Afghan Tips

20/02/2025

اړينه ده چې د افغان ټپس له ټولو ځارونکو يوه ځانګړې مننه وکړو
🙏❤️🙏 fans #بلجيم

18/02/2025

په اوستندې ښار کې مېشتو افغانانو (افغان کلتوري مرکز) د مسجد لپاره ستاسې مرستې ته اړتیا لري. هيله ده چې تر خپلې وسې ورسره مرسته وکړئ.
د اوستندې ښار افغانان غواړي په دې ښار کې د مسجد لپاره ځاى واخلي، دوى ددې لپاره له 90 فيصده پيسې لري يوازې لس فيصده ته اړتیا لري. که چېرې دوى دا مرسته ژر راټوله کړي. افغانان په په بلجيم کې دريم مسجد ولري چې د افغانانو ټولنو خپل ملکيت دى.

د لا ډېرو معلوماتو لپاره له ډاکټر صاحب داد خان اخوندزاده سره په اړیکه کې شئ. په انلاین ډول مرستې لپاره په لاندې لېنک کلېک وکړئ.
+32 465 82 82 52

Your donation makes the difference Dear supporters and friends, The Afghan C… Atiq Jabarkhel needs your support for Your donation makes the difference

17/02/2025

د بلجیم د ترين دوي لویې ټولنې به د مارچ څخه تر جولای پورې هره میاشت څو ورځې اعتصابونه وکړي. د دې اعتصابونو موخه د تقاعد د عمر لوړول، چې د ترين د تقاعد عمر لوړوالی هم پکې شامل دی، او د فدرالي حکومت وړاندیزونو پر وړاندې اعتراض دی. د دې میاشتو په جریان کې به وړې ټولنې هم جلا جلا اعتصابونه وکړي.

د دې اعتصابونو په اړه تازه معلومات په نظر کې وساتئ او که چېرې سفر لرئ، نو د سفر لپاره بدیلې لارې او پلانونه جوړ کړئ.

15/02/2025

په فلندر کې، د عامه چارج کولو سټیشنونو شمیر په یوه کال کې تقریباً دوه چنده شوی دی. تېر کال، له 32,620 سټیشنونو څخه 59,239 سټیشنونو ته لوړ شو، چې اوسمهال په فلندر کې د چارج کولو سټیشنونو شمیر د حکومت ټاکل شوي هدف څخه زیات دی.
ډیری چارج کولو سټیشنونه نیمه عامه دي، یعنې خلک یې کارولی شي خو ممکن محدود وخت لپاره لاسرسی ولري. په هر حال ،17,650 سټیشنونه 24 ساعته د لاسرسي وړ دي.

15/02/2025

د یوې تازه څېړنې له مخې، د نړۍ تر ټولو بې خونده مسلکونه لست شول. د معلوماتو تحلیل، حسابدارۍ او د مالیې مشاوره هغه مسلکونه دي چې د خسته کوونکو مسلکونو په سر کې دي. په بلجیم کې دغه مسلکونه ډېر ښه عاید لري، خو په عین وخت کې ډېر تکراري او بې خلاقه کارونه دي. که څه هم دا مسلکونه لوړه عاید لري، خسته کوونکي ګڼل کېږي.
تاسې ته کوم مسلکونه بې خونده ښکاري؟

15/02/2025

د فلندر کارموندنې وزیره غواړي چې په هغو کسانو بندیزونه ولګوي چې کار کولو ته لیوالتیا نه لري. د دې پلان هدف دا دی چې ډاډ ترلاسه کړي چې ټول هغه کسان چې د کار کولو وړتیا لري، په کار بوخت شي. د دې لپاره، هغه کسان چې کار کولو ته تیار نه دي، ژر تر ژره به مجازات شي، او کار غوښتونکو ته به مشخصې لارښوونې ورکول کیږي لکه د مرکې يا انټرويو او د کاري فرصتونو په اړه.
د دې اقدام هدف دا دی چې په بلجیم کې د کار کولو موثریت 80 سلنې ته ورسیږي. د دې پلان سره، د کار غوښتونکي مکلف دي چې د کارموندنې دفتر سره نږدې اړیکه وساتي او هغوی ته د خپلو پرمختګونو په اړه معلومات ورکړي.

14/02/2025

په جرمني کې د کډوالو په تړاو د وروستیو پیښو له امله، کډوالي د ټاکنو مهمه موضوع ګرځېدلې ده. په مونشن کې یو افغان کډوال په موټر برید وکړ او ۲۸ تنه یې ټپیان کړل، همداشان څه موده وړاندې په اشافنبرګ کې یو ۲۷ کلن افغان کډوال بيا په چاقو دوه کسان ووژل. دا پیښې د جرمني سیاسي بحثونه تاوده کړي دي او سخت دریځ لرونکي ګوندونه لکه AFD د دې پیښو وروسته زیات ملاتړ ترلاسه کوي. ټاکنې به د فبروري په ۲۳ مه ترسره شي. کېداى شي ملتپال او مهاجر ضد ګوندونه په غوڅ اکثریت بريالي شي.

14/02/2025

ډیجیټل سکرینونه ته د زیات وخت لپاره کتل د سترګو د درد او ستړیا لامل کیږي.
کله چې موږ په کور یا کار کې د ډیجیټل سکرینونو څخه ډیر کار اخلو، دا زموږ سترګې زيانمني کوي. د 20-20-20 قاعده په تعقیب سره به زمونږ سترګې روغي پاتې شي. هر 20 دقیقې وروسته، د 20 ثانیو لپاره 20 فټه لرې چې 6 متره کيږي په یو څه باندې تمرکز وکړو . دا به زمونږ سترګو ته وقفه ورکړي او د درد او ستړیا مخنیوی به وکړي. همدارنګه، په لوی سکرینونو کې په مناسب فاصله کې کار کول دا هغه څه دي چې زمونږ د سترګو په روغتیا کې مرسته کولاى شي.

د خوب نه یو ساعت وړاندي د ډیجیټل وسایلو نه کارول زمونږه د ښه او ارامه خوب لامل کېږي.

14/02/2025

په مونشن کې پر لاریون افغان برید کوونکی فرهاد نومېږي
پرون فرهاد نومي افغان د جرمني په مونشن ښار کې پر لاریون کوونکو موټر ور وخيژاوه او 28 تنه یې په کې ټپیان کړل. ده په خپلو لومړنیو اعترافاتو کې ویلي چې ده دا کار په قصدي ډول کړئ. په جرمني کې چارواکي دغه عملی د سخت دریځو او افراطي مذهبي انګیزو له امله بولي.
دغه افغان په 2016 کال کې په جرمني کې د پناه غوښتنه کړې وه چې یو ځل په 2020 کې رد شوې وه. اوس ورته د لنډمهالې استوګنې اجازه ورکړل شوې وه. دا چې ددې کار تر شا نور څه جزیات دي لا نه دي خپاره شوي. تاسې څه فکر کوئ؟

14/02/2025

په بروکسل کې د رڼاګانو فیسټيوال
په بروکسل کې پرون د رڼاګانو فیستيوال پیل شوی چې دری شپې به دوام کوي. دا ډول جشنونونه د بلجيم په ځینو ښارونو کې هر ژمۍ جوړېږي چې د رڼاګانو هرمندان خپلې هنر او نوښت په زړه پورو پنځونو کې نندارې ته وړاندې کوي. په دې فیستيوال کې ډېرې کوڅې او واټونه په زړه راښوونکو رڼاګانو سنګار شوي وي.
که چېرې ماشومان لرئ، خپل ماشومان ضرور دې فيستیوال ته یوسئ او له هنري رڼاګانو خوند واخلئ. که چېرې تاسې لاړی موږ ته یې هم انځورونه په وټساپ را واستوئ.

14/02/2025

د لېمبورغ ولایت اړوند د Zutendaal په سيمه کې د لوړ سرعت د کنترول کمرې نصب کېږي. دا کمره هغه ځای کې نصبیږي چې له دې وړاندې هلته سرعت ۷۰ و ولې اوس دا سرعت ۵۰ کیلومتره پر ساعت ته راښکته شوی.
ډېرې ښاروالۍ د موټرونو د خونديتوب په برخه کې لېواله دي چې په دې برخه کې پانګونه وکړي، ځکه چې اکثره ښاروالۍ د لوړ سرعت له امله د ټکر د پېښو شاهدانې دي. په دې ډول دوی غواړي خونديتوب را منځته کړي.
ستاسې په نظر جریمې د قانون په تطبیق کې څومره ګټورې دي؟

14/02/2025

تر جولاى مياشتې پورې به کاري اعتصابونه دوام ولري.
په بلجیم کې کارګري اتحاديو خبر ورکړى چې تر جولاى مياشتې پورې به هره میاشت څو ورځې کاري اعتصابونه پر لار اچوي چې په دغو اعتصابونو کې د ترينونو پر تګ راتګ بنديز هم شامل دى.

په وروستیو کې د بلجیم د نوي حکومت له خوا د تقاعد په پيسو کې د 500 ايرو کموالى او د تقاعد د عمر لوړوالى د دغو کار بنديزونو لوى لامل دى.

14/02/2025

د برياليتوب 18 زرين قوانین

تاسو کولی شئ په ژوند کې هر هغه څه وکړئ چې تاسو یې غواړئ؛ خو شرط یې دا دی چې تاسو په سمه او دقیقه توګه پریکړه وکړئ چې تاسو څه غواړئ او بیا لاس په کار شئ.د بر...

13/02/2025

په پښتو ژبه د ترافيکي قوانينو معلوماتي کورس د استاد اسد په لارښوونه په انلاین ډول روان دى.

د بل ځل لپاره مېرمنې هم کولاى شي ګډون وکړي.

13/02/2025

د جرمني په مونشن ښار کې یوه افغان پر لاریون کوونکو برید کړى.
د یوه خبر له مخې د مونشن په ښار کې یوه څلورویشت کلن افغان په یوه ډله مظاهرچیانو موټر خیژولی دی، چې په پېښه کې 28 تنه ټپیان او دوه مرګې حال دي. پولیسو دا څلورویشت کلن نیولی او زیاته کړې یې ده چې دا افغان دی او د پناه غوښتنې پروسه یې لا روانه ده.

13/02/2025

د فدرالي پلان جوړونې دفتر او سټیټبېل د وروستیو وړاندوینو له مخې، په بلجیم کې د نفوس زیاتوالی به تر ډېره د نړیوال مهاجرت له امله وي.

وړاندوینه کېږي چې د ۲۰۳۰ لسیزې له وروستیو څخه به نړیوال مهاجرت د اروپا او بلجيم د نفوس د ودې یوازینی عامل وي، ځکه چې دلته طبیعي توازن (د زېږېدنې او مړینې) به منفي شي.

په تېر ۲۰۲۴ کال کې، د بلجیم د نفوس ۶۴.۸٪ هغه کسان وو چې مور او پلار یې دواړه بلجيمیان دي، د ۲۱.۶٪ خلکو یو مور یا پلار بلجیمي وو، او ۱۳.۷٪ هغه وګړي دي چې دواړه والدین یې بهرنیان دي.

د دې وړاندوینو له مخې، نړیوال مهاجرت به په راتلونکو لسیزو کې د بلجیم د نفوس په جوړښت او وده کې مهم رول ولوبوي.

13/02/2025

پولیس په ټول بلجیم کې د موټر چلولو پرمهال د خلکو د پام اړولو پر وړاندې دوه ورځني ملي کمپاین ترسره کوي. هدف یې دا دی چې خلک خبر کړي چې د ټيليفون کارول او نور مزاحمتونونکي شيان د موټر چلولو پر مهال څومره خطرناک دي. په دې کمپاین کې به دواړه یونیفورم لرونکي او ساده جامې لرونکي پولیس برخه واخلي. کمپاین د نیمې شپې راهیسې پیل شوی او 48 ساعته دوام کوي.