17/11/2024
: IBANKI BCAB ya Banki y'abenegihugu n'uburimyi mu BURUNDI ntako itagira ngo ishigikire imigambi y'iterambere, umubano mwiza no gukingira ibidukikije.
Kw'igenekerezo rya 15 z'uku kwezi kwa Munyonyo turimwo ibanki BCAB yari iramutse yugurura icese ishami ryayo riri mu ntara ya KAYANZA aho ivyo birori vyatewe iteka na Nyakubahwa Buramatari w’iyo ntara Colonel Remy CISHAHAYO, ari kumwe n’abayobozi ba BCAB hamwe n’abandi bubahwa.
Inyuma y’ivyo BCAB yaratanze udukoresho two kwifashisha mu gihe c'ubutinyanka ku bana b'abigeme bashika kuri 321 bo kw'ishure Ecole Technique MARAMVYA.
Mu mugambi wo gukingira ibidukikije, BCAB yarongeye yifadikanya n'abenegihugu hamwe n'abanyeshure bo kwishure Lycée Kayanza bahurikiye muri club environnemental mu gutera imivyaro y'ivyamwa vy'amavoka yo mu bwoko bwa RUHERE. Iyo banki yarongeye itera intege iyo club environnemental mu kubaha ibahasha ry'imilioni 2 z’amafaranga y’amarundi kugira ngo bashishikare baja ku kivi mu migabi yo gukingira ibidukikije.
Kw'igenekerezo rya 18 ry'uku kwezi nyene naho ibanki BCAB izokwugurura imiryango mu ntara ya MUYINGA, tukaba tunabatumiriye mwese banya MUYINGA n’abari mu micungararo gusidukana niyonka mu kuza kwuguruza ama konti mw'iryo shami mwirabire ivyiza vy'Ibanki BCAB.
BADANDAZA,BAKOZI BA LETA,BIKORERA UTWANYU NAMWE MWESE BENEGIHUGU BO MU NTARA YA MUYINGA MURAHAWE IKAZE MURI BCAB Agence MUYINGA.
