Amigonan di Archivo

26/10/2024

23/10/2024

Sintonisa canal 23 awe nochi pa presencia e momento cu Aruba, e plataforma Coleccion.aw ta ricibi premio di The Internet Archive na San Francisco🎉🥳😃

Nos ta orguyoso di e logro historico aki pa Aruba🎉

23/10/2024

Pabien Aruba. Pabien partnernan di Coleccion Aruba, tanto esunnan cu tin contenido y coleccionnan como partner strategico. Fundacion ADA ta orguyoso di ta forma parti di esaki y nos ta orguyoso di nos profesionalnan riba e tereno di Herencia Cultural y Digital.
Nos ta invita tur hende pa sigui esaki awenochi pa 10 or di anochi, sea via Tele Aruba of via di youtube.

Awe nochi na San Francisco Ca, e plataforma pa herencia documental di Aruba, Coleccion Aruba lo ricibi e reconocimento di "Internet Archive Hero award 2024" pa 10 or. pm ora di Aruba.
E evento lo wordo transmiti via Telearuba y tambe por sigiu'e via e youtube link https://www.youtube.com/live/_w819qEfC_A?si=rwxztuxvEjtmYbZ7
Coleccion Aruba ta invita e communidad di Aruba pa virtualmente presencia e evento aki. Un gran logro y reconocimento pa Aruba y e trabou haci pa nos expertonan local den Herencia documental ta nan ta bin ta realisando pa algun aña.

30/08/2024

𝗩𝗮𝗰𝗮𝗻𝗰𝘆 𝗪𝗶𝗸𝗶𝗺𝗲𝗱𝗶𝗮𝗻 𝗶𝗻 𝗥𝗲𝘀𝗶𝗱𝗲𝗻𝗰𝗲!!!
Wikimedia is the global volunteer movement dedicated to free access to knowledge for everyone. Flagship of the movement is Wikipedia - but there is much more. In the Kingdom of the Netherlands, we support the wiki-volunteers and works with cultural and heritage institutions that want to share their knowledge with the world.

The project 𝗪𝗶𝗸𝗶𝗽𝗲𝗱𝗶𝗮 𝗼𝗻 𝗔𝗿𝘂𝗯𝗮 wants to make Aruban and wider Dutch Caribbean culture and heritage widely accessible and visible on Wikimedia platforms such as Wikipedia, Wikimedia Commons, and Wikidata. The goal of the project is to motivate and enable people and institutions to share their knowledge, and to develop and support a thriving Wikimedia community around Aruban culture and heritage.

This is a Wikimedia Nederland project, in cooperation with Archivo Nacional Aruba , Biblioteca Nacional Aruba - Arubiana-Caribiana + Digital Collections, Stichting Monumenten Fonds Aruba & Unoca Aruba.

For this project we are looking for a:
𝗪𝗶𝗸𝗶𝗺𝗲𝗱𝗶𝗮𝗻 𝗶𝗻 𝗥𝗲𝘀𝗶𝗱𝗲𝗻𝗰𝗲 𝗼𝗻 𝗔𝗿𝘂𝗯𝗮 / 𝗣𝗿𝗼𝗷𝗲𝗰𝘁 𝗖𝗼𝗼𝗿𝗱𝗶𝗻𝗮𝘁𝗼𝗿 𝗢𝗽𝗲𝗻 𝗞𝗻𝗼𝘄𝗹𝗲𝗱𝗴𝗲 𝗔𝗿𝘂𝗯𝗮 (𝟭𝟴 𝗺𝗼𝗻𝘁𝗵𝘀/𝟬,𝟴 𝗳𝘁𝗲)
The Wikimedian in Residence will be the coordinator and point of contact for the project on Aruba, acting as a liaison between cultural heritage organisations, volunteers, the Wikimedia platforms and the global Wikimedia movement.

Read the full job description 👉🏽https://bit.ly/478Eb8z

Coleccion Aruba

13/08/2024

30/06/2024

Bish*ta e tent di Archivo Nacional Aruba na Ban Caya Dakota!

25/06/2024

Apertura di e exposicion: “How Do We Remember?” na Archivo Nacional Aruba diabierna 5 di juli di 5.30 p.m. - 7.30 p.m.

E exposicion aki na Aruba ta enfoca riba trece e focus di e momentonan historico y e conexion cu nos bida contemporaneo. Algun tema ta Lago, algun localidad geografico di e isla cu a wordo mira of uza den tempo colonial, historia y folklore. Hopi hende ta pensa cu e storianan, e narrativonan historico ta algo statico. Esey ta e idea cu talbes hende tin tocante un “archivo”. Pero, e preguntanan importante ta: Kico ta un 'archivo' pa bo? Con bo ta uza un? Kico esaki tin di haber cu bo? Archivo por ta dinamico of nan ta statico? Un hende tambe por ta un archivo?

Tres artista y dos colaborado di e diaspora Caribense ta trata e preguntanan aki riba nan mesun manera den e exposicion 'How Do We Remember?' na Archivo Nacional Aruba (Aruba) y Nieuwe Instituut (Hulanda). Hunto cu e curador Gyonne Zafira(Aruba), nan ta bay mas profundo den e storianan, ideanan y narrativonan di e archivonan institucional y personal (familiar).

Artista Ken Wolff (Aruba), Riangelo Christie (Corsou), y Serana Angelista (Corsou) y e colaboradornan Sergio Maduro (Aruba) y Joseph Maduro (Aruba) ta hiba nos riba un biahe artistico recordatorio y di descubrimento di kico archivo ta pa nan. Y talbes, nos como bish*tante por descrubi di nobo kico ta e archivonan cu ta biba den nos.

How Do We Remember? ta un colaboracion entre Counter/Narratives y Network for Archives of Design and Digital Culture. E proyecto “How Do We Remember?” ta tuma lugar na Nieuwe Instituut y Archivo Nacional Aruba.

Apertura na Aruba: 5 di juli 2024
Archivo Nacional Aruba
Presentando Ken Wolff su obra ‘Overexposed’, Sergio Maduro & Joseph Maduro su obra ‘Temp’i Lago’, y Riangelo Christie su obra ‘Dènduré’.
Orario: 17:30-19:30
Reserva prome cu dia 3 di juli via e-mail na [email protected] OF manda nos un whatsapp na. 7490885

Apertura na Hulanda: 20 di juni 2024
Nieuwe Instituut
Presentando Serana Angelista su ‘Promised Land’.

Pronto un espacio online tambe lo wordo habri unda tur e obranan lo por wordo mira den un manera modifica.
Nos ta spera bo!

Instagram: OF

14/06/2024

Memoria Ancestral Snippet

En conexion cu e conmemoracion di abolicion di sclavitud na Aruba 160 aña pasa, Cas di Cultura a inicia un proyecto total pa stimula dialogo riba e topico, herencia y decendecia di nos pueblo. Artista multidisciplinario y contemporaneo Natusha Croes a tuma e encargo pa crea un proyecto den dialogo cu educadornan, historiadornan, artistanan y institutonan cu a resulata den e proyecto Memoria Ancestral. E proyecto multifacetico, artistico y inspirativo aki ta consisti di 3 encuentro comunitario, un obra teatral, un video-documental y un 'booklet' informativo y interactivo.

Pa crea un impacto duradero e deseo ta pa 4000 persona wak e obra teatral durante 10 presentacion na Cas di Cultura. E presentacion, inclusivo Q&A ta dura maximo 90 minuut (sin pauze).

* Fechanan di Mainta:
27 y 28 di juni - presentacionnan: 8:30am y 11.00am
2 y 5 di juli - presentacionnan: 8:30am y 11.00am
* Pa scolnan (alumno, maestro y mayornan), empleadonan di fundacionnan y empleado publico e presentacionnan di mainta ta gratis! Pa empleadonan, teamnan, for di sector priva e presentacion ta Awg. 15,-.
Registra aki pa nos inclui bo den nos lista (yen=yen) : https://forms.gle/wsuh3C5fsDQitMxk7

** Fechanan di presentacion di Anochi:
5 y 6 di juli - 8pm.
** E presentacionnan di anochi pa publico general ta Awg. 25,-. Carchi obtenibel na Pay.aw, Plaza Bookshop y Cas di Cultura.

QR code pa registra pa mainta. Registracion ta necesario pa percura cu tur hende tin un stul.

05/06/2024

Dia di Archivo

Invitacion pa un presentacion na ANA

Relaciona cu e Dia Internacional di Archivo, Archivo Nacional Aruba (ANA) ta organisa un anochi informativo pa tur esnan cu ta interesa pa haya sa mas di e desaroyonan nobo den e era digital di coleccion di archivo digitalisa. E coleccion di herencia digital ta hopi grandi y disponibel pa tur usario cu ta buscando informacion. Durante e presentacion aki, lo duna un splicacion di e trabounan di archivo, e desaroyonan nobo y e funcionalidad di coleccion.aw, pa asina por haya acceso na e informacion aki digitalmente.

Archivo Nacional Aruba ta invita bo dialuna 10 di juni pa 7.00 p.m. pa bin conoce www.coleccion.aw. mas mihor. Bin haya sa mas con e coleccion digital aki por yuda bo den bo buskeda na informacion.

Tur interesado ta cordialmente invita pa ta presente na Archivo Nacional Aruba (Sabana Blanco 60), y lo bo haya un guia con pa busca den www.coleccion.aw.

06/03/2024

Exposicion y Celebracion 🎉 🇦🇼

06/03/2024

Den pleno preparación! 18 di maart na Archivo Nacional Aruba

21/02/2024

23/12/2023

Den nomber di Staff y Personal di Archivo Nacional Aruba, nos kier a desea tur nos amigonan riba facebook y henter nos comunidad felis dianan di fiesta y cu 2024 por ta uno venturoso pa nos tur.

30/11/2023

Un bunita presentacion y buki!

15/11/2023

Presentation di buki di esclavo Virginia na Archivo Nacional Aruba
diamars 21 di november pa 7.00 p.m.

Archivo Nacional Aruba tin e grato placer pa invita tur of esnan interesa den historia y cultura di Aruba pa un presentacion di e buki “Virginia”. E buki aki ta conta e historia di Virginia, e esclavo “rebelde” di Aruba basa riba informacion y investigacionnan haci principalmente na Archivo Nacional Aruba. Specialmente pa e presentacion di su buki na Aruba, e autor señora Ida Does, acompaña pa e ilustrador señora Daniëlle Nijboer, miembronan di e team di redaccion di “Afefe Stories”, señora Ellen-Rose Kambel y Joan Windzak lo ta na Aruba.

Autor Ida Does ta naci na Suriname, e ta un periodista, autor y un productora di documentario. Banda di su carera na e television Hulandes, Ida ta hopi conoci den e mundo di film y documentario independiente, na unda el a gana diferente premio pa su obranan. Su documentarionan a gana premio na Canada, Hulanda, Trinidad en Tobago, Merca y Belize.

E presentacion di e buki “Virginia” lo ta diamars, 21 di november di 7.00 p.m. – 9.00 p.m. na Archivo Nacional Aruba. Tur interesado ta cordialmente invita pa ta presente.

27/10/2023

Pabien na tur e partnernan envolvi. Fundacion ADA ta orguyoso di por ta parti di esaki como partner strategico!. Keep up the good work!