Telearuba

22/12/2025

Obhetivo pa logra acuerdo oficial entre dokter di cas y specialista

Diasabra a tuma luga na HOH Academy e di dos mini DAS Clinic, esta e Dutch Antillean Southamerican Clinic den version mini, organisa door di dos internistanan di HOH, esta dr. Sandro Waterloo y dr. Bert Rodenburg

21/12/2025

Reaccion di Venezuela riba e di dos tankero cu Merca a confisca. Nos colega di CNN Stefano Pozzebon cu e detayenan

21/12/2025

Temporada di fin di anja ta acercando y manera nos sa tur mascota ta sufri di un of otro manera, specialmente durante tiramento di klapchi. Pa cu esaki nos a acerca tanto Esther van der Put cu ta e fundador di Fundacion "Snoop Doggy" como tambe Nathy Franco Ventura cu ta encarga cu Centro di Control di Cacho, pa asina conta nos kico tur nos por haci pa yuda nos animalnan durante e temporada.

21/12/2025

Secretario di Homeland Security a “post” riba e plataforma X un video di e supuesto accion di dia 20 di december di e USCG caminda ta indica cu a confisca un otro tankero di petroleo cu tabata mara na un waf na Venezuela. E ta indica cu Warda Costa Mericano hunto cu militarnan a haci e captura di e barco den awanan internacional. Esaki ta e dos dos biaha cu Merca ta intercede un barco di crudo cerca di Venezuela den e ultimo 2 simannan. Supuestamente e tankero tabata enfrentando sancionnan pa motibo di su relacion cu Iran. Segun un oficial Mericano cu a permance anonimo a indica cu e tankero particular aki no tabata bou sancion. A accionnan di e administracion di Trump ta bin mientras ta purbando di aumenta e presion riba Venezuela. Algun dia pasa, Presidente Donald Trump a declara cu e gobierno lidera pa Nicolas Maduro ta un organisacion terorista stranhero

20/12/2025

Pa hopi un kopi koffie tur mainta ta yuda alegra e dia, pero pa muchanan di "Youthhouse" Montessori situa na Paradera, e kopi di koffie ta significa hopi mas. E alumnonan ta encarga cu e “Youthhouse Montessori’s Tiny Spoon Coffee Stop”, un iniciativa cu ta duna e muchanan un bista con pa maneha un negoshi chikito y alabes haya e experiencia con e mercado laboral ta funciona. Nos colega Yentl Lieuw a pasa na e “coffee shop”, pa asina purba e kopi di koffie traha fresco fresco pa e muchanan di e scol. Adelante Yentl cu e storia...

20/12/2025

Den Semeleerstraat na Noord, den Porta pa Harmonia, un tayer di Dande a tuma luga cu e meta pa fortifica y mantene bibo nos tradicion folklorico. Albertico “Tico” Kelly, docente di violin, mandolin y baho na Arubaanse Muziekschool, a duna un balioso aporte cultural durante e evento. Dande, segun Tico, ta mas cu musica so; e ta un bendicion canta cu ta transmiti deseo di paz y prosperidad pa e comunidad na entrada di aña nobo

20/12/2025

Autoridadnan di Merca a informa cu a haya sospechoso di e tiroteo na e Universidad di Brown morto. Y autoridadnan di Ecuador a detene dos sospechoso pa e as*****to di hungado di futbol di club Barcelona na Ecuador Mario Pineida y su pareha. Fabiola Angela Hernandez tin e siguiente detayenan.

20/12/2025

Durante entrevista cu lider di fraccion di PPA Eduard Pieters a comenta mas riba e resultado di e reunion di LIM, como tambe e la comenta cu minister Gerlien Croes tin basta ministerio, un pakete basta pisa, mientras cu prome minister Mike Eman tin un “pret pakket”. Eduard Pieters ta elabora mas….

20/12/2025

Mirando futuro: Vision a Largo Plaso y Responsibilidad Comparti

CEDE ARUBA tin e placer di informa comunidad di Aruba, y en particular e habitantenan di San Nicolas, tocante e ultimo desaroyonan encuanto e Lago Heights Park

20/12/2025

Durante entrevista cu Parlamentario Endy Croes a informa cu nan a trata e ley di LIM esta e Landsverordening Instelling Ministeries cu ta reparticion di maneho riba cada ministerio. Ademas e la agrega cu e manera con a parti esaki no ta cumpli cu e normanan. Endy Croes ta elabora mas…

20/12/2025

Parlamentario Ruthlyn Lindor a tuma nota di e declaracion di Minister di Corsou, sr Charles Cooper tocante e presentacion di Minister Geoffrey Wever na Hulanda tocante Ley di HOFA. Parlamentario Lindor ta expresa su opinion tocante esaki pero tambe riba e decision pa nombra un Minister Plenipotenciario

20/12/2025

No perde

📣 Film “Mi a Purba” 🎬✨

FCVR ta hopi orguyoso pa presenta e film cortico “Mi a Purba”, un historia poderoso y emocional inspira riba e realidad di un sobreviviente na Aruba.

E pelicula aki a wordo crea cu un meta cla: habri wowo di nos comunidad, aumenta consenshi, y stimula accion real. “Mi a Purba” ta duna bos na esnan cu hopi biaha ta keda sin wordo scucha, y ta mustra con importante ta pa nos servicionan y henter comunidad Arubano traha man den man pa sostene y proteha sobrevivientenan. 💛

🙏 Un danki di curason na Joel Films pa duna bida y direccion na e proyecto aki cu tanto dedicacion, y na tur voluntario cu a haci parti di e elenco. Sin boso, esaki no tabata posibel.

Lo por mira e Film na TeleAruba canal 13, riba diasabra 21 di december pa 12pm y diadomingo 22 di december 12:30pm.

Por wak e trailer caba riba nos website: www.fcvr.org.

🎥 Nos ta invita tur hende pa mira, reflexiona, comparti y sigui apoya e trabou pa empodera y proteha sobrevivientenan riba nos isla.