Bon Dia Aruba

25/04/2025

| Manifestantenan a reuni den e capital di Slovakia y otro varios ciudad diahuebs pa protesta contra un ley aproba den parlamento cu, segun nan, por limita e libertad di expresion y obstaculisa e trabou di organisacionnan no-gubernamental (NGO).

Hende cu a reuni na Plaza di Libertad na Bratislava a compara e ley cu esun di Rusia pa “agentenan stranhero,” un ley cu a ricibi hopi critica di ta represivo. Despues nan a marcha te na e palacio presidencial pa pidi Presidente Peter Pellegrini pa veto e ley. Nan tabata grita: “No na e ley di Rusia,” y “Slovakia ta Europa.”

Home INTERNACIONAL Slovaconan ta protesta contra un ley cu por trece daño na gruponan... INTERNACIONAL Slovaconan ta protesta contra un ley cu por trece daño na gruponan no gubernamental April 24, 2025 1 Facebook Twitter Google+ Pinterest WhatsApp Demonstrators hold a public letter to the Slovakia...

25/04/2025

| Cu su fundacion Branch Coral Foundation, Max van Aalst, un biologo bibando na Corsou, ta cuminsa un proyecto piloto pa recuperacion di coral celebral cu ta den peliger di extincion. Cu su proyecto e no kier solamente recupera coral, pero trece bida nobo den e ecosistema di henter e rif di Corsou.

E proyecto di Van Aalst ta enfoca riba crecemento di coral di celebro; un especie cu antes tabata abundante rond di e rif na Porto Marie, pero cu awor casi a disparce. E causa: un malesa agresivo yama Stony Coral Tissue Loss Disease (SCTLD). “E malesa aki ta mortal y ta plama hopi liher. Henter un colonia por muri dentro di dos siman.”

Home REINO Proyecto piloto lansa na Corsou pa recuperacion di coral cerebral cu ta... REINO Proyecto piloto lansa na Corsou pa recuperacion di coral cerebral cu ta den peliger di extincion April 24, 2025 1 Facebook Twitter Google+ Pinterest WhatsApp (Caribisch Netwerk) – Cu su fundacion Branch Cor...

25/04/2025

| Presentacion di buki ‘Frequensee’ na Biblioteca Nacional Aruba

Marlon Moore ta presenta su prome buki na Biblioteca Nacional Aruba. Titulo di e buki ta ‘Master your FREEquenSEE: 7 Steps to achieve optimal health and vitality’. Presentacion ta tuma lugar diabierna dia 25 di April y esaki ta cuminsa 6or.

Moore ta un Health coach y cu su buki Mooreta ofrece lesadornan un ‘roadmap to balance, clarity, and optimal health’. Su enfoke ta riba e balansa di energia, keda vital y boost bo frecuencia pa por biba optimal y yen di energia, baha stress y yega na claridad mental.

E buki aki ta un guia riba con pa aumenta bo frecuencia vibracional pa logra balansa, salud, claridad emocional y un sentido di poder personal. E ta profundisa den e conexion entre energia y bienestar via hermentnan practico: Nutricion, movecion, pensamentonan, sanacion di frecuencia y maestria di emocion.

25/04/2025

| Aruba ta dispidi di su ‘bos di oro’: Jossy Brokke, un artista sin igual den historia di nos isla

Jossy Adriaan Brokke a nace na Aruba, dia 15 di juli 1947. Jossy su nombeman di cariño ta Papichi, Pichois, Papi y Jos. Tin algun mas, pero Jossy no ta bay hinca nan den su biografia, pasobra esaki lo cay fo’i otro.

E mayornan di Jossy tabata Jose Juliano Brokke y Maria Magdalena Brokke-de cuba y el a nace den e bario di Oranjestad. Temponan aki, su wela tabata biba na Nieuwstraat. Esaki ta e caya cu ta core paralelo cu Wilhelminastraat, unda andes tabatin e tienda Habibe.

Ademas di Jossy, su mayornan tabatin 6 ruman mas, haciendo un total di 2 ruman homber y 5 ruman muhe. Jossy tabata e yiu number 5 di e famia y eventualmente el a casa cu Sandra Lourdes Ponson.

Den e famia di Jossy tin mas musico. Por ehempel, su tata tabata un cantante di tango, y su mama nunca por a para keto ora cu e tabata na cas, cantando su cancionnan. Jossy tambe tin un ruman muhe ken ta un artista asina conoci cu e tin un nomber artistico Dhaddy Brokke, aunke su nomber di nacemento ta Nidia Veronica Brokke.

Un bida artistico pa Jossy tabata dune loke e ta gusta y stima. E tabata stima ta un artista. For di un edad hoben, ya caba Jossy tabata canta. Cu 9 aña el a canta fuera di e pais caba. E tempo aki, su tata tabata cahero principal di gobierno, y cada 6 aña tur ambtenaar di gobierno tabata haya un vakantie di 6 luna pa por biaha cu nan famia. Durante un di e vakantienan aki e famia a dicidi di bay Costa Rica. Banda di unda nan tabata kedando, tabatin un misa manera un catedral grandi unda tur diadomigno su tata tabata bay cu nan. Ora cu misa tabata caba, manera casi tur pais latino, un parke dilanti e misa tabata yena di musico y esaki ta unda Jossy a bay canta cu mariachi. E momento tabata asina fantastico cu su rumannan a bisa Jossy cu e tin cu sigui canta.

E cuatro tabata un instrumento cu Jossy tabata stima masha hopi. E music Milo Muyale a siña Jossy toca e instrumento pa asina nan por toca hunto, cu Milo tocando su harpa y Jossy cantando. Hunto, nan a logra bay varios luga rond di mundo, manera Las Vegas Nevada, Thunderbird Hotel na Las Vegas, cual e tempo aki tabata un di e hotelnan mas grandi. Nan tabatin grabacion tambe. Pa hopi tempo Jossy a toca cuatro, te ora cu el a bay Hulanda y a cuminsa riba Guitara.

For di e tempo cu Jossy a bolbe Aruba, el a cuminsa skirbi cantica. E prome cantica cu el a yega di skirbi a bira un hit mesora y tabata na Spaño, den e genero di Bosanova. E titulo tabata “No me dejes,” y Jossy a graba esaki hunto cu The Strangers di Savaneta.

Semper festivalnan di musica di nos mesun hendenan tabata impresiona Jossy. Esaki ta pa motibo cu e artistanan tabata logra cuminsa gana den e mundo aki, y sigur cu pueblo mirando nan esfuerso y con nan tabata gana trofeo cu tin balor den nan carera musical.

Aunke Jossy a bay laga nos, e ta laga atras un legado sin igual pa nos y nos futuro generacionnan mira y honra. Su sugerencia tabata pa tur artista train di bon manera y cu seriedad. Busca e genero di cancionnan cu ta bay cubo pasobra un cancion mester cuadra cu bo personalidad. Hopi biaha un persona ta canta un cantica cu no ta pega cu su personalidad, y den e caso aki ta bira dificil pa interpreta e cancion cu exito. Tur esaki ta cosnan cu Jossy a siña durante su biahenan, y ta enseñansa cu e ta laga cu nos.

Potretnan di pagina di Facebook di Jossy Brokke.

25/04/2025

Join Aruba Conservation Foundation y Wageningen University & Research riba dia 7 di mei na Fort Zoutman pa forma parti di nan "Nature-Inclusive Vision" pa Aruba den aña 2050!

Registra aki: https://forms.office.com/pages/responsepage.aspx?id=dKG9VOG6yECoqvMY2nu1utjTT4yG7CpJjebD8MVJPKNUNkswOUpPU0M3ODJLUlFXUUtFSEZDRDQ2WSQlQCN0PWcu&route=shorturl

25/04/2025

| Departamento di Labor y Investigacion (DAO) ta informa cu lo celebra ‘Dia di Rey’ oficialmente riba diasabra 26 di april 2025

‘Dia di Rey’, cu ta e dia cu ta celebra e fecha natal di Su Mahestad Rey Willem- Alexander, ta diadomingo 27 di april 2025.

Na Hulanda a anuncia pa medio di un decreto di Cas Real cu e aña aki, pa motibo cu ‘Dia di Rey’ ta riba un diadomingo, lo tene e celebracion un dia prome.

Pa e motibo aki Gobierno di Aruba a tuma e decision pa tene e celebracion oficial di e ‘Dia di Rey’ conhuntamente cu Hulanda riba diasabra 26 di april 2025. Pues ta considera diasabra 26 di april 2025 e aña aki como e dia oficial di fiesta, segun art. 22 di e Ordenansa Laboral 2013.

DAO ta pidi dunadonan di trabou y trahadonan pa tene bon cuenta cu esaki, principalmente pa cu e compensacion pa traha riba un dia di fiesta aplicabel pa e diferente sectornan.

25/04/2025

| Un maneho economico inclusivo na beneficio di tur ciudadano ta prioridad pa Gabinete AVP-FUTURO

E tema di economia ta uno di suma importancia. Pa Gabinete AVP-FUTURO e fundeshi di e maneho economico ta un crecemento y desaroyo economico inclusivo pa logra un reparticion mas husto di entrada y beneficio di e desaroyo economico di Aruba pa tur hende. Den nan plan di gobernacion nan ta presenta nan strategia y plannan pa logra yega na e maneho aki.

E meta di e maneho economico inclusivo di Gabinete AVP-FUTURO ta pa mehora e poder di compra; baha e costo di bida; baha gasto y agilisa e proceso di haci negoshi; mehora e clima di inversion; stimula participacion mas amplio di comunidad den economia; stimula diversificacion di Aruba su economia; y stimula un economia mas sostenible y duradero.

Dependencia di solamente un pilar economico ta un riesgo pa e desaroyo economico duradero di e pais. E punto di salida di e maneho economico di Gabinete AVP-FUTURO ta proyeccionnan economico cu ta mustra un nivel di crecemento economico real, cu ultimamente ta bahando door di finalisacion di proyeccionnan hotelero y menos actividad economico den sector di construccion.

Lesa mas: https://www.bondia.com/un-maneho-economico-inclusivo-na-beneficio-di-tur-ciudadano-ta-prioridad-pa-gabinete-avp-futuro/

25/04/2025

| No a logra cumpli cu deadline: Secretario di Estado Szabó ta aumenta interes pa Aruba entrante 1 di mei

Manera ta conoci dia 1 di mei tabata stipula como e deadline pa Gobierno di Aruba y Hulanda yega na un acuerdo pa loke ta trata e Rijkswet y asina entrega e proyecto di ley pa cu esaki na Parlamento di Aruba y Tweede Kamer. Mirando con e situacion ta na e momentonan aki, faltando apenas algun dia pa luna caba, Secretario di Estado Zsolt Szabó, a anuncia cu lo aumenta e interes cu Aruba mester paga riba si debe di COVID pendiente di 5.1% pa 6.9%.

Segun e plataforma digital Dossier Koninkrijksrelaties a informa, Secretario di Estado Szabó a indica cu e ta bay mantene Aruba na e acuerdo administrativo cu su predecesor Van Huffelen a cera cu prome minister di e tempo ey, Evelyn Wever-Croes, dia 4 di juni 2024. E acuerdo aki entre ex-prome minister y ex-Secretario di Estado a pone cu Hulanda a reduci e interes riba e prestamo di coronavirus di mas di 900 miyon florin na 5.1%.

Pero manera ya ta conoci, e acuerdo aki tambe ta inclui un fecha limite pa entrega na parlamento un ley nobo di reino (Rijkswet) di consenso pa regula supervision financiero. Si esaki no sucede prome cu 1 di mei, segun e acuerdo aki, lo aumenta e tasa di interes te na 6.9% atrobe. E clausula aki tabata destina pa encurasha gobierno di Gabinete Wever-Croes coopera rapidamente den preparacion di e proyecto di ley.

Lesa mas: https://www.bondia.com/no-a-logra-cumpli-cu-deadline-secretario-di-estado-szabo-ta-aumenta-interes-pa-aruba-entrante-1-di-mei/

25/04/2025

| Prome minister Mike Eman a reuni cu Camara di Comercio; Necesidad pa contribucion mas husto di sector hotelero pa desaroyo di Aruba

Diaranson 23 di april, Prome Minister di Aruba, mr. Mike Eman, a tene un reunion cu directiva di Camara di Comercio Aruba (KvK) na Centro di Gobernacion.

Durante e proceso pa forma Gabinete AVP-Futuro, e formadonan a reuni cu varios instancia incluyendo Camara di Comercio. E ultimo aki a haci un apelacion pa por continua cu e reunionnan den forma structural unabes cu keda cla cu formacion di e Gabinete nobo. Camara di Comercio ta reconoci pa su rol den e sector comercial, pero a expresa un compromiso pa pensa mas amplio den interes general di Aruba.

Un punto importante riba cual a dialoga durante e reunion tabata e necesidad pa logra un contribucion mas husto di e sector hotelero na desaroyo di Aruba. Gobierno, segun Prome Minister, no lo impone nada, sino ta propone un dialogo constructivo pa yega na un acuerdo unda e sector por contribui un tiki mas den forma di pago di salario di nan empleadonan, pero tambe locual e sector aki ta aporta na caha di Gobierno, segun un comunicado di gobierno.

E obhetivo final ta pa stimula un cooperacion duradero entre Gobierno y Camara di Comercio, unda tur sector por asumi su rol den progreso sostenible di Aruba.

25/04/2025

| Honeymoon a caba: Gobierno nobo mester mustra innovacion berdadero

Den nos delaster columna nos a indica cu un tormenta economico a yega. Pero e no ta manera cu nos no a papia amplio over solucionnan cu ta posibel awe y cu por brinda alivio economico masivo y den contexto di un plaso largo strategico. Nos a papia di Innovacion den casi tur sector di Aruba pa e delaster 4 aña. Principalmente net prome cu eleccion den e columnanan “Dia #1” a papia amplio over un stappenplan pa trece innovacion berdadero y radical Aruba.

Esaki lo ta mas cu necesario pa mitiga e consecuencianan di periodo di stagflatie global unda crecemento economico ta cay y na mesun momento inflacion ta hisa. Door di esaki nos Gobierno mester enfoca mas hopi posibel riba proyectonan cu un Return-on-Investment atractivo y mas importante cual lo trece besparing en/of entrada den un manera strategico di largo plaso.

Lesa mas: https://www.bondia.com/honeymoon-a-caba-gobierno-nobo-mester-mustra-innovacion-berdadero/

25/04/2025

| Gremionan comercial ta clarifica cu KvK no ta representante di comercio

Gremionan Comercial, AHATA, CUA, y ATIA, a manda carta siman pasa pa Camara di Comercio (KvK) y Gobierno di Aruba como rectificacion cu e organisacion di registracion no ta representante oficial di sector priva ni ta un organisacion oficial di dunador di trabao.

Segun definicion di ILO (International Labour Organization) solamente gremio na cual companianan priva ta scoge di ta miembro, ta considera un gremio di dunador di trabao.

Aunke Camara di Comercio ta un Sui Generis, e ta un organisacion cu ta cay den sector publico y tin un responsabilidad oficial como consehero di gobierno y registracion di compania na Aruba pa gobierno.

Como tal, e gremionan comercial ta clarifica cu Gobierno ni comunidad por considera Camara di Comercio como un instancia cu tin derecho pa ta voz di dunador di trabao den sector priva.

25/04/2025

| ATIA, CUA Y AHATA ta desea pa gobierno evita desperdicio di fondo publico

Gremionan Comercial, AHATA, CUA, y ATIA, a tuma nota cu Gobierno di Hulanda ta hisando interes riba Aruba su debe di AFL 900 Miyon, pa motibo cu Aruba no a cumpli ainda cu un ley nobo di Reino relaciona cu supervision financiero. Segun acuerdo existente, pa 1 Mei e ley nobo mester ta entrega na Tweede Kamer y indicacion ta cu ainda dialogo ta tumando lugar entre Aruba y Hulanda riba e texto di ley.

E gobierno anterior ya a rechasa e oportunidad pa logra un interes abao di 3.4%. Resultado di e decision tabata un interes hopi mas halto di 5.1%, cu ta gasto grandi adicional pa Aruba.

Awor cu gobierno actual no a cumpli ainda cu e acuerdo cu Hulanda, e interes lo por subi mas ainda na 6.9%.

Ademas tin debe internacional di casi Afl. 434 miyon, cu tambe lo por a refinancia via Hulanda na un interes mas abao si logra cumpli cu e acuerdo.

E gasto adicional di e diferencia entre interes di 3.4% y 6.9% ta un total di AFL 268 Miyon.

CUA, ATIA y AHATA, como representante di dunador di trabao y bos pa sector priva, ta considera e interes mas halto como desperdicio di fondonan publico cu nos comunidad ta traha duro pa genera pa nos aparato gubernamental.

Ta urgi nos gobierno pa evita e fayo financiero y finalisa e proceso cu Hulanda pa e ley nobo di supervision financiero di nos pais.

25/04/2025

Bon dia tur hende! Mañan diasabra ta bira e dia oficial liber pa Aruba en conexion cu Dia di Rey. Awe nos ta trecebo noticia tocante desperdicio di fondo publico, hisamento di interes di debe di COVID y cordando Jossy Brokke y mas!

Bish*ta nos website pa mas noticia:

- https://www.bondia.com/

24/04/2025

| Secretario di Tesoreria Mericano Scott Bessent a lansa un critica duro riba e operacionnan di Banco Mundial y di Fondo Monetario Internacional (IMF) diaranson, hasta mientras e tabata purba calma inversionistanan cu ta sinti nervioso, garantisando cu Merca lo keda un lider global.

“Merca prome no ta nifica Merca so,” el a bisa den un discurso pa e Instituto di Finanzas Internacional. “Al contrario, e ta un yamado pa un colaboracion mas profundo y respet mutuo entre socionan comercial.”

24/04/2025

MUSICO Y CANTANTE HOPI STIMA NA ARUBA, JOSSY BROKKE A FAYECE

Su ruman a comparti e noticia riba Facebook, bisando: "Cu un curason destrui, aflihi y desconsola, mi ta anuncia transicion di mi estimado ruman, un gran cantante, compositor, Jossy Brokke Jr."

Brokke, tambe conoci bou di e apodo Voz di Oro, ta un musico, cantante, cantautor, compositor y presentador di television Arubano. Brokke ta considera un di e baluartenan di musica y canto na Aruba.

Bon Dia Aruba ta manda palabra di condolencia na Jossy Brokke su famia y sernan keri, y ta comparti cu henter pueblo e duelo di perde un di nos grandinan. Cu Jossy Brokke sosega na paz🌹

24/04/2025

| Actualmente, no tin motibo pa preocupacion relaciona cu potencial agresion di Venezuela pa e islanan ABC – Aruba, Bonaire y Corsou – segun ministernan Hulandes di Defensa, Ruben Brekelmans y di Asunto Exterior, Caspar Veldkamp.

Nan declaracion a yega como respuesta na pregunta di parlamentarionan Jan Paternotte, Anne-Marijke van der Werf y Kiki Bamenga (tur di D66), despues di un carta di gobernador di Bonaire, John Soliano.

Home REINO No tin menasa inmediato for di Venezuela pa islanan ABC, segun ministernan... REINO No tin menasa inmediato for di Venezuela pa islanan ABC, segun ministernan Hulandes April 23, 2025 1 Facebook Twitter Google+ Pinterest WhatsApp (CuraçaoChronicle) – Actualmente, no tin motibo pa preocu...

24/04/2025

| Gobierno Hulandes a ser permiti pa caba cu e refugio y proteccion di ciudadanonan di tercer pais for di Ucrania na 2023 mientras cu ainda ta ofrece refugio na refugiadonan Ucraniano, Conseho di Tweede Kamer a dicta riba tres caso separa diaranson.

E decision aki ta conta pa ciudadanonan di tercer pais cu tabatin residencia temporal na Ukrania ora Rusia a invadi. Mescos cu pa e Ucranianonan, Hulanda mester ofrece refugio y proteccion na ciudadanonan di terser pais cu tabatin residensia permanente na Ucrania ora e guera a cuminsa, y tambe na hendenan sin estado cu a huy for di e pais.

Home REINO Hulanda a permiti pa para refugio pa ciudadanonan di tercer pais: Conseho... REINO Hulanda a permiti pa para refugio pa ciudadanonan di tercer pais: Conseho di Tweede Kamer April 23, 2025 1 Facebook Twitter Google+ Pinterest WhatsApp (NLTimes) – Gobierno Hulandes a ser permiti pa caba c...

24/04/2025

| Skirbi pa Otami Thomasia: E comunidad neglisha of mihor bisa, lubida

A tuma nota cu aki na Aruba, hopi bes tin e tendencia di lubida riba un grupo di nos comunidad.

Un Isla hopi avansa, cu a logra cosnan bunita den pasado, di cual nos por ta hopi orguyoso di esaki. Pero mientrastanto cu mayoria di nos ciudadanonan ta disfruta di e logronan aki, tin un grupo cu ainda ta warda pa ricibi atencion debidamente.

Ta trata di e ciudadano cu un of otro limitacion.

A purba di inculca inclusion den nos comunidad, pero ta ora pa nos bay practica esaki, di berdad. Esaki lo trece cambionan grandi cune, cu ta sumamente necesario pa sigura cu cada cuidadano ta sinti cu nan ta pertenece.

Tin diferente organisacion cu ta brinda ayudo y sosten na e personan aki, y nos ta agradecido na nan, pa nan aportacion.

A sinta cu algun organisacion, cu a presenta ideanan existente, pero sigur hopi innovativo pa nos isla. Por ehempel, cosnan simpel manera accesibilidad pa drenta tur edificio, pa drenta transporte publico, pa eherce un deporte, pa yega scol y mucho mas.

Por crea diferente parke di recreo cu ta dispone di materialnan adapta. Tur esaki ta necesidadnan basico como ser humano, cu por percura pa un salud fisico y mental saludabel, pa e personan aki.

Reflehando bek riba e plan di gobernacion cu ta cubri puntonan hopi importante pa e inclusion den nos comunidad, y ta enfoca y priorisa nos hendenan cu limitacion, parlamento lo percura pa e desaroyanan aki haya forma y cana nan caminda debidamente, pa na final, e ciudadanonan aki por tin un miho calidad di bida.

Nos ta un solo Aruba, cu un solo meta, mehora calidad di bida di tur ciudadano.