ ਦੀ ਪਾਲਣਾ ਨਾਲ਼ ਚਲਾਏ ਗਏ। ਖੁਧਕਿਸਮਤੀ ਨਾਲ਼ ਕੋਈ ਦੁਰਘਟਨਾ ਨਹੀ ਵਾਪਰੀ।

ਇਸ ਤੋਂ ਇਲਾਵਾ ਪੁਲਿਸ ਨੇ ਵੀ ਦੱਸਿਆ ਕਿ ਘੱਟੋ-ਘੱਟ 8 ਥਾਵਾਂ ‘ਤੇ ਇੰਨੇ ਜੋਰਦਾਰ ਢੰਗ ਨਾਲ ਪਟਾਕੇ ਚਲਾਏ ਗਏ ਕਿ ਏਅਰਪੋਰਟ ਅਥੋਰਟੀ ਨੂੰ ਖਤਰਾ ਹੋ ਗਿਆ ਕਿ ਕਿਤੇ ਇਹਨਾਂ ਪਟਾਕਿਆਂ ਦੀ ਆੜ ਦੇ ਵਿੱਚ ਕੋਈ ਵਿਅਕਤੀ ਅਜਿਹੀ ਗਲਤ ਕਾਰਵਾਈ ਨਾ ਕਰ ਦਵੇ ਕਿ ਕਿਸੇ ਜਹਾਜ ਨੂੰ ਨੁਕਸਾਨ ਹੋਵੇ। ਜਿਸ ਕਰਕੇ ਉਹਨਾਂ ਨੂੰ ਕੁਝ ਘੰਟਿਆਂ ਦੇ ਲਈ ਏਅਰਪੋਰਟ ਦੇ ਰਨ ਵੇ ਵੀ ਬੰਦ ਕਰਨਾ ਪਏ।

ਪੁਲਿਸ ਇਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ ਤੇ ਜਿਨਾਂ ਨੇ ਕਾਲਾਂ ਕੀਤੀਆਂ ਉਹਨਾਂ ਤੋਂ ਵੀ ਪੁੱਛ-ਗਿਛ ਕਰ ਰਹੀ ਹੈ ਤਾਂ ਕਿ ਜਿਹੜੇ ਲੋਕਾਂ ਨੇ ਗੈਰ-ਕਾਨੂੰਨੀ ਢੰਗ ਨਾਲ ਪਟਾਕੇ ਚਲਾਏ, ਉਹਨਾਂ ‘ਤੇ ਕੋਈ ਕਾਰਵਾਈ ਕੀਤੀ ਜਾ ਸਕੇ, ਉਹਨਾਂ ਨੂੰ ਫਾਈਨ ਕੀਤਾ ਜਾ ਸਕੇ ਤਾਂ ਕਿ ਭਵਿੱਖ ਵਿੱਚ ਅਜਿਹਾ ਨਾ ਹੋਵੇ।

ਆਪਣੀ ਕਮਿਊਨਿਟੀ ਵਿੱਚ ਇੱਕ ਕਾਫੀ ਵੱਡਾ ਹਿੱਸਾ ਅਜਿਹਾ ਹੈ, ਜਿਨਾਂ ਨੂੰ ਗੈਰ-ਕਾਨੂੰਨੀ ਕੰਮ, ਹਿੰਸਾ ਤੇ ਤੋੜ ਭੰਨ ਆਦਿ ਵਿੱਚ ਬਹੁਤ ਦਿਲਚਸਪੀ ਹੈ ਜਾਂ ਉਹ ਅਜਿਹੀਆਂ ਕਰਵਾਈਆਂ ਕਰਕੇ ਖੁਸ਼ ਹੁੰਦੇ ਆ ਤੇ ਇੱਕ ਹਿੱਸਾ ਅਜਿਹਾ ਹੈ, ਜਿਹੜਾ ਫਿਰ ਉਹਨਾਂ ਦੀ ਹਮਾਇਤ ‘ਤੇ ਆ ਜਾਂਦਾ ਹੈ। ਉਹਨਾਂ ਨੂੰ ਪ੍ਰੋਟੈਕਟ ਕਰਨ ਦੀ ਕੋਸ਼ਿਸ਼ ਕਰਦਾ ਹੈ।

ਪਰ ਬਦਕਿਸਮਤੀ ਦੇ ਨਾਲ ਸਾਡੇ ਧਾਰਮਿਕ ਤੇ ਰਾਜਸੀ ਲੀਡਰ ਵੋਟ ਤੇ ਨੋਟ ਦੀ ਰਾਜਨੀਤੀ ਤਹਿਤ ਕਦੇ ਵੀ ਕੋਈ ਕਾਰਵਾਈ ਕਰਨੀ ਤਾਂ ਦੂਰ ਕੋਈ ਬਿਆਨ ਤੱਕ ਨਹੀਂ ਦਿੰਦੇ।, ਸਗੋਂ ਮਿੱਟੀ ਪਾਉਣ ਦੀ ਕੋਸ਼ਿਸ਼ ਕਰਦੇ ਹਨ।

ਹਰਚਰਨ ਸਿੰਘ ਪ੍ਰਹਾਰ
News source: Calgary Herald, City of Calgary Newsroom, City News Calgary, CTV News Calgary 02/11/24

11/03/2024

ਟਰੰਪ ਤੇ ਕਮਲਾ ਵਿੱਚੋਂ ਕੌਣ ਬਾਜ਼ੀ ਮਾਰੇਗਾ?

538 ਚੋਣ ਸਰਵਿਆਂ ਮੁਤਾਬਿਕ ਅਮਰੀਕਾ ਵਿੱਚ ਕਮਲਾ ਤੇ ਟਰੰਪ ਵਿੱਚ ਕਾਂਟੇ ਦੀ ਫਸਵੀਂ ਟੱਕਰ ਹੈ। ਜੇਕਰ ਟਰੰਪ ਪੂਰੀ ਫੁੱਲ ਫੈਟ ਮਿਜੌਰਟੀ ਨਾਲ ਪ੍ਰਧਾਨ ਬਣਦਾ ਹੈ। ਸਮੇਤ ਕਾਂਗਰਸ ਤੇ ਸੈਨਟ ਜਿਸਦੀ ਕਿ ਆਸ ਵੀ ਕੀਤੀ ਜਾ ਸਕਦੀ ਹੈ ਤਾਂ ਦੁਨੀਆ ਤੇ ਅਮੈਰਿਕਾ ਦਾ ਬਹੁਤ ਕੁਝ ਬਦਲ ਜਾਵੇਗਾ।

ਜਿਵੇਂ ਕਿ ਅਮਰੀਕਾ ਵਿੱਚ ਵੀ ਡੈਮੋਕ੍ਰੇਸੀ ਖਤਮ ਕਰਨ ਦੀਆਂ ਗੱਲਾਂ ਚੱਲ ਹੀ ਪਈਆਂ ਹਨ। ਰਾਜਾਸ਼ਾਹੀ ਤੋਂ ਬਾਅਦ ਪੱਛਮੀ ਜਗਤ ਨੇ ਦੁਨੀਆ ਨੂੰ ਲੋਕਤੰਤਰ ਦੀ ਦਾਤ ਦਿੱਤੀ ਸੀ। ਵਿੱਚ ਵਿਚਾਲੇ ਸਮਾਜਵਾਦ ਆ ਗਿਆ ਜੋ ਕਿ ਆਪਣੀ ਮੌਤ ਮਰ ਚੁੱਕਾ ਹੈ।

ਡਿਕਟੇਟਰਸ਼ਿਪ ਵੀ ਰਾਜਾਸ਼ਾਹੀ ਦਾ ਹੀ ਰੂਪ ਹੈ ਤੇ ਮੈਨੂੰ ਲੱਗਦਾ ਹੈ ਉਹ ਸਮਾਂ ਦੁਬਾਰਾ ਆਵੇਗਾ, ਡੈਮੋਕ੍ਰੇਸੀ ਦੀ ਉਮਰ ਵੀ ਬਹੁਤ ਲੰਮੀ ਨਹੀਂ ਲੱਗਦੀ। ਹਾਂ ਤੇ ਜੇ ਟਰੰਪ ਸਾਹਿਬ ਦੁਬਾਰਾ ਆਉਂਦੇ ਹਨ ਤਾਂ ਸ਼ਾਇਦ ਯੂਕਰੇਨ ਨਾਮ ਦਾ ਦੇਸ਼ ਰੂਸ ਦਾ ਹਿੱਸਾ ਹੋ ਜਾਵੇ। ਵੈਸੇ ਪੁਤਿਨ ਪਹਿਲਾਂ ਹੀ ਉਸਨੂੰ ਮਾਨਤਾ ਨਹੀਂ ਦਿੰਦਾ।

ਕਿੰਮ ਯੁੰਗ ਉੱਨ ਵਾਸ਼ਿੰਗਟਨ ਆਵੇਗਾ। ਉਸਦਾ ਸ਼ਹਾਨਾ ਸੁਆਗਤ ਕੀਤਾ ਜਾਵੇ ,ਕੈਨੇਡਾ, ਮੈਕਸੀਕੋ ਤੇ ਚੀਨ ਦਾ ਸਮਾਨ ਭਾਰੀ ਭਰਕਮ ਟੈਰਿਫ ਨਾਲ ਹੀ ਆ ਸਕੇਗਾ।

ਇਜ਼ਰਾਇਲ, ਫਲਸਤੀਨ, ਈਰਾਨ ਦਾ ਮੈਨੂੰ ਕੋਈ ਹੱਲ ਨਿਕਲਦਾ ਨਜ਼ਰ ਨਹੀਂ ਆਉਂਦਾ, ਸ਼ਾਇਦ ਅੱਗ ਨੂੰ ਦੱਬੂ ਦੇ ਦਿੱਤਾ ਜਾਵੇ।

ਬਾਕੀ ਕੈਨੇਡਾ ਵਿੱਚ ਖਾਲਿਸਤਾਨ ਬਣਾਉਣ ਦੀ ਗੱਲ ਵੀ ਆਈ ਗਈ ਹੋ ਜਾਵੇ ਤੇ ਟਰੂਡੋ ਵਰਗਾ ਬੰਦਾ ਦੁਨੀਆ ਨਾਲੋਂ ਹੀ ਵੱਖ ਹੋਕੇ ਰਹਿ ਜਾਵੇ। ਇਸ ਨਾਲ ਤਾਂ ਕੈਨੇਡਾ ਦੇ ਲੋਕਾਂ ਨੇ ਹੀ ਬਹੁਤ ਬੁਰੀ ਕਰਨੀ ਹੈ।

ਅਸੀਂ ਆਸ ਕਰ ਸਕਦੇ ਹਾਂ ਕਿ ਮੋਦੀ,ਪੁਤਿਨ, ਕਿੰਮ ਜੁੰਗ, ਟਰੰਪ। ਰਲਕੇ ਇੱਕੋ ਸਟੇਜ ਤੇ ਤਾਂਡਵ ਕਰਨ ਜਿਸਦੀ ਕਿ ਕਾਂਟੇ ਦੀ ਫਸਵੀਂ ਟੱਕਰ ਚੋਂ ਨਾਂਹ ਦੀ ਸੰਭਾਵਨਾ ਵੀ ਹੈ। ਅੱਜ ਏਨਾ ਹੀ ਗਿਆਨ ਨਾਜ਼ਲ ਹੋਇਆ ਸੀ।

ਤੁਹਾਡਾ ਆਪਣਾ ਦਾਸਨ ਦਾਸ
ਰਣਜੀਤ ਸਿੰਘ ਅਜਨਾਲਾ
Ranjit Singh Ajnala

11/03/2024

ਕਨੇਡਾ ‘ਚ ਅਮਿਤ ਸ਼ਾਹ, ਕਤਲ, ਡਕੈਤੀਆਂ, ਫਿਰੌਤੀਆਂ, ਡਰੱਗ ਸਮਗਲਿੰਗ, ਕਾਰ ਚੋਰੀਆਂ ਤੋਂ ਲੈ ਕੇ ਹੈਲੋਵੀਨ ਮੌਕੇ ਘਰਾਂ ਤੋਂ ਕੈਂਡੀਆਂ ਤੱਕ ਚੋਰੀ ਕਰਾ ਸਕਦਾ?
ਬੇਚਾਰਾ ਕਨੇਡਾ!

11/03/2024

ਕਨੇਡਾ ‘ਚ ਸਭ ਤੋਂ ਵੱਢ ਚੋਰੀ ਹੋਣ ਵਾਲ਼ੀਆਂ ਕਾਰਾਂ ਦੀ ਲਿਸਟ।
The most stolen cars in Canada.

11/01/2024

ਅਸੀਂ ਸਿਰਫ ਸਰੀਰ ਰੂਪੀ ਮਸ਼ੀਨ ਹੀ ਨਹੀਂ, ਵਿਚਾਰ ਵੀ ਹਾਂ?

ਇੱਕ ਰੋਬੋਟ ਤੇ ਸਾਡੇ ਵਿੱਚ ਇਹੀ ਫਰਕ ਹੈ ਕਿ ਅਸੀ ਸਿਰਫ ਸਰੀਰ ਰੂਪੀ ਮਸ਼ੀਨ ਹੀ ਨਹੀਂ ਹਾਂ, ਸਾਡੇ ਕੋਲ ਮਨ ਰੂਪੀ ਵਿਚਾਰਾਂ ਦੀ ਮਸ਼ੀਨ ਵੀ ਹੈ, ਸਾਡੇ ਕੋਲ ਵਿਚਾਰਾਂ ਨੂੰ ਵਿਚਾਰਨ ਦੀ ਬੁੱਧੀ ਵੀ ਹੈ, ਸਾਡੇ ਕੋਲ ਦੇਖਣ, ਸੁਣਨ, ਸੁੰਘਣ, ਟੇਸਟ ਕਰਨ, ਸਪੱਰਸ਼ ਕਰਨ ਵਾਲੇ ਕਰਮ ਇੰਦਿਰਆਂ ਤੋਂ ਇਲਾਵਾ ਦੁੱਖ-ਸੁੱਖ-ਆਨੰਦ, ਖ਼ੁਸ਼ੀ-ਗ਼ਮੀ, ਗਰਮੀ-ਸਰਦੀ, ਪਿਆਰ-ਨਫ਼ਰਤ ਆਦਿ ਦੀਆਂ ਭਾਵਨਾਵਾਂ ਨੂੰ ਮਹਿਸੂਸ ਕਰਨ ਵਾਲਾ ਦਿਲ ਵੀ ਹੈ।

ਪਰ ਇਸ ਸਭ ਦੇ ਬਾਵਜੂਦ ਸਾਡੇ ਤੇ ਸਭ ਤੋਂ ਵੱਧ ਪ੍ਰਭਾਵ ਵਿਚਾਰਾਂ ਦਾ ਹੈ। ਅਸੀਂ ਆਪਣੇ ਮਨ ਵੱਲੋਂ ਬਣਾਏ ਹੋਏ ਵਿਚਾਰਾਂ ਦੇ ਅਧਾਰ ਤੇ ਹੀ ਕਰਮ ਇੰਦਰੀਆਂ ਦੇ ਅਨੁਭਵ ਤੇ ਭਾਵਨਾਵਾਂ ਨੂੰ ਮਹਿਸੂਸ ਜਾਂ ਪ੍ਰਗਟ ਕਰਦੇ ਹਾਂ। ਸਾਨੂੰ ਮਨ ਤੋਂ ਪਾਰ ਜਾਣ ਦੀ ਕਲਾ ਨਾ ਆਉਂਦੀ ਹੋਣ ਕਰਕੇ ਅਸੀਂ ਸਾਰੀ ਜ਼ਿੰਦਗੀ ਮਨ ਦੇ ਗੁਲਾਮ ਬਣੇ ਰਹਿੰਦੇ ਹਾਂ।

ਜਦੋਂ ਤੱਕ ਅਸੀਂ ਇਹ ਕਲਾ ਨਹੀਂ ਸਿੱਖਦੇ, ਮਨ ਦੇ ਭਵ-ਸਾਗਰ ਵਿੱਚ ਹੀ ਗ਼ੋਤੇ ਖਾਂਦੇ ਰਹਿੰਦੇ ਹਾਂ। ਜੀਵਨ ਵਿੱਚ ਪੂਰਨ ਕ੍ਰਾਂਤੀ ਲਈ ਮਨ ਨੂੰ ਮਾਰਨ ਜਾਂ ਮਨ ਗੁਲਾਮ ਬਣਾਉਣ ਜਾਂ ਮਨ ਨੂੰ ਜਿੱਤਣ, ਜਾਂ ਮਨ ਦੀਆਂ ਭਾਵਨਾਵਾਂ ਨੂੰ ਦਬਾਉਣ ਦੀ ਨਹੀਂ, ਉਸ ਤੋਂ ਪਾਰ ਜਾ ਕੇ ਆਪਣਾ ਸਹਿਯੋਗੀ ਬਣਾਉਣ ਦੀ ਲੋੜ ਹੈ ਕਿਉਂਕਿ ਵਿਚਾਰਾਂ ਦਾ ਸਾਡੇ ਜੀਵਨ ਵਿੱਚ ਬਹੁਤ ਮਹੱਤਵਪੂਰਨ ਰੋਲ ਹੈ, ਮਨ ਦੇ ਦਾਇਰੇ ਜਾਂ ਮਨ ਦੀ ਗੁਲਾਮੀ ਵਿੱਚੋਂ ਨਿਕਲੇ ਵਿਚਾਰ ਸਾਡਾ ਹੀ ਨਹੀਂ, ਸਾਡੇ ਆਲੇ-ਦੁਆਲੇ ਦਾ ਜੀਵਨ ਵੀ ਦੂਸ਼ਿਤ ਕਰਦੇ ਹਨ।

ਪਰ ਇਸਦੇ ਉਲਟ ਮਨ ਤੋਂ ਪਾਰ ਦੀ ਅਵਸਥਾ ਦੇ ਵਿਚਾਰ ਸਾਡੇ ਤੇ ਦੂਜਿਆਂ ਦੇ ਜੀਵਨ ਵਿੱਚ ਕ੍ਰਾਂਤੀ ਲਿਆਉਣ ਦੇ ਸਮਰੱਥ ਹਨ। ਕੁਦਰਤ ਦੇ ਲਾਅ ਆਫ ਅਟਰੈਕਸ਼ਨ ਅਨੁਸਾਰ ਸਾਨੂੰ ਉਹੀ ਕੁਝ ਮਿਲਦਾ ਹੈ ਜਾਂ ਅਸੀਂ ਉਸ ਤਰ੍ਹਾਂ ਦੇ ਹੀ ਹੁੰਦੇ ਹਾਂ, ਜਿਸ ਤਰ੍ਹਾਂ ਦੇ ਵਿਚਾਰਾਂ ਨੂੰ ਅਟਰੈਕਟ ਕਰਦੇ ਹਾਂ। ਜੇ ਸਾਨੂੰ ਦੁੱਖ ਮਿਲਦੇ ਹਨ, ਬੀਮਾਰੀ ਮਿਲਦੀ ਹੈ, ਗਲਤ ਲੋਕ ਮਿਲਦੇ ਹਨ ਤਾਂ ਜਰੂਰ ਅਸੀਂ ਹੀ ਅਣਜਾਣ ਜਾਂ ਬੇਹੋਸ਼ੀ ਵਿੱਚ ਉਹ ਕੁਝ ਅਟਰੈਕਟ ਕਰ ਰਹੇ ਹੁੰਦੇ ਹਾਂ।

ਇਸ ਤੋਂ ਉਲਟ ਵੀ ਉਤਨਾ ਹੀ ਸੱਚ ਹੈ। ਜਦੋਂ ਅਸੀਂ ਮਨ ਦੇ ਪ੍ਰਭਾਵ ਜਾਂ ਗੁਲਾਮੀ ਵਿੱਚ ਹੁੰਦੇ ਹਾਂ ਤਾਂ ਸਾਡੇ ਵਿਚਾਰ ਜਾਂ ਭਾਵਨਾਵਾਂ ਬੇਹੋਸ਼ੀ ਵਿੱਚੋਂ ਪੈਦਾ ਹੁੰਦੀਆਂ ਹਨ ਕਿਉਂਕਿ ਸਾਡਾ ਮਨ ਕਾਮ (ਕਾਮਨਾਵਾਂ), ਕਰੋਧ, ਲੋਭ, ਮੋਹ, ਹੰਕਾਰ ਦੇ ਪ੍ਰਭਾਵ ਵਿੱਚ ਹੈ, ਇਸ ਲਈ ਮਨ ਦੀ ਬੇਹੋਸ਼ੀ ਵਿੱਚੋਂ ਹੀ ਸਾਡੀਆਂ ਸਾਰੀਆਂ ਸਮੱਸਿਆਵਾਂ ਪੈਦਾ ਹੁੰਦੀਆਂ ਹਨ, ਸਾਡੇ ਮਾਨਸਿਕ ਤੇ ਸਰੀਰਕ ਰੋਗ ਪੈਦਾ ਹੁੰਦੇ ਹਨ।

ਬੇਹੋਸ਼ ਮਨ ਵਿਕਾਰਾਂ ਦੇ ਪ੍ਰਭਾਵ ਅਧੀਨ ਅਕਸਰ ਗਲਤ ਫ਼ੈਸਲੇ ਕਰਦਾ ਹੈ। ਬੇਸ਼ਕ ਅਸੀ ਬਾਹਰੀ ਸਮਾਜਿਕ, ਧਾਰਮਿਕ, ਸਰਕਾਰੀ ਕਨੂੰਨਾਂ ਤੋਂ ਡਰਦੇ, ਮਨ ਨੂੰ ਉਹ ਸਾਰਾ ਕੁਝ ਨਹੀਂ ਕਰਨ ਦਿੰਦੇ, ਪਰ ਮਨ ਬੜਾ ਤਾਕਤਵਰ ਹੋਣ ਕਰਕੇ ਸਾਨੂੰ ਵਾਰ-ਵਾਰ ਬੇਹੋਸ਼ ਕਰ ਦਿੰਦਾ ਹੈ ਤੇ ਬਹੁਤ ਕੁਝ ਅਜਿਹਾ ਕਰਾ ਦਿੰਦਾ ਹੈ, ਜੋ ਅਸੀਂ ਨਹੀਂ ਵੀ ਕਰਨਾ ਚਾਹੁੰਦੇ ਹੁੰਦੇ।

ਹੋਸ਼ ਦੀ ਸਾਧਨਾ, ਮਨ ਤੋਂ ਪਾਰ ਜਾ ਕੇ ਹੀ ਹੋ ਸਕਦੀ ਹੈ। ਮਨ ਤੋਂ ਪਾਰ ਜਾ ਕੇ ਹੀ ਮਨ ਦੀ ਗੁਲਾਮੀ ਤੋਂ ਛੁਟਕਾਰਾ ਮਿਲ ਸਕਦਾ ਹੈ। ਮਨ ਤੋਂ ਪਾਰ ਅਵਚੇਤਨ ਮਨ ਦੀ ਅਵਸਥਾ ਵਿੱਚ ਮਨ ਨੂੰ ਜੋ ਵੀ ਸੁਝਾਅ ਦੇਵਾਂਗੇ, ਫਿਰ ਸਾਡਾ ਮਨ ਵਿਚਾਰ ਵੀ ਉਸ ਤਰ੍ਹਾਂ ਦੇ ਹੀ ਪੈਦਾ ਕਰੇਗਾ ਤੇ ਅਟਰੈਕਟ ਵੀ ਉਸੇ ਤਰ੍ਹਾਂ ਦੇ ਵਿਚਾਰਾਂ ਨੂੰ ਹੀ ਕਰੇਗਾ।

ਇੱਕ ਪੱਖ ਇਹ ਵੀ ਇਹ ਵੀ ਸਮਝਣ ਵਾਲਾ ਹੈ ਕਿ ਦੁਨੀਆਂ ਵਿੱਚ ਕੁਝ ਵੀ ਵਾਪਰਨ ਤੋਂ ਪਹਿਲਾਂ ਖਲਾਅ ਵਿੱਚੋਂ ਕਿਸੇ ਦੇ ਮਨ ਵਿੱਚ ਇੱਕ ਵਿਚਾਰ ਪੈਦਾ ਹੁੰਦਾ ਹੈ, ਫਿਰ ਉਸ ਵਿਚਾਰ ਨੂੰ ਪ੍ਰਗਟ ਕਰਨ ਲਈ ਬੋਲ ਮਿਲਦੇ ਹਨ, ਇਨ੍ਹਾਂ ਬੋਲਾਂ ਨੂੰ ਫਿਰ ਸ਼ਬਦ ਮਿਲਦੇ ਹਨ, ਇਹ ਸ਼ਬਦ ਹੀ ਫਿਰ ਐਕਸ਼ਨ ਬਣ ਕੇ ਪ੍ਰਗਟ ਹੁੰਦੇ ਹਨ।

ਇਸ ਤੋਂ ਪਹਿਲਾਂ ਕਿ ਸਾਡੇ ਵਿਚਾਰ ਐਕਸ਼ਨ ਬਣਨ, ਜੇ ਅਸੀਂ ਇਨ੍ਹਾਂ ਪ੍ਰਤੀ ਜਾਗਰੂਕ ਹੋ ਜਾਈਏ, ਮਨ ਤੋਂ ਪਾਰ ਜਾ ਕੇ ਅਵਚੇਤਨ ਅਵਸਥਾ ਵਿੱਚ ਮਨ ਨੂੰ ਹਾਂ ਪੱਖੀ ਸੁਝਾਅ ਦੇ ਸਕੀਏ ਤਾਂ ਸਾਡੀ ਹੀ ਨਹੀਂ, ਸਾਡੀ ਸਭ ਦੀ ਜ਼ਿੰਦਗੀ ਖ਼ੂਬਸੂਰਤ ਬਣ ਸਕਦੀ ਹੈ।

ਹਰਚਰਨ ਸਿੰਘ ਪ੍ਰਹਾਰ 01/11/23
Everyone Friends

10/31/2024

ਸਾਡੇ ਅੰਦਰ ਪ੍ਰਭੂ ਦੇ ਸੰਗੀਤ (ਸ਼ਬਦ) ਦੀ ਧੁੰਨ ਗੂੰਜ ਰਹੀ ਹੈ!

ਸਾਡੇ ਅੰਦਰ ਹਰੀ (ਪਰਮਾਤਮਾ) ਦੀ ਧੁਨ ਵੱਜ (ਗੂੰਜ) ਰਹੀ ਹੈ। ਪਰ ਜੱਪਦਾ (ਸੁਣਦਾ) ਉਹੀ ਹੈ, ਜਿਸਦੇ ਭਾਗਾਂ ਵਿੱਚ ਲਿਖਿਆ ਹੈ। ਭਾਵ ਜਿਸ ਤੇ ਪ੍ਰਭੂ ਦੀ ਕਿਰਪਾ ਹੁੰਦੀ ਹੈ। ਇਸੇ ਧੁੰਨ ਨੂੰ ਸੁਣਨ ਲਈ ਬਾਣੀ ਵਿੱਚ ਵਾਰ-ਵਾਰ ਜ਼ਿਕਰ ਆਉਂਦਾ ਹੈ। ਇਸੇ ਨੂੰ ਗੁਰਬਾਣੀ ਵਿੱਚ ਸ਼ਬਦ, ਬਾਣੀ, ਧੁੰਨ, ਨਾਦ, ਅਨਹਦ ਨਾਦ ਆਦਿ ਅਨੇਕਾਂ ਨਾਵਾਂ ਨਾਵਾਂ ਨਾਲ਼ ਸੰਬੋਧਨ ਕੀਤਾ ਗਿਆ ਹੈ।

ਪ੍ਰਮਾਤਮਾ ਦੇ ਇਸ ਬ੍ਰਹਿਮੰਡ ਵਿੱਚ ਚੱਲ ਰਹੇ ਹੁਕਮ ਅਨੁਸਾਰ ਆਪਣੇ ਭਾਗ (ਕਿਸਮਤ) ਬਣਾਉਣ ਵਾਲੇ ਵੀ ਅਸੀਂ ਆਪ ਹੀ ਹਾਂ ਤੇ ਪ੍ਰਭੂ ਦੀ ਕਿਰਪਾ ਵੀ ਸਾਡੇ ਭਾਗਾਂ (ਕਿਸਮਤ) ਅਨੁਸਾਰ ਹੀ ਹੁੰਦੀ ਹੈ।

ਪ੍ਰਭੂ ਕਿਸੇ ਨਾਲ ਕੋਈ ਵਿਤਕਰਾ ਨਹੀਂ ਕਰਦਾ, ਉਸਦੇ ਹੁਕਮ (ਨਿਯਮ) ਵਿੱਚ ਅਸੀਂ ਆਪਣੀ ਬੁੱਧੀ (ਮਨ ਦੇ ਪ੍ਰਭਾਵ) ਵਿੱਚ ਜਿਸ ਤਰ੍ਹਾਂ ਦੇ ਕਰਮ (ਕੰਮ) ਕਰੀ ਜਾਂਦੇ ਹਾਂ, ਉਸ ਅਨੁਸਾਰ ਹੀ ਸਾਡੇ ਸੰਸਕਾਰ ਬਣੀ ਜਾਂਦੇ ਹਨ। ਇਹ ਸੰਸਕਾਰ ਹੀ ਸਾਡੇ ਭਾਗ ਬਣ ਕੇ ਪ੍ਰਗਟ ਹੁੰਦੇ ਹਨ।

ਪ੍ਰਭੂ ਨੇ ਸਾਨੂੰ ਕਰਮ ਕਰਨ ਦੀ ਅਜਾਦੀ ਦਿੱਤੀ ਹੋਈ ਹੈ, ਪਰ ਫਿਰ ਉਨ੍ਹਾਂ ਕਰਮਾਂ ਦੇ ਨਤੀਜੇ ਹੀ ਸਾਡੇ ਭਾਗ ਬਣ ਰਹੇ ਹਨ। ਜਿਸ ਲਈ ਅਗਿਆਨਤਾ ਵਿੱਚ ਦੋਸ਼ ਰੱਬ ਤੇ ਪਾ ਦਿੰਦੇ ਹਾਂ।

ਇਸ ਸ਼ਬਦ ਅਨੁਸਾਰ ਪ੍ਰਭੂ ਦੀ ਧੁੰਨ, ਅੰਮ੍ਰਿਤ ਰੂਪ ਵਿੱਚ ਅੰਦਰ ਗੂੰਜ ਰਹੀ ਹੈ, ਜੇ ਅਸੀਂ ਉਸਨੂੰ ਨਹੀਂ ਸੁਣਦੇ ਤਾਂ ਸਾਡੇ ਮੰਦੇ ਭਾਗ ਹਨ। ਜੇ ਸਾਨੂੰ ਨਹੀਂ ਸੁਣਦੀ ਤਾਂ ਜਿਸਨੂੰ ਸੁਣਦੀ ਹੈ, ਉਸ ਤੋਂ ਪੁੱਛ ਕੇ ਭਾਗਾਂ ਵਾਲੇ ਬਣ ਸਕਦੇ ਹਾਂ।

ਪਰ ਇਹ ਜੀਵ ਆਤਮਾ ਦੇ ਪ੍ਰਭੂ ਨੂੰ ਮਿਲਣ ਦੀ ਉਹ ਤੀਜੀ ਅਵਸਥਾ ਹੈ, ਜਿੱਥੇ ਪਹੁੰਚ ਕੇ ਮਨ ਵਿੱਚ ਉਸ ਪ੍ਰਭੂ ਨੂੰ ਮਿਲਣ ਲਈ ਬੈਰਾਗ (ਤਾਂਘ) ਪੈਦਾ ਹੋ ਜਾਂਦੀ ਹੈ।

ਹਰਚਰਨ ਸਿੰਘ ਪ੍ਰਹਾਰ 31/10/24

Everyone

10/30/2024

City of Calgary posted Big signs in Calgary NE to notify public that without permit Fireworks are not allowed on Diwali or any festival or function in public or private homes/properties. There will be $100000 fine for first offence & $50000 fine for 2nd offence.

10/30/2024

ਗੁਰਬਾਣੀ ਪੜ੍ਹਨੀ ਜਾਂ ਸੁਣਨੀ ਹੈ?

ਗੁਰਬਾਣੀ ਵਿੱਚ ਪੜ੍ਹਨ ਦੀ ਥਾਂ ਬਾਣੀ ‘ਸੁਣਨ’ ਦੀ ਗੱਲ ਵਾਰ-ਵਾਰ ਆਉਂਦੀ ਹੈ। ਸਗੋਂ ਕਈ ਸ਼ਬਦਾਂ ਵਿੱਚ ਪੜ੍ਹਨ ਬਾਰੇ ਨਿਖੇਧ ਦੇ ਸ਼ਬਦ ਮਿਲਦੇ ਹਨ, ਜਿਵੇਂ: ‘ਪੜਿ ਪੜਿ ਗਡੀ ਲਦੀਅਹਿ, ਪੜਿ ਪੜਿ ਭਰੀਅਹਿ ਸਾਥ।’ ਪਰ ਸਾਡੇ ਵਿਦਵਾਨ ਤੇ ਪ੍ਰਚਾਰਕ ਅਕਸਰ ਕਹਿੰਦੇ ਹਨ ਕਿ ਬਾਣੀ ਪੜ੍ਹੋ ਜਾਂ ਬਾਣੀ ਦੇ ਅਰਥ ਸਮਝੋ ਜਾਂ ਅਰਥ ਸਮਝ ਕੇ ਮਨ ਵਿੱਚ ਵਸਾਉ।

ਪਰ ਗੁਰਬਾਣੀ ਜਾਂ ਗੁਰ ਇਤਿਹਾਸ ਵਿੱਚ ਕਿਤੇ ਵੀ ਬਾਣੀ ਪੜ੍ਹਨ ਜਾਂ ਬਾਣੀ ਯਾਦ ਕਰਨ ਜਾਂ ਬਾਣੀ ਦੇ ਅਰਥ ਕਰਨ ਜਾਂ ਬਾਣੀ ਡੇ ਪਾਠ ਕਰਨ ਦੀ ਵਕਾਲਤ ਨਹੀਂ ਕੀਤੀ ਗਈ ਅਤੇ ਨਾ ਹੀ ਗੁਰੂਆਂ ਨੇ ਗੁਰਬਾਣੀ ਦੇ ਕੋਈ ਅਰਥ ਹੀ ਕੀਤੇ ਸਨ।

ਫਿਰ ਸਵਾਲ ਇਹ ਹੈ ਕਿ ਗੁਰੂ ਸਾਹਿਬ ਕਿਹੜੀ ਬਾਣੀ ਦੇ ਸੁਣਨ ਦੀ ਗੱਲ ਕਰ ਰਹੇ ਹਨ? ਬਾਣੀ ਪੜ੍ਹਨ ਨੂੰ ਤੇ ਸੁਣਨਾ ਨਹੀਂ ਕਿਹਾ ਜਾ ਸਕਦਾ? ਉਹ ਬਾਣੀ ਫਿਰ ਕਿਵੇਂ ਸੁਣੀ ਜਾਵੇ?

ਇਸਦਾ ਮਤਲਬ ਇਹ ਵੀ ਨਹੀਂ ਹੋ ਸਕਦਾ ਕਿ ਕੋਈ ਦੂਜਾ ਸਾਨੂੰ ਪੜ੍ਹ ਕੇ ਸੁਣਾਵੇ? ਜਿਸ ਤਰ੍ਹਾਂ ਅਸੀ ਪਾਠੀਆਂ ਜਾਂ ਰਾਗੀਆਂ ਤੋਂ ਸੁਣਦੇ ਹਾਂ।
ਜਿਸ ਤਰ੍ਹਾਂ ਇੱਕ ਹੋਰ ਸ਼ਬਦ ਅਨੁਸਾਰ; ਅੰਮ੍ਰਿਤ ਬਾਣੀ ਹਰਿ ਹਰਿ ਤੇਰੀ, ਸੁਣਿ ਸੁਣਿ ਹੋਵੇ ਪਰਮਗਤਿ ਮੇਰੀ, ਜਲਨਿ ਬੁਝੀ ਸੀਤਲ ਹੋਇ ਮਨੂਆ..’ ਭਾਵ ਪਰਮਾਤਮਾ ਤੇਰੀ ਅੰਮ੍ਰਿਤਮਈ ਬਾਣੀ ਸੁਣ ਸੁਣ ਕੇ ਮੈਂ ਪਰਮ ਅਵਸਥਾ ਨੂੰ ਪਾ ਲਿਆ ਹੈ ਤੇ ਹੁਣ ਮੇਰਾ ਮਨ ਸ਼ਾਂਤ ਤੇ ਆਨੰਦਤ ਹੋ ਗਿਆ ਹੈ। ਪਰ ਸਾਡਾ ਮਨ ਨਾ ਪੜ੍ਹ ਕੇ ਤੇ ਨਾ ਸੁਣ ਕੇ ਅਨੰਦਤ ਹੁੰਦਾ ਹੈ। ਕੁਝ ਚਿਰ ਲਈ ਕੰਨ ਰਸ ਹੈ, ਬਾਅਦ ਵਿੱਚ ਅਸੀਂ ਉਵੇਂ ਹੀ ਹੋ ਜਾਂਦੇ ਹਾਂ।
ਇਸ ਤੋਂ ਭਾਵ ਇਹੀ ਹੈ ਕਿ ਸਾਡੇ ਵਿਦਵਾਨ ਤੇ ਪ੍ਰਚਾਰਕ ਹਨ੍ਹੇਰੇ ਵਿੱਚ ਤਲਵਾਰਾਂ ਚਲਾ ਰਹੇ ਹਨ। ਗੁਰਬਾਣੀ ਦੇ ਸ਼ਬਦਾਂ ਦੀ ਕੋਈ ਸੋਝੀ ਨਹੀਂ? ਆਪ ਤਾਂ ਗੁੰਮਰਾਹ ਹਨ ਹੀ, ਲੋਕਾਈ ਨੂੰ ਵੀ ਗੁੰਮਰਾਹ ਕਰ ਰਹੇ ਨੇ।

ਆਓ! ਪੇਸ਼ਾਵਰ ਪੁਜਾਰੀਆਂ ਤੇ ਪ੍ਰਚਾਰਕਾਂ ਦਾ ਖਹਿੜਾ ਛੱਡ ਕੇ ਸਮਝਣ ਦਾ ਯਤਨ ਕਰੀਏ ਕਿ ਉਹ ਕਿਹੜੀ ਬਾਣੀ ਜਾਂ ਸ਼ਬਦ ਹੈ, ਜਿਸਨੂੰ ਸੁਣਨ ਦੀ ਗੱਲ ਗੁਰਬਾਣੀ ਵਿੱਚ ਵਾਰ-ਵਾਰ ਆਈ ਹੈ? ਜਿਸਨੂੰ ਸੁਣਨ ਨਾਲ਼ ਪਰਮ ਅਨੰਦ ਦੀ ਪ੍ਰਾਪਤੀ ਹੁੰਦੀ ਹੈ?

ਹਰਚਰਨ ਸਿੰਘ ਪ੍ਰਹਾਰ 30/10/23
Everyone

10/30/2024

ਤੁਸੀਂ ਸਭ ਨੂੰ ਖੁਸ਼ ਨਹੀਂ ਕਰ ਸਕਦੇ?

ਅਸੀਂ ਸਾਰਿਆਂ ਨੂੰ ਕਦੇ ਖੁਸ਼ ਨਹੀਂ ਕਰ ਸਕਦੇ ਤੇ ਨਾ ਹੀ ਅਸੀਂ ਦੂਜਿਆਂ ਤੋਂ ਹਮੇਸ਼ਾਂ ਖੁਸ਼ ਹੁੰਦੇ ਹਾਂ। ਹਰ ਇੱਕ ਦਾ ਆਪਣਾ ਨਜ਼ਰੀਆ ਹੈ। ਜੇ ਤੁਸੀਂ ਸਾਰਿਆਂ ਨੂੰ ਖੁਸ਼ ਕਰਨ ਲੱਗੋ ਤਾਂ ਫਿਰ ਆਪਣੀ ਮੰਜਿਲ ਤੇ ਨਹੀਂ ਪਹੁੰਚ ਸਕਦੇ। ਕੋਈ ਕੰਮ ਨਹੀਂ ਕਰ ਸਕਦੇ।

ਪੰਜਾਬੀ ਦੀ ਕਹਾਵਤ ਹੈ ਕਿ ਕੁੱਤੇ ਭੌਂਕਦੇ ਰਹਿੰਦੇ ਹਨ ਤੇ ਹਾਥੀ ਆਪਣੀ ਚਾਲੇ ਮਸਤ ਤੁਰੇ ਰਹਿੰਦੇ ਹਨ। ਤੁਸੀਂ ਆਪਣਾ ਕੰਮ ਲਗਨ ਤੇ ਇਮਾਨਦਾਰੀ ਨਾਲ ਕਰਦੇ ਜਾਉ ਤੇ ਤੁਹਾਡੀ ਸੋਚ ਵਾਲੇ ਲੋਕ ਤੁਹਾਨੂੰ ਮਿਲਦੇ ਜਾਣਗੇ।

ਵੈਸੇ ਅਸੀਂ ਆਪਣੀ ਆਲੋਚਨਾ ਜਾਂ ਨਿੰਦਿਆ ਕਰਨ ਵਾਲ਼ਿਆਂ ਤੋਂ ਬਹੁਤ ਕੁਝ ਸਿੱਖਦੇ ਹਾਂ। ਉਨ੍ਹਾਂ ਦਾ ਵੀ ਧੰਨਵਾਦ ਕਰਨਾ ਬਣਦਾ ਹੈ। ਉਨ੍ਹਾਂ ਕਰਕੇ ਕਈ ਗਲਤ ਕਦਮ ਚੁੱਕਣ ਤੋਂ ਬਚ ਜਾਂਦੇ ਹਾਂ। ਬੇਸ਼ਕ ਅਜਿਹੇ ਵਿਰੋਧੀਆਂ ਜਾਂ ਭੌਂਕੜਾਂ ਦੀ ਬਹੁਤੀ ਪ੍ਰਵਾਹ ਕਰਨ ਦੀ ਲੋੜ ਨਹੀਂ, ਜੋ ਸਿਰਫ ਵਿਰੋਧਤਾ ਕਰਨ ਲਈ ਹੀ ਵਿਰੋਧ ਕਰਦੇ ਹਨ, ਜਾਂ ਜੋ ਈਰਖਾ, ਦਵੈਸ਼, ਨਫ਼ਰਤ, ਵਿੱਚੋਂ ਵਿਰੋਧ ਕਰਦੇ ਹਨ।

ਪਰ ਜੇ ਕੋਈ ਇਮਾਨਦਾਰੀ ਨਾਲ ਆਪਣਾ ਵੱਖਰਾ ਨਜ਼ਰੀਆ ਰੱਖਦਾ ਹੈ ਤਾਂ ਉਸਨੂੰ ਸੁਣਨਾ ਵੀ ਚਾਹੀਦਾ ਹੈ ਤੇ ਉਸਦੇ ਨਜ਼ਰੀਏ ਦਾ ਸਤਿਕਾਰ ਵੀ ਕਰਨਾ ਚਾਹੀਦਾ ਹੈ। ਨਜ਼ਰੀਆ ਵੱਖਰਾ ਹੋਣਾ, ਮਾੜੀ ਗੱਲ ਨਹੀਂ, ਪਰ ਪੱਖਪਾਤੀ ਜਾਂ ਵੈਰ ਭਾਵਨਾ ਵਾਲਾ ਜਾਂ ਦੂਜੇ ਨੂੰ ਨੀਵਾਂ ਦਿਖਾਉਣ ਵਾਲਾ ਨਹੀਂ ਚਾਹੀਦਾ।

ਪਰ ਜੇ ਤੁਸੀਂ ਹੋਸ਼ ਪੂਰਨ ਹੋ ਕੇ ਆਲੋਚਨਾ ਦਾ ਵਿਸ਼ਲੇਸ਼ਣ ਕਰਦੇ ਹੋ ਤਾਂ ਉਨ੍ਹਾਂ ਦੀ ਵਿਰੋਧਤਾ ਨੂੰ ਸਮਝ ਕੇ ਆਪਣੇ ਫ਼ੈਸਲੇ ਕਰਨ ਨਾਲ ਅਸੀਂ ਆਪਣੀ ਮੰਜਿਲ ਜਲਦੀ ਪਾ ਲੈਂਦੇ ਹਾਂ। ਵਿਰੋਧੀਅਾ ਪ੍ਰਤੀ ਵੈਰ, ਈਰਖਾ, ਨਫ਼ਰਤ, ਦਵੈਸ਼, ਕਰੋਧ ਆਦਿ ਦੀ ਭਾਵਨਾ ਰੱਖਣ ਨਾਲ ਇਹ ਸਾਰੇ ਔਗੁਣ ਸਾਡੇ ਵਿੱਚ ਵੀ ਆਉਣੇ ਸ਼ੁਰੂ ਹੋ ਜਾਂਦੇ ਹਨ। ਕੁਦਰਤ ਦਾ ਇਹ ਨਿਯਮ ਹੈ ਕਿ ਜਿਸਦਾ ਅਸੀਂ ਚਿੰਤਨ ਕਰਦੇ ਹਾਂ, ਉਸੇ ਤਰ੍ਹਾਂ ਦੇ ਹੋ ਜਾਂਦੇ ਹਾਂ। ਇਸ ਲਈ ਵਿਰੋਧੀ ਪ੍ਰਤੀ ਤਰਸ, ਦਇਆ, ਮੁਆਫ਼ੀ ਆਦਿ ਦੀ ਭਾਵਨਾ ਰੱਖਣ ਨਾਲ ਅਸੀਂ ਵਿਰੋਧੀਆਂ ਰਾਹੀਂ ਵੀ ਆਪਣੇ ਵਿੱਚ ਸ਼ੁਭ ਗੁਣ ਪਾ ਸਕਦੇ ਹਾਂ।

ਪਰ ਕੀ ਇਸਦਾ ਮਤਲਬ ਹੋਇਆ ਕਿ ਜੇ ਕੋਈ ਸਾਨੂੰ ਬੇਵਜਾ ਤੰਗ ਪ੍ਰੇਸ਼ਾਨ ਕਰ ਰਿਹਾ ਹੈ ਜਾਂ ਸਾਡੇ ਬਾਰੇ ਕੁਝ ਗਲਤ ਕਰ ਰਿਹਾ ਹੈ ਤੇ ਅਸੀਂ ਕੁਝ ਨਾ ਕਰੀਏ। ਨਹੀਂ ਅਜਿਹਾ ਨਹੀਂ ਹੈ, ਸਭ ਤੋਂ ਪਹਿਲਾਂ ਅਸੀਂ ਹੋਸ਼ ਪੂਰਨ ਹੋਈਏ, ਵਿਚਾਰੀਏ ਕਿ ਉਸਨੂੰ ਜਵਾਬ ਦੇਣਾ ਬਣਦਾ ਹੈ, ਕੀ ਕੋਈ ਵਿਰੋਧ ਕਰਨ ਲਈ ਹੀ ਵਿਰੋਧ ਕਰ ਰਿਹਾ ਹੈ ਜਾਂ ਤੁਹਾਡੇ ਕੁਝ ਕਰਨ ਨਾਲ ਉਸਨੂੰ ਤਕਲੀਫ ਹੋ ਰਹੀ ਹੈ ਜਾਂ ਉਹ ਆਪਣਾ ਵੱਖਰਾ ਨਜ਼ਰੀਆ ਪ੍ਰਗਟ ਕਰ ਰਿਹਾ ਹੈ ਜਾਂ ਉਹ ਤੁਹਾਡੇ ਨੁਕਤੇ ਨੂੰ ਠੀਕ ਕਰਨ ਲਈ ਸੁਝਾਅ ਦੇ ਰਿਹਾ ਹੈ?

ਕਈ ਵਾਰ ਚੁੱਪ ਰਹਿਣਾ ਹੀ ਜਵਾਬ ਹੋ ਸਕਦਾ ਹੈ, ਕਰੀ ਵਾਰ ਨਜ਼ਰ ਅੰਦਾਜ਼ ਕਰਨਾ ਵੀ ਜਵਾਬ ਹੋ ਸਕਦਾ ਹੈ, ਕਈ ਵਾਰ ਸਿੱਧਾ ਜਵਾਬ ਵੀ ਹੋ ਸਕਦਾ ਹੈ। ਕਈ ਤਰੀਕੇ ਹੋ ਸਕਦੇ ਹਨ, ਪਰ ਸਹੀ ਉਹੀ ਹੋਵੇਗਾ, ਜੋ ਅਸੀਂ ਹੋਸ਼ ਪੂਰਨ ਤੇ ਸੋਚ ਵਿਚਾਰ ਤੋਂ ਬਾਅਦ ਲਵਾਂਗੇ। ਕਈ ਮਸਲਿਆਂ ਦਾ ਹੱਲ ਤੁਸੀਂ ਨਹੀਂ ਕਰ ਸਕਦੇ, ਸਮਾਂ ਹੀ ਹੱਲ ਕਰ ਦਿੰਦਾ ਹੈ। ਇਸ ਲਈ ਕਦੇ ਵੀ ਕਾਹਲ ਨਹੀਂ ਕਰਨੀ ਚਾਹੀਦੀ, ਸਿਵਾਏ ਇਸਦੇ ਕਿ ਤੁਹਾਡੇ ਤੇ ਕੋਈ ਸਿੱਧਾ ਸਰੀਰਕ ਹਮਲਾ ਹੋ ਰਿਹਾ ਹੈ ਤੇ ਤੁਹਾਨੂੰ ਸੁਰਖਿਆ ਪੱਖ ਤੋਂ ਆਪਣਾ ਬਚਾਅ ਕਰਨਾ ਜ਼ਰੂਰੀ ਹੈ। ਜਦੋਂ ਵੀ ਕੋਈ ਮਸਲਾ ਆਉਂਦਾ ਹੈ ਤਾਂ ਠਰੰਮੇ ਤੋਂ ਕੰਮ ਲੈਣਾ ਬਹੁਤ ਜ਼ਰੂਰੀ ਹੈ।

ਹਰਚਰਨ ਸਿੰਘ ਪ੍ਰਹਾਰ 30/10/23

Everyone

10/29/2024

ਆਪਣੀ ਕਮਿਉਨਿਟੀ ਵਿੱਚ ਇਹ ਗੱਲ ਆਮ ਸੁਣਨ ਵਿੱਚ ਮਿਲਦੀ ਸੀ ਕਿ ਸਿੱਖ ਕਿਤੇ ਭੀਖ ਮੰਗਦੇ ਨਹੀਂ ਮਿਲਣਗੇ। ਸਿੱਖ ਬੜੀ ਅਣਖੀ ਕੌਮ ਹੈ, ਇਹ ਤਾਂ ਦੂਜਿਆਂ ਦੀਆਂ ਕੁੜੀਆਂ ਹਮਲਾਵਰਾਂ ਤੋਂ ਬਚਾਉਂਦੇ ਸਨ। ਪਰ ਅੱਜ ਕਨੇਡਾ ਵਿੱਚ ਤੁਹਾਨੂੰ ਵੱਡੀ ਪੱਧਰ ‘ਤੇ ਆਪਣੇ ਨੌਜਵਾਨ ਲੜਕੇ ਲੜਕੀਆਂ ਚੋਰੀਆਂ, ਡਾਕਿਆਂ, ਕਤਲਾਂ, ਭੀਖ ਮੰਗਦੇ, ਵੇਸਵਗਵਨੀ ਦੇ ਧੰਦੇ, ਡਰੱਗ ਸਮਗਲਿੰਗ, ਡਰੱਗ ਵੇਚਣ, ਡਰੱਗ ਖਾ ਕੇ ਓਵਰਡੋਜ, ਇੱਕ ਦੂਜੇ ਦੀ ਲੁੱਟ ਕਰਨ ਵਾਲ਼ੇ ਆਮ ਹੀ ਮਿਲਣਗੇ। ਹੇਠਲੀ ਸਟੋਰੀ ਕਿਸੇ ਥਰਡ ਵਰਲਡ ਕੰਟਰੀ ਦੀ ਨਹੀ, ਕਨੇਡਾ ਦੀ ਹੈ।

Drug ,Crime, Affordability & Domestic Violence: Reasons Newcomers living in tents (encampments) 70%+ PUNJABIS ARE IN MILTON JAIL ...

10/29/2024

10/29/2024

ਹਾਏ! ਨਵੀਂ ਪੀੜ੍ਹੀ ਸਾਡੀ ਨਹੀਂ ਸੁਣਦੀ?
ਕੀ ਜਦੋਂ ਤੁਸੀਂ ਨਵੀਂ ਪੀੜ੍ਹੀ ਸੀ, ਪੁਰਾਣੀ ਦੀ ਸੁਣਦੇ ਸੀ?

ਆਪਣੇ ਬੱਚਿਆਂ ਨੂੰ ਸੋਚਣ, ਸਮਝਣ ਤੇ ਜੀਵਨ ਦੇ ਫ਼ੈਸਲੇ ਆਪ ਕਰਨ ਦੀ ਇਜਾਜ਼ਤ ਦਿਉ? ਉਨ੍ਹਾਂ ਤੇ ਆਪਣੀਆਂ ਧਾਰਮਿਕ, ਸਮਾਜਿਕ, ਸੱਭਿਆਚਾਰਿਕ ਰੀਤਾਂ-ਰਸਮਾਂ, ਮਰਿਯਾਦਾਵਾਂ, ਪ੍ਰੰਪਰਾਵਾਂ ਨਾ ਠੋਸੋ।

ਉਨ੍ਹਾਂ ਦੇ ਦਿਮਾਗਾਂ ਦੇ ਤਾਲੇ ਖੁੱਲ੍ਹਣ ਦਿਉ। ਉਨ੍ਹਾਂ ਦੇ ਅੰਦਰ ਦੇ ਪੰਛੀ ਨੂੰ ਉਡਾਰੀ ਮਾਰਨ ਦਿਉ। ਇਹ ਰੂੜ੍ਹੀਵਾਦੀ ਤੇ ਪਿਛਾਂਹਖਿਚੂ ਪ੍ਰੰਪਰਾਵਾਂ ਵਿੱਚ ਬੱਝੇ ਬੱਚੇ ਹੀ ਵੱਡੇ ਹੋ ਕੇ ਸਮਾਜ ਦੇ ਵਿਕਾਸ ਵਿੱਚ ਰੁਕਾਵਟ ਬਣਦੇ ਹਨ। ਕੱਟੜਵਾਦੀ ਬਣਦੇ ਹਨ। ਅੱਤਵਾਦੀ ਬਣਦੇ ਹਨ।

ਸਮਾਜ ਦੀ ਤਰੱਕੀ ਇਸੇ ਕਰਕੇ ਬਹੁਤ ਹੌਲ਼ੀ ਰਫ਼ਤਾਰ ਨਾਲ਼ ਚੱਲਦੀ ਹੈ। ਹਰ ਪਿਛਲੀ ਪੀੜ੍ਹੀ, ਹਰ ਨਵੀਂ ਪੀੜ੍ਹੀ ਨੂੰ ਅੱਗੇ ਵਧਣ ਤੋਂ ਰੋਕਣ ਲਈ ਧਰਮ, ਵਿਰਸਾ, ਸੱਭਿਆਚਾਰ, ਪ੍ਰੰਪਰਾਵਾਂ, ਭਾਸ਼ਾ ਆਦਿ ਦੇ ਵਾਸਤੇ ਪਾਉਂਦੀ ਹੈ, ਹਰ ਇੱਕ ਨੂੰ ਲਗਦਾ ਹੈ ਕਿ ਨਵੀਂ ਪੀੜ੍ਹੀ ਸਾਡੇ ਧਰਮ, ਵਿਰਸੇ, ਸੱਭਿਆਚਾਰ, ਭਾਸ਼ਾ ਨੂੰ ਛੱਡਦੀ ਜਾ ਰਹੀ ਹੈ। ਇਸ ਕਰਕੇ ਉਹ ਸੰਭਵ ਯਤਨ ਨਾਲ਼ ਰੋਕਣ ਟੋਕਣ ਦਾ ਯਤਨ ਕਰਦੀ ਹੈ।

ਜਦਕਿ ਵਿਰਸਾ, ਸੱਭਿਆਚਾਰ, ਪ੍ਰੰਪਰਾਵਾਂ, ਧਰਮ, ਭਾਸ਼ਾ ਆਦਿ ਮਨੁੱਖ ਦੀਆਂ ਸਮੇਂ ਤੇ ਸਥਾਨ ਦੀਆਂ ਪ੍ਰਸਥਿਤੀਆਂ ਤੇ ਲੋੜਾਂ ਵਿੱਚੋਂ ਪੈਦਾ ਹੋਈਆਂ ਹਨ, ਜੋ ਕਿ ਸਮੇਂ ਤੇ ਸਥਾਨ ਅਨੁਸਾਰ ਬਦਲ ਜਾਣੀਆਂ ਹਨ। ਇਹ ਕੋਈ ਸਦੀਵੀ ਕੁਦਰਤ ਦੇ ਨਿਯਮ ਨਹੀਂ ਹਨ। ਜਿਨ੍ਹਾਂ ਨੂੰ ਬਦਲਿਆ ਨਹੀਂ ਜਾ ਸਕਦਾ?

ਤਬਦੀਲੀ ਕੁਦਰਤ ਦਾ ਨਿਯਮ ਹੈ। ਇੱਥੇ ਪਲ-ਪਲ ਸਭ ਕੁਝ ਬਦਲ ਰਿਹਾ ਹੈ। ਸਾਨੂੰ ਸਮੇਂ ਤੇ ਸਥਾਨ ਅਨੁਸਾਰ ਆ ਰਹੀ ਤਬਦੀਲੀ ਨੂੰ ਸਵੀਕਾਰ ਕਰਕੇ, ਨਵੀਂ ਪੀੜ੍ਹੀ ਨੂੰ ਅੱਗੇ ਵਧਣ ਵਿੱਚ ਮੱਦਦ ਕਰਨੀ ਚਾਹੀਦੀ ਹੈ। ਇਹ ਕੋਈ ਜ਼ਰੂਰੀ ਨਹੀਂ ਕਿ ਪੁਰਾਣਾ ਸਭ ਕੁਝ ਠੀਕ ਸੀ ਤੇ ਨਵਾਂ ਸਭ ਕੁ ਗਲਤ ਹੋਵੇਗਾ? ਪਹਿਲਾਂ ਵੀ ਬਹੁਤ ਕੁਝ ਗਲਤ ਸੀ ਤੇ ਅੱਜ ਵੀ ਹੈ ਤੇ ਅੱਗੇ ਵੀ ਹੋਵੇਗਾ। ਗਲਤੀਆਂ ‘ਚੋਂ ਸਿੱਖ ਕੇ ਹੀ ਮਨੁੱਖੀ ਸੱਭਿਅਤਾ ਨੇ ਵਿਕਾਸ ਕੀਤਾ। ਵਿਕਾਸ ਦੇ ਰਾਹ ਵਿੱਚ ਰੋੜਾ ਨਾ ਬਣੋ?

ਸਿੱਖ ਸਮਾਜ ਦੇ ਸੰਚਾਲਕ ਗੱਲੀਂ ਬਾਤੀਂ ਤਾਂ ਬਹੁਤ ਡੀਂਗਾਂ ਮਾਰਦੇ ਹਨ ਕਿ ਸਾਡਾ ਧਰਮ 21ਵੀਂ ਸਦੀ ਦਾ ਵਿਗਿਆਨਿਕ ਧਰਮ ਹੈ, ਪਰ ਅੰਦਰੋਂ ਸਭ ਨੂੰ ਡਰ ਇਹੀ ਸਤਾ ਰਿਹਾ ਹੈ ਕਿ ਨਵੀਂ ਪੀੜ੍ਹੀ ਧਰਮ, ਬੋਲੀ, ਵਿਰਸਾ ਛੱਡਦੀ ਜਾ ਰਹੀ ਹੈ। ਜੇ ਤੁਹਾਡਾ ਧਰਮ ਤੇ ਵਿਰਸਾ ਇਤਨਾ ਹੀ ਮਹਾਨ ਹੈ ਤਾਂ ਫਿਰ ਸੋਚੋ ਕਿ ਲੋਕ ਛੱਡ ਕਿਉਂ ਰਹੇ ਹਨ? ਮੈਂ ਅਕਸਰ ਸਿੱਖ ਵਿਦਵਾਨਾਂ ਤੇ ਪੁਜਾਰੀਆਂ ਨੂੰ ਸਵਾਲ ਕਰਦਾ ਹਾਂ ਕਿ ਮਾਡਰਨ ਸਿੱਖੀ ਵਿੱਚ ਕੋਈ ਗੱਲ ਤਾਂ ਦੱਸੋ ਜੋ ਗੁਰਬਾਣੀ ਅਧਾਰਿਤ ਹੈ ਜਾਂ ਇਸ ਵਿੱਚ ਕੁਝ ਨਵਾਂ ਹੈ, ਜਿਸ ਅਧਾਰਿਤ ਤੁਸੀਂ ਇਸਨੂੰ 21ਵੀਂ ਸਦੀ ਦਾ ਵਿਗਿਆਨਿਕ ਧਰਮ ਦੱਸਦੇ ਹੋ?

ਅਸਲ ਵਿੱਚ ਮਾਡਰਨ ਸਿੱਖੀ ਗੁਰਬਾਣੀ ਦੇ ਉਲਟ ਗੁਰੂਆਂ ਦੇ ਵਿਰੋਧੀਆਂ ਦੀ ਖੜੀ ਕੀਤੀ ਸਿੱਖੀ ਹੈ, ਜਿਸ ਵਿੱਚ ਗੁਰੂਆਂ ਦੀ ਬਾਣੀ ਦੇ ਗ੍ਰੰਥ ਤੇ ਕਬਜ਼ੇ ਤੋਂ ਵੱਧ ਹੋਰ ਕੁਝ ਨਹੀਂ। ਉਹ ਕਬਜ਼ਾ ਵੀ ਸਿੱਖ ਪੁਜਾਰੀਆਂ ਤੇ ਪ੍ਰਬੰਧਕਾਂ ਨੇ ਆਪਣੇ ਧੰਦੇ ਤੇ ਰਾਜਨੀਤੀ ਲਈ ਕੀਤਾ ਹੋਇਆ ਹੈ। ਅਜਿਹੀ ਗੁਰਬਾਣੀ ਵਿਰੋਧੀ ਸਿੱਖੀ, ਸੱਭਿਆਚਾਰ ਤੇ ਵਿਰਸੇ ਦੀ ਨਵੀਂ ਪੀੜ੍ਹੀ ਨੂੰ ਹੁਣ ਕੋਈ ਲੋੜ ਨਹੀਂ ਹੈ, ਉਨ੍ਹਾਂ ਵੱਲੋਂ ਛੱਡਣ ਨਾਲ਼ ਹੀ ਸ਼ਾਇਦ ਗੁਰਬਾਣੀ ਵਾਲ਼ੀ ਸਿੱਖੀ ਪ੍ਰਗਟ ਹੋ ਸਕੇ।

ਹਰਚਰਨ ਸਿੰਘ ਪ੍ਰਹਾਰ 29/10/24
Friends