29/06/2024
LESON DOMINIKAL POU DIMANCHE 30 JEN 2024
TIT: Satan ak pèp Bondye a
LEKTI: Revelasyon 12:1-6; 13-18
TÈKS DO: Yo jete gwo dragon an deyo. Se limenm, sèpan ki la depi lontan an, limenm yo rele dyab la osinon Satan k'ap plede twonpe tout moun. Rev. 12:9
ENTWODIKSYON: Nan leson jodi a, ak leson semén pwochenn nan, nou vle fè klé pou ou avèk éd Sentespri a, 7 senból yo ke nou jwenn nan chapit 12:1 rive 13:1 ki se: Fanm lan ki vlope nan solèy la epi lalin lan te anba pye l', gran dragon wouj la, ti pitit gason an. Michèl ak zanj li yo, rès pitit pitit fanm lan. Sa se 5 nan sét (7) senböl yo ke nou va trete nan 2 leson. Lôt 2 senbòl yo se: Bèt la ki soti nan tè a epi bèt la kì sòti nan lanmè a. Men kisa siy sa yo vle di? Kom nou konnen deja, liv Revelasyon an plen ak senból konsa. Men Bondye ban nou anpil limyè pou jwenn sekrè pou konprann verite ki ladan yo. Annou wè leson nou maten an epi konprann verite ladan I'.
I. FANMI LAN AK TI GASON AN.
Apòt Jan di nou nan vèse premye. "Yon gwo siy parèt nan syèl la." Sa nou dwe souliye nan vèse a se siy. Sa fè nou wè ke nou pa kapab entèprete fanm lan tankou yon fanm tout bon, tankou yon bagay literal, men nou dwe pran l' nan sans senbolik. Nan vèse 2 nou wè ke fanm sa a te ansent, li t'ap kriye ak doulé akouchman.
Sa montre nou yon fanm ki te gen anpil pwoblèm, anpil tribilasyon.
Annou gade sa nou jwenn nan Ezayi 54:5-7 pou nou wė kilès fanm sa a ye: "Paske kreyatè a se mari ou ... paske Letènèl rele ou tankou yon fanm abandone ki nan tristès tankou premye madanm li te kite a, yon lè mwen pran ou ak yon gran afeksyon..." Epi nan Miche nou wè ke Letènèl ap mande pèp Izrayèl: "Poukisa ou ap kriye tankou yon fanm k'ap akouche?" Vésè sa yo montre nou ke fanm sa a, reprezante pèp Izrayèl la.
Men nou te wè fanm lan vlope nan solèy la. Kisa solèy la vle di? Sòm 84:12 di konsa: "Paske Letènèl Bondye nou se solèy." Nan Ezayi 60:19-20 nou li: "Se pa solèy, ni lalin ki va klere nou, men Letènėl va limyè nou pou toutan. Lè sa a, solèy nou p'ap janm kouche, ni lalin nou p'ap janm fènwa". Nan Apokalips 22:23 li di, vil la pa pral bezwen ni solèy, ni lalin, paske Laglwa Bondye va klere vil la nét. Layo a va you flanbo pou klere vil eténél la. David te di nan Sòm 27:1, "Letènèl se limyè mwen, se sali mwen, kimoun pou mwen pè?" Avèk tout bèl pawòl sa yo, nou kapab di ke fanm lan se Izrayèl, epi solèy la se Letènèl. Ala bél bagay pou moun ki kache nan Letènèl.
Fanm lan gen yon kouwòn ki gen 12 zetwal nan tét li. Jozef te fè yon rèv, li te wè 12 zetwal mete ajenou devan li. Douz zetwal yo reprezante 12 tribi Izrayèl yo ki föme nasyon an. Lalin nan ki anba pye fanm lan, nou ta di se lalwa ke Letènèl te bay pèp la pou dirije li nan bon wout, nan bon chemen Letènèl, paske se solèy la ki fè lalin nan klere. David te di nan Sòm 119:105 "Pawòl la se yon lanp nan pye mwen, li se yon limyè sou chemen mwen."
Nou kwè fanm lan se Izrayèl ankò nan epok gran tribilasyon an. Izrayèl te enfidèl anvė solèy la ak lalin lan. Sa te fè nasyon an viv nan gran pwoblèm, nan dezolasyon paske solèy la konn jije yo, abandone yo kèk fwa. Men, malgre enfidelite fanm lan, li te mete yon pitit gason sou latè. Kilės li ye?
II. TI PITIT GASON AN AK NASYON IZRAYÈL
Izrayèl te mete sou latè yon pitit gason, kilès li ye? Nou kwè ke tout moun ta di kilès pitit sa a ye, se Jezikri ki te vin fèt nan ras Izrayèl. Nou wè Lespri Bondye p'ap kontinye montre sa k'ap vini, men li voye je byen Iwen nan tan pase a pou fè nou wè istwa pèp la. Satan t'ap goumen kont li pou devore l'. Jezi te fèt pami pèp la, li te viv pou montre pèp la bèl limyè levanjil la. Aprè sa li te monte nan syèl la pou chita nan twòn bò kote Papa li. Nou tout konnen ki kalite pèsekisyon Satan te mennen kont Jezi jouk li te resi touye li. Yon jou nan rèy milenè a, Jezi va gouvènen tout nasyon ak yon baton an fè, li va oblije tout nasyon yo fè volonte li. Satan te pare pou devore pitit la, men Pitit la te kraze tèt li avèk laviktwa li sou lakwa (Jeněz 3:15). Satan te pèdi batay la.
Lè Satan wè li te pèdi batay la li te fache anpil, li vire pou devore fanm lan. Nou sonje pèsekisyon Izrayèl te resevwa aprè lanmò Jezikri, nan lane 70. Bondye p'ap kite Satan fini ak fanm lan avèk flèv dlo li voye pou neye fanm lan. Bondye te bay fanm lan de zèl pou li vole ale nan dezè a kote li te kapab jwenn pwoteksyon Bondye. Izrayèl te deja pase 40 lane nan dezè a kote yo t'ap jwenn preparasyon pou yo devni yon nasyon. Alò, nou ta kapab di ke dezè a se nan lemonn kote Bondye te dispése Izrayél toupatou depi lane 70 aprè Kris jouk jodi a. Li te pwoteje yo nan preparasyon pou denye jou yo, yon epok de 3 lane edmi, kote Bondye va make fwon 144 mil sévité pəmi Jwif yo, ba yo yon pwoteksyon espesyal nan lè sa a? (An verite, vèsè sa yo trẻ difisil pou entèprete, Bondye va fè nou konprann tout bagay yon jou).
Sa se yon gwo mirak, fason Bondye pwoteje epi nouri pèp la. Sèpan an voye yon flèv dio dèyè fanm lan men latè pwoteje l'. Köm nou di deja, se anpil pèsekisyon Izrayėl resevwa nan men chef politik yo, men Bondye pwoteje l' sou tout latè kote li te dispėse.
KONKLIZYON: Se pa sèlman dèyè Izrayèl Satan lanse yon rivyė dio nan bouch li pou neye yo, men se tout pèp Bondye a ki resevwa atak Satan. Pawòl Bondye di nou nan Ezayi 59:19: "Lè lênmi an debòde tankou yon flèv, Lespri Letènèl ap fè l' pran kouri!" Annou sonje egzótasyon lapót Pyè a: Veye advèsè nou an, l'ap fè wonn nou, l'ap chache ki moun pou li devore (1 Pyė 5:8).
DEVWA YO.
1) Site 7 senból ke nou jwenn nan chapit 12 ak 13
2) Dapre vèse 1 ak 3, ki mo ki montre nou ke anpil bagay nou wè nan chapit sa a se senbol yo ye?
3) Kilės fanm lan reprezante?
4) Kilės solèy la reprezante? Bay kék vésé pou eksplikasyon?
5) Kisa lalin lan reprezante?
6) Kisa sa vle di: "Fanm lan kache nan solèy la"?
7) Kisa kouwòn 12 zetwal la vie di?
8) Kisa sa vle di fanm lan nan gwo doulè anfantman?
9) Ki kote chapit 12 la kite Satan?
10) Kilès ti pitit gason an ye?
11) Eske dragon an te reyisi manje fanm lan ak pitit la?
12) Kisa dezé a kapab reprezante?
13) Ki lespri ki kapab fè yon moun pale mal kont Izrayèl epi rayi pèp Jwif la?
