23/12/2024
👸🏽 Umwigeme azotwara ihiganwa rya rikurikira, azotahana imiriyoni 25 Fbu, ingendeshwa ikoresha umuyagankuba, n'utundi dushimwe...
-------------------------------------
🔴 Umwigeme azoba afise kuva ku myaka 18 gushika kuri 24, afise uburebure bw'imetero 1 na santimetero 59 gushika ku metero 1 n’ama santimetero 75 (1m59-1m75), atarenza ibiro 65… ni we azokwitabira ihiganwa rya . Abazotsindira ihiganwa azoba ari 5, na bo ni Miss Burundi, ivyegera vy'iwe bibiri, Miss développement, na Miss populaire. Hazonashirwaho umugwi uzoba ujejwe gushika mu ntara hagati kugira ngo bahimirize abitabira iryo higanwa hamwe n’abavyeyi mu kwandikisha abana babo
🎙️ Ivyo bishikirizwa na Rossalynn Kamariza arongoye ishirahamwe International Network for equal Gender Opportunities (INGO) ariryo ryene IngoMagazine, mu kiganiro yahaye abamenyeshamakuru kur’uyu wa 23 Kigarama 2024 co gushira ahabona integuro y’iryo higanwa inyuma y’aho riherutse gutorwa n’umurwi washizweho n’Ubushikiranganji mu vyo bujejwe harimwo ingenzi ngo ritegure iryo higanwa
✍🏾 Kwiyandikisha muri hazosabwa fotokopi ya karangamuntu, urupapuro rw’umwidondoro ukwiye (attestation d'identité complète), udufoto passeport 2, uruhusha bahawe n’abavyeyi rurimwo na nomero z’abavyeyi, impapuro z'umutsindo z’ibisata bashoboye gukurikirana, uwuzotorwa akazoba afise umwe mu bavyeyi bavuka mur’iyo ntara
🔢 Abigeme 50 bazoba barushije abandi ni bo bazotorwa hisunzwe indinganizo nshasha y'intara kugira bahiganwe mu ca kane c'ihiganwa, 27 muri bo bazoshika mu gice ca kabiri gishira ica nyuma haheze hatorwemwo 15 bahiganwa mu gice ca nyuma
🏵️ Ng’uko uko ubushimwe butunganijwe:
🥇 Uwuzotorwa nka Miss Burundi 2025 azohabwa amafaranga angana imiriyoni 25 z'amarundi, imodoka ikoresha umuyagankuba, urugendo shure mu bihugu vyo hanze no mu manama atandukanye, guherekezwa mw’ishirwa mu ngiro ry’umugambi wiwe mu kiringo c'umwaka
🥈 Icegera ca mbere azoronka imiriyoni 15 z'amarundi, amasezerano n’umugambi w’igihugu uri mu bisata vy’amagara y’abantu, indero n’ibidukikije hamwe no guherekezwa mw'ishirwa mu ngiro ry'umugambi wiwe mu kiringo c'umwaka
🥉 Icegera ca kabiri azoronka amafaranga imiriyoni 10 z'amarundi, amasezerano n’umugambi w’igihugu uri mu bisata vyo gutabara imbabare, kurihirwa umwaka w'ishure hamwe no guherekezwa mw'ishirwa mu ngiro ry'umugambi wiwe mu kiringo c'umwaka
👉🏾 Miss Développement azoronka amafaranga imiriyoni 10 z'amarundi, amasezerano n’umugambi w’igihugu uri mu bisata bijanye n’umugambi yatoye no guherekezwa mw'ishirwa mu ngiro ry'umugambi wiwe mu kiringo c'umwaka
✨ Miss Populaire na we ahabwe amafaranga imiriyoni 5 z'amarundi, amasezerano n’ishirahamwe rirangurira imirimo ngaha mu Burundi no kurihirwa urugendo mu bibanza vy'iratiro bitandukanye mu Burundi
😁 Uriteguye guhiganirwa ubwo bushimwe?
