Media Initiatives Center

Home
Armenia
Yerevan
Media Initiatives Center

Media Initiatives Center (MIC) is the former Internews Media Support NGO (Internews Armenia).
(41)

Մեդիա նախաձեռնությունների կենտրոնը նախկին «Ինտերնյուս» Մամուլի աջակցության հասարակական կազմակերպությունն է։ Նոր անվանման եւ տարբերանշանի (լոգո) գրանցումը տեղի է ունեցել 2013 թ.-ի հուլիսի 3-ին։ Ազդարարելով կազմակերպության զարգացման եւ ինքնորոշման նոր փուլ, անվանափոխությունը, սակայն, չի նշանակում առաքելության եւ արժեքների փոփոխություն։

Խթանելով արտահայտման ազատությունը եւ ազատ լրատվամիջոցները՝ Մեդի

ա նախաձեռնությունների կենտրոնը Հայաստանում մեդիայի զարգացման առաջնամարտիկներից էր եւ մեդիա համայնքում առաջատար դերակատարներից մեկը։ Կենտրոնը կազմակերպում է դասընթացներ կայացած եւ սկսնակ լրագրողների համար, տարածում է մեդիա գրագիտությունը եւ պատրաստում բազմաֆորմատ մեդիա արտադրանք/բովանդակություն մարդու իրավունքների, Եվրոպական ինտեգրացիայի, հակամարտությունների, միգրացիայի, ընտրությունների, ազգային փոքրամասնությունների, գենդերի եւ շատ այլ հարցերի մասին լայն լսարանի համար։

Մեդիա նախաձեռնությունների կենտրոնը (նախկին Ինտերնյուս) Հայաստանում գործունեությունը սկսել է 1996 թ.-ի դեկտեմբերին որպես Ինտերնյուս Նեթուորք ամերիկյան կազմակերպության ծրագիր։ 1998 թ.-ի փետրվարին գրանցվեց Մամուլի աջակցության «Ինտերնյուս» հայկական հասարակական կազմակերպությունը։

Media Initiatives Center (MIC) is the former Internews Media Support NGO. Registration of the new name and logo of the organization was held on 3 July 2013. Marking a new phase in the development and self-identification of the organization, rebranding does not suppose changes in its mission and values. Promoting freedom of expression and open media, MIC was the pioneer in media development activities in Armenia and is recognized as a lead player in media community. MIC organizes training courses for established and emerging journalists, promotes media literacy and develops multi-format media content on human rights, European integration, civic conflict, migration, elections, national minorities, gender and many other issues for a wide range of audiences. The Media Initiatives Center (formerly Internews) started its activities in Armenia in December 1996 as a project of the American organization - the Internews Network. In February 1998, the Armenian Internews Media Support Non-Governmental Organization was registered. The NGO is a founder and member of Internews International Association.

01/11/2024

2023 թվականի սեպտեմբերին Արցախի բնակչության բռնի տեղահանումից հետո Մեդիա նախաձեռնությունների կենտրոնը սկսեց մի քանի ծրագիր, որոնք ուղղված էին արցախցի մեր գործընկերների հետ աշխատանքին, նրանց մասնագիտական վերականգնմանը և հայաստանյան մեդիա դաշտին ինտեգրվելուն։

Այս շեշտադրումով ծրագրերից մեկը «Մասնագիտական վերականգնողական ճամբարն» էր։ Մեր երեք ճամբարներին մասնակցեցին արցախցի 35 գործընկերներ։ Ճամբարների ընթացքում մասնակիցները հոգեբանի հետ միասին կատարեցին սթրեսը հաղթահարելուն ուղղված պրակտիկ վարժություններ, ծանոթացան հակամարտությունների վերլուծության գործիքներին, մասնակցեցին լուծումների լրագրության, փաստերի ստուգման, թվային անվտանգության, սթորիթելինգի և կոնֆլիկտների լուսաբանման մասին դասընթացների, ծանոթացան հայաստանյան մեդիա դաշտին։

Յուրաքանչյուր ճամբարի ավարտին մասնակիցները ներկայացրին իրենց գաղափարները, որոնցից 21-ի իրականացման համար տրամադրվեցին դրամաշնորհներ։

Ծրագրի մեկնարկից գրեթե մեկ տարի անց՝ 2024 թվականի հոկտեմբերին, մեր երեք ճամբարների մասնակիցների հետ ամփոփեցինք նրանց աշխատանքները։ Արցախի մեր գործընկերները միասին քննարկեցին իրենց պատրաստած վիդեո շարքերը, փոդքասթները, վավերագրական ֆիլմերը, մուլտիմեդիա նյութերն ու հոդվածները, խոսեցին աշխատանքի դժվարությունից, այս ամիսների ընթացքում իրենց ձեռք բերած փորձառությունից և հետագա նպատակներից։

01/11/2024

Մեդիագրագիտության հայաստանյան շաբաթվա շրջանակում նոյեմբերի 4-ին 18:00-ին հրավիրում ենք «Մեդիագրագիտությունը արհեստական բանականության դարաշրջանում» թեմայով առցանց հանդիպման մեդիագրագիտության դասընթացավար, Եվրոպական հանձնաժողովի կրթության փորձագետ Արմինաս Վարանաուսկասի հետ։

Գրանցման հղումը՝ https://shorturl.at/cKzUU

Արմինաս Վարանաուսկասը աշխատում է որպես Եվրոպական հանձնաժողովի արտաքին կրթության փորձագետ և անհատ խորհրդատու է մի քանի երկրների՝ Իտալիայի, Մոլդովայի, Ուկրաինայի համար մեդիագրագիտության ինտեգրման, ուսուցման և մասնագետների վերապատրաստման հարցերում:

Վեբինարի ընթացքում կներկայացվի մեդիագրագիտության կարևորությունը հատկապես արհեստական բանականության համատեքստում՝ Մեդիագրագիտության հայաստանյան շաբաթվա խորագրին համահունչ։
---
Մեդիագրագիտության շաբաթն անցկացվում է «Երիտասարդները գործելիս. Հայաստանում երիտասարդների զորեղացման և առաջնորդության խթանման» ծրագրի շրջանակում։ Այն Եվրոպական միության և Կոնրադ Ադենաուեր հիմնադրամի կողմից ֆինանսավորվող նախաձեռնություն է, որն իրականացվում է Վորլդ Վիժն Հայաստանի, Մեդիա նախաձեռնությունների կենտրոնի և Գյումրու «Երիտասարդական նախաձեռնությունների կենտրոն»-ի հետ համատեղ:

Youth in Action: Youth Empowerment and Leadership Development in Armenia
European Union in Armenia

#եսմեդիագրագետեմ #մեդիագրագիտությանշաբաթ2024
#ԵրիտասարդներիԱռաջնորդություն

01/11/2024

Մեդիագրագիտության շաբաթվա շրջանակում նոյեմբերի 7-ին՝ ժամը 16:30, հրավիրում ենք մասնակցելու 5x5+1 մեդիագրագիտություն կամ ԱԲ հնարավորություններն ու մեդիան խորագրով ինտերակտիվ քննարկմանը, որն իրականացվում է Հայաստանի ամերիկյան համալսարանի հետ համատեղ։

5+1 խոսնակ` տեղացի և միջազգային մեդիափորձագետներ, լրագրողներ, մարքեթինգի և կրթության փորձագետներ, յուրաքանչյուրը 15 րոպեում կներկայացնեն արդիական թեմաներ 15 սահիկով՝

➡️ Արմինաս Վարանաուսկաս, կրթության միջազգային փորձագետ, մեդիագրագիտության դասընթացավար
Թեմա` Արհեստական բանականությունը և կրթությունը
➡️ Սամվել Մարտիրոսյան, մեդիա փորձագետ
Թեմա՝ Ապատեղեկատվությունը, որ գեներացնում է ԱԲ-ն. որքան է վատ ամեն ինչ
➡️ Հայկ Հովհաննիսյան, Սիվիլնեթ, լրագրող
Թեմա՝ ԱԲ գործիքները և մեդիան
➡️ Կոնստանտին Ամիրաքյան, Ինտերնյուսը Հայաստանում
Թեմա՝ ԱԲ-ն և մարքեթինգը․ ինչ պետք է իմանալ
➡️ Նարե Պետրոսյան, լրագրող, Հետք
Թեմա՝ Արհեստական բանականությո՞ւն, թե՞ բանական արհեստականություն
➡️ Շոն Մաքինթոշ, ՀԱՄ, «Լրագրություն» կրթական ծրագրի ղեկավար
Թեման՝ Մեդիագրագիտությունը մեդիա արտադրության միջոցով

Մասնակցելու համար անհրաժեշտ է գրանցվել մինչև նոյեմբերի 5-ը այս հղումով՝ https://shorturl.at/F2jR5
---
Քննարկումը հնարավոր է դարձել Ամերիկայի ժողովրդի առատաձեռն աջակցությամբ՝ ԱՄՆ Միջազգային զարգացման գործակալության (ԱՄՆ ՄԶԳ) միջոցով:

USAID Armenia
Internews in Armenia
American University of Armenia

#եսմեդիագրագետեմ #մեդիագրագիտությանշաբաթ2024

31/10/2024

Նոյեմբերի 6-ին հրավիրում ենք «ԱԲ գործիքներ լրագրողների համար» աշխատարանների շարքի երրորդ հանդիպմանը։

Այս անգամ ՄՆԿ տեսաձայնային մոնտաժի մասնագետ Հակոբ Ազիզյանի հետ կենտրոնանալու ենք ԱԲ ընձեռած այն հնարավորությունների վրա, որոնք բարելավում ու դյուրացնում են ֆոտոյի, վիդեոյի և աուդիոյի հետ աշխատանքը։

Հանդիպում ենք ՄՆԿ գրասենյակում, ժամը 16։00-ին։
---
Դասընթացը հնարավոր է դարձել Ամերիկայի ժողովրդի առատաձեռն աջակցությամբ՝ ԱՄՆ Միջազգային զարգացման գործակալության (ԱՄՆ ՄԶԳ) միջոցով:

Internews in Armenia
USAID Armenia

Երբևէ լսե՞լ եք արհեստական բանականության կողմից ստեղծված երաժշտություն։ Իսկ փորձե՞լ եք ինքներդ երգեր գրել ԱԲ-ի օգնությամբ։ Նոյեմբերի 6-ին այս և այլ հետաքրքիր հմտու....

31/10/2024

«Լրատուն» մեդիա թանգարանի «Հակամարտության լրագրության դրվագներ» ցուցահանդեսի ընթացքում տեղի ունեցան նաև տարբեր թեմատիկ հանդիպումներ, քննարկումներ, ֆիլմերի ցուցադրություններ։ «Լրատուն» այցելեցին նաև Իջևանի դպրոցների տարբեր դասարանների աշակերտներ, որոնց հետ քննարկեցինք ներկայացվող թեման, ինչպես նաև խոսեցինք մեդիագրագիտության և քննդատական մտածողության կարևորության մասին։

«Հակամարտության լրագրության դրվագները» Իջևանում ցուցադրվեց տասը օր, հաջորդ ցուցադրությունը տեղի կունենա Սյունիքի մարզում։

31/10/2024

Մեդիա նախաձեռնությունների կենտրոնը և ՀՀ կրթության, գիտության, մշակույթի և սպորտի նախարարությունը նոյեմբերի 4-10-ը հայտարարում են Մեդիագրագիտության շաբաթ Հայաստանում և ՀՀ բոլոր դպրոցներին, մանկապարտեզներին, բուհերին, գրադարաններին, կրթական և մշակութային կենտրոններին և այլ շահագրգիռ կառույցներին հրավիրում են միանալու շաբաթվան։
---
Մեդիագրագիտության շաբաթն անցկացվում է «Երիտասարդները գործելիս. Հայաստանում երիտասարդների զորեղացման և առաջնորդության խթանման» ծրագրի շրջանակում։ Այն Եվրոպական միության և Կոնրադ Ադենաուեր հիմնադրամի կողմից ֆինանսավորվող նախաձեռնություն է, որն իրականացվում է Վորլդ Վիժն Հայաստանի, Մեդիա նախաձեռնությունների կենտրոնի և Գյումրու «Երիտասարդական նախաձեռնությունների կենտրոն»-ի հետ համատեղ:

Մեդիագրագիտության շաբաթը հնարավոր է դարձել Ամերիկայի ժողովրդի առատաձեռն աջակցությամբ՝ ԱՄՆ Միջազգային զարգացման գործակալության (ԱՄՆ ՄԶԳ) միջոցով:

Youth in Action: Youth Empowerment and Leadership Development in Armenia
European Union in Armenia
USAID Armenia
Internews in Armenia

#եսմեդիագրագետեմ #մեդիագրագիտությանշաբաթ2024
#ԵրիտասարդներիԱռաջնորդություն

Մեդիա նախաձեռնությունների կենտրոնը և ՀՀ կրթության գիտության, մշակույթի և սպորտի նախարարությունը 2024թ. նոյեմբերի 4-10-ը հայտարարում են Մեդիագրագիտության շաբաթ Հայաս....

28/10/2024

«Հակամարտության լրագրության դրվագներ» ցուցահանդեսի շրջանակում տեղի ունեցավ Լևոն Քալանթարի հեղինակային «17 տարի անց» ֆիլմի փակ ցուցադրությունը։ Այն ներկայացնում է ՄՆԿ-ի կողմից 2007 թ․-ին արտադրված վավերագրական ֆիլմերի՝ «Ամուր ընկույզի», «Քաղաքացիությունը փախստականի», «Կատարսիսի» ֆիլմերի արցախցի հերոսների կյանքը 17 տարի անց։

«Լրատուն․ հակամարտության լրագրության դրվագներ» ցուցադրությունը բաց կլինի մինչև հոկտեմբերի 31-ը Լոֆթ Իջևանում, ամեն օր՝ ժամը 11:00-18:00-ը։

25/10/2024

🎙️Պատրա՞ստ եք ձեր երեխաների հետ բացահայտել թվային աշխարհը:

«Էնցիկլոմեդիայի» հերթական էպիզոդում հոգեբան Արաքս Առաքելյանը և 3 երեխաների հայրիկ Արման Կարագուլյանը քննարկում են այն հարցերը, որոնք երեխաները տալիս են մեդիայի վերաբերյալ, և թե ինչպես ծնողները կարող են առաջնորդել նրանց թվային աշխարհում:

Հոգեբան Արաքս Առաքելյանը և 3 երեխաների հայրիկ Արման Կարագուլյանը կիսվում են իրենց պատկերացումներով առողջ մեդիա սովորույթների մասին։

24/10/2024

«Հակամարտության լրագրության դրվագներ» ցուցահանդեսի այցելուները հնարավորություն ունեցան դիտելու արցախցի լրագրող Մարիամ Սարգսյանի ֆիլմը՝ «Վերջին արցախցիները»։ Այն շրջափակման ծանրությունը հաղթահարած, պայքարող, ուժեղ մայրերի և նրանց բալիկների մասին է, որոնք ծնվել են Արցախում 2023 թ․-ի սեպտեմբերի 17-29-ին։

Ֆիլմը կարող եք դիտել՝ https://www.youtube.com/watch?v=VoG8WJ_QpUI

«Լրատուն․ հակամարտության լրագրության դրվագներ» ցուցադրությունը բաց կլինի մինչև հոկտեմբերի 31-ը Լոֆթ Իջևանում, ամեն օր՝ ժամը 11:00-18:00-ը։

24/10/2024

Հոկտեմբերի 25-ին 16:00-ին հրավիրում ենք մասնակցելու «Եկեք ճանաչենք մեդիան 5 մատի պես» խորագրով վեբինարին։

ՄՆԿ մեդիագրագիտության ծրագրերի համակարգող Անի Եղիազարյանը կներկայացնի «5 մատի պես ճանաչել մեդիան» ձեռնարկը և առցանց դասընթացը։

Ձեռնարկը ուղեցույց է բոլոր ուսուցանողների համար․ այն առաջարկում է թեմատիկ և հարուստ գործիքակազմ ոչ ֆորմալ կրթությամբ զբաղվող մասնագետներին, ակումբավարներին, խմբակավարներին, երիտասարդական աշխատողներին։

Գրանցման հղումը՝ https://shorturl.at/vmEdy
---
«Երիտասարդները գործելիս. Հայաստանում երիտասարդների զորեղացման և առաջնորդության խթանման» ծրագիրը Եվրոպական միության և Կոնրադ Ադենաուեր հիմնադրամի կողմից ֆինանսավորվող նախաձեռնություն է, որն իրականացվում է Վորլդ Վիժն Հայաստանի, Մեդիա նախաձեռնությունների կենտրոնի և Գյումրու «Երիտասարդական նախաձեռնությունների կենտրոն»–ի հետ համատեղ:

Youth in Action: Youth Empowerment and Leadership Development in Armenia
European Union in Armenia

#ԵրիտասարդներիԱռաջնորդություն

Welcome! You are invited to join a meeting: Եկեք ճանաչենք մեդիան 5 մատի պես. After registering, you will receive a confirmation email about joining the meeting.

24/10/2024

Արդեն հասանելի է մեր գործընկեր Բազմակողմանի տեղեկատվության ինստիտուտ / Media Diversity Institute-ի՝ Բազմազանության լուսաբանման ձեռնարկը՝ 👉 https://mdi.am/archives/2042 :

Այն պատմում է չվնասելու և զգայուն լուսաբանման կարևոր գործի մասին՝ ինչպես նախապատրաստվել հարցազրույցներին և ինչպես վարել դրանք, ինչ անել և ինչ չանել մարդկանց ամենատարբեր խմբերի հետ հաղորդակցվելիս, որպեսզի ստեղծվող արտադրանքը որևէ կերպ չվնասի նյութի հերոսին կամ աղբյուրին, լինի զգայուն և մատչելի լայն լսարանի համար։

Շուտով պատրաստ կլինի նաև ձեռնարկի տպագիր տարբերակը:
---
Ձեռնարկը պատրաստվել է Եվրոպական միության ֆինանսական աջակցությամբ:

European Union in Armenia

Բազմակողմանի տեղեկատվության ինստիտուտը լույս է ընծայել մի շարք ձեռնարկներ և գրքեր, որոնց նպատակն է վերապատրաստել լրագրողներին, զարգացնել հասարակական կազմակերպու...

23/10/2024

«Հակամարտության լրագրության դրվագներ» ցուցահանդեսն արդեն Իջևանում է։ Երևանի և Գյումրիի ցուցադրություններից հետո «Լրատուն» մեդիա թանգարանի հինգերորդ նախագիծը հերթական ցուցադրությունից առաջ լրամշակվել է․ ներառվել են վերջին մեկ տարվա իրադարձությունները՝ Արցախի շրջափակումը, բռնի տեղահանությունը ներկայացնող մուլտիմեդիա նյութեր։ Ցուցադրությունում ներառվել են նաև բացառիկ, դեռևս չհրապարակված արցախյան հակամարտության թեմայով հարցազրույցներ։

«Լրատուն․ հակամարտության լրագրության դրվագներ» ցուցադրությունը բաց կլինի մինչև հոկտեմբերի 31-ը Լոֆթ Իջևանում, ամեն օր՝ ժամը 11:00-18:00-ը։

15/10/2024

Հոկտեմբերի 22-ին 14:00-ին Լոֆթ Իջևանում (Հասցե՝ Ա. Մելիքբեկյան 4) տեղի կունենա «Հակամարտության լրագրության դրվագներ» ցուցահանդեսի բացումը։

Այն ներկայացնում է վերջին 30 տարիների ընթացքում հայկական մեդիայի աշխատանքը Ղարաբաղյան հակամարտության լուսաբանման գործում։

Ցուցահանդեսը բաց կլինի հոկտեմբերի 22-31-ը, ամեն օր՝ ժամը 11:00-18:00-ը:

10/10/2024

Հոկտեմբերի 22-ին Իջևանում կմեկնարկի «Հակամարտության լրագրության դրվագներ» ցուցահանդեսը։

📌Այն Մեդիա նախաձեռնությունների կենտրոնի «Լրատուն» մեդիա թանգարանի հինգերորդ նախագիծն է։ Այն ներկայացնում է վերջին 30 տարիների ընթացքում հայկական մեդիայի աշխատանքը Ղարաբաղյան հակամարտության լուսաբանման գործում։

📌Արխիվային տեսանյութերը, տպագիր մամուլի օրինակները, ռադիոհաղորդումները, լուսանկարներն ու հոդվածները, վերլուծությունները, վավերագրական ֆիլմերն ու մուլտիմեդիա նախագծերը հասանելի կլինեն թանգարանի հպէկրաններին։

Ցուցադրության բացումը տեղի կունենա Լոֆթ Իջևանում (Հասցե՝ Ա. Մելիքբեկյան 4)։

Այն բաց կլինի հոկտեմբերի 22-31-ը, ամեն օր՝ ժամը 11:00-18:00-ը:

09/10/2024

Մեդիա նախաձեռնությունների կենտրոնը կազմակերպում է տեսաօպերատորական դասընթաց, որը կվարի մրցանակակիր վավերագրող-ռեժիսոր, օպերատոր և լուսանկարիչ Փոլ Էնկելարը։

Դասընթացն անցկացվելու է Երևանում, դեկտեմբերի 4-7-ը։

👇Դիմելու կարգն ու մանրամասները՝ կայքում։

Դասընթացը հնարավոր է դարձել Ամերիկայի ժողովրդի առատաձեռն աջակցությամբ՝ ԱՄՆ Միջազգային զարգացման գործակալության (ԱՄՆ ՄԶԳ) միջոցով:

Internews in Armenia
USAID Armenia

Տեսաօպերատորական դասընթաց՝ մրցանակակիր վավերագրող-ռեժիսոր, օպերատոր և լուսանկարիչ Փոլ Էնկելարի կողմից։

07/10/2024

🎓Հետևողական լուսաբանել աղետներն ու ճգնաժամերը․ ստեղծել նյութեր տուժած մարդկանց համար և ոչ պարզապես նրանց մասին։ Հումանիտար լրագրության այս կարևոր առանձնահատկությունը դրված էր նաև ՄՆԿ-ի և Խոսքի ազատության կոմիտեի կազմակերպած դասընթացի հիմքում։

📢Արտակարգ իրավիճակներում մեդիայի աշխատանքի, օրենքների, էթիկայի, պետական և հումանիտար կազմակերպությունների հետ փոխհարաբերությունների մասին քնարկումներից հետո դասընթացի խումբը ճանապարհվեց Ալավերդի՝ մայիսյան ջրհեղեղից տուժած բնակավայրեր՝ տեսնելու, լսելու, պարզելու, թե ինչ նյութերի և տեղեկատվության կարիք կա տեղում։

Շնորհակալություն «Անկյուն գումարած երեք» TV-ի գործընկերներին աջակցության համար։
---

Դասընթացը հնարավոր է դարձել Ամերիկայի ժողովրդի առատաձեռն աջակցությամբ՝ ԱՄՆ Միջազգային զարգացման գործակալության (ԱՄՆ ՄԶԳ) միջոցով:

05/10/2024

📺Շատ շուտով ԲՈՒՆ TV-ով կմեկնարկի Մեդիա Նախաձեռնությունների կենտրոնի նոր հաղորդումը, որն անվանել ենք «Ստուգված է»:

✅Այն պատմելու է Փաստերի ստուգման ժանրի մասին, ներկայացնելու է փաստեր ստուգող լրագրողների աշխատանքները։

📌Հաղորդման մասին առավել մանրամասն կպատմենք շուտով:

02/10/2024

🤖🔄👤 Գիտե՞ք՝ ինչպես ճիշտ հրահանգներ տալ ԱԲ-ին՝ ստեղծելու նյութեր հենց Ձեր լրագրողական ոճով, ինչպես ստուգել՝ արդյոք աշխատանքը ԱԲ-ի կողմից է գեներացված, կամ ինչպես «մարդկայնացնել» ԱԲ-ի ստեղծած բովանդակությունը։

ԱԲ գործիքներին նվիրված երկրորդ աշխատարանում այս և այլ հարցերի ենք անդրադարձել CivilNet-ի փաստեր ստուգող լրագրող Հայկ Հովհաննիսյանի հետ։

Այս թեմայով աշխատարանները շարունակական կլինեն։ Գրառման մեկնաբանություններում դուք ևս կարող եք ԱԲ-ին առնչվող թեմաներ առաջարկել հաջորդ հանդիպումների համար։
---

Դասընթացը հնարավոր է դարձել Ամերիկայի ժողովրդի առատաձեռն աջակցությամբ՝ ԱՄՆ Միջազգային զարգացման գործակալության (ԱՄՆ ՄԶԳ) միջոցով:

01/10/2024

Եռօրյա տեղահանության 70 կմ ճանապարհին մահացավ 64 մարդ, խոշտանգվեց 14-ը։ Արցախի Լուսաձորի դպրոցի տնօրեն Ելենա Սարգսյանը 88 տարեկան էր։ Նա մահացավ կաթվածից, թոռների ներկայությամբ, ճանապարհի կեսին։ Նեղվածքը, անձրևը, հազարավոր մեքենաների խցանումն ու տանջալից ևս մեկ օր տևող ճանապարհը հարազատները մեկ բառով են նկարագրում․ դժոխք։

Պատմությունը կարող եք կարդալ՝ 👉https://docudrama.media.am/nane-grandmother-died-on-artsakh-exile-road

«Վերջին 70,000 մետրը․ի՞նչ է պատմում ճանապարհը» նախագիծը ներկայացնում է արցախցիների բռնի տեղահանության պատմությունները՝ Ստեփանակերտ-Կոռնիձոր ճանապարհին։

30/09/2024

Ըստ պաշտոնական տվյալների՝ Արցախում ապրում էին 20,000 տարեցներ, հաշմանդամություն ունեցող 9,000 անձ։ 2023թ․ սեպտեմբերի 19-20-ին ադրբեջանական ռմբակոծություններից տուժել են ծերերի և խնամքի այլ հաստատություններ։

Ստեփանակերտի ծերանոցի 200 բնակիչներից 2-ը՝ Հայկանուշը և Յուրան պատմում են, թե ինչպես են փրկության սպասել նկուղում, Հայկանուշի ծննդյան 90-ամյակի հաջորդ օրը։

Պատմությունը կարող եք կարդալ՝ 👉https://docudrama.media.am/forcibly-displaced-residents-from-nursing-home-stepanakert

«Վերջին 70,000 մետրը․ի՞նչ է պատմում ճանապարհը» նախագիծը ներկայացնում է արցախցիների բռնի տեղահանության պատմությունները՝ Ստեփանակերտ-Կոռնիձոր ճանապարհին։

27/09/2024

Արցախցի լրագրող Տաթևիկ Խաչատրյանի հեղինակային ֆիլմը պատմում է 4 տղաների մասին, որոնց կապել է իրար երաժշտությունն ու կարոտը հայրենի ծննդավայրի հանդեպ։
---
Ֆիլմը պատրաստվել է «Արագ արձագանքման» ծրագրի շրջանակում, որը ֆինանսավորվում է Եվրոպական միության կողմից։

European Union in Armenia

Տաթևիկ Խաչատրյանի հեղինակային ֆիլմը պատմում է 4 հադրութեցի տղաների մասին, որոնց միավորել է երաժշտությունը:

Address

3 Arshakunyats Avenue , 3rd Floor
Yerevan
0023

Telephone

+37410583620

Website

http://www.mediainitiatives.am/

Alerts

Be the first to know and let us send you an email when Media Initiatives Center posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Media Initiatives Center:

Videos

Մեդիա կառավարման առցանց դպրոց

Ինչո՞ւ որոշեցիք սովորել մեդիա մենեջմենթ, ի՞նչ մեդիա միջավայր կամ ի՞նչ մեդիա եք ուզում ունենալ․ պատասխանում են Մեդիա կառավարման առցանց դպրոցի մասնակիցները։ ✅ Նախագիծն իրականացվում է «Եվրոպական մեդիահարթակ Հայաստանում. հուսալի և պրոֆեսիոնալ լրատվամիջոցների կառուցում» ծրագրի շրջանակում, որը ֆինանսավորում են Եվրոպական միությունը և ԳԴՀ Տնտեսական համագործակցության և զարգացման նախարարությունը։ #mediainitiativescenter #mediamanagement #eschool #մեդիակառավարմանդպրոց

EconomX

Մենք բոլորս տնտեսության մաս ենք կազմում, բայց ինչպե՞ս հասկանանք ոլորտի խնդիրները, եթե տնտեսագետ չենք։ Մենք ստեղծել ենք «ԷկոնոմX» հաղորդաշարը, որպեսզի տնտեսական բարդ թեմաների մասին պատմենք պարզ լեզվով։ Այն կարող եք դիտել յուրաքանչյուր երեքշաբթի 18:30 Առաջինի Լուրեր-ով։ #MICE #mediainitiativescenter #EconomX

Media literacy in Europe: panel discussion

🔹 Այս պահին #մեդիագրագիտության շաբաթվա շրջանակներում միջազգային փորձագետներ Սալի Ռեյնոլդսը, Լաուրի Պալսան, Մարինա Դորոշը և Ադելին Բրիոնը քննարկում են մեդիագրագիտության տարածման եվրոպական ու հայաստանյան փորձը։ #mediainitiativescenter #MLweek21 #ԴԻՄԱԿայումենք #եսմեդիագրագետեմ

🤩 Նոյեմբերի 13-ին և 14-ին արի՛ Երևան մոլ 😷 պատվաստվենք մեդիագրագիտությամբ ու միասին դիմակայենք ապատեղեկատվությանը։ #mediainitiativescenter #MLweek21 #ԴԻՄԱԿայումենք #եսմեդիագրագետեմ #մեդիագրագիտությանշաբաթ2021

կորոնամիֆեր

🔹 Շարունակում ենք «Կորոնամիֆեր» թեմայով ֆեյսբուքյան զրույցները․ Media.am-ի խմբագիր Գեղամ Վարդանյանը և փաստեր ստուգող լրագրող Կարինե Ղազարյանը ամփոփում են հոկտեմբերի սկզբի կորոնավիրուսի և պատվաստումների թեմաներով ամենատարաված ապատեղեկատվություններն ու միֆերը։ #ԴԻՄԱԿայումենք #mediainitiativescenter #Covid19

Հակամարտությունների լուսաբանումը ձայնային մեդիայում․ Տանյա Քեթենջյան

〽️ Տանյա Քեթենջյանը, որն ամերիկյան «SOUND MADE PUBLIC»-ի համահիմնադիրն է և գործադիր պրոդյուսերը, պատմում է, թե ինչպես է պետք պատրաստել փոդքասթ պատերազմների, բախումների, տրավմայի և բռնությունների մասին, ինչպես են դրանք ազդում ձայնային մեդիայում հակամարտությունների լուսաբանմանը։ #TvapatumAftershock #mediainitiativescenter #tvapatum20

Ձայնավոր լոբի․ Նինա Բաղդասարյան

🎧 «Ձայնավոր Լոբի» փոդքասթի հեղինակ Nina Baghdasaryan-ը խորհուրդ է տալիս նկատել, որ ձայնային մեդիան սպառվում է աղմկոտ տեղերում։ 🔉 Փոդքասթերները սա պետք է հաշվի առնեն գրավիչ ձայնային պատումներ ստեղծելիս։ Բաժանորդագրվեք փոդքասթին google podcast-ում 👉shorturl.at/suxT1 «Լսիր ինձ հիմա» ծրագրի մյուս փոդքասթները հասանելի են 👉media.am/podcast/ -ում: #hearmenow #podcast #audio_storytelling #լսիրինձհիմա #փոդքասթ

Լսեք լսելու մասին․ Արամ Պետրոսյան

🦻 Արամ Պետրոսյանը լսողության և լսողական խնդիրներով ապրելու մասին գիտի դեռ մանկուց։ Թեմայով փոդքասթ անելը նրան օգնել է ավելին իմանալ, գտնել աջակիցների, ստեղծել համայնք, ոգևորել և իրազեկել, սովորել ասելիքը պատմելու նոր ձևեր։ Լսեք լսելու մասին փոդքասթը` 🎧 anchor.fm-ում 👉https://bit.ly/3ggTHqF 🎧 apple podcast-ում 👉 https://apple.co/3drzZq9 «Լսիր ինձ հիմա» ծրագրի մյուս փոդքասթները հասանելի են media.am/podcast/ -ում: #podcast #hearmenow #լսիրինձհիմա #podcasting #audio_storytelling