Divesa

23/01/2025

කර්මාන්ත සඳහා පොල් මද සහ පොල් කිරි ආනයනය කළ යුතු බවට ඉල්ලීමක් ලැබී ඇති බවත් රජය ඒ සම්බන්ධයෙන් සාධනීය ස්ථාවරයක සිටිනා බවත් කර්මාන්ත නියෝජ්‍ය ඇමති චතුරංග අබේසිංහ සඳහන් කරයි. ඒ අනුව ඊට අවශ්‍ය කැබිනට් පත්‍රිකාව මේ වන විට සකස් කරමින් සිටින බවද ඔහු සඳහන් කළේ ය.
අද වන විට ගෘහස්ථ පොල් පරිභෝජනය ඉතාමත් නාස්තිකාර පරිභෝජනයක් වී ඇතැයි ද පවසන ඔහු සඳහන් කළේ පොල් සම්බෝල සහ පොල් කිරි ලෙස භාවිතා කිරීමේදී පොල් අපතේ යන බවයි.

21/01/2025

-පවුලක් දෙකක් මැරුණට පස්සේ එයාලට ඇස් ඇරෙයි -

ලංකාවේ මෑත කාලීන ඉතිහාසයේ සංවර්ධන ව්‍යාපෘතියකදි මෙච්චර වංචාවක් කරලා තියනවා කියලා දැනගන්න ලැබුණු පළමුවැනි අවස්ථාව මේක වෙන්න පුලුවන්. මේ ව්‍යාපෘතිය තමයි මධ්‍යම අධිවේගී මාර්ග ව්‍යාපෘතිය. මේ වංචාවට/දූෂණයට අදාල කොටස එහි දෙවැනි අදියර. දෙවැනි අදියර කියන්නේ මීරිගම සිට කුරුණෑගල දක්වා දැනට විවෘත කරලා තියන කොටස. ‍

මේ කොටස හදන්න කොන්ත්‍රාත් දීලා තියෙන්නේ නියමිත ප්‍රසම්පාදන ක්‍රමවේදයෙන් බැහැරව ගිහින්. ඒ නිසා රජයට පාඩුවක් වෙනවා කියලා විගණකාධිපති හොයාගෙන තියනවා. කොන්ත්‍රාත්තුව දීලා තියෙන්නේ සමාගම් කීපයක් එකතු වෙලා හදපු සමාගම් සාමූහිකයකට. ටෙන්ඩරය දීපු ක්‍රමවේදය අනුව දූෂණයක් වෙලා කියලා විගණකාධිපති පැහැදිලිවම ඔහුගේ වාර්තාවේ සඳහන් කරලා තියනවා.

ඊට අමතරව මේ අධිවේගී මාර්ගය හදන්න කලින් ශඛ්‍යතා අධ්‍යයන වාර්තාවත් හදලා තියනවා රුපියල් කෝටි 219.38ක් වියදම් කරලා. ඒක ගණනකටවත් ගන්නේ නැතුව තමයි ව්‍යාපෘතියේ හදලා තියෙන්නේ කියලා විගණකාධිපති කියනවා.

ඒ වගේම තමයි පාර හදාගෙන යද්දි තියන කළුගල් කැඩීමේදී හානිය අවම වන විදිහට රසායන ද්‍රව්‍ය දාලා කඩන්න ලොකු මුදලක් රජයෙන් දීලා තියනවා. හැබැයි ඇත්තටම හදද්දි එහෙම නොකර බෝර දාලා තමයි කඩලා තිබ්බේ. කොන්ත්‍රාත් සාමූහිකය (සමාගම් එකතුව) පාර හදාගෙන යද්දි මේකට අදාලව නීති රීති රැසක් උල්ලංඝනය කරලා තියනවා. පාරිසරික තක්සේරු වාර්තාව ගණනකට අරගෙන නෑ. ඔවුන් ඒවා උල්ලංඝනය කරනවා කියලා ප්‍රදේශවාසීන් පැමිණිලි කරද්දිත් මේවා අධීක්ෂණය කළ යුතු ආයතන විදිහට තියන මාර්ග සංවර්ධන අධිකාරිය, මධ්‍යම පරිසර අධිකාරිය, භූවිද්‍යා හා පතල් කාර්යංශය, පොලිසිය වගේ ආයතන කොන්ත්‍රාත් සාමූහිකයේ නීති විරෝධී හැසිරීමට ඉඩ දීලා බලාගෙන ඉඳලා තියනවා.

එහි අවසන් ප්‍රතිඵලය විදිහට දෙපැත්තේ තිබ්බ නිවාස ගණනාවකට හානි වෙනවා. ඒත් වන්දි දෙන්නේ නිවාස ඉතාම පොඩි ප්‍රමාණයකට විතරයි. බහුතරයකට ඒ දුන්න වන්දියත් වෙච්ච හානිය හදන්න තියා හිතන්නවත් බැරි අඩු වන්දියක්. එතනදිත් බරපතල වංචාවක් කරලා තියනවා. ගෙදරට වෙච්ච හානිය ගණනය කරලා අදාල කොන්ත්‍රාත් සමාගම රක්ෂණ සංස්ථාවෙන් සල්ලි අරගෙන ඉතාම අඩු මුදලක් තමයි නිවාස කැඩුණු අයට දීලා තිබ්බේ. මේ පින්තූරවල තියෙන්නේ එහෙම හදපු ඇස්තමේන්තු දෙකක්. දෙකම එක්කෙනෙක් එකම නිවසට හදපු දෙකක්. ‌මේ කෙනාගේ ගෙදරට බරපතල හානි වෙනවා. ඒක ඇස්තුමේන්තු කරලා යවනවා රුපියල් ලක්ෂ තුනයි ගානක්. ඒක රක්ෂණයට දීලා සල්ලි අරගන්නවා. ඊට පස්සේ ඒ ඇස්තමේන්තුව හංගලා තව ඇස්තමේන්තුවක් හදනවා රුපියල් 42,000කට. ඒ ගාන තමයි නිවාසය හදාගන්න දෙන්නේ.

ප්‍රමාණවත් වන්දි නොලැබීම සහ සමහර පවුල්වලට සතපහක්වත් වන්දි නොලැබීම ගැන කුරුණෑගල සංජීව කුලතුංග ඇතුළු පිරිසක් දිගටම සටන් කළා. එහි ප්‍රතිඵලයක් විදිහට අපි ගමේ අයලවා තොරතුරු ඉල්ලුම්පත් පුරවලා මේ අදාල තොරතුරු ඉල්ලලා (රක්ෂණයට යවපු ඇස්තමේන්තුව ඇතුළුව) මාර්ග සංවර්ධන අධිකාරියට තොරතුරු ඉල්ලීම් යැව්වා. ඔවුන් ඊට අනුව තොරතුරු නුදුන් නිසා මිනිස්සු අභියාචනා පෝරම බාර දෙන්න බීඑම්අයිසීඑච් එකේ තියන තොරතුරු කොමිසම යන්න ගියා. ඒත් තොරතුරු කොමිසමේ නියෝග මත කියමින් පොලිසිය ඔවුන්ට අභියාචනා බාර දෙන්න කොමිසමට තියා බීඑම්අයිසීඑච් පරිශ්‍රයටවත් ඇතුළු වෙන්න දුන්නේ නෑ.. ඔවුන් වෙනුවෙන් අපි කොමිසමට අභියාචනා කළා. මාස හතක් යනකං අභියාචනා විභාගයට ගත්තේ නෑ. මාස හතකට පස්සේ කොමිසම සියලුම අභියාචනා ප්‍රතික්ෂේප කළා. අපි ඊට එරෙහිව දැන් අභියාචනාධිකරණයට ගිහින් තියනවා.

සංජීවලාට සහ අපිට තිබ්බ ප්‍රශ්නය තමයි ඇයි මේ තොරතුරු හංගන්න මෙච්චර වලි කන්නේ කියලා. ඒ නිසාම සංජීවලා සහ අපි මේ ගැන තවදුරටත් හොයන්න ගත්තා. සංජීව සෑහෙන මහන්සි වුණා මේ හංගං ඉන්න තොරතුරු එළියට ගන්න. අවසානයේ මානව හිමිකම් කොමිසමේ පැවැති පැමිණිලි විභාගයකදී එම කොමිසම අතුරු නිර්දේශයක් දුන්නා තොරතුරු දෙන්න කියලා. එහෙම තොරතුරු ලැබෙද්දියි දැනගත්තේ මෙච්චර වංචාවක් වෙලා කියලා. ඒ කියන්නේ ඉරි තැලීම් වාර්තා හරියට හදලා නෑ. හදපු ඉරිතැලීම් වාර්තා හරියට තක්සේරු කරලා නෑ. සමහර තක්සේරු වාර්තා රක්ෂණයට යවලා ලොකු ගණනක් අරගෙන ව්‍යාජ තක්සේරු වාර්තාවක් ගෙවල් හිමියට දීලා සොච්චං මුදලක් ගෙවලා. පොලිසියට මේ ගැන පැමිණිලි කළාට කිසිම දෙයක් කළේ නෑ.
‍
ඒ වගේම විගණකාධිපති කියලා තියනවා මධ්‍යම අධිවේගී මාර්ගයේ මතුපිට ඉරිතැලීම් පවා තියෙනවා කියලා.

දැන් තත්ත්වය දරුණුයි. රුහුණ විශ්ව විද්‍යාලයේ කණ්ඩායමක් වාර්තාවක් දීලා තියනවා හානි වූ ඇතැම් නිවාස අධි අවධානම් නිසා වහාම නිවැසියන්ට අයින් වෙන්න කියලා. මේක ගැන වග කියන්න ඔ්නා මාර්ග සංවර්ධන අධිකාරිය දැන් නිහඬයි. මාර්ග සංවර්ධන අධිකාරියේ සභාපතිට කතා කළාම මීඩියා විදිහට උත්තර දෙන්නෑ, කැමති දෙයක් දාගන්න කියනවා. මේ දවස්වල ඇදහැලෙන වර්ෂාවත් එක්ක බිත්තියක් කඩාවැටිලා එක්කෙනෙක් දෙන්නෙක් යටවෙලා මැරුණට පස්සේ සමහරවිට මේ ආයතනවලට ඇස් ඇරිලා ක්‍රියාමාර්ග ගන්න පටං ගනියි. අපේ රටේ වෙන්නේ එහෙමනේ.

මේ ගැන වැඩිදුර දැනගන්න අවශ්‍ය නම් පහත වීඩියෝව බලන්න... –
https://www.youtube.com/watch?v=BSPgSc0c53M&t=8s
-උපුටාගැනීමකි-

21/01/2025

21/01/2025

මෙවර රජය වී මිළදී ගැනීමේ ක්‍රියාවලියේදී රජය සහතික කරන වී මිළට රජයේ ගබඩාවලට සැලකිය යුතු වී ප්‍රමාණයක් ලබාදෙන බවට ගොවි නායකයින් එකඟතාවය පළ කළ බව කෘෂිකර්ම සහ පශු සම්පත් නියෝජ්‍ය අමාත්‍ය නාමල් කරුණාරත්න පවසනවා.
වී කිලෝ එකක නිෂ්පාදන වියදමට තුනෙන් එකක් එකතු කර ගොවින්ට සාධාරණ වී මිළක් ලබාදෙන බවත් එය ඉතිහාසයේදි නොවුනු දෙයක් බවයි නියෝජ්‍ය අමාත්‍යවරයා තවදුරටත් සඳහන් කළා.
තව ද වීවල ප්‍රමිතිය අනුව අමතර රුපියල් දෙකක් මුදලක් ද වී ගොවියා වෙත ගෙවීමේ ක්‍රමවේදයක් ක්‍රියාත්මක බවයි ඔහු පැවසුවේ.

19/01/2025

චෞර රැජිණ, 71 කැරැල්ල, නොනිමි අරගලය, දේශපාලනයේ පවුල සහ කුලය වැනි දේශපාලනික කෘතින් රැසක් රචනා කරමින් මෙරට සමාජ, ආර්ථික, දේශපාලනික සහ සංස්කෘතික ක්ෂේත්‍රය කෙරෙහි ඉමහත් සේවයක් සිදුකළ ජ්‍යෙෂ්ඨ මාධ්‍යවේදී වික්ටර් අයිවන් මහතා අභාවප්‍රාප්ත වී තිබෙනවා.

17/01/2025

වතුකර පාසල් සඳහා ස්මාර්ට් පන්ති කාමර 60ක් ඉදිකිරීම වෙනුවෙන් අවබෝධතා ගිවිසුමක් අත්සන් කර තිඛෙනවා.

වැවිලි සහ ප්‍රජා යටිතල පහසුකම් අමාත්‍යංශයේ ලේකම් ප්‍රභාත් චන්ද්‍රකීර්ති සහ ඉන්දීය මහකොමසාරිස් සන්තෝෂ් ජා අතර මෙම අවබෝධතා ගිවිසුම අත්සන් තබා ඇති බවයි සඳහන් වන්නේ.

මෙරට වතුකර ප්‍රජාවන් හී ඩිජිටල් පරතරය පියවීම සඳහා ගත හැකි පියවරක් ලෙස නුවරඑළිය, නුවර සහ බදුල්ල යන දිස්ත්‍රික්කවල වතුකර පාසල් සඳහා මෙම ස්මාර්ට් පන්ති කාමර ඉදිකිරීමට සැලසුම් කර තිබෙනවා.

16/01/2025

PTA පනත අහෝසි කිරීම සහ තවත් මර්දන පනත් ගෙන ඒමේ ප්‍රතිපත්තීන් වෙත බලපෑමක් එල්ලකිරීමේ අරමුණින් ඊයේ (15) දිනයේ මහජන කවුන්සිලය විසින් පෙත්සමක් අත්සන් කරණු ලැබුවා.
වැඩිදුර කියවන්න:-

PTA පනත අහෝසි කිරීම සහ තවත් මර්දන පනත් ගෙන ඒමේ ප්‍රතිපත්තීන් වෙත බලපෑමක් එල්ලකිරීමේ අරමුණින් ඊයේ (15) දිනයේ මහජන කවුන....

14/01/2025

එමිල් රංජන් පිළිබඳ අතිත මතකයෙන් බිඳක්.....

FB හි වෛරල් වෙමින් පවතින ඡායාරූපයක ඇත්තේ වැලිකඩ බන්ධනාගාරයේ සිදුවු සිරකරුවන් 27 දෙනෙකුගේ අමානුෂික ඝාතනයට අදාලව ත්‍රිපුද්ගල මහාධිකරණ විනිසුරු මඬුල්ලක් විසින් මරණීය දණ්ඩනය පනවන ලද , පසුගිය 2024 වසරේ අගෝස්තු මස ⁣ශේෂ්ඨාධිකරණ තින්දුවකට අනුව නිදහස ලැබු එමිල් රංජන් නැමති වැලිකඩ බන්ධනාගාරයේ හිටපු අධිකාරිවරයා වත්මන් අධිකරණ ඇමති අතින් සම්මානයක් ලබා ගන්නා ඡායාරූපයකි..එය උපුටාගෙන ඇත්තේද එමිල් රංජන්ගේම ෆේස්බුක් පිටුවෙනි.

2025 01 03 දිනැති එකී ෆේස්බුක් සටහනෙහි ඇත්තේ තමන් අධිකරන ඇමතිවරයා අතින් ගෞරව සම්මානයෙන් පුද ලැබු බවකි.

මේ සිදුවීම බොහෝ දෙනා හෙළාදකිමින් පෝස්ට් පළකර ඇත.ඒ අතරින් බහුතරයක්ම සිටිනුයේ මාලිමා පාලනයක් පත් කර ගැනීම උදෙසා නිර්ලෝභීව සිය කාලය ශ්‍රමය ධනය කැප කළ වුන්ය. ඔවුන් රිදුම් දෙන සිය හෘද සාක්ෂිය මතින් එන හඬට අනුකූලව මේ සිදුවීමට එරෙහිව ලියමින් ඇත..ඒ අතරින් වැලිකඩ ඝාතණ සිදුවීම අරභයා පොතක් ලියු කසුන් පුස්සේවෙල මාධ්‍යවේදි යා ලියා ඇති පේලි පද හතරකින් යුත් සටහන ඉමහත් සංවේදි එකකි. ඔහු එහි මාතෘකාවට ලියා ඇත්තේ කැතයි , ලැජ්ජයි නින්දිතයි " කියාය " .තමන්ට කියා තමන්ගේ අතින්ම මෙම පොත ලබා ගත් ජනාධිපති තුමණි.....ජවිපෙ පැලවත්ත මුලස්ථානයේ ඇති ඒ පොතේ පිටු ඉරා අත පිස කුණුකුඩයට දමන ලෙස" ඔහු එමගින් ඉල්ලා ඇත.

මේ සියල්ල මැද එමිල් රංජන් පිළිබඳ මගේ මතකය
මෙසේ පෙළගැස්සවීමට සිතුවෙමි.

ඒ ..වසර 15 ක බරපතල සිරදඬුවමකට ලක්කර මා වැලිකඩ බන්ධනාගාර ගතකළ 1993 වසරයි..බන්ධනාගාර ගතකර සිටි මා හට අවශ්‍ය වුයේ කෙසේ හෝ ටිල්වින් සිල්වා පුමුඛ සහෝදරවරුන් සිය ගනනක් රඳවා සිටි මැගසින් සිර කඳවුරට මාරුවි යාමටය..ටිල්වින් සිල්වා සහෝදරයා පක්ෂයට හිතවත් බන්ධනාගාර නියාමක වරයෙක් අත රහසේ මා හට එවන ලද ලියුම් වල තිබුණේ ප්‍රවේශමින් වැඩ කටයුතු කරගෙන යන ලෙසය..ඒ වනවිටත් මැගසින් සිර කඳවුරට එල්ල කළ ප්‍රහාරයකින් මානවඩු නැමති සහෝදරයා මරා දමා තවත් විසිගනනකගේ අතපය කඩා බිද දමා තිබුණි..වැලිකඩ හිරගෙදර ඒ වන විට පසුවුයේ මමත් , අඔගහවත්ත සහෝදරයාත්, පොලිස් අධිකාරි ටෙරන්ස් පෙරේරා ඝාතණ සිදුවිමට අදාලව දඬුවම් ලැබ සිටි වික්‍රමසිංහ (විකී ) සහෝදරයාත් පමණි...

මා ඝාතණය කර දැමිමට කළ උත්සාහයක් පිළිබදව " හිරු" පුවත්පතේත් " දිවයින පුවත්පතේත් ප්‍රධාන පුවතින් හෙළිකිරිමත්, බන්ධනාගාර සිවිලිමේ සගවා තබා සිට අසුවු පිහි යකඩ පොලු ආදිය නිසාත් , රතු කුරුස සංවිධානයෙන් නිතර අප පිළිබදව බන්ධනාගාරයට පැමින කළ සොයා බැලිම් නිසාත් මා රඳවා සිටි හකර දෙනෙක්ගෙන් යුත් සිර කුටියෙන් ඉවත් කර මා තනි සිර කුටියක රඳවා තබනු ලැබ තිබුණි..

ඒ වනවිට එමිල් රංජන් ජේලර් වරයෙකු ලෙස සේවය කළේද වැලිකඩ බන්ධනාගාරයේය.. මා නිතර නිතර බන්ධනාගාර අධිකාරි මුණ ගැසෙමින් අභියාචනා ඉදිරිපත් කරමින් කෙසේ හෝ මැගසින්හි රදවා සිටි සහෝදරවරුන් අතරට යා හැකි මාර්ගයක් සොයමින් සිටියෙමි... මා වැලිඩට ගෙනවිත් මාස 6 ක්.ගතවතිබුණද අභියාචනාවන්ගෙන් කිසිදු පලක් වි නොතිබුණි..එනිසාම බන්ධනාගාර පාලනයට හිසරදකාරයෙක් වන ලෙස හැසිරීමට මා උපක්‍රමික උත්සාහයන් ගනිමින් සිටියෙමි. ඉර එළිය වැදිමට මා රදවා සිටි චැපල් අංශයේ සිරකරුවන් සිර කුටියෙන් එලියට ගන්නේ උදෑසන පැය භාගයක් පමණි..නමුත් ජේලර් වරයා ඒ සදහා ලබා දෙමින් තිබුණේ විනාඩි 15 ක් පමණි . ජේලර් වරුන් සමග බහින් බස් වෙමින් එම නියමිත වෙලාව අප ලබා ගත්තෙමු..රතු කුරුස සංවිධානයට දැනුම් දි කුිකට ආම්පන්න ලබා ගෙන නියමිත පැය භාගයේ ක්‍රිකට් ගැසිමට පටන් ගත්තෙමු. නියමිත පුමිතියෙන් යුතු ආහාර ලබා දෙන ලෙස ඉල්ලා ලබා දුන් ආහාර වර්ජනය කළෙමු.එමිල් රංජන්ලාට මෙය විෂ වි තිබු බව දැන දැනත් විකිලා සමග එකතුව අපි ඒවා ඉටු කර ගත්තෙමු ...ටිල්වින් සිල්වා සහෝදරයා නිකර දැනුම් දෙනු ලැබුවේ ආරක්ෂාව පතා මෙවන් අරගලයන්ට නොයන ලෙසය..නායකයෙක් ලෙස ඔහු එසේ පැවසිම අසාධාරන නොවේ..4 වෙනි තට්ටුව නවකතා පොතේ එන " සමහර අවස්ථාවන්හි අනතුරින් ගැලවි ගත හැක්කේ අනතුර මැදටම පැනිමෙන් බව මම විශ්වාස කළෙමි..

මේ සිදුවිම සිදුවුයේ 1994 වසරේය..මා එදිනද බන්ධනාගාර අධිකාරි හමුවට රැගෙන ගොස් සිටියේ නියාමක වරුන් දොදෙනෙක් විසිනි..ඒ එන විට ප්‍රධාන ජේලර් වරයාගේ කාමරය දෙසින් සිරකරුවෙක් මහ හඬින් විලාප දෙන හඩක් ඇසි ඒ දෙස බැලුවට දැකගත හැකිවුයේ නිළධාරින් 4 -5 දෙනෙක් එකතුව මගේ සිර කුටියට යාබද සිරකුටියේ රදවා සිටි සැකකරුවකු ලෙස රඳවා සිටි අයෙකුට අමානුෂික ලෙස පොලු මුගුරු වලින් පහරදෙන අන්දමය..

මද වේලාවකින් අදාල සිරකරු රැගෙන විත් සිර කුටියට දමනු ලැබීය... කෙදිරරිගාමින් සිටි ඔහුගෙන් මා විමසා සිටියේ පහර දිමට හේතුවය.. ඔහු පවසා සිටියේ තමාගේ බිරිද පෙර දින තමාව බැලිමට බන්ධනාගාරයට පැමිණ සිටියදි නිළධාරින් දෙදෙනෙක් ඇයගේ පියයුරු මිරිකමින් කළ නොමනා ක්‍රියාවක් එදින ඇය ඔහුට පැවසු බවත්, තමන් නිළධාරින්ට බැන වැදිම නිසා ඔවුන් තමාව කාමරයකට දමා එලෙස පහර දුන් බවත්ය..

අහම්බයකට මෙන් ඔහුගේ නඩු විභාගය ඊලග දිනයට යෙදි තිබුණි..මා මගේ සිර කුටියේ සිටම ඔහුට පවසා සිටියේ නඩුකාරයා හමුවේ මේ අමානුෂික පහරදිමට එරෙහිව යුක්තිය අයැද. සිටින ලෙසය..මා ඇසින් දුටු සාක්ෂිකරවෙකු ලෙස සාක්ෂි දිමට සුදානම් බවත්ය. මගේ වචනය ඔහු තදින් විශ්විස කළේය.ඔහු පසු දින උසාවියේදි සිය කමිසය එකවරම ගලවා දමා තමාගේ පිට පුරා ඇති පොලු පහරවල් මහේස්ත්‍රාත් වරයාට පෙන්වා ඇත..බන්ධනාගාර නිළධාරින්ට තදින් බැන වැදි ඇති මහේස්ත්‍රාත් වරයා එදිනම ඔහුව වෛද්‍යවරයෙකු හමුවට ඉදිරිපත් කර වෛද්‍ය වාර්ථාවක් ලබා ගන්නා ලෙසටත්, බන්ධනාගාර අධිකාරිවරයාට නියේගයක් පනවමින් සැක කරුට පහරදිම දෑසින් දුටු බව පවසන මගේ කට උත්තරයක්ද රැගෙන මෙම සිදුවිම ගැන විමර්ශන වාර්ථාවක් කැදවන ලෙසටත් දන්වා තිබුණි..

කිසිවිටෙකදිවත් වැලිකඩ වැනි සිර ගෙවල් වල මෙවන් පහරදිම් ගැන කිසිවෙක් කටක් හොල්ලන්නේ නැත. ඒ .බන්ධනාගාර පාලනයේ ඇති කුරිරු භාවය ඔවුන් දන්නා නිසාවෙනි..අනතුර මැදට පැනිම තෝරා ගත් මම එදිනම සිදුවිම ගැන රතු කුරුස සංවිධානයට දන්වා කඩිනමින් මා හමුවිමට එනමෙන් ඉල්ලා සිටියෙමි.

පසු දිනම එමිල් රංජන් මා හමුවට සිරකුටිය අසලට පැමිණ " හමුදා නිල ඇදුමක් ඇඳි අයෙක් ලෙස මේ මොහොතේ බන්ධනාගාර නිළධාරින්ට එරෙහිව කටයුතු නොකරන ලෙස විනිතව මගෙන් ඉල්ලා සිටියේය..අදාල සැකකරු " කුඩු කාරයෙක් " බවද ජවිපෙ සාමාජිකයෙක් ලෙස කුඩුකාරයන් ආරක්ෂා නොකරන ලෙසත් දැන්වීය.. මා එමිල් රංජන්ට පවසා සිටියේ සැකකරුවන්ගේ බිරින්දෑවරුන්ට ලිංගික අඩත්තේට්ටම් කිරිම ගැන නිළධාරින් ලැජ්ජා විය යුතු බවය.

පසුදින මගේ කට උත්තරය ලියා ගැන්මට මා රැගෙන ගියේද එමිල් රංජන් ලඟටමය...ඔහු යළි යළිත් පෙරදින කියු දෑම පවසද්දි මා ඔහුට පැවසුවේ මගේ කට උත්තරය ලියා ගන්නා ලෙසය..අවසානයේ මගේ කට උත්තරය ලියා ගක් ඔහු ඊට අත්සන් කරන ලෙස මා හට දැන්වීය.. ඇති වු සැකය නිසාම ඊට පෙර මට එය කියවා බැලිය යුකු බව මම ඔහුට දැන්වුයෙමි.. මා සිතු ලෙසම අත්‍යාවශ්‍ය තැන් මගහැර ඔහු කට උත්තරය ලියා තිබුණි..ඊට අත්සන් නොකළ මම යළි ඒ කොටස් කට උත්තරයට පහලින් හෝ එක්කළ යුතු බව අවදාරනය කළ නිසාම ඒවා යළි ලිවිමට ඔහුට සිදුවිය..

ඊලග නඩු දිනය දා බන්ධනාගාරයෙන් ඉදිරිපත් කළ වාර්ථාව බලා මහේස්ත්‍රාත් වරයා පවසා තිබුණේ වෛද්‍ය වාර්ථාවේ ඉතා බරපකල පහරදිම් ගැන සඳහන්ව ඇතත් , බන්ධනාගාර වාර්ථාවේ ඇත්තේ සැකකරුට පහර දුන් බවට ඇසින් දුටු සාක්ෂි කිසිවක් නොමැති බවය. ඉන්දානන්ද ද සිල්වා නැමති සාක්ෂිකරුවා පවා පවසා ඇත්තේ කාට හෝ යම් පහරදිමක් පිළිබද ශබ්දයක් තමන්ට ඇසුනු බවත් එහෙත් එය ඇසින් නොදුටු බවත්ය..බන්ධනාගාරයේ සිදුවන මෙවන් ක්‍රියා ගැන අධිකරනය බලවත් කම්පාවට පත් වන බවද මහේස්ත්‍රාත් වරයා පවසා තිබුණි.

එහෙත් අධිකරනය හමුවේ හඩා වැළපෙමින් ඔහු ප්‍රකාශ කර තිබුණේ " ඉන්ද්‍රානන්ද නැමති සිරකැු ඇසින් දුටු සියල්ලම කට උත්තරයට එක්කළ බව තමන්ට පැවසු බවය...ඉන්දුානන්ද යනු කුමන වරදකට සිර දඩුවම් විඳින්නෙක්ද යනුවෙන් විමසු විට අදාල පුද්ගලයා " ඔහු ජේවිපි කෙනෙක් " බව පැවසු සැනෙන් මහේස්ත්‍රාත් වරයා පවසා තිබුණේ ඒ මොහොතේම මාව අධිකරණයට රැගෙන ⁣එන ලෙසය..

මුලු බන්ධනාගාර පාලනයම බියෙන් තැති ගත්හ..මා බන්ධනාගාර අධිකාරිවරයා හමුවට රැගෙන යනු ලැබිණ...ඔහු බැගෑපත්ව මගෙන් ඉල්ලා සිටියේ මේ මොහොතේ ඔහු වෙනුවෙන් සිතා යමක් කරන මෙන්ය..ප්‍රතිපත්ති පාවා දිමට කිසි විටෙකදිවත් අප කටයුතු නොකරන බවය..අවසානයේ මා මහේස්ත්‍රාත් වරයාහමුවට රැගෙන යනු ලැබිණි. මා කට උත්තරයට දුන් සියල්ලම ඔහුට පැවසු විට මද වේලාවක් කල්පනා කරමින් සිට ඔහු පැවසුවේ මා කට උත්තරය කියවා බලා අත්සන් කළේද යන්නය..එවිට එමිල් රංජන් කළ වංචාවද මා හෙලි කිරිම නිසා වහාම මාගේ කටඋත්තරය ඔහු හමුවට ඒ මොහොතේම රැගෙන එන ලෙස නියෝග කරනු ලැබිනි....

රැගෙනආ මගේ කට උත්තරය කියවා බැලු මහේස්තුාත් වරයා කෝපයෙන් යුතුව පවසා සිටියේ වහාම බන්ධනාගාර අධිකාරිව තමන් හමුවට පමුණුවන ලෙසය..එතෙක් මා එහිම රදවා තබා ගන්නා ලදි..

බන්ධාගාර අධිකාරි වරයාට දඬුවම් නොකිරිමට නිදහසට කරුනු ඇත්නම් පවසන්නට ඉඩ දුන් විට ඔහු සිදුවි ඇත්තේ වාර්ථාව ලියු එමිල් රංජන් නැමති ජේලර් වරයා තමන්වත් නොමග යවමින් අසත්‍ය වාර්ථාවක් ඉදිරිපත් කර ඇති බවය..දහස් ගනනාවක සිර කරුවන් පාලනය භාරව සිටින තමාට එම කට උත්තර කියවිමට වෙලාවක් නොහැති නිසාම හා තමන්ගේ පහල නිළධාරින් මත විශ්වාසය තබා කටයුතු කිරිම නිසාම එකි වාර්ථාවට අත්සන් කිරිම නිසාම මෙකි බරපකල වැරැද්ද සිදුව ඇති බව පැවසු අධිකාරිවරයා ඊට තමන්ට අධිකරනයේ සමාව ලබා සෙන මෙන් අයැද මිටියේය..

බන්ධනාගාර අධිකාරිට තරයේ අවවාද කළ මහේස්ත්‍රාත් වරයා එමිල් රංජන්ට එරෙහිව ගත් නීතිමය කුියාමාර්ග සති දෙකක් ඇතුලත අධිකරනයට දන්වන ලෙසටත්,පහරදුන් නිළධාරින්ට නඩු පැවරිමටත් දන්වමින් සාක්ෂි දුන් ඉන්දානන්ද හට කිසිදු අයුරකින් තර්ජනයක් හෝ නොකිරිමට වග බලා ගන්නා ලෙසටත්, ආරක්ෂාව සම්බන්ධව විසි පියවර ගන්නා ලෙසටත් දැන්විය..

එමිල් රංජන් නිලයෙන් පහකර වෙනත් බන්ධනාගාරයකට මාරු කර හරිනු ලැබු අතර දින දෙකකින් හෝ තුනකින් පසුව මාවද මැගසින් බන්ධනාගාරයට මාරු කර හරිනු ලැබිනි..

එමිල් රංජන්ලාගේ අතීත පැටිකිරිය එබඳුය.. උන්ට ගෞරව සම්මාන දෙන මාලිමා ආණ්ඩුව මේ අවමානයට ලක්කරනුයේ හර්ෂණ නානායක්කාරලාගේ කෙරුවාව නොව මිනිමරු පාලනයකට එරෙහිව අවදානමද නොතකා අරගලයට බට ජනතාවකගේ හෘද සාක්ෂියයි.
උපුටාගැනීමකි .

12/01/2025

මේ මොහොත වන විටත් ඉන්දියාව විසින් ලංකාව වෙත සිදුකරන බලහත්කාරී මැදිහත්වීම් පිළිබඳ කරුණු හෙළිදරව් කිරීමේ සම්මන්ත්‍රණයක් ඊයේ (11) පෙරටුගාමී සමාජවාදී පක්ෂයක විසින් සංවිධානය කර තිබුණා. ” ඉන්දියාව ලොකු අයිය ද ?” යනුවෙන් සමාජ කතිකාවක් ගොඩනගමින් ආරම්භ වූ මෙම සම්මන්ත්‍රණයේදී දුමින්ද නාගමුව විසින් දේශනයක් පවත්වනු ලැබුවා.

වැඩිදුර කියවන්න:- https://divesanews.com/index.php/2025/01/12/indiavssrilanka/
Ref:- https://www.facebook.com/share/v/17VAfKmNSW/?mibextid=WC7FNe

මේ මොහොත වන විටත් ඉන්දියාව විසින් ලංකාව වෙත සිදුකරන බලහත්කාරී මැදිහත්වීම් පිළිබඳ කරුණු හෙළිදරව් කිරීමේ සම්මන්ත...

11/01/2025

අද (11) සිට ක්‍රියාත්මකවන පරිදි දුම්වැටි මිල ඉහළ දමා තිබෙනවා. ඒ අනුව කාණ්ඩ හතක් යටතේ රුපියල් 5 ක් සහ රුපියල් 10 ක් අතර මුදලකින් දුම්වැටි මිල ඉහළ යන බවයි ලංකා දුම්කොළ සමාගම වැඩිදුරටත් ප්‍රකාශ කළේ.

10/01/2025

10/01/2025

භාරත ලක්ෂ්මන් ප්‍රේමචන්ද්‍ර ඝාතනයට අදාළව මරණ දඬුවම නියම වී සිටින හිටපු පාර්ලිමේන්තු මන්ත්‍රී දුමින්ද සිල්වා බන්ධනාගාර රෝහලෙන්, වැලිකඩ බන්ධනාගාරයේ සාමාන්‍ය සිරමැදිරියක් වෙත මාරු කර යවා තිබෙනවා.

ඒ අනුව අද (10) පස්වරුවේ දුමින්ද සිල්වා මෙලෙස වැලිකඩ බන්ධනාගාරයට මාරු කර යවා ඇති බවයි බන්ධනාගාර මාධ්‍ය ප්‍රකාශක ගාමිණී. බී. දිසානායක සඳහන් කළේ.

10/01/2025

වෙළෙඳපොළේ පවතින සහල් හිඟය හේතුවෙන් සහල් ආනයනයට රජය අවසර ලබා දී තිබූ කාල සීමාව අද (ජනවාරි 10) මධ්‍යම රාත්‍රියෙන් අවසන් වීමට නියමිත ය.
මෙම අවසරය නැවත දීර්ඝ කිරීමක් සිදු නොකරන බව වෙළෙඳ, වාණිජ, ආහාර සුරක්ෂිතතා සහ සමූපකාර සංවර්ධන අමාත්‍ය වසන්ත සමරසිංහ මාධ්‍යවෙත සිය අදහස් ප්‍රකාශ කළා.

09/01/2025

දුම්රිය ස්ථානාධිපති බඳවාගැනීමේ පටිපාටිය අනුමත කිරීම සහ වසර පහෙන් පහට උසස්වීම් ක්‍රමවේදය ක්‍රියාත්මක කිරීම තව දුරටත් ප්‍රමාද කළහොත් වෘත්තීය ක්‍රියාමාර්ගයකට එළැඹීමට සිදුවන බව දුම්රිය සාමාන්‍යාධිකාරීවරයාට දුම්රිය ස්ථානාධිපති සංගමයේ ලේකම් ආර්.එම්.එස්.පී. ජයසුන්දර ලිඛිතව දැනුම් දී තිබෙනවා.

08/01/2025

07/01/2025

https://divesanews.com/index.php/2025/01/07/modifiedbus/