mikpro

28/06/2024

“Planet Parni iz Baku” “mikpro”da!

“Planet Parni iz Baku” studiyası uzun illərdir ki, fəalliyətini uğurla davam etdirir. Əfsanəvi komandanın yeni və tarixi konsertləri, arxiv proqramları, eləcə də filmlərini YouTube kanalı vasitəsilə izləyə bilərsiniz. Kanalda sosial şəbəkələr üçün xüsusi olaraq hazırlanmış videolar da var. Qaçırmamaq üçün YouTube kanalına abunə olun!

21/06/2024

Aygün Bəylər “mikpro”da!

Aygün Bəylər repertuarına daxil etdiyi xalq və estrada mahnılarını bənzərsiz ifası ilə dinləyicilərə təqdim edib. 90-cı illərdən başlayan musiqi karyerasına “Tut Ağacım”, “Qəlbimin Səsi”, “Özün Günahkarsan” və daha çox sayda unudulmaz mahnılar yazdırmışdır. Sənətçinin ifalarını toplayıb 3 albom və 4 sinql olmaqla rəqəmsal platformalarda əlçatan etdik. Dinləmək üçün link hekayə bölməsindədir!

14/06/2024

Aynur Xəlilova “mikpro”da!

Öz sahəsində uğurlu fəaliyyəti ilə tanınan moda dizayner Aynur Xəlilova “Hərşeyşünas” adlı podkasta başladı. Bu günədək hazırlanan 6 buraxılışda fərqli sahələrdən qonaqlarla onların ixtisaslarına dair, eləcə də aktual mövzulara toxunulur. Onun son qonağı olan PRoMete ilə hazırladığı buraxılışı və yenilikləri izləmək üçün kanalına abunə olmağınız kifayətdir.

07/06/2024

Cavid Məmmədov “mikpro”da!

Gənc ifaçılar arasında ifa tərzi və romantik mahnıları ilə seçilən Cavid Məmmədov yaradıcılığı müddətində hit mahnılara imza atmış, sevilən ulduzlarla duetlər hazırlamışdır. Onun yeni mahnısı “Yalan Danışma” bu günlərdə onlayn oldu. Əksər mahnılarında olduğu kimi söz və musiqisi özünə məxsus olan yeni mahnısını dinləmək üçün hekayə bölməsinə yerləşdirdiyimiz linkə keçid edin.

05/06/2024

Gəlin bir qədər zamanda səyahət edək. Şərh bölməsinə xatırladığınız bir yay hiti yazın! 🏝️

01/06/2024

31/05/2024

Turanə Hüseynli “mikpro”da!

Müxtəlif layihələrdə aparıcı və aktrisa kimi görməyə alışdığımız Turanə Hüseynli ötən il YouTube layihəsi olan “Qız Kimi” proqramına başladı. O, artıq 6 buraxılışı yayımlanan proqramda iştirak edən qonaqlarla onların peşə yönlərilə bərabər, əsasən psixoloji, sosial mövzularda və qadın-kişi münasibətlərilə bağlı söhbətlər edir. Turanə Hüseynlinin son qonağı - Orxan Zeynallı ilə olan buraxılışı, eləcə də növbəti bölümləri qaçırmamaq üçün izləmədə qalın.

24/05/2024

Islama Abdullayeva “mikpro”da!

Islama Abdullayevanın diskoqrafiyasını klassik musiqi nümunələri, habelə Azərbaycan bəstəkarlarının seçilmiş bəstələri əhatə edir. Yaradıcılığında eksperimentlər etməyi sevən ifaçı bu günədək bir neçə albom, çox sayda sinql təqdim etmişdir. Dinləmək üçün link hekayə bölməsində!

20/05/2024

Genius veb saytı özündə dünyanın hər yerində yayımlanan mahnı mətnlərini ehtiva edir. 4 illik fəaliyyətimizin nəticəsində “mikpro” hesabı 300.000 IQ ilə ölkəmizdə ən yüksək göstəriciyə çatmışdır. Sənətçilərimizin ifalarına göstərdiyiniz maraq üçün təşəkkür edir və ən çox səhifələnən 10 mahnı siyahısını təqdim edirik:

01. Abbas Bağırov – Xudayar Təsnifi (Vətən Yaxşıdır)
02. Payam Turk – Mənəm Türk
03. Xpert – T.T.M
04. Miro – Təcili Yardım
05. Paster – YENİDƏN
06. Paster – 1st Class
07. Paster – GANG
08. Elnarə Xəlilova – Laylay
09. Eyyub Yaqubov – Bakılı Balası
10. Paster – QAYIT GƏL

13/05/2024

Nicat Rəhimov “mikpro”da!

İştirak etdiyi film və seriallarda canlandırdığı komik rollarla tanınan aktyor ötən ildən etibarən YouTube fəaliyyətinə başlamışdır. Bu günədək kanalında yayımlanan hər 3 film fərqli məzunları ilə diqqət çəkmiş və yüzlərlə baxış sayı qazanaraq trend siyahısına girmişdir. Nicat Rəhimov hazırda yeni layihəsi üzərində işləyir. Sənətçinin yeniliklərindən xəbərdar olmaq üçün kanalına abunə olmağı unutmayın.

10/05/2024

Pərviz Bülbülə “mikpro”da!

Pərviz Bülbülə istər ifa etdiyi meyxanaları, istərsə də duet şəklində hazırladığı mahnılarla son illərdə ən məhsuldar ifaçılardan biridir. Sənətçi bu il artıq 3 yeni mahnısını – “Eşq”, “Madəm” və “Yar-Yar”ı dinləyicilərə təqdim edib. Qarşıda isə yeniliklər gəlməkdədir. Pərviz Bülbülənin bütün ifalarını dinləmək üçün link hekayə bölməsində!

03/05/2024

Əlixan Rəcəbov “mikpro”da!

Əlixan Rəcəbovun yaradıcılığını qısametrajlı filmlər, sosial şəbəkə hesablarında paylaşdığı videolar və bədii film-seriallar əhatə edir. Sənətçi hazırda fəaliyyətini “Alatava” serialında davam etdirir. Onun YouTube kanalına abunə olaraq həm serialdan qısa hissələr izləyə, həm də hazırda üzərində işlədiyi qarşıdan gələn məzmunlarından xəbərdar ola bilərsiniz. Link üçün hekayə bölməsinə keçid edin.

29/04/2024

Hansı mahnıdır? Şərhdə yaz.

28/04/2024

Emil Əfrasiyab “mikpro”da!

Emil Əfrasiyabın yaradıcılığında Azərbaycan musiqi ənənələrini, həmçinin klassik, caz üslubunun nümunələrini görmək mümkündür. Bu günlərdə onun 11 trekdən ibarət olan “Ömrün Səhifələri” albomu dünyanın 250-dən artıq rəqəmsal platformalarında onlayn olmuşdur. Dinləmək üçün hekayə bölməsindəki linkə keçid edə bilərsiniz.

26/04/2024

Hamınızın bildiyi kimi bir neçə ay öncə mərhum ilahiyyatçı Hacı Şahin Həsənlinin rəsmi YouTube kanalı kibercinayətkarların hücumuna məruz qalmışdı. “Ripple” adlı kriptovalyuta ilə məşğul olan cinayətkarlar Hacı Şahinlə bərabər dünya üzərində də bir çox böyük YouTube kanalını da ələ keçirib. O kanalların bəziləri hələ də onların əllərində olsa da, nə xoş bizə ki, “mikpro” əməkdaşlarının səyləri nəticəsində Hacı Şahin Həsənlinin kanalı öz idarəçilərinə qaytarılmış, bütün məzmunlar bərpa edilmişdir.

19/04/2024

“Özəl Media” “mikpro”da!

“Özəl Media” istehsal etdiyi musiqi formatlı proqramlar ilə müxtəlif televiziya kanalları vasitəsilə yayım həyatını davam etdirir. Sənətçilərin xüsusi konsert proqramları, akustik ifaları, hit paradlar və söhbətlər – bir sözlə melomanlar üçün maraqlı məzmunlarla zəngin olan verilişləri yenidən izləmək üçün YouTube kanalına abunə olmağınız kifayətdir. Link hekayə bölməsində!

15/04/2024

Son günlərdə həm qlobal, həm də lokal səviyyədə YouTube kanallarının oğurlanması ilə rastlaşırıq. Bu halların sizin də başınıza gəlməməsi üçün nəzərinizə bir neçə məqamı çatdırmaq istəyirik. Bu tip hadisələrin baş verməsinin başlıca səbəbi kanallarda idarəçi olan e-mail-lərin təhlükəsizliyinə diqqət yetirilməməsidir. Kanalınızın oğurlanması ehtimalını minimuma endirmək üçün aşağıdakı nüanslara diqqət edin:
1) Kanalınızda admin olan mail ünvanınızla başqa heç bir sayta giriş etməyin. O mail ünvanınızı sadəcə kanalınıza daxil olmaq və idarə etmək üçün istifadə edin.
2) Həmin mail ünvanına gələn e-poçtlar dünyanın ən tanınmış markalarından və şirkətlərindən olsa belə, heç bir halda həmin linkə daxil olmayın.
3) İdarəçi mail ünvanınızı maksimum gizli tutun və heç bir yerdə qeyd etməyin.
4) İki faktorlu doğrulamanı və bərpa mailini aktiv edin.

Yuxarıda qeyd olunan addımlara diqqət etsəniz, kanalınızın oğurlanmaq ehtimalı azalacaq.

12/04/2024

Sədəf Budaqova “mikpro”da!

Sevilən müğənni Sədəf Budaqovanın uzun müddətdir davam edən iş birliyimiz dövründə yayımladığı xalq və bəstəkar mahnıları dinləyicilər tərəfindən rəğbətlə qarşılanmışdır. Sənətçi bu günlərdə aşıq yaradıcılığına müraciət edərək “Ceyranım” mahnısını təqdim etdi. Son mahnısı, o cümlədən digər sevilən ifaları ilə bərabər musiqi arxivini hekayə bölməsindəki linkə keçid edərək izləyin.

06/04/2024

“CVN TV” “mikpro”da!

“CVN TV” komandası 2018-ci ildə başladığı fəalliyyətinə müxtəlif kateqoriyalarda hazırlanan video məzmunlar ilə davam edir. Hazırda kanal 500.000-dən çox abunəçi sayı və milyonlarla izlənmə rəqəmlərinə çatmışdır. “CVN TV”nin yeni məzmunlarından xəbərdar olmaq üçün abunə olmağınız kifayətdir. Link hekayə bölməsində!

05/04/2024

4 illik praktikamız onu göstərir ki, bir çox musiqiçilərimiz musiqi ilə bağlı hüquq mexanizminin necə işlədiyindən xəbərdar deyillər. Belə ki, əksəriyyət musiqiçilər elə düşünürlər ki, onlar istədikləri yerli və ya xarici musiqini icazəsiz ifa (kover, karaoke, remix, remake, mix, mashup və s.) edə bilərlər.

Eləcə də bir çox hallarda oxunulan musiqilər şifahi razılıq əsasında olur. Daha sonra bəzi müəlliflər şifahi razılaşmanı heçə sayaraq həmin mahnı barəsində hüquqi iddia qaldıra bilirlər. Təcrübəmizdə bu cür bir çox neqativ hadisələr var.

Müəllif və ifaçılar arasında şifahi razılaşmaların hüquqi bazası olmadığına və heç bir sənədə istinad edilə bilmədiyinə görə, bu cür mübahisələrdə bütün hallarda müəlliflər haqlı olurlar. Çünki musiqinin sözləri və musiqisi əsas hüquq (mexaniki hüquq), audioyazı və ya ifa isə əlaqədar hüquq (master hüquqları) sayılır. Adından da göründüyü kimi əsas hüquq predmeti olmasa, əlaqədar hüquq özü-özlüyündə mövcud ola bilməz.

Sonradan rast gəlinəcək halların qarşısını almaq və hüquqi baza yaratmaq üçün tərtib etdiyimiz və özümüzün də daim istifadə etdiyimiz “istifadə haqqında icazə müqaviləsi”ni sizə təqdim edirik. Müqavilə Azərbaycan və ingilis dillərindədir. Tərəfinizdən doldurulmalı olan bölmələr sarı ilə işarələnib. Həm bizimlə, həm də digər yayım şirkətləri ilə çalışan bütün sənətçilərə musiqimizin hüquqi bazasının əsaslı inkişafı üçün bu müqavilədən yararlanmalarını tövsiyə edirik. Müqaviləni aşağıdakı linkdən əldə edə bilərsiniz.

https://mikpro.az/istifademuqavilesi

29/03/2024

ROOF “mikpro”da!

2021-ci ildə musiqi karyerasına başlayan Roof bu günədək müntəzəm olaraq yeni sinqllar-kliplər təqdim etməyə davam edir. Xüsusilə, ötən il təqdim etdiyi “Qal, Sənə Qurban” treki ilə diqqət çəkən artistin son çalışması “Bilmədi” adlanır. Dinləmək üçün link hekayə bölməsindədir. Bizi izləməyə davam edin!

22/03/2024

Jeyhun Samedov “mikpro”da!

Musiqiyə özünəməxsus yanaşması olan sənətçi “Tufan Var”, “Getmə” mahnıları ilə dinləyicilərin sevgisini qazanmışdır. O, uğurlu işlərinin ardınca “Gözlərin Kimi” adlanan yeni mahnı hazırlayıb. Kliplə birlikdə təqdim olunan mahnıda sənətçi bu dəfə də öz duyğularını ifadə edir. Dinləmək üçün linkə hekayə bölməsindən keçid edə bilərsiniz.

15/03/2024

“Qarabağ” Muğam Qrupu “mikpro”da!

“Qarabağ Muğam Qrupu” indiyədək davam edən fəaliyyət illəri ərzində Azərbaycan muğamları və milli musiqi alətlərimizin təbliği üzrə müxtəlif ölkələrdə konsert proqramları ilə çıxış etmiş, musiqi albomları hazırlamışdır. Xanəndə-Xalq artisti Mənsum İbrahimov, tarzən-Xalq artisti Elçin Həşimov və kamança ifaçısı-Əməkdar arist Elnur Əhmədovdan ibarət olan qrup ifaları ilə artıq rəqəmsal platformalarda da əlçatandır. Dinləmək üçün hekayə bölməsindəki linkə keçid edin.

13/03/2024

YouTube Music Azərbaycanda rəsmi olaraq aktivdir!

Dünyada bir çox ölkədə istifadəyə verilmiş və geniş musiqi bazasına sahib olan YouTube Music artıq ölkəmizdə də əlçatandır. Standard və premium versiyaları mövcüd olan servisdə mahnıları dinləyə, videoklipləri izləyə və mahnı sözlərini tapa bilmək imkanınız var. Aktiv rəqəmsal platforma istifadəçiləri üçün hər gün yeni seçimlər yaranır və bu seçimlərdən doğan rəqabət daim inkişafa aparır.

07/03/2024

Sabir Samiroğlu “mikpro”da!

Sabir Samiroğlu paylaşdığı vine videolar ilə sosial mediada yüksək baxış rəqəmləri əldə etmişdir. Paylaşımlarına qısa film və verilişlər də əlavə etmiş və son olaraq “Ehtiyacım Var”, “Yam-Yam” treklərini yayımlamışdır. Əgər onu izləyənlərdən hələ də YouTube kanalına abunə olmayanlar varsa, hekayə bölməsindəki linkə keçid edə bilərsiniz.

01/03/2024

Əziz mikpro izləyiciləri!
Artıq bir neçə müddətdir ki, şirkətimizin rəsmi YouTube kanalında Azərbaycanın bilinən musiqilərinin bilinməyən tərəfləri ilə bağlı "Mahnını Tap" layihəsinə start vermişik. Siz də əgər musiqilərimiz haqqında maraqlı məlumatlar öyrənmək istəyirsinizsə və ya məlumatlı olduğunuzu düşünürsünüzsə, kanalımıza keçid edib, layihədə iştirak edə bilərsiniz.

https://www.youtube.com/

01/03/2024

Gülay Zeynallı “mikpro”da!

“Doya-Doya”, “Röyamdasan”, “Elə Bil” kimi sevilən mahnıların ifaçısı ötən həftə “Yazdım” adlı yeni mahnısını təqdim etdi. Qısa zamanda yüksək rəqəmlərə çatan yeni ifası, eləcə də illər ərzində ifa etdiyi digər mahnıları artıq dinləməyiniz üçün hazırdır. Link üçün hekayə bölməsinə keçid edin.

29/02/2024

Boşluğu doldur və sevdiyin sənətçiyə mesajını çatdır ✨

21/02/2024

“Bizgroup Production” “mikpro”da!

“Bizgroup Production” 2017-ci ildə fəaliyyətə başlamışdır. Bu günədək istehsal etdikləri film-serial, musiqi və talk show məzmunları ilə milyonlarla baxış əldə etmişdirlər. Hazırda “Sevgisizlər” serialını hazırlayan komandanın yeniliklərindən xəbərdar olmaq üçün YouTube kanalına abunə olmağınız kifayətdir. Link hekayə bölməsində!

20/02/2024

#2004 #2024