18/10/2024
«Baku Auto Mall» və avtomobil udmaq şansı
Sizcə təzə avtomobil axtaran şəxs hara mürəciət edir?
İnternet satış platformalarına, rəsmi və qeyri-rəsmi salonlara, maşın bazarına…
Araşdırmalar göstərir ki, alıcıların əksəriyyəti avtomobili «canlı» görmək, sükan arxasına əyləşmək, rəng və komplektasiya seçmək, test yürüşü həyata keçirmək,
eyni qiymət seqmentində təklif olunan digər istehsalçıların modelləri ilə müqayisə etmək istəyir. Bu baxımdan rəsmi diler mərkəzlərinin bir-birindən uzaq məsafədə yerləşməsi və yollarda hökm sürən «tıxaclar» bəzən avtomobil seçimini aylarla davam edən əsəbi prosesə çevirir.
Bu problemi həll etmək məqsədilə Bakıda gerçəkləşdirilmiş ekstraordinar bir layihə barədə məlumat vermək istəyirik.
Babək prospektində yenicə ucaldılmış yeddi mərtəbəli «Baku Auto Mall»da dünya şöhrətli avtomobil brendlərinin rəsmi nümayəndəlikləri fəaliyyətə başlamışdır. Ölkəmizin və regionun ən böyük avtomobil satış mərkəzində Almaniya, Amerika, Yaponiya, Koreya, Ingiltərə, İtaliya, Fransa, Çin istehsalından bütün növ yeni avtomobillər özunəməxsus formatda müştərilərə təqdim olunur.
«Baku Auto Mall»a geniş alıcı kütləsi cəlb etmək üçün müxtəlf avtomobil sərgiləri və festivalları, yeni modellərin təqdimatları, test-drayvları və avtomobil udmaq şansı verəcək lotoreyalar həyata keçirilir. Müştərilərin rahatlığı üçün parklanma, avtomobillərin satış öncəsi servisi, avtoyuma-cilalama, tüninq və s. xidmətlər də təklif olunur. Tezliklə burada bank nümayəndəlikləri, kredit təşkilatları, sığorta şirkətləri, «rent a car» və s. qurumlar fəaliyyətə başlayacaq. Bundan əlavə kafe və restoranlar, böyüklər üçün müxtəlif avtoidman, o cümlədən Formula-1 simulyatorları və digər oyun zonaları, uşaqlar üçün əyləncə guşəsi də təşkil olunacaq ki, bütün bunlar «Baku Auto Mall»da avtomobil seçimi prosesini buraya gəlmiş ailələr üçün əsl bayrama çevirəcək.
Layihənin mahiyyəti barədə «Baku Auto Mall»un direktoru və Azərbaycan Avtomobil Dilerləri Assosiasiyasının sədri Natiq Zərbəliyev aşağıdakıları söylədi:
Yeni avtomobil axtarışında olan müştəriləri bir ünvanda qarşılayaraq, istəklərinə və büdcələrinə görə geniş seçim təklif etmək, avtomobilin satın-alma və rəsmiləşdirmə prosesini son dərəcə asanlaşdırmaq, avtomobil satışı xidmətlərində ən innovasion texnologiyalardan istifadə edərək,
Azərbaycanda sivil avtomobil bazarının simvoluna çevrilmək, Baku Auto Mall-da təmsil olunmuş rəsmi diler və distribyutorların satış göstəricilərinin dinamik artımına nail olmaq, bununla da ölkə avtomobil sektorunun davamlı inkişafına tövhə vermək - qarşımıza qoyduğumuz əsas məqsədlərdir. «Baku Auto Mall» təkcə ölkə miqyasında deyil, qlobal miqyasda da unikal layihədir. Mərkəzin test rejimində işləməsinə baxmayaraq, tez-tez xaricdən gəlmiş qonaqları qarşılamalı və çoxsaylı sualları cavablandırmalı oluruq.
Yeri gəlmişkən, tezliklə mərkəzin rəsmi açılış mərasimi baş tutacaq. Açılışdan bir həftə sonra isə «Baku Auto Mall»un İnstagram səhifəsinin izləyiciləri arasında onlayn rejimdə avtomobil uduşu baş tutacaq. Xatırladım ki, bu «Baku Auto Mall» və məşhur idmançı-bloqer Çaqayevin birgə layihəsidir. Uduşda iştirak etmək üçün hələ vaxt var, şərtlərimizlə «baku.automall» və ya «chagaev4x20» instagram səhifələrində tanış ola bilərsiz. Hamıya uğurlar arzu edirik.
