Վանաձորի «Արմենիա» առողջարանի կանաչապատ տարածքում ստեղծված են հրաշալի պայմաններ հանգիստն անցկացնելու և վերականգնվելու համար։ Ամբողջ երկայնքով հոսում է «Վանաձոր» գետը, իսկ հարևանությամբ գտնվում է արհեստական լիճ, մարզական համալիր, ինչպես նաև եկեղեցի։
Բուժական կենտրոնում (երկրում գործող խոշորագույններից մեկը) գործում է ցեխաբուժարան, որը միակն է Հայաստանում (օգտագործվում է սեփական «Ֆիոլետովո» տորֆի
հանքավայրը), ջրաբուժարան, որտեղ օգտագործվում է «Լոռի» հանքային ջուրը, ինչպես նաև ֆիզիոթերապևտիկ, աղեստամոքսային տրակտի հիվանդությունների և դիագնոստիկ բաժանմունքներ։
Համալիրն առաջարկում է հարմարավետ 1 և 2 տեղանոց ստանդարտ, կիսալյուքս և լյուքս հյուրանոցային համարներ։ Համարներն ապահովված են տաք և սառը ջրամատակարարմամբ, ջեռուցման համակարգով, տեղադրված է հեռուստացույց կաբելային հեռարձակմամբ, սառնարան, հեռախոս, WiFi ինտերնետային կապ։
Առողջարանի ռեստորանային մասում մատուցվում է օրական 4-անգամյա բարձրակարգ և դիետիկ սնունդ։
Առողջարանը հոգում է նաև իր այցելուների հաճելի ժամանցի մասին։ Այստեղ կազմակերպվում են տարբեր միջոցառումներ և էքսկուրսիաներ դեպի տեսարժան վայրեր։ Գործում է նաև բար, խաղասենյակ (բիլիարդ, թենիս և այլն), գրադարան։ Տրամադրվում են նաև դահլիճներ սեմինարներ, կոնֆերանսներ և այլ միջոցառումներ կազմակերպելու համար։