Ağdam.info

02/04/2024

Çempion Qarabağ

11/12/2023

Deyesen yenenl diplom alveri başlayıb

19/09/2023

Azərbaycan Respublikası Müdafiə Nazirliyinin açıqlaması

Azərbaycan Respublikası Müdafiə Nazirliyi bir daha Azərbaycanın Qarabağ bölgəsində yerləşən Ermənistan silahlı qüvvələrinin birləşmələrini silahı yerə qoymağa və təslim olmağa çağırır. Bu halda antiterror tədbirləri dayandırılacaq.
Azərbaycan ərazisində müvəqqəti yerləşdirilən Rusiya sülhməramlı kontingenti ilə operativ təmasdayıq və onların öz vəzifələrini icra etmələri üçün tərəfimizdən hər cür şərait yaradılır.

31/07/2023

http://obyektiv.info/gundem/1254-icra-bascisi-qudasi-il-birg-oguzu-qart-edirsokk-.html

...Oğuzda nə baş verir??? ...Oğuz rayonu İcra Hakimiyyətinin Başçısı Qurbanov Eyvaz Daşdəmir oğlunun, qardaşının, qohumlarının qanunsuz əməlləri ilə bağlı yazıya keçməzdən öncə cənab başçının həyat

17/07/2022

18/02/2022

Ağdam - Passaj

16/02/2022

Seyid Lazım ağanın həyatına qısa bir baxış: "Sultan bəyin dəstəsində Andronikə qarşı vuruşub"

Ağdamlılar üçün Seyid Lazım Ağa din xadimindən daha çox bir hörmət sahibi olan ağsaqqal və xeyriyyəçi idi. Ölənə qədər ona gətirilən nəzirləri kasıb-kusuba paylayan Ağa 1880-ci ildə Laçın rayonunun Böyük Seyidlər kəndində anadan olub. Lakin bütün ömrünü Ağdam rayonunda yaşayıb. Əvvəlcə Çəmənli, sonra isə Şıxbabalı kəndlərində.

1918-20-ci illərdə Sultan bəyin dəstəsində erməni daşnakı Andronikə qarşı vuruşub.

Qara göl və Keçəldağ döyüşlərində iştirak edib. Döyüş başlayanda Sultan bəy Naxçıvana 253 at yükü ərzaq, paltar, silah- sursat göndərilmiş. Seyid Lazım Ağa da karvanı müşayət edənlərin arasında olub. Qayıdanda Seyid Lazım Ağa və yoldaşları Zəngəzurda ermənilərin mühasirəsinə düşüblər. Bundan xəbər tutan ermənilərlə döyüş aparan hərbi birləşmənin əfsanəvi komandiri Seyid Həmid öz dəstəsi ilə hücuma keçərək mühasirəni yarıb və mühasirəyə düşənləri xilas edərək sağ salamat geri qaytarıb.

Qarabağı ermənilərdən qorumaq üçün əlinə silah alan Ağa daşnaklara qarşı amansız bir insan olsa da Üç həyat prinsipi olub: ədalət, səxavət, ibadət.
Allah rəhmət eləsin!

Mənbə: Laçın rayonundan İlham Quliyev və Nizami İsmayılov

28/01/2022

http://pia.az/mobile/news.php?id=439479

BAXCP sədri, deputat Qüdrət Həsənquliyevin şəriki və dostu Oqtay Abuzərovun Dövlət Gömrük Komitəsində işləyən oğlu 20 yaşlı Xalid Oqtay oğlu Abuzərli dəbdəbəli həyatı ilə gündəmə gəlib.

13/01/2022

http://pia.az/mobile/news.php?id=437277

Naxçıvan Muxtar Respublikasında maliyyə maxinasiyası barədə dəfələrlə məlumat vermişik. Onu da qeyd etmişik ki, hər il Azərbaycan büdcəsindən 100 milyonlarla vəsait alan Muxtar Respublika hakimiyyəti əlinə düşən milyonları necə gəldi xərcləyir, paytaxtın ayırdığı ...

22/12/2021

https://www.youtube.com/watch?v=XlUHMIaZEaY

Milvari Zeynalova haqqında şok məlumatlar

11/11/2021

“İnvestAZ”dakı 1 milyonluq dələduzluq... - Akgün narazıdi

“İnvestAZ”dakı 1 milyonluq dələduzluq...
Azərbaycanın məşhur forex şirkətlərindən biri olan “İnvestAZ”ın vəzifəli şəxslərinin cinayət işi üzrə məhkəmə araşdırmasının davam etməsi barədə məlumat vermişdik. Şirkət bəraət alsa da, prokuror bu hökmdən apellyasiya şikayəti verib. Daha sonra prokuror apellyasiya şikayətini geri götürüb. Amma zərərçəkən şəxs bu qərardan narazıdır.

Axar.az xəbər verir ki, söhbət “İnvestAZ”ın rəhbəri Elşən Quliyev, şirkətin İdarə Heyətinin üzvü Ceyhun Abdullayev və icraçı direktor Ümid Akcanın barəsində olan cinayət işi üzrə çıxarılmış məhkəmə hökmündən gedir.

Qeyd edək ki, adı çəkilən şəxslərə qarşı cinayət işi türkiyəli iş adamı Yunus Akgünün şikayəti əsasında açılmışdı.

1 milyon dollarının mənimsənildiyini iddia edən iş adamı Türkiyə mətbuatına açıqlamasında qeyd edirdi ki, “İnvestAZ”da öz hesabında olan pul onun razılığı olmadan xaricdə başqa bir şirkətin hesabına köçürülüb.

İş adamı bununla bağlı Bakıya da gələrək şirkət rəhbərliyi ilə görüşüb, rəsmi qurumlara müraciətlər edib.

Y.Akgünün İstanbul Prokurorluğuna şikayətindən sonra “İnvestAZ”ın rəhbəri Elşən Quliyev, şirkətin İdarə Heyətinin üzvü Ceyhun Abdullayev və icraçı direktor Ümid Akca barəsində cinayət işi açılıb.

İstanbul Ağır Cinayətlər Məhkəməsində araşdırma davam edən ərəfədə adı çəkilən şəxslər barəsində həbs qətimkan tədbiri seçilməyib.

İstintaq zamanı Elşən Quliyev, Ceyhun Abdullayev və Ümid Akca iş adamı Yunus Akgünü tanımadıqlarını deyiblər.

Prokuror Elşən Quliyev, Ceyhun Abdullayev və Ümid Akcanın həbs edilməsini, onlar barəsində 13-17 il arası həbs hökmünün çıxarılmasını istəyib. Amma məhkəmə bu şəxslərin günahsız olduğu qənaətinə gələrək barələrində bəraət qərarı verib.

Bu məsələ ilə bağlı “İnvestAZ” şirkəti açıqlama yayıb. Şirkətin “Tam bəraət” başlığı ilə yayımladığı açıqlamada yazılır:

“Keçən il Türkiyədə fəaliyyət göstərən “İnvestAZ Menkul Değerler A.Ş.” şirkətinə qarşı bəzi əsassız iddialar irəli sürülüb. Yunus Akgün adlı şəxs istər şirkət, istərsə də şirkət rəhbərliyinə qarşı başlatdığı haqsız və heç bir dəlilə söykənməyən iddialarla şirkətin etibarına xələl gətirmək niyyəti ilə məhkəməyə müraciət etmişdir. Həmçinin, bu şəxs bilərəkdən yalan məlumat verməklə şirkətin nüfuzuna zərər yetirmək məqsədilə müxtəlif media qurumlarında qara PR apararaq şirkətə maddi və mənəvi zərbə vurmağa çalışıb.

İstanbul Ağır Cəza Məhkəməsi bu şikayət üzərindən araşdırma apararaq 25.05.2021-ci il tarixdə bu iddiaların əsassız və həqiqətə uyğun olmadığını qərara aldı və şikayətdə yer alan idarə heyətinin üzvləri tam olaraq bəraət qazandı.

Çox təəssüflə qeyd etmək istərdik ki, qeyd edilən iddiaların “İnvestAZ İnvestisiya Şirkəti” QSC-yə aidiyyəti olmadığı halda Azərbaycan mediasında bəzi saytlar qarşı tərəfin fikrini almadan, jurnalist araşdırması aparmadan şübhə yaratmaq məqsədli məqalələr dərc etmək istəmişdirlər. Şirkətimizin ictimaiyyətlə əlaqələr departamenti bu cür məcraları yaxından təqib edərək media qurumları ilə hər zaman dəqiqləşdirmə aparmağa və məlumatlandırmağa hazırdır. Bu kimi tədbirlər nəticəsində ölkəmizdəki media qurumları ilə şirkətimiz arasında güvənə dayanan sıx münasibətlər yaranıb.

Bir daha bu istiqamətdə bizə dəstək olan hər kəsə öz minnətdarlığımızı bildiririk.

“İnvestAZ” şirkəti 20 ilə yaxındır ki, fəaliyyətdədir və daimi yüksək səviyyəli xidməti ilə müştərilərin etibarı və sevgisini qazanmışdır. Şirkətin əsl məqsədi ölkədə maliyyə savadlılığını artırmağa çalışmaq və insanlara müasir dövrün qazanc imkanlarını aşılamaq və öyrətməkdir”.

Qeyd etdiyimiz kimi, İstanbul Ağır Cinayətlər Məhkəməsi hər üç şəxs barəsində bəraət hökmü çıxarsa da, İstanbul Prokurorluğu bununla razılaşmayıb. Prokuror bu hökmdən apellyasiya şikayəti verərək, “İnvestAZ”ın rəhbəri Elşən Quliyev, şirkətin İdarə Heyətinin üzvü Ceyhun Abdullayev və icraçı direktor Ümid Akcanın həbs edilməsini istəyib. Lakin sonradan prokuror apellyasiya şiakyətini geri götürüb.

Amma zərərçəkmiş Yunus Akgün bu hökmdən narazı qalaraq apelyasiya şikayəti verib. Hazırda iş apellyasiya instansiyasındadır.

11/11/2021

Salam olsun hər kəsə

04/09/2021

"Veteranlar Birliyi" 100-150 manata "Qarabağ əlili" adını satır - Qazidən ŞOK İDDİA

Azərbaycanda "Qarabağ əlili" adının və medalların 100-150 manata satılması ilə bağlı redaksiyamıza şikayət daxil olub.

Belə ki, Sonxeber.az-a müraciət edən Şəkərov Qabil Paşa oğlu bildirib ki, o,1996-cı ilin yayında Tərtər-Goranboy istiqamətində ermənilərin atəşkəsi pozması nəticəsində ayağından yaralanıb:

"Hazırda ayağıma görə çox əziyyət çəkirəm. 25 ildir ki, "Qarabağ əlili" adını almaq üçün sürünürəm. Layiq olduğum "Qarabağ əlili" adını ala bilmirəm. Sizdən xahiş edirəm, bu barədə mənə kömək edəsiniz. Sənədlərimin hamısı onlayn şəkildə Tibbi Sosial Ekspertiza Komissiyasına (VTEK) göndərilib. Hələ ki, bir xəbər yoxdur.

Xətai rayonunda "Veteranlar Birliyi" var. Oranın sədrinə müraciət etmişəm. Köhnə Suraxanıda yerləşən "Veteranlar evinin" sədrinə də müraciət etmişəm ki, kömək edib, dəstək olsunlar, əlilliyimi bərpa edim. Onlar bununla bağlı məndən pul istəyiblər. Mən də pulumun olmadığını demişəm. Bir də ki, mən niyə pul vemrəliyəm?! Mən də Vətən oğluyam, dövlətim uğrunda döyüşmüşəm və yaralanmışam.

Mənə "Sən nə etmisən ki, sənə medal verək?!" deyirlər. Xətaidəki "Veteranlar Birliyinin" sədrinin müavini var. Mətbuat katibidir. Adı Məhərrəm Əliyevdir. Ona və Köhnə Suraxanıda yerləşən "Veteranlar evinin" sədri Eldar müəllimə müraciət etmişəm. Medalları niyə pulla satdıqlarını soruşmuşam. Döyüşdə olmayanlara, fərari adıyla qaçıb orada-burada gizlənənlərə medal verirlər, amma mən istəyəndə mənə "demaqoq" deyirlər".

Qabil Şəkərov haqqını tələb edənlərə "demaqoq" dediklərindən şikayətlənib:

"Mən sadəcə haqqımı tələb edirəm. Xətaidəki "Veteranlar Birliyinin" sədrinin müavininin mətbuat katibi olan Məhərrəm adlı şəxs Ali Məhkəmənin arxasından gedən yolda qarajda özü üçün qurum yaradıb və orada camaata pulla medal satmaqla məşğuldur. Mən ona bir-iki sual ünvanladım: "Əgər sizin maddi marağınız yoxdursa, buradan Naxçıvana niyə medal göndərirsiniz? Naxçıvanda "Veteranlar Birliyi", "Veteranlar Şurası" yoxdur ki, buradan medalları ora göndərirsiniz?!"

Mənim əlimdə məlumatlar var ki, 35-100 manata da medallar satırlar. Təəssüf ki, Qarabağda döyüşən mənəm, amma medalı müharibədə iştirak etməyənlərə verirlər. Yuxarıda adını çəkdiyim "Veteranlar Birliyi" katibi Məhərrəm Əliyev mənə "Hara şikayət edirsən, et! Get, başını aşağı sal, işini gör, yoxsa sənin üçün p*s olar!" deyir.

Mənə hədə-qorxu gəlirlər. Neçə dəfə bu adamın özü ilə görüşmüşəm, mənə niyə medal vermədiklərini soruşmuşam. "Pulunu ver,al!" deyirlər. Budurmu Qarabağ qazisinə qoyulan hörmət?! Sizdən xahiş edirəm, bu adamlar haqqında tədbir görəsiniz. Özlərinə uyğun adamları yığıblar başlarına, onların əli ilə medal satırlar. O adamların üzlərini görmədən, buradadan Naxçıvana medal satırlar. Soruşanda deyirlər ki, guya onların haqqıdır, çünkı pul veriblər. Sizdən bir daha xahiş edirəm ki, mənə yardım edin".

Qarşı tərəflə əlaqə saxlamağa çalşsaq da zənglərimizə cavab verən olmadı. Səsləndirilən iddialarla bağlı qarşı tərəfin mövqeyini dərc etməyə hazırıq.

09/07/2021

Seymur Orucovun tender əməliyyatları - 2 ildə 3 milyon manat dövlət vəsaiti...

Ağstafa rayon İcra Hakimiyyəti başçısının Ağstafa şəhər İnzibati Ərazi Dairəsi üzrə Nümayəndəliyi abadlaşdırma xıdmətləri haqqının ödənilməsi üzrə satınalma müsabiqəsinə yekun vurub.

AzFakt.com jamaz.info-ya istinadla xəbər verir ki, “Meqan An İnşaat” MMC tenderin qalibi olub. Satınalma müqaviləsinin maliyyə dəyəri 53 996.8 AZN təşkil edir.

Kommersiya qurumunun hüquqi şəxslərin dövlət reyestrinə daxil edilmiş məlumatlarına görə “Meqa An İnşşat” MMC 1 dekabr 2009-cu ildə qeydiyyata alınıb. Şirkətin nizamnamə kapitalı 10 AZN-dir. Hüquqi ünvanı Ağstafa rayonu, Ağstafa şəhəri M.Ə.Sabir küçəsi, ev 9-da yerləşən MMC-nin qanuni təmsilçisi Aslanov Yaşar İmamverdi oğludur.

Yaşar Aslanov həm də “Səma MM İnşaat” MMC-nin qanuni təmsilçisi olub. “Meqa AN İnşaat” MMC-yə məxsus Vergi Ödəyicilərinin Eyniləşdirmə Nömrəsi (VÖEN) 26 avqust 2020-ci il tarixə qədər “Səma MM İnşaat” MMC-yə aid olub.

Araşdırmalar zamanı aydın olur ki, son 2 ildə bu şirkətlərə 2 715 102 AZN dövlət vəsaiti köçürülb.

Bundan başqa, “Səma MM İnşşat” MMC şübhəli şirkət kini tanınır. Mediada gedən məlumatlara görə, bir müddət əvvəl Maliyyə Nazirliyi tərəfindən aparılan yoxlamalarda sözügedən MMC-nin Ağstafa rayon İcra Hakimiyyəti başçısının Ağstafa şəhər İnzibati Ərazi Dairəsi üzrə İcra Nümayəndəliyinin sifarişi ilə həyata keçirilən işlərdə smeta xərclərinin şişirdilməsi, görülməyən işlərə görə pul ödənişləri kimi halların aşkar olunduğu bildirilir.

Qeyd edək ki, Ağstafa rayonunun icra başçısı Seymur Orucovdur.

11/06/2021

Cahangir Əsgərovun xaricdə bəlli olan biznesinin ümumi dəyəri 2 milyard dollara yaxındır. Mənbə buraya mülklərin, daşınan əmlakların da əlavə olunacağı təqdirdə, 3 milyard dollara çatacağını istisna etməyib. Həmin biznes sahələrindən bəzilərinin adı bizə məlumdur. Onları diqqətinizə çatdırırıq:

– Batumidə 31 milyon dollar dəyərində "GRAND GLORIA” hoteli;

– Tiflisdə dəyəri milyonlarla dollar olan "TİFLİS PALACE” hoteli;

– Tiflisdə bahalı "Veranda” restoranı;

– Batumidə bir neçə milyon dollar dəyərində GOLDEN PALACE hoteli və kazino;

– SOROKA LIMITED (Londonda);

– Londonda 18.4 milyon dollar aktivləri olan "GAZELLI INTERNATIONAL LIMITED” şirkəti;

– Londonda 41 milyon dollar aktivləti olan GAZELLI ART HOUSE LIMITED;

– Gürcüstan, Azərbaycan, Ukrayna və Türkiyədə "GAZELLİ” gözəllik və masaj salonları şəbəkəsi;

– Londonda "C3 – CIII LIMITED” şirkəti

– Türkiyədə "D.M.Z.D.TEKSTİL DIŞ TİCARET LİMİTED” şirkəti;

– Londonda "SET INTELLIGENCE LIMITED” şirkəti;

– İtalyan kürəkəni Ignazio CORACI-nin direktoru olduğu AIRPORT SERVICING COMPANY LIMITED törəmə şirkəti (Londonda);

– İtalyan kürəkəninə aid ASC HANDLING ITALIA LIMITED (Londonda);

– Yenə Londonda italyan kürəkəninin direktoru olduğu CARGO INVEST LIMITED şirkəti;

– ASC HANDLING LIMITED (Londonda);

– AS582 LIMITED (Londonda);

– Londonda kürəkəninin direktoru olduğu AVIATION SERVICING COMPANY LIMITED” şirkəti (əvvəlki adı AZERBAIJAN AIRLINES UK LIMITED, aktivləri1 milyon dollardan artıq);

– ICLEVERWEB LTD (Londonda);

– SILKWAY (UK) LTD (keçmiş adı EURASIAN CARGO LIMITED);

– Almaniyada HAHN CARGO SERVICES GmbH törəmə şirkəti (illik dövriyyəsi 4.83 million dollar);

– SW ITALIA SRL (illik dövriyyəsi 7 milyondollar);

– İngilis kürəkəni ROBERT NORTONUN direktoru olduğu VERISART LIMITED (London);

– SEDITION LIMITED (London).

Bundan başqa, Əsgərovun Azərbaycanda da böyük biznesi var. "Qazelli”, bir xeyli əvvəl iş adamının əlindən aldığı "İdela” şirkətləri onun ən ortabab gəlir gətirən biznes sahələri hesab olunur. Halbuki onun bir neçə hoteli, istirahət mərkəzləri, habelə iri ticarətlə məşğul olan biznes sahələri xeyli saydadır. Onların bizə məlum olan bızilərini diqqətinizə çatdırırıq.

– Naftalanda "Garabag Resort and Spa” 5-ulduzlu otel və müalicə mərkəzi;

– İsmayıllı rayonu, Bədo Bulağının yaxınlığında, 8 hektarlıq ərazidə "Vəhsudan düşərgəsi”;

– Nabranda 30 ha sahədə villa;

– Qala qəsəbəsində 265 ha badam bağı;

– "Premium Bank” ASC-də (keçmiş "Silkyway”) səhmlərin 29,085 faizi;

– Sahəsi 12.500 kvadrat metrdən artıq Gazelli kosmetika fabriki;

– Azərbaycanda "GAZELLİ GROUP”

Qeyd edək ki, bu Əsgərovun üzdə olan biznesinin bir hissəsidir. Onun bahalı villaları, digər biznes sahələrinin olduğu da istisna deyil. Daha doğrusu, Londonda dəyəri 10 milyon dollara yaxın mülkünün olduğu hamıya bəllidir. Eyni zamanda, Türkiyədəki biznesinin hələ nələrdən ibarət olduğu da məlum deyil.

29/05/2021

Ağdam Zəfər muzeyi günəş istiqamətində 360 dərəcə hərəkət edəcək.

29/05/2021

Allah prezidentimizə dəyməsin
Onun sayəsində deputatlarımızın gördük Ağdamda neçə ilər idi qaçak düşmüşdülər

22/04/2021

http://agdam.info/gundem/20607-hseynbala-mirlomov-tutduu-vzifdn-azad-edildi-rsm.html

“Biz də bu hadisə barədə görüntüləri əksəriyyət kimi sosial şəbəkələrdə gördük və izlədik”. Bunu Azərbaycan Dövlət Neft və Sənaye Universitetinin (ADNSU) İctimaiyyətlə Əlaqələr və Marketinq

17/04/2021

Agdam.info xəbər veror ki,Prezident İlham Əliyev "Formula 1" Azərbaycan Qran Pri yarışının təşkili və keçirilməsi ilə bağlı Azərbaycan Respublikasına gələcək əcnəbilər və vətəndaşlığı olmayan şəxslər üçün viza prosedurlarının sadələşdirilməsi haqqında sərəncam imzalayıb.

17/04/2021

Əlil uşağa yığılan 15minə valideynlər evlərini təmir etdi, 1ay sonra ev də yandı uşaq da


Azərbaycanda valideynlər gözləri görməyən azyaşlı uşaqları üçün verilişdə yığılan 15 min manatı alıb evlərini təmir ediblər.

Agdam.info xəbər verir ki, bu barədə "Elgizlə izlə" verilişinin aparıcısı Elgiz Əkbər məlumat verib.

O 3 il öncə verilişə müraciət edən ailədən danışıb:

"O zaman mən gənc və çox təcrübəsiz idim. İnsanlara çox inanırdım. Qucaqlarında gözləri görməyən uşaq olan ailə bizə müraciət etdi. Ukraynada bir həkim uşağın əməliyyatını boynuna götürmüşdü. Uşağın analizinin cavabı Ukraynaya göndərilmişdi. Oradakı həkim uşağın gözlərinin açılmasına zəmanət vermişdi. Amma əməliyyat üçün 15 min manat pul lazım idi. Uşaq da dünya gözəli idi. Azərbaycan xalqına qurban olum. Verilişdə 15 min manat toplandı. Mən toplanan pulu anasına verdim ki, aparıb uşağı əməliyyat etdirsinlər.

Aparıcı deyib ki, 1 ay yarım sonra ailənin yalanı üzə çıxıb:

"Ay yarım keçəndən sonra uşaqdan narahat oldum. Çəkiliş qrupunu ailənin evinə göndərdim. Əməkdaşlarımız qonşuların qapısını döyüb, onlardan uşağı soruşublar. Qonşular onların yığılan 15 min manatla evlərini təmir etdiklərini, yeni mebellər aldıqlarını, uşağın isə ortalıqda qaldığını bildiriblər. Bir ay keçmədi həmin ev yanıb kül oldu, uşaq da içərsində həlak oldu. Allah götürmədi bu yalanı. Əgər kimsə edilən yaxşılığa xor baxarsa, cəzasını da çəkəcək".(http://xn--azxbr-glcb.com/)

17/04/2021

Koronavirusdan sağaldıqdan sonra fəsadları tam aradan qaldırmaq üçün nələr etmək lazımdır?
Koronavirus keçirdikdən sonra xroniki yorğunluq sindromunun müalicəsinə diqqət yetirilməlidir.

“Komsomolskaya Pravda”nın məlumatına görə, bu barədə Rusiya Elmlər Akademiyasının akademiki Aleksandr Çuçalin postkovid dövründə yaranan halsızlıqla mübarizənin təsirli yollarını açıqlayarkən bildirib.
Alimin fikrincə sözügedən sindromun inkişafında neyroinflamasiya və disbiyoz mühüm rol oynayır.

Mütəxəssis postkovid dövründə halsızlıqdan qurtulmaq üçün insanların sanatoriyalara getmələrini və vanna qəbulu, massaj, müalicəvi fizioterapiya məşqləri kimi rahatladıcı-dəstəkləyici prosedurlarla özlərinə gəlmələrini tövsiyə edib.

17/04/2021

Vaqif Əsədovdan sürücülərə XƏBƏRDARLIQ


Bakı Şəhər Baş Dövlət Yol Polisi İdarəsi avtomobil sahiblərinə və sürücülərə idarə etdikləri nəqliyyat vasitələrinin texniki baxışdan keçməsi ilə bağlı növbəti dəfə xəbərdarlıq edib.

Agdam.info-nun məlumatına görə, Bakı Şəhər Baş Dövlət Yol Polisi İdarəsinin şöbə rəisi, polis polkovniki Vaqif Əsədov APA-ya bildirib ki, nəqliyyat vasitələrinin texniki baxışdan keçməsi ilə əlaqədar sürücüləri maraqlandıran məsələlərin operativ şəkildə öyrənilməsi üçün “012-511-08-40” nömrəli “qaynar xətt” yaradılıb.

Qurum rəsmisi qeyd edib ki, yaradılan “qaynar xətt” saat 08:00-dan 18:00-dək sürücülərin və avtomobil sahiblərinin ixtiyarındadır.

Məqsəd isə sürücülərə idarə etdikləri nəqliyyat vasitələri, onların texniki baxışdan keçməsi müddətinin vaxtı, ödənilməyən cərimə borclarının olub-olmaması və sairə məsələlər barədə məlumatların vaxtında verilməsi ilə bağlıdır:

“Nəqliyyat vasitələrini texniki baxışa təqdim edəcək sürücü və ya sahiblərdən xahiş olunur ki, baxış zamanı əlavə vaxt itkisinə yol verilməməsi üçün “Yol hərəkəti haqqında” Azərbaycan Respublikası Qanununa edilmiş dəyişikliklərə əsasən, barələrində qanuni qüvvəyə minmiş yol hərəkəti və yol hərəkəti təhlükəsizliyinin təmin edilməsi qaydaları əleyhinə olan inzibati xəta haqqında iş üzrə tətbiq edilən cərimələrin ödənilməsini təmin etdikdən sonra müraciət etsinlər”.

Vaqif Əsədov onu da xatırladaraq bildirib ki, Bakı şəhəri üzrə 2 ərazidə avtomobillərin diaqnostika mərkəzləri yerləşir.

Bunlardan biri Bakı-Zabrat-Maştağa yolunun 1-ci kilometrliyində yerləşən Daxili İşlər Nazirliyi Baş Dövlət Yol Polisi İdarəsinin Diaqnostika Mərkəzidir, digəri isə Qaradağ rayonu, “Sədərək” ticarət mərkəzinin yanında fəaliyyət göstərir:

“Paytaxt və Bakı ətrafı ərazilərdə yaşayan avtomobil sahibləri və sürücülər sözügedən məntəqələrdə şənbə-bazar günləri də daxil olmaqla saat 08:00-dan 18:00-dək nəqliyyat vasitələrini təqdim edə bilərlər”.

17/04/2021

Rusiyada yaşayan qeyri-qanuni miqrantların ölkəni tərk etmələri tələb edilib

Rusiya qeyri-qanuni miqrantlardan ölkəni tərk etmələrini tələb edir.

Agdam.info RIA agentliyinə istinadən xəbər verir ki, Rusiya daxili işlər nazirini müavini Aleksandr Qorovoy 152 min Ukrayna, 247 min Tacikistan, 332 min Özbəkistan, 120 min Azərbaycan vətəndaşının ölkədə qanunsuz olduğunu açıqlayıb.

Bundan başqa, 115 min qırğız, 61 min erməni, 56 min moldovan da Rusiya ərazisində qeyri-qanuni yaşayır.

Rusiya 15 iyuna qədər həmin şəxslərin ölkəni tərk etməsini tələb edir, əks halda onlar deportasiya olunacaq və ölkə sərhədi miqrantlar üçün bağlı olacaq.

14/04/2021

"Zəfər parkı"na giriş 2 yəni ki pulludur

14/04/2021

Ölkədə bahalaşmanın ən böyük baiskarı
Ölkədə qiymət artımının ən böyük baiskarlarından biri Gömrük Komitəsidir. Bir çox iş adamlarından aldığım məlumata görə, yanvar ayından başlayaraq Gömrük Komitəsi rəsmi qaimələri tanımaqdan tam imtina edib, özündən yeni sxem icad edib.
Sahibkarlar Azərbaycana mal gətirir, Azərbaycan gömrüyü malı hansısa ölkədə alındığı qiymətə yox, bazar satış qiymətinə rəsmiləşdirir və bunun ölkə daxilindəki bazarlarda bahalıq yaradacağının fərqində olmurlar.
Müəyyən ölkədən 12 manata alınan mal həmin qiymətə yox , Azərbaycan daxili bazarında 18 manata satıldığı üçün ən yaxşı halda 17 manata rəsmiləşdirilir. Bu zaman bazarda pərakəndə satış 20 manata qalxır.
(c) Natiq Cəfərli

11/04/2021

Qafqaz Müsəlmanları İdarəsinin sədri Allahşükür Paşazadə və ölkədəki dini konfessiyaların rəhbərlərinin Ağdam şəhərinə səfər ediblər.
Ağdam şəhərinə səfər çərçivəsində şəhərdəki Cümə məscidini ziyarət edib, məsciddə Qafqaz Müsəlmanları İdarəsinin (QMİ) sədri Şeyxülislam Allahşükür Paşazadənin imamətliyi ilə namaz qılınıb və ibadətlər edilib.

Səfər çərçivəsində həmçinin QMİ sədri və dini konfessiya rəhbərləri Ağdam şəhərindəki Şəhidlər Xiyabanını da ziyarət ediblər.

Şəhidlər Xiyabanında QMİ sədri və dini konfessiya rəhbərləri Azərbaycanın Milli Qəhrəmanı Allahverdi Bağırovun, Milli Qəhrəman Əliabbas İsgəndərovun, Xocalı soyqırımı zamanı qətlə yetirilən ailə üzvlərinin və digər məzarlar ziyarət edilib, onların ruhlarına dualar oxunub.

Agdam.info

06/04/2021

Azərbaycanın xalq artisti, tanınmış gitara ifaçısı Rafiq Hüseynov (Rəmiş) vəfat edib

Bu barədə onun həyat yoldaşı Güllü Hüseynova məlumat verib.
O, R. Hüseynovun bu gün günorta saatlarında vəfat etdiyini deyib

Qeyd edək ki, R. Hüseynovun səhhətində xroniki xəstəliklərin kəskinləşməsi nəticəsində ciddi problemlər yaranmışdı

Yanvarın 28-də Heydər Əliyev Fondunun xətti ilə Bakı Sağlamlıq Mərkəzinə yerləşdirilmişdi

Rafiq Hüseynov 1944-cü ildə Ağdam rayonunun Gülablı kəndində anadan olmuşdur

Allah rəhmət eləsin, Ailəsinə və yaxınlarına səbir versin

04/04/2021

Azərbaycandan 100 min “Facebook” istifadəçisinin şəxsi məlumatları oğurlanıb

Haker forumunda “Facebook” sosial şəbəkəsinin 533 milyondan çox istifadəçisinin şəxsi məlumatları yerləşdirilib.

Agdam.info bildirir ki, bu barədə “Business Insider” nəşri xəbər yayıb.

Qeyd olunub ki, forumda ABŞ-dan 32 milyon, Böyük Britaniyadan 11 milyon və Hindistandan 6 milyon daxil olmaqla ümumilikdə 106 ölkədən olan istifadəçilərin tam adları, yaşayış yerləri, doğum tarixləri, tərcümeyi-halları, mobil nömrələri və bəzi hallarda e-poçt ünvanları yayılıb.

Hudson Rock şirkətinin texniki direktoru Alon Gal tərəfindən “Tvitter” səhifəsində dərc edilən ekran görüntülərində Azərbaycandan da təxminən 100 min istifadəçinin məlumatı yer alıb.

Mütəxəssislər xəbərdarlıq edirlər ki, bu cür məlumatlar kiber cinayətkarlar üçün dəyərli ola bilər.(Virtualaz.org)

04/04/2021

Goranboy rayon İcra başçısı işdən azad olunur ? İDDİA
Goranboy rayon İcra Hakimiyyətinin başçısı Məhərrəm Quliyevin oğlunun İkinci Qarabağ savaşı zamanı Ermənistan hərbçiləri tərəfindən “girov götürüldüyü” ilə bağlı məqsədli şəkildə şayiələrin yayıldığı haqda məlumat vermişdik. Belə ki, rayon sakinləri arasında yayılan məlumatlara görə, guya, icra başçısının oğlu Nazim Quluzadə müharibədə ermənilərə “girov” düşüb.

Lakin araşdırmamız nəticəsində məlum olmuşdu ki, Nazim Quluzadə ümumiyyətlə müharibədə iştirak etməyib. Onun paytaxtda yerləşən “elit” hərbi hissələrin birində xidmət etdiyi ortaya çıxmışdı. Təbii ki, əgər buna “xidmət” demək olarsa…

Xatırladaq ki, cəbhədə qızğın döyüşlər getdiyi zamanlarda Səfərbərlik və Hərbi Xidmətə Çağırış üzrə Dövlət Xidmətinin yerli şöbələrinə üz tutanların sayı-hesabı yox idi. Həmin günlərdə hətta məmur övladlarının cəbhəyə yollanmaq istədiyi barədə də informasiyalar yayılırdı. İndi isə məlum olur ki, Məhərrəm Quliyev hamının bir nəfər kimi Vətənin müdafiəsinə qalxdığı bir zamanda, heç bir idman nailiyyəti olmayan oğlunu “elit hərbi hissəyə” xidmətə gönədərməklə, onu döyüşdən yayındırmaq məqsədi güdüb.

Əvvəlki yazımızda Goranboy rayon icra başçısının əməkdaşımızın bu məsələlərlə bağlı sualına söyüşlə cavab verməsi haqda oxucularımızı bilgiləndirmişdik. Onu da qeyd etmişdik ki, sorğumuza cavab vermək icra başçısının vəzifə borcu olsa da, M.Quliyevin bu cür əxlaqsız davranışı onun “yerində olmadığının” göstəricisidir.

Sözsüz ki, belə yarıtmaz idarəçiliyi olan icra başçısının komandasının üzvləri də onun yolunu davam etdirməyə məhkumdur. Hansı ki, Goranboy rayon icra başçısının müavini Ceyhun Həsənovla bağlı da sakinlər tərəfindən çoxsaylı narazılıqlar mövcuddur…

Ancaq etibarlı mənbədən “Hürriyyət”ə daxil olan məlumat görə, icra başçısının müavini Ceyhun Həsənov bu günlərdə öz ərizəsiylə istefaya gedib. Belə fikirlər mövcuddur ki, C.Həsənov rayon sakinlərinin onunla bağlı “Hürriyyət”ə ünvanladığı şikayətlərdən qorxuya düşərək, belə bir addım atmağa məcbur olub. Ən maraqlısı isə odur ki, o, istefa ərizəsi yazdıqdan sonra bir-bir şikayətçilərlə görüşərək, onlardan halallıq istəyib. Sonda isə, sakinlərindən artıq onun haqqında heç yerə şikayət etməməyi xahiş edib.

Əlbəttə, məmurların böyük bir qisminin vəzifə səlahiyyətlərindən sui-istifadə edərək, böyük pullar qazandığı Azərbaycanda uşaqdan böyüyə hər kəsə bəllidir. O da məlumdur ki, məmur oliqarxiyası bir tərəfdən büdcə vəsaitlərini talan edir, digər tərəfdən isə vəzifə səlahiyyətlərini aşıb sahibkarlara “xərac” kəsərək, ciblərini doldurmaqla məşğul olurlar. Rüşvət və korrupsiya üstündə bir neçə icra başçısı həbs olunsa da, bəzi rayonlarda bu hallar hələ də davam edir. İddia olunur ki, həbs olunan icra başçıları kimi, Məhərrəm Quliyev də təkcə büdcəni talan etməklə deyil, sahibkarlara “xərac” kəsməklə “ciblərini” doldurur.

Görünür, Ceyhun Həsənov da Məhərrəm Quliyevin qanunsuz göstərişlərini yerinə yetirmək məcburriyyətində qalıb və sonda bu cür göstərişlərin qanunsuz olduğunu görərək, istefa etmək məcburiyyətinə olub. Bu baxımdan da narazılıq edən rayon sakinləriylə görüşərək, halallıq istəyib.

P.S. Sonda onu da qeyd edək ki, Goranboy rayon İcra Hakimiyyətinin başçısı Məhərrəm Quliyevin də vəzifədən azad olunacağı bildirilir. Hətta bəzi bilgilərə görə, icra başçısının istefa ərizəsi artıq alınıb və hazırda təhvil-təslim işləri gedir… //hurriyyet.az//