Armenian Comic Book Community

03/07/2024

Լուսանկարներ ու տեսագրություններ «Սուպերմեն» ֆիլմի՝ հուլիսի 1-ին անցկացված նկարահանումներից։
https://x.com/clevelanddotcom/status/1807857777278111975
https://x.com/clevelanddotcom/status/1808139372845301910

|

03/07/2024

Լուսանկարներ «Սուպերմեն» ֆիլմի՝ հուլիսի 1-ին անցկացված նկարահանումներից։

|

03/07/2024

«Ագռավը» ֆիլմի նոր պրոմոն։

|

03/07/2024

«Դեդփուլ և Կուղխ» ֆիլմի նոր պաստառը։

|

03/07/2024

Empire ամսագրի նոր համարում ներառված է լինելու «Մատանիների Տիրակալն։ Իշխանության մատանիները» սերիալի 2-րդ եթերաշրջանի գլխավոր դերակատարներից Չարլի Վիքերզի և Մորվիթ Քլարքի համատեղ ֆոտոսեսիան, որից առայժմ հրապարակվել է միայն այս լուսանկարը։
Մենք վաղուց ոչ մի ֆոտոսեսիա չենք հրապարակել։ Այժմ հարց․ պե՞տք է արդյոք առհասարակ վերսկսել հրապարակել ցանկացած դերակատարների ֆոտոսեսիաները։

|

03/07/2024

DC Comics-ը ներկայացրել է Absolute Power իրադարձության պաշտոնական թրեյլերը։
https://youtu.be/cToD6zMfc20?si=hBPyoU5ZA4xwcHxr

|

Powers stolen. Spirits unbroken. DC’s summer blockbuster starts in July with ABSOLUTE POWER #1 by Mark Waid and Dan Mora!Subscribe To DC: https://bit.ly/3vDk...

03/07/2024

Նոր կադր «Մատանիների Տիրակալը։ Ռոհիռիմի պատերազմը» լիամետրաժ անիմեից։

|

03/07/2024

The Official Marvel Podcast-ի նոր թողարկման ժամանակ Marvel Studios-ի տնօրեն Քևին Ֆայգին թեթևակի անդրադարձել է Marvel Spotlight խորագրի ներքո թողարկվելիք «Հրաշք Մարդ» մինիսերիալին։ Թեպետ Ֆայգին շատ բան չի բացահայտել, նա միայն նշել է, որ մինիսերիալը չափազանց տարբերվում է ստուդիայի՝ մինչ այժմ թողարկված մյուս նախագծերից։

|

03/07/2024

«Տղեքը» սերիալի շոուռաներ Էրիկ Քրիփքին Variety-ին տված հարցազրույցում բացահայտել է հետևյալն ընթացիկ 4-րդ ու սպասվող վերջին՝ 5-րդ եթերաշրջանների, ինչպես նաև՝ առհասարակ Վոութի սերիալային աշխարհի ապագայի մասին։
● Եթե հոլիվուդյան գործադուլները չլինեին, 4-րդ եթերաշրջանի պրեմիերան տեղի կունենար կա՛մ անցած տարվա վերջին, կա՛մ՝ այս տարվա սկզբին։
● Հաշվի առնելով գլխավոր դերակատարների դերասանական տաղանդները՝ Քրիփքին և մյուս հեղինակները փոխել են կերպարներին այնպես, որ դերասանները ոչ միայն կարողանան իրենց հարմար զգալ դերում, այլև՝ կարողանան աճելու ու զարգանալու տեղ ունենալ։
● Դերասանական կազմն այնքան է մտերմացել միմյանց հետ, որ նույնիսկ երբ նրանցից մեկի մասնակցությամբ տեսարանները նկարվել-ավարտվել են, սակայն բուն նկարահանումները՝ ո՛չ, դերակատարները գերադասում են մնալ նկարահանման հրապարակում ու ազատ ժամանակն անցկացնել, օրինակ՝ նարդի խաղալով։
● Եթե Քեմերոն Քրովեթին չկարողանար լավ մարմնավորել Ռայանին, ապա դժվար թե նրա դերն այսքան մեծանար։
● Ջեֆրի Դին Մորգանի մարմնավորած Ջո Քեսլերն իր կոմիքսային տարբերակի հետ միայն նույն անունն է կիսում․ կերպարի 2 տարբերակներն արմատապես իրարից տարբերվում են։ Սերիալային Քեսլերին որոշել են վերածել այն մարդուն, ով, ի տարբերություն բոլորի, Բութչերին կոչ է անում երբեք հետ չկանգնել ու չսզպել իրեն։ Քեսլերը Բութչերի նման վտանգավոր է և դերասան Կառլ Ուրբանի նման խարիզմատիկ, և դա շատ վտանգավոր կոմբինացիա է։
● Քույր Իմաստունին ստեղծելու գաղափարն առաջ է եկել, երբ հեղինակները գիտակցել են, որ Հայրենասերը շրջապատված է հիմարներով, և ժամանակն է ներկայացնելու մեկին, ով բոլորից խելացի է։ Հետագայում սցենարիստներից մեկն առաջարկել է կերպարին ավելի հետաքրքիր դարձնելու համար նրան դարձնել սևամորթ մի կին, ում ոչ ոք չի լսում, ինչն արտացոլում է իրական աշխարհի նմանատիպ կանանց, ովքեր հիմնականում անտեսվում են սպիտակամորթների կողմից։
● Քրիփքին պատրաստ է «Տղեք»-ում ու «Վ Սերունդ»-ում ներկայացնել տարբեր զատկիթներ ու փոխանակվել կերպարներով, սակայն լիարժեք քրոսսովերին դեմ է, քանի որ կարծում է, որ հանդիսատեսն, ով չի հետևում նախագծերից մեկին, ստիպված կլինի դիտել մյուսն ամբողջությամբ՝ կատարվելիքը հասկանալու համար, իսկ իր նպատակն է սերիալներն անկախ թողնել, չնայած որ դրանք փոխկապակցված են ու նույն աշխարհին են պատկանում։
● The Boys կոմիքսն ու սերիալը շատ են իրարից տարբերվում տարբեր հարցերում, օրինակ՝ կոմիքսն ավելի շատ բաղկացած էր 1-, 2- կամ 3-մասանի սյուժեներից, իսկ ընդհանուր, հաջորդական զարգացում գրեթե չէր նկատվում, մինչդեռ սերիալում հակառակն է։ Սկզբնաղբյուրի պատմողական ոճից շեղվելու մասին Քրիփքին հայտնել է կոմիքսի սցենարիստ Գարթ Էնիսին՝ հարցնելով, թե արդյոք նա դրան դեմ չէ։ Էնիսը միայն հավանություն է տվել Քրիփքիի գաղափարին ու ասել, որ իր միակ պահանջը Բութչերին ճիշտ ներկայացնելն է։
● Լինելով Իռլանդիայից ու ծանոթ լինելով Արևելյան Լոնդոնի բնակչի խոսքին՝ Էնիսը երբեմն օգնում է սցենարիստներին Բութչերի խոսքերը գրելու հարցում։
● Քրիփքին խոստացել է, որ սերիալը կավարտվի բոլորովին այլ կերպ․ կոմիքսի ավարտն այն չի կրկնի, սակայն վերջին եթերաշրջանի որոշ իրադարձություններ այնուամենայնիվ մասամբ կոգեշնչվեն կոմիքսի ավարտով։
● «Տղեքը։ Մեքսիկա» պայմանական վերնագրով պոտենցիալ սերիալի ստեղծման համար դեռ շատ ժամանակ է անհրաժեշտ։ Հունիսի սկզբի դրությամբ՝ նրանք դեռ նոր են պայմանագիր կնքում սցենարիստի հետ, ով դրանից հետո պետք է անցնի պիլոտային սերիայի սցենարի գրմանը։
● Չշեղվելով կոմիքսներից՝ սերիալի հեղինակներն ամեն դեպքում պատրաստվում էին Կիմիկոյի ու Ֆրանսիացու մասնակցությամբ տեսարաններ ստեղծել, սակայն տեսնելով Քերըն Ֆուկուհարայի և Տոմեր Կապոնի անկրկնելի ու բնական «քիմիան»՝ նրանք որոշեցին նմանատիպ տեսարանների քանակը հնարավորինս շատացնել։
● Կոմիքսներում շատ ուշ բացահայտվում է, որ Սև Նուարն իրականում Հայրենասերի կլոնն է, ով վերջինիս փոխարեն արել է նրա չարագործությունների մեծ մասը, սակայն սերիալի համար Քրիփքին որոշել է հրաժարվել այդ գաղափարից ու ներկայացնել Հայրենասերին՝ իբրև իրական ու լիարժեք չարագործի, ով անձամբ է անում իր վատ գործերը։
● Չնայած «Տղեք»-ի ավարտին՝ Վոութի Սերիալային Աշխարհը դեռ կշարունակի իր գործունեությունն այլ նախագծերում։ Քրիփքին դեռ չգիտի՝ որքան ժամանակով, սակայն վախենում է, որ իրենք կամաց-կամաց վերածվում են մի բանի, որը սերիալում ծաղրվում է իրենց իսկ կողմից։ Այդ իսկ պատճառով շարունակվող ու պոտենցիալ նոր սերիալները պետք է նախ և առաջ ունենան ասելիք, որպեսզի վաստակեն գոյություն ունենալու իրավունքը, և պետք է լինեն հետաքրքիր պատմություններ, որոնց հետևելը չի ձանձրացնի հանդիսատեսին։ Քրիփքին նախ և առաջ կարևորում է նախագծերի որակը։

|

03/07/2024

Հուլիսին լույս տեսնող, սցենարիստ Ալիսսա Վոնգի ու նկարչուհի Ջեն Բազալդուայի Captain Marvel #10-ը կլինի օնգոինգի այս հատորի վերջին համարը։ Թեև պաշտոնապես այդ մասին չի խոսվել, 11-րդ համարը բացակայում է օգոստոսի ու սեպտեմբերի կոմիքսների ցանկում, ուստի օնգոինգի փակման հավանականությունն ավելի քան մեծ է։

|

03/07/2024

The Official Marvel Podcast-ի նոր թողարկման ժամանակ Marvel Studios-ի տնօրեն Քևին Ֆայգիին հարցրել են, թե ստուդիայի որ նախագծին է նա ամենաշատը սպասում, Ֆայգին նշել է, որ թեև գալիք ֆիլմերն ու մինիսերիալները նրանք դիտարկում են՝ որպես սեփական «երեխաների» ու սիրում են հավասարաչափ, ինքն այնուամենայնիվ շատ է ոգևորված «Ֆանտաստիկ Քառյակը» ֆիլմով։ Նկարահանումները կմեկնարկեն Լոնդոնում (ռեժիսոր Մեթ Շեքմենն արդեն այնտեղ է ու նախապատրաստվում է նկարահանումներին) հուլիսի վերջին, իսկ ավելի կոնկրետ՝ հուլիսի 29-ին, սակայն նախքան այդ հանդիսատեսը հնարավորություն կունենա տեսնելու ֆիլմի գլխավոր դերակատարներին և միգուցե նոր տվյալներ իմանա հուլիսի 25-28-ն ընկած ժամանակահատվածում Սան Դիեգոյի Կոմիկ-Կոնի ժամանակ։ Ֆայգին նաև պաշտոնապես հաստատել է, որ ֆիլմը կարելի է համարել պատմական, քանի որ իրադարձությունները ծավալվելու են 1960-ականներին, սակայն ոչ թե Մարվելի Կինոաշխարհում՝ Երկիր-199999-ում, այլ՝ դրան զուգահեռ իրականությունում, որտեղ 60-ականների Նյու Յորքն ավելի շատ ֆուտուրիստական քաղաքի է նման։
Ֆայգիի բացահայտումից 1 օր առաջ Nexus Point News-ը հայտնել էր, որ ըստ իրենց ստացած տվյալների՝ նկարահանումները մեկնարկելու են հուլիսի 24-ին ու ավարտվելու դեկտեմբերին։ Ֆայգիի՝ նկարահանումների ճիշտ օրը հայտնելը, սակայն, այդքան էլ հեռու չէ կայքի հայտնածից, և առհասարակ նմանատիպ փոփոխություններ միշտ էլ լինում են։ Ինչևէ՝ NPN-ը նաև նշել է, որ նկարահանումները կանցկացվեն Լոնդոնում, Մոնրեալում և Դուբլինում։

|

03/07/2024

Dark Horse Comics-ը հուլիսի 16-ին կթողարկի սցենարիստներ Մարկ Բերնարդինի ու Ադամ Ֆրիմանի և նկարիչ Սեբաստիան Պիրիսի Census 152-էջանոց պատկերավեպը։ Գերբնական, սարսափ ու կոմեդիա ժանրերի կոմիքսն ընթերցողին կներկայացնի նյույորքցի Լիամ Մալոունին, ով բուհը նոր ավարտած և աննպատակ ու ծույլ մեկն է, ով մի օր արձագանքում է Մարդահավաքի բյուրոի թափուր աշխատատեղի հայտարարությանը, որն առաջին հայացքից շատ քիչ բան է պահանջում՝ թակել դռներ, մի քանի հարցեր տալ, գնալ առաջ։ Սակայն Լիամը շատ շուտ կգիտակցի, որ Նյու Յորքի դռները շատ բաներ են պահում իրենց հետևում։ Վտանգավոր, գերբնական բաներ։ Պարզվում է՝ Լիամի նոր աշխատանքը պահանջում է նրանից գրանցել բոլոր դևերին, ջիներին և քաղաքում ապրող նմանատիպ այլ արարածներին։ Ինչպե՞ս կկարողանա Լիամը ողջ մնալ և միաժամանակ նաև պահպանել իր համբավը։

|

03/07/2024

Հերթական նոր կադրերը «Տերմինատոր։ Զրո» անիմե սերիալի 1-ին եթերաշրջանից։

|

03/07/2024

Նոր լուսանկարներ «Սուպերմեն» ֆիլմի՝ անցած շաբաթվա ընթացոքւմ անցկացված նկարահանումներից։

|

03/07/2024

The InSneider-ի Ջեֆ Սնայդերը հայտնում է, որ «Դեդփուլ և Կուղխ» ֆիլմի համասցենարիստ և ռեժիսոր Շոն Լևին չի նկարահանի «Վրիժառուներ 5» ֆիլմը։ Ռեժիսորի որոնումները շարունակվում են։

|

03/07/2024

Հունվարից թողարկվող, Ջո Քեյսիի և Դեն Մքդեյդի Kneel Before Zod կոմիքսը կլինի 12-մասանի մաքսիսերիա։
Գեներալ Զոդը Կրիպտոնի ամենանշանակալից հանցագործներից մեկն է, իսկ այժմ նրա իշխանության տակ է մի ամբողջ մոլորակ, որը նա պետք է ղեկավարի, սակայն ի՞նչ կլինի, երբ տիեզերքի ամենավտանգավոր անձը ստանա այն ամենն, ինչի մասին նա միշտ էր երազել։ Բնականաբար նա ավելին է ուզում ու կանգ չի առնի ամեն ինչին տիրանալու համար։

|

03/07/2024

«Դեդփուլ և Կուղխ» ֆիլմը գովազդելու նպատակով համաշխարհային շրջագայությունը մեկնարկել է։ Առաջին կանգառը՝ Շանհայ։

|

03/07/2024

Dawn of DC նախաձեռնությունն ավարտը կլինի երեկվանից մեկնարկած Absolute Power իրադարձությունը։ Չարիքի Երրորդությունը՝ բաղկացած Ամանդա Ուոլլերից, Ապահովիչից և Բրեյնիաք Թագուհուց, Ինքնասպանների Ջոկատի օգնությամբ կյանքի կկոչեն իրենց պլանը՝ բռնել ու բանտարկել բոլոր մետամարդկանց, և այժմ նրանց ճակատագիրը միմիայն հերոսների ձեռքերում է։
Ներկայացնում ենք այս ամսվա ընթացքում իրադրաձության շրջանակներում թողարկվող կոմիքսները։
● Մարկ Ուեյդի և Դեն Մորայի Absolute Power #1-ում Ապահովիչի և Բրեյնիաք Թագուհու համատեղ ուժերը թույլ են տալիս Ուոլլերին բռնել Երկրի ցանկացած մետամարդու, լինի դա սուպերհերոս, թե՝ սուպերչարագործ։ Մինչ փողոցներում քաոս է տիրում, իսկ մարդկության կարծիքը ենթարկվում է ապատեղեկատվության գրոհի, Ուոլլերը թիրախավորում է ամենահզոր հերոսներին և նրանց դաշնակիցներին, սակայն չնայած այս բարդություններին, որոնց դիմաց կանգնած են Սուպերմենը, Հրաշք Կինն ու DC-ի աշխարհի մյուս մետամարդիկ, ձևավորվում է Բեթմենի գլխավորած դիմադրությունը։
● Լեյա Ուիլյամսի և Քեյթլին Յարսկիի Absolute Power: Task Force VII #1-ը (որը 2 շաբաթը մեկ լույս տեսնող 7-մասանի մինիսերիայի առաջին համարն է) կներկայացնի իրադարձությունը չարագործների տեսանկյունից։ Չարիքի Երրորդությունը ներգրավում է Ըմեյզոյին, և միավորելով նրան Ապահովիչի տեխնոլոգիաների հետ՝ գործի դնում մետամարդկանց տապալման պլանն։ Ուոլլերի ուժերն արդեն տապալել են Սուպերմենին ու Մետրոպոլիսի մյուս հերոսներին, և այժմ նրանք թիրախավորում են Շազամին, Մերի Մարվելին ու Շազամի ընտանիքի մյուս անդամներին։ Կոմիքսում տեղի կունենա Վերջին Որդու դեբյուտը։
● Ջոն Ռիդլիի և Ալիթա Մարտինեսի Absolute Power: Origins #1-ում (որը եռամաս մինիսերիայի առաջին համարն է) կներկայացնի, թե ինչու է Ուոլլերը դեմ մետամարդկանց գոյությանը՝ բացահայտելով, թե ինչն է նրան հասցրել այդ վիճակին, թե ինչ ողբերգական կորուստ է կրել, և թե ինչպես է իր անզորությունից կերտել վրեժխնդրության ճանապարհը, որի ամեն քայլափոխին ինքն իրեն կհիշեցնի շատ կարևոր այս 2 բառերն․ «այլևս երբեք»։
● Ջոն Լեյմանի և Մաքս Ռեյնորի Absolute Power: Task Force VII #2-ում Ատլանտիդան ունի նոր ղեկավար՝ Խորքային Ռումբն, ով Ըմեյզոյի ռոբոտներից մեկն է։ Ատլանտները պետք է կա՛մ ենթարկվեն նրան, կա՛մ փորձեն տապալել՝ ռիսկի տակ դնելով իրենց կարողությունները։ Գաղտնիորեն հեղափոխություն անելու բարդ գործն ընկնում է Մերայի և ակվաընտանիքի մնացած անդամների վրա։
● Ջերեմի Ադամսի և Թրևիս Մըրսերի Absolute Power: Task Force VII #3-ում Ամերիկայի Արդարության Լիգայի անդամներին բռնելուց ու նրանց ուժերը կլանելուց հետո Ըմեյզոյի մեկ այլ ռոբոտ՝ Ժադե Քարը, չի կարողանում ազատվել Կանաչ Լապտեր Ալան Սքոթի կամքի ուժից։ Հանկարծակի ծանոթանալով ազատ կամքի գաղափարին՝ կկարողանա՞ Ժադե Քարը շարունակել կատարել Ուոլլերի հրամանները, թե՞ կփոխվի ու կանցնի հերոսների կողմը։ Իսկ մինչ այդ ԱԱԼ-ի մնացած անդամները կփորձեն փրկել իրենց թիմակիցներին ու փախչել Ճակատագրի Աշտարակից։

Վերոնշյալ կոմիքսները հիմնական այն մինիսերիաներն են, որոնցում կզարգանան կարևոր դեպքերը, սակայն ինչպես ցանկացած իրադրաձություն, այս մեկն էլ ունի իր թայ-ինները։
● Չիպ Զդարսկիի և Դենիս Քոուենի հոբելյանական Batman #150-ի առաջին պատմությունում իրենից ոչինչ չներկայացնող մի հանցագործ պատահաբար բացահայտում է Բեթմենի ինքնությունը՝ վերածվելով Գոթեմ Սիթիի ամենավտանգավոր անձնավորությանը։ Կկարողանա՞ Բեթմենը կանգնեցնել նրան, քանի դեռ ուշ չէ, սակայն ավելի կարևոր հարց է, թե արդյո՞ք նա կուզենա դա անել։ Երկրոդ պատմությունում Զդարսկին ու Մայք Հոթորնը կմիավորեն Ուոլլերից փախչող Բեթմենին ու Կատու-Կնոջը։
● Ջերեմի Ադամսի ու Մարկ Գուգենհայմի և Ֆերնանդո Փարասինի ու Մեթյու Քլարքի Green Lantern #13-ում Ուոլլերի կողմից տուժածների ցանկին է ավելանում ուժազրկված ու Երկիր վերադարձված Հել Ջորդանը։ Հելը պետք է գտնի նոր ուժի մարտկոց ու լիցքավորի այն, սակայն Թաարոսն այլ պլաններ ունի, և այժմ Կանաչ Լապտերը դառնում է մոլորակի վրա գտնվող ամենավտանգավոր այլմոլորակայինների որսը։ Կոմիքսի երկրորդ պատմությունը կներկայացնի Թաարոսի գաղտնի ծագման պատմությունը։
● Ջոշուա Ուիլյամսոնի և Ջամալ Քեմփբելի Superman #16-ում ուժազուրկ Սուպերմենը ստիպված նահանջում է Մենության Բերդ, որը վերածվել է փրկվածների գլխավոր ապաստարանի։ Վիրավոր ու ուժազուրկ կրիպտոնցին պետք է գնա շատ կարևոր ու վտանգավոր առաքելության դեպի կախարդական մի աշխարհ․ բարեբախտաբար նրա կողքին Զատաննան է։
● Թոմ Քինգի, Թոնի Ս․ Դենիելի և Բելեն Օրտեգայի Wonder Woman #11-ում Հրաշք Կինը ժամանակավորապես դադարեցնում է ճշմարտության որոնումներն ու բախվում Օպերատիվ Խումբ VII-ի ռոբոտին, որը ցանկանում է խլել ամազոնուհու ուժերը։ Կկարողանա՞ Խավար Արդարության Լիգան փրկել արքայադստերը։
● Ուիլյամսոնի և Ամանքեյ Նահուելփանի Green Arrow #14-ում Կանաչ Նետի մտերիմները որոշում են իրենց աշխարհի վրա հարձակված Ըմեյզոներին մեկընդմիշտ կանգնեցնելու համար գտնել Ըմեյզոյի արարչին՝ պրոֆեսոր Այվոյին։ Կկարողանա՞ վերջինս օգնել կանխելու Ուոլլերի պլանները։ Մինչ այս հարցը սպասում է իր պատասխանին, Այվոյին գտնելու համար որսի է դուրս գալիս նաև Օլիվեր Քվինը։

|

03/07/2024

Nexus Point News-ը հայտնում է, որ «Վրիժառուներ 5» ֆիլմի նկարահանումները կմեկնարկեն ոչ թե 2025 թ․-ի հունվարին․ ինչպես իրենք էին նշել ամիսներ առաջ, այլ՝ նույն տարվա մարտի վերջերին ու կավարտվեն ամռան վերջին, և եթե նկարահանումները նորմալ հունով ընթանան, ապա ֆիլմը կպահպանի իր պրեմիերայի օրը՝ 2026 թ․-ի մայիսի 1-ը։ NPN-ը վստահ չէ՝ արդյոք այս ֆիլմին զուգահեռ կամ նկարահանումներից անմիջապես հետո կմեկնարկեն նաև «Վրիժառուներ։ Գաղտնի Պարտեազմներ» ֆիլմի նկարահանումները, թե՝ ո՛չ։
Նշվում է, որ քանի որ ֆիլմի դերասանական կազմը շատ մեծ է լինելու, դերակատարներիից ոմանք իրենց մասնակցությամբ տեսարաններում նկարահանվելու են միանգամից ու միգուցե նաև մնացածից առանձին։ Միգուցե ոմանք նկարահանվեն մի քանի շաբաթվա ընթացքում բոլորովին մենակ՝ կանաչ և կապույտ ֆոների վրա, և հետագայում նրանց ավելացնեն ընդհանուր տեսարաններին։

|

02/07/2024

«Ակոլիտը» մինիսերիալի 5-րդ սերիայի վերջում «Քայմիրն»՝ Անծանոթն, Ուժի շնորհիվ բժշկում է Օշայի վերքը, և այդ պահին կարելի է լսել Քայլո Ռենի թեմատիկ երաժշտական մեղեդին։
Inverse-ի լրագրողը հարցրել է շոուռաներ Լեսլի Հեդլենդին, թե ինչ է դա նշանակում, ինչին նա պատասխանել է, որ առայժ չի կարող մեկնաբանել, թե ինչ կապ կա կերպարների միջև՝ հաշվի առնելով նրանց գոյությունների միջև եղած մոտ 2 դարը, սակայն մեղեդին պատահական չի հնչում․ կա կոնկրետ պատճառ, որը կբացահայտվի շուտով։
Նշեմ, որ Անթանոթն արտաքնապես շատ է նման Ռենի Ասպետների նախորդ ղեկավարին, ում կոչումը/տիտղոսը Ռեն էր, ում կրած կարմիր լուսաթուրը նույնպես ռեն էր կոչվում։ Միգուցե Անծանոթը հիմք է դնելու Ռենի Ասպետներին ու ոգեշնչելու այն անձին, ով Գալակտիկական Կայսրության վերջին տարիներին հանդես է գալու Ռենի անվան տակ:

|

02/07/2024

Ռայան Ռեյնոլդսը հրապարակել է հերթական կադրը «Դեդփուլ և Կուղխ» ֆիլմից։

|

02/07/2024

Դերասան Դեմետրիուս Գրոսը Josh Wilding Interviews-ին տված հարցազրույցում պաշտոնապես հաստատել է, որ Marvel Studios-ի կողմից թողարկվելիք, Marvel Television-ի «Հրաշք Մարդ» մինիսերիալում մարմնավորելու է գլխավոր հերոս Սայմոն Ուիլյամսի՝ Հրաշք Մարդու եղբորն՝ Էրիկին (կոմիքսներում՝ չարագործ Մռայլ Հնձվոր)։ Նրա խոսքերով՝ Սայմոնի ու Էրիկի միջև դինամիկան շատ հետաքրքիր կլինի հանդիսատեսի համար, իսկ մինիսերիալն առհասարակ կլինի շատ տարբերվող նախագիծ։

|

02/07/2024

Վրիժառուների ստեղծման 60-ամյակի առթիվ այսօրվանից վաճառքի է հանվել Marvel's Avengers: The First 60 Years 128-էջանոց գիրքը, որում մանամասնորեն ներկայացված են Վրիժառուների հետ կապված գրեթե ամեն ինչ, ինչ տեղի է ունեցել կերպարների հետ իրենց կոմիքսային գոյության 6 տասնամյակների ընթացքում։

|

02/07/2024

Լուսանկարներ «Սուպերմեն» ֆիլմի՝ անցած շաբաթվա ընթացոքւմ անցկացված նկարահանումներից լուսանկարիչ/պապարացցի On Set Unseen-ից։

|

02/07/2024

Վերջերս The Cosmic Circus-ի Ալեքս Պերեսը նշել էր, որ «Վենոմ։ Վերջին պարը» ֆիլմում կհայտնվի և/կամ կհիշատակվի Նալլը (կոմիքսներում՝ սիմբիոտների աստվածն)։
Այժմ էլ մեկ այլ ինսայդեր՝ Cryptic HD QUALITY-ն, հայտնում է, որ թեև կերպարը ֆիլմում հայտնվելու է, սակայն նրա դերը շատ փոքր է լինելու։ Իսկ թե ով է նրան մարմնավորում, դեռ հայտնի չէ։

|

02/07/2024

Empire ամսագիրը հրապարակել է նոր կադր «Տերմինատոր։ Զրո» անիմե սերիալի 1-ին եթերաշրջանից ու ներկայացրել նոր տվյալներ։
Հավատարիմ մնալով «Տերմինատոր» ֆիլմաշարի՝ սարսափ ժանրին բնորոշ տարրեր ունենալուն՝ անիմե սերիալը ևս կպարունակի նմանատիպ տարրեր, սակայն այն նաև հագեցած կլինի վախի մթնոլորտով և «բադի-օրորի» (body horror) կամ մարմնային սարսափի տարրերով, որոնցով հարուստ էր հատկապես 1-ին ֆիլմը՝ «Տերմինատորը»։ Քանի որ նախագիծը ստեղծված է ճապոնական անիմե ստուդիայի և ճապոնացի ռեժիսոր Մասասի Կուդոյի կողմից, իսկ դեպքերը ծավալվում են 1997 թ․-ի Ճապոնիայում, կլինեն նաև ճապոնական սարսափի (այսպես կոչված J-Horror-ի) բնորոշ տեսարաններ։
Խոսելով այս նոր տերմինատորի մասին, որին հնչյունավորել է Թիմոթի Օլիֆանթը՝ հեղինակ և սցենարիստ Մեթսոն Թոմլինը նշել է, որ նա վախենալու կերպար է, ում ոչ ոք չի ցանկանա տեսնել դրսում մութ ժամերին։ Անդրադառնալով նրա դեմ պայքարող, ապագայից անցյալ ժամանած զինվոր Էյկոյին՝ Թոմլինը նշել է, որ կերպարն, ով կապահովի նախագծի էմոցիոնալ տարրերը, ոգեշնչված է Քայլ Ռիզով։ Հերոսուհու շարժառիթները սկզբում մոխրագույն, այսինքն՝ ո՛չ լավ ու ո՛չ վատ կթվան, սակայն պատճառն այն է, որ նա շատ կարևոր մի բան է թաքցնում, և երբ դրա էությունը բացահայտվի, հանդիսատեսն ավելի քան ցնցված կլինի։

|

02/07/2024

Լուսանկարներ ու տեսագրություն «Սուպերմեն» ֆիլմի՝ հունիսի 27-ին անցկացված նկարահանումներից։ Նկարահանման հրապարակում Միստր Ահարկուի դերակատար Էդի Գաթեգին է։ Կարծես թե նկարահանվող տեսարանում հայտնվելու է Սուպերմենի շունը՝ Կրիպտոն։
Եվս մեկ հետաքրքիր բան․ հերոսի կոստյումին կարելի է նկատել Մաքսվել Լորդի «Լորդթեք»-ի լոգոտիպը․․․
https://x.com/clevelanddotcom/status/1806420048917197157

|

02/07/2024

Entertainment Weekly-ն հրապարակել է լուսանկար «Դեդփուլ և Կուղխ» ֆիլմի նկարահանումներից։

|

02/07/2024

Empire ամսագիրը հրապարակել է նոր կադր Prime Video-ի «Բեթմեն՝ թիկնոցով խաչակիր» մուլտսերիալի 1-ին եթերաշրջանից ու ներկայացրել նոր տվյալներ։
Ըստ մուլտսերիալի հեղինակ Բրյուս Թիմի՝ նախագիծը կներկայացնի Բեթմենի գործունեության ամենավաղ շրջաններից մեկը․ խավար ասպետը գործում է ընդամենը մի քանի շաբաթ ու շատերի կողմից համարվում է պարզապես քաղաքային լեգենդ։

|

02/07/2024

Ըստ նոր տվյալների՝ «Դեդփուլ և Կուղխ» ֆիլմի տևողությունը կկազմի 2 ժամ 8 րոպե։

|