İctimai Radio

25/12/2023

Azərbaycanda 2024-cü il “Yaşıl dünya naminə həmrəylik ili” elan edilib. Bu barədə Azərbaycan Prezidenti İlham Əliyev sərəncam imzalayıb.
Azərbaycanın 2030-cu ilə qədər sosial-iqtisadi inkişafa dair beş milli prioritetindən biri “Təmiz ətraf mühit və yaşıl artım ölkəsi” kimi müəyyən edilmişdir. Həmin prioritetə uyğun olaraq, ətraf mühitin sağlamlaşdırılması, yaşıllıqların bərpası və artırılması, su ehtiyatlarından və dayanıqlı enerji mənbələrindən səmərəli istifadənin təmin edilməsi istiqamətində işlər aparılır.

25/12/2023

Maaşımızdan tutulan vergilər hara xərclənir? Bu suala vergi və maliyyə məsələləri üzrə ekspert, ikinci “Yüksəliş” müsabiqəsinin qalibi Elmir Hüseynov “İdarəetmənin əsasları” verilişində aydınlıq gətirib.

25/12/2023

Şəkilləri çevirərək İctimai Radioda səslənən yeni mahnılarla tanış ola bilərsiniz.

24/12/2023

2023-cü ildə itirdiyimiz bir çox dəyərli insanlar oldu. İlin sonuna doğru onları bir daha xatırlamaq istəyirik.
Şəkillərə əlavə olaraq həmçinin, deputat Madər Musayev, aktyor Ramiz Məlik, Heydər Əliyev Sarayının direktoru Fərhad Babayev, jurnalist və diplomat Ənvər Məmmədov, aktyor Elxan Qasımov, aktrisa Tünzalə Əliyeva, rejissor Azər Paşa Nemətovu da hörmətlə anırıq.

24/12/2023

23/12/2023

Bu gün Azərbaycan Respublikasının Prezidenti İlham Əliyevin doğum günüdür. Dövlət başçımızın 62 yaşı tamam olur.

22/12/2023

Bu həftə yaratdığı filmlərlə insanların ürəyinə yol tapan rejissor Ağarza Quliyevin anadan olmasından 125 il ötür.
Ağarza Quliyev haqqında oxuduğum məqalələrin bir çoxunda onun haqqında “Azərbaycan kinosunun yaradıcılarından biri” sözləri yazılıb. Ağarza Quliyev bu adı daşımaq üçün ən layiqli şəxslərdən biri olub. Hələ keçən əsrin 20-ci illərində o, kino üçün əlindən gələni edirdi. Gah aktyor, gah da rejissor köməkçisi kimi çalışdığı bu illərdə görkəmli sənətkar bir çox filmimizin ərsəyə gəlməsində mühüm rol oynayıb. Ağarza Quliyev 1924-cü ildə çəkilmiş “Bayquş” filmində oynadığı “nökər Əli” rolu ilə kinoya ilk addımlarını atıb. Həmin rolu haqqında danışarkən sənətkar qeyd edirdi ki, “Filmdə Əlinin özünü dənizə atması kadrının real alınması üçün fırtınalı havada suya tullanmalı oldum. Üzməyi bacarmadığım üçün az qala batacaqdım. Yoldaşlarım vaxtında köməyimə gəlməsəydi, kinoyla da, həyatla da vidalaşacaqdım”. Amma rol onun üçün vida yox, hələ başlanğıc idi.
30-cu illərdən etibarən Ağarza Quliyev artıq müstəqil rejissor kimi filmlər çəkirdi. “Almaz”, “Qara Daşlar”, “Mən ki gözəl deyildim” kimi ekran əsərləri onun yaradıcılığında xüsusi yer tuturdu. Amma onun ən böyük sənət işi “Ulduz” filmidir.

20/12/2023

Azərbaycan Prezidentinin köməkçisi - Ərazi-təşkilati məsələlər şöbəsinin müdiri Zeynal Nağdəliyev Mərkəzi Seçki Komissiyasında dairə seçki komissiyalarının sədrləri üçün keçirilən müşavirədə deyib ki, ölkə üzrə 125 seçki dairəsində səsvermə hüququ olanların sayı 1 milyon 143 min 620 nəfər artıb: “Seçici siyahılarında sayın artması bir sıra daxili və xarici miqrasiya ilə şərtlənib”.

20/12/2023

Bu gün türkiyəli şair Mehmet Akif Ərsoyun anadan olmasından 150 il ötür. O, yaradıcılığı boyu 7 şeir kitabı yazıb. Ərsoyun qələmə aldığı ən məşhur əsər isə 1921-ci ilə aiddir. Söhbət “İstiqlal Marşı”ndan gedir.
Türkiyə Cümhuriyyətinin himni olan “İstiqlal Marşı”na müəlliflik etmiş Mehmet Akif Ərsoy qardaş ölkədə “milli şair” ləqəbini alıb.
Onun şeirinin himnin sözləri olaraq seçilməsinin maraqlı tarixçəsi var. 1921-ci ildə Türkiyə İstiqlaliyyət Müharibəsinin əvvəllərində İsmət İnönü marş yazılması ilə bağlı müsabiqə təklif edir. Qalibə isə pul mükafatı nəzərdə tutulur. Müsabiqə üçün 724 şeir göndərilir. Lakin bu şeirlərin arasında Mehmet Akif Ərsoyun bir şeiri belə yer almır. O, pul almaq istəmədiyi üçün müsabiqəyə müraciət etmir.
Həmin 724 şeirdən heç biri marşa uyğun görülmür. Bundan sonra o dövrün Maarif Naziri Həmdullah Sübhi bəyin xüsusi dəvəti ilə Ərsoy fikrini dəyişdirir. Onun yazdığı şeir Mustafa Kamal Atatürkün də olduğu məclis zamanı çox bəyənilir. Mehmet Akif Ərsoy “İstiqlal Marşı” üçün ona təqdim olunmuş mükafatı isə yoxsullara inaə edir.

18/12/2023

Bu ay Azərbaycanda kənd təsərrüfatının inkişafında mühüm xidmətləri olmuş görkəmli botanik, akademik Müzəffər Abutalıbovun anadan olmasından 115 il ötür.
O, Azərbaycanda bitki fiziologiyası üzrə ilk elmlər doktorudur. Görkəmli alim əsasən pambıq, buğda, yonca, kartof kimi bir çox bitkilər üzərində elmi araşdırmalar aparıb. Onun araşdırmaları mikro elementlərin bitkilərin məhsuldarlığına təsiri ilə bağlı olub. Alimin bu araşdırmasının nəticəsində kənd təsərrüfatında məhsuldarlığın artırılması üçün yeni metodlar tətbiq olunub. Müzəffər Abutalıbov ilk dəfə müəyyən edib ki, kalsium elementi bitkilərdə aşağıdan yuxarıya doğru ötürülür və cavan hüceyrələrə çatdırılır. Bu araşdırma bitkilərin düzgün gübrələnməsi və dərmanlanmasını öyrənməyə kömək edib.

17/12/2023

Sabah “İdman gündəliyi” verilişinə güləş üzrə dünya çempionu Heydər Məmmədəliyev qoşulacaq və aparıcımız Əhmədin suallarını cavablandıracaq.
Heydər Məmmədəliyev dünya çempionluğu ilə yanaşı 2004 Yay Olimpiya Oyunlarının gümüş mükafatçısıdır. O, Milli Qəhrəman Əliyar Əliyevin tələbəsidir, 2009-cu ildən etibarən onun adına yunan-Roma güləşi üzrə xatirə turniri keçirilir.

Söhbətimizə sabah saat 11:00-dan etibarən qulaq asa bilərsiniz.

15/12/2023

Dövlət Statistika Komitəsinin xəbərinə görə, 2023-cü ilin yanvar-noyabr aylarında pərakəndə ticarət şəbəkəsində əhalinin bir nəfəri orta hesabla ayda 459,2 manatlıq, o cümlədən 256,8 manatlıq ərzaq məhsulları, içkilər və tütün məmulatları, 202,4 manatlıq qeyri-ərzaq malları alıb.

15/12/2023

Bu həftə Nizami Gəncəvi dedikdə gözümüzün önünə gələn portreti yaratmış görkəmli rəssam Qəzənfər Xalıqovun anadan olmasından 125 il ötür.
Görkəmli rəssam Nizaminin portretini 1940-cı ildə tamamlayıb. Qəzənfər bəy bunun üçün Üzeyir Hacıbəyovun məsləhəti ilə Ağcabədidən olan bir axundun yanına gəlib. Rəssam həmin axundda dahi şairi görmüşdü. Bu əsər Nizaminin 800 illiyi münasibətilə çəkilib. Rəssamın Nizamiyə olan sevgisi bununla bitməyib. O, həmçinin Nizaminin əsərləri ilə bağlı “İsgəndərnamə” və “Xosrov və Şirin” kimi məşhur rəsmlər yaradıb.

14/12/2023

Yaponiyada yetişdirilən mal-qaraya “vaqyu” deyirlər. “Va” yapon, “qyu” isə inək deməkdir. Vaqyu bir növ Yaponiyanın ət brendidir. Bu ad altında bir neçə bahalı ət növü təklif olunur. Onların içərisində ən dəyərlisi Kobe ətidir. O, hazırda dünyanın ən bahalı ət növü hesab olunur. Kobe ətinin 500 qramını təxminən 600 dollara əldə etmək mümkündür.
Onun belə bahalı olmasının bir neçə səbəbi var. Kobe əti az tapılması ilə yanaşı mərmər kimi görüntüyə, ideal yağlılığa və incəliyə malikdir. Kobe əti Yaponiyanın Hyoqo ərazisində yetişdirilən Tajima mal-qara cinsindən əldə olunur. Əldə olunmuş ətin standartlara uyğunluğuna nəzarəti, marketinq və satışının təşviqi ilə bağlı xüsusi assosiasiya fəaliyyət göstərir. Hər il yalnız bir neçə min heyvanın əti standartlara uyğunluq sertifikatı ala bilir.

14/12/2023

UEFA Avropa Konfrans Liqasında “Fənərbaxça” klubu qrup mərhələsi çərçivəsində son oyununa çıxır. Qardaş ölkə təmsilçisinin bu görüşdə rəqibi Slovakiyanın “Spartak Trnava” kollektividir. Qarşılaşmanı saat 21:45-dən etibarən İctimai Televiziyanın YouTube kanalında radiomuzun aparıcısı Əhməd Əliyevin şərhində izləyə bilərsiniz.

14/12/2023

Bolonya prosesinə gedən yol 1998-ci il mayın 25-də Fransada Paris Universitetinin 800 illiyinə həsr olunan konfransda 4 ölkə - Almaniya, İtaliya, Böyük Britaniya və Fransa təhsil nazirləri tərəfindən “Sarbonna Bəyannaməsi”nin qəbulundan sonra başlayıb.
Bu sistem elə yaradıldığı şəhərin adı ilə - Bolonya adlandırılıb. Prosesin rəsmi başlanğıcı isə bir il sonraya təsadüf edir. Hazırda bu prosesə 45 ölkə qoşulub.
Bolonya sisteminin əsas üstünlükləri tələbəyə fənn və müəllim seçimində müstəqilliyin verilməsi, tələbənin öz ixtisası üzrə Bolonya sisteminə qoşulmuş digər ölkələrdə də rahat təhsil ala bilməsidir.
Ölkəmiz 2005-ci ilin mayın 19-da Bergen şəhərində keçirilən konfransda Bolonya prosesinin həqiqi üzvü seçilib. Hazırda 26 ali məktəbdə ayrı-ayrı ixtisaslar üzrə kredit sistemi tətbiq olunur.

13/12/2023

Qazaxda əsir və girovların mübadiləsi prosesi başlayıb

13/12/2023

Anar Namazov bakalavr və magistr təhsilini Bakı Mühəndislik Universitetində alıb. Xaricdəki müəllimlik vakansiyalarına müraciət edə bilmək üçün 2018-ci ildə Birləşmiş Krallığın Nottingem Universitetindən “müəllimlik sertifikatı”nı əldə edib və beləliklə xarici ölkələrdə müəllimlik fəaliyyətinə başlayıb.
Anar bəy 2020-ci ildə Çinə köçüb və hazırda da oradakı beynəlxalq məktəblərin birində kimya müəllimi kimi çalışır. O, deyir ki, Çində müəllimlik peşəsi ən prestijli peşələrdən biri hesab olunur. Burada müəllimə və təhsilə hörmət cəmiyyətin əsas dəyərlərindən biridir. Bunun səbəblərindən biri odur ki, Çində cəmiyyət müəllimləri gələcəyin qurucusu olaraq görür və bu səbəbdən də müəllimliyi ali peşə hesab edir.

13/12/2023

“Euronews”un xəbərinə görə, “translate” sözü bu il Azərbaycanda ən çox axtarışa verilən sözdür.

11/12/2023

Ulu Öndərin əziz xatirəsini hörmətlə yad edirik.

11/12/2023

Aşıq Çingiz Mehdipur “Can, Azərbaycan”da qonağımız idi.

11/12/2023

Teymur Sadıxov NASA-da çalışmış ilk azərbaycanlıdır.
Teymur Sadıxov İstanbul Texniki Universitetində təhsil alıb. O, Universitetin Təyyarə mühəndisliyi ixtisasını birinciliklə bitirib. Teymur universitet yarandığı andan etibarən maksimum nəticə göstərmiş ilk tələbə olub. O, Kaliforniya Universitetinin Mexanika və Aerokosmik Mühəndislik fakültəsində təhsilini davam etdirib. Bundan sonra isə Corciya Universiteti onun yeni təhsil ünvanı olub. Onun buradakı təhsili NASA-nın dəstəyi ilə baş tutub. Elə həmin vaxtdan etibarən həmyerlimiz NASA ilə birlikdə layihələrə başlayıb. Onun əsas layihələrindən biri Marsda çalışan avtonom robotun idarə olunması ilə bağlı idi. Həmyerlimiz həmçinin çoxrobotlu sistemlərin idarəetməsi ilə məşğul olub. Bir müddət sonra NASA-dan ayrılan Teymur pilotsuz avtomobillərin hazırlanması sahəsində çalışıb. Hazırda Kaliforniyada yaşayan Teymur Sadıxov özünün əsasını qoyduğu texnologiya şirkətində fəaliyyətini davam etdirir.

11/12/2023

15:00-da yenidən efirdəyik.

10/12/2023

Uşaq yazıçısı Sevinc Nuruqızı qonağımız idi. Onun uşaqlar üçün bir neçə kitab tövsiyəsi var.

10/12/2023

Bu elm sahəsinin adını ilk dəfə e.ə 3-cü əsrdə yaşamış qədim yunan filosofu Erotosfen hallandırıb. Coğrafiyanın elm sahəsi kimi məktəblərdə nizamlı tədrisinə isə 19-cu əsrdən etibarən başlanılıb. Alman coğrafiyaçısı Karl Ritterin təsiri ilə ötən əsrin 70-ci illərinə qədər coğrafiya tarix fənni ilə sıx inteqrasiyada tədris edilirdi. O bir təbiət elmindən daha çox tarixi faktlara əsaslanaraq keçirilirdi.

10/12/2023

Xalq artisti Kamal Xudaverdiyevin kinoda ilk işi “İstintaq davam edir” filmi olub. Həmin filmdə görkəmli aktyor Çingizov obrazını canlandırıb. Deyilənə görə, filmin rejissoru Əlisəttar Atakişiyev Çingizov roluna çəkilmək üçün xaricdən aktyor dəvət etmək istəyirmiş. Lakin kinostudiyanın direktoru Adil İsgəndərov bu fikirlə razılaşmayıb və həmin rola Kamal Xudaverdiyevi təklif edib. Bir çox aktyorlar film karyeralarına epizodik rollarla başlasalar da, Kamal Xudaverdiyev birbaşa baş rola çəkilib. Onun ekranlarda göründüyü digər məşhur film isə “Nəsimi” olub. Həmin filmdəki Yusif obrazını xalq artisti Kamal Xudaverdiyev canlandırıb. Görkəmli aktyor ümumilikdə 40-dan çox filmdə rol alıb.

08/12/2023

Rəqəmsal marketinq üzrə menecer Tural Rüstəmli 2024-cü ilin sosial media trendlərindən danışıb.

07/12/2023

Azərbaycan Milli Elmlər Akademiyası nəzdində Respublika Seysmoloji Xidmət Mərkəzinin baş direktoru, professor Qurban Yetirmişli dekabrın 7-də Xəzər dənizində baş verən zəlzələ ilə bağlı keçirilən mətbuat konfransında deyib ki, zəlzələ Siyəzən qırılmasının aktivləşməsi ilə əlaqədardır. Zəlzələdən sonra 6 afterşok qeydə alınıb. Zəlzələnin davametmə müddəti 51 saniyə, hissolunma müddəti isə 47 saniyə təşkil edib.

07/12/2023

105 il bundan öncə məhz bu gün Azərbaycan Xalq Cümhuriyyətinin Parlamentinin ilk iclası baş tutub. Parlamentin təntənəli açılışı hazırki Məhəmməd Füzuli adına Əlyazmalar İnstitutunda keçirilən iclasda baş tutmuşdu. O dönəmdə bu bina Hacı Zeynalabdin Tağıyevin Qızlar Məktəbi idi.
Məhz 105 il öncə, bu gün Məhəmməd Əmin Rəsulzadə özünün ən məşhur ifadəsini – “Bir dəfə qaldırılmış bayraq bir daha enməyəcəkdir” sözlərini deyib. Bu ifadədən sonra millət vəkilləri ayağa qalxmış, şiddətli alqışlar uzun müddət davam etmişdi. 1923-cü ildə Rəsulzadənin İstanbulda çap edilmiş “Əsrimizin Səyavuşu” əsərində isə bu ifadə hamımızın bildiyi formada, yəni “Bir kərə yüksələn bayraq bir daha enməz!” formasında işlədilib.

07/12/2023

Maskada kimlər olacaq?
Maska 10 Dekabr 21:00-da İctimai Televiziyanın efirində

06/12/2023

Səhiyyə Nazirliyinin eksperti Nigar Bayramova “Can, Azərbaycan”da son günlərdə gündəmdə olan qızılca xəstəliyi, onun müalicəsi və profilaktikası haqqında danışıb.

06/12/2023

Nəcməddin Hacıyev Sovet kosmik tibbinin ilk azərbaycanlı nümayəndəsidir. O, əsasən alpinistlərin səhhəti ilə bağlı araşdırmalar aparırdı. Dəniz səviyyəsindən minlərlə metr yüksəklikdə olan insanların taleyi onu düşündürürdü. Nəcməddin bəy Moskvada kosmik biologiyanın atası hesab edilən Oleq Qazenko ilə birgə çalışırdı. Bir müddət sonra onun Azərbaycana qayıtması məsələsi ortaya çıxanda Qazenko israrla onun Moskvada qalmasını istəmişdi.
Azərbaycana qayıdan Nəcməddin Hacıyev Hemotologiya və Qanköçürmə İnstitutunda çalışmağa başlayıb və araşdırmalarını burada da davam etdirib. Maraqlıdır ki, görkəmli alim özü də SSRİ İdman ustası adına layiq görülüb. 50–60-cı illərdə o, Pamir, Alp dağları, Tyan-Şan, Böyük və Kiçik Qafqaz zirvələrini fəth edib.

06/12/2023

Maskada kimlər olacaq?

Maska 10 Dekabr 21:00-da İctimai Televiziyanın efirində

05/12/2023

Uşaqları nizamlı şəkildə məktəblərə çatdırmaq üçün 19-cu əsrin əvvəllərindən arabalardan istifadə etməyə başlayıblar. İlk dəfə belə daşıma arabası Londonun şimal-şərqindəki Quaker məktəbində təşkil edilib. ABŞ-da isə məktəb arabaları ilk olaraq kənd yerlərində yayılmağa başlayıb.
Mühərrikin yaranması ilə bu arabaları avtobuslar əvəzləməyə başlayıb. 1930-cu illərdən etibarən sözügedən avtobuslar müasir formasını almağa başlayıb.

05/12/2023

Azərbaycanın 5 milyonuncu sakininin hazırda 55 yaşı var.

04/12/2023

Son günlər bank kartları ilə aparılan dələduzluq hadisələri ilə bağlı şikayətlər artıb. "İdarəetmənin əsasları" verilişində qonağımız Mərkəzi Bankın əməkdaşı Rəşad Qasımov ilə bu mövzuda danışdıq. Onun bir neçə məsləhəti var.

02/12/2023

Bu həftə əməkdar rəssam Rəfael Abbasovun anadan olmasından 80 il ötür. Rəfael Abbasovun yaradıcılığında Abşeron mövzusunun xüsusi yeri var idi. Bunu rəssamın “Bilgəh”, “Qala kəndi”, “Neft qazmaçıları” kimi əsərlərində görmək mümkündür. Lakin rəssamın məşhurlaşması əsasən portret janrındakı əsərlərinə görə olub. O, heykəltəraş Tofiq Hüseynov, rəssam Nadir Qasımov, akademik Məzahir Abbasov, aktyor Fuad Poladovun portretlərini çəkib. Rəfael Abbasovun çəkdiyi ən məşhur portretlərdən biri isə ümummilli lider Heydər Əliyevə həsr olunub. Həmin əsər “Düşüncələr” adını daşıyır. Əsərdə Ulu öndər kresloda əyləşərək fikirlərə dalır. Rəssam qeyd edir ki, o, portret üzərində 6 ay işləyib.