எழுத்தாயுதம்

15/08/2024

❤️

09/08/2024

படித்த....
அழகான....
மாநிறமான...
30 வயதுக்குட்பட்ட...
கெட்டபழக்கவழக்கங்கள் இல்லாத...
கொஞ்சம் உயரமான....
நரைச்ச முடியில்லாத....
சீதனம் அதிகம் எதிர்பார்க்காத...
முன்னர் எப்போதும் திருமணமாகாத...
நல்ல வேலையில் உள்ள....
கை நிறைய சம்பாதிக்கிற...

"மாப்பிளை" தான் வேணும் எண்டு conditions போட்டாங்கள்!

அப்புறமாக "வடிவேலு - பார்த்தீபன்" நகைச்சுவை மாதிரி;

எல்லாத்தையும் அழிச்சுப்போட்டு....

வெறும் "மாப்பிளை" மட்டும் போதும் எண்டு நிறுத்தியிருக்கினம்.

#பொதுவேட்பாளர்_பரிதாபங்கள்

#திரு_பொதுசனம்

07/08/2024

இடம்: யாழ்ப்பாண ஆசுப்பத்திரி. அவசர சிகிச்சை பிரிவு
இரவு 1 மணி.

#நேர்ஸ்: ஐயோ டொக்டர் எழும்பி ஓடியாங்கோ. ரண்டு அம்புலன்ஸ் வந்து நிக்குது.

முதலாவது அம்புலஸ்சில எங்களுக்கு தெரிஞ்ச டொக்டர்மார் ஒரு சிலர் இருக்கினம்.

#வைத்தியர்: என்ன பிர்ச்சினை?

#நேர்ஸ்: ஒரு சிலருக்கு heart attack , மிச்சாக்களுக்கு வயிறு எரிவு.

#வைத்தியர்: சத்தியமூர்த்தி ஐயாவுக்கு அடிச்சு சொல்லுங்கோ. நான் வாறன்.

#நேர்ஸ்: ஐயோ அவரும் அம்புலன்ஸுக்குள்ளாதான் இருக்கிறார்.

#வைத்தியர்: என்ன கோதாரியடா? அப்ப ரண்டாவது அம்புலன்ஸ்?

#நேர்ஸ்: அது மன்னாரில் இருந்து வந்திருக்கு! அதுக்குள்ள டெனிஸ் லோயரும் இன்னும் 21 லோயர்மாரும் கிடக்கினம்!

#வைத்தியர்: அவைக்கென்ன பிரச்சினையாம்?

#நேர்ஸ்: ஒரே மணமாக்கிடக்கு. எல்லாருக்கும் மேல சேறு பூசிக்கிடக்கு!

#வைத்தியர்: கறுமம்!

#பொதுசனம்: மன்னாரில் அர்ச்சுனாவை சனம் கொண்டாடுவதை பார்த்ததால் வந்த விளைவு.

27/02/2024

ஒரு இனத்தின் விடுதலைக்காகவும் இந்த மண்ணுக்காகவும் இந்த மக்களுக்காகவும் தன்னையும் தன் குடும்பத்தையும் ஒட்டுமொத்தமாக தியாகம் செய்த ஒரு ஒப்பற்ற தலைவனை நாங்கள் இழந்துவிட்டோம்.

இறுதிக்கணம் வரை தன்னையும் தன் மனைவியையும் பிள்ளைகளையும் இந்த போராட்ட களத்தில் இருந்து விலத்தாமல் மக்களோடு மக்களாக நிக்கவைத்து தானும் வீரமரணம் அடைந்த ஒப்பற்ற தலைவன்.

தன்னுடைய "வீரமரணம்" வெளிப்படையானதாக இருக்கவேண்டும்.
தன்னுடைய வீரமரணத்திலும் தன்னுடைய மூத்த பிள்ளைகளின் வீரமரணத்திலும் எந்தவிதமான சந்தேகங்களும் இருக்கக்கூடாது என்று நினைத்த தெளிவானவன்.

அதற்கும் மேலாக எதிரியின் கைகளால் ஒருபோதும் தன்னுயிர் பறிக்கப்படக்கூடாது என்பதில் மிக உறுதியாக நின்ற வீரன்.

போர்க்களத்தில் தன்னுடைய மூத்த இரண்டு பிள்ளைகளையும் போராளிகளோடு போராளிகளாக சமர்க்களம் ஆடுவதற்கு பணித்த கர்ணன்!

இரண்டு மாவீர்களுக்கு அப்பா என்ற பெருமையோடு தன்னையும் இந்த மண்ணுக்காக தியாகம் செய்த பெருந்தலைவன்.

இறுதிப்போரிலே பலர் இராணுவத்திடம் பிடிபட்டு காணாமல் ஆக்கப்பட்டார்கள். பலர் கண்முன்னே படுகொலை செய்யப்பட்டார்கள்.

இறுதிநாட்களில் சாதாரண பொதுமக்கள் பலர் இராணுவ கட்டுப்பாட்டு பகுதிக்குள் தாமாகவே சரணடைந்தார்கள்.

அவ்வாறு சரணடைந்த அல்லது வழிமாறிச்சென்ற தன்னுடைய கடைக்குட்டி மகனையும் இராணுவம் சுட்டு படுகொலை செய்துவிட்டது என்பதைக்கூட அறிந்திருக்க முடியாத நிலையில்;

தன்னுடைய "வீரமரணத்தை" தானே நிர்ணயிக்கும் கரும்புலி படையை கட்டியாண்ட கரிகாலனும் ஒரு "கரும்புலியானான்" என்பதுதான் வரலாறு.

பல நூறு கரும்புலிகளை கட்டியணைத்து கண்ணீரோடு விடைகொடுத்த அந்த மாபெரும் தலைவன் இறுதியில் தானும் ஒரு "கரும்புலியானான்"!

இத்தனை ஆயிரம் மாவீரர்களையும் மக்களையும் இந்த மண்ணுக்காக பறிகொடுத்த ஒரு மாபெரும் தலைவன் ஒருபோதும் சுயநலமாக வாழ்ந்தது இல்லை.

"தன்குடும்பம், தன் பிள்ளைகள்" என்று சிந்திக்காத ஈகையாளன்.

இந்த மண்ணில் இறுதியுத்தத்தில் தன்னுடன் இறுதிவரை நின்ற மக்களுக்கு என்ன நிகழ்ந்ததோ அதுவே தன் குடும்ப உறுப்பினர்களுக்கும் நிகழவேண்டும் என்று நினைத்த அரும் பெரும் மன்னன்.

இறுதி கணத்தில் போர்க்களத்தில் எல்லா போராளிகளுக்கும் என்ன வசதி கிடைத்ததோ அதே அடிப்படை வசதிகள்தான் தன் மூத்த இரண்டு பிள்ளைகளுக்கும் கிடைக்கவேண்டும் என்று நினைத்த ஒப்பற்ற அறம் உடைய பெருவீரன்.

தன் மூத்த பிள்ளைகளின் வீரச்சாவில் கூட கலந்துகொள்ளாமல் போர்க்களத்தில் களமாடிய மாபெரும் போர்வீரன்.

"இத்தனை ஆயிரம் மாவீர்களை உயிர்த்தியாகம் செய்ய சொன்ன தலைவன் தன்னையும் தன் குடும்பத்தையும் காப்பாற்றி தப்பியோடினான்" என்று எதிரிகள் தப்பாக வரலாற்றை எழுதுவார்கள் என்று அறிந்த தீர்க்கதரிசி அவன்.

அதனால்த்தான் தன்னுடைய சாவு வெளிப்படையானதாகவும் தன்னுடைய வித்துடல் இந்த மக்களின் கைகளில் கிடைக்கவேண்டும் என்று தெளிவாக திட்டமிட்டு;

தன்னுடைய "வீரமரணத்தை" தானே எழுதிய கரும்புலி.

"இந்தளவு சனத்தையும் பறிகொடுத்த பின்னர் தன் பிள்ளைகளை தப்பவைத்தான். தன் மனைவியை தப்பவைத்தான்" என்று எவனும் இந்த உன்னதமான விடுதலைப்போராட்ட தியாகங்களையும் வரலாற்றையும் கொச்சைப்படுத்தக்கூடாது என்பதில் மிகத்தெளிவாக இருந்த கரிகாலன் அவன்.

உன்னதமான விடுதலைப்போராட்டத்தை கொச்சைப்படுத்தவும் ஒரு ஒப்பற்ற தலைவனின் தியாக வரலாற்றில் கரிபூசவும் பலர் முனையலாம்.

ஆனால் "தம்பி" என்ற பெரு நெருப்பின் வெப்பத்தில் இந்த நரிகளும் நாய்களும் பொசிங்கிப்போய்விடுவார்கள்.

ஒப்பற்ற வீர வரலாற்றை திரிக்கவும் அதை மக்கள் மனதில் இருந்து அகற்ற நினைப்பவர்களுக்கும்;

அதற்கு துணைபோகும் ஒரு சிலருக்கும் வயிறு முட்ட எதிரி "இறைச்சி துண்டுகளை" வீசுகிறான்.

அதைக்கெளவிக்கொண்டு காலத்துக்கு காலம் ஒப்பற்ற அந்த தலைவனின் பெயரை களங்கப்படுத்த நினைக்கும் எங்கள் இனத்தின் ஈனப்பிறவிகளுக்கு ஒண்டை மட்டும் தெளிவாக சொல்கிறோம்.

எந்தக்காலத்திலும் எந்த சந்தர்ப்பதிலும் போர்க்களத்தில் புறமுதுகிட்டு ஓடாத வீரத்தலைவன்.

அவன் வளர்த்து போராளிகளாக களமாடி வீரச்சாவடைந்த அவனது மூத்த இரண்டு பிள்ளைகளும் கூட இந்த மண்ணில் வித்தான ஆயிரம் ஆயிரம் மாவீரர்கள் போல இந்த மண்ணையும் மக்களையும் உயிராக நேசித்தவர்கள்.

அவர்களின் வித்துடல்களும் இந்த மண்ணில்த்தான் எங்கோ ஒரு இடத்தில் பல ஆயிரம் மாவீரர்களின் வித்துடல்களோடு வித்துடல்களாக புதைக்கப்பட்டிருக்கும்.

#தமிழ்ப்பொடியன்

22/02/2024

"வயிறார சாப்பிட்டுவிட்டு என்னுடைய வீட்டின் முற்றத்தில் நின்ற வேப்பமர நிழலில் பாய் விரித்து என் தலையணியில் நிம்மதியாக நித்திரை கொண்டிருந்த" என்னை தட்டி கடவுள் கேட்டார்.

"உனக்கு ஏதாவது வேண்டுமா?"

"நான் நிம்மதியாக படுத்திருக்கிறேன். என்னுடைய நித்திரையை குழப்பவேண்டாம் கடவுளே" என்றேன்.

"போனால் மீண்டும் திரும்ப வரமாட்டன். எனக்கு நிறைய வேலை இருக்கிறது" என்றார் கடவுள்.

"சரி" என்றேன்.

கடவுள் சென்றுவிட்டார்.

ஒரு வீடு.
ஒரு பாய்.
ஒரு தலையணை.
நிம்மதியான தூக்கம்.

இதைவிட கடவுளிடம் கேட்பதற்கு சத்தியமாக எதுவும் இல்லை.

#தமிழ்ப்பொடியன்

08/02/2024

பறந்துகொண்டு திரியாதை சின்ராசு!
கொஞ்சநாள் ஓடிப்பார்.

ஓடிக்கொண்டு திரியாதை சின்ராசு!
கொஞ்சநாள் நடந்துபார்.

நடந்துகொண்டு திரியாதை சின்ராசு!
ஒப்பனுக்கு சரிஞ்சு படு.

சும்மா படுத்துக்கிடவாத சின்ராசு! கண்ணயர்ந்து தூங்கு.

நித்திரையில் பறக்கும் கனவுகள் காணத சின்ராசு!

விரல் சூப்பு.
போச்சிபோத்தலில் பால்குடி.

மீண்டும் நண்பர்களோடு அரிவரி போ.
வேலி பாய்.
கள்ள மாங்காய் புடுங்கு.
அடிவாங்கு.
சைக்கிளில் திரி.
சந்தியில நிண்டு சேட்டை விடு.
அவளுக்காய் மீண்டும் கால்கடுக்க காத்திரு.
காதல் கடிதம் குடு.
ஏச்சுவாங்கு.
மீண்டும் தோற்றுப்போ.
கிளித்தட்டு விளையாடு.
அளாப்பு.
சண்டைபோடு.
கள்ளக்கோழி பிடி.
கள்ளும் குடி.
நாய்க்கு கல்லெறி.
கடிவாங்கு.
பொன்வண்டு பிடி.
புறாவுக்கு தடம் வை.
ராணி காமிக்ஸ் படி.

காலமை அம்மா எழுப்பும்.
அதுவரை அப்பாவோடு படு.

இனியும் பறக்காத சின்ராசு!

#அம்மாச்சி

04/02/2024

நீங்கள் கொண்டாடுங்கள்
எங்களை வற்புறுத்தாதீர்கள்!

முன்னொருகாலம்
இது "எங்கள்" நாடாக இருந்தது.
எல்லோரும் கொண்டாடினோம்.

பிறிதொருநாளில்
இது "உங்கள்" நாடானது!
நாங்கள் மெளனமானோம்.

நீங்கள் கொண்டாடுங்கள்
எங்களை வற்புறுத்தாதீர்கள்!

வெள்ளையன் போகும் போது
எங்களுக்கு ஒரு நாடுதான்.

இலங்கைத்திருநாட்டில்
எல்லோரும் கொண்டாடினோம்.

நாங்கள் சிறிலங்கா தாயே என்றோம்.
நீங்கள் சிறிலங்கா மாதா எண்டியள்.
பெரிசா வித்தியாசம் இருக்கேல்ல!

வேலிகள் இன்றியே
எங்கள் வளவுகள் இருந்தன.
எல்லைகள் இன்றியே
எங்கள் காணிகள் இருந்தன.

நீங்கள் தானே எரித்தீர்கள்!
நீங்கள் தானே அடித்தீர்கள்!
நீங்கள் தானே விரட்டினீர்கள்!
நீங்கள் தானே பிரித்தீர்கள்!

எங்கள் எல்லோருக்குமான நாடு;
திடீரென உங்களுக்கான நாடானது!
எங்கள் தாய்நிலங்களும்
உங்களுக்கானது!

இந்த நாள் உங்களுக்கானது
எமக்கானது அல்ல!

நீங்கள் தாராளமாக கொண்டாடுங்கள்
எங்களை வற்புறுத்தாதீர்கள்!

கொடியிலும் நாங்கள் இல்லை!
தேசிய கீதத்திலும் நாங்கள் இல்லை!
அறிவித்தலிலும் எங்கள் மொழி இல்லை!

எதற்காக எங்களை வற்புறுத்துகிறீர்கள்?
நீங்கள் கொண்டாடுங்கள்!

"பிரித்" ஓதுங்கள்!
சீனா வெடிகொழுத்துங்கள்!
"கிரிபத்" தின்னுங்கள்!
"பைலா" பாடுங்கள்!

நாங்கள் பார்த்துக்கொண்டிருப்போம்!

ஆனாலும் எங்களில் ஒருசிலர் பசியோடு இருக்கிறார்கள்!
அவர்கள் உங்களிடம் வருவார்கள்.
அவர்கள் உங்களோடு
வெடி கொழுத்துவார்கள்!
கிரிபத் தின்பார்கள்!
பைலா பாடி ஆடுவார்கள்!
உங்கள் கொடியை உயர்த்தி ஆட்டுவார்கள்!
தேசியகீதத்தை உங்கள் மொழியிலேயே முணுமுணுப்பார்கள்!

நீங்கள் அவர்களோடு கொண்டாடுங்கள்!
எங்களை வற்புறுத்தாதீர்கள்!

ஆனால் ஒண்டு.....
நினைவில் வைத்திருங்கள்.

எங்கள் பூட்டனும்
உங்கள் பூட்டனும்
சுதந்திரத்தை ஒன்றாகவே வாங்கினார்கள்!
ஒன்றாகவே கொண்டாடினார்கள்!!!

எங்கள் பிள்ளைகளும்
உங்கள் பிள்ளைகளும்
ஒன்றாக கொண்டாடவேண்டுமெனில்;

எங்களை வற்புறுத்தாதீர்கள்
நீங்கள் கொண்டாடுங்கள்!

எங்கள் பனைகளில்
ஏற்கனவே எங்கள் கொடி பறக்கிறது!
அரசமரங்களில் உங்கள் கொடி பறக்கட்டும்!

எங்கள் பனைகளையும்
எங்கள் கொடிகளையும் விட்டுவிடுங்கள்!!!

ஏனெனில் உங்கள் அரசமரங்களை
நாங்கள் தொட்டதேயில்லை!

நீங்கள் கொண்டாடுங்கள்
எங்களை வற்புறுத்தாதீர்கள்!
தயவுசெய்து வற்புறுத்தாதீர்கள்!!

இப்ப தேசியகீதம் சிங்களத்தில் மட்டும் தான்!
எங்களுக்கு கவலை இல்லை.
வலிக்கவும் இல்லை!

சிறிலங்காவின் தேசியகீதம் சிங்களத்தில்தான் இருக்கவேண்டும்.

எங்கள் பூட்டன் ஆண்ட ஈழதேசத்தில் தேசியகீதம் தமிழிலும் இருந்தது.

ஆதலால்;
எங்கள் தேசிய கீதத்தை....
தேமதுரத்தமிழில்...
மனசுக்குள் பாடிக்கொள்கிறோம்!

எங்களுக்கு "சுதந்திரம்" கிடைக்கும்போது;
சத்தமாய் பெருங்குரலெடுத்து பாடுகிறோம்.

அதுவரை!
நீங்கள் கொண்டாடுங்கோ...
எங்களை விடுங்கோ!

#தமிழ்ப்பொடியன்

14/11/2023

#அம்மாச்சி: தீபாவளி நல்வாழ்த்துகள் சின்ராசு!

#சின்ராசு: அம்மாச்சி தீபாவளி கொண்டாடக்கூடாதாம். நரகாசூரன் தமிழ் மன்னனாம். அவன் செத்த நாளாம்.
ஏதோ கங்கை கொண்ட சோழன் வெண்ட நாளாம் எண்டுறாங்கள்.

#அம்மாச்சி: ஆர் சொன்னது உனக்கு?

#சின்ராசு: பேஸ்புக்கில ஒரு பொடியன் முக்கி முக்கி சொல்லுறான்.

#அம்மாச்சி: ஆர் அது?

#சின்ராசு: பேஸ்புக் பிரபலம்.

#அம்மாச்சி: எத்தினை வயசு?

#சின்ராசு: ஒரு முப்பது இருக்குமணை!

#அம்மாச்சி: எனக்கு எத்தினை வயசு தெரியுமோ?

#சின்ராசு: 96!

#அம்மாச்சி: என்ர அப்பு ஆச்சி காலத்தில இருந்து தீபாவளி கொண்டாடுறம். நான் சொல்லுறது வரலாறா? இல்லை முந்தாநாள் பிறந்த அந்த பால்குடி சொல்லுறது வரலாறா?

பொத்திக்கொண்டு திபாவளியை கொண்டாடி மகிழ்.

இறைச்சிகறியும் கத்தரிக்காய் வெள்ளைக்கறியும் காய்ச்சிவைச்சிருக்கிறன்.

வடிவா போட்டு சாப்பிட்டு போ சின்ராசு!

04/11/2023

ஒரு காலத்தில்....
வகுப்பில இருக்கிற பிள்ளைகளின் குடும்ப சூழ்நிலைகளை எல்லாம் அறிந்து வைத்திருந்தார்கள் ஆசிரியர்கள்.

வெறுமனே புத்தகங்களை வாசிச்சு கரும்பலகையில் எழுதுவதோடு மட்டும் அவர்களின் பணி முடிந்துவிடவில்லை.

பள்ளிக்கூடத்துக்கு வெளியே நான் என்ன செய்கிறேன் என்பது வரை அவர்கள் அறிவார்கள்.

"ரியூசனில ஒரு பிரச்சினை எண்டால் அது ஆறுமுகம் ரீச்சருக்கு அடுத்த நாளே தெரியும்"

"என்னுடைய வீட்டில ஏதும் பிரச்சினை எண்டால் அது ஜூலியானா ரீச்சருக்கு தெரியும்"

"என்னுடைய நண்பனோடு பிரச்சினை எண்டால் அது ராமநாதன் ரீச்சருக்கு தெரியும்"

"கூடப்படிக்கும் பிள்ளைகளோடு பிரச்சினை எண்டால் அது முத்துலச்சுமி ரீச்சருக்கு தெரியும்"

"ஆமியோட ஏதும் பிரச்சினையெண்டால் அது குணசீலன் சேருக்கு தெரியும்"

"நான் பசியோடு இருந்தால் அது ஆழ்வாப்பிள்ளை ரீச்சருக்கு தெரியும்"

ரீச்சர் கொண்டுவரும் சாப்பாட்டை பகிர்ந்து உண்ணும் பாக்கியம் பெற்றவர்கள் நாங்கள்.

எனக்கு படிப்பித்த பெரும்பான்மையான ஆசிரியர்களின் வீடு தெரியும். அவர்களின் வீட்டு குசினி வரை சென்றிருக்கிறேன்.

கிழமைக்கு ஒருதரம் எண்டாலும் ஜூலியானா ரீச்சரும் முத்துலச்சுமி ரீச்சரும் அம்மாட்ட என்னைப்பற்றி ஒண்டு நல்லா சொல்லுவினம் அல்லது முறைப்பாடு செய்வினம்.

ஆழ்வாப்பிள்ளை ரீச்சர், ஆறுமுகம் ரீச்சர் , ராமநாதன் ரீச்சர் , முத்துலச்சு ரீச்சர் எனக்கு இன்னொரு அம்மா.

ஒருக்கால் நான் பள்ளிக்கூடத்தில் வேண்டுமென்றே "நிராகரிக்கப்பட்ட போது" அவர்கள் தான் என்னோடு கூட நின்றார்கள்.

மாணவன்- ஆசிரியர் என்ற உறவைத்தாண்டி அவர்கள் எங்களின் மேல் வைத்திருந்த அன்பும் பாசமும் மிகப்பெரியது.

பாடப்புத்தகங்களை தாண்டி நாங்கள் அரசியல் சமூக மாற்றங்களையெல்லாம் ஆசிரியர்களோடு பேசிவோம். விவாதிப்போம்.

"படிக்கிறது பாதி. கதைக்கிறது மீதி"

சத்தம் போடாமல் கதைக்காமல் இருங்கோ எண்டு சொன்ன ஆசிரியர்களை நான் வெறும் புத்தகப்பூச்சிகளாகவே பாத்திருக்கிறேன்.

தேவையெண்டால் ஆசிரியர்களைக்கூட நிமிர்ந்து நியாயமாக கேள்வி கேட்கும் பக்குவம் கூட எங்களிடம் இருந்தது.

ஆனால் பல பள்ளிக்கூடங்களில் இண்டைக்கு கனக்க ஆசிரியர்களுக்கு....

-மாணவர்களின் குடும்ப பின்னணி தெரியாது
-பள்ளிக்கூடத்துக்கு வெளியே என்ன செய்கிறான் எண்டு தெரியாது.
-பள்ளிக்கூட பையில் கொப்பி புத்தகம் இருக்கா? இல்லை கஞ்சா சிகறட் இருக்கா எண்டு தெரியாது
-மன அழுத்தம் பற்றி தெரியாது
-பசியோடு இருக்கிறானா எண்டு தெரியாது.பகிர்ந்து உண்ணவும் தெரியாது.
-மாணவனை சுற்றி ஊரில்/சமூகத்தில் என்ன நடக்கிறது எண்டும் தெரியாது.

வெறுமனே பாடப்புத்தகங்களில் உள்ளவற்றை தாண்டி உங்களிடம் படிக்கும் மாணவர்களுக்கு...

-வாழ்க்கை என்றால் என்ன எண்டு சொல்லிக்குடுங்கள்
-அரசியலையும் நாட்டின் நிலமைகளும் கற்றுக்கொடுங்கள்.
-உரிமைகளுக்காக போராடுவதை சொல்லிக்குடுங்கள்.
-சமூகத்தில் நிகழும் அநீதிகளை எதிர்க்க சொல்லிக்குடுங்கள்.

அதற்கும் மேலாக நேரம் கிடைக்கும் போதெல்லாம் மாணவனை அரவணைத்து...

"சாப்பிட்டியாடா.."
"சுகமாக இருக்கிறியா.."
"ஏதேனும் பிரச்சினையெண்டால் என்னிட்ட சொல்லு.."
"நேரம் இருந்தால் என்ர வீட்ட வா.."

என்று கேளுங்கள்.

எங்களின் ஊரும் சமூகமும் பல நல்ல மாற்றங்களை காணும்.

#தமிழ்ப்பொடியன்

30/09/2023

பொது அறிவுக்கேள்வி 1:

களவெடுத்த கள்ளனே தன்னை தானே விசாரிச்சு தனக்குதானே தண்டனை குடுக்குறன் எண்டு சொல்லும் விசித்திரமான நாடு எது?

பதில்: சிரிலங்கா

மிகச்சரியான பதில்.

#திரு_பொதுசனம்

24/09/2023

10/09/2023

"இந்த பேஸ்புக்கில எழுதுற ஆக்களுக்கோ அல்லது பேப்பரில எழுதுறாக்களுக்கு மருத்துவ ரிதியாக என்ன அறிவு இருந்து எழுதுகினம்?"

-யாழ்ப்பாண பல்கலைக்கழக விரிவுரையாளர் திரு. ஜீவசுதன்

#அம்மாச்சி :
ஏன்ரா தம்பி ஜீவசுதன்!
அப்பிடியெண்டால் ஒருவேளை நீதிமன்றத்தில் இந்தப்பிரச்சினை எடுக்கப்பட்டு நீதிபதி தீர்ப்பு குடுத்தால் அவரையும் பார்த்து இதே கேள்வியை கேப்பியா?

யாழ்ப்பாணம் பெரியாசுப்பத்திரியில ஒரு மருத்துவதவறு நடந்திருக்கிறது எண்டு ஒப்புக்கொண்ட நீ அதைப்பற்றி ஆர் ஆர் கேள்வி கேட்கலாம் எண்டு வகுப்பெடுப்பது பிழை ராசா?

ஊடகங்கள் தான் கேள்வி கேட்கலாம். அவர்களுக்கு சமூகப்பொறுப்பு உண்டு.

அந்த சமூகப்பொறுப்பை மீறினால் அதை கேள்வி கேட்கும் உரிமை உனக்கு இருப்பது போல ஊடகவியலாளர்களுக்கும் உண்டு.

"டாக்குத்தர்மாரையே கேள்வி கேக்குறியளா?" என்ற ரீதியிலான உன்னுடைய செம்படிப்பு மிகவும் கேவலமானது.ஆருக்கு மறைமுகமாக செம்பு தூக்குகிறாய் என்பதும் அப்பட்டமாக தெரிகிறது.

"வைசாலினியின் விவகாரம் வெளியில் வந்துவிட்டது. ஆனால் அதைவிட பல சம்பவங்கள் மூடிமறைக்கப்பட்டுள்ளன. ஊழல்வாதிகள் எங்கும் இருக்கிறார்கள்.ஒரு குடும்பத்தில் தகப்பன் பிழை எண்டால் எப்படி பிள்ளைகளை திருத்தமுடியும்?" எண்டு அதே நிகழ்ச்சியில் கலந்துகொண்ட யாழ்ப்பாண பல்கலைக்கழக மருத்துவபீட பேராசிரியர் கேக்குறார்.

இதில "யார் அந்த தகப்பன்" எண்டதை உங்களின் முடிவுக்கு விடுகிறேன்.

#அம்மாச்சி

08/09/2023

போன வருசம் ஊருக்கு போயிருந்தபோது clinic ஒண்டுக்கு போனேன்.

"சேர் வர லேற் ஆகும்" எண்டு reception இல நிண்ட நேர்ஸ் பிள்ளை சொன்னா. அவாவோட இன்னொரு பிள்ளையும் இருந்தா.

சரியான வெக்கை. நான் நிமிர்ந்து அங்க இருந்த AC ஐ ஆவலோடு பார்த்தேன்.

புது AC. ஆனால் அது வேலை செய்யவில்லை.

அந்த நேர்ஸ் பிள்ளை சொன்ன "சேரை" பார்ப்பதற்காக சுமார் 10 பேராவது அங்கே வேர்க்க வேர்க்க அரைமணித்தியாலம் காத்திருந்தோம்.

பின்னேரம் 3:15 மணிவரையும் "சேர்" வரயில்லை.

அடிக்கடி ரண்டு நேர்ஸும் வாசலை எட்டிப்பார்த்து கொண்டிருந்தார்கள். கலகலப்பாக இருவரும் பேசுவதை அவதானித்தேன்.

திடீரென ரண்டுபேரும் பரபரப்பானார்கள்.

"சேர் வந்திட்டார்"

ரண்டு நேர்ஸும் சுடுதண்ணி குடிச்ச மாதிரி அந்தரப்பட்டார்கள்.

அவ்வளவு நேரமும் வேலை செய்யாத புது AC இயங்கத்தொடங்கியது.

நான் வாற நேரம் மட்டும்தான் AC போடவேணும் எண்டு அவர்களுக்கு சேர் சொல்லியிருப்பார் என நினைக்கிறேன்.

நான் எட்டிப்பாத்தன்.

மிகவும் விலையுயர்ந்த ஒரு Luxury
காரில் "சேர்" வந்திருந்தார்.அது பெரிய பிரச்சினையில்லை.

10 நிமிசமா "சேர்" காரை விட்டு இறங்கவேயில்லை.அதுதான் எனக்கு பிரச்சினை.

ரண்டு நேர்ஸ் பிள்ளைகளும் காலில் பம்பரம் கட்டினமாதிரி அங்கையும் இங்கையும் ஓடித்திரிந்தார்கள்.

பிறகு "சேர்" வரும் வரை reception இல் எழுந்து நின்றார்கள்.

அதுவரையும் கலகலப்பாக பேசிய அவர்களின் முகத்தில் நாலாம் மாடிக்கு "கோத்தபாய" வந்த மாதிரியான ஒரு பயப்பீதி தெரிந்தது.

"சேர்" எப்ப காரை விட்டு இறங்குவார் எண்டு ஏக்கத்தோடும் பயத்தோடும் அவர்கள் காத்திருந்தார்கள்.

"சேர் வாறார். எல்லாரும் ready ஆகுங்கோ" எண்டு ஒரு அறிவிப்பு.

என்னைத்தவிர மிச்ச எல்லாரும் கதிரையில் இருந்து எழும்பி நிண்டார்கள்.

நான் புது AC இக்கு கீழ மூலையில் காலுக்கு மேல கால் போட்டபடி உதயன் பேப்பர் படிச்சுக்கொண்டிருந்தேன்.

"சேர்" உள்ள வந்ததை நான் கவனிக்கவேயில்லை.

எழும்பி நிண்ட எல்லாரும் கதிரையில் இருந்த என்னை விநோதமாக பார்த்தார்கள்.

Reception இல Attentionபொசிசனில் நிண்ட ரண்டு பிள்ளைகளும் என்னை முறைச்சுப்பார்த்தார்கள்.

"Good evening sir" கோரசாக ரண்டு பிள்ளைகளும் சொன்னார்கள்.

"சேர்" அதைக்கவனிக்காமல் கதிரையில் இருந்து உதயன் பேப்பர் படிச்சுக்கொண்டிருந்த என்னைப்பார்த்தார்.

நான் பார்த்து சிரிச்சன்.

அவர் ஒண்டும் பறையாமல் விறுவெறெண்டு தன்னுடைய றூமுக்குள் போட்டார்.

என்ர ரிக்கற் நம்பர் 7 1/2.

அதென்னடா ஏழரை எண்டு நினைப்பியள்.

6 முடிஞ்சு என்னை கூப்பிடாமல் இடையுக்குள்ளால காரில வந்த வெளிநாட்டு மனிசி ஒண்டு உள்ள போனது.

அப்ப என்ர நம்பர் ஏழரைதானே!.

அதுக்கும் முதல் ஒரு வயது முதிர்ந்த ஐயா.

"சேரின்" கதவு சாதுவாக திறந்து இருந்ததால் அவர் உள்ள கதைக்குறது என் பாம்பு காதுகளுக்கு தெளிவாகவே கேட்டது.

"உனக்கு எத்தினை தரம் சொல்லுறது. மாதாமாதம் ஒழுங்கா கிளினிக் வரவேணும். இடைக்கிடை வாறதெண்டால் வேற கிளினிக்கை பார்"

"சேருக்கு" வலு கோவம்.

காரணம் அந்த ஐயா போனமாதம் கிளினிக் வரவில்லைப்போல கிடக்கு. 1000 ரூபா நட்டம்.

அந்த ஐயாவுக்கு சேரின் தகப்பனின் வயது இருக்கும்.

அவர் படிச்ச யாழ்ப்பாண கம்பஸிலும், Training எடுத்த யாழ் போதனா வைத்தியசாலையிலும் வயதுக்கு மூத்த நோயாளர்களை "போடா ,வாடா,நீ" எண்டு மரியாதையாக கதைக்கவேணும் எண்டு சொல்லிக்குடுத்திருக்கிறார்கள் போல கிடக்கு. சொல்லிக்குடுத்ததைத்தானே சேர் செய்கிறார்.

வெளிநாட்டு மனிசியோட வலு கூலா கலகலப்பா "சேர்" பேசினார்.
எப்பிடியும் மனிசிக்கு பில் 10000 இக்கு மேல தாண்டியிருக்கும்.

அடுத்தது ஏழரை. என்ர ரிக்கற் நம்பரைச்சொன்னன்.

வாசலில் காவலுக்கு நிண்ட நேர்ஸ் பிள்ளை என்னை உள்ளே கூப்பிட்டார்.

"வணக்கம் டொக்டர்"

சேர் என்னை நிமிர்ந்து ஒரு பார்வை பார்த்தார்.அதில் ஆயிரம் அர்த்தங்கள் இருந்தன.

"எந்த கிரகத்தில் இருந்து வாறான் இவன். என்னை டொக்டர் எண்டு கூப்பிடுற அளவுக்கு நீ பெரிய ஆளோ?" எண்டு அவர் மனசுக்குள் நினைச்சது எனக்கு விளங்கியது.

நேரடியாகவே விடயத்துக்கு வந்தார் "சேர்".

என்ன பிரச்சினை?

" வீட்டில மனிசியோட பிரச்சினை. பொடியனுக்கு கக்கா ஒழுங்கா போகுதில்லை. பெற்றோல் இல்லை. சாமான் எல்லாம் சரியான விலை"

இப்பிடி என்ற பிரச்சினைகளை சொல்லுவம் எண்டு வாயுன்னிப்போட்டு;

"சேரை" tention ஆக்க வேணாம் எண்டு முடிவெடுத்தேன்.

"மூண்டு நாளா கொடகொடண்டு தண்ணியா வயித்தால சரியா போகுது டொக்டர் " எண்டன்.
Medical term இல எப்பிடி டீசண்டா சொல்லுறது எனக்கு தெரியவில்லை.

"ஒரு மாதமா கழுவாத கக்கூசைப்பார்ப்பது போல" என்னை அருவருப்பாக பார்த்தார் சேர்.

கூடவே பக்கத்தில நிண்ட நேர்ஸ் பிள்ளை என்னை கரப்பான் பூச்சியை பார்ப்பது போல பார்த்தவா.

கிறுகிறெண்டு எதையோ கிறுக்கி துண்டை பக்கதில் நிண்ட நேர்ஸ் பிள்ளையிடம் நீட்டினார் "சேர்".

என்ற கையில தாறதுக்கு அவருக்கு " சங்கடமாக" இருந்திருக்கலாம்.

"நான் வடிவா கைகழுவிப்போட்டுத்தான் வந்தனான் டொக்டர்" எண்டு மனசுக்குள்ள சொன்னன்.

"சேருக்கு" கேட்டிருக்காது.

"போட்டுவாறன் டொக்டர்" எண்டு சொன்னது மட்டும் அவருக்கு கேட்டது.

"போய்த்துலை.இனி திரும்ப வராத" எண்டு அவர் மனசுக்குள் நினைச்சது எனக்கு கேட்டது.

"மருந்தோட சேர்த்து மொத்தமா 4400 ரூபா" நேர்ஸ் சொல்லும் போது;

அதிர்ச்சியாக இல்லை.

"சேர்" முறைச்ச முறைப்புக்கு கொஞ்சம் கூடத்தான் எதிர்பாத்தன்.

காசைக்குடுத்துப்போட்டு விறுவெறெண்டு வெளியே வந்து CTB இக்கு காத்திருந்தேன்.

சேரின் பேர் கொட்டை எழுத்தில் கிளினிக் பேர்ப்பலகையில் இருந்தது.

எங்கையோ கேள்விப்பட்ட பேராய் இருக்கு எண்டு போட்டு என்ர பேஸ்புக்கில் தேடினேன்.

அடியடடா சக்கை!

"சேர்" என்னுடைய நீண்ட கால நண்பர்.

ஓடிப்போய் "சேரிட்ட" சொல்லுவம் எண்டு நினைக்க CTB பஸ் வந்திட்டுது.

எங்க போகப்போறார் "சேர்"?

வயித்தால போறது நிக்காட்டில் மீண்டும் " சேரை" சந்திப்பம் எண்டு நினைச்சுக்கொண்டு பஸ்சில் ஏறிப்போட்டன்.

ஆனால் சும்மா சொல்லக்கூடாது.

"சேர்" தந்த காரமான மருந்தில் ஒரு கிழமையாக கக்கா ஒரு சொட்டுக்கூட போகவேயில்லை.

#சனிக்கிழமைசாமியார்

12/06/2023

எங்களில் பலர் மூச்சு முழுசா நிற்பதற்கு முன்னரே செத்துவிடுகிறோம்!

பிரச்சினை என்னெண்டால் உந்த கோதாரிவிழுந்த சுடலைக்கு போகும் வழி தெரியாமல்த்தான் சுத்திக்கொண்டுதிரிகிறோம்!

வாழ்க்கை உசுக்குட்டி....
செமையா வாழ்ந்து முடிச்சிடு மோனை!

#சனிக்கிழமைசாமியார்

11/06/2023

#கங்காரு
#அவுஸ்திரேலியா

06/06/2023

#சின்ராசு:
எணேய் அம்மாச்சி நீ ஒரு பெண்ணியவாதி எண்டுறாங்கள். கதை உண்மையோ?

#அம்மாச்சி :
(அம்மாச்சி இடக்கையால சீலையை சிரைச்சு துடைதெரிய இடுப்பில சொருகிப்போட்டு வெத்திலையை காறி வலப்பக்கமா துப்பினா!)

பெண்ணியவாதி எண்டால் என்னண்டு தெரியாமல் ஒரு சில அடங்காப்பிடாரிகள் சிலிப்பிக்கொண்டு திரியிறாளவை!

நாலைஞ்சு பொடியளோட நடுவில நிண்டு போட்டோ போடுறதும்;

தண்ணியடிக்கிறதும்;
சிகறட்டு பத்துறதும்;

ஊர் சுத்துறதும்...

அரைகுறையா உடுப்பு போட்டு tiktok இல ஆட்டுறதும் பொதுவெளியில பச்சைப்படி தூசணம் பேசுறதும் தான் "பெண்ணியம்" எண்டு நினைக்குதுகள்.

இந்த திறத்தில சீலம்பாய் கருத்து வேற சொல்லுவினம்.

வளப்பு பிழை!

தேப்பன் தாய் சகோதரங்கள் விட்ட இடம்.

நானெண்டால் பிடிச்சு தலைகீழா கட்டிப்போட்டு மிளகாய்த்தூள் எறிவன்.

உவகளின் வாயை பிசுங்கான் பதிச்ச மதில்ல வைச்சு தேய்க்கவேணும்.

#சின்ராசு:
ஏனணை நீ துள்ளுறாய்? நீயும் தூசணம் கதைக்கிறனீ தானே!
நீ சுறுட்டு, கள்ளு அடிக்கிறனீ தானே!

#அம்மாச்சி:
டேய் எனக்கெத்தின வயசு?
ஆடி அடங்கி எல்லாம் சுருங்கி பாடையில போற வயசு எனக்கு.
பூட்டனையும் கண்டிட்டன்.

இப்ப எல்லாத்தையும் அனுபவிச்சுப்போட்டு செத்துப்போறன்.

என்ற இளம் வயசில கொப்புவை கலியாணம் கட்டமுதல் நான் வாழ்ந்த வாழ்க்கையை ஊருக்குள்ள கேட்டுப்பார்.

துணிவா சாதி மாறித்தான் கட்டின்னான்.

ஊரே எங்களை வெட்டவந்தவை. நான் ஒருத்தி தனிச்சு நிண்டு வாழ்ந்து காட்டின்னான்.

ஒரு காலத்தில் என்னை கத்தி எடுத்து வெட்டவந்தவை;
பிறகு ஒரு காலம் என்ர வயல்ல கூலி வேலைக்கு வந்தவை.

கொப்புவை ஆமிக்காறன் சுட்டாப்பிறகும் தனியாளாய் நிண்டு எல்லாக்குமருகளையும் கரைசேர்த்தனான்.

ஊருக்குள்ள ஒருத்தனுக்கு என்ர சீலைத்தலப்பை தொட தைரியம் இல்லை.

உந்த ஆட்டக்காறிகளுக்கு "பெண்ணியம்" "சுதந்திரம்" எண்டதுகளுக்கு சரியான அர்த்தம் தெரியயில்லை மோனை!

#தமிழ்ப்பொடியன்
.

05/06/2023

மனைவிக்கு இத்தனை பெயர்கள் உள்ளன. தமிழின் சிறப்புகளில் இதுவும் ஒன்று.

1.துணைவி
2.கடகி
3.கண்ணாட்டி
4.கற்பாள்
5.காந்தை
6.கிருகம்
7.கிழத்தி
8.குடும்பினி
9.பெருமாட்டி
10.வீட்டுக்காரி
11.பாரியாள்
12.பொருளாள்
13.இல்லத்தரசி
14.மனையுறுமகள்
15.பதுகை
16.வாழ்க்கை
17.வேட்டாள்
18.விரிந்தனை
19.உவ்வி
20.சானி
21.சீமாட்டி
22.சூரியை
23.சையோகை
24.தம்பிராட்டி
25.தம்மெய்
26.தலைமகள்
27.தாட்டி
28.மனைவி
29.தாரம்
30.நாச்சி
31.பரவை
32.பெண்டு
33.இல்லாள்
34.மணவாளி
35.பத்தினி
36.கோமகள்
37.தலைவி
38.அம்பி
39.இயமானி
40.ஆட்டி
41.அகமுடையாள்
42.ஆம்படையாள்
43.நாயகி
44.பெண்ணாட்டி
45.மணவாட்டி
46.உழ்துணை
47.மனைத்தக்காழ்
48.வதூ
49.விருத்தனை
50.இல்
51.காந்தை
52.பாரியை
53.மகடுவு
54.மனைக்கிளத்தி
55.குலி
56.வல்லபி
57.வனிதை
58.வீட்டாள்
59.ஆயந்தி
60.ஊடை

#தமிழ்ப்பொடியன்

04/06/2023

கடவுள் ஒரு ",குசும்புக்காறன்"!

கொஞ்சம் முன்னுக்கு வந்து மேல போனால்;

கீழ இழுத்து விழுத்தி விடுவான்!

சரி ஏன் பிரச்சினை கீழ இருப்பம் எண்டு நினைச்சால்;

மீண்டும் கடவுள் வந்து கைபிடித்து மேல தூக்கி விடுவார்.

சரி மேல இருப்பம் எண்டு நினைச்சால்;

மீண்டும் கீழ இழுத்து விடுவான்.

வாற விசருக்கு " கடவுள்" கையில அம்பிட்டால் கும்பிட்டாலும் விடமாட்டன்!

#தமிழ்ப்பொடியன்