Urbanista / Ուրբանիստա

28/06/2024

Ըստ Hetq մեր գործընկերների, Երևանի Մալաթիա-Սեբաստիայի թիվ 93 գործող մանկապարտեզի երկու մասնաշենքերի պատերը հեռացել են իրարից, երկրաշարժերի հետևանքով ճաքերը մեծացել են, շենքի ներսում տեղ-տեղ անձրևաջրերի հետքեր են, կոյուղաջրերը լցվել են շենքի տակ, որի հետևանքով հատակը ուռել է, իսկ այգում մեծ փոսեր են։
Միաժամանակ, այս պահին մանկապարտեզն ունի 249 սան, ևս 66-ը հերթագրված է։

Երկրորդ հարկի առաստաղն ու հատակը աշխատակիցները պոլիէթիլենային տոպրակներով ծածկել են, որպեսզի անձրևաջրերը չհասնեն առաջին հարկ։ Ուժեղ...

26/06/2024

Օղակաձև զբոսայգու կառուցումն սկսվեց 1960-ականներին՝ Առագաստ սրճարանով: Երկհարկանի սրճարանը հիմա շատ քիչ է նավ հիշեցնում։ Մինչդեռ Ֆելիքս Հակոբյանի նախագծով՝ կառույցի երկրորդ հարկը բացօթյա էր, և երևանյան բարկ արևից ծածկված էր առագաստի կտորով։ Ասում են՝ հենց Հակոբյանն էլ սրճարանը «Առագաստ» է անվանել։

Օղակաձև զբոսայգու առաջին հատվածը

22/06/2024

🌳🌲 Երբ Ալեքսանդր Թամանյանը ազգային քաղաքի և Հովարդի քաղաք-այգիների գաղափարի հիման վրա ստեղծում է Երևան մայրաքաղաքի նախագծի առաջին տարբերակը, այն արդեն գոտեվորված էր կանաչ օղակով։

Մի ամբողջական նախագծով ներկայացնում ենք Թամանյանի մտահղացման ուղիղ կեսի չափով իրագործված Օղակաձև զբոսայգու ամբողջական պատմությունը։

Երևանի կենտրոնը շրջանակող թոքերի ամբողջական պատմությունը

18/06/2024

«Նպատակ» ճարտարապետական չորրորդ ամառային ստուդիայի ընդունելությունը բաց է:

Ստուդիան կազմակերպվում է շվեյցարա-պորտուգալական BUREAU ճարտարապետական ստուդիայի հետ համատեղ։

Ամառային ստուդիայի ընթացքում նախապես ընտրված մասնակիցները, ՆՊԱՏԱԿ-ի թիմի և BUREAU-ի գործընկերների հետ համատեղ կմշակեն, կնախագծեն և կկառուցեն այս տարվա ամառային դպրոցի հիմքում ընկած BUREAU-ի` հեղինակած երեք մասից բաղկացած ծրագրի, վերջին` երրորդ նախագիծը, որը Հայաստանի վայրի բնության լանդշաֆտում տեղակայված արթ օբյեկտ է` կացարան: Առաջին երկուսը իրականացվել են Շվեյցարիայում և Ֆրանսիայում։

Ճարտարապետության և քաղաքաշինության ֆակուլտետների երրորդ և բարձր կուրսերի ուսանողներ, ինչպես նաև նորավարտ մասնագետներ, շտապեք գրանցվել:

Ճարտարապետական ամառային ստուդիան կգործի 2024թ. հուլիսի 15-ից մինչև օգոստոսի 03-ը: Հուլիսի 22-ից Օգոստտոսի 03-ը ամառային դպրոցը անցկացնելու ենք Արարատի մարզի` Ուրցաձոր համայնքում:
Դիմումների ընդունման վերջնաժամկետը հուլիսի 1-ն է, ժամը 23:59:
Մասնակցությունն անվճար է:

Մասնակցության պայմաններին և կանոնակարգին ծանոթացեք գրանցման հղման մեջ։

👉 Գրանցվե՜ք հղումով` https://forms.gle/rbT39KoX6BxTxYYR8

17/06/2024

Երևանի քաղաքապետարանում վերադարձել են ֆրանսիացի ճարտարապետ Ժան-Միշել Վիլմոտի՝ Կասկադի վերին հատվածի վերաբերյալ հայեցակարգին:

Ի՞նչ կասեք այդ մասին։

13/06/2024

Գյումրի քաղաքի «Մուշ-2» թաղամասում «Հայաստան» համահայկական հիմնադրամի կողմից կառուցված երկու նորակառույց բնակելի շենքում կբնակեցվեն տարիներ շարունակ ժամանակավոր տնակներում բնակվող 50 ընտանիք։

ԳՅՈՒՄՐԻ,  13  ՀՈՒՆԻՍԻ,  ԱՐՄԵՆՊՐԵՍ: Գյումրի  քաղաքի «Մուշ-2» թաղամասում (Կ․ Հալաբյան փ. 1),  տեղի ունեցավ «Հայաստ...

12/06/2024

Սիրելի ընթերցողներ, Urbanista / Ուրբանիստա թիմն աշխատում է Երևանի Օղակաձև զբոսայգուն նվիրված մեծ հոդվածի վրա։
Շնորհակալ կլինենք, եթե կիսվեք ձեր արխիվային լուսանկարներով, հուշերով, էսքիզնեևով՝ դառնալով մեծ պատմության համահեղինակ։ Հիշեցնենք, որ բոլոր հեղինակային իրավունքները պահպանվելու են։

Կանխավ շնորհակալ ենք։

11/06/2024

Այս հուշարձան ցայտաղբյուրը գտնվում է Թբիլիսիի Ազատության հրապարակում, մետրոյի հարևանությամբ։ Երկար տարիներ այն անմխիթար վիճակում էր, սակայն վերջերս վերականգնվել է եվ նորից աշխատում է։ Ջրի խնայողության համար յուրաքանչյուր ծորակի տակ տեղադրվել են ոտնակներ։

Հեղինակն է ճարտարապետ Դավիթ Մորբեդաձեն։ Նա Թբիլիսիի նախկին հանրախանութի համահեղինակներից է, որի տարածքն ընդգրկում էր նաև մետրոյի մուտքը և Գրիբոյեդովի անվան թատրոնը։

09/06/2024

Ցավոք տեղահանված մարդկանց բնակարանային խնդրի լուծումները հաճախ պահանջում են արագություն, սակայն դա կարող է բերել իր հետևանքները։ Նման դառը փորձ ունեն մեր վրացի հարևանները։

Ռուս-վրացական հակամարտության պատճառով 2008 թվականին տասնյակ հազարավոր վրացիներ ստիպված եղան լքել իրենց բնակավայրերը Վրաստանի հյուսիսային հատվածում։ Ծերովանին այն նորաստեղծ բնակավայրերից է, որ գրեթե միանգամից ստեղծվեցին տեղահանված անձանց համար։ Սակայն գրեթե միանգամից պարզ դարձավ, որ արագ կառուցապատման հետեւանքով նորաստեղծ գյուղի տներն ունեն մի շարք խնդիրներ։

08/06/2024

Վիեննայի արվարձանում, նախկին արդյունաբերական տարածքում ստեղծված Biotope City թաղամասը քաղաքաշինական նախագիծ է եվ կայուն քաղաքային պլանավորման վառ օրինակ: Նախագիծը, որը մշակել է ուրբանիստ և ճարտարապետ Հելգա Ֆասբինդերը, բնությունը խորապես ինտեգրում է քաղաքային միջավայրին՝ լուծելու այնպիսի մարտահրավերներ, ինչպիսիք են կլիմայի փոփոխությունը, կենսաբազմազանության կորուստը և կայուն կենսատարածքների անհրաժեշտությունը:

Նախագիծը մեկնարկել էր դեռ 2000-ականների սկզբին՝ իբրեվ քաղաքային թաղամաս, որտեղ կարևոր է էկոլոգիապես մաքուր, էներգաարդյունավետ և սոցիալական, ներառական տարածքների ստեղծումը:

Առաջին լուսանկարի շենքի մի հատվածը հատկացված է սոցիալական բնակարանների, իսկ մյուսը՝ կոմերցիոն նշանակության է։ Եթե ուշադիր նայեք, ապա կտեսնեք, որ շենքի մի մասը կանաչապատ է, իսկ մյուսը՝ ոչ։ Կարո՞ղ եք ասել, թե այս երկու հատվածներից որ մեկում են տեղակայված սոցիալական բնակարանները։

05/06/2024

🏘Ձեր հիշողությունները կարևոր են

Մեր գործընկեր Homeing նախագծի կարևոր բաղադրիչ է սոցիոլոգիական հետազոտությունը: Որպես հետազոտական արտ ​​նախագիծ՝ «Homeing»-ը ձգտում է վերաիմաստավորել «տուն» հայեցակարգը, ինչն իր մեջ ներառում է միգրանտների, տեղահանվածների և փախստականների հիշողությունների հավաքագրում և վերլուծություն:

Համագործակցելով Երևանի պետական ​​համալսարանի Սսոցիոլոգիայի կան ֆակուլտետի և «Սոցիես» փորձագիտական ​​կենտրոնի ( Socies • Սոցիես ) հետ՝ մենք հիշողություններ ենք հավաքում՝ հարստացնելու «Կորած և գտնված պահոց» կոչվող մեր թվային արխիվը:

Դուք կարող եք մասնակցել և նպաստել հետազոտությանը` լրացնելով հարցաթերթիկը: Այն հասանելի է անգլերեն, ուկրաիներեն, հայերեն, վրացերեն և ռուսերեն լեզուներով: Ձեր պատասխաններն անանուն կլինեն։ Դրանք կօգնեն մեզ ստեղծել հավաքական հիշողությունների համապարփակ պատկեր:

Ինչպես մասնակցել.
1. Մուտք գործեք www.homeing.org և ընտրեք Lost and Found Bureau բաժնի Ձեր նախընտրած լեզուն։
2. Սեղմեք «Սկսել» կոճակը:
3. Պատասխանեք Ձեր կորցրած/լքած տան վերաբերյալ հարցերին․ նկարագրեք նյութերը, լուսավորությունը, գույները, հոտերը, ընկալումները, անցուդարձը և ճարտարապետական ​​մանրամասները:
4. Պատասխանեք ամբողջական նախադասություններով կամ նկարագրեք հիշողությունների դրվագներն այնպես, կարծես երազ եք վերհիշում և պատմում:
5. Ձեր պատասխաններն անանուն կերպով կպահվեն մեր արխիվում:
6. Վերջին հարցից հետո սեղմեք «Հաստատել» կոճակը՝ համոզվելու համար, որ ձեր պատասխանը պահպանվել է:

Ձեր մասնակցությունն անգնահատելի աջակցություն է առաջիկա ցուցահանդեսների և ընթացիկ սոցիոլոգիական հետազոտությունների համար։ Մենք երախտապարտ ենք ձեր տրամադրած ժամանակի համար:

04/06/2024

Երբ 1987 թվականին Վիեննայի Շպիտտելաու աղբի այրման գործարանը վերակառուցելիս հրավիրեցին ճարտարապետ և նկարիչ Ֆրիդենսռայխ Խունդերտվասերին, նա պայման դրեց, որ կմիանա նախագծին միայն այն պայմանով, որ վերակառուցված գործարանը շրջակա միջավայրին նվազագույն վնաս է հասցնելու։
1992 թվականին այս գործարանը պաշտոնապես վերաբացվեց: Վերջերս կրկին վերազինվելու շնորհիվ այժմ այրում է մինչև 250 հազար տոննա աղբ՝ նվազագույնին հասցնելով արտանետումների չափսերը։ Այն ապահովում է ջեռուցում 60 հազար տնային տնտեսությունների և էլեկտրաէներգիա 50 հազար տնային տնտեսությունների համար։

03/06/2024

Ճարտարապետ, հետազոտող Անդրեյ Իվանովի «Архитектура без архитектора. Вернакулярные районы городов мира» գիրքը "АРХ МОСКВА 2024" փառատոնի «Հրատարակված լավագույն ճարտարապետական հետազոտություն» անվանակարգում առաջին տեղն է զբաղեցրել:

Հետազոտության համար Անդրեյ Իվանովն ուսումնասիրել է նաև Գյումրիի և Երևանի վերնակուլյար ճարտարապետությունն ու թաղամասերը:

03/06/2024

Վաղուց չէինք անդրադարձել «Քաղաքների զարկերակին»։ ՏԵսնենք, թե նախորդ մեկ շաբաթում հայաստանյան քաղաքների մասին ինչ էին գրում լրահոսում գտած նորությունները․

✅ Կոնդ թաղամասի վերակառցմանը նվիրված միջազգային բաց մրցույթի երկրորդ փուլի արդյունքների ամփոփվումը ակնկալվում է մինչև դեկտեմբերի 20-ը։ Քաղաքապետը խնդրեց տրամադրել հավանական հաղտողների ցանկը, որպեսզի սկսեն աշխատել։ Իսկ Նորագյուղ թաղամասի փոխարեն նախատեսվում է կառուցել Երևանի նոր երկրորդ կենտրոնը, Ծիծեռնակաբերդի սպորտային համալիրի տարածքում նախատեսված է կառուցել Ալբերտ Ազարյանի անվան մանկապատանեկան մարզադպրոցի նոր շենքի․ https://bit.ly/3yO6so4

✅ Տիղմից մաքրման աշխատանքներ են կատարվում առաջին օրերին Ալավերդի համայնքից կտրված բնակավայրերում։ https://a1plus.am/hy/article/473683

✅ Լոռիում տեղի ունեցած աղետի հետևանքով մայիսի 26-ից Թեղուտի պղինձ-մոլիբդենային հանքավայրը և լեռնահարստացման կոմբինատը դադարեցրել են աշխատանքները: https://hetq.am/hy/article/167045

✅ Աղետի գոտու վնասի գնահատումն ընթացքի մեջ է. վերականգնման մի քանի տարբերակ է դիտարկվում. https://bit.ly/3VtlZ5C

✅ Սյունիքում 130 ընտանիք արդեն օգտվում է 16 մլն դրամ պետական աջակցությամբ տուն կառուցելու ծրագրից. https://bit.ly/4c2GJGz

✅ Կապանի Հալիձոր թաղամասի թիվ 6, 8 և 15 բազմաբնակարան բնակելի շենքերի հարևանությամբ բացվել է վերակառուցած խաղահրապարակ, մարզադաշտ և հանգստի գոտի։ https://bit.ly/3wZVGKJ

✅ Բացվել է Գյումրիի բարեկամության այգու զվարճանքների գորին․ https://bit.ly/4c4GTgy

✅ Սևան քաղաքում սուբվենցիոն ծրագրի շրջանակներում հիմնանորոգվողւմ են քաղաքի փողոցներն և մայթերը, https://bit.ly/4bKf1P2

03/06/2024

Fonds Arménien de France արդեն 17 տարի գործում է Հայաստանում՝ հիմնականում գյուղատնտեսության ոլորտում։ Սակայն 2020-ին հիմնադրամը ստիպված եղավ փոփոխություններ մտցնել իր գործունեության մեջ՝ թիրախավորելով նաև Արցախից բռնի տեղահանված հայրենակիցներին։

31/05/2024

Բնակարանային հարցը խիստ քաղաքական է և դիտարկվում է որպես հիմնարար իրավունքներից մեկը՝ համարժեք առողջապահական և ընդհանուր կրթության իրավունքներին:
Ճարտարապետ և ուրբանիստ Հեղինե Փիլոսյանը վերլուծում է, թե որքանով է բնակարանային տնտեսությունը մատչելի Հայաստանում։

Բնակարանների անսովոր բարձր պահանջարկը բնակչության էքսպոնենցիոնալ աճի առաջ կանգնած՝ անպատրաստ ենթակառուցվածքով քաղաքի դասական «ախտանիշ» է:

31/05/2024

Հարյուրավոր կամավորներ ակտիվ մասնակցում են ջրհեղեղի հետևանքների վերացման աշխատանքում։

ԱԼԱՎԵՐԴԻ, 30 ՄԱՅԻՍԻ, ԱՐՄԵՆՊՐԵՍ: Ալավերդի քաղաքում ջրհեղեղի հետևանքների վերացման աշխատանքներին աշխուժորեն ու պատրաստակամությամբ մասնակցում են նաև բազմաթիվ կամավոր...

30/05/2024

SOM ընկերության Սան Ֆրանցիսկոյի գրասենյակի սեյսմիկ և կառուցվածքային ճարտարագիտության գործընկեր Մարկ Սարկիսյանը դասախոսություն կկարդա «Հնարամիտ ճարտարապետություն՝ ոգեշնչված ստեղծարար ինժեներիայից» թեմայով։

Պարոն Սարկիսյանը հայաստանում է գտնվում «Ռենշին» ընկերության և «Համաշխարհային առևտրի կենտրոն Երևան»-ի հրավերով։

📆 Մայիսի 30-31-ին, ժամը՝ 10։00 - 12:30
📍 Courtyard Marriott (Տերյան 5)

Մասնակցությունը գրանցումով․ https://forms.gle/BCxHu58wDnTgTaud6

30/05/2024

Rambalkoshe -ն և Electric Architects -ը մայիսի 31-ից հունիսի 2-ը տարվա առաջին musæum-ի շրջանակներում կիրականացնեն "Total Drama" փառատոնը, որը տեղի կունենա ATS փոփ-ափ պատկերասրահի ընդարձակ 5000մ² տարածքում։

Միայն երեք օր տևողությամբ ցուցահանդեսը ծնվել է տարբեր ոլորտների ու տասնյակ արտիստների նվիրումի միաձուլումից։

29/05/2024

Առջիկա մի քանի ամիսների ընթացքում, Homeing նախագծի մեր գործընկերների հետ միասին հետաքրքիր հադիպումներ ենք խոստանում։

«Homeing» հետազոտական արտ նախագիծը նպատակ ունի ստեղծել տարածքներ՝ ուսումնասիրելու և վերաձևակերպելու «տուն» հասկացությունը զանգվածային միգրացիայի և անորոշության ժամանակներում: Ծրագիրը ներառում է տվյալների հավաքագրում, արխիվացում և հետազոտություն, որոնք կբացահայտեն մի շարք փոխկապակցված իրադարձություններ վերջին միգրացիոն ալիքներից տուժած վայրերում։

Նախատեսվող իրադարձություններ 🌍🏠

📅 Հանրային դասախոսություն և քննարկում Rage Garage-ում (Երևան, հունիս)․ նպաստեք տեղահանման և քաղաքային ինտեգրման շուրջ երկխոսությանը ` Homeing-ի համահիմնադիր, ճարտարապետ, նկարիչ Մարիա Կրեմերի և քաղաքային աշխարհագրագետ, մարդաբան Մարիա Գունկոյի հետ:

📅 «Կորսված և գտնված», ցուցահանդես (Երևան, սեպտեմբեր).
առերեսվեք լքված տների վերաբերյալ հիշողություններին գեղարվեստական աշխատանքների միջոցով:

📅 Հանրային դասախոսություն, քննարկում և աշխատաժողով (Երևան, նոյեմբեր). համագործակցե՛ք մեզ հետ և «Տեղահանված դիզայներների գրասենյակի» հետ (Ռոբերտ Մուլ, Շարեն Էլնաշկի)՝ ստեղծելու և պլանավորելու փորձնական նախագծեր, որոնք ուղղված են Երևանի համայնքային կարիքներին:

Միջոցառումները նպատակ ունեն նպաստել քաղաքային միջավայրի մասնագետների, ստեղծագործողների, սոցիալական ոլորտի հետազոտողների, տեղահանվածների և հյուրընկալող համայնքի միջև երկխոսության խթանմանը:

Ծրագիրն իրականացվում է Եվրասիա համագործակցություն հիմնադրամի ֆինանսական աջակցությամբ «Ճգնաժամի հասցեագրում. երկրորդ փուլ» նախագծի շրջանակներում:

27/05/2024

Լոռիում և Տավուշում հեղեղումների հետևանքով 17 կամուրջ է փլուզվել, որոնցից 5-ը խոշոր կամուրջներ են։

ԵՐԵՎԱՆ, 27 ՄԱՅԻՍԻ, ԱՐՄԵՆՊՐԵՍ։ Լոռիում և Տավուշում հեղեղումների հետևանքով 17 կամուրջ է փլուզվել, որոնցից  5-ը խոշոր  կամուրջներ են։

16/05/2024

Մեր տելեգրամյան ալիքում շատ փոքրիկ հարցում ենք անում։
Մասնակցեք հարցմանը՝ ձեր կարծիքը մեր համար կարևոր է։

16/05/2024

Օդերի Ֆրանկֆուրտի Վիադրինա եվրոպական համալսարանում գործող Viadrinicum - Summer School նվիրված է Արևելյան գործընկերության, իսկ ավելի լայն համատեքստում Կենտրոնական և Արևելյան Եվրոպայի երկրներին: Այս տարի դպրոցի թիրախում քաղաքային տարածքներն են՝ իբրև տարաբնույթ (չ)ուսուցողական գործընթացների միջավայր՝ ակտիվացնելու ճանաչման, ընկալման և միավորման զանազան տարբերակները:

Եթե քեզ հետաքրքիր է ուսումնասիրել քաղաքային կերպափոխման ընթացքը քաղաքային անփոփոխ համայնապատկերի և հետագծի վերափոխման միջոցով, ապա սա այդպիսի հնարավորություն է։

Նախագծին մասնակցելու համար կարող եք դիմել, եթե․

• ուսանող եք, ասպիրանտ, ՀԿ ակտիվիստ կամ մինչև 35 տարեկան արվեստագետ;

• հետաքրքրված եք միջոլորտային և միջգիտակարգային այդ թեմաների շուրջ նման մոտեցումներով;

• ձեր անգլերենի իմացությունը բավարար է քննարկումներին ակտիվ մասնակցելու համար:

Դիմելու վերջնաժամկետը՝ մայիսի 20
Հայտադիմումը լրացնելու համար անցեք հետևյալ հղումով՝ https://form.typeform.com/to/XyndPXP6

15/05/2024

Սյունիքի լեռնային տեղանքով անցնող երկաթուղին կառուցվել էր արդյունաբերական բեռներ տեղափոխելու համար: Հանքարդյունաբերական գործարանների արտադրանքը, անհարմար ավտոմայրուղու փոխարեն, փոխադրվում էր երկաթուղային ճանապարհով։ Երևան-Բաքու երկաթգծի Մերձարաքսյան հատվածը կառուցվել է երկրորդ աշխարհամարտի սկզբում և շահագործման հանձնվել 1943թ-ի աշնանը։

Ամբողջական հոդվածը՝ https://urbanista.am/meghri-railway