Press.az/İdman

Home
Azerbaijan
Baku
Press.az/İdman

İdman haqqında bütün operativ xəbərlər bu səhifədə

04/01/2024

"Qarabağ” bu qış ilk transferini reallaşdırıb.

Bu barədə klubun mətbuat xidməti məlumat yayıb. Ağdam təmsilçisi “Sabah”dan Aleksey İsayevi heyətinə qatıb. 28 yaşlı yarımmüdafiəçisi ilə 3,5 illik müqavilə imzalanıb.

O, 2020-2023-cü illərdə “Sabah”ın formasını geyinib. Azərbaycan millisinin də üzvü olan İsayev bunadək Rusiyada “Yenisey” (2014-16, 2017-18) və “”Zenit-2” (2016-18), ölkəmizdə “Sumqayıt”da (2018-20) çıxış edib.

03/01/2024

Real Madrid klubuna qələbə gətirən yeganə qol ⚽️

03/01/2024

Azərbaycanlı futbolçu Vüsal İsgəndərli karyerasını Türkiyədə davam etdirəcək.

O, Albaniya "Eqnatiya"sından "Boluspor"a keçib. Bu barədə Türkiyə 1-ci liqa təmsilçisinin saytı məlumat yayıb. 28 yaşlı hücumçu ilə 1,5 illik müqavilə imzalanıb.

Qeyd edək ki, "Boluspor" 1-ci liqada 17 turdan 22 xalla 10-cu pillədə qərarlaşıb.

Xatırladaq ki, V.İsgəndərli 2023-cü ilin iyulundan "Eqnatiya"da oynayırdı.
Boluspor

02/01/2024

Bellinqem ötürdü, Arda topu qapıya göndərdi.

Bu ikisini yaşıl meydanda görmək maraqlı olacaq. 🔥

02/01/2024

Azərbaycanda 2023-cü ilin ən yaxşı futbolçusu müəyyənləşib.

“Futbol+” qəzetinin yığma məşqçiləri, klub məşqçiləri, kapitanlar, mətbuat katibləri, 1-ci liqa klublarının baş məşqçiləri, futbol rəhbərliyi, mütəxəssislər, agentlər, oyunlara AFFA nümayəndəsi kimi gedən şəxslər, jurnalistlər və blogerlər arasında keçirdiyi sorğu nəticəsində seçilib.

Ətraflı
Ad - 00:07
Sorğunun nəticəsinə əsasən, Azərbaycan milli komandasının və “Qarabağ”ın 26 yaşlı müdafiəçisi Bəhlul Mustafazadə 2023-cü il üçün ölkənin ən güclü oyunçusu adını qazanıb. O, 305 səs toplayıb.

Siyahıda ilk onluq aşağıdakı kimi olub:

1. Bəhlul Mustafazadə 305 (səs)

2. Emin Mahmudov (244)

3. Elvin Cəfərquliyev (197)

4. Toral Bayramov (88)

5. Renat Dadaşov (70)

6. Musa Qurbanlı (52)

7. Ramil Şeydayev (38)

8. Aleksey İsayev (30)

9. Mahir Emreli (12)

10. Məqsəd İsayev – (8)

02/01/2024

Şərqi Avropa Voleybol Zonal Assosiasiyası (EEVZA) çempionatında iştirak edəcək 20 yaşadək voleybolçu qızlardan ibarət Azərbaycan millisi Litvanın Şaulyay şəhərinə yola düşüb.

Şahin Çatmanın rəhbərlik etdiyi komanda Latviya, Ukrayna, Estoniya, Polşa və ev sahibi ilə üz-üzə gələcək.

Yığmamız ilk matçını yanvarın 3-də Estoniyaya qarşı keçirəcək.

Qeyd edək ki, 3-7 yanvar tarixlərində baş tutacaq yarış AVRO-2024-ə seçmə xarakteri daşıyır. Reqlamentə əsasən, çempion qitə birinciliyinin final mərhələsinə vəsiqə əldə edəcək.
Azərbaycan Voleybol Federasiyası

26/12/2023

Bu gün Azərbaycan idmanında 2023-cü ilin ən yaxşıları bəlli olub.

Qaliblərin adları Gənclər və İdman Nazirliyinin təşkilatçılığı ilə keçirilən Qala mərasimdə açıqlanıb.

Ən yaxşıların seçimi 3 mərhələdən ibarət olub. İlkin mərhələdə olimpiya idman növləri üzrə federasiyalar nominasiyalar üzrə öz namizədlərini təqdim ediblər. İkinci mərhələ sosial media vasitəsilə izləyicilər arasında aparılıb. Üçüncü mərhələdə isə nazirlikdə yaradılmış münsiflər komissiyasının rəyi nəzərə alınıb.

Seçim prosesində namizədlər federasiyalardan 50 faiz, izləyicilərdən 30 faiz, xüsusi münsiflər komissiyasından isə 20 faiz səs alıblar.

İdman.biz İlin ən yaxşı media qurumları arasında üçüncü olub.

Saytımızın əməkdaşı Zəki Feyzullayev "İlin ən fəal idman jurnalisti" nominasiyasında qalib, fotoqraf Rüfət Abdullayev isə "İlin ən yaxşı idman fotoqrafı" nominasıyasında ikinci olub.

İlin ən yaxşı qadın idmançısı
1. Zöhrə Ağamirova (Bədii gimnastika)
2. Gövhər Beydullayeva (Şahmat)
3. İrina Zaretska (Karate)

İlin ən yaxşı kişi idmançısı
1. Hidayət Heydərov (cüdo)
2. Mixail Malkin (İdman Gimnastikası
3. Həsrət Cəfərov (Yunan-Roma güləşi)

İlin ən yaxşı qadın komandası
1. Bədii gimnastika üzrə milli komanda
2. Şahmat yığması
3. "Neftçi" Basketbol klubu (3x3)

İlin ən yaxşı kişi komandası
1. "Qarabağ" futbol klubu
2. Yunan-Roma güləşi üzrə yığma komanda
3. Tamblinq yığması

İlin ən yaxşı hakimi
1. Nazim Umbayev (cüdo)
2. Sədi Quliyev (güləş)
3. Asif Şirəliyev (güləş)

İlin ən yaxşı məşqçisi
1. Qurban Qurbanov (futbol)
2. Siyana Vasileva (Bədii gimnastika)
3. Rüstəm Alimli (cüdo)

İlin ən yaxşı idman tibb personalı
1. Ramil Vəliyev (cüdo)
2. Zaur Abdullayev (boks)
3. Milli İdman Tibb və Reabilitasiya Elmi Praktiki İnstitutu

İlin ən yaxşı idman federasiyası
1. Azərbaycan Gimnastika Federasiyası
2. Azərbaycan Cüdo Federasiyası
3. Azərbaycan Kanoe və Avarçəkmə

İlin ən yaxşı idman klubu
1. "Ocaq Sport" İdman Klubu
2. "Sabah" Basketbol Klubu
3. "Qarabağ" Futbol Klubu

İlin ən yaxşı Olimpiya İdman Kompleksləri
1. Quba Olimpiya İdman Kompleksi
2. Şəki Olimpiya İdman Kompleksi
3. Sumqayıt Olimpiya İdman Kompleksi

İlin ən yaxşı idman qurğusu
1. "Kür" Olimpiya İdman Təlim Mərkəzi
2. Milli Gimnastika Arenası
3. Bakı Su İdmanı Sarayı

İlin ən yaxşı idman məktəbi
1. Şuşa UGİM
2. "Ulduz" Futbol Akademiyası
3. Su idman növləri üzrə yüksək idman ustalığı məktəbi

İlin Ədalətli oyun (Fair Play) mükafatçısı
1. Qurban Qurbanov
2. Azərbaycan Badminton Federasiyası
3. Fariz Hüseynov (cüdo)

İlin ən yaxşı idman tədbiri
1. Atıcılıq üzrə dünya çempionatı
2. Kanoe və Avarçəkmə üzrə Prezident reqatası-2023
3. Taekvondo üzrə dünya çempionatı

İlin idman kəşfi
1. Heydər Əliyev adına İdman-Konsert Kompleksinin buz meydançası
2. Xədicə Qədəşova (cüdo)
3. Nicat Abbasov (şahmat)

İlin ən fəal idman jurnalisti
1. Zəki Feyzullayev (İdman.biz)
2. Gəray Qiyasov (Real TV)
3. Kənan Hakimov (İTV)

İlin ən yaxşı idman fotoqrafı
1. Dilavər Nəcəfov (AGİN)
2. Rüfət Abdullayev (İdman.biz)
3. Zaur Mustafayev (Trend.az)

İlin ən yaxşı idman filmi
1. Stadionlar səssiz olanda
2. Qızlara ağ yaraşır
3. Mübariz

İlin ən yaxşı media qurumu
1. CBC sport
2. İdman TV
3. İdman.biz

24/12/2023

Futbol üzrə Azərbaycan Premyer Liqasında 18-ci tura və mövsümün ilk yarısına yekun vurulub.

İlin sonuncu oyununda “Zirə” “Qarabağ”ı qəbul edib.

Qarşılaşma Ağdam təmsilçisinin qələbəsi ilə yekunlaşıb - 1:0. Qonaqların qolunu 30-cu dəqiqədə Olavio Juninyo vurub.

Bu nəticədən sonra xallarının sayını 41-ə çatdıran “köhlən atlar” liderliyini möhkəmləndirib. “Qartallar” 29 xalla ikinci sıradadır.

Qeyd edək ki, turun əvvəlki oyunlarında “Qəbələ” “Sabah”ı, “Sumqayıt” “Səbail”i 1:0 hesabı ilə üstələyib. “Turan Tovuz” “Araz-Naxçıvan”ı (3:1), “Neftçi” isə “Kəpəz”i (2:0) məğlub edib.
Zirə Futbol Klubu Qarabağ FK Azerbaijan Professional Football League

24/12/2023

Adrian Mutu ilə yolları ayıran "Neftçi"nin yeni baş məşqçisi bəlli oluib.

Mutunu bu vəzifədə Miodraq Bojoviç əvəzləyib.

Monteneqrolu mütəxəssis bu gün Misli Premyer Liqasının 18-ci turunda "Kəpəz"lə keçirilən oyundan sonra mətbuat konfransında ictimaiyyətə təqdim olunub.

Qeyd edək ki, Bojoviç “Belqrad”, “Boraç”, “Obiliç”, “Hayduk” (Belqrad), AEK (Pafos), “Buduçnost”, “Qrbal”, “Amkar” (Perm), “Moska”, “Dinamo” (Moskva), “Rostov”, “Lokomotiv” (Moskva), “Srvena Zvezda”, “Krılya Sovetov” kimi klublarda baş məşqçi olub. Son olaraq Tula “Arsenal”ını çalışdıran Bojoviç 2022-ci ilin yayından işsizdir.

24/12/2023

İlk hissədə Juninyo çempionatda 13-cü qolunu vurdu ⚽️

24/12/2023

"Neftçi” baş məşqçisi Adrian Mutu ilə yolları ayırdığını rəsmən açıqlayıb.

Bu barədə klubun saytı məlumat yayıb. Rumıniyalı mütəxəssislə müqaviləyə qarşılıqlı razılaşma əsasında xitam verilib.

"Neftçi"nin yaydığı açıqlamada deyilir: “Neftçi” PFK Adrian Mutuya əməkdaşlığa və sərf etdiyi əməyə görə təşəkkür edir, gələcək fəaliyyətində uğurlar diləyir. Eyni zamanda, Klub Adrian Mutuya anasının vəfatı ilə əlaqədar bir daha dərin hüznlə başsağlığı verir.

Hazırda Azərbaycan Premyer Liqası və Kubokunda yüksək nəticələr uğrunda mübarizə aparan “Neftçi” PFK bu dövrdə bütün azarkeşlərini dəstək olmağa, komandanın ətrafında sıx birləşməyə çağırır".

Qeyd edək ki, Adrian Mutu bu ilin yayından "Neftçi"ni çalışdırırdı. İyul ayında onunla 2 illik müqavilə imzalanmışdı.
Neftçi PFK Adrian Mutu

24/12/2023

Azərbaycan Premyer Liqasının 18-ci turunda bu gün keçirilcək "Zirə" - "Qarabağ" matçı üçün heyətlər açıqlanıb.

Komandalar saat 18:30-da başlayacaq matça aşağıdakı tərkibdə çıxacaqlar:

"Zirə": 97. Tiaqo Silva, 77. Məqsəd İsayev, 32. Qismət Alıyev (k), 20. İsmayıl İbrahimli, 16. Fuad Bayramov, 9. Vladislav Kulaç, 4. Ruan Renato, 44. Dmitrios Çantakias, 70. İssa Cibrila, 28. Abbas İbrahim, 6. Eldar Quliyev

Ehtiyat oyunçular: 41. Anar Nəzirov, 50. Səlim Həşimov, 8. İlkin Muradov, 10. Rəhim Sadıxov, 21. Hacıağa Hacılı, 11. Rüstəm Əhmədzadə, 66. Pərviz Azadov, 5. Stefan Aka, 23. Andriya Lukoviç, 19. Salifu Suma

"Qarabağ”: 99. Andrey Lunyov, 55. Bədavi Hüseynov (k), 13. Bəhlul Mustafazadə, 44. Elvin Cəfərquliyev, 27. Toral Bayramov, 10. Abdullah Zubir, 66. Patrik Andrade, 7. Yassin Benzia, 18. Olavio Juninyo, 6. Julio Romao, 15. Leandro Andrade

Ehtiyat oyunçular: 23. Luka Quqeşaşvili, 89. Amin Ramazanov, 20. Riçard Almeyda, 30. Abbas Hüseynov, 4. Rahil Məmmədov, 90. Nəriman Axundzadə, 29. Marko Veşoviç, 17. Hamidu Keyta, 8. Marko Yankoviç, 11. Adama Diakabi, 2. Mateus Silva, 19. Redon Cica.
Zirə Futbol Klubu Qarabağ FK Azerbaijan Professional Football League

24/12/2023

İkinci hissədə Andre Şinyaşiki oyunda son nöqtəni qoydu ⚽️⚽️

24/12/2023

Futbol üzrə Azərbaycan Premyer Liqasında 18-ci turun daha bir oyunu keçirilib.

"Neftçi" doğma meydanda "Kəpəz"i qəbul edib.

Qarşılaşma "ağ-qaralar"ın 2:0 hesablı qələbəsi ilə yekunlaşıb. Paytaxt təmsilçisinin qollarını 8-ci dəqiqədə Azər Salahlı, 71-ci dəqiqədə Andre Şinyaşiki vurub.

Qələbə sayəsində xallarının sayını 28-ə çatdıran "Neftçi" üçüncü pilləyə yüksəlib. Gəncə klubu 14 xalla 9-cu sıradadır.

Qeyd edək ki, bu gün turun sonuncu görüşündə "Zirə" "Qarabağ"ı qəbul edəcək. Əvvəlki matçlarda "Turan Tovuz" "Araz Naxçıvan"ı (3:1), "Sumqayıt" "Səbail"i (1:0), "Qəbələ" isə "Sabah"ı (1:0) məğlub edib.
Neftçi PFK PFC Kapaz Azerbaijan Professional Football League

24/12/2023

İlk hissədən sonra "Neftçi Arena"da hesabı Azər Salahlı açdı ⚽️

24/12/2023

Azərbayca Premyer Liqasının 18-ci turunda bu gün keçirilən "Neftçi" - "Kəpəz" matçı üçün heyətlər açıqlanıb.

Komandalar saat 16:00-da başlayacaq oyuna aşağıdakı tərkibdə çıxacaqlar:

“Neftçi”: 93. Rza Cəfərov, 8. Emin Mahmudov (k), 14. Eddi İsrafilov, 17. Rəhman Hacıyev, 19. Azər Salahlı, 4. Mark Tamaş, 6. Dieqo Valdez, 99. Ervin Koffi, 44. Yuri Matias, 11. Kilan Lebon, 77. Yeqor Boqomolski

Ehtiyat oyunçular: 30. Aqil Məmmədov, 95. Rəvan Kazımov, 3. Höccət Haqverdi, 7. Azər Əliyev, 26. Ömər Buludov, 21. İsmayıl Zülfüqarlı, 28. Turan Vəlizadə, 16. Lukas Melano, 22. Reziuan Mirzov, 25. Aaron Olanare, 9. Andre Şinyaşiki

“Kəpəz”: 96. İqor Rodriqes, 7. Ehtiram Şahverdiyev, 14. Elçin Əlicanov ,4. Vüsal Məsimov, 88. Şakir Seyidov, 26. Adama Niane, 25. Georgi Papunaşvili, 9. Mate Kvirkviya, 78. Yeqor Xvalko (k), 24. Olavale Onanuqa, 21. Martins Junior

Ehtiyat oyunçular: 1. Vladislav Vasilyuçek, 12. Kamran İbrahimov, 3. Vurğun Hüseynov, 10. Tural Rzayev, 11. Elnur Cəfərov, 99. Əli Səmədov, 20. Mahir Həsənov, 6. Nemət Musayev, 15. Cavad Kərimov, 91. Latir Fal.
Neftçi PFK PFC Kapaz Azerbaijan Professional Football League

23/12/2023

Azərbaycan Premyer Liqasının 18-ci turunda keçirilən "Sumqayıt" - "Səbail" oyunundan (1:0) videoicmalı təqdim edirik:

23/12/2023

Azərbaycan Premyer Liqasında 18-ci turun daha bir oyunu keçirilib.

Günün ikinci görüşü Sumqayıtda baş tutub.

Şəhərin eyniadlı komandası “Səbail”i qəbul edib.

Qarşılaşmanın taleyini avtoqol həll edib. "Səbail"in oyunçusu Adi Mehremiçin 70-ci dəqiqədə öz qapılarından keçirdiyi top "Sumqayıt"a 1:0 hesablı qələbə qazandırıb. Bu qalibiyyət sayəsində xallarının sayını 27-yə çatdıran Samir Abasovun yetirmələri üçüncü pilləyə yüksəliblər. Şahin Diniyevin kollektivi isə hesabında 26 xalla dördüncü yerə düşüb.

Qeyd edək ki, tura dekabrın 24-də keçiriləcək "Turan Tovuz" - "Araz-Naxçıvan" (81-ci dəqiqədən sonra), “Neftçi” – “Kəpəz” və “Zirə” – “Qarabağ” oyunları ilə yekun vurulacaq.
Sumqayıt FK Sabail FC Azerbaijan Professional Football League

23/12/2023

Güclü külək Tovuz stadionunda işıq dirəyini aşırdı. Oyun təxirə salındı

23/12/2023

Azərbaycan Premyer Liqasının 18-ci turunda bu gün keçirilən "Sumqayıt" - "Səbail" matçı üçün heyətlər açıqlanıb.

Komandalar saat 18:30-da başlayacaq matça aşağıdakı tərkibdə çıxacaqlar:

“Sumqayıt”: 1. Mehdi Cənnətov, 6. Vüqar Mustafayev (k), 14. Elvin Bədəlov, 7. Rövlan Muradov, 17. Murad Xaçayev, 8. Səbuhi Abdullazadə, 19. Roi Kehat, 12. Abu Dosso, 10. Kamran Aliev, 9. Erik Sorqa, 71. Masaki Murata

Ehtiyat oyunçular: 15. Orxan Sadıqlı, 32. Murad Ağamalıyev, 30. Kamran Quliyev, 20. Ayxan Süleymanlı, 21. Nihad Əhmədzadə, 35. Sənan Muradlı, 11. Kasimir Ninqa, 58. Oktavio Manteka, 60. Tresor Mossi

“Səbail”: 1. Səlahət Ağayev, 5. Adil Nağıyev (k), 74. Yusif Nəbiyev, 17. Rafael Məhərrəmli, 11. Rüfət Abdullazadə, 88. Valdemar Almeyda, 4. Adi Mehremiç, 90. Aleksandr Ramalinqom, 27. Pedro Nuno, 21. Anas Najah, 44. Yadin Luqasi

Ehtiyat oyunçular: 12. Hüseynəli Quliyev, 9. Amil Yunanov, 15. Vüqar Həsənov, 8. Bahadur Həziyev, 19. Samir Abdullayev, 38. Zeynəddin Abdurahmanov, 34. Taleh Qarayev, 16. Emin Rüstəmov, 48. Ayaz Mikayılov.
Sumqayıt FK Sabail FC Azerbaijan Professional Football League

23/12/2023

Azərbaycan Premyer Liqasının 18-ci turunda bu gün keçirilən "Turan Tovuz" - "Araz-Naxçıvan" matçı üçün heyətlər açıqlanıb.

Komandalar saat 16:00-da başlayacaq matça aşağıdakı tərkibdə çıxacaqlar:

“Turan Tovuz”: 85. Kamal Bayramov (k), 2. Sertan Taşkın, 10. Xəyal Nəcəfov, 77. Fərid Nəbiyev, 99. Veysəl Rzayev, 5. Roderik Miller, 23. Alexandro Serrano, 15. Emmanuel Hakman, 25. Denis Marandiçi, 6. Bruno Qonçalves, 80. Otto Con

Ehtiyat oyunçular: 13. Aydın Bayramov, 1. Tərlan Əhmədli, 3. Tərlan Quliyev, 4. Şəhriyar Əliyev, 14. Slavik Alxasov, 39. Sadiq Quliyev, 18. Budaq Nəsirov, 60. Səbayıl Bağırov, 70. Məzahir Məmmədzadə, 9. Belajdi Pusi, 11. Ayxan Quseynov, 79. Martin Petkov

“Araz-Naxçıvan”: 12. Kristian Avram, 6. Vadim Abdullayev, 39. Tural Bayramlı, 3. Turan Manafov, 2. Abdulla Rzayev, 29. Vanderson Melo, 23. Nuno Rodriqes, 14. Miço Kuzmanoviç, 4. İqor Ribeyro, 8. İsmail Azzaui, 27. Numan Kurdiç (k)

Ehtiyat oyunçular: 91. Semir Bukviç, 10. Orxan Əliyev, 7. Nicat Süleymanov, 22. Elçin Mustafayev, 5. Nihad Qurbanlı, 55. Zamiq Əliyev, 88. Tuqay Əlizadə, 11. Bayraməli Qurbanov, 13. Mirəli Əhmədov, 19. Aksel Nqando, 9. Elvis Maşike, 42. Kadiri Mohammed.
Turan Tovuz Araz-Naxçıvan Peşəkar Futbol Klubu Azerbaijan Professional Football League

23/12/2023

Azərbaycan cüdoçuları 2023-cü ildə beynəlxalq yarışlarda qazanılan medal sıralamasında dünya üzrə 7-ci yeri tutublar.

Bu barədə “judobase.ijf.org” saytı məlumat yayıb. Böyüklər, gənclər, yeniyetmələr və veteranlar il ərzində ümumilikdə 207 medal əldə ediblər.

Bunun 64-ü qızıl, 47-si gümüş, 96-sı bürünc olub. Dünyanın yalnız 6 ölkəsinin cüdoçuları bu baxımdan Azərbaycanı qabaqlaya biliblər. Bunlar Fransa, Braziliya, İtaliya, Yaponiya, Qazaxıstan və Almaniyadır.

Medal sıralamasında birinci yeri 132 qızıl, 129 gümüş, 222 bürünc medalla Fransa tutub.

İlk “10-luq” aşağıdakı kimidir:

1. France – 132 qızıl / 129 gümüş / 222 bürünc

2. Braziliya – 123 / 94 / 159

3. İtaliya – 78 / 82 / 131

4. Yaponiya – 74 / 36 / 39

5. Qazaxıstan – 71 / 86 / 167

6. Almaniya – 67 / 67 / 123

7. Azərbaycan – 64 / 47 / 96

8. Özbəkistan – 63 / 60 / 110

9. Kanada – 63 / 52 / 83

10. Cənubi Koreya – 62 / 46 / 76

Qeyd edək ki, sıralama qızıl medalların sayına əsasən müəyyən edilib.

23/12/2023

"Turan Tovuz" azarkeşləri komandanın oyunlarındakı hakim qərarları ilə bağlı bəyanat yayıblar.

Bəyanatda azarkeşlər hakim qərarlarından narazılıqlarını ifadə ediblər:

"110 ildən çox tarixi olan Tovuz futbolu nailiyyətləri və yetişdirdiyi futbolçularla yanaşı nümunəvi azarkeşləri ilə də daim özundən söz etdirib. Oynadığı liqadan, maddi vəziyətindən asılı olmayaraq, daim komandasının yanında olan biz azarkeşlərin bir şüarı olub: “Biz çempionluq həsrəti ilə yaşamırıq, varlığın bizə yetər”. Komandamız 9 il Premyer Liqadan kənarda qalanda da daim tribunaları dolduran, demək olar hər tur azarkeş rekordu qıran da bizlər olmuşuq. Tovuz futbolunun Azərbaycan futbol elitasına necə yaraşdığını ötən mövsüm Premyer Liqaya vəsiqə qazandığımız gündən bütün futbol ictimaiyyəti şahid olur. Hər ev oyunumuz dolu tribunlarla bayram ab-havasında keçir. Nəticəsindən asılı olmayaraq, həm ev, həm də səfər oyunlarında komandamızı dəstəkləməyi özümüzə borc bilmişik. Yeni sponsorun gəlişindən sonra klubumuzun işıqlı gələcəyi haqda ümidlərimiz daha da artıb. Klubun uzunmüddətli inkişaf strategiyasını dəstəkləyir, Tovuz futbolunun əvvəlki əzəmətini özünə qaytaracağından şübhə etmirik.

Bütün bunlara baxmayaraq, komandamıza qarşı hakimliklə bağlı yaşanan neqativ hallar bizi çox narahat edir. Son oyunlardakı hakim səhvləri həm komandamızın vacib xallar itirməsinə səbəb olur, həm də bizi dərindən üzür. Klubumuz bununla bağlı bir neçə dəfə rəsmi etiraz bildirsə də, nəticəyə təsir edən səhvlərin sayı getdikcə artır. “Turan Tovuz” azarkeşləri olaraq AFFA-ya və futbol ictimaiyyətinə müraciət edirik. Klubumuz hər zaman olduğu kimi ölkə futbolunun inkişafı yönündə böyük işlər görür. Fəaliyətin güzgüsü olan əsas komandamıza qarşı haqsızlığı qəbul etmirik. Hər kəsin gözü qarşısında yaşanan səhvlər bizi daha da hiddətləndirir. Odur ki, hakim səhvlərinin minimuma endirilməsi üçün rolu olan hər kəsin öz üzərinə düşəni etməsini xahiş edirik. Ayrıcalıq istəmirik, təmiz futbol, ədalətli qərarlar tələb edirik!"
Turan Tovuz

22/12/2023

Azərbaycan Premyer Liqasında 18-ci tura start verilib.

2023-cü ilin son turunun ilk oyunu Qəbələdə keçirilib.

Şəhərin eyni adlı komandası “Sabah”ı qəbul edib. Uğursuz mövsüm keçirən Bakı klubu autsayderə qarşı səfər görüşündə də məğlub olub. Qarşılaşmanın taleyini 1 qol həll edib. Murad Musayevin 45+2-ci dəqiqədə başla vurduğu qol “qırmızı-qaralar”a 1:0 hesablı qələbə qazandırıb. Qonaqların heyətində Anatoli Nuriyev ikinci hissədə penaltini qola çevirə bilməyib.

Bununla da sonuncu pillədə yer alan “Qəbələ” xallarının sayını 14-ə yüksəldib və 9-cu yerdəki “Kəpəz”ə çatıb. “Sabah” isə 22 xalla 7-ci yerdə qərarlaşıb.

Qeyd edək ki, turun digər oyunları dekabrın 23-24-də keçiriləcək.
QƏBƏLƏ FK Sabah FC Azerbaijan Professional Football League

21/12/2023

Futbol üzrə Azərbaycan Kubokunda 1/8 final mərhələsinə yekun vurulub.

Bu mərhələnin son oyununda “Neftçi” meydançaya çıxıb.

“Ağ-qaralar” I Liqa təmsilçisi “Qaradağ Lökbatan”la üz-üzə gəlib. “Neftçi Arena”da baş tutan matçda sensasiya baş verməyib. “Neftçi” doğma arenasında rəqibini 4:0 hesabı ilə darmadağın edib. Elita komandasının heyətində 23-cü dəqiqədə penaltidən Aaron Olanare, 77-ci dəqiqədə Yeqor Boqomolski, 80-ci dəqiqədə Andre Şinyaşiki fərqləniblər. "Qaradağ Lökbatan"da Murad Qayalı 72-ci dəqiqədə avtoqol müəllifi olub.

“Neftçi”nin 1/4 finaldakı rəqibi “Sumqayıt” olacaq. Bu mərhələnin oyunları yanvarın 30-31-də və fevralın 6-7-də keçiriləcək.

Qeyd edək ki, daha əvvəl “Sabah”, “Sumqayıt”, “Araz-Naxçıvan”, “Qəbələ”, “Səbail”, “Zirə” və “Qarabağ” 1/4 finala yüksəliblər.

21/12/2023

Azərbaycan kubokunun 1/8 final mərhələsinin Xankəndidə keçirilən MOİK - "Qarabağ" oyununda 1 qol vurulub.

Xankəndidəki ilk və tarixi qolun müəllifi Ağdam təmsilçisinin futbolçusu Nəriman Axundzadə olub. O, 90+5-ci dəqiqədə fərqlənib.

21/12/2023

Futbol üzrə Azərbaycan Kubokunda 1/8 final mərhələsinin daha bir oyunu keçirilib.

Son ölkə çempionu “Qarabağ” 1-ci liqa təsilçisi olan MOİK-lə üz-üzə gəlib.

Xankəndi şəhər stadionundakı qarşılaşma Ağdam təmsilçisinin 1:0 hesablı qələbəsi ilə bitib. 90+3-cü dəqiqədə Nəriman Axundzadə qələbə qoluna imza atıb.

“Köhlən atlar” 1/4 finalda “Sabah”la üz-üzə gələcək.

21/12/2023

Azərbaycan Kubokunun 1/8 final mərhələsində Xankəndi şəhər stadionunda üz-üzə gələcək “Qarabağ” və MOİK komandaları start heyətlərini açıqlayıblar.

Komandalar aşağıdakı “11-lik”lərlə meydana çıxacaqlar.

“Qarabağ”: Luka Quqeşaşvili, Mateus Silva, Bəhlul Mustafazadə, Rahil Məmmədov, Elvin Cəfərquliyev, Marko Yankoviç, Riçard Almeyda, Nəriman Axundzadə, Redon Cica, Hamidu Keyta, Juninyo.

Ehtiyat oyunçular: Andrey Lunyov, Amin Ramazanov, Bədavi Hüseynov, Marko Veşoviç, Toral Bayramov, Abbas Hüseynov, Julio Romao, Patrik Andrade, Yassin Benzia, Abdullah Zubir, Leandro Andrade, Adama Diakabi.

Baş məşqçi: Qurban Qurbanov.

MOİK: Zeynal Əhmədzadə, Fərid Abbaslı, Nicat Əskərov, Nurlan Bayramov, İsa Zeynallı (k), Ramil Orucov, Xəyal Bədirov, Elvin Vəliyev, Elmir Rəhimzadə, Sabir Allahquliyev, Ülvi İbazadə.

Ehtiyat oyunçular: Ayxan Qocayev, Məhmməd Qurbanov, Nihad Ağayev, Həsrət Mürsəlov, Cavidan Abbaszadə, Samir İbrahimov, Raul Musayev, Murad Musayev, Elşən Veysov, Elçin Bayramov.

Baş məşqçi: Qəzənfər Abbasov.

Qeyd edək ki, görüş saat 14:00-da başlayacaq.

21/12/2023

Xankəndi şəhər stadionu "Qarabağ" - MOİK oyununa tam olaraq hazırdır 🇦🇿⚽️

19/12/2023

🇦🇿 ⚽️ Xankəndi Azərbaycan kubokunun 1/8 final mərhələsini qarşılamağa hazırlaşır.

19/12/2023

Azərbaycan kubokunda 1/8 final mərhələsi davam edir.

2-ci oyun günündə 2 matç keçirilib. "Araz-Naxçıvan" "İrəvan"ın qonağı olub. Matçda 10 qol vurulub. Naxçıvan təmsilçisi 8:2 hesabı ilə qalib gələrək 1/4 finala yüksəlib.

Digər oyunda isə "İmişli" "Qəbələ"ni qəbul edib. Gərgin keçən görüşdə "Qaəbələ" 90+3-cü dəqiqə qolu ilə qalib gələrək növbəti mərhələyə yüksəlib. "Qəbələ" 1/4 finalda "Araz-Naxçıvan"la qarşılaşacaq.

Qeyd edək ki, 1/8 final bir oyundan ibarətdir.
QƏBƏLƏ FK Araz-Naxçıvan Peşəkar Futbol Klubu

18/12/2023

Azərbaycan Premyer Liqasında XVII tura yekun vurulub.

Son oyun Tofiq Bəhramov adına Respublika stadionunda keçirilib.

Əzəli rəqiblər “Qarabağ”la “Neftçi” mərkəzi arenada üz-üzə gəliblər. Birinci hissədə qapılara qol vurulmayıb. Hesabı 71-ci dəqiqədə ağdamlılar açıblar. Yassin Benzia yaxın məsafədən topu qapıdan keçirib. Qarşılaşmada son nöqtəni 90+2-ci dəqiqədə Hamidu Keyta qoyub. Nəticədə 2:0 hesablı qələbə qazanan və xallarının sayını 38-ə çatdıran Qurban Qurbanovun kollektivi liderliyini möhkəmlədib. Adrian Mutunun çalışdırdığı bakılılar isə 25 xalla beşinci pillədə qalıblar.

Beləliklə, “Neftçi”nin “Qarabağ” önündə Premyer Liqada qələbə həsrəti 10 oyuna çatıb. “Ağ-qaralar” axırıncı dəfə 2 il 7 ay əvvəl - 2021-ci ilin mayında əzəli rəqibinə qalib gəlib.

Qeyd edək ki, turun Premyer Liqada XVIII turun oyunları dekabrın 22-24-də keçiriləcək.

18/12/2023

Azərbaycan Premyer Liqasının 17-ci turunda bu gün keçiriləcək "Qarabağ" - "Neftçi" oyunu üçün heyətlər açıqlanıb.

Komandalar saat 20:00-da başlayacaq matça aşağıdakı tərkibdə çıxacaqlar:

“Qarabağ”: 99. Andrey Lunyov, 55. Bədavi Hüseynov (k), 13. Bəhlul Mustafazadə, 27. Toral Bayramov, 90. Nəriman Axundzadə, 29. Marko Veşoviç, 10. Abdullah Zubir, 66. Patrik Andrade, 7. Yassin Benzia, 6. Julio Romao, 15. Leandro Andrade

Ehtiyat oyunçular: 23. Luka Quqeşaşvili, 89. Amin Ramazanov, 20. Riçard Almeyda, 5. Maksim Medvedev, 30. Abbas Hüseynov, 4. Rahil Məmmədov, 44. Elvin Cəfərquliyev, 17. Hamidu Keyta, 8. Marko Yankoviç, 18. Olavio Juninyo, 2. Mateus Silva, 19. Redon Cica

“Neftçi”: 93. Rza Cəfərov, 10. Filip Ozobiç, 8. Emin Mahmudov (k), 14. Eddi İsrafilov, 19. Azər Salahlı, 7. Azər Əliyev, 16. Lukas Melano, 22. Reziuan Mirzov, 99. Ervin Koffi, 44. Yuri Matias, 11. Kilan Lebon

Ehtiyat oyunçular: 30. Aqil Məmmədov, 94. Eldar Babayev, 3. Höccət Haqverdi, 17. Rəhman Hacıyev, 21. İsmayıl Zülfüqarlı, 27. Fərid Yusifli, 28. Turan Vəlizadə, 4. Mark Tamaş, 6. Dieqo Valdez, 25. Aaron Olanare, 9. Andre Şinyaşiki, 77. Yeqor Boqomolski.
Qarabağ FK Neftçi PFK Azerbaijan Professional Football League çıkar

18/12/2023

“Qarabağ”ın UEFA Avropa Liqasının pley-off mərhələsindəki rəqibi müəyyənləşib.

İsveçrənin Nyon şəhərində baş tutan püşkatma mərasimində Azərbaycan çempionu Portuqaliya klubu “Braqa”ya rəqib olub.

UEFA Çempionlar Liqasında yer aldığı qrupda üçüncü yeri tutan portuqallarla ilk görüş 2024-cü il fevralın 15-də səfərdə gerçəkləşəcək. Ağdam təmsilçisi fevralın 22-də Bakıda cavab qarşılaşmasına çıxacaq.

Qeyd edək ki, “Qarabağ” Avropa Liqasında yer aldığı H qrupunu 10 xalla ikinci pillədə başa vurub.
Qarabağ FK UEFA UEFA Europa League çıkar

18/12/2023

UEFA Çempionlar Liqasında 1/8 final mərhələsinin püşkü atılıb.

İsveçrənin Nyon şəhərində baş tutan tədbirdə növbəti raundda üz-üzə gələcək cütlər müəyyənləşib.

Qruplarda birinci yeri tutan komandalar ikinci yerlərin sahiblərinə rəqib olublar.

“Portu” (Portuqaliya) – “Arsenal” (İngiltərə)

“Napoli” (İtaliya) - “Barselona” (İspaniya)

PSJ (Fransa) - “Real Sosyedad” (İspaniya)

“İnter” (İtaliya) - “Atletiko” (İspaniya)

PSV (Niderland) – “Borussiya” (Dortmund, Almaniya)

“Latsio” (İtaliya) - “Bavariya” (Almaniya)

“Kopenhagen” (Danimarka) – “Mançester Siti” (İngiltərə)

“Leyptsiq” (Almaniya) – “Real” (İspaniya)

Qeyd edək ki, 1/8 final mərhələsinin ilk oyunları 13, 14, 20, 21 fevralda, cavab matçları 5, 6, 12, 13 martda olacaq.
UEFA Champions League UEFA çıkar

17/12/2023

Bu gün Şotlandiya Liqa kubokunun final oyunu keçirilib.

Həlledici matçda "Reyncers"lə “Aberdin” üz-üzə gəlib.

Qlazqodakı “Hampden Park”da keçirilən final matç "Reyncers"in 1:0 hesablı qələbəsi ilə başa çatıb. Yeganə qolu 76-cı dəqiqədə James Tavernier vurub.

"Reyncers” tarixində 28-ci dəfə bu titula sahib olub. Qlazko təmsilçisi sonuncu dəfə 2011-ci ildə Liqa kubokunu qazanıb.

17/12/2023

Xankəndi şəhər stadionunda təmir-bərpa işləri tamamlanmaq üzrədir.

Sosial şəbəkələrdə arenanın son görüntüləri yayılıb.

Qeyd edək ki, Azərbaycan kubokunun 1/8 finalında “Qarabağ” - MOİK matçı bu stadionda keçiriləcək. Dekabrın 21-də oynanılacaq matç saat 14:00-da başlayacaq.

17/12/2023

A 2025-ci ildə keçiriləcək klublararası dünya çempionatında iştirak edəcək komandaların siyahısını açıqlayıb.

Bu bərədə qurumun rəsmi saytı məlumat yayıb. Yarışda 32 klub iştirak edəcək.

Avropadan çempionlar yolu ilə seçilən 4 klub

“Çelsi” (İngiltərə)

“Real” (İspaniya),

"Mançester Siti” (İngiltərə)

Çempionlar Liqasının son qalibi

Reytinq üzrə qatılacaq komandalar:

“Bavariya” (Almaniya)

PSJ (Fransa)

“İnter” (İtaliya)

"Benfika" (Portuqaliya).

“Portu” (Portuqaliya).

Üçü bəlli deyil.

Afrikadan çempionlar yolu ilə seçilən 4 klub

“Əl-Əhli” (Misir)

“Vidad” (Mərakeş)

CAF Çempionlar Liqasının son qalibi

Reytinqə görə seçiləcək komanda

Asiyadan çempionlar yolu ilə seçilən 4 klub

“Əl-Hilal” (Səudiyyə Ərəbistanı)

“Urava Red Daymonds” (Yaponiya)

AFC Çempionlar Liqasının son qalibi

Reytinqə görə seçiləcək komanda

Şimali və Mərkəzi Amerikadan 4 komanda

“Monterrey” (Meksika)

“Leon” (Meksika)

“Sietl Saunders” (ABŞ)

Biri məlum deyil

Okeaniya

Reytinq yolu ilə

“Oklend Siti” (Yeni Zelandiya)

Cənubi Amerikadan 6 komanda

“Palmeyras” (Braziliya).

“Flamenqo” (Braziliya).

“Fluminense” (Braziliya).

Libertadores kubokunun son qalibi

İkisi məlum deyil

Qeyd edək ki, yenilənmiş formatda ilk turnir 2025-ci il iyunun 15-dən iyulun 13-dək ABŞ-də keçiriləcək.

17/12/2023

"Sabah" klubunun həkimi Rəhim Məhərrəmov stadionunun ətrafındakı sahibsiz heyvanlara qayğı göstərir, komandanın üzvləri ilə birlikdə onları qidalandırır.

Klubun sponsoru “Bakupan” tərəfindən “Bank Respublika Arena”nın ətrafında yaşayan sahibsiz itlər üçün evciklər hazırlanıb və stadionun ərazisində yerləşdirilib.

Tullantıların təkrar emalı üsulu və sendviç paneldən hazırlanmış bu yuvalar, ənənəvi evciklərdən yüksək termal izolyasiyaya malik olması xüsusiyyətinə görə fərqlənir. Gələcəkdə bu layihənin genişləndirilməsi və Masazır qəsəbəsinin fərqli yerlərində də bu cür evciklərin quraşdırılması nəzərdə tutulub.

17/12/2023

Azərbaycan taekvondoçusu Qaşım Maqomedov Paris-2024 Yay Olimpiya Oyunlarına lisenziya qazanıb.

58 kq çəkidə mübarizə aparan yığma üzvü bu uğura Çinin Usi şəhərində Olimpiya çəkiləri üzrə keçirilən “Böyük Dəbilqə”nin Çempionlar Seriyasında imza atıb.

Yarışın təsnifat mərhələsinin qalibi olan Maqomedov bu dəfə də fəxri kürsünün ən yüksək pilləsinə qalxıb.

Qaşım 1/4 finalda Qran-prinin son iranlı qalibini məğlub edərək yarımfinala yüksəlib. O, bu dəfə Bakıda dünya çempionatında uduzduğu çinliyə qalib gəlib. Taekvondoçumuz finalda son dünya çempionunu da məğlub edərək həm qızıl medala yiyələnib, həm də Olimpiadaya lisenziyaya sahib olub.

Bu, yığmamızın Paris-2024 Yay Olimpiya Oyunlarına ilk vəsiqəsidir.
Azerbaijan Taekwondo Federation (office)

Address

Xırdalan
Baku

Opening Hours

19:00 - 20:00

Telephone

+994774646316

Website

http://press.az/

Alerts

Be the first to know and let us send you an email when Press.az/İdman posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Press.az/İdman:

Videos

Real Madrid klubuna qələbə gətirən yeganə qol ⚽️

Bellinqem ötürdü, Arda topu qapıya göndərdi. Bu ikisini yaşıl meydanda görmək maraqlı olacaq. 🔥

İlk hissədə Juninyo çempionatda 13-cü qolunu vurdu ⚽️ #azpfl #pfl #azərbaycanpremyerliqası

İkinci hissədə Andre Şinyaşiki oyunda son nöqtəni qoydu ⚽️⚽️ #azpfl #pfl #azərbaycanpremyerliqası

İlk hissədən sonra "Neftçi Arena"da hesabı Azər Salahlı açdı ⚽️ #azpfl #pfl #azərbaycanpremyerliqası

Azərbaycan Premyer Liqasının 18-ci turunda keçirilən "Sumqayıt" - "Səbail" oyunundan (1:0) videoicmalı təqdim edirik:

Güclü külək Tovuz stadionunda işıq dirəyini aşırdı. Oyun təxirə salındı

Azərbaycan kubokunun 1/8 final mərhələsinin Xankəndidə keçirilən MOİK - "Qarabağ" oyununda 1 qol vurulub. Xankəndidəki ilk və tarixi qolun müəllifi Ağdam təmsilçisinin futbolçusu Nəriman Axundzadə olub. O, 90+5-ci dəqiqədə fərqlənib.

Xankəndi şəhər stadionu "Qarabağ" - MOİK oyununa tam olaraq hazırdır 🇦🇿⚽️

🇦🇿 ⚽️ Xankəndi Azərbaycan kubokunun 1/8 final mərhələsini qarşılamağa hazırlaşır.

Xankəndi şəhər stadionunda təmir-bərpa işləri tamamlanmaq üzrədir. Sosial şəbəkələrdə arenanın son görüntüləri yayılıb. Qeyd edək ki, Azərbaycan kubokunun 1/8 finalında “Qarabağ” - MOİK matçı bu stadionda keçiriləcək. Dekabrın 21-də oynanılacaq matç saat 14:00-da başlayacaq.

"Sabah" klubunun həkimi Rəhim Məhərrəmov stadionunun ətrafındakı sahibsiz heyvanlara qayğı göstərir, komandanın üzvləri ilə birlikdə onları qidalandırır. Klubun sponsoru “Bakupan” tərəfindən “Bank Respublika Arena”nın ətrafında yaşayan sahibsiz itlər üçün evciklər hazırlanıb və stadionun ərazisində yerləşdirilib. Tullantıların təkrar emalı üsulu və sendviç paneldən hazırlanmış bu yuvalar, ənənəvi evciklərdən yüksək termal izolyasiyaya malik olması xüsusiyyətinə görə fərqlənir. Gələcəkdə bu layihənin genişləndirilməsi və Masazır qəsəbəsinin fərqli yerlərində də bu cür evciklərin quraşdırılması nəzərdə tutulub. #SabahBizik #Recycle4Sabah

Azərbaycan Premyer Liqanın 16-cı turunun “Turan Tovuz” - “Zirə” oyunundan (1:0) sonra qonaq komandanın baş məşqçisi Rəşad Sadıqov mətbuat konfransı keçirib. Konfransda R.Sadıqovla jurnalistlər arasında maraqlı dialoq yaşanıb. Sadıqov komandasının müdafiə futbolu oynaması barədə fikirləri qəbul etməyib və bununla bağlı müzakirəyə hazır olduğunu söyləyib. O, həmçinin deyib ki, Azərbaycan futbolunun savadlı təhlilə ehtiyacı var. R.Sadıqovla jurnalistlər arasındakı həmin dialoqun videosunu təqdim edirik. Zirə Futbol Klubu

Vüsal İsgəndərlinin Albaniya çempionatında növbəti qolu

Fərid Nəbiyevin qələbə qolu 🎯 #azpfl #pfl #azərbaycanpremyerliqası

İlk hissədən sonra Roi Kehat hesabı açdı, Papunaşvili hesabı bərabərləşdirdi⚽️ #azpfl #pfl #azərbaycanpremyerliqası

Türkiyə futbolunda biabırçı olay Türkiyə Superliqasının 15-ci turunda keçirilən “Ankaragücü” - “Rizespor” matçından (1:1) sonra xoşagəlməz hadisə baş verib. "Ankaragücü"nün prezidenti Faruk Koca meydana daxil olaraq matçın baş hakimi Halil Umut Melerə yumruq vurub. Zərbə nəticəsində referi yıxılaraq yerdə qalıb. Daha sonra Ankara klubunun digər nümayəndələri baş hakimi təpikləyib. Təhlükəsizlik əməkdaşlarının nəzarəti ilə hakimlər paltardəyişmə otağına aparılıb. Türkiyənin tanınmış hakimlərindən olan Halil Umut gözündən ciddi xəsarət alıb.

Xankəndi şəhər stadionunda işlər davam edir 🏟

"Neftçi"nin baş məşqçisi Adrian Mutu Azərbaycan Premyer Liqasının 16-cı turunda "Turan Tovuz"a qalib gəldikləri matç (3:2) haqqında danışıb. Mütəxəssis əvvəlcə klubun U-15 komandasına dəstək olub və "Turan Tovuz"la oyun haqqında ümumi fikirlərini bölüşüb: - Öncə, "Neftçi"nin U-15 komandasının qapıçısına dəstək göstərmək istəyirəm. Ona tezliklə meydanlara qayıtmasını arzulayıram. Oyun haqda onu deyə bilərəm ki, ağır, çətin oyun idi, aqressiv rəqibə qarşı oynayırdıq. Amma komandam xarakter göstərdi, meydanda oyuna çox yaxşı yanaşdılar və qalib gəldik. Bu gün komanda şəklində qalib gəlməyi bacardıq. Bu, mənim üçün çox vacibdir. Qapımızda iki asan qol buraxdıq. Diqqətli olmalıydıq. Amma komandamın buna cavabı çox yaxşı oldu. Bəyəndim. Onlar göstərdilər ki, qalib gəlmək istəyi var. Oyunda hər zaman hesabda irəli olan tərəf biz idik. Sevindirici amil odur ki, oyunçularım son dəqiqələri yaxşı idarə etdilər.

"Turan Tovuz"un baş məşqçisi Ayxan Abbasov Azərbaycan Premyer Liqasının 16-cı turunda "Neftçi"yə 2:3 hesabı ilə uduzduqları oyun haqqında danışıb. Mütəxəssis görüşdən sonra keçirilən mətbuat konfransında əvvəlcə bunları deyib: - Çətin və maraqlı oyun oldu. Hesabda geri düşsək də, qollar vurduq. Hər qoldan sonra hesabda önə çıxa bilərdik. Amma imkanlardan yaxşı istifadə edə bilmədik. İkinci hissədə 11-ci dəqiqədə rəqib ilk dəfə cərimə meydanımıza daxil oldu. Təəssüf ki, qol buraxdıq. Bu gün ustalıq qalib gəldi. "Qəbələ" ilə matçı çıxsaq, rəqiblərlə başabaş oynamışıq. Davam etmək lazımdır. Bilirdik ki, çətin olacaq. Yeni gələnlər var. Amma oyundan-oyuna yaxşılığa doğru gedirik. Təslim olmaq olmaz. Ruhdan düşsək, çətin olacaq. Futbolçuların arxasındayıq, birlikdə bu durumdan çıxacağıq.

İkinci hissədə qapılara 3️⃣ qol vuruldu ⚽️⚽️⚽️ #azpfl #pfl #azərbaycanpremyerliqası

Birici hissədə Ozobiç hesabı açdı, Roderik Miller cavab qolunu vurdu ⚽️ #azpfl #pfl #azərbaycanpremyerliqası

"Sabah" ikinci hissədə cəmi bir qolla yadda qaldı ⚽️

"Sabah" fasiləyə 3️⃣ cavabsız qolla üstün yollandı ⚽️ #azpfl #pfl #azərbaycanpremyerliqası

Azərbaycan millisinin futbolçusu Coşqun Diniyevin formasını geyindiyi "Ümraniyespor" Türkiyə 1-ci liqasında 15-ci tur oyununa çıxıb. Komanda "Keçirörengücü"nü qəbul edib və 2:0 hesabı ilə qalib gəlib. C.Diniyev start heyətdə meydana çıxıb və 79-cü dəqiqədə əvəzlənib. O, 71-ci dəqiqədə penaltidən komandasının 2-ci qolunun müəllifi olub. Bu, onun turnirdə 3-cü qoludur.