L L B Channel

01/12/2024

ထုတ်လုပ်ရေး (၅) ခု နဲ့
ဇာတ်ကား (၂၅) ကား
စာချုပ်ချုပ် ထားပါတယ်
ဆိုတဲ့ သဲသဲ 🥰

30/10/2024

Chin Star Season 2 သီချင်းအဆိုပြိုင်ပွဲကနေ ဒိုင်အားလုံး နဲ့ ပြိုင်ပွဲဝင် ၄ ဦးနှုတ်ထွက်
===============
၃၀ အောက်တိုဘာ ၂၀၂၄

Chin Star Season 2 သီချင်းအဆိုပြိုင်ပွဲမှာ အကဲဖြတ်ဒိုင်အဖြစ် တာဝန်ယူထားတဲ့ ဒိုင် အားလုံးအပြင် ပြိုင်ပွဲ ဝင် ၄ ဦးအထိနှုတ်ထွက်သွားကြပါတယ်။

Chin Star တည်ထောင်သူ ဆလိုင်းလုံထလီသုမ် ( Salai Lung Thli Tum ) က အောက်တိုဘာလ ၂၈ ည မှာ ပြိုင်ပွဲဝင် Samson Khen Tui ကို အမျိုးသမီးတစ်ဦးအား မဖွယ်မရာလုပ်တယ်ဆိုပြီး အားလုံးမြင်နိုင်တဲ့ ဖေ့စ်ဘုတ် ဆိုရှယ်ပလက်ဖောင်းကနေ တိုက်ရိုက်ထုတ်လွှင့် စစ်ဆေးမေမြန်း ပြီးနောက် အခုလိုနှုတ်ထွက် ကုန်ကြတာဖြစ်တယ်။

ဒိုင်အားလုံးအနက် Phoebe Phoenix က ပြီးခဲ့တဲ့ အောက်တိုဘာလ ၁၃ ရက်ကတည်းက Chin Star ကို ကျောခိုင်းထားပြီဖြစ်ကာ သူ့အစားဝင်လာတဲ့ ဒိုင်သောင်းလှိုင်အပါအဝင် ဒိုင် သုံးဦးက အောက်တိုဘာလ ၂၉ မှာ ဒိုင်အဖြစ်ကနေ နှုတ်ထွက်ကြကြောင်း အသီးသီးထုတ်ပြန်လာကြတာဖြစ်ပါတယ်။

သူတို့တွေအပြင် လက်ရှိ Chin Star Season 2 မှာပါဝင် ယှဉ်ပြိုင်နေကြတဲ့ ရေဗက္ကာ ဗန်ဒေါ့ကျင် ( Rebecca Van Dawt Cin)၊ အီဇဘဲလ် ဇိန်းဒေါ့ပါရ် ( Isabel Zing Dawt Par)၊ ဟင်နရီ ဘွေအုပ်ထန်း (Henry Bawi Uk Thang ) နဲ့ စစ်ဆေးမေးမြန်းခြင်းခံခဲ့တဲ့ Samson Khen Tui တို့ လေးဦးစလုံး နှုတ်ထွက်သွားကြတာဖြစ် ပါတယ်။

ယခုလိုနှုတ်ထွက်သွားတဲ့ ကိစ္စနဲ့ ပက်သက်လို့ ဒိုင်သောင်းလှိုင်က “မနေ့က မထင်မှတ်ပဲနဲ့ ပြသနာတစ်ခုဖြစ် လာတယ် စစချင်းမှာကျွန်တော်တို့လည်းရှော့ဖြစ်ရတယ်။ ဒီကိစ္စက ကျွန်တော်တို့ဒိုင်တွေနဲ့ မဆိုင်သလို သိလည်းမသိဘူး။ အဲ့ကိစ္စက ဘယ်လိုပဲဖြစ်ဖြစ် အရှက်ရစရာဖြစ်စေတယ်။ အတွင်းကိစ္စကို အတွင်းမှာပဲ သိုသိုသိပ်သိပ်ဖြေရှင်းရမှာအခုလို အများမြင်အောင်လုပ်တော့ ဒါကစည်းလုံးခြင်းကို ထိခိုက်စေသလို ဂုဏ် သိက္ခာမဲ့စေတယ်။ ဒါကြောင့် ကျွန်တော် ဒိုင်အဖြစ်ဆက်လက်မလုပ်ဆောင်နိုင်တော့ဘူး။ နှုတ်ထွက်ပါ တယ်” လို့ ပြောလာခဲ့တာဖြစ်ပါတယ်။

အလားတူ ဒိုင် Katherine ကလည်း "Chin Star Season 2 မှာ ဒိုင်လုပ်ရခြင်းက တန်ဖိုးဖြတ်လို့မရတဲ့ ကျောင်းသားလေးတွေကြောင့် ဖြစ်ပေမယ့် အဲဒီကျောင်းသားတွေထဲက တစ်ချို့က နှုတ်ထွက်သွားကြတာ ကြောင့် ကျွန်မလည်း ဆက်လက်တည်ရှိဖို့အကြောင်းမရှိတော့တာကြောင့် နှုတ်ထွက်ခဲ့ပြီ။ ဗီဒီယိုလင့်ကို စာပို့ လာကြတဲ့ အချိန်မှာ ထိတ်လန့်သွားသလို ပြန်လည်ဖျက်ပေးဖို့တောင်းဆိုခဲ့ပေမယ့် ကိစ္စများဟာ အရှိန်သတ်ဖို့ နောက်ကျသွားခဲ့ပါပြီ” လို့ KNT Vocal Training Institute ဖေ့စ်ဘုတ်ပေ့စ် ကနေတစ်ဆင့် အသိ ပေးလာခဲ့ပါတယ်။

ယခုအခါ Chin Star Season 2 ပြိုင်ပွဲကနေ ဒိုင် ၄ ဦး နဲ့ ပြိုင်ပွဲဝင် ၄ ဦးအထိ နှုတ်ထွက်သွားခဲ့ကြပြီဖြစ်တာ ကြောင့် ရှေ့လျှောက် ဘယ်လို့လုပ်ဆောင်သွားမယ်ဆိုတဲ့ ကိစ္စနဲ့ ပက်သက်လို့ Salai Lung Thli Tum ဘက်ကနေ ပြောကြားလာတာမျိုးမရှိသေးပါဘူး။

သတင်း - Grace

17/09/2024

တိုကျိုမြို့မှာ ကျင်းပပြုလုပ်တဲ့ အဆိုတော် ချမ်းချမ်းရဲ့ ရှိုးပွဲ ရုံပြည့်ရုံလျံဖြစ်နေ
=
စက်တင်ဘာလ ၁၇ ရက်၊ ၂၀၂၄

ဂျပန်နိုင်ငံ၊ တိုကျိုမြို့မှာ ကျင်းပပြုလုပ်တဲ့ အဆိုတော် ချမ်းချမ်းရဲ့ ရှိုးပွဲ ပရိသတ် ၁၅၀၀ ကျော်နဲ့ ရုံပြည့်ရုံလျှံ အားပေးနေတယ်လို့ အဆိုတော် ချမ်းချမ်းက သူရဲ့ ဖေ့စ်ဘွတ်လူမူကွန်ရက်ပေါ်မှာ ရေးသားထားပါတယ်။

အဲ့ဒီ တိုကျိုမြို့ ရှိုးပွဲမှ ရရှိလာတဲ့ ငွေတွေကို မြန်မာပြည် ရေဘေးသင့် ပြည်သူတွေနဲ့ စစ်ဘေးရှောင် ပြည်သူတွေအတွက် ပြန်လှူဒါန်းမယ်လို့ သိရပါတယ်။

အားပေးတဲ့ ပရိသတ်တွေနဲ့ ပွဲဖြစ်မြောက်အောင် ပံ့ပို့သူတွေကိုလည်း အဆိုတော် ချမ်းချမ်းက ကျေးဇူးတင်တယ်လို့ ဆိုပါတယ်။

တိုကျိုမြို့ ရှိုးပွဲအတွက် လက်မှတ်မရရှိတဲ့သူတွေအတွက် တိုကျိုမြို့အပါဝင် နောက်ထပ် ဂျပန်က မြို့ကြီး ၄ ခုမှာ ထပ်မံ ဖျော်ဖြေသွားမယ်လို့ သိရပါတယ်။

နာဂိုယာမြို့မှာ ၂၁ ရက်၊ အိုဆာကာမြို့မှာ ၂၂ ရက်၊ ကျူရှူး (Kyuushuu)မြို့မှာ ၂၈ ရက်၊ ဖူကူယာမမြို့မှာ ၂၉ ရက် စတဲ့ မြို့၊ ရက်တွေမှာ အသီးသီးဖျော်ဖြေသွားမယ်လို့ သိရပါတယ်။

အဲ့ဒီ ဖျော်ဖြေပွဲအတွက် လက်မှတ်တွေကို ဂျပန်ရှိ နွေဦးတော်လှန်ရေးအဖွဲ့တွေဆီကနေ ဝယ်ယူနိုင်ပြီး အားပေးဖို့လည်း အဆိုတော် ချမ်းချမ်းက တိုက်တွန်းထားပါတယ်။

သတင်း - ခူမီး

15/09/2024

အကြိတ်အနယ်ထိုးသတ်ပြီး နိုင်ပွဲပြန်ရှာလာနိုင်တဲ့ Joshua Van

===========

၁၅၊ စက်တင်ဘာလ၊ ၂၀၂၄

ချင်းနွယ်ဖွား၊ မြန်မာဖိုက်တာ ဂျောရှုဝါဗန် ( Joshua Van) ကတော့ ဒီကနေ့မနက်ပိုင်းမှာထိုးသတ်သွား တဲ့ UFC 306 ပွဲမှာ ပြိုင်ဘက်နဲ့အကြိတ်အနယ်ယှဉ်ပြိုင်ထိုးသတ်ခဲ့ပြီးနောက် ဒိုင်အမှတ်နဲ့နိုင်ပွဲပြန်လည်ရရှိလာခဲ့ ပြီဖြစ်ပါတယ်။

ဗန်က မက္ကဆီကိုနိုင်ငံသား အက်ကာချိုင်းရာစ် ( Edgar Chaurez ) နဲ့ယှဉ်ပြိုင်သွားခဲ့ကြတာဖြစ်ပြီးတော့ Unanimous Decision နဲ့အနိုင်ရရှိသွားခဲ့တာဖြစ်ပါတယ်။

ဗန်ဟာ ရုပ်ပိုင်းဆိုင်ရာ အားသာချက်များနေတဲ့ ပြိုင်ဘက်နဲ့ထိုးသတ်ခဲ့ရတာဖြစ်ပြီး ပထမအချီမှာ တစ်ခေါက် လဲကျအောင်အထိုးခံခဲ့ရပေမယ့် ချက်ချင်းပြန်ထနိုင်ခဲ့ပါတယ်။ပထမအချီမှာတော့ ပြိုင်ဘက်က အနည်းငယ် လက်ရည်အသာနဲ့ ထိုးသတ်နိုင်ခဲ့ပါတယ်။

ဒုတိယအချီအရောက်မှာ ဗန်က Game Plan ပြောင်းလဲလိုက်ပြီးပြိုင်ဘက်ရဲ့ ဝမ်းဗိုက် (Body) ကိုစနှိုက်ပါ တယ်။ ဗန်ရဲ့ဝမ်းဗိုက်နှိုက်တာ တော်တော်အလုပ်ဖြစ်သွားခဲ့ပြီး ပြိုက်ဘက်က သက်လုံတွေစကျလာခဲ့ပါတယ်။ ဒုတိယအချီအလယ်လောက်က စပြီး ဗန်ကအသာစီးထိုးသတ်ခဲ့ပြီးတော့ ပွဲဖြတ်လို့ရခါနီးနီးလေးဖြစ်ခဲ့ပေမယ့် သံဇကာနား အရောက်မှာ မထင်မှတ်ထားတဲ့ပြိုင်ဘက်ထံကတုန့်ပြန်မှုပြန်လာခဲ့ပြီး ဗန်လည်းမူးဝေသွားခဲ့ပါ တယ်။

ယခုတစ်ခေါက် ပြိုင်ဘက်ဟာ ယှဉ်ထိုးတဲ့နေရာမှာ ခေသူမဟုတ်တဲ့အပြင် ချုပ်ကွက်တွေလည်းလိုရင် လိုသလို ထုတ်သုံးတက်တဲ့သူဖြစ်ပါတယ်။ ဗန်ကတော့ အခုလိုကိုယ့်ထက်လက်တံခြေတံတွေသာနေပြီး ချုပ်ကွက်တွေပါ ကောင်းတဲ့ပြိုင်ဘက်ကိုလည်း အကောင်းဆုံးကိုင်တွယ်နိုင်ခဲ့သလို တတိယအချီမှာ ဝင်လုံး ပြီးတော့ ချုပ်ကွက်ရဖို့တောင်ကြိုးစား လာခဲ့တာတွေ့ရပါတယ်။ ဒီလိုနဲ့ပွဲက ကစားချိန်အတွင်းမှာပွဲမပြတ်ဘဲ ဒိုင်အဆုံးအဖြတ်ကိုရောက်သွားခဲ့ရာ ဗန်က အမှတ်အသာနဲ့အနိုင်ရရှိခဲ့တာဖြစ်ပါတယ်။

အက်ကာချိုင်ရာစ်က အရပ်အမြင့် ၅ ပေ ၇ လက်မရှိပြီး လက်တံအရှည် ၇၂ လက်မရှိပါတယ်။ ဗန်ကတော့ အရပ် ၅ ပေ ၅ လက်မနဲ့ လက်တံအရှည် ၆၅ လက်မသာရှိတာကြောင့် ရုပ်ပိုင်းဆိုင်ရာမှာ ပြိုင်ဘက်ကသာနေခဲ့ တဲ့ အပြင် ပွဲထိုးသတ်ဖို့နှစ်ပတ်ခန့်အလိုမှာ ဗန်ကShort Notice နဲ့ဝင်ရောက်ထိုးသတ်ခဲ့ပြီး ယခုလိုနိုင်ပွဲပြန်ရ လာတာ အားရကျေနပ်စရာဖြစ်ပါတယ်။

ဗန်ကတော့ UFC မှာ ၅ ပွဲထိုးသတ်သွားပြီးဖြစ်ကာ ၄ ပွဲအနိုင်၊ ၁ ပွဲရှုံးရလဒ်ပိုင်ဆိုင်လာခဲ့ပြီဖြစ်ပါတယ်။

သတင်း - Grace

08/09/2024

Cer Hliang
A NAK nain a RANG na rsk ti ah
khan kei nih a RANG ngai ah ka hei ruah

04/09/2024

ခုတလော လူမှုကွန်ရက်မှာ လူပြောများနေတဲ့ ရွှေခေါင်းလောင်းဆရာဆိုသူ တာချီလိတ်မှာဖမ်းဆီးခံရ
============
၃ စက်တင်ဘာ ၂၀၂၄

ရှမ်းပြည်နယ်၊ တာချီလိတ်မြို့မှာ ဘာသာရေးတွေကို ဝေဖန်နေတဲ့ ခရစ်ယာန်သင်းအုပ်ဆရာ ရွှေခေါင်းလောင်း ဖမ်းဆီးခံရတယ်လို့ သူနဲ့နီးစပ်သူတွေဆီက သိရပါတယ်။

လူမူကွန်ရက်တွေမှာ ဘာသာရေးနဲ့ ပတ်သက်လို့ ဝေဖန်ပြောကြားမူတွေကနေ လူသိများလာတဲ့ ခရစ်ယာန်သင်းအုပ်ဆရာ ရွှေခေါင်းလောင်းကို စက်တင်ဘာ ၁ ရက်နေ့ ညနေပိုင်းမှာ တာချီလိတ်ရဲတပ်ဖွဲ့က ဖမ်းဆီးသွားတယ်လို့ သိရပါတယ်။

"ဖမ်းဆီးခံရတာက မှန်ပါတယ်။ အခု ရဲတပ်ဖွဲ့တွေက စစ်ဆေးနေဆဲဖြစ်ပါတယ်။ တရားစွဲဆိုခြင်း ရှိ၊မရှိတော့ မသိရသေးဘူး" လို့ သူနဲ့နီးစပ်သူတစ်ဦးက ဆိုပါတယ်။

ရှမ်းပြည်နယ်မြောက်ပိုင်းမှာ စစ်ဖြစ်တာဟာ ဗုဒ္ဓဘာသာ ရုပ်တုကို ကိုးကွယ်လို့ ဘုန်းကြီးတစ်ပါးက ပြုစားလိုက်တဲ့အတွက် ယခုလို တိုက်ပွဲဖြစ်ပွားခဲ့ခြင်းဖြစ်ရတာလို့ ဆိုကာ ခရစ်ယာန်သင်းအုပ်ဆရာ ရွှေခေါင်းလောင်းက ရုပ်သံကို Facebook ပေါ်မှာ တင်ထားပါတယ်။

သူရဲ့ အဲ့ဒီ ရုပ်သံကို ကြည့်ရူသူနဲ့ မျှဝေသူကလည်း များပြားလာပြီး ရုပ်သံကို ဒေါင့်လုတ်ဆွဲယူကာ Facebook နဲ့ Tik Tok စတဲ့ လူမူကွန်ရက်မှာ ပြန်လည်ဖော်ပြလာတာတွေ တွေ့ရပြီး ခရစ်ယာန်ဘာသာဝင်နဲ့ ဗုဒ္ဓဘာသာဝင်ကြား အငြင်းပွားစရာလည်း ဖြစ်လာခဲ့ပါတယ်။

အဲ့ဒီအပြင် ပြီးခဲ့တဲ့ရက်ပိုင်းက တာချီလိတ်မြို့မှာ မိုးကြီးပြီး ရေကြီးရေလျှံတာနဲ့ ပတ်သက်လို့ တာချီလိတ်စည်ပင် အသုံးမကျဘူးလို့ ဝေဖန်မူပြုလုပ်ထားတဲ့ ရုပ်သံကို သူရဲ့ Facebook လူမူကွန်ရက်ပေါ်မှာ တင်ထားပါသေးတယ်။

"ဘာသာရေးနဲ့ ပတ်သက်လို့ စစ်ဆေးမှာလား။ ဒါမှမဟုတ် တာချီလိတ် စည်ပင်ကို ဝေဖန်လို့ စစ်ဆေးတာလား။ ဘာအတွက်စစ်ဆေးမှာလဲ။ ဘာအတွက်ဖမ်းတာလဲတော့ မပြောတက်သေးဘူး" သူနဲ့နီးစပ်သူတစ်ဦးက ဆိုပါတယ်။

ခရစ်ယာန်သင်းအုပ်ဆရာ ရွှေခေါင်းလောင်းဟာ မူးယစ်ဆေးဝါး သုံးစွဲသူတွေနဲ့ မိဘမဲ့ ကလေးတွေကိုလည်း ကာကွယ်စောင့်ရှောက် ကျေးမွေးထားသူလည်းဖြစ်ပြီး၊ ပြီးခဲ့တဲ့ ၂၀၂၃ ခုနှစ်တုန်းကလည်း စစ်ကောင်စီက လူကုန်ကူးမှု သံသယနဲ့ ဖမ်းဆီးစစ်ဆေးခံရခဲ့တယ်လို့ သိရပါတယ်။

ဒါ့အပြင် ခရစ်ယာန်သင်းအုပ်ဆရာ ရွှေခေါင်းလောင်းဟာ Facebook နဲ့ Tiktok လူမူကွန်ရက် စာမျက်နှာပေါ်ကနေ ခရစ်ယာန်ဘာသာနဲ့ ဗုဒ္ဓဘာသာတို့ကို အမြဲနှိုင်းယှဥ်ပြီး ဝေဖန်​ပြောဆိုမူပြုလုပ်ထားတဲ့ ရုပ်သံတွေကို တင်ထားလေ့ရှိတဲ့အတွက် ဝေဖန်အပြောဆိုခံနေရသူလည်း ဖြစ်ပါတယ်။

ခရစ်ယာန်သင်းအုပ်ဆရာ ရွှေခေါင်းလောင်းကရဲ့ အမည်အရင်းမှာ ဦးစိုင်းအေးလို့သိရပြီး သူဟာ ရှမ်းပြည်နယ်၊ ကျိုင်းတုံမြို့နယ်၊ ကန်နားလုံရွာကျေးရွာဇာတိဖြစ်ပါတယ်။

သတင်း - ကိုခူမီး

07/08/2024

ဆီဆိုင်မြို့နယ်တွင် တိုက်ပွဲဖြစ်ပွားပြီး စစ်တပ်ဘက်မှ ၁၅ ဦးသေဆုံးကာ ဒရုန်း ၁ စင်း၊ လက်နက် ၁၀ လက် သိမ်းဆည်းရရှိ

ရန်ကုန်၊ ဩဂုတ် ၇

ရှမ်းပြည်နယ်မြောက်ပိုင်း၊ ဆီဆိုင်မြို့နယ်တွင် တိုက်ပွဲဖြစ်ပွားပြီး စစ်တပ်ဘက်မှ ၁၅ ဦးသေဆုံးကာ ဒရုန်း ၁ စင်း၊ လက်နက် ၁၀ လက်သိမ်းဆည်းရရှိကြောင်း PNLA က ပြောဆိုသည်။

ယမန်နေ့ ဩဂုတ်လ၆ ရက်နေ့ ပအိုဝ်းအမျိုးသားလွတ်မြောက်ရေးတပ်မတော်PNLA၊ မဟာမိတ်တပ်များ နှင့် စစ်ကောင်စီတပ်ဖွဲတို့အကြား ဆီဆိုင်မြိုနယ် လွယ်ထွယ်ကျေးရွာအနီးတွင် တိုက်ပွဲဖြစ်ပွားခဲ့ကြောင်း၊ တိုက်ပွဲဖြစ်ပွားမှုအတွင်း စစ်ကောင်စီတပ်၏အလောင်း ၁၅လောင်း ၊ ဒရုန်း ၁ စင်းနှင့် လက်နက် ၁၀ လက်သိမ်းဆည်းရမိခဲ့ကြောင်း သိရှိရသည်။

စစ်ကောင်စီတပ်ဖွဲ့ နှင့် စစ်ကောင်စီလက်အောက်ခံ ပြည်သူ့စစ်များက သြဂုတ်လ ၃ ရက်နေ့မှစပြီး ဆီဆိုင်မြိုနယ် အတွင်းရှိ ပအိုဝ်းကျေးရွာ ပအိုဝ်းနယ်မြေအတွင်းသို လက်နက်ကြီးများဖြင့် တမင်သက်သက်ပစ်ခတ်နေလျက်ရှိသဖြင့် ပြည်သူများအနေဖြင့် သတိဝီရိယဖြင့် သွားလာကြပါရန် PNLA က တိုက်တွန်းထားသည်။

"ဩဂုတ် ၃ ရက်နေ့ ရှမ်းတောင် ဆီဆိုင်မြို တိုက်ပွဲပြန်ဖြစ်နေပြီ။ ၁၀၂၇ ပထမပိုင်းပြီးတော့ ဆီဆိုင်မြို့မှာ တိုက်ပွဲ ဖြစ်ခဲ့တယ်။ ၁၀၂၇ ဒုတိယပိုင်း လားရှိုးမြို့ သိမ်းခံရပြီးတဲ့နောက် တောင်ကြီးမြို့ သိမ်းမယ်ဆိုတဲ့စကားကြောင့် ပအိုဝ်းအမျိုးသားလွတ် မြောက် ရေး PNLA ဌာနချုပ်ကို စစ်ကောင်စီနဲ့ PNAတွေက လက်နက်ကြီးတွေ၊ လေယာဉ်တွေနဲ့ ပစ်တာကြောင့် တိုက်ပွဲပြန်ဖြစ်နေပါတယ်။ အရင်က ဆီဆိုင်မြို့ ရဲ့တိုက်ပွဲထဲမှာ PNLA က ဆီဆိုမြို့ ကို သိမ်းလိုက်တာ ပအိုဝ်းပြည်သူတွေနဲ့ ပအိုဝ်းသံဃာတွေရဲ့ တောင်းဆိုမှုကြောင့် PNLAက နောက်ဆုတ်ပေးလိုက်တယ်။ ဒီတစ်ခါတော့ PNO ကနောက်တစ်ကြိမ်စော်ကားလာတဲ့အတွက် ကျောက်တလုံးကြီးမြို့ အထိ တိုက်ပွဲကျယ်ပြန်မယ့် အခြေ အနေရှိတယ်"ဟု PNLA သတင်းရင်းမြစ်က ရန်ကုန်ခေတ်သစ်သတင်းဌာနထံသို့ ပြောဆိုသည်။

04/08/2024

Laihla hi kan mino hna nih a lam kip in ṭhan cho ter an duh.
Hla thar pakhat an chuah khaqhnak dingah thil tampi pah a hau.
Cu hnu hmanh ahcun chuah khawh lo caan a um ṭheu.

Hla cu bia asi
Bia cu holh asi cu vialte cu a kemh-::)
Miphun dawtnak a lam tampi lak ah pakhat ah aa tel ve.

Model - AaremArtist - ATluangDirector - ATluangVideo - Bawi Hmun LianRecording/ Mixing - ATluang

31/07/2024

Hakha Uico Zuar/Thah Ding Thawngthanhnak
2024 July 30

Hakha khuapi chungah zuatmi uico hna nih mi an lauter i dothlennak zong hna a hnawh ngai caah 2024 August 1 hlanah nan uico nan zuar lo le nan thah cio naklai thawng kan in thanh hna. Leng ah a chuakmi uico cu aho paoh nih thah khawh a si lai i a ngeitu cu dantat a si lai. Nan uico a bao ruangah ralhrang nih ruahdamh in nan inn lei ah bomb asiloah meithal an kah khawh, cu bantuk a can ahcun na uico ruangah na innpa le sang nih harnak an tong tinak a si. Cun na uico ruangah dothlennak minung zong nih harnak an tong kho. Cucu tuanvo na lak khawh lai lo caah nan uico tu kha rak fimtawl chung ding in thawng kan in thanh hna.

Ralkap uknak in kan ram le miphun luatnak ni a nai cuahmah cang bantukin 2024 chungah teinak kan hmuh nakhnga thlacam le pekchanh daithlang hna hlah usih. Kan dihlak kan tan rual ahcun kan tei zau lai.

Original post
Chinland Defense Force - Hakha

29/07/2024

လားရှိုးထောင် ပွင့်သွား၍ ထောင်ဒဏ် ၃၃ နှစ်ချမှတ်ခံထားရသည့် NLD ဗဟိုအလုပ်အမှုဆောင်၊ ပြည်သူ့ လွှတ်တော်ဒုတိယဥက္ကဋ္ဌ ဦးထွန်းထွန်းဟိန် လွတ်မြောက်သွားသော်လည်း အဆက်အသွယ်ပြတ်နေ၊ တော်လှန်ရေး တပ်များက ရှာဖွေပေးနေ

ရန်ကုန်၊ ဇူလိုင် ၂၉

ရှမ်းပြည်နယ်မြောက်ပိုင်း၊ လားရှိုးအကျဉ်းထောင်တွင် စစ်ကောင်စီက ထောင်ဒဏ် ၃၃ နှစ်ချမှတ်ခံထားရသော NLD ဗဟိုအလုပ်အမှုဆောင်လည်းဖြစ်၊ ပြည်သူ့လွှတ်တော်ဒုတိယဥက္ကဋ္ဌလည်းဖြစ်သူ ဦးထွန်းထွန်းဟိန်သည် ယမန်နေ့ အကျဉ်းထောင်ပွင့်သွားချိန် လွတ်မြောက်သွားသော်လည်း လက်ရှိအချိန် အဆက်အသွယ်ပြတ်တောက်နေကြောင်း လားရှိုးရှေ့တန်း စစ်မြေ ပြင်တွင် တိုက်ပွဲဝင်နေသည့် BPLA မှ ခေါင်းဆောင် ကဗျာဆရာ မောင်ဆောင်းခက လူမှုကွန်ရက်တွင် သတင်းထုတ် ပြန်သည်။

ဇူလိုင်လ ၂၈ ရက်နေ့ နံနက်ပိုင်းတွင် လားရှိုးအကျဉ်းထောင်မှ နိုင်ငံရေးအကျဉ်သားများ၊ ရိုးရိုးအကျဉ်းသားများအားလုံးထောင် ပွင့်သွားဖြင့် လွတ်မြောက်သွားကြောင်း၊ အဓိက အားဖြင့် လာရှိုး-မူဆယ် လမ်းမပေါ်ရှိ ခလရ ၆၈ တပ်ရင်းကို တော်လှန်ရေးတပ်များက သိမ်းပိုက်ပြီးနောက် လားရှိုးအကျဉ်းထောင်မှ နိုင်ငံရေးအကျဉ်းသားများနှင့် ရိုးရိုး အကျဉ်းသား များ လွတ်မြောက်လာခြင်းဖြစ်ကြောင်း သိရှိရသည်။

"ဦးထွန်းထွန်းဟိန်နဲ့ နိုင်/ကျဉ်းတချို့ကို ကျနော်တို့ရှာဖွေနေပါတယ်။ တိုက်ပွဲဖြစ်နေရင်း ထောင်ပွင့်သွားတော့ အကုန်လုံး လွတ်ရာ ကျွတ်ရာပြေးကြရင်း အဆက်အသွယ်လည်း သေချာမရလိုက်ပါဘူး။ ဘေးကင်းရာမှာရှိနေမယ်လို့တော့ ယုံကြည်ပါတယ်" ဟု BPLA ၏ ခေါင်းဆောင် ကဗျာဆရာ မောင်ဆောင်းခက လူမှုကွန်ရက်တွင် သတင်းထုတ်ပြန်ထားသည်။

လားရှိုးမြို့ခံများကလည်း လားရှိုးအကျဉ်းထောင်မှ နိုင်ငံရေးအကျဉ်းသားများနှင့် အကျဉ်းသားများ လွတ်မြောက်သည့် သတင်းကို သိရှိထားပြီး အထူးသဖြင့် ခလရ ၆၈ တပ်ကျလျှင် လားရှိုးအကျဉ်းထောင်သည် မဖြစ်မနေ ပွင့်သွားမည်ဖြစ်ကြောင်း ရှင်းပြကြသည်။

"ဒီခလရ ၆၈ က လားရှိုး-မူဆယ် လမ်းအတိုင်း သိန္နီဘက်က လာရင် လားရှို့မြို့အဝင် မြို့စောင့်တပ်ပဲ။ သူက မြို့ကို ကာထားတဲ့တပ်၊ လားရှိုးထောင်နဲ့ မလှမ်းမကမ်းမှာရှိတယ်။ အဲဒီတပ်က လားရှိုးထောင်ရဲ့ လုံခြုံရေးတပ်လည်းဖြစ်တယ်။ လားရှိုးလေ ဆိပ်နဲ့ ရမခ တိုင်းစစ်ဌာနချုပ်ကို လားရှိုးမြို့အဝင်မှာ စပြီး ကာထားတဲ့ ကာကင်းလည်းဖြစ်တယ်။ ခလရ ၆၈ ကျရင်တော့ အနှေးနဲ့ အမြန် လားရှိုးထောင်က ကျသွားမှာပဲ။ လားရှိုးလေဆိပ်နဲ့ ရမခကို ဒဲ့ပေါက်သွားပြီ" ဟု လားရှိုးမြို့မှ မြို့ခံ ပြည်သူတစ်ဦးက ရှင်းပြသည်။

ရန်ကုန်ခေတ်သစ်၏ အကျဉ်းထောင်သတင်းရင်းမြစ်များကလည်း လားရှိုးအကျဉ်းထောင်မှ နိုင်ငံရေးအကျဉ်းသားများ လွတ် မြောက်သွားသည်ဆိုသော သတင်းများ အတည်ပြုထားပြီး ဖုန်းနှင့် အင်တာနက်လိုင်းများ ပြတ်တောက်နေ၍ အခြေအနေ အသေးစိတ် မသိရှိဟုဆိုကြသည်။

NLD ဗဟိုအလုပ်အမှုဆောင်လည်းဖြစ်၊ ပြည်သူ့လွှတ်တော်ဒုတိယဥက္ကဋ္ဌ လည်းဖြစ်သူ ဦးထွန်းထွန်းဟိန်ကို စစ်ကောင်စီက ရာဇသတ်ကြီး ပုဒ်မ ၁၃၀ (က) ၊ နိုင်ငံတော်သစ္စာဖောက်ဖျက်ပုန်ကန်မှု ရာဇသတ်ကြီး ပုဒ်မ - ၁၂၂၊ ရာသတ်ကြီးပုဒ်မ - ၅၀၅ (က) ၊ပုဒ်မ - ၅၀၅ (ခ) တို့ဖြင့် စစ်ကောင်စီက ထောင်ဒဏ် ၃၃ နှစ် မတရားချမှတ်ထားခြင်းဖြစ်သည်။

အသက် ၇၅ နှစ် အရွယ်ရှိနေပြီဖြစ်သည့် ဦးထွန်းထွန်းဟိန်သည် ၂၀၂၀ ရွေးကောက်ပွဲတွင် ရှမ်း ပြည်နယ်၊ နောင်ချိုမြို့နယ် ပြည်သူ့ လွှတ်တော်ကိုယ်စားလှယ်အဖြစ် အနိုင်ရထားသူလည်းဖြစ်သည်။

ဓာတ်ပုံ- ပြည်သူ့လွှတ်တော်ဒုတိယဥက္ကဋ္ဌ အဖြစ် တာဝန်ထမ်းဆောင်စဉ်က ဦးထွန်းထွန်းဟိန်။ (ပုံအဟောင်းဖြစ်ပါသည်။)

28/07/2024

မတူပီမြို့သိမ်းတိုက်ပွဲတွင် ထွက်ပြေးသွားသော စစ်ကောင်စီဘက်တော်သား ၁၂၀ ဦးဝန်းကျင်ကို လက်နက်ခဲယမ်းများနှင့်အတူ ဖမ်းဆီးရရှိ၊ ထွက်ပြေးသူများကို ဆက်လက် ရှင်းလင်း ဖမ်းဆီးနေ

ရန်ကုန်၊ ဇူလိုင် ၂၈

ချင်းပြည်နယ်၊ မတူပီမြို့သိမ်းတိုက်ပွဲတွင် ထွက်ပြေး သွားသော စစ်ကောင်စီဘက်တော်သား ၁၂၀ ဝန်းကျင်ကို လက်နက်ခဲယမ်းများနှင့်အတူ ဖမ်းဆီးရရှိပြီး ဒုတိယအသုတ်အဖြစ် ဆက်လက်ဖမ်းဆီးခြင်းနှင့် ထွက်ပြေးလွတ်မြောက်နေသူများကို ဆက်လက် ရှင်းလင်းနေကြောင်း ချင်းညီနောင်က ကြေညာသည်။

ချင်းညီနောင်နှင့် မဟာမိတ်တပ်ဖွဲ့များက ပူးတွဲ စစ်ဆင်ရေးအဖြစ် ချင်း ပြည်နယ်၊ မတူပီမြို့ရှိ ခမရ ၃၀၄ ၊ ခလရ ၁၄၀ နှင့် မတူပီ အခြေချ စစ်ဗျူဟာတို့ကို ထိုးစစ်ဆင် တိုက်ခိုက်ခဲ့ကြောင်း၊ ဇွန်လ ၂၉ ရက်နေ့တွင် အဆိုပါစခန်းများကို အပြီးတိုင် သိမ်းပိုက်နိုင်ခဲ့ကြောင်း သိရှိရသည်။

မတူပီမြို့သိမ်းတိုက်ပွဲတွင် အသက်လုထွက်ပြေးသွားသော စစ်ကောင်စီတပ် သားများ၊ တပ်မိသားစုဝင်များ၊ အရပ်ဘက်ဝန်ထမ်းများ စုစုပေါင်း ၁၂၀ ဦးဝန်းကျင်ကို ဇူလိုင်လ ၁၇ ရက်နေ့တွင် လက်နက်ခဲယမ်းများ၊ စစ်အသုံး အဆောင်များနှင့်အတူ ပထမအသုတ်ဖမ်းဆီးရရှိခဲ့ကြောင်း သိရှိရသည်။

ဇူလိုင်လ ၂၅ ရက်နေ့တွင်လည်း ထွက်ပြေးလွတ်မြောက်နေသော လက်ကျန်စစ်သုံ့ပန်းများ၊ တပ်မိသားစုဝင်များ ပါဝင်သော စစ်ကြောင်းနှင့် ၂ နာရီကြာ ထပ်မံ တိုက်ပွဲဖြစ်ပွားပြီးနောက် ဒုတိယအသုတ်အဖြစ် စစ်သုံ့ပန်းများ ထပ်မံ ဖမ်းဆီးရရှိခဲ့ကြောင်း၊ အခြားထွက်ပြေး လွတ်မြောက်နေသူများကိုလည်း ဆက်လက် ရှင်းလင်းလျက်ရှိကြောင်း သိရှိရသည်။

ဖမ်းဆီးရရှိသူသော စစ်သုံ့ပန်းများတွင် အစာငတ်ပြတ်ခြင်း၊ ဆေးဝါးမရှိခြင်းနှင့် တိုက်ပွဲအတွင်း ပြင်းထန်ဒဏ်ရာများဖြင့် သေဆုံးသူတချို့ရှိကြောင်း၊ စစ်သုံ့ပန်းများကို စစ်သုံ့ပန်းဥ့ပဒေနှင့်အညီ ထိန်းသိမ်းထားကြောင်း သိရှိရသည်။

26/07/2024

MNDAA ၊ TNLA နှင့် PDF တို့ကို လက်နက်အားကိုး အနိုင်ယူနေသည့် ဓားပြအဖွဲ့ဟု စစ်ကောင်စီက တိုက်ခိုက်လာပြီး မီဒီယာများက အားပေးအား မြှောက်လုပ်နေဟု အကြမ်းဖက် ဇော်မင်းထွန်း ဒေါကြီးမောကြီးတုံ့ပြန်

■ မြို့ရွာများအတွင်းသို့ စိမ့်ဝင်လာသော ဆန့်ကျင်သူများကို သုတ်သင်ရှင်း လင်း ရမည်ဟု ဇော်မင်းထွန်း လှုံ့ဆော်

ရန်ကုန်၊ ဇူလိုင် ၂၆

ရှမ်းပြည်နယ်မြောက်ပိုင်း၊ လားရှိုးမြို့ရှိ အရှေ့မြောက်တိုင်းစစ်ဌာနချုပ်ကို MNDAA က သိမ်းပိုက်လိုက်ပြီးနောက် MNDAA ၊ TNLA နှင့် PDF တို့ကို လက်နက်အားကိုး အနိုင်ယူနေသည့် ဓားပြအဖွဲ့ဟု စစ်ကောင်စီက တိုက်ခိုက်လာပြီး မီဒီယာများက အားပေးအားမြှောက်လုပ်ပေးနေဟု အကြမ်းဖက် ဇော်မင်းထွန်းက ယနေ့ ဒေါကြီး မောကြီးတုံ့ပြန်ပြောဆိုလာသည်။

ရှမ်းပြည်နယ်မြောက်ပိုင်း၊ လားရှိုး၊ နောင်ချို၊ ကျောက်မဲ၊ မိုးကုတ်မြို့များကို MNDAA နှင့် TNLA တို့က တိုက်ခိုက်ခဲ့ကြောင်း၊ အဆိုပါ တိုက်ခိုက်မှုများကြောင့် ပြည်သူများ နေရပ်စွန့်ခွာထွက်ပြေးရကြောင်း၊ MNDAA နှင့် TNLA တို့သည် ဓားပြဆန်ဆန် အဖွဲ့များသာဖြစ်ပြီး အဆိုပါ အဖွဲ့များကို မီဒီယာများနှင့်အဖွဲ့အစည်းများက အားပေးအားမြှောက်လုပ်နေကြောင်း၊ အဆိုပါ မီဒီယာများနှင့် အဖွဲ့အစည်းများကို စိတ်ပျက်ဖွယ်တွေ့နေရကြောင်း အကြမ်းဖက် ဇော်မင်းထွန်းက မျက်နှာ မသာမယာ ဒေါသတကြီး ပြောဆိုသွားသည်။

MNDAA က လားရှိုးမြို့ကို သိမ်းပိုက်နိုင်သည်ဟု ကြေညာမှုအပေါ် BPLA မှ ခေါင်းဆောင် ကိုဆောင်းခက မီဒီယာတချို့တွင် သတင်း ဖြေဆိုမှုအပေါ် စစ်ကောင်စီ၏ အကြမ်းဖက် ဇော်မင်းထွန်းက ကိုဆောင်းခကို ဗမာသစ္စာဖောက်လောက် ကောင် အဖွဲ့ဟု လည်းကောင်း၊ သတင်းကို ဖော်ပြခဲ့သည့် မီဒီယာများကိုလည်း ပြည်ပအားကိုး ပုဆိန်ရိုး ပြည်ဖျက်မီဒီယာများဟုလည်း ကောင်း ဒေါကြီးမောကြီး တိုက်ခိုက်ပြောဆိုနေသည်ကို မြင်တွေ့ရသည်။

မြောက်ပိုင်းမဟာမိတ်တပ်ဖွဲ့များသည် ဇူလိုင်လ တိုက်ပွဲများအတွင်း ထိခိုက်မှုများပြားသဖြင့် အခြေ အနေမှန်ကို ဖုံးကွယ်ရန်၊ စိတ်ဓာတ်ရေးရာ ထိခိုက်မှုကို ဖုံးကွယ်ရန် လားရှိုးရှိ ရမခဌာနချုပ်ကို သိမ်းပိုက်နိုင်ပြီဟု သတင်းလွှင့်ခြင်းဖြစ် ကြောင်း အကြမ်းဖက် ဇော်မင်းထွန်းက ပြောဆိုသည်။

မြန်မာနိုင်ငံ၏ နယ်မြေများကို မတရားကျူးကျော်နေခြင်းဖြစ်ကြောင်း၊ မြောက်ပိုင်းမဟာမိတ်က သိမ်းပိုက်ထားသော မည်သည့်နယ်မြေတွင် လူမှုစီးပွားဘ၀ တိုးတက်နေသနည်း၊ လုံခြုံနေသနည်းဟု ဇော်မင်းထွန်းက မေးခွန်းထုတ်လာပြီး စစ်ကောင်စီက နေ့စဉ် လေယာဉ်ဖြင့် ဗုံးကျဲနေခြင်းကြောင့် ပြည်သူများ ထိခိုက် သေဆုံးနေမှုအပေါ် ထည့်သွင်းပြောဆိုခြင်းမရှိပေ။

မြောက်ပိုင်းမဟာမိတ်နှင့် PDF များသည် လက်နက်အားကိုး အနိုင်ယူနေသော ဓားပြသာသာ အဖွဲ့များသာ ဖြစ်ကြောင်း၊ ရမခသည် အစဉ်အလာကြီးမားသော တိုင်းစစ်ဌာနချုပ်ဖြစ်ကြောင်း၊ ဓားပြဆန်ဆန် လက်နက်အားကိုး စစ်ဘုရင် ဝါဒလုပ် ဆောင်နေမှုများသည် ငြိမ်းခါနီး မီးကဲ့သို့ ဖြစ်နေပြီဖြစ်ကြောင်း အကြမ်း ဖက် ဇော်မင်းထွန်းက ဆိုသည်။

မြို့ရွာများအတွင်းသို့ စိမ့်ဝင်လာသော ဆန့်ကျင်သူများကို သုတ်သင်ရှင်းလင်း ရမည်ဖြစ်ကြောင်း၊ မြန်မာနိုင်ငံရှိနေသရွေ့ စစ်တပ်ရှိနေမည်ဖြစ်ကြောင်း အကြမ်းဖက် ဇော်မင်းထွန်းက ဒေါသကြီး လှုံ့ဆော် ကြွေးကြော်သွားသည်။

25/07/2024

A biahmaiṭhi cu aa dawh ngai nan
Mi sual kawl cu a thiam bak!

L L B zong video reaction kan tuah a hau ve men lai.
တော်လှန်ရေးကာလ chung cu ⛏️

Chinram Ah Arakan Army (AA) 700 An Thi, 2000 - 3000 In Hriam An Tuar 😲😲 (React)Ori Video: https://www.youtube.com/watch?v=SwWHdISOTSE-----------------Ka Yo...

25/07/2024

တင်ခွင့်ပြုပါ
Love လွန်းလို့ပါ

25/07/2024

ထန်တလန်မြို့ပေါ်က စစ်ကောင်စီတပ်ဖွဲ့ဝင် ရဲသား နဲ့ စစ်သား နှစ်ဦး လက်နက်များနဲ့အတူ ချင်းပြည်အစိုးရ တပ်ဖွဲ့ထံအလင်းဝင်
=======
July 25,2024

ချင်းပြည်နယ်၊ ထန်တလန်မြို့ပေါ်မှာ တပ်စွဲထားတဲ့ စစ်ကောင်စီ တပ်ဖွဲ့ဝင် စစ်သား တစ်ဦး နဲ့ ရဲသား တစ်ဦး တို့ဟာ အကြမ်းဖက် စစ်ကောင်စီထံ တာဝန်မထမ်းဆောင်လိုတော့တဲ့အပြင် ပြည်သူ့တော်လှန်ရေးမှာ ပါဝင် မယ်လို့ ဆိုပြီး လက်နက်ခဲ့ယမ်းများနဲ့အတူ ဇူလိုင်လ ၂၅ ရက် ဒီကနေ့မှာ ချင်းပြည်အစိုးရ တပ်ဖွဲ့များထံ အလင်းဝင်ခဲ့တယ်လို့ CDF-Thantlang က သတင်းထုတ်ပြန်လာပါတယ်။

အဆိုပါ ရဲနဲ့စစ်သားတို့က MA2 ၁ လက်၊ G3 ၁ လက်၊ ကျည်ဘောက် ၈ ခု၊ ကျည်ဆံ ၁၈၅ ထောင့်၊Grenade ၁ ခု၊ ၄၀ မမ ၂ ခု၊ နဲ့ ကျည်ကာ တစ်ခု တို့ယူဆောင်လာတယ်လို့ ဆိုပါတယ်။

ယခုလိုလက်နက်များနဲ့အတူ အလင်းဝင်လာသူများကို ဆုကြေးငွေ သိန်း ၅၀ ဆီချီးမြှင့်ခဲ့ပြီး လုံခြုံတဲ့နေရာကို ပို့ပေးခဲ့တယ်လို့သိရပါတယ်။

ချင်းပြည်အစိုးရ တပ်ဖွဲ့များက Tilim Operation – 4 စစ်ဆင်ရေးဖော်ဆောင်လျက်ရှိကာ ပြည်သူ့တော်လှန် ရေးမှာ ပါဝင်ဖို့ဆန္ဒရှိသူများအားလုံးအတွက် အမြဲတမ်းတံခါးဖွင့်ပေးတယ်လို့ CDF-Thantlang က ဖော်ပြထား ပါတယ်

23/07/2024

လားရှိုးမြို့နယ်အတွင်းရှိ စစ်ကောင်စီတပ်များမှ ဒုတိယဗိုလ်မှူးကြီး ၁ ဦး၊ ဗိုလ်မှူး ၂ ဦး၊ ဗိုလ်ကြီး ၅ ဦး တို့ ဦးဆောင်၍ စုစုပေါင်း တပ်ဖွဲ့ဝင် ၃၁၇ ဦး MNDAA ထံတွင် လက်နက်ချ အလင်းဝင်

■ စစ်ကောင်စီကို ပြန်လည် တိုက်ထုတ်ရန် မဟာမိတ်တပ်ဖွဲ့တွင်ပါဝင်လိုကြောင်း လက်နက်ချ စစ်သားများက ပြောဆို

ရန်ကုန်၊ ဇူလိုင် ၂၃

ရှမ်းပြည်နယ်မြောက်ပိုင်း၊ လားရှိုးမြို့နယ်အတွင်းရှိ စစ်ကောင်စီတပ်များမှ ဒုတိယဗိုလ်မှူးကြီး ၁ ဦး၊ ဗိုလ်မှူး ၂ ဦး၊ ဗိုလ်ကြီး ၅ ဦး တို့ ဦးဆောင်၍ စုစုပေါင်း တပ်ဖွဲ့ဝင် ၃၁၇ ဦး MNDAA ထံတွင် လက်နက်ချ အလင်းဝင်ကြောင်း MNDAA က သတင်းထုတ်ပြန်သည်။

ဇူလိုင်လ ၂၁ ရက်နေ့ နံနက် ၁၀ နာရီအချိန် စစ်ကောင်စီတပ်မှ ဒုဗိုလ်မှူးကြီး တစ်ဦးက ဗိုလ်မှူး ၂ ဦးကိုခေါ်ဆောင်၍ ဗိုလ်ကြီး ၅ ဦးနှင့် တပ်သားများ အပါအဝင် စစ်ကောင်စီတပ်ဖွဲ့ဝင် စုစုပေါင်း ၃၁၇ ဦးကို MNDAAတပ်သို့ လက်နက်ချအလင်းဝင်ခဲ့ပြီး မင်းအောင်လှိုင်၏အာဏာသိမ်းတပ်အား တိုက်ထုတ်ရန် မဟာမိတ်တပ်ဖွဲ့တွင် ပါဝင်လိုကြောင်း ထုတ်ဖော်ပြောဆိုခဲ့ကြောင်း သိရှိရသည်။

MNDAAနိုင်ငံရေးဌာန၏ ရှေ့တန်းလုပ်ငန်းအဖွဲ့မှ လက်နက်ချအလင်းဝင်လာသူတို့အား လက်ခံခဲ့ကြောင်း၊ ဌာနဆိုင်ရာဝန်ထမ်းများ၏ လက်နက်ချမှုနှင့် တော်လှန်ရေးတိုက်ပွဲတွင် ပါဝင်လိုသည့်ဆန္ဒကို ကြိုဆိုခဲ့ပြီး လူတိုင်း၏ကိုယ်ရေးကိုယ်တာလုံခြုံမှုကို အာမခံချက်ပေးထားကြောင်း သိရှိရသည်။

MNDAAတပ်ဖွဲ့၏ မူဝါဒအရ စစ်သုံ့ပန်းများအတွက် ဦးစားပေး ကုသရေး မူဝါဒအရ MNDAAတပ်ဖွဲ့သည် လက်နက်ချသော ဝန်ထမ်းများအတွက် အခြေခံ အသက်မွေးဝမ်းကြောင်း လုံခြုံမှုကိုသာမက ထိခိုက်ဒဏ်ရာရရှိသူများနှင့် ဖျားနာသော ဝန်ထမ်းများအား အချိန်မီ ဆေးဝါးကုသမှု ပေးခဲ့ကြောင်း သိရှိရသည်။

ထို့ပြင် တပ်ဖွဲ့ဝင်များထံ လက်နက်ချအလင်းဝင်သူတို့ကိုလက်ခံချိန် MNDAAတပ်ဖွဲ့ က သေနတ်နှင့် လက်နက်ခဲယမ်းအများအပြားကို သိမ်းဆည်းရရှိခဲ့ကြောင်း သိရှိရသည်။

22/07/2024

Chin Brother Hood nih AA hi Matupi operation caah an auh tak tak mi a si ahcun an palh bak.CNF/A nih an lak cia mi hmunram ah uk hruainak tuah an nih tim hrim hrim lo.
Dr. Ro Dinga

14/07/2024

Joshua Van အလဲထိုးဖြင့်ရှုံးနိမ့်
=====
Daily News July 14,2024

မြန်မာဖိုက်တာ ချင်းသားလေး Joshua Van ကတော့ ဒီမနက်ထိုးသတ်တဲ့ UFC ပွဲမှာ တတိယ အရောက်မှာ အလဲထိုးခံခဲ့ရပါတယ်။

Joshua Van က အမေရိကန်နိုင်ငံသား Charles Johnson နဲ့ အမေရိကန်ပြည်ထောင်စု ဒန်ဗာမြို့မှာ ထိုးသတ် ကြတာဖြစ်ပါတယ်။