էջը ստեղծվել է ստորջրյա նկարահանումներով հետաքրքրվողների, սուզորդների, պատմաբանների, հնագետների, ստորջրյա հնագիտությամբ հետաքրքրվողների և բոլոր հետաքրքրասերների համար:
Մեր էջում պարբերաբար տեղադրվում է ի նկարահանած տեսանյութերը՝ Սևանա լճի տարբեր ափերում և տարբեր խորություններում, ինչպես և Կարմիր ծովում:
Էջում կտեղեկացնի նաև Ստորջրյա հնագիտության զարգացման ուղությամբ աշխարհի տարբեր երկրներում իրականացված ու իրականացվող հետազոտական աշխատանքների արդյունքները:
Կիմանաք հայ ծովագնացության պատմությանը, տարբեր ժամանակների հայ ծովագնացների, նավապետերի, ստորջրյա հնագետների և հանրահայտ ծովահայերի մասին:
Ջրասուզակների, հնագետների, պատմաբանների, ձկնաբանների, երկրաբանների, բնապահպանների, փրկարարների, կենսաբանների, բուսաբանների, հոգևորականների և շատ այլ մասնագետների հարզազրույցերից կտեղեկանաք մասնագիտական ու գիտահետազոտական աշխատանքների մասին:
Կտեղեկանաք աշխարհի տարբեր ծովերի և օվկիանոսների հատակում հանգրվանող բնակավայրերի վկայությունների, խորտակված նավերի և ստորջրյա թանգարանների մասին:
ԲԱՐԻ ՆԱՎԱՐԿՈՒԹՅՈՒՆ ՄԵՐ ԷՋՈՒՄ…
Պատմական անցյալից- մեր օրեր
Հնում՝ ծովից-ծով Հայաստանում, ինչպես և միջնադարում՝ Կիլիկյան Հայաստանում մեր նախնիները տվյալ ժամանակի հետ համահունչ իմացել են ամեն ինչ ծովերի, նավարկությունների ու ժամանակի նավաշինության մասին /պատմական հիշատակումները՝ /Մովսես Խոանհիրենացի, Հովհաննես Դրասխանակերտցի, Թովմա Արծրունի, Կիրակոս Գանձակեցի/։
Մեր օրերում հայերս հնարավորություն ունենք ծովային հետազոտություններ կատարել և նավարկել միայն Սևանա լճում, ինչը տարբեր բնագավառի գիտնականների պնդմամբ բազմակողմանի ուսումնասիրության կարիք ունի։
Անցած դարի կեսերն Խորհրդային Հայաստանում Սևանի ջրի մակարդակի իջեցումը բերեց էկոհամակարգի խախտման և միաժամանակ հնագիտական մեծ հայտնագործության հիմք հանդիսացավ Լճաշենի հատվածում բացվեց բրոնզեդարյան փառահեղ պատմության վկայությունները, որոնք ցուցադրվում են ոչ միայն Հայաստանի պատմության թանգարանում, նաև Սանկտ Պետերբուրգի Էրմիտաժում։ Լճաշենի հնավայրի մասին չկար ոչ մի պատմական ստույգ տեղեկություն նախքան լճի մակարդակի իջեցման հետևանքով տեղանքի բացվելը, ինչը վկայում է այն մասին, որ Սևանը տարբեր ժամանակաշրջանների պատմության հարուստ գաղտնարան է։
Լիճը ցամաքեցնելով և էկոհամակարգը կաթվածահար անելով պատմությունը վեր հանելը մեր օրերում արդիական չէ, քանի որ միջազգային փորձում լայն կիրառում ունի ստորջրյա հնագիտությունը, ինչի կիրառումը սակայն մեր երկրի գիտական շրջանակներին մեծապես անծանոթ է՝ ջրասուզական փորձի բացակայության պատճառով։
Քչերը գիտեն, որ Սևանն իր բարձրլեռնային դիրքով ու քաղցրահամ ջրով տարբեր բնագավառների հետազոտողներից բացի նաև հրաշալի պայմաններ է ստեղծում էքստրիմալ դայվինգի սիրահարների համար, ովքեր Սևանում սուզվելն իր բարդությամբ համարում են երկրորդն աշխարհում ՝ Հարավային Ամերիկայի Տիտիկակա լճից հետո: Վերջին տարիներին շնորհիվ տարբեր երկրներից միջազգային որակավորում ունեցող ջրասուզակներ են գալիս Սևանում սուզվելու և բարդությունն զգալու:
